നീഡ്‌സ് മികവ് 2018: കരുണയും കരുതലും ശ്രദ്ധേയം.

391
Advertisement

ഇരിങ്ങാലക്കുട: നീഡ്‌സിന്റെ ആഭിമുഖ്യത്തില്‍ മികവ് 2018 സംഘടിപ്പിച്ചു.വിവിധ പരീക്ഷയില്‍ ഉന്നത വിജയം നേടിയ വിദ്യാര്‍ത്ഥികള്‍ക്ക് പുരസ്‌കാരങ്ങള്‍ നല്‍കി ആദരിച്ചു.ഇതോടൊപ്പം കരുണയും കരുതലും പദ്ധതിയുടെ ഭാഗമായി നിര്‍ധന രോഗികള്‍ക്ക് ചികിത്സാ സഹായവും നല്‍കി. മാസത്തിലെ ആദ്യ ശനിയാഴ്ചകളില്‍ നല്‍കി വരുന്ന ചികിത്സാ സഹായം രോഗികള്‍ക്ക് ഏറെ ആശ്വാസം നല്‍കുന്നതാണെന്ന് ഉദ്ഘാടനം നിര്‍വഹിച്ച മുന്‍ സര്‍ക്കാര്‍ ചീഫ് വിപ് തോമസ് ഉണ്ണിയാടന്‍ പറഞ്ഞു.
നഫറീസ് ഗുലാം, അരുണിമ ശരത്, മെഹറിന്‍, ജോസഫ് റോയി, മേരി ഷിജോ, അലീന ജോണ്‍ ഗ്രേഷ്യസ്, നിതീഷ തോമസ്, എന്നിവരെ പുരസ്‌ക്കാരങ്ങള്‍ നല്‍കി ആദരിച്ചു.
ചടങ്ങില്‍ ഡോ.എസ്.ശ്രീകുമാര്‍ അധ്യക്ഷത വഹിച്ചു.എം.എന്‍.തമ്പാന്‍, എസ്.ബോസ്‌കുമാര്‍, കെ.പി.ദേവദാസ്, ഗുലാം മുഹമ്മദ് എന്നിവര്‍ പ്രസംഗിച്ചു.