അവിട്ടത്തൂർ : എൽ.ബി.എസ്.എം.എച്ച്.എസ് സ്കൂൾ ഗ്രൗണ്ടിൽ സംഘടിപ്പിച്ച ഗോൾ ചലഞ്ച് ഡി.വൈ.എഫ്.ഐ ഇരിങ്ങാലക്കുട ബ്ലോക്ക് പ്രസിഡണ്ട് അതീഷ് ഗോകുൽ ഉദ്ഘാടനം ചെയ്തു. മുൻ സന്തോഷ് ട്രോഫി താരവും ,അവിട്ടത്തൂർ വനിതാ ഫുട്ബോൾ അക്കാദമിയുടെ കോച്ചും,റിട്ടേയർഡ് പോലീസ് ഓഫീസറുമായ തോമസ് കാട്ടൂക്കാരൻ മുഖ്യ അതിഥിയായി പങ്കെടുത്തു.ഡി.വൈ.എഫ്.ഐ വേളൂക്കര ഈസ്റ്റ് മേഖലാ സെക്രട്ടറി വിവേക് ചന്ദ്രൻ സ്വാഗതവും മേഖല പ്രസിഡണ്ട് അർച്ചന തിലകൻ അദ്ധ്വക്ഷതയും വഹിച്ചു.പ്രായഭേദമന്യേ 142 ഗോൾ അടിച്ചുക്കൊണ്ട് ഐക്യദാർഢ്യം പ്രഖ്യാപിച്ചു .ഡിവൈഎഫ്ഐ മേഖല കമ്മിറ്റി അംഗങ്ങളായ ആതിര കെ.ജി, റിത്വിൻ ബാബു, വിഷ്ണു പി.എ , ആകാശ് ബാബു എന്നിവർ പരിപാടിക്ക് നേതൃത്വം നൽകി

ഇരിങ്ങാലക്കുട :AIKS അഖിലേന്ത്യാ സമ്മേളനത്തിന്റെ ഭാഗമായി കേരള കർഷക സംഘം കിഴുത്താണി മേഖലയിലെ പുല്ലത്തറ യൂണിറ്റിന്റെ ആഭിമുഖ്യത്തിൽ കർഷക സംഗമവും മികച്ച കർഷകരെ ആദരിക്കൽ ചടങ്ങും നടത്തി. ബ്ലോക്ക് പഞ്ചായത്ത്‌ മെമ്പർ കെ.എസ്.രമേഷ് അദ്ധ്യക്ഷത വഹിച്ച ചടങ്ങിൽ മുൻ എംഎൽഎ കെ.യു.അരുണൻമാസ്റ്റർ ഉൽഘാടനം ചെയ്തു. കർഷക സംഘം കിഴുത്താണി മേഖലാ പ്രസിഡന്റ് കെ.വി.ധനേഷ്ബാബു സ്വാഗതവും മേഖലാ സെക്രട്ടറി വി.ജി. രവീന്ദ്രൻ നന്ദിയും പറഞ്ഞു.

ഇരിങ്ങാലക്കുട: കേന്ദ്ര സംഗീത നാടക അക്കാദമി ഫെല്ലോഷിപ്പ് ലഭിച്ച കഥകളി ആചാര്യൻ സദനം കൃഷ്ണൻകുട്ടി ആശാൻ, മോഹിനിയാട്ടത്തിന് കേന്ദ്ര സംഗീതനാടക അക്കാദമി അവാർഡ് ലഭിച്ച നിർമ്മല പണിക്കർ എന്നിവരെ പുരോഗമന കലാസാഹിത്യ സംഘം ഇരിഞ്ഞാലക്കുട മേഖല കമ്മിറ്റിയുടെ ആഭിമുഖ്യത്തിൽ അവരവരുടെ വസതിയിൽ ചെന്ന് ആദരിച്ചു.കേരള സംഗീത നാടക അക്കാദമി ഭരണസമിതി അംഗവും പുകസ ജില്ല വൈസ്.പ്രസിഡണ്ടുമായ രേണു രാമനാഥ് ഇരുവരെയും പൊന്നാട അണിയിച്ചു. മേഖല പ്രസിഡണ്ട് ഖാദർ പട്ടേപ്പാടം, മേഖല സെക്രട്ടറി ഡോ.കെ.രാജേന്ദ്രൻ, ഇരിങ്ങാലക്കുട ടൗൺ സെക്രട്ടറി കെ.എച്ച്.ഷെറിൻ അഹമ്മദ്, അംഗങ്ങളായ ഡോ.സോണി ജോൺ, സജു ചന്ദ്രൻ എന്നിവർ ചടങ്ങിൽ സംസാരിച്ചു. ആദരവ് ഏറ്റ്വാങ്ങി സദനം കൃഷ്ണൻകുട്ടി ആശാനും നിർമ്മലപണിക്കരും മറുപടി പ്രസംഗം നടത്തി.

ഇരിങ്ങാലക്കുട :ലയൺസ് ക്ലബ്ബിന്റെ നേതൃത്വത്തിൽ ഇരിങ്ങാലക്കുട മുനിസിപ്പാലിറ്റിയുടെയും ജനമൈത്രി പോലീസിന്റെയും ഐഎംഎ ഇരിങ്ങാലക്കുടയുടെയും സഹകരണത്തോടെ നടത്തുന്ന യൂഫോറിയ 2022 ൻറെ ഭാഗമായി നടത്തുന്ന മയക്കുമരുന്ന് ലഹരിക്ക് എതിരെ ഗോൾ ലഹരി ഇരിങ്ങാലക്കുട രൂപത അധ്യക്ഷൻ മാർ പോളി കണ്ണൂക്കാടൻ ഉദ്ഘാടനം ചെയ്തു. പ്രസിഡൻറ് റോയ് ജോസ് ആലുക്കൽ അധ്യക്ഷ പ്രസംഗം പറഞ്ഞു. ഇരിങ്ങാലക്കുട ഐഎംഎ പ്രസിഡൻറ് ഡോക്ടർ ജോം ജോസഫ് മയക്കുമരുന്ന് ലഹരിയുടെ അപകടങ്ങളെക്കുറിച്ച് ബോധവൽക്കരണ ക്ലാസ് എടുത്തു. മുൻസിപ്പൽ ചെയർപേഴ്സൺ സോണിയ ഗിരി മുഖ്യപ്രഭാഷണം നടത്തി . ജോൺ നിതിൻ തോമസ്, കെ ആർ വിജയ , ബിജോയ് പോൾ , ഗില്‍ബര്‍ട്ട് ഇടശ്ശേരി , ഡോ :ഇ. പി ജനാർദ്ദനൻ,ടി വി ചാർലി, ഷാജൻ ചക്കാലക്കൽ, ജയ്സൺ പാറക്കാടൻ എന്നിവർ സംസാരിച്ചു അഡ്വക്കേറ്റ് മനോജ് ഐബൻ നന്ദി പറഞ്ഞു.

ഇരിങ്ങാലക്കുട : ട്രാഫിക് നിയമ ലംഘകരേയും, കുറ്റകൃത്യങ്ങളിൽ ഉൾപ്പെട്ട് വാഹനങ്ങളിൽ രക്ഷപ്പെടുന്നവരേയും പെട്ടന്നു കണ്ടെത്തുന്നതിന് പോലീസിന് സഹായകരമാകുന്ന ഓട്ടോമാറ്റിക് നമ്പർ പ്ലേറ്റ് റെഗഗനൈസേഷൻ സിസ്റ്റത്തിന്റെ (ANPR) ഉദ്ഘാടന കർമ്മം ബുധനാഴ്ച തൃശൂർ റൂറൽ എസ്.പി. ഐശ്വര്യ ഡോങ്ങ്ഗ്രേ നിർവ്വഹിച്ചു. ഇരിങ്ങാലക്കുട ഡി.വൈ.എസ്.പി. ബാബു.കെ.തോമസ്, ഇൻസ്പെക്ടർ അനീഷ് കരീം, സൈബർ പോലീസ് ഇൻസ്പെക്ടർ സുനിൽ കൃഷ്ണ എന്നിവർ സന്നിഹിതരായിരുന്നു.വാഹന നിയമ ലംഘന കുറ്റകൃത്യങ്ങൾ തടയുകയാണ് ഈ സംവിധാനത്തിന്റെ ലക്ഷ്യം. നിയമ ലംഘനങ്ങൾ കണ്ടെത്തിയാൽ ചലാൻ വഴി ഫൈൻ ഉടമകൾക്ക് മൊബൈൽ ഫോണിലൂടെ ഉടൻ തന്നെ അറിയിക്കുന്നതാണ്.. തൃശൂർ റൂറൽ ജില്ലയിലെ മലക്കപ്പാറ, കോട്ടപ്പുറം, പെരുമ്പുഴ , ഇരിങ്ങാലക്കുട എന്നിവിടങ്ങളിലാണ് നൂതന സാങ്കേതിക വിദ്യകളോടു കൂടിയ ANPR ക്യാമറകൾ സ്ഥാപിച്ചിരിക്കുന്നത്. ഈ ക്യാമറകൾക്കു പുറമേ വാഹനങ്ങളുടേയും യാത്രക്കാരുടേയും വ്യക്തമായ ചിത്രങ്ങൾ ലഭിക്കുന്ന നിരവധി നൂതന ക്യാമറകളും ജില്ലയിലെ വിവിധയിടങ്ങളിൽ സ്ഥാപിച്ചിട്ടുണ്ട്. ട്രാഫിക് നിയമലംഘനം നടത്തുന്നതടക്കമുള്ള വാഹനങ്ങളുടെ നമ്പർ പ്ലേറ്റുകളുടെ വ്യക്തമായ ചിത്രങ്ങൾ, വീഡിയോകൾ ANPR ക്യാമറകളിലൂടെ ശേഖരിച്ച് സൂക്ഷിക്കുന്നതാണ്. സംശയാസ്പദമായ വാഹനങ്ങളുടെ നമ്പറുകൾ ഈ സിസ്റ്റത്തിൽ സേവ് ചെയ്തു വച്ചാൽ ഇത്തരം വാഹനങ്ങൾ ഇതുവഴി കടന്നുപോയാൽ അലാം വഴി കൺട്രോൾ റൂമിൽ അറിയിക്കാനും ഈ സംവിധാനത്തിലൂടെ സാധിക്കും. ഇരിങ്ങാലക്കുടയിൽ പുതുതായി പണി കഴിപ്പിച്ച തൃശൂർ റൂറൽ ജില്ലാ ആസ്ഥാനത്താണ് സംവിധാനം പ്രവർത്തിക്കുക. ഒരേ സമയം രണ്ടു പോലീസ് ഉദ്ദ്യോഗസ്ഥർ വീതം ഇരുപത്തിനാലു മണിക്കൂറും നിരീക്ഷണ ഡ്യൂട്ടിക്കായി ഉണ്ടായിരിക്കുന്നതാണ്.കുറ്റകൃത്യങ്ങളിൽ ഉൾപ്പെട്ടു രക്ഷപ്പെടുന്ന വാഹനങ്ങളുടെ റൂട്ടുകൾ നിമിഷങ്ങൾക്കകം കണ്ടുപിടിക്കാൻ ഇതിലൂടെ പോലീസിന് സാധിക്കും.ഈ സംവിധാനത്തിന്റെ ട്രയൽറൺ വിജയകരമായി പൂർത്തിയാക്കിയാണ് ഉദ്ഘാനകർമ്മം നടത്തിയിട്ടുള്ളത്.

ഇരിങ്ങാലക്കുട:സെന്റ് ജോസഫ്‌സ് കോളേജിലെ രസതന്ത്ര വിഭാഗവും എൻ. എസ്. എസ്. യൂണിറ്റും സംയുക്തമായി സംഘടിപ്പിക്കുന്ന ‘സിസ്കോം ‘(കെമിസ്ട്രി ഇൻ സർവീസ് ഓഫ് കോമൺ മാൻ ) നിത്യോപയോഗ ഉൽപ്പന്നങ്ങളുടെ നിർമ്മാണോദ്ഘാടനം കോളേജ് പ്രിൻസിപ്പൽ ഡോ. സി. എലൈസ നിർവഹിച്ചു.കോളേജിലെ എം. എസ്. സി വിഭാഗം രസതന്ത്ര ലാബിൽ വച്ച് നടന്ന പരിപാടിയിൽ രസതന്ത്ര വിഭാഗം മേധാവി ഡോ. ഡീന ആന്റണി സി. സ്വാഗതം അർപ്പിച്ച് സംസാരിച്ചു. മുൻ രസതന്ത്ര വിഭാഗം മേധാവിയും ബി.എസ്.സി കെമിസ്ട്രി (എസ്. എഫ്.) കോർഡിനേറ്ററുമായ ഡോ.ജെസ്സി ഇമ്മാനുവേൽ,21-ാം വാർഡ് കൗൺസിലർ .മിനി സണ്ണി നെടുമ്പാക്കാരൻ എന്നിവർ ആശംസകളേകി. സിസ്കോമിന്റെ നിത്യോപയോഗ ഉൽപ്പന്നങ്ങളായ സോപ്പ്, സോപ്പ്പൊടി, ഡിഷ്‌ വാഷ്, ഹാൻഡ് വാഷ് എന്നീ വസ്തുക്കളുടെ നിർമ്മാണപരിശീലനത്തിന് അസി. പ്രൊഫ. ഹീന പീതാംബരൻ നേതൃത്വം നൽകി. എൻ. എസ്. എസ് പ്രോഗ്രാം ഓഫീസർ ഡോ. സിനി വർഗീസ് നന്ദിയർപ്പിച്ചു.

ഇരിങ്ങാലക്കുട: തൃശൂർ റവന്യു ജില്ല കേരള സ്കൂൾ കലോത്സവത്തിൽ തുടർച്ചയായി ഓവറോൾ കരസ്ഥമാക്കി സ്വർണ്ണ കിരീടം നേടിയ ഇരിങ്ങാലക്കുട ഉപജില്ലക്ക് അനുമോദനം നൽകി. LFCGHSS ൽ നടന്ന അനുമോദന യോഗം മുൻസിപ്പൽ ചെയർപേഴ്സൺ സോണിയ ഗിരി ഉദ്ഘാടനം ചെയ്തു. വാർഡ് കൗൺസിലർ അഡ്വ.കെ.ആർ. വിജയ അധ്യക്ഷത വഹിച്ചു. വിദ്യാഭ്യാസ സ്റ്റാൻഡിങ്ങ് കമ്മറ്റി ചെയർ പേഴ്സൺ അഡ്വ. ജിഷ ജോബി മുഖ്യാതിഥിയായിരുന്നു. പി.എ. ജസ്റ്റിൻ തോമസ് വി., എ.ഇ.ഒ. ഡോ. നിഷ.എം.സി., മാനേജേഴ്സ് പ്രതിനിധി എ.സി. സുരേഷ്, എച്ച് എം. ഫോറം കൺവീനർ റാണി ജോൺ , സിസ്റ്റർ മേബിൾ , പി.ജി. ഉല്ലാസ്, എൻ.എൻ. രാമൻ, ഷാജി.എം.ജെ. , അനൂപ്. ടി.ആർ. എന്നിവർ പ്രസംഗിച്ചു. വിദ്യാർത്ഥികൾക്ക് മധുര പലഹാരം നൽകി.