ഇരിങ്ങാലക്കുട : അരനൂറ്റാണ്ട് പിന്നിട്ട പൊതു ജീവിതത്തില്‍ ഏറെ ശ്രദ്ധേയമായ പ്രവര്‍ത്തനം കാഴ്ചവെയ്ക്കാന്‍ പ്രൊഫ.മീനാക്ഷി തമ്പാന് സാധിച്ചെന്ന് സി പി ഐ സംസ്ഥാന സെക്രട്ടറി കാനം രാജേന്ദ്രന്‍ പറഞ്ഞു.ഇരിങ്ങാലക്കുടയില്‍ മിനാക്ഷി തമ്പാന് സി പി ഐ ജില്ലാ കമ്മറ്റിയും മഹിളാസംഘവും സംയുക്തമായി സംഘടിപ്പിച്ച ആദരം ഉല്‍ഘാടനം ചെയ്തു സംസാരിക്കുകയായിരുന്നു അദ്ദേഹം.ഒരു ദശകകാലം കൊടുങ്ങല്ലൂരില്‍ രാഷ്ട്രിയ,മതത്തിന് അതീതമായി എല്ലാവരെയും ഒരുമ്മിപ്പിച്ച് കൊണ്ട് പോകാന്‍ മീനാക്ഷി തമ്പാന് കഴിഞ്ഞെന്നും അദേഹം കൂട്ടിചേര്‍ത്തു.തൃശൂര്‍ എം പി സി.എന്‍.ജയദേവന്‍ മീനാക്ഷി തമ്പാനെ ആദരിച്ചു.കെ കെ വത്സരാജ് അദ്ധ്യക്ഷത വഹിച്ച യോഗത്തില്‍ എം എല്‍ എ മരായ പ്രൊഫ.കെ.യു. 
അരുണന്‍ ,വി.ആര്‍.സുനില്‍കുമാര്‍, ഇ.ടി. ടൈസന്‍, ഗീതഗോപി,എം സ്വര്‍ണ്ണലത,കെ പി രാജേന്ദ്രന്‍,സാവിത്രി ലക്ഷ്മണന്‍,ടി കെ സുധീഷ്,കെ ശ്രീകുമാര്‍,പി മണി,കെ ആര്‍ വിജയ,ഷീല വിജയകുമാര്‍,ഉല്ലാസ് കളക്കാട്ട്, തുടങ്ങിയവര്‍ സംസാരിച്ചു.രാവിലെ ‘കേരള നവോത്ഥാനവും സ്ത്രി സമൂഹവും’ എന്ന വിഷയത്തില്‍ നടന്ന സെമിനാര്‍ അഡ്വ.പി വസന്തം ഉദ്ഘാടനം ചെയ്തു.ഡോ.ഖദീജ മുംതാസ് വിഷയാവതരണം നടത്തി.എം സ്വര്‍ണ്ണലത ടീച്ചര്‍ അദ്ധ്യക്ഷത വഹിച്ചു.ഗീത നസീര്‍,ഇ എം സതീശന്‍,കെ എസ് ജയ,ഷീന പറയങ്ങാട്ടില്‍ തുടങ്ങിയവര്‍ സംസാരിച്ചു.
പൊതു ജീവിതത്തില്‍ ഏറെ ശ്രദ്ധേയമായ പ്രവര്‍ത്തനം കാഴ്ചവെയ്ക്കാന്‍ പ്രൊഫ.മീനാക്ഷി തമ്പാന് സാധിച്ചു : കാനം രാജേന്ദ്രന്‍
സര്‍വ്വകലാശാല കായികരംഗത്ത് ക്രൈസ്റ്റ് കോളേജിന്റെ അധിപത്യം. ഓവറോള്‍ ചാമ്പ്യന്‍ഷിപ്പും പുരുഷവിഭാഗം ചാമ്പ്യന്‍ഷിപ്പും ക്രൈസ്റ്റ് കോളേജിന്
ഇരിങ്ങാലക്കുട : മികച്ച കായികപ്രതിഭകളെയും കായികമേഖലയില്‍ മികവ് പുലര്‍ത്തു കോളേജുകളെയും ആദരിക്കുതിന് കാലിക്കറ്റ് സര്‍വ്വകലാശാലയില്‍ നടത്തിയ ചടങ്ങില്‍ ഇരിങ്ങാലക്കുട ക്രൈസ്റ്റ് കോളേജിന് വ്യക്തമായ ആധിപത്യം. ഓവറോള്‍ ചാമ്പ്യന്‍ഷിപ്പും പുരുഷവിഭാഗം ചാമ്പ്യന്‍ഷിപ്പും വനിതാവിഭാഗം ചാമ്പ്യന്‍ഷിപ്പില്‍ മൂന്നാംസ്ഥാനവും ഇരിങ്ങാലക്കുട ക്രൈസ്റ്റ് കോളേജിന് ലഭിച്ചു. തദ്ദേശ സ്വയംഭരണ വകുപ്പു മന്ത്രി കെ.ടി.ജലീലില്‍ നിന്ന് ക്രൈസ്റ്റ് കോളേജിന് വേണ്ടി പ്രിന്‍സിപ്പല്‍ ഡോ.മാത്യുപോള്‍ ഊക്കന്‍, കായികവിഭാഗം മേധാവി പ്രൊഫ.ബിന്റു.ടി.കല്യാ, പി.ആര്‍.ഒ. പ്രൊഫ.സെബാസ്റ്റ്യന്‍ ജോസഫ്, ഫാദര്‍.സിബി ഫ്രാന്‍സിസ്, കായികവിഭാഗം മുന്‍ മേധാവി ഡോ.ജേക്കബ്ബ് ജോര്‍ജ്ജ്, കായികവിഭാഗം അദ്ധ്യാപകരായ ഡോ.എന്‍.അനില്‍കുമാര്‍, ശ്രീ.ശ്രീജിത്ത് രാജ്, കെ.എം.സെബാസ്റ്റ്യന്‍ എന്നിവരും നിരവധി കായികവിദ്യാര്‍ത്ഥികളും ചടങ്ങില്‍ പങ്കെടുത്തു.
സുവര്‍ണ്ണ ജൂബിലി ആഘോഷിക്കുന്ന കാലിക്കറ്റ് യൂണിവേഴ്‌സിറ്റിയുടെ ചരിത്രത്തില്‍ ആദ്യമായാണ് ഒരു കോളേജ് 447 പോയിന്റുകള്‍ നേടിക്കൊണ്ട് അഗ്രഗേറ്റ് ചാമ്പ്യന്‍ഷിപ്പും മികച്ച കോളേജ് എന്ന അവാര്‍ഡും നേടുന്നത്. അതില്‍ വനിതാവിഭാഗത്തില്‍ കാലങ്ങളായി ചാമ്പ്യന്മാരായ വനിതാകോളേജുകളെ പിന്നിലാക്കി ക്രൈസ്റ്റ് കോളേജ് മുന്‍നിരയിലെത്തി. പുരുഷവിഭാഗത്തില്‍ 293 പോയിന്റുകളോടെ ഒന്നാമതും വനിതാവിഭാഗത്തില്‍ 154 പോയിന്റുകള്‍ നേടിക്കൊണ്ട് മൂന്നാം സ്ഥാനത്തും എത്തി.
അന്തര്‍ദേശീയ കായിക താരങ്ങളായ പി.യു.ചിത്രയും ജെ.രജനയുമടക്കമുള്ള മികച്ച താരങ്ങളാണ് ക്രൈസ്റ്റ് കോളേജില്‍ നിന്ന് കാലിക്കറ്റ് സര്‍വ്വകലാശാലയെ പ്രതിനിധീകരിച്ച് മത്സരങ്ങളില്‍ പങ്കെടുത്തത്. കേരളത്തെ പ്രതിനിധീകരിച്ച് ദേശീയതലത്തില്‍ 70 പേരും കാലിക്കറ്റ് യൂണിവേഴ്‌സിറ്റിയെ പ്രതിനിധീകരിച്ച് 82 പേരും വിവിധ കായികമത്സരങ്ങളില്‍ പങ്കെടുത്തിരുന്നു. അന്തര്‍ദേശീയ തലത്തില്‍ 3 മെഡലുകളും ദേശീയതലത്തില്‍ 24 മെഡലുകളും അഖിലേന്ത്യാ യൂണിവേഴ്‌സിറ്റി തലത്തില്‍ 22 മെഡലുകളും അടക്കം 49 മെഡലുകളാണ് ക്രൈസ്റ്റിലെ കായികതാരങ്ങള്‍ നേടിയത്.
യൂണിവേഴ്‌സിറ്റി തലത്തില്‍ 25 ചാമ്പ്യന്‍ഷിപ്പുകളാണ് ക്രൈസ്റ്റ് കരസ്ഥമാക്കിയത്. അതില്‍ 7 ഒന്നാം സ്ഥാനവും 9 രണ്ടാംസ്ഥാനവും 9 മൂന്നാംസ്ഥാനവും നേടി. 48 ടീമുകളെയാണ് ക്രൈസ്റ്റ് ഈ വര്‍ഷം അണിയിച്ചൊരുക്കിയത്.
52 ട്രോഫികളാണ് വിവിധ മത്സരങ്ങളില്‍ നിന്ന് ക്രൈസ്റ്റ് കരസ്ഥമാക്കിയത്. കേരള സംസ്ഥാന കോളേജ് ഗെയിംസില്‍ 16 പോയിന്റുകള്‍ നേടിക്കൊണ്ട് രണ്ടാംസ്ഥാനം നേടുകയുണ്ടായി.
ഈ വര്‍ഷം സന്തോഷ്‌ട്രോഫി കരസ്ഥമാക്കിയ കേരള ടീമില്‍ ക്രൈസ്റ്റിന്റെ മൂന്ന് കുട്ടികള്‍ ഉണ്ടായിരുന്നു.
എന്നാല്‍ വനിതാവിഭാഗം ചാമ്പ്യന്‍മാരെ നിശ്ചയിക്കുതില്‍ അപാകതയുണ്ടെ് കാണിച്ച് ക്രൈസ്റ്റ് കോളേജ് നല്‍കിയ പരാതി സമയം വൈകി എന്ന കാരണം കാണിച്ച് നിരസിച്ചതായി പി.ആര്‍.ഒ പ്രൊഫ.സെബാസ്റ്റ്യന്‍ ജോസഫ് അറിയിച്ചു.
ഇരിങ്ങാലക്കുട ഗവ .ഗേള്‍സ് വൊക്കേഷണല്‍ ഹയര്‍ സെക്കന്ററി സ്‌കൂളില്‍ ക്ലാസ് റൂം ശീതീകരിച്ചിരിക്കുന്നതിന്റെ ഉദ്ഘാടനം ജൂണ്‍ 25 ന്
ഇരിങ്ങാലക്കുട:പൊതു വിദ്യാഭ്യാസം സംരക്ഷിക്കുന്നതിന്റെ ഭാഗമായി ഇരിങ്ങാലക്കുട ഗവ .ഗേള്‍സ് വൊക്കേഷണല്‍ ഹയര്‍ സെക്കന്ററി സ്‌കൂളിലെ ഓള്‍ഡ് സ്റ്റുഡന്റ് അസോസിയേഷന്റെ നേതൃത്വത്തില്‍ രണ്ട് ക്ലാസ് റൂമുകള്‍ ഹൈടെക് ആക്കുകയും അതില്‍ ഒരെണ്ണം ശീതീകരിക്കുകയും ചെയ്തിരിക്കുന്നു.ഈ കാലഘട്ടത്തിലെ ആവശ്യത്തിനനുസരിച്ച് ഈ വിദ്യാലയത്തെ മുന്‍പന്തിയിലേക്ക് കൊണ്ട് വരിക എന്ന ലക്ഷ്യം വച്ച് കൊണ്ടാണ് പൂര്‍വ്വ വിദ്യാര്‍ത്ഥികള്‍ ഈ പ്രവര്‍ത്തി ചെയ്തത് . ശീതീകരിച്ച ക്ലാസ് റൂമിന്റെ ഉദ്ഘാടനം 2018 ജൂണ്‍ 25 തിങ്കളാഴ്ച രാവിലെ 10 മണിക്ക് ചാലക്കുടി എം പി യായ ടി വി ഇന്നസെന്റ് അവര്‍കള്‍ നിര്‍വഹിക്കുന്നു. ഇരിങ്ങാലക്കുട എം എല്‍ എ പ്രൊഫ. കെ യു അരുണന്‍ മാസ്റ്റര്‍ മുഖ്യാതിഥിയായിരിക്കും .ഇരിങ്ങാലക്കുട മുന്‍സിപ്പല്‍ ചെയര്‍പേഴ്‌സണ്‍ നിമ്യ ഷിജു മുഖ്യ പ്രഭാഷണം നടത്തും .ഓള്‍ഡ് സ്റ്റുഡന്റ് അസോസിയേഷന്‍ പ്രസിഡന്റ് പ്രൊഫ ഇ എച്ച് ദേവി അധ്യക്ഷത വഹിക്കും .പ്രൊഫ ഇ എച്ച് ദേവി ,മായാദേവി ,അംബിക ,ഗിരിജ നമ്പ്യാരു വീട്ടില്‍ ,കോര്‍ഡിനേറ്റര്‍ സി എസ് അബ്ദുള്‍ ഹഖ് എന്നിവര്‍ പത്രസമ്മേളനത്തില്‍ പങ്കെടുത്തു.
മുരിയാട് പഞ്ചായത്തിലെ വെള്ളിലക്കുന്ന് 71 ബൂത്തിലെ പതിനഞ്ചോളം നിര്‍ദ്ധന കുടുംബങ്ങള്‍ക്ക് പ്രധാനമന്ത്രി ഉജ്ജല്‍ യോജന പദ്ധതി പ്രകാരം കിറ്റ് വിതരണം ചെയ്തു
മുരിയാട്:മുരിയാട് പഞ്ചായത്തിലെ വെള്ളിലക്കുന്ന് 71 ബൂത്തിലെ പതിനഞ്ചോളം നിര്‍ദ്ധന കുടുംബങ്ങള്‍ക്ക് പ്രധാനമന്ത്രി ഉജ്ജല്‍ യോജന പദ്ധതി പ്രകാരം സൗജന്യ ഗ്യാസ് കണന്‍ഷനും സിലിഡര്‍ ,സ്റ്റൗവ്, റഗുലേറ്റര്‍ ,ലൈറ്റര്‍ മുതലായവ അടങ്ങുന്ന കിറ്റ് വിതരണം ചെയ്തു. ബിജെപി മദ്ധ്യമേഖല ജനറല്‍ സെക്രട്ടറി അറയ്ക്കല്‍ ഉണ്ണികൃഷ്ണന്‍ ഉദ്ഘാടനം നിര്‍വഹിച്ചു. ബൂത്ത് പ്രസിഡന്റ് ഉദയന്‍ വെള്ളിലംകുന്ന് അദ്ധ്യക്ഷനായി. വേണുമാസ്റ്റര്‍, ഗിരീശന്‍, വടുതലനാരയണന്‍, അഖിലാഷ് വിശ്വനാഥന്‍, ജയന്‍ ആനന്ദപുരം, മഹേഷ് വെളിയത്ത്, രാജേഷ് ടിആര്‍, അജീഷ് പൈക്കാട്ട്, മുകുന്ദന്‍, ഗിരിജ,ഷൈജു ആനുര്‍ളി, കിരണ്‍ എന്നിവര്‍ സംസാരിച്ചു
സ്‌കൂളിന് ചുറ്റും ലഹരിവിരുദ്ധ മനുഷ്യമതില്‍ ഒരുക്കും
പുത്തന്‍ചിറ: ലോക ലഹരി വിരുദ്ധ ദിനമായ ജൂണ്‍ 26-ന് രാവിലെ 11- ന് പുത്തന്‍ചിറ വൊക്കേഷണല്‍ ഹയര്‍സെക്കന്‍ഡറി സ്‌കൂളില്‍ (വടക്കുംമുറി സ്‌കൂള്‍) ലഹരിവിരുദ്ധ മനുഷ്യമതില്‍ തീര്‍ക്കും. എന്റെ പുത്തന്‍ചിറ വാട്‌സാപ് കൂട്ടായ്മ ആന്റി ഡ്രഗ്‌സ് കോര്‍ഡിനേഷനും ഗവ.വൊക്കേഷണല്‍ ഹയര്‍സെക്കന്‍ഡറി സ്‌കൂളും, ഗ്രാമപ്പഞ്ചായത്തും സംയുക്തമായാണ് മനുഷ്യമതില്‍ തീര്‍ക്കുന്നത്. മാള റേഞ്ച് എക്‌സൈസ് ഡിപ്പാര്‍ട്ട്‌മെന്റിന്റെ സഹകരണത്തോടെയാണ് പരിപാടി. പ്രദേശത്തെ സ്ഥാപനങ്ങളും പൊതുജനങ്ങളും പരിപാടിയില്‍ പങ്കെടുക്കും. പരിപാടി വി.ആര്‍.സുനില്‍കുമാര്‍ എം.എല്‍.എ. ഉദ്ഘാടനം ചെയ്യും. പഞ്ചായത്ത് പ്രസിഡന്റ് വി.എ.നദീര്‍ അദ്ധ്യക്ഷനാകും.
നിര്‍ധനരായ കിടപ്പ് രോഗികള്‍ക്ക് ആശ്വാസം നല്കുന്നതിനുവേണ്ടി സാന്ത്വനം മലയാളി കൂട്ടായ്മയുടെ സ്‌നേഹോപകാരം എയര്‍ ബെഡ്
കാട്ടൂര്‍: കാട്ടൂര്‍ഗ്രാമ പഞ്ചായത്തിലെ പാലിയേറ്റീവ് പ്രവര്‍ത്തനങ്ങള്‍ക്ക് വേണ്ടി നിര്‍ധനരായ കിടപ്പ് രോഗികള്‍ക്ക് ആശ്വാസം നല്കുന്നതിനുവേണ്ടി പ്രവാസി കൂട്ടായ്മ ആയ സാന്ത്വനം മലയാളി കൂട്ടായ്മ(ബഡ്ജറ്റ് ജിദ്ദ) യുടെ സ്‌നേഹോപകാരം എയര്‍ ബെഡ് കൂട്ടായ്മയുടെ കാട്ടൂരിലെ പ്രവര്‍ത്തകന്‍ ചിദംബരനില്‍ നിന്നും കാട്ടൂര്‍ ഗ്രാമ പഞ്ചായത്ത് പ്രസിഡന്റ് മനോജ് വലിയ പറമ്പില്‍ ഏറ്റു വാങ്ങുന്നു.മെഡിക്കല്‍ സൂപ്രണ്ട് ഡോ:റോഷ് സ്വാഗതം പറഞ്ഞ ചടങ്ങില്‍ പഞ്ചായത്ത് വൈസ് പ്രസിഡന്റ് ബീന രഘു അധ്യക്ഷം വഹിച്ചു.കാട്ടൂര്‍ഗ്രാമ പഞ്ചായത്തിലെ പാലിയേറ്റീവ് പ്രവര്‍ത്തനങ്ങള്‍ക്ക് വേണ്ടി നിര്‍ധനരായ കിടപ്പ് രോഗികള്‍ക്ക് ആശ്വാസം നല്കുന്നതിനുവേണ്ടി പ്രവാസി കൂട്ടായ്മ ആയ സാന്ത്വനം മലയാളി കൂട്ടായ്മ(ബഡ്ജറ്റ് ജിദ്ദ) യുടെ സ്‌നേഹോപകാരം എയര്‍ ബെഡ് കൂട്ടായ്മയുടെ കാട്ടൂരിലെ പ്രവര്‍ത്തകന്‍ ചിദംബരനില്‍ നിന്നും കാട്ടൂര്‍ ഗ്രാമ പഞ്ചായത്ത് പ്രസിഡന്റ് മനോജ് വലിയ പറമ്പില്‍ ഏറ്റു വാങ്ങുന്നു.മെഡിക്കല്‍ സൂപ്രണ്ട് ഡോ:റോഷ് സ്വാഗതം പറഞ്ഞ ചടങ്ങില്‍ പഞ്ചായത്ത് വൈസ് പ്രസിഡന്റ് ബീന രഘു അധ്യക്ഷം വഹിച്ചു.
ഇരിങ്ങാലക്കുട ജനറല്‍ ആശുപത്രി ഹൈടെക്കാകുന്നു ; ഗര്‍ഭണികള്‍ക്കിനി പാട്ടുകേള്‍ക്കാം,കൂട്ടിനാളുവേണ്ട, ബെല്ലടിച്ചാല്‍ മതി, നേഴ്‌സുമാര്‍ അരികിലെത്തും
ഇരിങ്ങാലക്കുട: ഏറെ ആത്യാധുനിക സംവിധാനങ്ങള്‍ നിലവില്‍വന്നതോടെ ഗര്‍ഭണികള്‍ക്കിനി സഹായത്തിനായി ബന്ധുക്കള്‍ കൂട്ടിനിരിക്കേണ്ട ആവശ്യമേ ഇല്ല. കിടക്കയില്‍ കിടന്ന് ബെല്ലടിച്ചാല്‍ ഉടന്‍തന്നെ നേഴ്സുമാരെത്തും. ഇരിങ്ങാലക്കുട ജനറല്‍ ആശുപത്രിയിലാണു ഇത്തരത്തിലുള്ള ഹൈടെക് സംവിധാനങ്ങള്‍ ഒരുക്കിയിട്ടുള്ളത്. സര്‍ക്കാര്‍ ആശുപത്രികളില്‍ വച്ച് ജില്ലയില്‍ ആദ്യമായി ഇത്തരത്തിലുള്ള സംവിധാനം നിലവില്‍വരുന്നത് ഇരിങ്ങാലക്കുട ജനറല്‍ ആശുപത്രിയിലാണ്. ഇലക്ട്രോണിക് നിയന്ത്രിത കിടക്കകളാണു ഗര്‍ഭിണികള്‍ക്കും കുട്ടികള്‍ക്കുമായി ഇവിടെ പ്രത്യേകം സജ്ജീകരിച്ചിരിക്കുന്നത്.
ഓരോരുത്തരുടെയും ഇഷ്ടാനുസരണം ആഗ്രഹിക്കുന്ന രീതിയില്‍ ഇരുക്കുന്നതിനോ കിടക്കുന്നതിനോ ചാരികിടക്കുനതിനോ സാധിക്കും വിധം ക്രമീകരിച്ചിട്ടുള്ളതാണു ഇവിടത്തെ കിടക്കകള്‍. ശ്വാസംമുട്ടുള്ള രോഗികള്‍ക്കും സിസേറിയന്‍ കഴിഞ്ഞ ഗര്‍ഭണികള്‍ക്കും ഇത്തരം സംവിധാനം ഏറെ പ്രയോജനകരമാണ്. പത്തുലക്ഷം രൂപയോളം ചെലവഴിച്ച് കെഎല്‍എഫ് ലിമിറ്റഡ് കമ്പനിയാണു ആശുപത്രിയിലേക്കു ഇത്തരം കിടക്കകള്‍ സംഭാവന നല്‍കിയത്. നേഴ്സുമാരെ ബെല്ലടിച്ചു വരുത്തുന്നതിനു കിടക്കയോടു ചേര്‍ന്ന് ഭിത്തിയില്‍ പ്രത്യേകം ബട്ടണ്‍ ഘടിപ്പിച്ചിട്ടുണ്ട്. ഈ ബട്ടണ്‍ അമര്‍ത്തിയാല്‍ നേഴ്സിംഗ് റൂമില്‍ ബെല്‍ മുഴങ്ങും. ഏതു കിടക്കയില്‍ നിന്നാണ് ഇത്തരത്തിലുള്ള ബെല്‍ മുഴങ്ങുന്നതെന്നു നേഴ്സിനു കൃത്യമായി അറിയാന്‍ കഴിയും.
അതോടെ നേഴ്സിനു ആ രോഗിയുടെ സമീപത്തെത്താനും സാധിക്കും. മദര്‍ ആന്‍ഡ് ചൈല്‍ഡ് വിഭാഗത്തില്‍ 38 കിടക്കകളാണുള്ളത്. ഓക്സിജന്‍ സിലിണ്ടറും കിടക്കയോടു ചേര്‍ന്നുള്ള ഭിത്തിയില്‍ ഘടിപ്പിച്ചിട്ടുണ്ട്. ഏതു രോഗിക്കാണോ ഓക്സിജന്‍ ആവശ്യമായി വരുന്നത് ആ സമയം കിടക്കയോടു ചേര്‍ന്നുള്ള സിലിണ്ടറിലെ നോബില്‍ ക്രമീകരിച്ചാല്‍ നിശ്ചിത അളവില്‍ ഓക്സിജന്‍ ലഭിക്കും. ആശുപത്രിയിലെ മദര്‍ ആന്‍ഡ് ചൈല്‍ഡ് വിഭാഗത്തിന്റെ കെട്ടിടത്തിലാണു ഇത്തരമൊരു സംവിധാനമുള്ളത്. ഇതിനുപുറമേ ഈ വാര്‍ഡില്‍ കഴിയുന്നവര്‍ക്കു ആസ്വദിക്കുവാനായി പാട്ടും മുഴങ്ങും. രാവിലെ എട്ടു മണിമുതല്‍ രാത്രി ഒമ്പതു മണിവരെയാണ് പാട്ട് മുഴങ്ങുന്നത്. സിനിമ ഗാനങ്ങളോ, ആല്‍ബം പാട്ടുകളോ കേട്ട് ആസ്വദിക്കുന്നതിനുള്ള സൗകര്യമാണു സജ്ജമാക്കിയിട്ടുള്ളത്. ഗര്‍ഭിണികള്‍ക്കും പ്രസവം കഴിഞ്ഞ അമ്മമാര്‍ക്കും കുഞ്ഞുങ്ങള്‍ക്കും ഇതിന്റെ പ്രയോജനം ലഭിക്കും. ചെറുതായാലും വലുതായാലും ഓപറേഷന്‍ എന്നു കേള്‍ക്കുമ്പോഴേക്കും പലരുടെയും ബോധം പോകും. കത്തിയും കത്രികയും തുന്നിക്കെട്ടലുമൊക്കെയായി ശരീരം സഹിക്കേണ്ടിവരുന്ന വേദനയെ പേടിച്ചാണ് ഈ ബോധക്കേട്. എന്നാല്‍ അത്തരക്കാര്‍ക്ക് ഈ മ്യൂസിക് തെറാപ്പി ഏറെ പ്രയോജനപ്പെടുന്നുണ്ടെന്നാണു ഡോക്ടര്‍മാരുടെ അഭിപ്രായം. ശസ്ത്രക്രിയക്കു മുമ്പും ശേഷവും പാട്ടുകേള്‍ക്കാമെങ്കില്‍ രോഗി കാര്യമായി വേദന അറിയില്ലത്രേ. ശസ്ത്രക്രിയക്കുശേഷം പല രോഗികളും അനുഭവിക്കുന്ന മാനസിക സമ്മര്‍ദം ഒഴിവാക്കാനും പാട്ടുകേള്‍ക്കല്‍ ഉപകാരപ്പെടും. രോഗികള്‍ക്കു പോസറ്റ് ഓപറേറ്റീവ് മെഡിറ്റേഷനു പകരം വിദേശരാജ്യങ്ങളില്‍ അവരെ പാട്ടുകള്‍ കേള്‍ക്കാന്‍ അനുവദിക്കുകയാണത്രേ പതിവ്. ഇവിടെ സിസേറിയന്‍ നടത്തുന്ന സ്ത്രീകളില്‍ ഈ മ്യൂസിക് തെറാപ്പി ഏറെ സഹായകരമാകുന്നുണ്ടെന്നാണു ഏവരുടെയും വിലയിരുത്തല്‍. ഈ കെട്ടിടത്തില്‍ സിസിടിവി സംവിധാനവും ഏര്‍പ്പെടുത്തീട്ടുണ്ട്.
കരുവന്നൂര്‍ ബാങ്ക് 7-ാമത് ഞാറ്റുവേല ചന്തക്ക് തുടക്കമായി
കരുവന്നൂര്‍:കരുവന്നൂര്‍ ബാങ്ക് 7-ാമത് ഞാറ്റുവേലച്ചന്ത കരുവന്നൂരില്‍ ബാങ്ക് ഹെഡോഫീസ് പരിസരത്ത് പ്രൊഫ. കെ.യു. അരുണന്‍ എം എല്‍ എ ഉദ്ഘാടനം ചെയ്തു. ബാങ്ക് പ്രസിഡണ്ട് കെ.കെ. ദിവാകരന്‍ മാസ്റ്റര്‍ അദ്ധ്യക്ഷനായിരുന്നു. മുനിസിപ്പല്‍ വൈസ് ചെയര്‍പേഴ്‌സന്‍ രാജേശ്വരി ശിവരാമന്‍, സ്റ്റാന്‍ഡിങ് കമ്മിറ്റി ചെയര്‍മാന്‍മാരായ അബ്ദുള്‍ബഷിര്‍, വത്സല ശശി, എന്നിവര്‍ സംസാരിച്ചു. ടി.എസ് ബൈജു സ്വാഗതവും ടി.ആര്‍ ഭരതന്‍ നന്ദിയും രേഖപ്പെടുത്തി. ഞാറ്റുവേല ചന്ത ജൂണ്‍ 26 വരെ ഉണ്ടായിരിക്കും.
ഇരിങ്ങാലക്കുട ജനറല്‍ ആശുപത്രിയിലെ തസ്തികകള്‍ നിറുത്തലാക്കിയതില്‍ മുനിസിപ്പല്‍ കൗണ്‍സില്‍ യോഗത്തില്‍ ബഹളം
ഇരിങ്ങാലക്കുട: ഇരിങ്ങാലക്കുട ജനറല്‍ ആശുപത്രിയിലെ കണ്‍സള്‍ട്ടന്റ് ഇന്‍ സര്‍ജറി, കണ്‍സള്‍ട്ടന്റ് ഇന്‍ അനസ്‌തേഷ്യ തസ്തികകള്‍ നിറുത്തലാക്കിയതില്‍ മുനിസിപ്പല്‍ കൗണ്‍സില്‍ യോഗത്തില്‍ ബഹളം. തസ്തിക നിലനിറുത്തുന്നതില്‍ സ്ഥലം എം. എല്‍. എ. ഉത്തരവാദിത്വം നിറവേറ്റണമെന്ന് യു. ഡി. എഫ്, നഗരസഭാ ഭരണ നേത്യത്വം ഉത്തരവാദിത്വം നിറവേറ്റുന്നില്ലെന്ന് എല്‍. ഡി. എഫ്, എല്‍. ഡി. എഫ്്-യു. ഡി. എഫ്. ഒത്തുകളിയെന്നാരോപിച്ച് ബി. ജെ. പി. അംഗങ്ങള്‍ ഇറങ്ങിപ്പോയി. വെള്ളിയാഴ്ച 
ചേര്‍ന്ന മുനിസിപ്പല്‍ കൗണ്‍സില്‍ യോഗത്തിന്റെ ആരംഭത്തില്‍ മുനിസിപ്പല്‍ ചെയര്‍പേഴ്‌സണ്‍ നിമ്യ ഷിജുവാണ് ഇരിങ്ങാലക്കുട ജനറല്‍ ആശുപത്രിയിലെ കണ്‍സള്‍ട്ടന്റ് ഇന്‍ സര്‍ജറി, കണ്‍സള്‍ട്ടന്റ് ഇന്‍ അനസ്‌തേഷ്യ തസ്തികകള്‍ നലനിറുത്തണമെന്നാവശ്യപ്പെട്ട് പ്രമേയം അവതരിപ്പിക്കുന്നകാര്യം ഉന്നയിച്ചത്. വിഷയത്തില്‍ ഇടപെട്ടു സംസാരിച്ച എല്‍. ഡി. എഫ്. അംഗം പി. വി. ശിവകുമാര്‍ ഇത്തരമൊരു സംഭവത്തില്‍ നഗരസഭ ചെയര്‍പേഴ്‌സണ്‍ എന്ന രീതിയില്‍ എടുക്കേണ്ട നടപടികള്‍ എടുത്തില്ലെന്ന് കുറ്റപ്പെടുത്തി. ഇതുമായി ബന്ധപ്പെട്ട് എം. എല്‍. എ. ക്ക് കത്തു നല്‍കാന്‍ പോലും തയ്യാറായിട്ടില്ല. ഹോസ്പിറ്റല്‍ മാനേജ്‌മെന്റ് കമ്മറ്റി യാതൊരു വിധ നടപടികളും സ്വീകരിക്കുന്നില്ലെന്നും പി. വി. ശിവകുവമാര്‍ ആരോപിച്ചു. എന്നാല്‍ കഴിഞ്ഞ ഹോസ്പിറ്റല്‍ മാനേജ്‌മെന്റ് കമ്മറ്റിയില്‍ താനും ഉദ്യോഗസ്ഥരും പ്രൊഫ കെ. യു. അരുണന്‍ എം. എല്‍. എ. യോട് നേരിട്ട് പറഞ്ഞതാണന്ന് മുനിസിപ്പല്‍ ചെയര്‍പേഴ്‌സണ്‍ നിമ്യ ഷിജു വിശദീകരിച്ചു. ഇത് സര്‍ക്കാരിന്റെ ഭാഗത്തു നിന്നും ഉണ്ടായിട്ടുള്ള അനാസ്ഥയാണന്നും, തസ്തിക നഷ്ടപ്പെടാതിരിക്കാനുള്ള ഉത്തരവാദിത്വം സ്ഥലം എം എല്‍ എ. കാണിക്കണമായിരുന്നുവെന്നും വികസനകാര്യ സ്റ്റാന്‍ഡിങ്ങ് കമ്മറ്റി ചെയര്‍മാന്‍ അഡ്വ വി. സി വര്‍ഗീസ് പറഞ്ഞു. ജനറല്‍ ആശുപത്രിയെന്ന് പേരില്‍ മാത്രം പറയുകയും തസ്തികള്‍ നിറുത്തലാക്കുകയും മാത്രമല്ല നടക്കുന്നതെന്നും ആശുപത്രിയിലെ മോര്‍ച്ചറി പ്രവര്‍ത്തിച്ചിട്ട് മാസങ്ങളായെന്നും ബി. ജെ പി. അംഗം സന്തോഷ് ബോബന്‍ കുറ്റപ്പെടുത്തി. നിയോജക മണ്ഡലത്തിലെ മുഴുവന്‍ ആളുകളും ആശ്രയിക്കുന്ന ആശുപത്രിയിലെ തസ്തിക നിറുത്തലാക്കുന്നതുമായി ബന്ധപ്പെട്ട് എല്‍. ഡി. എഫ്. ഉും യു. ഡി. എഫ് ഉും പരസ്പരം ഒത്തുകളി നടത്തുകയാണന്ന് സന്തോഷ് ബോബന്‍ കുറ്റപ്പെടുത്തി. തസ്തിക നിലനിറുത്തുന്നതടക്കമുള്ള വിഷയങ്ങള്‍ സംസ്ഥാന ആരോഗ്യമന്ത്രിയെ കണ്ട് ധരിപ്പിക്കുന്നതിന് സര്‍വ്വകക്ഷി പ്രതിനിധി സംഘത്തെ അയക്കണമെന്നും സന്തോഷ് ബോബന്‍ നിര്‍ദ്ദേശിച്ചു. തസ്തിക നിറുത്താനുള്ള നീക്കം അവസാനിപ്പിക്കണമെന്നാവശ്യപ്പെട്ട പ്ലക്കാര്‍ഡുമായാണ് ബി. ജെ. പി. അംഗങ്ങള്‍ യോഗത്തിനെത്തിയത്. ഉത്തരവാദിത്വം നിറവേറ്റാതെ സ്ഥലം എം. എല്‍. എ യെ അവഹേളിക്കുന്നതിനാണ് യു. ഡി. എഫ്. ശ്രമിക്കുന്നതെന്ന് ആരോപിച്ച് സി. സി. ഷിബിന്‍, വത്സല ശശി, എം. സി. രമണന്‍ അടക്കമുള്ള എല്‍. ഡി. എഫ്. അംഗങ്ങള്‍ രംഗത്തു വന്നു. എന്നാല്‍ ചെയര്‍പേഴ്‌സണ്‍ നേരിട്ടു പറഞ്ഞിട്ടും നടപടി സ്വീകരിക്കാതെ മുനിസിപ്പല്‍ ചേയര്‍പേഴ്‌സന്റെ കത്തു വേണമെന്നാവശ്യപ്പെടുന്നതിനെ ചോദ്യം ചെയ്ത് യു. ഡി. എഫ്. അംഗങ്ങളായ എം. ആര്‍. ഷാജു, കുരിയന്‍ ജോസഫ് അടക്കമുള്ളവരും രംഗത്തെത്തിയതോടെ ഏറെ നേരം ബഹളം തുടര്‍ന്നു. എല്‍. ഡി. എഫ്-യു. ഡി. എഫ്. അംഗങ്ങളുടെ തര്‍ക്കത്തിനിടയിലാണ് ഇരുവരും തമ്മിലുള്ള ഒത്തുകളിയാണന്ന് ആരോപിച്ച് സന്തോഷ് ബോബന്റെ നേത്യത്വത്തില്‍ ബി. ജെ. പി. അംഗങ്ങള്‍ ഇറങ്ങിപ്പോയത്. തുടര്‍ന്ന് ഇതു സംബന്ധിച്ച് ഉടന്‍ എം. എല്‍. എ. ക്ക് കത്തു നല്‍കുമെന്ന് യോഗത്തില്‍ അധ്യക്ഷത വഹിച്ചിരുന്ന ചെയര്‍പേഴ്‌സണ്‍ നിമ്യ ഷിജു അറിയിച്ചതോടെയാണ് ഒരു മണിക്കൂറോളം നീണ്ട വാദപ്രതിവാദങ്ങള്‍ക്ക് വിരാമമായത്. .
പ്രദീപിന് പ്രണാമം: ഫെയ്‌സ്ബുക്ക് അക്കൗണ്ട് ഉദ്ഘാടനം 2018 ജൂണ്‍ 23 ശനിയാഴ്ച്ച
ഇരിങ്ങാലക്കുടയുടെ: ഭൂരഹിതര്‍ക്ക് ഭവന നിര്‍മ്മാണത്തിന് സൗജന്യ വിതരണത്തിനായി ചെമ്മണ്ടയില്‍ സേവാഭാരതിക്ക് ലഭിച്ച സ്ഥലത്ത് 5 വീടുകളുടെ നിര്‍മ്മാണം ആരംഭിച്ചിരിക്കുന്നു.ഗുണഭോക്താക്കളില്‍ ഒരാളായ സരിത പ്രദീപ് സുപ്രസിദ്ധ നാടന്‍പാട്ട് രചയിതാവ് പ്രദീപ് ഇരിങ്ങാലക്കുടയുടെ ഭാര്യയാണ് .രണ്ട് മക്കളോടൊത്ത് വാടകവീട്ടില്‍ താമസിക്കുന്ന സരിതക്ക് വീട് നിര്‍മ്മാണത്തിന് ധനസമാഹരണത്തിനായി സേവാഭാരതി പ്രദീപിന് പ്രണാമം എന്ന പേരില്‍ ഫെയ്‌സ്ബുക്ക് അക്കൗണ്ട് ആരംഭിക്കുന്നു..അക്കൗണ്ടിന്റെ ഉദ്ഘാടനം സുപ്രസിദ്ധ സിനിമാനടനും നാടന്‍പാട്ട് ഗായകനുമായ രാജേഷ് തംബുരു നിര്‍വ്വഹിക്കും .2018 ജൂണ്‍ 23 ശനി വൈകീട്ട് 4 ന് ഇരിങ്ങാലക്കുട സംഗമം ഹാളില്‍ നടക്കുന്ന ചടങ്ങില്‍ സേവാഭാരതി പ്രസിഡന്റ് പി കെ ഉണ്ണികൃഷ്ണന്‍ ,പ്രസിദ്ധ സംഗീത സംവിധായകന്‍ വിനോദ് നെല്ലായി ,ഇരിങ്ങാലക്കുട ലയണ്‍സ് ക്ലബ് (ഡയമണ്ട്‌സ് പ്രസിഡന്റ് ജിത ബിനോയ് തുടങ്ങിയ വിശിഷ്ട വ്യക്തികള്‍ പങ്കെടുക്കും
സ്വന്തം വൃക്ക ദാനം ചെയ്തു കൊണ്ട് മനുഷ്യസ്‌നേഹത്തിന്റെ മാതൃക കാണിച്ച ഡോ.സി.റോസ് ആന്റോയെ സെന്റ് ജോസഫ്‌സ് കോളേജ് ആദരിച്ചു
ഇരിങ്ങാലക്കുട- സ്വന്തം വൃക്ക ദാനം ചെയ്തു കൊണ്ട് മനുഷ്യസ്‌നേഹത്തിന്റെ മാതൃക കാണിച്ച ഹിന്ദി വിഭാഗം ഡോ.സി.റോസ് ആന്റോയെ സെന്റ് ജോസഫ്‌സ് കോളേജ് ആദരിച്ചു.സുകൃതം 2018 എന്നു പേരിട്ട ചടങ്ങില്‍ വി ഗാര്‍ഡ് ഗ്രൂപ്പ് ചെയര്‍മാന്‍ കൊച്ചൗസോപ്പ് ചിറ്റിലപ്പിള്ളി മുഖ്യാതിഥിയായിരുന്നു.അവയവദാനത്തിന്റെ മഹത്വത്തെ പ്രകീര്‍ത്തിച്ച അദ്ദേഹം അവയവദാനത്തെപ്പറ്റിയുള്ള സമൂഹത്തിന്റെ 
തെറ്റിദ്ധാരണ മാറണമെന്നും മരണാനന്തരഅവയവദാനം പ്രോത്സാഹിപ്പിക്കപ്പെടണമെന്നും പറഞ്ഞു.സഹജീവികള്‍ക്കായി ചേര്‍ത്തുവക്കുന്ന എന്തു നന്മയും സുകൃതമായി ജീവിതത്തില്‍ വന്നുചേരുമെന്നും അദ്ദേഹം സൂചിപ്പിച്ചു
പ്രിന്‍സിപ്പല്‍ ഡോ.സി.ഇസബെല്‍ അദ്ധ്യക്ഷത വഹിച്ച ചടങ്ങില്‍ ഡോ.മനോജ് ലാസര്‍ ,ഡോ.ജെസി ഇമ്മാനുവല്‍ ,കുമാരി ദീപ്തി ദേവസി എന്നിവര്‍ സംസാരിച്ചു.മറുപടി പ്രസംഗത്തില്‍ ദൈവത്തോടുള്ള കൃതജ്ഞതയാണ് വൃക്കദാനമെന്ന തീരുമാനത്തിലെത്തിയതെന്ന് ഡോ.സി റോസ് ആന്റോ പറഞ്ഞു.ധൈര്യവും ദൈവവിശ്വാസവും ഉള്ള ആര്‍ക്കും അവയവദാനമെന്ന സദ്കര്‍മ്മത്തിലേക്കു വരാം .ജീവിതം കൊണ്ടു ചെയ്യാവുന്ന നന്മകള്‍ ചെയ്തു തീര്‍ക്കാന്‍ പരിശ്രമിക്കണമെന്നും സിസ്റ്റര്‍ കൂട്ടിച്ചേര്‍ത്തു.കൊച്ചൗസേപ്പ് ചിറ്റിലപ്പിളളി സി.റോസ് ആന്റോക്ക് ഉപഹാരം സമര്‍പ്പിച്ചു.പ്രിന്‍സിപ്പല്‍ ഡോ.സി ഇസബെല്‍ പൊന്നാടയണിയിച്ചു.ഇന്റര്‍ യൂണിവേഴ്‌സിറ്റി ജേതാക്കളായ കുമാരി ആതിര കൃഷ്ണ (മൂന്നാം വര്‍ഷ സൈക്കോളജി),കുമാരി പാര്‍വ്വതി ,അരുള്‍ ജോഷി,കുമാരി ദീപ്തി ദേവസി (കെമിസ്ട്രി)എന്നീ വിദ്യാര്‍ത്ഥിനികളെ അനുമോദിച്ചു.പ്രിന്‍സിപ്പല്‍ ഡോ.സി .ഇസബെല്‍ അവാര്‍ഡുകള്‍ വിതരണം ചെയ്തു
യോഗദിനത്തിനോടനുബന്ധിച്ച് ഇരിങ്ങാലക്കുട ഗവ: ഗേള്‍സ് ഹൈസ്‌ക്കൂളില്‍ യോഗപരിശീലനം നടന്നു
യോഗദിനത്തിനോടനുബന്ധിച്ച് ഇരിങ്ങാലക്കുട ഗവ: ഗേള്‍സ് ഹൈസ്‌ക്കൂളില്‍ നടന്ന യോഗ പരിശിലനത്തിന്റെ ഉദ്ഘാടനം യോഗ പരിശിലക സരസ്വതി ഉദ്ഘാടനം ചെയ്ത് യോഗ ചെയ്യേണ്ടതിന്റെ അവശ്യകതയെ കുറിച്ചും അതിന്റെ ഗുണങ്ങളെ കുറിച്ചും അവര്‍ സംസാരിച്ചു സീനിയര്‍ അസിസന്റ് ബിന വി.എസ് ,ഡാലി ഡേവിസ് ,മായ ടി.എസ്. ഷിന ഡേവിസ് ,രാജി.വി.എ ,സ്റ്റാഫ് സെക്രട്ടറി സി.എസ്. അബ്ദുള്‍ ഹഖ് എന്നിവര്‍ സംസാരിച്ചു.
ആരോഗ്യവകുപ്പിന്റെ തീരുമാനം ഉപേക്ഷിക്കണം എന്ന് ആവശ്യപ്പെട്ടുകൊണ്ട് ഇരിങ്ങാലക്കുട ബി ജെ പി നിയോജകമണ്ഡലം കമ്മറ്റി നഗരസഭ ഓഫീസിലേക്ക് മാര്‍ച്ച് നടത്തി
ഇരിങ്ങാലക്കുട:ഇരിങ്ങാലക്കുട താലൂക്ക് ഹെഡ് ക്വാട്ടേഴ്‌സ് ആശുപത്രിയിലെ സര്‍ജന്റെയും അനസ്‌ത്യേഷ്യാ തസ്തികകള്‍ പിന്‍വലിക്കാനുള്ള ആരോഗ്യവകുപ്പിന്റെ തീരുമാനം ഉപേക്ഷിക്കണം എന്ന് ആവശ്യപ്പെട്ടുകൊണ്ട് ഇരിങ്ങാലക്കുട ബി ജെ പി നിയോജകമണ്ഡലം കമ്മറ്റി നഗരസഭ ഓഫീസിലേക്ക് മാര്‍ച്ച് നടത്തി.മാര്‍ച്ച് ജില്ലാ അധ്യക്ഷന്‍ എ നാഗേഷ് ഉദ്ഘാടനം നിര്‍വ്വഹിച്ചു.മണ്ഡലം പ്രസിഡന്റ് സുനില്‍ കുമാര്‍ അധ്യക്ഷത വഹിച്ചു.ജില്ലാ വൈസ്പ്രസിഡന്റ് ഇ മുരളീധരന്‍ ,ഉണ്ണികൃഷ്ണന്‍പാറയില്‍ ,സുരേഷ് കുഞ്ഞന്‍ ,ഗിരിശന്‍ ,സുനിലന്‍ പീനിക്കല്‍ ,മനോജ് കല്ലിക്കാട്ട് ,സിനി രവീന്ദ്രന്‍ ,സരിത വിനോദ് ,വിഷ്ണു കെ പി ,സജി ഷൈജു കുമാര്‍ ,ബിജു വര്‍ഗ്ഗീസ് ,സുരേഷ് പാട്ടത്തില്‍ ,അഖിലാഷ് വിശ്വനാഥന്‍ ,അമ്പിളി ജയന്‍ ,സന്തോഷ് ബോബന്‍ ,വിജയന്‍ പാറേക്കാട്ട് ,രാഹുല്‍ ബാബു,ശ്യാംജി മാടത്തിങ്കല്‍ എന്നിവര്‍ മാര്‍ച്ചിനു നേതൃത്വം നല്‍കി
ഇരിങ്ങാലക്കുട ലയണ്‍സ് ക്ലബിന്റെ 2018-19 വര്‍ഷത്തെ പുതിയ ഭാരവാഹികള്‍ സ്ഥാനമേറ്റു
ഇരിങ്ങാലക്കുട: ഇരിങ്ങാലക്കുട ലയണ്‍സ് ക്ലബിന്റെ 2018-19 വര്‍ഷത്തെ പുതിയ ഭാരവാഹികളുടെ സ്ഥാനാരോഹണ ചടങ്ങ് ജൂണ്‍ 21 വ്യാഴാഴ്ച വൈകീട്ട് ഇരിങ്ങാലക്കുട ലയണ്‍സ് ക്ലബ് ഹാളില്‍ വെച്ച് നടന്നു.ലയണ്‍സ് ക്ലബ് ഫസ്റ്റ് ഡിസ്ട്രിക്റ്റ് ഗവര്‍ണര്‍ എല്‍ എന്‍ എം ഡി ഇഗ്നേഷ്യസ് എം ജെ എഫ് സ്ഥാനാരോഹണ ചടങ്ങുകള്‍ നിര്‍വ്വഹിച്ചു.ലയണ്‍ ഡിസ്ട്രിക്റ്റ് ഗവര്‍ണര്‍ എല്‍ എന്‍ വി എ തോമച്ചന്‍ എം ജെ എഫ് സര്‍വ്വീസ് പ്രോജക്ടുകളുടെ ഉദ്ഘാടന കര്‍മ്മം നിര്‍വ്വഹിച്ചു.2018-19 ഇരിങ്ങാലക്കുട ലയണ്‍സ് പ്രസിഡന്റ് ഫ്രാന്‍സിസ് ജോണ്‍,സെക്രട്ടറി തോമസ് കാളിയങ്കര ,ട്രഷറര്‍ റോയ് ജോസ് ,ലയണ്‍സ് ക്ലബ് പ്രസിഡന്റ് ദീപാ ഫ്രാന്‍സിസ് ,സെക്രട്ടറി എല്‍ എസ് എല്‍സ്ലറ്റ് ജോണ്‍,ട്രഷറര്‍ എല്‍ എസ് തുഷാര വിജു,ലിയോ ക്ലബ് പ്രസിഡന്റ് ലിയോ അഞ്ചന പോള്‍ മാവേലി,സെക്രട്ടറി ലിയോ ഒലിവിയ റോയ് ,ട്രഷറര്‍ ലിയോ ആന്‍ റോസ് വര്‍ഗ്ഗീസ് എന്നിവര്‍ സ്ഥാനമേറ്റു.
പ്രസ്തുത ചടങ്ങില്‍ ലയണ്‍സ് ക്ലബ് മുന്‍ പ്രസിഡന്റ് ലയണ്‍ ജോര്‍ജ്ജ് ചീരന്‍ അദ്ധ്യക്ഷത വഹിച്ചു.മുന്‍ ഗവര്‍ണര്‍മാരായ എന്‍ എന്‍ ആനന്ദ് മേനോന്‍ ,എല്‍ എന്‍ അഡ്വ ടി ജെ തോമാസ് ,റിജിയന്‍ ചെയര്‍മാന്‍ എല്‍ എന്‍ ജോഷി മുണ്ടക്കല്‍ ,സോണ്‍ ചെയര്‍മാന്‍ എല്‍ എന്‍ എ വി സുരേഷ് എന്നിവര്‍ ആശംസകള്‍ അര്‍പ്പിച്ചു.എല്‍ എന്‍ ടി ബാലകൃഷ്ണമേനോന്‍ പിഎംജെഎഫ് നന്ദി രേഖപ്പെടുത്തി
ചേലൂരില്‍ അപകട വളവിന് സമീപമുള്ള കാട്ടിക്കുളത്തിന്റെ സംരക്ഷണഭിത്തി തകര്‍ന്നു.
ചേലൂര്‍ : പോട്ട-മൂന്നുപീടിക സംസ്ഥാന പാതയിലെ ചേലൂരില്‍ അപകട വളവിന് സമീപമുള്ള കാട്ടിക്കുളത്തിന്റെ സംരക്ഷണഭിത്തി തകര്‍ന്നു.മാസങ്ങള്‍ക്ക് മുന്‍പ് സി.എന്‍. ജയദേവന്‍ എം.പിയുടെ ഫണ്ടില്‍ നിന്നും ലഭിച്ച ഏഴുലക്ഷം രൂപ ഉപയോഗിച്ച് പുനരുദ്ധാരണ പ്രവര്‍ത്തനങ്ങള്‍ നടത്തിയ കുളത്തിന്റെ കല്‍ക്കെട്ടുകളാണ് ഇടിഞ്ഞു താഴ്ന്നത്.ഇരിങ്ങാലക്കുട നഗരസഭയുടെ ഉടമസ്ഥതയില്‍ ഇരുപത്തിയേഴാം വാര്‍ഡില്‍ സ്ഥിതിചെയ്യുന്ന കുളത്തിന്റെ സംരക്ഷണഭിത്തി പൊതുമരാമത്ത് വകുപ്പിന്റ എതിര്‍പ്പുകള്‍ അവഗണിച്ച് റോഡിലേക്ക് കയറ്റി കെട്ടിയത് ഏറെ വിവാദങ്ങള്‍ക്ക് വഴിവെച്ചിരുന്നു.നൂറുകണക്കിന് വാഹനങ്ങളാണ് നിത്യവും ഈ റോഡിലൂടെ കടന്നുപോകുന്നത്. വലിയ അപകടങ്ങള്‍ ക്ഷണിച്ചു വരുത്തുന്ന രീതിയിലാണ് ഈ കുളത്തിന്റെ സംരക്ഷണഭിത്തി നിര്‍മ്മിച്ചിരിക്കുന്നത്.കുളത്തിലെ കല്‍കെട്ടുകള്‍ തകര്‍ന്നതോടെ ഏത് നിമിഷവും മതില്‍ തകര്‍ന്ന് വീഴാവുന്ന അവസ്ഥയില്‍ വിള്ളലുകള്‍ വീണിട്ടുണ്ട് .മതില്‍ തകരുന്നതോടെ റോഡിന്റെ വശവും കുളത്തിലേയ്ക്ക് ഇടിഞ്ഞ് വീഴാവുന്നതാണ്.
കാറളം ഗ്രാമപഞ്ചായത്തും കാറളം വിഷവൈദ്യ ആയുര്‍വ്വേദ ഡിസ്പന്‍സറിയും സംയുക്തമായി അന്താരാഷ്ട്ര യോഗദിനം ആചരിച്ചു
കാറളം:കാറളം ഗ്രാമപഞ്ചായത്തും കാറളം വിഷവൈദ്യ ആയുര്‍വ്വേദ ഡിസ്പന്‍സറിയും സംയുക്തമായി അന്താരാഷ്ട്ര യോഗദിനം ആചരിച്ചു. കാറളം പഞ്ചായത്ത് പ്രസിഡണ്ട് ശ്രീ .K.S. ബാബു, വികസന കാര്യ സ്റ്റാന്റിംഗ് കമ്മറ്റി ചെയര്‍മാന്‍ ശ്രീ. T. പ്രസാദ്. ഐ.ഡി.ഫ്രാന്‍സിസ് മാസ്റ്റര്‍, മെഡിക്കല്‍ ഓഫീസര്‍ ശ്രീമതി. എന്‍. എം. മായ. തുടങ്ങി നിരവധി പേര്‍ പങ്കെടുത്തു.
മത്സ്യകൃഷിക്ക് അപേക്ഷിക്കാം
ഇരിങ്ങാലക്കുട നഗരസഭയില്‍ 10 സെന്റിന് മുകളില്‍ കുളങ്ങള്‍ ഉള്ള വ്യക്തികള്‍ക്ക് മത്സ്യകൃഷി ചെയ്യുന്നതിന് അപേക്ഷിക്കാവുന്നതാണ്.കൂടുതല്‍ വിവരങ്ങള്‍ക്ക് ഇരിങ്ങാലക്കുട നഗരസഭ അക്വാകള്‍ച്ചര്‍ പ്രോമേട്ടറുമായി ബന്ധപ്പെടേണ്ടതാണ് .ഫോണ്‍ നമ്പര്‍-9946836165.അപേക്ഷകള്‍ 23-06-2018 ശനിയാഴ്ച വൈകീട്ട് 3 മണിക്ക് മുമ്പായി ലഭിക്കേണ്ടതാണ്‌
കാട്ടൂര്‍ പോംപൈ സെന്റ് മേരീസ് വോക്കേഷണല്‍ ഹയര്‍സെക്കണ്ടറി സ്‌കൂളില്‍ എന്‍ എസ് എസ് യൂണിറ്റിന്റെ നേതൃത്വത്തില്‍ ജൂണ്‍ 21 ന് അന്താരാഷ്ട്ര യോഗദിനം ആചരിച്ചു
കാട്ടൂര്‍: കാട്ടൂര്‍ പോംപൈ സെന്റ് മേരീസ് വോക്കേഷണല്‍ ഹയര്‍സെക്കണ്ടറി സ്‌കൂളില്‍ എന്‍ എസ് എസ് യൂണിറ്റിന്റെ നേതൃത്വത്തില്‍ ജൂണ്‍ 21 ന് അന്താരാഷ്ട്ര യോഗദിനം ആചരിച്ചു.യോഗവിധ്വാന്‍ സുരേഷ് കുട്ടികള്‍ക്കും അധ്യാപകര്‍ക്കും വേണ്ടി പരിശീലന ക്ലാസ് എടുത്തു.പ്രോഗ്രാം ഓഫീസര്‍ രശ്മി സ്വാഗതം പറഞ്ഞു.പ്രിന്‍സിപ്പല്‍ ബാലകൃഷ്ണന്‍ ആമുഖപ്രസംഗവും ,വോളണ്ടിയര്‍ ക്രിഷ്ണിക തമ്പി നന്ദിയും പറഞ്ഞു
നാലമ്പല തീര്‍ത്ഥാടകര്‍ക്ക് കെണിയൊരുക്കി പടിയൂര്‍ – എടത്തിരിഞ്ഞീ റോഡ്
വളവനങ്ങാടി : പടിയൂര്‍ എടതിരിഞ്ഞി റോഡില്‍ വളവനങ്ങാടി മുതല്‍ 1കിലോമീറ്റര്‍ ഭാഗം അത്യന്തം അപകടാവസ്ഥയിലാണ്. കുടിവെള്ള പദ്ധതിക്ക് പൈപ്പ് ഇടാന്‍ കുഴിച്ച കുഴികള്‍ കൃത്യമായി മൂടാത്തതു മൂലം വാഹനങ്ങള്‍ താഴ്ന്നു പോകുന്നത് പതിവായിരിക്കുകയാണ്. സ്‌കൂള്‍ വാഹനങ്ങള്‍ അടക്കം നൂറുകണക്കിന് വാഹനങ്ങള്‍ സ്ഥിരമായി പോകുന്ന
റോഡിലാണ് ഈ ചതിക്കുഴികള്‍ ഉള്ളത്.കാല്‍നട യാത്രക്കാര്‍ക്ക് നടക്കാന്‍ പോലും പറ്റാത്ത അവസ്ഥയാണ്. വാട്ടര്‍ അതോറിറ്റിയും PWD യും തമ്മിലുള്ള ഏകോപനമില്ലായ്മയാണ് റോഡിന്റെ ഈ ദുരവസ്ഥക്ക് കാരണം.ജനപ്രതിനിധികള്‍ ആരും ഈ വിഷയത്തില്‍ ഇടപെടുന്നില്ല എന്ന് നാട്ടുകാര്‍ പറയുന്നു. നാലമ്പല തീര്‍ത്ഥാടനകാലത്തു അയല്‍ സംസഥാനങ്ങളില്‍ നിന്നടക്കം ധാരാളം വാഹനങ്ങള്‍ വരുന്ന ഈ റോഡ് എത്രയും പെട്ടെന്ന് ഗതാഗത യോഗ്യമാക്കണമെന്നു നാട്ടുകാര്‍ ആവശ്യപ്പെട്ടു.
അന്താരാഷ്ട്ര യോഗ ദിനത്തോടനുബന്ധിച്ച് എസ് എന്‍ ഹയര്‍സെക്കന്ററി സ്‌കൂളില്‍ യോഗ പരിശീലനം നടത്തി
ഇരിങ്ങാലക്കുട:അന്താരാഷ്ട്ര യോഗ ദിനത്തോടനുബന്ധിച്ച് എസ് എന്‍ ഹയര്‍സെക്കന്ററി സ്‌കൂളില്‍ യോഗ പരിശീലനം നടത്തി. പ്രീതി ടീച്ചര്‍, കെ.മായ, എം.ജെ.ഷാജി എന്നിവര്‍ നേതൃത്വം നല്‍കി.
