കണ്ടംകുളത്തി ലോനപ്പന്‍ സ്മാരക ഫുട്ബോള്‍ ടൂര്‍ണ്ണമെന്റ് ഫെബ്രുവരി 5 മുതല്‍ 9 വരെ

ഇരിങ്ങാലക്കുട : കണ്ടംകുളത്തി ലോനപ്പന്‍ സ്മാരക വിന്നേഴ്സ് ട്രോഫിക്കും ടി എല്‍ തോമസ് തൊഴുത്തും പറമ്പില്‍ റണ്ണേഴ്സ് ട്രോഫിക്കും വേണ്ടിയുളള ക്രൈസ്റ്റ് കോളേജിന്റെ 57-മത് അന്തര്‍ കലാലയ അഖില കേരള ഫുട്ബോള്‍ ടൂര്‍ണ്ണമെന്റ് 2018 ഫെബ്രുവരി 5 മുതല്‍ 9 വരെ മാങ്ങാടിക്കുന്നിലെ ക്രൈസ്റ്റ് കോളേജ് ഫുട്ബോള്‍ ഗ്രൗണ്ടില്‍ വച്ച് നടക്കുന്നു.വിജയികള്‍ക്കു 30000 രൂപ ക്യാഷ് പ്രൈസ് ആയും രണ്ടാം സ്ഥാനക്കാര്‍ക്ക് 25000 രൂപ ക്യാഷ് പ്രൈസ് നല്‍കുന്നു.സന്തോഷ് ട്രോഫി താരങ്ങളും കോരള ബ്ലാസ്റ്റേഴ്സ് താരങ്ങളും ,ഐ ലീഗ് താരങ്ങളും യൂണിവേഴ്സിറ്റി താരങ്ങളും വിവിധ കോളേജുകള്‍ക്കായി ബൂട്ട് കെട്ടുന്നുണ്ട് . ഇരിഞ്ഞാലക്കുട ചെയര്‍പേഴ്സണ്‍ നിമ്യ ഷിജു ഫെബ്രുവരി 5 നു വൈകീട്ട് 3:30നു ഉദ്ഘാടനം നിര്‍വഹിക്കും .