ഇരിങ്ങാലക്കുട-വൃക്ക ദാനം ചെയ്ത് കൊണ്ട് കാരുണ്യത്തിന്റെ മാതൃക കാണിച്ച സി റോസ് ആന്റോയെ സെന്റ് ജോസഫ് കോളേജ് ഹിന്ദി വിഭാഗം ആദരിച്ചു.പ്രിന്‍സിപ്പല്‍ ഡോ .സി ഇസബെല്‍ അധ്യക്ഷയായ ചടങ്ങില്‍ ക്രൈസ്റ്റ് കോളേജ് ഹിന്ദി വിഭാഗം റിട്ടയേഡ് പ്രൊഫ.കെ കെ ചാക്കോ മുഖ്യാതിഥിയായിരുന്നു.ചടങ്ങില്‍ സുമിന എം എസ് (ഹിസ്റ്ററി വിഭാഗം മേധാവി ),ദ്യശ്യ കെ കെ ,അനീറ്റ അലക്‌സാണ്ടര്‍ ,ഡോ ലിസമ്മ ജോണ്‍ എന്നിവര്‍ സംസാരിച്ചു
ഇരിങ്ങാലക്കുട : നെടുമ്പാള്‍ കരുണ ചാരിറ്റബിള്‍ സര്‍വ്വീസസിന്റെ രണ്ടാം വാര്‍ഷികം ഇരിങ്ങാലക്കുട പ്രോവിഡന്‍സ് ഹൗസില്‍ ആഘോഷിച്ചു.മുന്‍ചീഫ് വിപ്പ് തോമസ് ഉണ്ണിയാടന്‍ വാര്‍ഷികം ഉദ്ഘാടനം നിര്‍വഹിച്ചു.എം എല്‍ എ പ്രൊഫ.കെ യു അരുണന്‍ സമ്മാനദാനം നിര്‍വഹിച്ചു.കരുണ ചാരിറ്റമ്പിള്‍ പ്രസിഡന്റ് ജോസഫ് മൂര്‍ക്കാട്ടുകാരന്‍ അദ്ധ്യക്ഷത വഹിച്ച യോഗത്തില്‍ സേവനശ്രേഷ്ഠ അവാര്‍ഡിനര്‍ഹനായ പര്‍പ്പൂക്കര പഞ്ചായത്ത് 17-ാം വാര്‍ഡ് മെമ്പര്‍ എ എന്‍ പ്രശാന്തിനെ ചടങ്ങില്‍ ആദരിച്ചു.പിന്നണി ഗായകന്‍ ഫ്രാങ്കോ സൈമന്‍,ജില്ലാ പഞ്ചായത്തംഗം ടി ജി ശങ്കരനാരായണന്‍,ജീന്‍സ് എം ജോസ്,ഫാ.ജോണ്‍ കവലക്കാട്ട്,സി.ടെസ്സി ജേക്കബ് എന്നിവര്‍ പ്രസംഗിച്ചു.ചടങ്ങില്‍ ശാന്തി സദനത്തിലെയും പ്രൊവിഡന്‍സ് ഹൗസിലെയും അംഗങ്ങള്‍ക്ക് വസ്ത്ര വിതരണവും എസ് എസ് എല്‍ സി പരിക്ഷയില്‍ ഉന്നതവിജയം കരസ്ഥമാക്കിയവരെ ആദരിക്കുകയും ചെയ്തു.
പട്ടേപ്പാടം:പട്ടേപ്പാടം മഹല്ല് ഇര്‍ഷാദ്ദുല്‍ ഇസ്ലാം മദ്രസയില്‍ പ്രവേശനോത്സവവും, മഹല്ല് അംഗങ്ങളില്‍ എസ് എസ് എല്‍ സി , പ്ലസ്ടു പരീക്ഷകളില്‍ ഫുള്‍ എ പ്ലസ് നേടിയ വിദ്യാര്‍ത്ഥികള്‍ക്ക് അനുമോദനങ്ങള്‍ നല്കുകയും ചെയ്തു. മഹല്ല് ഖത്തീബ് അനസ് നദവി ഉദ്ഘാടനം ചെയ്തു. മഹല്ല് പ്രസിഡന്റ് സിദ്ധിക്ക് ഹാജി അധ്യക്ഷത വഹിച്ചു. മഹല്ല് സെക്രട്ടറി ഇബ്രാഹിം വടക്കന്‍, ഷുക്കൂര്‍ റഹ്മാനി, അബ്ദുള്‍ കരിം മൗലവി, അബ്ദുള്‍ ഗഫൂര്‍ മൗലവി, സെയ്തു മുഹമ്മദ് ഹാജി, ബഷീര്‍. എം എ തുടങ്ങിയവര്‍ സംസാരിച്ചു. മഹല്ല് പ്രസിഡന്റ് സിദ്ധിക്ക് ഹാജി വിജയികള്‍ക്ക് ക്യാഷ് പ്രൈസ്സും ട്രോഫിയും വിതരണം നടത്തി..
മാപ്രാണം : കാറളം പഞ്ചായത്തിലെ വെള്ളാനിയിലുള്ള 65-ാം നമ്പര്‍ അംഗനവാടിയിലെ താല്‍ക്കാലിക ഹെല്‍പ്പര്‍ നിയമനത്തില്‍ അട്ടിമറി നടത്തിയെന്നാരോപിച്ച് സി പി ഐ കാറളം ലോക്കല്‍ കമ്മിറ്റിയുടെ നേതൃത്വത്തില്‍ മാപ്രണത്തുള്ള ശിശുവികസന പദ്ധതി ഓഫീസറുടെ കാര്യലയത്തിലേയ്ക്ക് മാര്‍ച്ചും ധര്‍ണ്ണയും നടത്തി.മോണിറ്ററിംങ്ങ് കമ്മിറ്റിയുടെ നിര്‍ദ്ദേശപ്രകാരം ശിശുവികസന പദ്ധതി ഓഫീസര്‍ പ്രദേശത്തെ ഒരു വനിതയ്ക്ക് നിയമനം നല്കുകയും ഒരു ദിവസം ജോലിയ്ക്ക് ഹാജരാവുകയും ചെയ്തതാണെന്നും എന്നാല്‍ രണ്ടാമത്തെ ദിവസം പ്രദേശത്തെ മറ്റൊരു വിഭാഗം നാട്ടുക്കാര്‍ നിയമനം ലഭിച്ച സ്ത്രിയെ ജോലിയ്ക്ക് കയറ്റാതെ തടയുകയും ഉന്നത അധികാരികളുടെ ഇടപെടലില്‍ മറ്റൊരാള്‍ക്ക് ജോലി നല്‍കാന്‍ ശ്രമിക്കുന്നുവെന്നാരോപിച്ചാണ് സമരം സംഘടിപ്പിച്ചത്.സി പി ഐ ജില്ലാ എക്‌സിക്യൂട്ടിവ് അംഗം ടി കെ സുധീഷ് ധര്‍ണ്ണ ഉദ്ഘാടനം ചെയ്തു.ജില്ലാ പഞ്ചായത്തംഗം എന്‍ കെ ഉദയപ്രകാശ്,റഷീദാ കാറളം,അംബിക സുഭാഷ്,പ്രമീള ദാസ്,എ എന്‍ രാജീവ്,ബിജു കാറളം,എം യു സുനില്‍ എന്നിവര്‍ നേതൃത്വം നല്‍കി.
ആലപ്പാട്ട് ചിറ്റിലപ്പിള്ളി വീട്ടില്‍ ജോസഫ് മകന്‍ ആന്റണി (83) നിര്യാത്യനായി.സംസ്‌ക്കാരകര്‍മ്മം 26-06-2018 ചൊവ്വാഴ്ച രാവിലെ 10.30 ന് ഇരിങ്ങാലക്കുട സെന്റ് തോമസ് കത്ത്രീഡ്രല്‍ സെമിത്തേരിയില്‍ .
മക്കള്‍-സിസ്റ്റര്‍ ലൈസ,സാജു സി എ ,ഷീജ ,മിന്ന
മരുമക്കള്‍- റിന്റ,പോള്‍സണ്‍,ഷാജി
ഇരിങ്ങാലക്കുട :പൊതു വിദ്യാഭ്യാസം സംരക്ഷിക്കുന്നതിന്റെ ഭാഗമായി ഇരിങ്ങാലക്കുട ഗവ .ഗേള്‍സ് വൊക്കേഷണല്‍ ഹയര്‍ സെക്കന്ററി സ്കൂളിലെ ഓള്‍ഡ് സ്റ്റുഡന്റ് അസോസിയേഷന്റെ നേതൃത്വത്തില്‍ രണ്ട് ക്ലാസ് റൂമുകള്‍ ഹൈടെക് ആക്കുകയും അതില്‍ ഒരെണ്ണം ശീതീകരിക്കുകയും ചെയ്തതിന്റെ ഉദ്ഘാടനം ചാലക്കുടി എം പി യായ ടി വി ഇന്നസെന്റ് നിര്‍വഹിച്ചു.രണ്ട് ലക്ഷത്തി ഇരുപത്തി അയ്യായിരം രൂപ ചിലവഴിച്ചാണ് നിര്‍മ്മാണം പൂര്‍ത്തികരിച്ചത്.ഈ കാലഘട്ടത്തിലെ ആവശ്യത്തിനനുസരിച്ച് ഈ വിദ്യാലയത്തെ മുന്‍പന്തിയിലേക്ക് കൊണ്ട് വരിക എന്ന ലക്ഷ്യം വച്ച് കൊണ്ടാണ് പൂര്‍വ്വ വിദ്യാര്‍ത്ഥികള്‍ ഈ പ്രവര്‍ത്തി ചെയ്തത് . .ഇരിങ്ങാലക്കുട മുന്‍സിപ്പല്‍ ചെയര്‍പേഴ്സണ്‍ നിമ്യ ഷിജു മുഖ്യ പ്രഭാഷണം നടത്തി .ഓള്‍ഡ് സ്റ്റുഡന്റ് അസോസിയേഷന്‍ പ്രസിഡന്റ് പ്രൊഫ ഇ എച്ച് ദേവി അധ്യക്ഷത വഹിച്ചു .കൗണ്‍സിലര്‍ സോണിയ ഗിരി,പ്രൊഫ ഇ എച്ച് ദേവി ,മായാദേവി ,അംബിക ,ഗിരിജ,കോര്‍ഡിനേറ്റര്‍ സി എസ് അബ്ദുള്‍ ഹഖ് എന്നിവര്‍ സംസാരിച്ചു.
ഇരിങ്ങാലക്കുട: പയ്യാറ്റില്‍ ലക്ഷ്മിക്കുട്ടിയമ്മ (86) അന്തരിച്ചു. ഭര്‍ത്താവ്: പരേതനായ ചന്ദ്രശേഖരന്‍പിള്ള. മക്കള്‍: വിശ്വനാഥ്, ചന്ദ്രിക, പീതാംബരന്‍, വിജയകുമാരി, പരമേശ്വരന്‍, വിജയകുമാര്‍, അനിതകുമാരി, പരേതയായ രമണി. മരുമക്കള്‍: പരേതനായ വിശ്വനാഥന്‍, ചന്ദ്രിക, വിജയകുമാരി. ശവസംസ്‌കാരം തിങ്കളാഴ്ച പാറമേക്കാവ് ശാന്തിഘട്ടില്‍ നടക്കും.
ആനത്തടം-ആനത്തടം സെ.തോമാസ് ദൈവാലയത്തില്‍ ഇടവക മദ്ധ്യസ്ഥനായ വി തോമാശ്ലീഹായുടെ ദുക്‌റാന തിരുന്നാള്‍ ജൂണ്‍ 24 മുതല്‍ ജൂലൈ 3 വരെ ആഘോഷിക്കും.തിരുന്നാള്‍ ദിനമായ ജൂലൈ 3 ന് രാവിലെ 10 ന് നടക്കുന്ന ആഘോഷമായ തിരുന്നാള്‍ കുര്‍ബ്ബാനക്ക് റവ ഫാ ടോംസ് കളപുരക്കല്‍ മുഖ്യകാര്‍മ്മികത്വം വഹിക്കും .തിരുന്നാള്‍ സന്ദേശം റവ ഫാ.ജോണ്‍ പാലിതോട്ടം എസ് ഡി ബി നല്‍കും.റവ .ഫാ .സനീഷ് മുളങ്കുന്നത്ത് ഐ എസ് സി എച്ച് സഹകാര്‍മ്മികത്വം വഹിക്കും.ആഘോഷമായ വി കുര്‍ബാനക്ക് ശേഷം നേര്‍ച്ച പായസം വെഞ്ചിരിപ്പും തിരുന്നാള്‍ പ്രദക്ഷിണവും ഉണ്ടായിരിക്കും .തിരുന്നാളിന്റെ സുഗമമായ നടത്തിപ്പിനായി വികാരി ഫാ.മനോജ് മേക്കാടത്ത് ,കൈക്കാരന്‍മാര്‍ ആടലാടി ഫ്രാന്‍സിസ് പീറ്റര്‍ ,വിതയത്തില്‍ തോമന്‍ തോമസ് ,മാടവന ജോസഫ് ജോസ് ,ജനറല്‍ കണ്‍വീനര്‍ ചുങ്കത്ത് ജോര്‍ജ്ജ് വര്‍ഗ്ഗീസ് എന്നിവരുടെ നേതൃത്വത്തില്‍ വിപുലമായ കമ്മിറ്റികള്‍ പ്രവര്‍ത്തിച്ചു വരുന്നു
പൊള്ളാച്ചി:ഇന്ന് പുലര്‍ച്ചെ പൊള്ളാച്ചിയില്‍ നടന്ന കാര്‍ അപകടത്തില്‍ ഇരിങ്ങാലക്കുട സ്വദേശി അടക്കം മൂന്ന് പേര്‍ മരിച്ചു.ജോണ്‍ പോള്‍, ജോബി തോമസ്, സിജി എന്നിവരാണ് മരിച്ചത്.
ഇരിങ്ങാലക്കുട ഈസ്റ്റ് കോമ്പാറ മുരിങ്ങത്തുപറമ്പില്‍ ജോണ്‍ പോള്‍ ( 33) ആണ് മരിച്ചത് . കൂട്ടുകാരുമൊത്ത് വാല്‍പ്പാറയ്ക്ക് വിനോദയാത്ര പോയി തിരിച്ചു വരുന്നതിനിടെയാണ് അപകടം. പൊള്ളാച്ചി ആനമല പോലീസ് ലിമിറ്റ് ഗോവിന്ദാപുരം ചെക്ക് പോസ്റ്റിനു സമീപം ഗണപതി പാളയത്തില്‍ വച്ചായിരുന്നു അപകടം. ബൈക്കുമായി ഇടിച്ചതിനെ തുടര്‍ന്ന് നിയന്ത്രണം വിട്ട കാര്‍ മറിയുകയായിരുന്നു.
കൂടെയുണ്ടായിരുന്ന പൊക്കന്‍ ജോര്‍ജിന്റെ മകന്‍ ജോണിന്റെ കൈക്കാലുകള്‍ക്ക് പരുക്കേറ്റു
ഇരിങ്ങാലക്കുട: മികച്ച സേവനത്തിനുള്ള സതേണ്‍ റെയില്‍വേ ചെന്നൈ പ്രിന്‍സിപ്പല്‍ ചീഫ് കമേഴ്‌സ്യല്‍ മാനേജരുടെ 2017-18 വര്‍ഷത്തെ അവാര്‍ഡിന് അര്‍ഹനായ ടി.ശിവകുമാറിനെ മുന്‍ സര്‍ക്കാര്‍ ചീഫ് വിപ്പ് തോമസ് ഉണ്ണിയാടന്‍ അനുമോദിച്ചു.ഇരിങ്ങാലക്കുട റെയില്‍വേ സ്റ്റേഷനിലെ ചീഫ് റിസര്‍വേഷന്‍ സൂപ്പര്‍വൈസറാണ് ശിവകുമാര്‍.മികച്ച സേവനത്തിന് പതിനഞ്ചോളം പുരസ്‌ക്കാരങ്ങള്‍ നേടിയിട്ടുള്ള ഇദേഹം തുടര്‍ച്ചയായ മൂന്നാം തവണയാണ് ഈ പുരസ്‌കാരത്തിന് അര്‍ഹനാകുന്നത്.
പുല്ലൂര്‍- പുല്ലൂരില്‍ ജീപ്പും കാറും കൂട്ടിയിടിച്ച് അപകടം .ചാലക്കുടി നിന്ന് വരികയായിരുന്ന കാറും ഇരിങ്ങാലക്കുട ഭാഗത്തു നിന്നും വരികയായിരുന്ന മനാഫ് സൗണ്ട്‌സിന്റെ ജീപ്പും ആണ് പുല്ലൂര്‍ പള്ളിയുടെ ഭാഗത്തു വച്ച് കൂട്ടിയിടിച്ചത് .ഗുരുതരമായ പരിക്കുകള്‍ ആര്‍ക്കും തന്നെയില്ല.
ഇരിങ്ങാലക്കുട: കാട്ടൂരില്‍ നിന്നും എക്സൈസ് സംഘം കഞ്ചാവും പരുന്തിന്‍ നഖവും പിടികൂടി. കാട്ടൂര്‍ പണിക്കര്‍ മൂലയില്‍ നവക്കോട്ട് വീട്ടില്‍ സനൂപ്(22) ന്റെ ഡ്യൂക്ക് ബൈക്കിലും 
വീട്ടിലുമായി സൂക്ഷിച്ചിരുന്ന 200 ഗ്രാം കഞ്ചാവ്, ഒ.സി.ബി. പേപ്പര്‍, രണ്ട് പരുന്തിന്‍ നഖം എന്നിവയാണ് എക്സൈസ് ഇന്‍സ്പക്ടര്‍ വിനോദ് എം.ഒ.യു സംഘവും പിടികൂടിയത്. ഇന്ത്യന്‍ ഫോറസ്റ്റ് നിയമപ്രകാരം പരുന്തിന്‍ നഖം കൈവശം വയ്ക്കുന്നത് ജാമ്യമില്ലാത്ത കുറ്റമാണ്. വിദ്യാര്‍ത്ഥികല്‍ക്ക് പാക്കറ്റുകളിലാക്കി കഞ്ചാവ് വില്‍പ്പന നടത്തിയാണ് ഇയാള്‍ ആര്‍ഭാടജീവിതം നയിക്കാനുള്ള പൈസ കണ്ടെത്തുന്നതെന്ന് എക്സൈസ് സംഘം പറഞ്ഞു. ഇയാള്‍ക്കെതിരെ വേറേയും കേസുകളുണ്ടെന്നും അവര്‍ കൂട്ടിച്ചേര്‍ത്തു. അസി. എക്സൈസ് ഇന്‍സ്പക്ടര്‍ അനില്‍കുമാര്‍ കെ.ആര്‍., പ്രിവന്റീവ് ഓഫീസര്‍ അനുകുമാര്‍ പി.ആര്‍., സിവില്‍ എക്സൈസ് ഓഫീസര്‍ ഗോവിന്ദന്‍ പി.എ., സരസന്‍ എ.എസ്., അനീഷ് കെ.എ., വനിത സിവില്‍ എക്സൈസ് ഓഫീസര്‍ പിങ്കി മോഹന്‍ദാസ് എന്നിവരും സംഘത്തിലുണ്ടായിരുന്നു.
മുരിയാട്:മുരിയാട് ഗ്രാമപഞ്ചായത്തിലെ എസ് എസ് എല്‍ സി പ്ലസ് ടു ഫുള്‍ എ പ്ലസ് കരസ്ഥമാക്കിയ വിദ്യാര്‍ത്ഥികളേയും എം സി എ ഫസ്റ്റ് റാങ്ക് വാങ്ങിയ വിദ്യാര്‍ത്ഥിയേയും പഞ്ചായത്തിന്റെ ഗ്രീന്‍ പ്രോട്ടോകോള്‍ നടപ്പിലാക്കിയ ആനന്ദപുരം പള്ളിയേയും നൂറ് ശതമാനം വിജയം കരസ്ഥമാക്കിയ ആനന്ദ പുരം ശ്രീ കൃഷ്ണ ഹൈസ്‌കൂളിനേയും ആനനപുരം സെന്റ് ജോസഫ് സ്‌കൂളിനേയും ഹരിത വിദ്യാലയത്തിന് അവാര്‍ഡ് ലഭിച്ച ആനന്ദപുരം സ്‌ക്കൂളിനേയും മികച്ച അംഗന്‍വാടിക്ക് അവാര്‍ഡ് ലഭിച്ച 81-ാം നമ്പര്‍ അംഗന്‍വാടി ടീച്ചര്‍ക്കും അനുമോദനങ്ങള്‍ നല്‍കുന്ന ചടങ്ങും ബോധവല്‍ക്കരണകരണ ക്ലാസ്സും ഐ എ എസ് ജേതാവ് ഹരി കള്ളിക്കാട്ട് ഉദ്ഘാടനം ചെയ്തു. വൈസ് പ്രസിഡണ്ട് ഷാജു വെളിയത്ത് ബ്ലോക്ക് വൈസ് പ്രസിഡണ്ട് നളിനി ബാലകൃഷ്ണന്‍ വികസന കാര്യ സ്റ്റാന്റിംഗ് കമ്മിറ്റി ചെയര്‍മാന്‍ അജിത രാജന്‍ ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ കെ.പി പ്രശാന്ത് എന്നിവര്‍ സമ്മാനദാനവും പഞ്ചായത്തംഗങ്ങളായ മോളി ജേക്കബ്, വത്സന്‍ TV, ജസ്റ്റില്‍ ജോര്‍ജ് കോരുക്കുട്ടി, തോമസ് തൊകലത്ത് ,സിന്ധു നാരായണന്‍കുട്ടി, എന്നിവര്‍ ആശംസകളും പഞ്ചായത്തു പ്രസിഡണ്ട് സരളവിക്രമന്‍ അദ്ധ്യക്ഷ പദവും ആരോഗ്യ വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ ഗംഗാദേവി സുനില്‍ നന്ദിയും നിര്‍വ്വഹിച്ചു
ചേലൂര്‍ : ചേലൂര്‍ കള്ള് ഷാപ്പിന് സമീപം ശനിയാഴ്ച്ച രാത്രി 10 മണിയോടെയാണ് അപകടം നടന്നത്.ഇരിങ്ങാലക്കുട ഭാഗത്ത് നിന്ന് വരുകയായിരുന്ന കാര്‍ നിയന്ത്രണം നഷ്ടപ്പെട്ട് ചെരുപ്പ് കടയുടെ മതിലില്‍ ഇടിക്കുകയായിരുന്നു. അപകടത്തില്‍ മാന്ത്ര പോള്‍ എന്ന വ്യക്തിയുടെ കടയുടെ ഗേയ്റ്റും മതിലും തകര്‍ന്നു. പടിയൂര്‍ സ്വദേശികളായ യുവാക്കളാണ് കാറിലുണ്ടായിരുന്നത്. അപകടത്തില്‍ ആര്‍ക്കും പരിക്കേറ്റിട്ടില്ല.
ഇരിങ്ങാലക്കുട : വിഷന്‍ ഇരിങ്ങാലക്കുടയുടെ നേതൃത്വത്തില്‍ ജൂണ്‍ 3 മുതല്‍ അനുബദ്ധപരിപാടികളും ജൂണ്‍ 15 മുതല്‍ കാര്‍ഷിക പ്രദര്‍ശനങ്ങളും സെമിനാറുകളും പരിശീലനപരിപാടികളുമായി ഇരിങ്ങാലക്കുട ടൗണ്‍ ഹാളില്‍ അരങ്ങേറിയ ഞാറ്റുവേല മഹോത്സവത്തിന് കൊടിയിറങ്ങി.കാത്തലിക് സെന്റര്‍ അഡ്മിനിസ്‌ട്രേറ്റര്‍ ഫാ.ജോണ്‍ പാലിയേക്കര സമാപന സമ്മേളനം ഉദ്ഘാടനം ചെയ്തു.പ്രൊഫ.സാവിത്രി ലക്ഷ്മണന്‍ ഉപഹാര സമര്‍പ്പണം നടത്തി.ജ്യോതിസ് കോളേജ് പ്രിന്‍സിപ്പാള്‍ എ എം വര്‍ഗ്ഗീസ്,വിഷന്‍ ഇരിങ്ങാലക്കുട ചെയര്‍മാന്‍ ജോസ് ജെ ചിറ്റിലപ്പിള്ളി,കോഡിനേറ്റര്‍മാര്‍ ഹുസൈന്‍ എം എ,എം എന്‍ തമ്പാന്‍,പ്രൊഫ.ആര്‍ ജയറാം,ബാലകൃഷ്ണന്‍ അഞ്ചത്ത്,സി.റോസ് ആന്റോ തുടങ്ങിയവര്‍ സംസാരിച്ചു.
ഇരിങ്ങാലക്കുട:2017-2018 വര്‍ഷത്തെ മികച്ച സേവനത്തിനുള്ള സതേണ്‍ റെയില്‍വെ ചെന്നൈ പ്രിന്‍സിപ്പല്‍ ചീഫ് കമ്മേഴ്ഷ്യല്‍ മാനേജരുടെ അവാര്‍ഡിന് ഇരിങ്ങാലക്കുട റെയില്‍വെ സ്റ്റേഷന്‍ ചീഫ് റിസര്‍വേഷന്‍ സൂപ്പര്‍വൈസര്‍ ടി .ശിവകുമാര്‍ അര്‍ഹനായി .തുടര്‍ച്ചയായി മൂന്നാം വര്‍ഷമാണ് ഈ ആവാര്‍ഡിന് ഇദ്ദേഹം അര്‍ഹനാകുന്നത് .അവിട്ടത്തൂര്‍ തെക്കാട്ട് കുടുംബാംഗമാണ്‌
ഇരിങ്ങാലക്കുട: കെ എസ് ഇ ലിമിറ്റഡ് എംപ്ലോയീസ് വെല്‍ഫെയര്‍ ട്രസ്ററിന്റെ കീഴില്‍ എസ് എസ് എല്‍ സി -പ്ലസ് ടു പരീക്ഷകളില്‍ ഉന്നതവിജയം കരസ്ഥമാക്കിയ മെമ്പര്‍മാരുടെ മക്കള്‍ക്കുള്ള സ്‌കോളര്‍ഷിപ്പും എസ് എസ് എല്‍ സി പരീക്ഷയില്‍ ഉന്നത വിജയം കരസ്ഥമാക്കിയ ജീവനക്കാരുടെ മക്കള്‍ക്കുള്ള ആനന്ദ് മേനോന്‍ (ചീഫ് ജനറല്‍ മാനേജര്‍ ,റിട്ടയേര്‍ഡ്)എന്‍ഡോവ്‌മെന്റ് സ്‌കോളര്‍ഷിപ്പും നല്‍കി ആദരിച്ചു.ട്രസ്റ്റ് ചെയര്‍മാനും ചീഫ് ഫൈനാന്‍ഷ്യല്‍ ഓഫീസര്‍ ആന്റ് കമ്പനി സെക്രട്ടറിയുമായ ആര്‍ .ശങ്കരനാരായണന്റെ അദ്ധ്യക്ഷതയില്‍ ചേര്‍ന്ന യോഗത്തില്‍ കമ്പനി മാനേജിംഗ് ഡയറക്ടര്‍ എ പി ജോര്‍ജ്ജ് ,ആനന്ദ് മേനോന്‍ (ചീഫ് ജനറല്‍ മാനേജര്‍ റിട്ടയേര്‍ഡ് )എന്നിവര്‍ 28 വിദ്യാര്‍ത്ഥി വിദ്യാര്‍ത്ഥിനികള്‍ക്ക് സ്‌കോളര്‍ഷിപ്പുകള്‍ വിതരണം ചെയ്തു.ട്രസ്റ്റ് സെക്രട്ടറി കെ എം സന്തോഷ് സ്വാഗതം പറഞ്ഞു.കമ്പനി എക്‌സിക്യൂട്ടീവ് ഡയറക്ടര്‍ എം പി ജാക്‌സന്‍ ,ഡെപ്യൂട്ടി ജനറല്‍ മാനേജര്‍ (ഓപ്പറേഷന്‍സ് ) അനില്‍ എം എന്നിവര്‍ ആശംസകള്‍ അര്‍പ്പിച്ച യോഗത്തില്‍ അജി എം എല്‍ നന്ദി പ്രകാശിപ്പിച്ചു
മാപ്രാണം: തൂണിലും തുരുമ്പിലും മാത്രമല്ല പെന്‍സില്‍ തുമ്പിലും ലോകകകപ്പ് ഫുട്‌ബോള്‍ വിസ്മയങ്ങള്‍ വിരിയുകയാണ്.പെന്‍സില്‍ കാര്‍വിംഗില്‍ വേറിട്ട കാഴ്ചകള്‍ സമ്മാനിക്കുന്ന ഇരിങ്ങാലക്കുട മാപ്രാണം ചാലിശേരി വീട്ടില്‍ ലോനപ്പന്‍ മകന്‍ ഷാന്റോ ലോകകപ്പ് പ്രമാണിച്ച് പെന്‍സില്‍ തുമ്പില്‍ ലോകകപ്പിന്റെ മാതൃകയാണ് മെനഞ്ഞെടുത്തത്. കപ്പിന് നിറം കൂടി കൊടുത്തതോടെ സംഗതി ഉഷാറായി.ഇത്തരത്തില്‍ നിരവധി പെന്‍സില്‍ കാര്‍വിംഗുകളും കൊത്തുപണികളും ഷാന്റോ തീര്‍ത്തിട്ടുണ്ട്. ഇന്റീരിയര്‍ ഡിസൈനറാണ് ഷാന്റോ.വലിയൊരു ലോകകപ്പിനു മുകളില്‍ ചെറിയൊരു ലോകകപ്പും പെന്‍സിലില്‍ ഷാന്റോ മെനഞ്ഞിട്ടുണ്ട്. വുഡിലും ലെഡിലും തീര്‍ത്ത ഈ വിസ്മയത്തിന് ഒന്‍പത് എംഎം മാത്രമാണ് വലിപ്പം.
മുരിയാട് : വീടിനു ചുറ്റും മണ്ണെടുത്തതിനെ തുടര്‍ന്നു വീട് തുരുത്തിലായി. പട്ടികജാതി കുടുംബം വീട്ടിലേക്കു വഴിയില്ലാതെ ദുരിതത്തില്‍. മുരിയാട് എയുപി സ്‌കൂള്‍ റോഡില്‍ റെയില്‍വേ ഗേറ്റിനടുത്ത് ആനക്കല്ലില്‍ ചന്ദ്രനും കുടുംബവുമാണു മണ്ണെടുപ്പുമൂലം പെരുവഴിയിലായത്. ചന്ദ്രന്റെ വീടിരിക്കുന്ന മൂന്നു സെന്റിന് ചുറ്റിലും മൂന്നു വശത്തുനിന്ന് 20 അടി താഴ്ചയിലും മുന്‍പില്‍നിന്ന് എട്ട് അടിയോളം താഴ്ചയിലുമാണു മണ്ണെടുത്തിരിക്കുന്നത്.രണ്ടു വര്‍ഷംകൊണ്ടു പതിനായിരക്കണക്കിന് ലോഡ് മണ്ണാണ് ഇവിടെനിന്ന് എടുത്തതെന്നു പറയുന്നു. പ്രദേശത്തെ ചില പൊതുപ്രവര്‍ത്തകര്‍ ഇതിനു കൂട്ടുനിന്നതായും ഈ കുടുംബം പറയുന്നു. അസുഖബാധിതനായ ചന്ദ്രനും ഭാര്യ സൗദാമിനിയും വിദ്യാര്‍ഥിനികളായ രണ്ടു പെണ്‍മക്കളുമാണ് ഇപ്പോള്‍ വീട്ടിലുള്ളത്. മകളുടെ ചികില്‍സയുടെ ഭാഗമായി സൗദാമിനിയുടെ കുടുംബവീട്ടിലേക്കു താമസം മാറിയ സമയത്താണു മണ്ണെടുപ്പ് നടന്നത്. വീട്ടില്‍ താമസമാകുമ്പോള്‍ വഴി നല്‍കാമെന്നാണു മണ്ണെടുപ്പ് നടന്ന സ്ഥലത്തിന്റെ ഉടമ പറഞ്ഞിരിക്കുന്നത്. എന്നാല്‍, ഈ സ്ഥലം മുരിയാട് സഹകരണ ബാങ്കിനു വിറ്റെന്നു പറഞ്ഞു കയ്യൊഴിയുകയാണിപ്പോള്‍. ചന്ദ്രന്റെ സ്ഥലം വാങ്ങാന്‍ സഹകരണ ബാങ്ക് തയാറാണ്.പക്ഷേ, വീട് വിറ്റാല്‍ തങ്ങളെങ്ങോട്ടു പോകുമെന്ന് ഈ കുടുംബത്തിന് ഒരു ധാരണയുമില്ല. മാത്രമല്ല, പട്ടികജാതി-വര്‍ഗ പുനരധിവാസ പദ്ധതിയില്‍ ഉള്‍പ്പെടുത്തി ഇരിങ്ങാലക്കുട ബ്ലോക്കില്‍നിന്നു ലഭിച്ച ധനസഹായം ഉപയോഗിച്ചു വാങ്ങിയ സ്ഥലമായതിനാല്‍ വില്‍പനയും എളുപ്പമല്ല. 2000ല്‍ ആണ് ഇവര്‍ ഈ സ്ഥലം വാങ്ങിയത്. സ്വകാര്യ സ്ഥാപനത്തില്‍ ജോലിചെയ്യുന്ന സൗദാമിനിയുടെ തുച്ഛ വരുമാനമാണ് ഈ കുടുംബത്തിന്റെ ഏക ആശ്രയം. നിത്യവൃത്തിക്കുതന്നെ ബുദ്ധിമുട്ടുന്നതിനിടയിലാണ് വീടും ഇവര്‍ക്കു നഷ്ടമാകുന്നത്. വീട്ടിലേക്കു കയറാന്‍ വയ്യാത്ത സ്ഥിതിയായതിനാല്‍ സൗദാമിനിയുടെ വീട്ടിലാണ് ഇവര്‍ കഴിയുന്നത്. വീട്ടിലേക്കു വഴി ലഭ്യമാക്കണമെന്നും അനധികൃത മണ്ണെടുപ്പ് നടത്തിയവര്‍ക്കെതിരെ നടപടി സ്വീകരിക്കണമെന്നും ആവശ്യപ്പെട്ടു കലക്ടര്‍ക്കും ഇരിങ്ങാലക്കുട റവന്യു ഡിവിഷന്‍ ഓഫിസര്‍ക്കും പരാതി നല്‍കിയിട്ടുണ്ട്.
കാട്ടൂര്‍: കാട്ടൂര്‍ ഗവ ഹോസ്പിറ്റലിന്റെ ശോചനീയാവസ്ഥ പരിഹരിക്കുക,രാത്രികാല ഡോക്ടറുടെ സേവനത്തോടുകൂടിയുള്ള കിടത്തിചികിത്സ പുനരാരംഭിക്കുവാന്‍ നടപടി കൈക്കൊള്ളുക,പുതിയ ഡോക്ടര്‍മാരെ നിയമിക്കുക,കാട്ടൂര്‍ഗ്രാമ പഞ്ചായത്തിലെ ഗ്രാമസഭകളില്‍ ജനങ്ങളെ തെറ്റിദ്ധരിപ്പിച്ച ബ്ലോക്ക് പഞ്ചായത്ത് പ്രസിഡന്റും,കാട്ടൂര്‍ ഗ്രാമപഞ്ചായത്ത് പഞ്ചായത്ത് പ്രസിഡന്റും കാട്ടൂരിലെ ജനങ്ങളോട് മാപ്പു പറയുക തുടങ്ങിയാവശ്യങ്ങളുന്നയിച്ച് കോണ്‍ഗ്രസ്സ് കാട്ടൂര്‍ മണ്ഡലം കമ്മറ്റി ജനകീയ പ്രക്ഷേഭത്തിലേക്ക്. അധികാരമേറ്റിട്ടും നാളിതുവരെ ഹോസ്പിറ്റലിന്റെ വികസന പ്രവര്‍ത്തനത്തിന് യാതൊരുവിധ നടപടികള്‍ കൈക്കൊള്ളാത്ത എംഎല്‍എ അവസരത്തിനൊപ്പമുണര്‍ന്ന് പ്രവര്‍ത്തിക്കണമെന്നും പാര്‍ട്ടി ആവശ്യപ്പെട്ടു . നിലവില്‍ രോഗികളുടെ കുറവ് ചൂണ്ടിക്കാട്ടിയും നോട്ടുനിരോധനം കൊണ്ടു മറ്റും നിയമനങ്ങള്‍ നടത്താത്തതെന്നും ഒക്കെയുള്ള കള്ളപ്രചരണമാണ് അധികാരികള്‍ നടത്തുന്നത്. ഉദ്ഘാടന മാമാങ്കങ്ങള്‍ മാത്രം ലക്ഷ്യം വെച്ചാണ് ബ്ലോക്ക് പഞ്ചായത്ത് പ്രസിഡന്റും,എംഎല്‍എ യും,കാട്ടൂര്‍ പഞ്ചായത്ത് പ്രസിഡന്റും മുന്നോട്ടുപോകുന്നത് ഇതല്ല ജനങ്ങള്‍ ആഗ്രഹിക്കുന്നത് ശരിയായ വികസന പ്രവര്‍ത്തനങ്ങളാണ് മഴക്കാല രോഗങ്ങള്‍ വര്‍ദ്ധിച്ച ഈ സാഹചര്യത്തില്‍ അനങ്ങാപാറനയം മാറ്റും വരെ ജനങ്ങളെ അണിനിരത്തി സമരംചെയ്യുമെന്നും പാര്‍ട്ടി അറിയിച്ചു .
