ജൂണ്‍-5 പരിസ്ഥിതി ദിനത്തിന്റെ ഭാഗമായി ‘ജീവനുള്ള ഭൂമിക്ക് യുവതയുടെ കാവല്‍’ എന്ന മുദ്രാവാക്യമുയര്‍ത്തില്‍ Dyfl ഇരിങ്ങാലക്കുടയില്‍ ആയിരത്തി മുന്നൂറ്റി മുപ്പത്തി മൂന്ന് വ്യക്ഷ തൈകള്‍ നട്ടു പിടിപ്പിച്ചു. ബ്ലോക്ക് തല ഉദ്ഘാടനം പടിയൂരില്‍ വെച്ച് ഡി.വൈ.എഫ്.ഐ ജില്ല കമ്മിറ്റി അംഗം സി.ഡി.സിജിത്ത് ഉദ്ഘാടനം ചെയ്തു. ഇരിങ്ങാലക്കുട വെസ്റ്റ് മേഖലാ കമ്മറ്റി നടത്തിയ വൃക്ഷത്തെ നടല്‍ പരിപാടി ഇരിങ്ങാലക്കുട സെന്റ്:ജോസഫ് വനിത കോളേജ് എഡിറ്ററും SFl ഏരിയാ കമ്മറ്റി അംഗം കൂടിയായ ഗംഗ ഗോപി നിര്‍വഹിച്ചു. മേഖലാ സെക്രട്ടറി കെ.കെ ശ്രീജിത്ത് പ്രസിഡന്റ് നിതീഷ് മോഹന്‍, ട്രഷറര്‍ എ.എസ് ഷാരംഗ് എന്നിവര്‍ നേതൃത്വം നല്‍കി.

ഇരിങ്ങാലക്കുട: ഇരിങ്ങാലക്കുട  ഗവ. ഗേള്‍സ് ഹയര്‍ സെക്കണ്ടറി ,വൊക്കേഷണല്‍ ഹയര്‍ സെക്കണ്ടറി സ്‌ക്കൂള്‍ ലോക പരിസ്ഥിതി ദിനത്തിനോടനുബന്ധിച്ച് ചിത്രപ്രദര്‍ശനവും ക്വിസ്സ് മത്സരവും വൃക്ഷ തൈ നടുകയും ചെയ്തു ഈ പരിപാടിയുടെ ഉത്ഘാടനം ഇരിങ്ങാലക്കുട കൈ്വസ്റ്റ് കോളേജ് മുന്‍ അധ്യാപകനായ ഡോക്ടര്‍ ട’ ശ്രീകുമാര്‍ ഉത്ഘാടനം ചെയ്ത് ഇരിങ്ങാലക്കൂട ന്വേച്ചര്‍ ക്ലബ് അംഗങ്ങളുടെ നേത്യത്യത്തില്‍ പരിസ്ഥിതിയോടനുബന്ധിച്ചുള്ള ചിത്ര പ്രദര്‍ശനം നടത്തി നിപ്പോണ്‍ ടോയററ്റ കമ്പനി എജന്‍സി വിദ്യാത്ഥികള്‍ക്ക് വൃക്ഷതൈകള്‍ വിതരണം ചെയ്ത് HM .ടി .വി.രമണി ,പ്യാരിജ M , പി.ടി.എ പ്രസിഡന്റ് ജോയ് കേനേങ്ങാടന്‍ പക്ഷി’ നിരീക്ഷകയായ മിനി ,ഇരിങ്ങാലക്കുട ന്വേച്ചര്‍ ക്ലബ് അംഗമായ നിഖില്‍ ഹേന കെ. ആര്‍ എന്നിവര്‍ സംസാരിച്ചു സി.എസ്.അബ്ദുള്‍ ഹഖ് . നന്ദിയും രേഖപ്പെടുത്തി

ഇരിങ്ങാലക്കുട- ലിറ്റില്‍ ഫ്‌ളവര്‍ കോണ്‍വെന്റ് ഹൈസ്‌കൂളില്‍ പരിസ്ഥിതി ദിനം ആചരിച്ചു.ഇരിങ്ങാലക്കുട അഗ്രികള്‍ച്ചര്‍ ഫീല്‍ഡ് ഓഫീസര്‍ കെ കെ നന്ദനന്‍ വിത്ത് പാകി കൊണ്ട് ഉദ്ഘാടനം ചെയ്തു.പി ടി എ പ്രസിഡന്റ് പി ടി ജോര്‍ജ്ജ് അദ്ധ്യക്ഷത വഹിച്ചു.അസിസ്റ്റന്റ് അഗ്രികള്‍ച്ചര്‍ അസിസ്റ്റന്റ് ഡയറക്ടര്‍ ടി സുശീല വൃക്ഷ തൈ വിതരണം ചെയ്തു.എച്ച് എം സി.റോസ്‌ലറ്റ് പരിസ്ഥിതി ദിന പ്രതിജ്ഞ ചൊല്ലികൊടുക്കുകയും വിദ്യാലയം ഗ്രീന്‍ പ്രോട്ടോക്കോളായി പ്രഖ്യാപിക്കുകയും ചെയ്തു.എം പി ടി എ പ്രസിഡന്റ് മിനി കാളിയങ്കര കുട്ടികള്‍ക്ക് വിത്ത് വിതരണം ചെയ്തു.പരിസ്ഥിതി സംരക്ഷണം കുട്ടികളില്‍ ഉണര്‍ത്തുന്ന നൃത്ത ശില്പം ,സംഘഗാനം ,പ്രസംഗം തുടങ്ങിയവ നടന്നു.അമ്‌ന ഷെരീഫ് സ്വാഗതവും അസ്‌ന നന്ദിയും പറഞ്ഞു

ഇരിങ്ങാലക്കുട : കൂടല്‍മാണിക്യം ദേവസ്വത്തിന്റെ ആനയായ മേഘാര്‍ജ്ജുന് ഭക്ഷണത്തിനായി ഇനി ക്ഷേത്രവളപ്പിലെ പനയോല തന്നേ കിട്ടുന്ന പദ്ധതിയ്ക്ക് തുടക്കം കുറിച്ചു.ഒരു ദിവസം 20 ഓളം പനഓല അടക്കം ഒരു ലക്ഷം രൂപയോളം മാസം ദേവസ്വം ആനയ്ക്ക് ചിലവ് വരുന്നുണ്ട്.ഉത്സവത്തിന് 110 ടണ്‍ പനയോലയാണ് ആനകള്‍ക്ക് മാത്രമായി ഇറക്കിയത് ഇത്തരത്തില്‍ ലക്ഷകണക്കിന് രൂപ ചിലവാകുന്നത് കുറയ്ക്കാന്‍ ലക്ഷ്യമിട്ടാണ് ഉപയോഗ്യശൂന്യമായി ക്ഷേത്ര അതീനതയില്‍ കിടക്കുന്ന ഭൂമികളില്‍ ആനപന നട്ട് വളര്‍ത്താന്‍ തീരുമാനിച്ചത്.ദേവസ്വം ആനതാവളത്തില്‍ നടന്ന ചടങ്ങ് ചെയര്‍മാന്‍ യു പ്രദീപ് മേനോന്‍ ഉദ്ഘാടനം ചെയ്തു.ദേവസ്വം ജീവനക്കാര്‍,ഡയറക്ടര്‍ ബോര്‍ഡ് മെമ്പേഴ്‌സ്,ഭക്തജനങ്ങള്‍ അടക്കം നൂറോളം പേര്‍ പരിപാടിയില്‍ പങ്കെടുത്തു.

ഇരിങ്ങാലക്കുട: ഇരിങ്ങാലക്കുട സെന്റ്. ജോസഫ്‌സ് കോളേജ് എന്‍.സി.സി. യൂണിറ്റും വനം വകുപ്പും സംയുക്തമായി പരിസ്ഥിതി ദിന റാലി നടത്തി. ജൂണ്‍ 5 രാവിലെ 10 മണിയ്ക്ക് കോളേജിന്റെ പൂന്തോട്ടത്തിന്റെ ചുമതലയുള്ള സി. ജെയ്‌സി മരിയ ഉദ്ഘാടനം ചെയ്തു. വനംവകുപ്പ് ഉദ്യോഗസ്ഥന്‍ . പി. ബാബുരാജില്‍ നിന്നും ഹോസ്റ്റല്‍ മുറ്റത്ത് നടാന്‍ അശോകമരത്തൈകള്‍ വാര്‍ഡന്‍ ഡോ. സി. ക്ലെയര്‍ ഏറ്റുവാങ്ങി. തുടര്‍ന്ന് എന്‍. സി.സി. കേഡറ്റുകളും വനം വകുപ്പും ചേര്‍ന്ന് ഇരിങ്ങാലക്കുട ടൗണില്‍ പ്ലാസ്റ്റിക് വിരുദ്ധ ബോധവല്‍ക്കരണറാലി നടത്തി. അസോസിയേറ്റ് എന്‍.സി.സി. ഓഫീസര്‍ ലഫ്റ്റനന്റ് ലിറ്റി ചാക്കോ, വനം വകുപ്പ് സെക്ഷന്‍ ഓഫീസര്‍ ശ്രീ. പി. ബാബുരാജ്, ബീറ്റ് ഓഫീസര്‍ ശ്രീ. സി.ജി. സജിത്ത് എന്നിവര്‍ നേതൃത്വം നല്‍കി.

ഇരിങ്ങാലക്കുട: നഗരസഭയും ജീവനക്കാരും കൈകോര്‍ത്തതോടെ ഇരിങ്ങാലക്കുട കെ.എസ്.ഇ.ബി. നമ്പര്‍ ടു സെക്ഷന്‍ ഗാന്ധിഗ്രാം ഓഫീസിന് പുനര്‍ജ്ജന്മം. വര്‍ഷങ്ങളായി അറ്റകുറ്റപണികളില്ലാതെ കിടന്നിരുന്ന സെക്ഷന്‍ ഓഫീസ് കെട്ടിടമാണ് നഗരസഭയും സെക്ഷന്‍ ഓഫീസിലെ ജീവനക്കാരും ചേര്‍ന്ന് നവീകരിച്ചത്. ഏറെ നാളത്തെ ആവശ്യത്തിനൊടുവിലാണ് സെക്ഷന്‍ ഓഫീസിന്റെ അറ്റകുറ്റപണികള്‍ നടത്താന്‍ നഗരസഭ തുക അനുവദിച്ചത്. കെട്ടിടത്തിന്റെ മേല്‍ക്കൂരയും ഫ്ളോര്‍ ടൈലിങ്ങും സ്ത്രീകള്‍ക്കും പുരുഷന്മാര്‍ക്കുമായി രണ്ട് ബാത്ത് റൂമുകളും നവീകരിക്കാനാണ് നഗരസഭ തുക അനുവദിച്ച് നല്‍കിയത്. മേല്‍ക്കൂരയും ടൈലിങ്ങും പൂര്‍ത്തിയായതോടെ ഓഫീസിലെ ജീവനക്കാര്‍ ചേര്‍ന്ന് കെട്ടിടത്തിന്റെ പഴയ സീലിങ്ങും വയറിങ്ങും മാറ്റി. പെയിന്റ് ചെയ്ത് കെട്ടിടത്തിന്റെ മോടികൂട്ടി നവീകരിച്ചു. രണ്ടരമാസത്തോളം സമയമെടുത്താണ് കെട്ടിടത്തിന്റെ നവീകരണപ്രവര്‍ത്തനങ്ങള്‍ നടത്തിയത്. ഇതില്‍ ഒരുമാസത്തോളം കെട്ടിടത്തിന് പുറത്തിരുന്നായിരുന്നു ജീവനക്കാര്‍ ഓഫീസ് പ്രവര്‍ത്തനങ്ങള്‍ നടത്തിയത്. അസി. എഞ്ചിനിയര്‍ സുധീപ്. എസ്സിന്റെ നേതൃത്വത്തില്‍ എല്ലാ ജീവനക്കാരുടെ കൂട്ടായ്മയിലായിരുന്നു ഓഫീസിന്റെ നവീകരണ പ്രവര്‍ത്തനങ്ങള്‍ നടന്നത്. ബാത്ത്റൂമുകളുടെ നിര്‍മ്മാണപ്രവര്‍ത്തനങ്ങള്‍ രണ്ടാഴ്ചയ്ക്കുള്ളില്‍ പൂര്‍ത്തിയാകുമെന്ന് അസി. എഞ്ചിനിയര്‍ സുധീപ് പറഞ്ഞു. കെട്ടിടവും മറ്റുസൗകര്യങ്ങളും നവീകരിച്ചെങ്കിലും കുടിവെള്ളത്തിനായി ഇപ്പോഴും വാട്ടര്‍ അതോററ്റിയെ തന്നെ ആശ്രയിക്കേണ്ട അവസ്ഥയിലാണെന്ന് ജീവനക്കാര്‍ പറഞ്ഞു. ആഴ്ചയില്‍ രണ്ടുതവണയാണ് വെള്ളം ലഭിക്കുന്നത്. ഈ കെട്ടിടത്തിലെ ടോയ്ലറ്റുകളാണ് ഗാന്ധിഗ്രാം ഗ്രൗണ്ടില്‍ പരിശീലനത്തിനും ടെസ്റ്റിനുമായി എത്തുന്ന സ്ത്രീകള്‍ ഉപയോഗിച്ചുവരുന്നത്. ഒരു കിണര്‍ കുത്തുകയും ഈ കോമ്പൗണ്ടില്‍ തന്നെ ഗ്രൗണ്ടിലേക്ക് മുഖം തിരിച്ച് നില്‍ക്കുന്ന രീതിയില്‍ പരിശീലനത്തിനെത്തുന്നവര്‍ക്കായി ബാത്ത്റൂമുകള്‍ നിര്‍മ്മിച്ചുനല്‍കിയാല്‍ വളരെയേറെ ഉപയോഗപ്രദമാകുമെന്ന് ഉദ്യോഗസ്ഥര്‍ പറഞ്ഞു. സമീപത്തുള്ള കെ.എസ്.ഇ.ബി എഞ്ചിനിയറിംഗ് വിഭാഗം പ്രവര്‍ത്തിക്കുന്ന മുനിസിപ്പല്‍ കെട്ടിടത്തിന് വര്‍ഷങ്ങളായി ഫിറ്റ്നസ്സില്ല. നമ്പര്‍ ടൂ സെക്ഷന്‍ ഓഫീസിന്റെ സ്റ്റോര്‍ റൂമും, ജീവനക്കാരുടെ വിശ്രമമുറിയും ഈ കെട്ടിടത്തിലുള്ളത്. ഫിറ്റ്നസ്സില്ലാതെ നില്‍ക്കുന്ന ഈ കെട്ടിടം പുനര്‍നിര്‍മ്മിക്കുകയോ, മേല്‍ക്കൂരയും മുറികളുടെ ചുമരുകളും പൊളിച്ചുനീക്കി ഹാളാക്കി മാറ്റി തരുകയോ ചെയ്യണമെന്നാവശ്യപ്പെട്ട് നഗരസഭയ്ക്ക് അപേക്ഷ നല്‍കിയിട്ടുണ്ടെന്ന് അസി. എഞ്ചിനിയര്‍ പറഞ്ഞു. ലക്ഷക്കണക്കിന് രൂപയുടെ സാധനസാമഗ്രികളാണ് ഇവിടെ ഉള്ളത്. അതിനാല്‍ സുരക്ഷയ്ക്കായി ചുറ്റുമതില്‍ നിര്‍മ്മിക്കണമെന്നും നഗരസഭയോട് ആവശ്യപ്പെട്ടീട്ടുണ്ടെന്നും ഉദ്യോഗസ്ഥര്‍ പറഞ്ഞു.

ഇരിങ്ങാലക്കുട- സെന്റ് ജോസഫ് കോളേജ് ഇംഗ്ലീഷ് വിഭാഗം അന്താരാഷ്ട്ര ശില്‍്പശാല സംഘടിപ്പിച്ചു.വിശ്വ സാഹിത്യ പഠനവും അവലോകനവും ജീവിതത്തോടു ചേര്‍ന്ന് എന്ന വിഷയത്തില്‍ റോസ്ബ്രൗണ്‍ (നാഷണല്‍ ബോര്‍ഡ് ഫൈഡ് ടീച്ചര്‍ ,അറോറ ഹൈസ്‌കൂള്‍ ,ഒ ഹൈയോ അമേരിക്ക)ക്ലാസ് നയിച്ചു.വിശ്വസാഹിത്യ കൃതികളില്‍ നിന്ന് അകന്നു നില്‍ക്കുന്ന തലമുറയല്ല അവയിലൂടെ മൂല്യങ്ങളെ സ്വാംശീകരിക്കുന്ന തലമുറയാണ് ഭാവിയെ വാര്‍ത്തെടുക്കുന്നവരെന്ന്  അവര്‍ പറഞ്ഞു.ക്ലാസ് മുറികളില്‍ നിശിതമായ പഠന രീതികളിലൂടെയാണ് സാഹിത്യത്തെ അറിയേണ്ടത്.സാഹിത്യത്തോടുള്ള ഇഷ്ടം കൊണ്ടാവണം അതു പഠിക്കേണ്ടത്.കോളേജ് പ്രിന്‍സിപ്പല്‍ സി.ഇസബെല്‍ അദ്ധ്യക്ഷയായിരുന്നു.ഇംഗ്ലീഷ് വിഭാഗം അധ്യാപകരായ ഡോ .ആഷ തോമസ് ,സുജിത വി എസ് ,വീണ സാനി ,വിദ്യാര്‍ത്ഥി പ്രതിനിധികളായ അഞ്ജന ജയകുമാര്‍ ,റിനി ജോയ് എന്നിവര്‍ സംസാരിച്ചു.വിദ്യാര്‍ത്ഥികളും അധ്യാപകരുമായി സംവാദവും ചര്‍ച്ചകളും നടന്നു

മാടായിക്കോണം:അഷ്ട വൈദ്യന്‍ തൈക്കാട്ട് മൂസ്സ് വൈദ്യരത്‌നം ഔഷധ ശാലയും കൊച്ചിന്‍ ദേവസ്വം ബോര്‍ഡും സംയുക്തമായി നടത്തുന്ന ”ഹരിത ക്ഷേത്രം” പദ്ധതിയുടെ ഭാഗമായി മാടായിക്കോണം ശ്രീ ശങ്കരമംഗലം ശിവ ക്ഷേത്രത്തില്‍ നിത്യ പൂജയ്ക്കാവശ്യമായ പുഷ്പങ്ങളും പത്രങ്ങളും നല്‍കുന്ന ഔഷധ സസ്യങ്ങള്‍ നട്ടു പിടിപ്പിച്ചു. ക്ഷേത്രാങ്കണത്തില്‍ വെച്ച് നടന്ന ചടങ്ങില്‍ ഇരിങ്ങാലക്കുട മുനിസിപ്പല്‍ കൗണ്‍സിലര്‍ ശ്രീമതി അംബിക പള്ളിപ്പുറത്ത് ഭദ്ര ദീപം കൊളുത്തി ഉദ്ഘാടനം ചെയ്തു. ക്ഷേത്ര ഉപേദശക സമിതി സെക്രട്ടറി ശ്രീ സുജേഷ് കണ്ണാട്ട് ഔഷധ ചെടിയുടെ നടീല്‍ കര്‍മ്മം നിര്‍വ്വഹിച്ചു. ചടങ്ങില്‍ വൈദ്യ രത്‌നം PRO ഗോകുല്‍ ദാസ് , പ്രോഗ്രാം കോര്‍ഡിനേറ്റര്‍ മുകുന്ദന്‍ P , കൊച്ചിന്‍ ദേവസ്വം ബോര്‍ഡ് റവന്യൂ ഇന്‍സ്‌പെക്ടര്‍ V R രമ, ദേവസ്വം ഓഫീസര്‍ സുധീര്‍ M എന്നിവര്‍ സംസാരിച്ചു. ക്ഷേത്രം മേല്‍ശാന്തി, ഭക്ത ജനങ്ങള്‍ എന്നിവരും സന്നിഹിതരായിരുന്നു.

മാപ്രാണം:കേന്ദ്ര സര്‍ക്കാരിന്റെ കര്‍ഷക വിരുദ്ധ നയങ്ങള്‍ തിരുത്തുക, കാര്‍ഷികോല്പന്നങ്ങള്‍ക്ക് ഉല്പാദന ചില വിന്റെ 150 ശതമാനം തറവില നിശ്ചയിക്കുക, കാര്‍ഷിക കടങ്ങള്‍ എഴുതി തള്ളുക, ഡോ.സ്വാമിനാഥന്‍ കമ്മീഷന്‍ റിപ്പോര്‍ട്ട് രാജ്യത്ത് നടപ്പാക്കുക, കാര്‍ഷിക മേഖലയിലെ സബ്‌സിഡികള്‍ പുന:സ്ഥാപിക്കുക,കേരളത്തിന് അര്‍ഹതപ്പെട്ട റേഷന്‍ വിഹിതം അനുവദിക്കുക തുടങ്ങിയ മുദ്രാവാക്യങ്ങള്‍ ഉന്നയിച്ച് കേരള കര്‍ഷകസംഘം ഇരിങ്ങാലക്കുട മുനിസിപ്പല്‍ കോ-ഓര്‍ഡിനേഷന്‍ കമ്മിറ്റിയുടെ ആഭിമുഖ്യത്തില്‍ കര്‍ഷക സമരാഗ്‌നി സംഗമം സംഘടിപ്പിച്ചു. മാപ്രാണം സെന്ററില്‍ നടന്ന കര്‍ഷക പ്രതിഷേധ പരിപാടി കര്‍ഷകസംഘം സംസ്ഥാന വര്‍ക്കിങ്ങ് കമ്മിറ്റിയംഗം പി.ആര്‍. വര്‍ഗ്ഗീസ് മാസ്റ്റര്‍ ഉദ്ഘാടനം ചെയ്തു.കെ.കെ.ഹരിദാസ് അദ്ധ്യക്ഷത വഹിച്ചു. എം.ബി.രാജു, കെ.ജെ.ജോണ്‍സണ്‍,എം.അനില്‍കുമാര്‍, പി.എം.സുധന്‍, ഐ.ആര്‍.ബൈജു എന്നിവര്‍ പ്രസംഗിച്ചു.

ഇരിങ്ങാലക്കുട : വിഷന്‍ ഇരിങ്ങാലക്കുട ഏഴാമത് ഞാറ്റുവേല മഹോത്സവത്തിന്റെ ഭാഗമായി ഹരിതപുരസ്‌ക്കാരങ്ങള്‍ക്ക് അപേക്ഷ ക്ഷണിച്ചു.മത്സ്യകൃഷി,വാഴ കൃഷി,കേരകര്‍ഷകന്‍,കിഴങ്ങ് വര്‍ഗ്ഗ കൃഷി,ഗാര്‍ഹിക മാലിന്യ സംസ്‌ക്കരണം,അലങ്കാര സസ്യങ്ങള്‍,മഴവെള്ള സംഭരണി.എന്നി മേഖലകളിലേയ്ക്കാണ് ഹരിത പുരസ്‌ക്കാരം നല്‍കുന്നത്.അതത് മേഖലകളില്‍ മികവ് തെളിയിക്കുന്നവരെ നിര്‍ദ്ദേശിക്കാനും സ്വയം അപേക്ഷിക്കാനും അവസരമുണ്ടായിരിക്കും.2018 ജൂണ്‍ 9 ന് മുമ്പായി നിര്‍ദേശങ്ങള്‍ ലഭിയ്ക്കണം ഫോണ്‍ 7736000405,9446402878,7012072335

ഇരിങ്ങാലക്കുട :എസ് എഫ് ഐ ഇരിങ്ങാലക്കുട ഏരിയാ കമ്മിറ്റിയുടെ നേതൃത്വത്തില്‍ എടതിരിഞ്ഞി RILP സ്‌കൂളിലെ മുഴുവന്‍ കുട്ടികള്‍ക്കും ആവശ്യമായ പഠനോപകരണങ്ങള്‍ വിതരണം ചെയ്തു.എസ് എഫ് ഐ ജില്ലാ ജോ. സെക്രട്ടറി സോനാ കരീം പഠനോപകരണ വിതരണം ഉദ്ഘാടനം ചെയ്തു. എസ് എഫ് ഐ ഏരിയാ പ്രസിഡന്റ് വിഷ്ണൂ പ്രഭാകരന്‍ അദ്ധ്യക്ഷത വഹിച്ചു.സ്‌കൂള്‍ പ്രധാന അദ്ധ്യാപിക ജിനു ടീച്ചര്‍ ആശംസകള്‍ അര്‍പ്പിച്ച് സംസാരിച്ചു. യോഗത്തില്‍ എസ് എഫ് ഐ ഇരിങ്ങാലക്കുട ഏരിയാ ജോ. സെക്രട്ടറി എബി സ്വാഗതവും യദു K D നന്ദിയും പറഞ്ഞു.തുടര്‍ന്ന് വിദ്യാര്‍ത്ഥികള്‍ വിവിധ കലാപരിപാടികള്‍ നടത്തി.

ഇരിങ്ങാലക്കുട: നീഡ്‌സിന്റെ ആഭിമുഖ്യത്തില്‍ മികവ് 2018 സംഘടിപ്പിച്ചു.വിവിധ പരീക്ഷയില്‍ ഉന്നത വിജയം നേടിയ വിദ്യാര്‍ത്ഥികള്‍ക്ക് പുരസ്‌കാരങ്ങള്‍ നല്‍കി ആദരിച്ചു.ഇതോടൊപ്പം കരുണയും കരുതലും പദ്ധതിയുടെ ഭാഗമായി നിര്‍ധന രോഗികള്‍ക്ക് ചികിത്സാ സഹായവും നല്‍കി. മാസത്തിലെ ആദ്യ ശനിയാഴ്ചകളില്‍ നല്‍കി വരുന്ന ചികിത്സാ സഹായം രോഗികള്‍ക്ക് ഏറെ ആശ്വാസം നല്‍കുന്നതാണെന്ന് ഉദ്ഘാടനം നിര്‍വഹിച്ച മുന്‍ സര്‍ക്കാര്‍ ചീഫ് വിപ് തോമസ് ഉണ്ണിയാടന്‍ പറഞ്ഞു.
നഫറീസ് ഗുലാം, അരുണിമ ശരത്, മെഹറിന്‍, ജോസഫ് റോയി, മേരി ഷിജോ, അലീന ജോണ്‍ ഗ്രേഷ്യസ്, നിതീഷ തോമസ്, എന്നിവരെ പുരസ്‌ക്കാരങ്ങള്‍ നല്‍കി ആദരിച്ചു.
ചടങ്ങില്‍ ഡോ.എസ്.ശ്രീകുമാര്‍ അധ്യക്ഷത വഹിച്ചു.എം.എന്‍.തമ്പാന്‍, എസ്.ബോസ്‌കുമാര്‍, കെ.പി.ദേവദാസ്, ഗുലാം മുഹമ്മദ് എന്നിവര്‍ പ്രസംഗിച്ചു.

ഇരിങ്ങാലക്കുട : നെന്മണിക്കര തലവണിക്കര താഴത്തോന്‍ ടൈല്‍ ഫാക്ടറിക്ക് സമീപം ഝാര്‍ഖണ്ഡ് സ്വദേശി മരണപ്പെട്ട കേസില്‍ പ്രതിക്ക് 5 വര്‍ഷം കഠിന തടവും 30000 രൂപ പിഴയും ശിക്ഷ വിധിച്ചു. ഝാര്‍ഖണ്ഡ് സിംഡേഗ ജില്ലയില്‍ ബഗഡേഗ വില്ലേജില്‍ സബക് കുമ്രാ( 19 )യെയാണ് ഇരിങ്ങാലക്കുട അഡിഷണല്‍ ജില്ലാ സെഷന്‍സ് ജഡ്ജ് ജി ഗോപകുമാര്‍ ശിക്ഷ വിധിച്ചത്. പിഴ അടക്കാതിരുന്നാല്‍ 3 മാസം കൂടി കഠിന തടവ് അനുഭവിക്കണം.നെന്മണിക്കരയിലെ നിര്‍മ്മാണ തൊഴിലാളികളായ സബക് കുമ്രാ ഝാര്‍ഖണ്ഡ് സ്വദേശിയായ ദിനനാഥ് മാഞ്ചി എന്നയാളുമായി പണം കടം ചോദിച്ചത് കൊടുക്കാത്തതിന്റെ പേരില്‍ വഴക്കിട്ടിരുന്നു. തുടര്‍ന്ന് 7 . 3 .2017 രാത്രി തലവണിക്കരയിലുള്ള വീടിന്റെ സമീപം മദ്യപിച്ച് ഇരിക്കുമ്പോള്‍ കലുങ്കില്‍ നിന്നും സബക് കുമ്രാ,ദിനനാഥ് മാഞ്ചിയെ തള്ളി താഴെയിടുകയും തുടര്‍ന്ന് മുളകുന്നത്തുകാവ് മെഡിക്കല്‍ കോളേജ് ആശുപത്രിയില്‍ ചികിത്സയിലിരിക്കെ മരണപ്പെടുകയും ചെയ്തു.പുതുക്കാട് പോലീസ് രെജിസ്റ്റര്‍ ചെയ്ത കേസ് പുതുക്കാട് പോലീസ് ഇന്‍സ്പെക്ടര്‍ എസ് പി സുധീരന്‍ എന്നിവരുടെ നേതൃത്വത്തിലുള്ള പോലീസ് സംഘമാണ് അന്വേഷണം നടത്തി കുറ്റപത്രം സമര്‍പ്പിച്ചത്. കേസില്‍ പ്രോസിക്യൂഷന്‍ ഭാഗത്തുനിന്നും 13 സാക്ഷികളെ വിസ്തരിക്കുകയും 12 രേഖകള്‍ ഹാജരാക്കുകയും ചെയ്തീട്ടുണ്ട്. കേസില്‍ പ്രോസിക്യൂഷന് വേണ്ടി അഡിഷണല്‍ പബ്ലിക്ക് പ്രോസിക്യൂട്ടര്‍ പി ജെ ജോബി. അഡ്വക്കേറ്റുമാരായ ജിഷ ജോബി, എബിന്‍ ഗോപുരം എന്നിവര്‍ ഹാജരായി.