24.9 C
Irinjālakuda
Monday, October 25, 2021
Home Blog

പ്രോഗ്രസ്സിവ് ആർട്സ് ആൻഡ് സ്പോർട്സ് ക്ലബ്ബിന്റെ നേതൃത്വത്തിൽ ‘ സ്നേഹാദരം 2021 ‘ അവിട്ടത്തൂർ സ്പേസ് ലൈബ്രറിയിൽ വച്ച് സംഘടിപ്പിച്ചു

അവിട്ടത്തൂർ: സമൂഹത്തിന്റെ വിവിധങ്ങളായ മേഖലകളിൽ വ്യക്തിമുദ്ര പതിപ്പിച്ച അവിട്ടത്തൂർ ഗ്രാമനിവാസികളെയും എസ്.എസ്.എൽ.സി , പ്ലസ്ടു പരീക്ഷകളിൽ ഉന്നത വിജയം കരസ്ഥമാക്കിയ വിദ്യാർത്ഥിനി-വിദ്യാർത്ഥികളെയും പ്രോഗ്രസ്സിവ് ക്ലബ്ബ് സംഘടിപ്പിച്ച ‘സ്നേഹാദരം 2021 ‘ൽ ആദരിച്ചു.
നേപ്പാളിൽ വച്ച് നടന്ന AIMF അണ്ടർ 19 ടൂർണമെന്റിൽ കേരളാ ടീമിനെ പ്രതിനിധീകരിക്കുകയും ,24 ടീമുകൾ പങ്കെടുത്ത ടൂർണമെന്റിൽ ഫൈനലിൽ ഒരു ഗോൾ നേടുകയും ചെയ്ത വിഘ്‌നേഷ്, കലാകൈരളി പുരസ്‌കാരം നേടിയ ശ്രീല വി.വി. കോഴിക്കോട് NIT യിൽ നിന്നും മെക്കാനിക്കൽ എഞ്ചിനീറിങ്ങിൽ ഡോക്ടറേറ്റ് നേടിയ പ്രൊഫ. എം.വി ജോബിൻ, LLB കേരളാ എൻട്രൻസ് പരീക്ഷയിൽ എട്ടാം റാങ്ക് നേടിയ ഗോകുൽ തേജസ് , പ്ലസ്‌ടു തുല്യത പരീക്ഷയിൽ ഉയർന്ന വിജയം നേടിയ വിജയകുമാർ, വേളൂക്കര പഞ്ചായത്തിലെ മികച്ച ക്ഷീര കർഷകനുള്ള പുരസ്‌കാരം നേടിയ മോഹനൻ, വേളൂക്കര പഞ്ചായത്തിലെ മികച്ച യുവ കർഷകനുള്ള പുരസ്‌കാരം നേടിയ ഇമ്മാനുവൽ എന്നിവർക്കും SSLC , പ്ലസ്‌ടു പരീക്ഷകളിൽ ഉയർന്ന വിജയം നേടിയ 18 വിദ്യാർത്ഥികൾ എന്നിവർക്കുമായിരുന്നു ആദരം. ഒക്ടോബർ 24 ന് അവിട്ടത്തൂർ സ്പേസ് ലൈബ്രറിയിൽ വച്ച് നടന്ന ചടങ്ങിൽ പ്രോഗ്രസ്സിവ് ക്ലബ്ബ് സെക്രട്ടറി രാഗേഷ് അധ്യക്ഷത വഹിക്കുകയും ക്ലബ്ബ് പ്രസിഡന്റ് സിജു കാര്യങ്ങാടൻ സ്വാഗതം പറയുകയും ചെയ്തു. അവിട്ടത്തൂരിന്റെ പ്രിയ വ്യക്തിത്വം രാഘവപൊതുവാൾ മാഷ് ഉദ്ഘാടനം ചെയ്ത ‘സ്നേഹാദരം 2021 ‘ ൽ വാർഡ് മെമ്പർ ശ്യാം രാജ് മുഖ്യാഥിതി ആയിരുന്നു. ക്ലബ്ബ് ട്രെഷറർ പി.കെ.ഉണ്ണികൃഷ്ണൻ നന്ദി പ്രകാശനം ചെയ്തു.

Advertisement

കേരളത്തില്‍ ഇന്ന് 6664 പേര്‍ക്ക് കോവിഡ്-19 സ്ഥിരീകരിച്ചു

കേരളത്തില്‍ ഇന്ന് 6664 പേര്‍ക്ക് കോവിഡ്-19 സ്ഥിരീകരിച്ചു. എറണാകുളം 1168, തിരുവനന്തപുരം 909, കൊല്ലം 923, തൃശൂര്‍ 560, കോഴിക്കോട് 559, ഇടുക്കി 449, കണ്ണൂര്‍ 402, മലപ്പുറം 396, പത്തനംതിട്ട 392, കോട്ടയം 340, പാലക്കാട് 306, ആലപ്പുഴ 217, വയനാട് 194, കാസര്‍ഗോഡ് 149 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്.കഴിഞ്ഞ 24 മണിക്കൂറിനിടെ 61,202 സാമ്പിളുകളാണ് പരിശോധിച്ചത്. പ്രതിവാര ഇന്‍ഫെക്ഷന്‍ പോപ്പുലേഷന്‍ റേഷ്യോ (WIPR) പത്തിന് മുകളിലുള്ള 158 തദ്ദേശ സ്വയംഭരണ പ്രദേശങ്ങളിലായി 211 വാര്‍ഡുകളാണുള്ളത്. ഇവിടെ കര്‍ശന നിയന്ത്രണമുണ്ടാകും.സംസ്ഥാനത്തെ വിവിധ ജില്ലകളിലായി 2,65,995 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 2,57,429 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 8752 പേര്‍ ആശുപത്രികളിലും നിരീക്ഷണത്തിലാണ്. 624 പേരെയാണ് പുതുതായി ആശുപത്രിയില്‍ പ്രവേശിപ്പിച്ചത്.നിലവില്‍ 74,735 കോവിഡ് കേസുകളില്‍, 10 ശതമാനം വ്യക്തികള്‍ മാത്രമാണ് ആശുപത്രി/ഫീല്‍ഡ് ആശുപത്രികളില്‍ പ്രവേശിപ്പിക്കപ്പെട്ടിട്ടുള്ളത്.കഴിഞ്ഞ ദിവസങ്ങളിലുണ്ടായ 53 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതുകൂടാതെ സുപ്രീംകോടതി വിധിപ്രകാരം കേന്ദ്രസര്‍ക്കാരിന്റെ പുതിയ മാര്‍ഗനിര്‍ദേശമനുസരിച്ച് അപ്പീല്‍ നല്‍കിയ 9 മരണങ്ങളും, മതിയായ രേഖകളില്ലാത്തത് കാരണം സ്ഥിരീകരിക്കാതിരുന്ന കഴിഞ്ഞ ജൂണ്‍ 18 വരെയുള്ള 219 മരണങ്ങളും റിപ്പോര്‍ട്ട് ചെയ്തിട്ടുണ്ട്. ഇതോടെ സംസ്ഥാനത്തെ ആകെ മരണം 28,873 ആയി.ഇന്ന് രോഗം സ്ഥിരീകരിച്ചവരില്‍ 20 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 6356 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 229 പേരുടെ സമ്പര്‍ക്ക ഉറവിടം വ്യക്തമല്ല. 59 ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്.രോഗം സ്ഥിരീകരിച്ച് ചികിത്സയിലായിരുന്ന 9010 പേര്‍ രോഗമുക്തി നേടി. തിരുവനന്തപുരം 1081, കൊല്ലം 1079, പത്തനംതിട്ട 475, ആലപ്പുഴ 360, കോട്ടയം 718, ഇടുക്കി 445, എറണാകുളം 1453, തൃശൂര്‍ 953, പാലക്കാട് 326, മലപ്പുറം 345, കോഴിക്കോട് 984, വയനാട് 242, കണ്ണൂര്‍ 414, കാസര്‍ഗോഡ് 135 എന്നിങ്ങനേയാണ് രോഗമുക്തിയായത്. ഇതോടെ 74,735 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 48,17,785 പേര്‍ ഇതുവരെ കോവിഡില്‍ നിന്നും മുക്തി നേടി.

Advertisement

കുന്നത്ത് മോഹൻ ദാസിന്റെ ഭാര്യ റിട്ട: ഹെഡ് മിസ്ട്രസ് സുമ (56) നിര്യാതയായി

അവിട്ടത്തൂർ : റിട്ട: ഹെഡ് മിസ്ട്രസ് സുമ (56) നിര്യാതയായി. അവിട്ടത്തൂർ റേഷൻ കട വ്യാപാരി കുന്നത്ത് മോഹൻ ദാസിന്റെ ഭാര്യയാണ് പരേത. മക്കൾ: ദൃശ്യ (അബുദാബി), ആദർശ് (ചാലക്കുടി ടൗൺ ബാങ്ക്). മരുമക്കൾ: ശ്യാം കുമാർ (അബുദാബി), ശ്രീലക്ഷ്മി. സംസ്കാരം നാളെ ( 26 10. 2021 – ചൊവ്വ) രാവിലെ 10 ന് വീട്ടുവളപ്പിൽ .

Advertisement

ആനന്ദപുരം പ്രാഥമികാരോഗ്യകേന്ദ്രത്തിന്റെ നവീകരണത്തിന് മുൻകൈയെടുത്ത് മന്ത്രി ഡോ. ആർ ബിന്ദു

മുരിയാട്: പഞ്ചായത്തിലെ ആനന്ദപുരത്തെ പ്രാഥമികാരോഗ്യകേന്ദ്രത്തിൽ കൂടുതൽ സൗകര്യങ്ങൾ ഏർപ്പെടുത്തി നവീകരിക്കുന്നതുമായി ബന്ധപ്പെട്ട് ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആർ ബിന്ദു ആർദ്രം നോഡൽ ഓഫീസർ ഡോക്ടർ അജയ്, കെ എം സി എൽ എ ഉദ്യോഗസ്ഥർ തുടങ്ങിയവർക്കൊപ്പം സന്ദർശനം നടത്തി. ബ്ലോക്ക് പഞ്ചായത്ത് പ്രസിഡണ്ട് ലളിത ബാലൻ, ഗ്രാമപഞ്ചായത്ത് പ്രസിഡണ്ട് ജോസ് ജെ ചിറ്റിലപ്പള്ളി എന്നിവരും മന്ത്രിക്കൊപ്പം ഉണ്ടായിരുന്നു. പ്രാഥമിക ആരോഗ്യ കേന്ദ്രത്തിലെ സൗകര്യങ്ങൾ വിലയിരുത്തി അതിനുശേഷം നടന്ന അവലോകന യോഗത്തിൽ വച്ച് 2021 ഫെബ്രുവരിയിൽ ഭരണാനുമതി ലഭിച്ച ആരോഗ്യവകുപ്പിന്റെ ഒരുകോടി രൂപ ഉപയോഗിച്ച് പണിയുന്ന അയ്യായിരം സ്ക്വയർ ഫീറ്റ് കെട്ടിടത്തിന്റെ പണി ഉടനെ ആരംഭിക്കുന്നതിനു തീരുമാനിച്ചു. ഈ മാസം 31ന് തറക്കല്ലിടാൻ യോഗത്തിൽ വച്ച് ധാരണയായി. ജീവനക്കാർ താമസിക്കുന്ന ക്വാട്ടേഴ്സ് കാലഹരണപ്പെട്ടതാണെന്നും താമസ യോഗ്യമല്ലെന്നും വിലയിരുത്തി. അവിടെ മൾട്ടി ലെയർ സംവിധാനത്തിൽ ക്വാട്ടേഴ്സ് പണിയുന്നതിന്റെ സാധ്യതകൾ പഠിച്ച് റിപ്പോർട്ട് സമർപ്പിക്കാൻ മന്ത്രി ഉദ്യോഗസ്ഥരോട് ആവശ്യപ്പെട്ടു. കിഫ്‌ബി ഫണ്ടും എം എൽ എ ഫണ്ടും ഉപയോഗിച്ച് ഐസൊലേഷൻ വാർഡ് നിർമ്മിക്കുന്നതിന്റെ സാധ്യതയും പഠിച്ച് ഉടൻതന്നെ റിപ്പോർട്ട് സമർപ്പിക്കണമെന്ന് മന്ത്രി ഉദ്യോഗസ്ഥരോട് ആവശ്യപ്പെടുകയുണ്ടായി. യോഗത്തിൽ ബ്ലോക്ക് ഗ്രാമ പഞ്ചായത്ത് പ്രസിഡണ്ട് മാർക്ക് പുറമേ ആശുപത്രി സൂപ്രണ്ട് ഡോക്ടർ ആർ രാജീവ്, ബ്ലോക്ക് പഞ്ചായത്ത് വൈസ് പ്രസിഡണ്ട് മോഹനൻ വലിയാട്ടിൽ , ഗ്രാമ പഞ്ചായത്ത് ആരോഗ്യ സ്റ്റാൻഡിങ് കമ്മിറ്റി ചെയർമാൻ കെ യു വിജയൻ, വാർഡംഗം നിജി വത്സൻ, ബ്ലോക്ക് പഞ്ചായത്ത് അംഗം വിപിൻ വിനോദൻ,അസിസ്റ്റന്റ് എക്സിക്യൂട്ടീവ് എഞ്ചിനീയർ സനൽ, ഹെൽത്ത് ഇൻസ്പെക്ടർ കൃഷ്ണകുമാർ തുടങ്ങിയവർ പങ്കെടുത്തു.

Advertisement

അഖിലെന്ത്യാ കിസാൻസഭയുടെ നേതൃത്വത്തിൽ ജനകീയ കൂട്ടായ്മനടത്തി

ഇരിങ്ങാലക്കുട :കേന്ദ്രസർക്കാർ കർഷക വിരുദ്ധനിയമങ്ങൾ പിൻവലിക്കുക,രാസവളങ്ങളുടെ വിലവർദ്ധനവ് പിൻവലിക്കുക എന്നീ ആവശ്യങ്ങൾ ഉന്നയിച്ചുകൊണ്ട് അഖിലെന്ത്യാ കിസാൻ സഭ ഇരിങ്ങാലക്കുട മണ്ഡലം കമ്മിറ്റി യുടെ നേതൃത്വത്തി ൽ ആൽത്തറക്കൽ കർഷക കൂട്ടായ്മ സംഘടിപ്പിച്ചു. എ ഐ ടി യു സി തൃശൂർ ജില്ലാസെക്രട്ടറി കെ ജി. ശിവാനന്ദൻ കർഷക കൂട്ടായ്മ ഉത്ഘാടനം ചെയ്തു സി പി ഐ മണ്ഡലം സെക്രട്ടറി പി. മണി, എ ഐ ടി യു സി മണ്ഡലം സെക്രട്ടറി കെ കെ. ശിവൻ, എം ബി. ലത്തീഫ്, അനിത രാധാകൃഷ്ണൻ, ഒ എസ്. വേലായുധൻ എന്നിവർ പ്രസംഗിച്ചു.

Advertisement

യോഗക്ഷേമ ഉപസഭയിലെ നാലാം ക്ലാസ്സ് മുതൽ പോസ്റ്റ് ഗ്രാജുവേഷൻ വരെ ഉന്നത വിജയം നേടിയ വിദ്യാർത്ഥികൾക്ക് എൻഡോവ്മെന്റ്കൾ വിതരണം ചെയ്തു

ഇരിങ്ങാലക്കുട : യോഗക്ഷേമ ഉപസഭയിലെ നാലാം ക്ലാസ്സ് മുതൽ പോസ്റ്റ് ഗ്രാജുവേഷൻ വരെ ഉന്നത വിജയം നേടിയ വിദ്യാർത്ഥികൾക്ക് ഉപസഭാ പ്രസിഡണ്ട് കെ.കെ. കൃഷ്ണൻ നമ്പൂതിരി എൻഡോവ്മെന്റ്കൾ വിതരണം ചെയ്തു. കാവനാട് കൃഷ്ണൻ നമ്പൂതിരി, വൈയ്ക്കാക്കര നാരായണൻ , പി.എസ്.ജയശങ്കർ, ഒ.എസ്. ശ്രീജിത്ത് എന്നിവർ പ്രസംഗിച്ചു.

Advertisement

ജെ.സി.ഐ. ഇരിങ്ങാലക്കുട യുടെ ജില്ലാ തല ഷട്ടിൽ ടൂർണമെൻറ് ഫാ. ജോയ് ആലപ്പാട്ട് ഉൽഘാടനം ചെയ്തു

ഇരിങ്ങാലക്കുട: ജെ.സി.ഐ. ഇരിങ്ങാലക്കടയുടെ ആദിമുഖ്യത്തിൽ സംഘടിപ്പിച്ച തൃശ്ശൂർ ജില്ല ഷട്ടിൽ ടൂർണമെൻ്റ് ക്രൈസ്റ്റ് വിദ്യ നികേതൻ പ്രിൻസിപ്പൽ ഫാ. ജോയ് ആലപ്പാട്ട് ഉൽഘാടനം ചെയ്തു ജെ.സി.ഐ.പ്രസിഡൻറ് മണി ലാൽ വി.ബി.അദ്ധ്യക്ഷത വഹിച്ച യോഗത്തിൽ പ്രോഗ്രാം ഡയറക്ടർ ഡയസ് കാരാത്രക്കാരൻ ,മുൻ പ്രസിഡൻറുമാരായ ലിഷോൺ ജോസ്, ജെൻസൻ ഫ്രാൻസീസ് ,ടെൽസൺ കോട്ടോളി ,അഡ്വ ഹോബി ജോളി ,ലിയോ പോൾ, ട്രഷറർ സഞ്ജു പട്ടത്ത് വിവറി ജോൺ ഡയസ് ജോസഫ് എന്നിവർ പ്രസംഗിച്ചു.

Advertisement

റെയിൽവെ സ്വകാര്യവത്കരണം രാജ്യദ്രോഹപരമെന്ന് എ ഐ ടി യു സി

ഇരിങ്ങാലക്കുട :രാജ്യത്തെ ഏറ്റവും വലിയ പൊതുമേഖലാ സ്ഥാപനമായ റെയിൽവെ സ്വകാര്യവത്കരിച്ച് കോർപ്പറേറ്റുകൾക്ക് കൊള്ളയടിക്കാൻ സൗകര്യമൊരുക്കുന്നത് രാജ്യദ്രോഹ കുറ്റം തന്നെയാണെന്ന് എ ഐ ടി യു സി ജില്ലാ ജോ:സെക്രട്ടറി ടി കെ.സുധിഷ് പറഞ്ഞു. റെയിൽവെ സ്വകാര്യവത്കരണത്തിനെതിരെയും ,പാസഞ്ചർ ട്രെയിനുകൾ പുന:സ്ഥാപിക്കണമെന്നും,സീസൺ ടിക്കറ്റും ,അൺ റിസർവ്വ്ഡ് ടിക്കറ്റ് സംവിധാനവും പുന:സ്ഥാപിക്കണമെന്നും, പ്ളാറ്റ്ഫോം നിരക്ക് ക്രമാതിതമായി വർദ്ധിപ്പിച്ചത് പിൻവലിക്കണമെന്നും ആവശ്യപ്പെട്ട് നടത്തുന്ന ദേശീയ പ്രക്ഷോഭത്തിന്റെ ഭാഗമായി എ ഐ ടി യു സി നടത്തിയ ഇരിങ്ങാലക്കുട റെയിൽവെ സ്റ്റേഷൻ മാർച്ചും ധർണ്ണയും ഉദ്ഘാടനം ചെയ്യുകയായിരുന്നു അദ്ദേഹം.ജി എസ്. സുരേഷ് അദ്ധ്യക്ഷനായിരുന്നു. എം.ബി. ലത്തീഫ്,കെ കെ.ശിവൻ, റഷീദ് കാറളം,ടി പി. രഘുനാഥ്, അഡ്വ:പോളി കണിച്ചായി, ടി ആർ. ബാബുരാജ്, ടി സി. അർജുനൻ,ടി വി. വിബിൻ, മിഥുൻപോട്ടക്കാരൻ എന്നിവർ പ്രസംഗിച്ചു. മാർച്ചിനും ധർണ്ണയ്ക്കും റസൽ, കെ.എൻ, രാമൻ, ഗോപി നെല്ലകത്ത് , മോഹനൻ വലിയാട്ടിൽ, കെ.സി. ഹരിദാസ്, സി.കെ.ദാസൻ, വർദ്ധനൻ പുളിക്കൽ, ബാബു ചിങ്ങാരത്ത് , ഷൈല,കെ.വി.ഷിബു .യു.ആർ.സുഭാഷ് , ബിനീഷ് കെ.കെഎന്നിവർ നേതൃത്വം നൽകി.

Advertisement

പുല്ലൂർ ലിഫ്റ്റ് ഇറിഗേഷൻ നവീകരിക്കണം, കൃഷിഭവൻ ഉപകേന്ദ്രം പുല്ലൂരിൽ സ്ഥാപിക്കണം, പുല്ലൂരിൽ ഗ്രൗണ്ട് നിർമിക്കണം: സിപിഐ(എം) പുല്ലൂർ ലോക്കൽ സമ്മേളനം

പുല്ലൂർ: പുളിഞ്ചോട് വഴി പൊതുമ്പുചിറയിലേക്ക് വെള്ളമെത്തിക്കുന്ന പുല്ലൂർ ലിഫ്റ്റ് ഇറിഗേഷൻ നവീകരിച്ച് പ്രവർത്തനക്ഷമം ആക്കണമെന്നും കൃഷിഭവനിലെ ഉപകേന്ദ്രം പുല്ലൂരിൽ സ്ഥാപിക്കണമെന്നും പുല്ലൂരിൽ കളിസ്ഥലം നിർമ്മിക്കണമെന്നും സിപിഐ(എം) ഇരുപത്തിമൂന്നാം പാർട്ടി കോൺഗ്രസിന്റെ ഭാഗമായി ഊരകം സഹകരണ ഹാളിലെ ചന്ദ്രൻ കോമ്പാത്ത് നഗറിൽ നടന്ന സിപിഐ(എം) പുല്ലൂർ ലോക്കൽ സമ്മേളനം പ്രമേയത്തിലൂടെ ആവശ്യപ്പെട്ടു. ശശിധരൻ തേറാട്ടിൽ പതാക ഉയർത്തി. സിപിഐ(എം) ജില്ലാ സെക്രട്ടറിയേറ്റ് അംഗം കെ കെ രാമചന്ദ്രൻ എംഎൽഎ സമ്മേളനം ഉദ്ഘാടനം ചെയ്തു.ജോസ് ജെ ചിറ്റിലപ്പിള്ളി,ലളിത ബാലൻ, കെ പി പ്രശാന്ത്‌ എന്നിവരടങ്ങിയ പ്രസിഡീയം സമ്മേളന നടപടികൾ നിയന്ത്രിച്ചു.ലോക്കൽ സെക്രട്ടറി കെ ജി മോഹനൻ പ്രവർത്തന റിപ്പോർട്ട് അവതരിപ്പിച്ചു.സിപിഐ (എം) ഏരിയ കമ്മിറ്റി അംഗങ്ങളായ ഉല്ലാസ് കളക്കാട്, കെ സി പ്രേമരാജൻ,കെ പി ദിവാകരൻ,ടി ജി ശങ്കരനാരായണൻ തുടങ്ങിയവർ അഭിവാദ്യം ചെയ്തു സംസാരിച്ചു. സമ്മേളനം കെ.ജി മോഹനനെ സെക്രട്ടറിയായും പതിനഞ്ചംഗ പുതിയ ലോക്കൽ കമ്മിറ്റിയെയും 13 അംഗ ഏരിയ സമ്മേളന പ്രതിനിധികളെയും ഐക്യകണ്ഠേന തെരഞ്ഞെടുത്തു.സമ്മേളനത്തിൽ ലോക്കൽ കമ്മിറ്റി അംഗങ്ങളായ മനീഷ് പി സി സ്വാഗതവും അജിത രാജൻ നന്ദിയും പറഞ്ഞു.

Advertisement

സംസ്ഥാനത്ത് ഇന്ന് 8909 പേര്‍ക്ക് കോവിഡ്-19 സ്ഥിരീകരിച്ചു

സംസ്ഥാനത്ത് ഇന്ന് 8909 പേര്‍ക്ക് കോവിഡ്-19 സ്ഥിരീകരിച്ചു. എറണാകുളം 1233, തിരുവനന്തപുരം 1221, തൃശൂര്‍ 1105, കോഴിക്കോട് 914, കൊല്ലം 649, ഇടുക്കി 592, കോട്ടയം 592, പത്തനംതിട്ട 544, മലപ്പുറം 436, കണ്ണൂര്‍ 410, പാലക്കാട് 397, ആലപ്പുഴ 388, വയനാട് 270, കാസര്‍ഗോഡ് 158 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്.കഴിഞ്ഞ 24 മണിക്കൂറിനിടെ 86,111 സാമ്പിളുകളാണ് പരിശോധിച്ചത്. പ്രതിവാര ഇന്‍ഫെക്ഷന്‍ പോപ്പുലേഷന്‍ റേഷ്യോ (WIPR) പത്തിന് മുകളിലുള്ള 158 തദ്ദേശ സ്വയംഭരണ പ്രദേശങ്ങളിലായി 211 വാര്‍ഡുകളാണുള്ളത്. ഇവിടെ കര്‍ശന നിയന്ത്രണമുണ്ടാകും.സംസ്ഥാനത്തെ വിവിധ ജില്ലകളിലായി 2,70,430 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 2,61,655 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 8775 പേര്‍ ആശുപത്രികളിലും നിരീക്ഷണത്തിലാണ്. 725 പേരെയാണ് പുതുതായി ആശുപത്രിയില്‍ പ്രവേശിപ്പിച്ചത്.നിലവില്‍ 80,555 കോവിഡ് കേസുകളില്‍, 9.8 ശതമാനം വ്യക്തികള്‍ മാത്രമാണ് ആശുപത്രി/ഫീല്‍ഡ് ആശുപത്രികളില്‍ പ്രവേശിപ്പിക്കപ്പെട്ടിട്ടുള്ളത്.കഴിഞ്ഞ ദിവസങ്ങളിലുണ്ടായ 65 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതുകൂടാതെ മതിയായ രേഖകളില്ലാത്തത് കാരണം സ്ഥിരീകരിക്കാതിരുന്ന കഴിഞ്ഞ ജൂണ്‍ 14 വരെയുള്ള 257 മരണങ്ങളും, സുപ്രീംകോടതി വിധിപ്രകാരം കേന്ദ്രസര്‍ക്കാരിന്റെ പുതിയ മാര്‍ഗനിര്‍ദേശമനുസരിച്ച് അപ്പീല്‍ നല്‍കിയ 142 മരണങ്ങളും റിപ്പോര്‍ട്ട് ചെയ്തിട്ടുണ്ട്. ഇതോടെ സംസ്ഥാനത്തെ ആകെ മരണം 28,229 ആയി.ഇന്ന് രോഗം സ്ഥിരീകരിച്ചവരില്‍ 49 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 8476 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 332 പേരുടെ സമ്പര്‍ക്ക ഉറവിടം വ്യക്തമല്ല. 52 ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്.രോഗം സ്ഥിരീകരിച്ച് ചികിത്സയിലായിരുന്ന 8780 പേര്‍ രോഗമുക്തി നേടി. തിരുവനന്തപുരം 1431, കൊല്ലം 274, പത്തനംതിട്ട 364, ആലപ്പുഴ 554, കോട്ടയം 569, ഇടുക്കി 728, എറണാകുളം 1266, തൃശൂര്‍ 1034, പാലക്കാട് 620, മലപ്പുറം 349, കോഴിക്കോട് 723, വയനാട് 231, കണ്ണൂര്‍ 518, കാസര്‍ഗോഡ് 119 എന്നിങ്ങനേയാണ് രോഗമുക്തിയായത്. ഇതോടെ 80,555 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 47,97,409 പേര്‍ ഇതുവരെ കോവിഡില്‍ നിന്നും മുക്തി നേടി.

Advertisement

ക്രൈസ്റ്റ് കോളേജ് ഇരിങ്ങാലക്കുട ഗ്രൗണ്ടിൽ നടത്തപ്പെട്ട മത്സരത്തിൽ യങ്സ്റ്റേഴ്സ് അനന്തപുരം ഒന്നാം സ്ഥാനം നേടി

ഇരിങ്ങാലക്കുട: ക്രൈസ്റ്റ് കോളേജ് ഇരിങ്ങാലക്കുട ഗ്രൗണ്ടിൽ നടത്തപ്പെട്ട മത്സരത്തിൽ യങ്സ്റ്റേഴ്സ് അനന്തപുരം ഒന്നാം സ്ഥാനം നേടി. വിവേകോദയം തൃശൂർ രണ്ടാം സ്ഥാനവും ക്രൈസ്റ്റ് കോളേജ് മൂനാം സ്ഥാനവും നേടി.തൃശൂർ ജില്ല സ്പോർട്സ് കൌൺസിൽ അംഗവും, ഒളിംബിക് അസോസിയേഷൻ അംഗവുമായ ബെന്നി ഇമ്മട്ടി സമാപനസമ്മേളനം ഉൽഘാടനം ചെയ്തു സംസാരിച്ചു. പ്രസ്തുത സമ്മേളനത്തിൽ ക്രൈസ്റ്റ് കോളേജ് കായിക വിഭാഗം മേധാവി ഡോ ബിന്റു ടി കല്യാൺ, ഹോക്കി അസോസിയേഷൻ പ്രതിനിധികൾ എന്നിവർ ചേർന്നു സമ്മാനദാനം നടത്തി. സംസ്ഥാന സീനിയർ മത്സരത്തിൽ പങ്കെടുക്കുന്നതിനുള്ള തൃശൂർ ജില്ല ടീമിനെ സെലക്ടറായ ഡോ രജിത് പ്രഖ്യാപിച്ചു.

Advertisement

ഒക്ടോബർ 23 മുതൽ 27 വരെ കേരളത്തിൽ ശക്തമായ കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു

ഒക്ടോബർ 23 മുതൽ 27 വരെ കേരളത്തിൽ ശക്തമായ കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.ശക്തമായ കാറ്റിനെ നേരിടാനുള്ള പൊതുജാഗ്രത നിർദ്ദേശങ്ങൾകേരളത്തിൽ ഏറ്റവും കൂടുതൽ നാശനഷ്ട്ടവും ജീവഹാനിയും ഉണ്ടാക്കുന്ന സംസ്ഥാന സവിശേഷ ദുരന്തമാണ് ശക്തമായ കാറ്റ്. ശക്തമായ കാറ്റിൽ മരങ്ങൾ കടപുഴകി വീണും ചില്ലകൾ ഒടിഞ്ഞു വീണും അപകടങ്ങൾ ഉണ്ടാകാനുള്ള സാധ്യതയുണ്ട്. കാറ്റും മഴയും ഉണ്ടാകുമ്പോൾ ഒരു കാരണവശാലും മരങ്ങളുടെ ചുവട്ടിൽ നിൽക്കാൻ പാടുള്ളതല്ല. മരച്ചുവട്ടിൽ വാഹനങ്ങളും പാർക്ക് ചെയ്യരുത്.വീട്ട് വളപ്പിലെ മരങ്ങളുടെ അപകടകരമായ രീതിയിലുള്ള ചില്ലകൾ വെട്ടിയൊതുക്കണം. അപകടകരമായ അവസ്ഥയിലുള്ള മരങ്ങൾ പൊതു ഇടങ്ങളിൽ ശ്രദ്ധയിൽ പെട്ടാൽ ബന്ധപ്പെട്ട തദ്ദേശ സ്ഥാപനങ്ങളെ അറിയിക്കുക.ഉറപ്പില്ലാത്ത പരസ്യ ബോർഡുകൾ, ഇലെക്ട്രിക്ക് പോസ്റ്റുകൾ, കൊടിമരങ്ങൾ തുടങ്ങിയവയും കടപുഴകി വീഴാൻ സാധ്യതയുള്ളതിനാൽ കാറ്റും മഴയും ഇല്ലാത്ത സമയത്ത് അവ ശരിയായ രീതിയിൽ ബലപ്പെടുത്തുകയോ അഴിച്ചു വെക്കുകയോ ചെയ്യുക. മഴയും കാറ്റുമുള്ളപ്പോൾ ഇതിൻറെ ചുവട്ടിലും സമീപത്തും നിൽക്കുകയോ വാഹനങ്ങൾ പാർക്ക് ചെയ്യുകയോ അരുത് .ചുമരിലോ മറ്റോ ചാരി വെച്ചിട്ടുള്ള കോണി പോലെയുള്ള കാറ്റിൽ വീണുപോകാൻ സാധ്യതയുള്ള ഉപകരണങ്ങളും മറ്റ് വസ്തുക്കളും കയറുപയോഗിച്ച് കെട്ടി വെക്കേണ്ടതാണ്.കാറ്റ് വീശി തുടങ്ങുമ്പോൾ തന്നെ വീടുകളിലെ ജനലുകളും വാതിലുകളും അടച്ചിടേണ്ടതാണ്. ജനലുകളുടെയും വാതിലുകളുടെയും സമീപത്ത് നിൽക്കാതിരിക്കുക. വീടിൻറെ ടെറസിലും നിൽക്കുന്നത് ഒഴിവാക്കുക.ഓല മേഞ്ഞതോ, ഷീറ്റ് പാകിയതോ, അടച്ചുറപ്പില്ലാത്തതോ ആയ വീടുകളിൽ താമസിക്കുന്നവർ അധികൃതരുമായി (1077 എന്ന നംബറില്‍) മുൻകൂട്ടി തന്നെ ബന്ധപ്പെടുകയും മുന്നറിയിപ്പ് വരുന്ന ഘട്ടങ്ങളിൽ അവർ ആവശ്യപ്പെടുന്ന മുറക്ക് സുരക്ഷിതമായ കെട്ടിടങ്ങളിലേക്ക് മാറിത്താമസിക്കേണ്ടതുമാണ്.തദ്ദേശ സ്ഥാപനതല ദുരന്ത ലഘൂകരണ പദ്ധതി പ്രകാരം കണ്ടെത്തിയിട്ടുള്ള ഇത്തരം ആളുകളെ കോവിഡ് 19 പ്രോട്ടോക്കോൾ അനുസരിച്ച് കൊണ്ട് റിലീഫ് ക്യാമ്പുകളിലേക്ക് ആവശ്യമുള്ള ഘട്ടങ്ങളിൽ മാറ്റാൻ തദ്ദേശ സ്വയംഭരണ സ്ഥാപനങ്ങളും റവന്യൂ ഉദ്യോഗസ്ഥരും ജനപ്രതിനിധികളും മുൻകൈ എടുക്കേണ്ടതാണ്.കാറ്റും മഴയും ശക്തമാകുമ്പോൾ വൈദ്യുതി കമ്പികളും പോസ്റ്റുകളും പൊട്ടിവീഴാനുള്ള സാധ്യത കൂടുതലാണ്. ഇത്തരത്തിൽ ഏതെങ്കിലും അപകടം ശ്രദ്ധയിൽ പെട്ടാൽ ഉടനെ തന്നെ കെഎസ്ഇബിയുടെ 1912 എന്ന കൺട്രോൾ റൂമിലോ 1077 എന്ന നമ്പറിൽ ജില്ലാ ദുരന്ത നിവാരണ അതോറിറ്റിയുടെ കൺട്രോൾ റൂമിലോ വിവരം അറിയിക്കുക. തകരാര്‍ പരിഹരിക്കുന്ന പ്രവർത്തികൾ കാറ്റ് തുടരുന്ന ഘട്ടത്തിൽ ഒഴിവാക്കുകയും കാറ്റും മഴയും അവസാനിച്ച ശേഷം മാത്രം നടത്തുകയും ചെയ്യുക. കെ എസ് ഇ ബി ജീവനക്കാരുമായി പൊതുജനങ്ങൾ ക്ഷമയോടെ സഹകരിക്കുക. പൊതുജനങ്ങൾ നേരിട്ടിറങ്ങി ഇത്തരം റിപ്പയർ വർക്കുകൾ ചെയ്യാതിരിക്കുക.പത്രം-പാൽ വിതരണക്കാർ പോലെയുള്ള അതിരാവിലെ ജോലിക്ക് ഇറങ്ങുന്നവർ പ്രത്യേക ജാഗ്രത പാലിക്കണം. വഴികളിലെ വെള്ളക്കെട്ടുകളിലും മറ്റും വൈദ്യുതി ലൈൻ പൊട്ടിവീണിട്ടില്ലെന്ന് ഉറപ്പാക്കാൻ ശ്രമിക്കണം. എന്തെങ്കിലും അപകടം സംശയിക്കുന്നപക്ഷം കൺട്രോൾ റൂമിൽ അറിയിച്ച് അപകടം ഇല്ലെന്ന് ഉറപ്പ് വരുത്തി മാത്രം മുന്നോട്ട് പോകണം.കൃഷിയിടങ്ങളിൽ കൂടി കടന്ന് പോകുന്ന വൈദ്യുത ലൈനുകളും സുരക്ഷിതമാണെന്ന് പാടത്ത് ഇറങ്ങുന്നതിന് മുന്നേ ഉറപ്പ് വരുത്തുക.നിർമ്മാണ ജോലികളിൽ ഏർപ്പെടുന്നവർ കാറ്റും മഴയും ശക്തമാകുമ്പോൾ ജോലി നിർത്തി വെച്ച് സുരക്ഷിതമായ ഇടത്തേക്ക് മാറി നിൽക്കണം.അടുത്ത 3 മണിക്കൂറിൽ മഴയും ഇടിമിന്നലും ഉണ്ടാകാനിടയുള്ള ജില്ലകളുടെ പ്രവചനം (NOWCAST) കേന്ദ്ര കാലാവസ്ഥ വകുപ്പിൻറെ mausam.imd.gov.in/thiruvananthapuram/ എന്ന വെബ്‌സൈറ്റിൽ കൃത്യമായ ഇടവേളകളിൽ അപ്‌ഡേറ്റ് ചെയ്യുന്നത് ശ്രദ്ധിക്കുക. ദുരന്ത നിവാരണ അതോറിറ്റിയുടെ മാർഗ്ഗ നിർദേശങ്ങൾ കർശനമായി പിന്തുടരുക.കേരള സംസ്ഥാന ദുരന്ത നിവാരണ അതോറിറ്റി പുറപ്പെടുവിച്ച തീയ്യതി 23-10-2021

Advertisement

കനത്തമഴയില്‍ കാറളം പഞ്ചായത്തിലെ വിവിധ പാടശേഖരങ്ങളിലായി 350 ഏക്കര്‍ നെല്‍കൃഷി പൂര്‍ണ്ണമായും നശിച്ചു

കാറളം: കനത്തമഴയില്‍ കാറളം പഞ്ചായത്തിലെ വിവിധ പാടശേഖരങ്ങളിലായി 350 ഏക്കര്‍ നെല്‍കൃഷി പൂര്‍ണ്ണമായും നശിച്ചു. കാറളം ചെമ്മണ്ട കായല്‍ പുളിയംപാടം കടുംകൃഷി കര്‍ഷക സംഘത്തിന്റെ കീഴിലുള്ള കടുംപാട്ടുപാടം, പറുംപാടം, അമ്മിച്ചാല്‍, മനാലിപാടം, പെള്ളികോള്‍ എന്നി പടവുകളിലായി 350 ഏക്കര്‍ കൃഷി നിലത്തിലെ കൃഷിയാണ് പൂര്‍ണ്ണമായും നശിച്ചത്. ഒരു മാസം മുമ്പാണ് കൃഷിക്കായി പ്രവര്‍ത്തികള്‍ ആരംഭിച്ചത്. കടുംപാട്ട് പാടത്ത് 50 ഏക്കറോളം ഞാറ് നട്ടത് വെള്ളം കയറി നശിച്ചത്. മറ്റുള്ള സ്ഥലത്ത് നിലമൊരുക്കി ഞാറുനടാന്‍ ഇരിക്കെയാണ് നശിച്ചത്. ഇവിടെ കഴിഞ്ഞദിവസങ്ങളില്‍ ഞാറുനടാനിരിക്കെയായിരുന്നു വെള്ളം കയറിയത്. 300 പാടശേഖരത്തില്‍ നടാനായി ഒരുക്കിയ ആറുലക്ഷം രൂപയുടെ വിത്ത് നശിച്ചുപോയി. പാടത്തിലേക്ക് വെള്ളം കയറാതിരിക്കാന്‍ സ്ഥാപിച്ചിരുന്ന മണല്‍ ചാക്കുകളെല്ലാം തള്ളിപോയി. പാടം ഒരുക്കുന്നതിനായി സ്ഥാപിച്ചിരുന്ന മോട്ടോര്‍ പമ്പുസെറ്റുകളെല്ലാം കയറ്റേണ്ടതായി വന്നു. സംഘത്തിന് മാത്രം പത്തുലക്ഷം രൂപയുടെ നഷ്ടം ഉണ്ടായിട്ടുണ്ടെന്ന് കര്‍ഷകര്‍ പറഞ്ഞു. സംഘത്തിന് കീഴിലുള്ള പാടശേഖരങ്ങളിലെ കൃഷിനാശത്തിന് നഷ്ടപരിഹാരം ആവശ്യപ്പെട്ട് അധികൃതര്‍ക്ക് അപേക്ഷ നല്‍കിയിട്ടുണ്ട്. പാടശേഖരങ്ങളില്‍ വീണ്ടും കൃഷി ചെയ്യണമെങ്കില്‍ ഒന്നുമുതല്‍ വീണ്ടും ആവര്‍ത്തിക്കേണ്ട അവസ്ഥയിലാണ് കര്‍ഷകര്‍.

Advertisement

കേരളത്തില്‍ ഇന്ന് 9361 പേര്‍ക്ക് കോവിഡ്-19 സ്ഥിരീകരിച്ചു

കേരളത്തില്‍ ഇന്ന് 9361 പേര്‍ക്ക് കോവിഡ്-19 സ്ഥിരീകരിച്ചു. എറണാകുളം 1552, തിരുവനന്തപുരം 1214, കൊല്ലം 1013, തൃശൂര്‍ 910, കോട്ടയം 731, കോഴിക്കോട് 712, ഇടുക്കി 537, മലപ്പുറം 517, പത്തനംതിട്ട 500, കണ്ണൂര്‍ 467, ആലപ്പുഴ 390, പാലക്കാട് 337, വയനാട് 310, കാസര്‍ഗോഡ് 171 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്.കഴിഞ്ഞ 24 മണിക്കൂറിനിടെ 80,393 സാമ്പിളുകളാണ് പരിശോധിച്ചത്. പ്രതിവാര ഇന്‍ഫെക്ഷന്‍ പോപ്പുലേഷന്‍ റേഷ്യോ (WIPR) പത്തിന് മുകളിലുള്ള 158 തദ്ദേശ സ്വയംഭരണ പ്രദേശങ്ങളിലായി 211 വാര്‍ഡുകളാണുള്ളത്. ഇവിടെ കര്‍ശന നിയന്ത്രണമുണ്ടാകും.സംസ്ഥാനത്തെ വിവിധ ജില്ലകളിലായി 2,81,286 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 2,72,412 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 8874 പേര്‍ ആശുപത്രികളിലും നിരീക്ഷണത്തിലാണ്. 825 പേരെയാണ് പുതുതായി ആശുപത്രിയില്‍ പ്രവേശിപ്പിച്ചത്.നിലവില്‍ 80,892 കോവിഡ് കേസുകളില്‍, 9.8 ശതമാനം വ്യക്തികള്‍ മാത്രമാണ് ആശുപത്രി/ഫീല്‍ഡ് ആശുപത്രികളില്‍ പ്രവേശിപ്പിക്കപ്പെട്ടിട്ടുള്ളത്.കഴിഞ്ഞ ദിവസങ്ങളിലുണ്ടായ 99 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതുകൂടാതെ മതിയായ രേഖകളില്ലാത്തത് കാരണം സ്ഥിരീകരിക്കാതിരുന്ന കഴിഞ്ഞ ജൂണ്‍ 14 വരെയുള്ള 292 മരണങ്ങളും, സുപ്രീംകോടതി വിധിപ്രകാരം കേന്ദ്രസര്‍ക്കാരിന്റെ പുതിയ മാര്‍ഗനിര്‍ദേശമനുസരിച്ച് അപ്പീല്‍ നല്‍കിയ 172 മരണങ്ങളും റിപ്പോര്‍ട്ട് ചെയ്തിട്ടുണ്ട്. ഇതോടെ സംസ്ഥാനത്തെ ആകെ മരണം 27,765 ആയി.ഇന്ന് രോഗം സ്ഥിരീകരിച്ചവരില്‍ 39 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 9012 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 254 പേരുടെ സമ്പര്‍ക്ക ഉറവിടം വ്യക്തമല്ല. 56 ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്.രോഗം സ്ഥിരീകരിച്ച് ചികിത്സയിലായിരുന്ന 9401 പേര്‍ രോഗമുക്തി നേടി. തിരുവനന്തപുരം 1309, കൊല്ലം 532, പത്തനംതിട്ട 183, ആലപ്പുഴ 401, കോട്ടയം 491, ഇടുക്കി 626, എറണാകുളം 1891, തൃശൂര്‍ 1121, പാലക്കാട് 437, മലപ്പുറം 556, കോഴിക്കോട് 1004, വയനാട് 141, കണ്ണൂര്‍ 519, കാസര്‍ഗോഡ് 190 എന്നിങ്ങനേയാണ് രോഗമുക്തിയായത്. ഇതോടെ പേരാണ് രോഗം സ്ഥിരീകരിച്ച് 80,892 ഇനി ചികിത്സയിലുള്ളത്. 47,88,629 പേര്‍ ഇതുവരെ കോവിഡില്‍ നിന്നും മുക്തി നേടി.കോവിഡ് 19 വിശകലന റിപ്പോര്‍ട്ട് വാക്‌സിനേഷന്‍ എടുക്കേണ്ട ജനസംഖ്യയുടെ 94.2 ശതമാനം പേര്‍ക്ക് ഒരു ഡോസ് വാക്‌സിനും (2,51,70,193), 47.4 ശതമാനം പേര്‍ക്ക് രണ്ട് ഡോസ് വാക്‌സിനും (1,26,74,831) നല്‍കി. ഇന്ത്യയില്‍ ഏറ്റവും കൂടുതല്‍ വാക്‌സിനേഷന്‍/ ദശലക്ഷം ഉള്ള സംസ്ഥാനം കേരളമാണ് (10,60,101) ഇന്നത്തെ റിപ്പോര്‍ട്ട് പ്രകാരം, 9361 പുതിയ രോഗികളില്‍ 7769 പേര്‍ വാക്‌സിനേഷന് അര്‍ഹരായിരുന്നു. ഇവരില്‍ 2199 പേര്‍ ഒരു ഡോസ് വാക്‌സിനും 3019 പേര്‍ രണ്ടു ഡോസ് വാക്‌സിനും എടുത്തിരുന്നു. എന്നാല്‍ 2551 പേര്‍ക്ക് വാക്‌സിന്‍ ലഭിച്ചതായി റിപ്പോര്‍ട്ട് ചെയ്യപ്പെട്ടിട്ടില്ല. കോവിഡ് വാക്‌സിനുകള്‍ ആളുകളെ അണുബാധയില്‍ നിന്നും ഗുരുതരമായ അസുഖത്തില്‍ നിന്നും സംരക്ഷിക്കുകയും ആശുപത്രിവാസത്തിന്റെയും മരണത്തിന്റെയും സാധ്യത ഗണ്യമായി കുറയ്ക്കുകയും ചെയ്യുന്നു.ഒക്‌ടോബര്‍ 15 മുതല്‍ 21 വരെയുള്ള കാലയളവില്‍, ശരാശരി 85,845 കേസുകള്‍ ചികിത്സയിലുണ്ടായിരുന്നതില്‍ 2 ശതമാനം പേര്‍ക്ക് മാത്രമാണ് ഓക്‌സിജന്‍ കിടക്കകളും 1.5 ശതമാനം പേര്‍ക്ക് മാത്രമാണ് ഐസിയുവും ആവശ്യമായി വന്നത്. ഈ കാലയളവില്‍, കഴിഞ്ഞ ആഴ്ചയുമായി താരതമ്യം ചെയ്യുമ്പോള്‍ റിപ്പോര്‍ട്ട് ചെയ്യപ്പെടുന്ന പുതിയ കേസുകളില്‍ ഏകദേശം 7670 കുറവ് ഉണ്ടായി. പുതിയ കേസുകളുടെ വളര്‍ച്ചാ നിരക്കില്‍ മുന്‍ ആഴ്ചയുമായി താരതമ്യപ്പെടുത്തുമ്പോള്‍ 12 ശതമാനവും കുറവ് ഉണ്ടായിട്ടുണ്ട്. നിലവില്‍ രോഗം സ്ഥിരീകരിച്ച് ചികിത്സയിലുള്ള രോഗികള്‍, ആശുപത്രികള്‍, ഫീല്‍ഡ് ആശുപത്രികള്‍, ഐസിയു, വെന്റിലേറ്റര്‍, ഓക്‌സിജന്‍ കിടക്കകള്‍ എന്നിവിടങ്ങളിലെ രോഗികളുടെ എണ്ണം എന്നിവ മുന്‍ ആഴ്ചയുമായി താരതമ്യപ്പെടുത്തുമ്പോള്‍ ഈ ആഴ്ചയില്‍ യഥാക്രമം 18%, 15%, 34%, 13%, 12%, 19% കുറഞ്ഞു. ആശുപത്രിവാസത്തിന്റെ നിരക്കും ഗുരുതരമായ കേസുകളും കുറയുന്ന പ്രവണതയാണ് കാണിക്കുന്നത്.

Advertisement

കാറളം എ.എൽ.പി സ്കൂളിലെ ദുരിതാശ്വാസ ക്യാമ്പ് ഉന്നത വിദ്യാഭ്യാസ – സാമൂഹ്യ നീതി വകുപ്പ് മന്ത്രി ഡോ ആർ.ബിന്ദു സന്ദർശിച്ചു

ഇരിങ്ങാലക്കുട: നിയോജക മണ്ഡലത്തിലെ കാറളം എ.എൽ.പി സ്കൂളിലെ ദുരിതാശ്വാസ ക്യാമ്പ് ഉന്നത വിദ്യാഭ്യാസ – സാമൂഹ്യ നീതി വകുപ്പ് മന്ത്രി ഡോ ആർ.ബിന്ദു സന്ദർശിച്ചു. കാറളം ഗ്രാമപഞ്ചായത്തിലെ ആലുക്കകടവ് , കല്ലട എന്നിവിടങ്ങളിൽ നിന്നും 4 കുടംബങ്ങളിലായി 20 പേരാണ് ഈ ദുരിതാശ്വാസ ക്യാമ്പിൽ കഴിയുന്നത്. മണ്ഡലത്തിൽ കാട്ടൂർ , കാറളം എന്നീ പഞ്ചായത്തുകളിലും ഇരിങ്ങാലക്കുട നഗരസഭയിലുമായി 3 ക്യാമ്പുകളാണ് ആരംഭിച്ചിട്ടുള്ളത് . ക്യാമ്പ് സന്ദർശനത്തിനായി മന്ത്രിയോടൊപ്പം ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡന്റ് ലളിത ബാലൻ , കാറളം ഗ്രാമ പഞ്ചായത്ത് പ്രസിഡണ്ട് സീമ പ്രേംരാജ് , കാറളം വില്ലേജാഫീസർ ഡി. സുനിൽ കുമാർ എന്നിവരും കൂടെയുണ്ടായിരുന്നു.

Advertisement

എ ഐ വൈ എഫ് മുൻ നേതാക്കളെ കോടതി വെറുതെ വിട്ടു

ഇരിങ്ങാലക്കുട :മനുഷ്യമനസാക്ഷിയെ നടുക്കിയ സൗമ്യവധകേസ്സില്‍ പ്രതിയായ ഗോവിന്ദചാമിക്ക് കനത്തശിക്ഷ നല്‍കണമെന്നാവശ്യപ്പെട്ട് 2010 ഒക്ടോബര്‍ മാസം 30 -ാം തിയ്യതി എ ഐ വൈ എഫ് നടത്തിയ സമരത്തെ തുടര്‍ന്ന് പേരാമംഗലം പോലീസ് എ ഐ വൈ എഫ് ജില്ലാ പ്രസിഡണ്ടായിരുന്ന പി.മണി, രാഗേഷ്കണിയാംപറമ്പില്‍,പി. ആര്‍ വിശ്വനാഥന്‍,എ.എം ഷഫീര്‍,കെ. എസ് ബെെജു,അജിത്കുമാര്‍ വി.കെ എന്നിവരെ പ്രതികളാക്കി എടുത്ത കേസ്സില്‍ എ. ഐ.വെെ. എഫ് നേതാക്കള്‍ കുറ്റക്കാരല്ല എന്ന് കണ്ടെത്തി കുന്ദംകുളം മജിസ്ട്രേറ്റ് കോടതി വെറുതെ വിട്ടു. ഈ സമരത്തില്‍ എ.ഐ വെെ എഫ് നേതാക്കള്‍ക്ക് പോലീസ് മര്‍ദ്ദനവും,ജയില്‍ ശിക്ഷയും അനുഭവിക്കേണ്ടി വന്നിരുന്നു.പത്ത് വര്‍ഷത്തെ നിയമപോരാട്ടമാണ് ഇന്ന് വിജയിച്ചത്.,സ്ത്രീസുരക്ഷ്കുവേണ്ടിയുള്ള പോരാട്ടങ്ങള്‍ക്ക് വിധി കരുത്തുപകരുമെന്ന് നേതാക്കള്‍ പ്രതികരിച്ചു.

Advertisement

ഇൻറർ നാഷണൽ കോൺഫറൻസ് ഓൺ ഇന്നോവേഷൻസ് ഇൻ സിവിൽ എഞ്ചിനീയറിംഗ് -2021

ഇരിങ്ങാലക്കുട: ക്രൈസ്റ്റ് കോളേജ് ഓഫ് എഞ്ചിനീയറിംഗ് ഇരിങ്ങാലക്കുട, സിവിൽ എഞ്ചിനീയറിംഗ് വിഭാഗം ആതിഥേയത്വം വഹിച്ച “ഇന്റർനാഷണൽ കോൺഫറൻസ് ഓൺ ഇന്നോവേഷൻസ് ഇൻ സിവിൽ എഞ്ചിനീയറിംഗ് -2021” കോവിഡ് മഹാമാരിക്കിടയിലും യുവ സിവിൽ എഞ്ചിനീയർമാർക്ക് അറിവ് വിപുലീകരിക്കാനും അക്കാദമിക് വിദഗ്ധരും വ്യവസായ വിദഗ്ധരുമായി സംവദിക്കാനുമുള്ള മികച്ച വഴി സജ്ജമാക്കി. 3 ദിവസത്തെ ഓൺലൈൻ കോൺഫറൻസ് ഡോ. ആന്റണി ബാലൻ ടി.ജി (റിട്ട. ചീഫ് എൻജിനീയർ, സെൻട്രൽ വാട്ടർ കമ്മീഷൻ, ന്യൂഡൽഹി) ഉദ്ഘാടനം ചെയ്യുകയും ജലവിഭവ പദ്ധതി ആസൂത്രണവും മാനേജ്മെൻറും എന്ന വിഷയത്തിൽ മുഖ്യപ്രഭാഷണം നടത്തുകയും ചെയ്തു. ഡോ. സഞ്ജീബ് മൊഹപത്ര (പോസ്റ്റ്-ഡോക്ടറൽ റിസർച്ച് സ്കോളർ,എൻവയോൺമെന്റൽ റിസർച്ച് ഇൻസ്റ്റിറ്റ്യൂട്ട്, നാഷണൽ യൂണിവേഴ്സിറ്റി ഓഫ് സിംഗപ്പൂർ ), ഡോ. എ. വി. രാഹുൽ (പോസ്റ്റ്-ഡോക്ടറൽറിസർച്ച് സ്കോളർ-മാഗ്നെൽ വന്ദേപ്പിറ്റ് ലബോറട്ടറി, ഗെന്റ് യൂണിവേഴ്സിറ്റി, ബെൽജിയം) എന്നിവർ കോവിഡ് 19 പാൻഡെമിക് സമയത്ത് ഉയർന്നുവരുന്ന ആശങ്കകളും, കോൺക്രീറ്റ് 3 ഡി പ്രിന്റിംഗിന്റെ നിർമ്മാണ സാധ്യതകളും വെല്ലുവിളികളും എന്ന വിഷയങ്ങളിൽ പ്രഭാഷണം നടത്തി.അഞ്ച് സാങ്കേതിക സെഷനുകളിലായി സിവിൽ എഞ്ചിനീയറിംഗിന്റെ വിവിധ മേഖലകളിലെ ഗവേഷണ പ്രവർത്തനങ്ങൾ അവതരിപ്പിക്കാനുള്ള അവസരം വിദ്യാർത്ഥികൾക്ക് ലഭിച്ചു. സമർപ്പിച്ച വിവിധ സാങ്കേതികപേപ്പറുകൾ, സാങ്കേതിക അവലോകന സമിതി പരിശോധിക്കുകയും 65 പേപ്പറുകൾ തിരഞ്ഞെടുക്കുകയും ചെയ്തു. ഓരോ സെഷനിൽ നിന്നും മികച്ച പേപ്പർ തിരഞ്ഞെടുത്തു. സിവിൽ എഞ്ചിനീയറിംഗിന്റെ വിവിധ മേഖലകളിൽ നിന്നുള്ള വിദഗ്ധരാണ് സെഷനുകൾക്ക് നേതൃത്വം നൽകിയത്. വ്യാവസായിക വിദഗ്ധൻ ശരൺ എൻ.വി (ഔട്ട്സോഴ്സിംഗ് ഡ്രാഫ്റ്റിംഗ് സർവീസ് ഓർഗനൈസേഷൻ എം‌ജി‌എൽ ഗ്രൂപ്പ്, രാജ്‌കോട്ട്, ഗുജറാത്ത്) നിലവിലെ സാഹചര്യത്തിൽ ബിൽഡിംഗ് ഇൻഫർമേഷൻ മോഡലിംഗിലെ(ബിഐഎം) റോൾ പ്രീകാസ്റ്റ് ഘടനകളുടെ പ്രാധാന്യം എന്ന വിഷയത്തിൽ നടത്തിയ സെഷൻ വളർന്നുവരുന്ന എഞ്ചിനീയർമാർക്ക് വളരെ ഉപയോഗപ്രദമായിരുന്നു. വ്യാവസായിക വിദഗ്ധരായ അനിൽകുമാർ രാമകൃഷ്ണപിള്ള (ഡെപ്യൂട്ടി ജനറൽ മാനേജർ, ഗൽഫർ എഞ്ചിനീയറിംഗ് ആൻഡ് കോൺട്രാക്ടിംഗ് SAOG ഒമാൻ), റെജി സക്കറിയ (സി.ഇ.ഒ, S&R കൺസൾട്ടന്റ്സ്, കൊച്ചി), മനു വി തമ്പി (അസിസ്റ്റന്റ് എഞ്ചിനീയർ കേരള സോയിൽ സർവേ ആൻഡ് സോയിൽ കൺസർവേഷൻ വകുപ്പ്) എന്നിവർ തൊഴിലവസരങ്ങൾക്ക് വേണ്ടിവരുന്ന സ്കില്ലുകൾ എന്ന വിഷയത്തിൽ പാനൽ ഡിസ്കഷൻ നടത്തി.

Advertisement

കേരളത്തില്‍ ഇന്ന് 8733 പേര്‍ക്ക് കോവിഡ്-19 സ്ഥിരീകരിച്ചു

കേരളത്തില്‍ ഇന്ന് 8733 പേര്‍ക്ക് കോവിഡ്-19 സ്ഥിരീകരിച്ചു. എറണാകുളം 1434, തിരുവനന്തപുരം 1102, തൃശൂര്‍ 1031, കോഴിക്കോട് 717, കോട്ടയം 659, കൊല്ലം 580, പത്തനംതിട്ട 533, കണ്ണൂര്‍ 500, മലപ്പുറം 499, പാലക്കാട് 439, ഇടുക്കി 417, ആലപ്പുഴ 369, വയനാട് 288, കാസര്‍ഗോഡ് 165 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്.കഴിഞ്ഞ 24 മണിക്കൂറിനിടെ 86,303 സാമ്പിളുകളാണ് പരിശോധിച്ചത്. പ്രതിവാര ഇന്‍ഫെക്ഷന്‍ പോപ്പുലേഷന്‍ റേഷ്യോ (WIPR) പത്തിന് മുകളിലുള്ള 158 തദ്ദേശ സ്വയംഭരണ പ്രദേശങ്ങളിലായി 211 വാര്‍ഡുകളാണുള്ളത്. ഇവിടെ കര്‍ശന നിയന്ത്രണമുണ്ടാകും.സംസ്ഥാനത്തെ വിവിധ ജില്ലകളിലായി 2,86,888 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 2,77,907 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 8981. പേര്‍ ആശുപത്രികളിലും നിരീക്ഷണത്തിലാണ്. 667 പേരെയാണ് പുതുതായി ആശുപത്രിയില്‍ പ്രവേശിപ്പിച്ചത്.നിലവില്‍ 81,496 കോവിഡ് കേസുകളില്‍, 9.9 ശതമാനം വ്യക്തികള്‍ മാത്രമാണ് ആശുപത്രി/ഫീല്‍ഡ് ആശുപത്രികളില്‍ പ്രവേശിപ്പിക്കപ്പെട്ടിട്ടുള്ളത്.
കഴിഞ്ഞ ദിവസങ്ങളിലുണ്ടായ 118 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 27,202 ആയി.ഇന്ന് രോഗം സ്ഥിരീകരിച്ചവരില്‍ 31 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 8308 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 326 പേരുടെ സമ്പര്‍ക്ക ഉറവിടം വ്യക്തമല്ല. 68 ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്.രോഗം സ്ഥിരീകരിച്ച് ചികിത്സയിലായിരുന്ന 9855 പേര്‍ രോഗമുക്തി നേടി. തിരുവനന്തപുരം 1531, കൊല്ലം 564, പത്തനംതിട്ട 586, ആലപ്പുഴ 635, കോട്ടയം 673, ഇടുക്കി 386, എറണാകുളം 1072, തൃശൂര്‍ 1181, പാലക്കാട് 602, മലപ്പുറം 685, കോഴിക്കോട് 827, വയനാട് 253, കണ്ണൂര്‍ 661, കാസര്‍ഗോഡ് 199 എന്നിങ്ങനേയാണ് രോഗമുക്തിയായത്. ഇതോടെ 81,496 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 47,79,228 പേര്‍ ഇതുവരെ കോവിഡില്‍ നിന്നും മുക്തി നേടി.

Advertisement

മുന്നോക്ക സമുദായ സർവ്വേ രീതി സുതാര്യമാകണം – വാര്യർ സമാജം

ഇരിങ്ങാലക്കുട: മുന്നോക്ക സമുദായങ്ങളിലെ സാമ്പത്തികമായി പിന്നോക്കം നിൽക്കുന്നവരുടെ പ്രശ്നങ്ങൾ പഠിച്ച് സർക്കാരിലേക്ക് ശുപാർശ സമർപ്പിക്കുന്നതിനായി വിപുലമായ വിവര ശേഖരണം നടത്താൻ കമ്മീഷൻ നടത്തിയ സിറ്റിങ്ങിൽ വാരിയർ സമാജം സംസ്ഥാന ജനറൽ സെക്രട്ടറി പി.വി.മുരളീധരൻ പങ്കെടുത്ത് കത്ത് നൽകി. പദ്ധതി സ്വാഗതാർഹമാണ് , എന്നാൽ സർവ്വേ നടത്താൻ കുടുംബ ശ്രീയെ ഏൽപ്പിക്കുന്നതിൽ ആശങ്കയുണ്ടെന്ന് അറിയിച്ചു. സർക്കാർ അംഗീകൃത ഏജൻസികളെ കൊണ്ട് സുതാര്യമായി സർവ്വേ നടത്തണമെന്ന് അദ്ദേഹം അഭിപ്രായപ്പെട്ടു. ഇതു് ഒരു പ്രഹസനമാക്കി മാറ്റാതിരിക്കാൻ ശ്രമിക്കണമെന്നും കമ്മീഷനോട് അഭ്യർത്ഥിച്ചു.

Advertisement

തൃശ്ശൂര്‍ ജില്ലയില്‍ 1,031 പേര്‍ക്ക് കൂടി കോവിഡ്, 1,181 പേര്‍ രോഗമുക്തരായി

തൃശ്ശൂര്‍ ജില്ലയില്‍ വ്യാഴാഴ്ച്ച (21/10/2021) 1,031 പേര്‍ക്ക് കൂടി കോവിഡ്-19 സ്ഥിരീകരിച്ചു; 1,181 പേര്‍ രോഗമുക്തരായി. ജില്ലയില്‍ രോഗബാധിതരായി ചികിത്സയില്‍ കഴിയുന്നവരുടെ എണ്ണം 4,261 ആണ്. തൃശ്ശൂര്‍ സ്വദേശികളായ 75 പേര്‍ മറ്റു ജില്ലകളില്‍ ചികിത്സയില്‍ കഴിയുന്നു. ജില്ലയില്‍ ഇതുവരെ കോവിഡ് സ്ഥിരീകരിച്ചവരുടെ എണ്ണം 5,14,653 ആണ്. 5,08,541 പേരെയാണ് ആകെ രോഗമുക്തരായി ഡിസ്ചാര്‍ജ്ജ് ചെയ്തത്. ഇന്നത്തെ ടെസ്റ്റ് പോസിറ്റിവിറ്റി നിരക്ക് 12.91% ആണ്.ജില്ലയില്‍ വ്യാഴാഴ്ച്ച സമ്പര്‍ക്കം വഴി 1,026 പേര്‍ക്കാണ് രോഗം സ്ഥിരീകരിച്ചത്. കൂടാതെ 01 ആരോഗ്യപ്രവര്‍ത്തകര്‍ക്കും, ഉറവിടം അറിയാത്ത 04 പേര്‍ക്കും രോഗബാധ ഉണ്ടായിട്ടുണ്ട്.രോഗ ബാധിതരില്‍ 60 വയസ്സിനുമുകളില്‍ 69 പുരുഷന്‍മാരും 93 സ്ത്രീകളും പത്ത് വയസ്സിനു താഴെ 39 ആണ്‍കുട്ടികളും 39 പെണ്‍കുട്ടികളുമുണ്ട്.രോഗം സ്ഥിരീകരിച്ച് ചികിത്സയില്‍ കഴിയുന്നവര്‍ – തൃശ്ശൂര്‍ ഗവ. മെഡിക്കല്‍ കോളേജില്‍ – 115വിവിധ കോവിഡ് ഫസ്റ്റ ് ലൈന്‍ ട്രീറ്റ്മെന്‍റ് സെന്‍ററുകളില്‍- 153സര്‍ക്കാര്‍ ആശുപത്രികളില്‍ – 112സ്വകാര്യ ആശുപത്രികളില്‍ – 220വിവിധ ഡോമിസിലിയറി കെയര്‍ സെന്‍ററുകളില്‍ – 13കൂടാതെ 2,617 പേര്‍ വീടുകളിലും ചികിത്സയില്‍ കഴിയുന്നുണ്ട്. 1,175 പേര്‍ പുതിയതായി ചികിത്സയില്‍ പ്രവേശിച്ചതില്‍ 98 പേര്‍ ആശുപത്രിയിലും 1077 പേര്‍ വീടുകളിലുമാണ്. 7,987 സാമ്പിളുകളാണ് പരിശോധനയ്ക്ക് എടുത്തത്. ഇതില്‍ 1,701 പേര്‍ക്ക് ആന്‍റിജന്‍ പരിശോധനയും, 5,926 പേര്‍ക്ക് ആര്‍ടി-പിസിആര്‍ പരിശോധനയും, 360 പേര്‍ക്ക് ട്രുനാറ്റ്/സിബിനാറ്റ് പരിശോധനയുമാണ് നടത്തിയത്. ജില്ലയില്‍ ഇതുവരെ ആകെ 34,10,911 സാമ്പിളുകളാണ് പരിശോധനയ്ക്ക് അയച്ചത്.466 ഫോണ്‍ വിളികളാണ് ജില്ലാ കണ്‍ട്രോള്‍ സെല്ലില്ലേക്ക് വന്നത്. ഇതുവരെ ആകെ 3,49,053 ഫോണ്‍ വിളികളാണ് ജില്ലാ കണ്‍ട്രോള്‍ സെല്ലില്ലേക്ക് വന്നിട്ടുളളത്. 39 പേര്‍ക്ക് സൈക്കോ സോഷ്യല്‍ കൗണ്‍സിലര്‍മാര്‍ വഴി കൗണ്‍സിലിംഗ് നല്‍കി. ജില്ലയില്‍ ഇതുവരെ 34,62,732 ഡോസ് കോവിഡ് 19 വാക്സിന്‍ വിതരണം ചെയ്തു. ഇതില്‍ 22,83,222 പേര്‍ ഒരു ഡോസ് വാക്സിനും, 11,79,510 പേര്‍ രണ്ട് ഡോസ് വാക്സിനും സ്വീകരിച്ചു.

Advertisement
75,647FansLike
3,427FollowersFollow
186FollowersFollow
2,350SubscribersSubscribe

Latest posts