ഇരിങ്ങാലക്കുട: വരുമാനത്തില്‍ മുന്നിലാണെങ്കിലും ജീവനക്കാരുടെ അഭാവം ഇരിങ്ങാലക്കുട കെ.എസ്.ആര്‍.ടി.സി.യെ പിറകോട്ടടിക്കുന്നു. ജില്ലയിലെ ഏറ്റവും കുറവ് ജീവനക്കാരുള്ള ഓപ്പറേറ്റിങ്ങ് സെന്ററാണ് ഇരിങ്ങാലക്കുടയിലേത്. 2022 ഡിസംബറില്‍ മാത്രം 13 ലക്ഷം രൂപ വരുമാനമുണ്ടാക്കിയ സെന്ററാണ് ഇരിങ്ങാലക്കുട. ഇതില്‍ ബജറ്റ് ടൂറിസത്തിലൂടെ മാത്രം 4.61 ലക്ഷത്തിന്റെ വരുമാനവും ഉണ്ടാക്കി. നല്ല രീതിയില്‍ ബി.ടി.സി. സര്‍വ്വീസ് നടത്തി 75 ലക്ഷത്തിലധികം രൂപയാണ് 2022ല്‍ വരുമാനമുണ്ടാക്കിയത്. എന്നാല്‍ സംസ്ഥാനത്ത് തന്നെ മികച്ച ഒപ്പറേറ്റിങ്ങ് സെന്ററായി നിലകൊള്ളുന്ന ഇരിങ്ങാലക്കുടയ്ക്ക് ആവശ്യത്തിന് ഡ്രൈവര്‍മാരില്ലാത്തതാണ് തിരിച്ചടിയായിരിക്കുന്നത്.നേരത്തെ 21 ഷെഡ്യൂള്‍ വരെ ഓപ്പറേറ്റ് ചെയ്തിരുന്ന ഇവിടെ പിന്നീട് 14 ആയി ചുരുങ്ങി. ഇപ്പോള്‍ അത് പത്തുവരെ എത്തി. പ്രതിദിനം മൂന്നുലക്ഷം രൂപയില്‍ അധികം വരുമാനം ലഭിച്ചിരുന്ന യൂണിറ്റിന്റെ വരുമാനം സര്‍വ്വീസുകള്‍ വെട്ടിക്കുറച്ചതോടെ ഇപ്പോള്‍ പ്രതിദിനം രണ്ടുലക്ഷം രൂപയില്‍ താഴെയായി കുറഞ്ഞു. 40 ഡ്രൈവര്‍മാര്‍ വേണ്ട സ്ഥാനത്ത് നിലവില്‍ 25 പേര്‍ മാത്രമാണ് ഉള്ളത്. 17 സര്‍വ്വീസിന് 40 ഡ്രൈവര്‍മാരെയാണ് വേണ്ടത്. 14 സര്‍വ്വീസിന് 32 ഡ്രൈവര്‍മാരും. ഇതിനിടയില്‍ ചിലര്‍ മെഡിക്കല്‍ ലീവ് കൂടി എടുക്കുന്നതോടെ സര്‍വ്വീസുകളെല്ലാം താറുമാറാകുകയാണ്. നല്ല കളക്ഷനുള്ള പല സര്‍വ്വീസുകളും ഇതുമൂലം വെട്ടിക്കുറയ്‌ക്കേണ്ട അവസ്ഥയിലാണ്. ഇതുമൂലം 8.30നുള്ള ആലുവ, 7.30നുള്ള എറണാകുളം, 5.35ന്റെ പാലക്കാട് സര്‍വ്വീസുകള്‍ നിരന്തരം ഒഴിവാക്കേണ്ട അവസ്ഥയാണ്. മതിലകം- ഇരിങ്ങാലക്കുട- വെള്ളാനിക്കോട്, ഇരിങ്ങാലക്കുട- മെഡിക്കല്‍ കോളേജ്, ഇരിങ്ങാലക്കുട- വൈറ്റില എന്നി സര്‍വ്വീസുകളും നടത്താന്‍ സാധിക്കുന്നില്ല.കൃത്യമായി സര്‍വ്വീസുകള്‍ ഓപ്പറേറ്റ് ചെയ്തിരുന്ന ഓഫീസറെ അനാവശ്യകാര്യത്തിന് സ്ഥലം മാറ്റിയതും സര്‍വ്വീസുകള്‍ താഴാന്‍ കാരണമായെന്നും ആക്ഷേപമുണ്ട്. കെ.എസ്.ആര്‍.ടി.സി. ഉന്നത ഉദ്യോഗസ്ഥരുടെ നിരുത്തരവാദിത്വപരമായ സമീപനമാണ് ആവശ്യത്തിന് ജീവനക്കാരെ അനുവദിക്കാത്തതിന് കാരണമെന്നാണ് പറയുന്നത്.
വിദ്യാർത്ഥികൾക്ക് മേശയും കസേരയും വിതരണം ചെയ്ത് മുരിയാട് ഗ്രാമപഞ്ചായത്ത്
മുരിയാട്: ഗ്രാമപഞ്ചായത്തിന്റെ വാർഷിക പദ്ധതിയിൽ ഉൾപ്പെടുത്തി അഞ്ചാം ക്ലാസ് വരെയുള്ള എസ് സി വിദ്യാർത്ഥികൾക്ക് മേശയും കസേരയും വിതരണം ചെയ്തു. ആദ്യഘട്ട വിതരണത്തിന്റെ ഉദ്ഘാടനം ആനന്ദപുരം ഗവ :യുപി സ്കൂളിൽ വച്ച് പഞ്ചായത്ത് പ്രസിഡണ്ട് ജോസ് ജെ ചിറ്റിലപ്പിള്ളി നിർവഹിച്ചു. 150 ഓളം വിദ്യാർത്ഥികൾക്കാണ് മേശയും കസേരയും വിതരണം ചെയ്തത് .ആദ്യഘട്ടത്തിൽ 60 വിദ്യാർത്ഥികൾക്കുള്ള വിതരണം ആണ് ഇന്ന് നടത്തിയത്. ഉദ്ഘാടന യോഗത്തിൽ വൈസ് പ്രസിഡൻറ് സരിത സുരേഷ് അധ്യക്ഷത വഹിച്ചു .ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ കെ യു വിജയൻ , പഞ്ചായത്ത് അംഗങ്ങളായ തോമസ് തൊകലത്ത് ,എ എസ് സുനിൽകുമാർ ,നിജി വത്സൻ, ശ്രീജിത്ത് പട്ടത്ത്, നിഖിത അനു, മണി സജയൻ ,സ്കൂൾ ഹെഡ്മിസ്ട്രസ് ശ്രീകല ,അസിസ്റ്റൻറ് ഇന്ദു ടീച്ചർ തുടങ്ങിയവർ സംസാരിച്ചു.
കെ.എസ്.എസ്.പി.എ. പഞ്ചദിന സത്യാഗ്രഹം
ഇരിങ്ങാലക്കുട: പെൻഷൻ പരിഷ്ക്കരണത്തിന്റെ ഗഡുക്കൾ വിതരണം ചെയ്യുക , മെഡി സെപ് അപാകതകൾ പരിഹരിച്ച് ഒ.പി. ചികിത്സയും ഓപ്ഷനും ഉറപ്പ് വരുത്തുക, ക്ഷാമാശ്വാസം നാല് ഗഡുക്കൾ ഉടൻ അനുവദിക്കുക എന്നീ ആവശ്യങ്ങൾ ഉന്നയിച്ച് കേരള സ്റ്റേറ്റ് സർവ്വീസ് പെൻഷനേഴ്സ് അസോസിയേഷൻ നിയോജക മണ്ഡലം കമ്മറ്റിയുടെ ആഭിമുഖ്യത്തിൽ ട്രഷറിക്കു മുന്നിൽ ആരംഭിച്ച പഞ്ചദിന സത്യാഗ്രഹം കെ.പി.സി.സി. നിർവ്വാഹക സമിതി അംഗം എം.പി.ജാക്സൺ ഉദ്ഘാടനം ചെയ്തു. നിയോജക മണ്ഡലം കമ്മറ്റി പ്രസിഡണ്ട് സി.എസ്.അബ്ദുൾ ഹഖ് അധ്യക്ഷത വഹിച്ചു. ജില്ല ജോ: സെക്രട്ടറി കെ.ബി.ശ്രീധരൻ മുഖ്യപ്രഭാഷണം നടത്തി. സംസ്ഥാന കൗൺസിൽ അംഗം പി.യു. വിത്സൺ, ജില്ല സെക്രട്ടേറിയറ്റ് അംഗം എ.എൻ . വാസുദേവൻ, സെക്രട്ടറി എ.സി. സുരേഷ്, എൻ.ജി.ഒ. ബ്രാഞ്ച് സെക്രട്ടറി സിജോയ്, കെ. കമലം, പി.ഐ. ജോസ്, കെ.വേലായുധൻ, പി.കെ.ശിവൻ, ഒ.ജഗനാഥ്, ടി.കെ. ബഷീർ, കെ.കൃഷ്ണകുമാർ എന്നിവർ പ്രസംഗിച്ചു.
ഇരിങ്ങാലക്കുട നഗരസഭയുടെ കെട്ടിടങ്ങള്‍ വാടകക്ക് നല്‍കുന്നത് സംബന്ധിച്ച് പ്രായോഗിക സമീപനമുണ്ടാവണമെന്ന് മുനിസിപ്പല്‍ കൗണ്‍സില്‍ യോഗത്തില്‍ നിര്‍ദ്ദേശം
ഇരിങ്ങാലക്കുട: നഗരസഭയുടെ കെട്ടിടങ്ങള്‍ വാടകക്ക് നല്‍കുന്നത് സംബന്ധിച്ച് പ്രായോഗിക സമീപനമുണ്ടാവണമെന്ന് മുനിസിപ്പല്‍ കൗണ്‍സില്‍ യോഗത്തില്‍ നിര്‍ദ്ദേശം. പൂതംകുളം ടേക്ക് ബ്രേക്ക് പദ്ധതിയുടെ ബൈലോ അംഗീകരിക്കുന്നത്് സംബന്ധിച്ച അജണ്ടയിലാണ് അംഗങ്ങളില്‍ നിന്നും നിര്‍ദ്ദേശം ഉയര്‍ന്നത്. ടേക്ക് പൂതംകുളം ടേക്ക് എ ബ്രേക്ക് രണ്ടു തവണ ലേലത്തിനു വച്ചിട്ടും പോകാതിരുന്നതിനു കാരണം ഉയര്‍ന്ന നിരക്കാണന്ന് ബി. ജെ. പി. പാര്‍ലമെന്ററി പാര്‍ട്ടി ലീഡര്‍ സന്തോഷ് ബോബന്‍ ചൂണ്ടിക്കാട്ടി. ഇക്കാര്യത്തില്‍ പ്രായോഗിക സമീപനമുണ്ടാവണമെന്ന് സന്തോഷ് ബോബന്‍ ആവശ്യപ്പെട്ടു. നഗരസഭയുടെ കെട്ടിടങ്ങള്‍ വാടകക്ക് നല്‍കുന്നത് സംബന്ധിച്ച് പ്രായോഗികമായ തീരുമാനങ്ങള്‍ എടുത്ത് നടപ്പിലാക്കിയാല്‍ മാത്രമാണ് നഗരസഭക്ക് വരുമാനം വര്‍ധിപ്പിക്കാനാകൂവെന്ന് എല്‍. ഡി. എഫ്. പാര്‍ലമെന്ററി പാര്‍ട്ടി ലീഡര്‍ അഡ്വ കെ. ആര്‍. വിജയ നിര്‍ദ്ദേശിച്ചു. കസ്തൂര്‍ബ ഷോപ്പിങ്ങ് കോംപ്ലക്‌സ് അടക്കമുള്ള നഗരസഭയുടെ പല കെട്ടിടങ്ങളും നല്‍കാനായിട്ടില്ല. പദ്ധതി വിഹിതം ഉപയോഗിച്ച് നടപ്പിലാക്കുന്ന പദ്ധതികളില്‍ നിന്നും വരുമാനം ഉറപ്പു വരുത്തണമെന്നും അഡ്വ കെ. ആര്‍. വിജയ പറഞ്ഞു. ഇത്തരം വിഷയങ്ങളില്‍ ധനകാര്യ സ്റ്റാന്‍ഡിങ്ങ് കമ്മറ്റിയില്‍ ചര്‍ച്ചക്ക് വരുമ്പോള്‍ പലഘട്ടങ്ങളിലും ഉദ്യോഗസ്ഥരുടെ ഭാഗത്തു നിന്നാണ് വിഘാതങ്ങള്‍ ഉണ്ടാകുന്നതെന്ന് മുനിസിപ്പല്‍ വൈസ് ചെയര്‍മാന്‍ ടി. വി. ചാര്‍ളി പറഞ്ഞു. ആധുനിക മത്സ്യ മാര്‍ക്കറ്റില്‍ കൗണ്‍സില്‍ എടുത്ത നിലപാട് മൂലമാണ് കൂടുതല്‍ സ്റ്റാളുകള്‍ വാടകക്ക് നല്‍കാനായതെന്നും ടി. വി. ചാര്‍ളി പറഞ്ഞു. വിഷയം ധനകാര്യ സ്റ്റാന്‍ഡിങ്ങ് കമ്മറ്റി യോഗം ചേര്‍ന്ന് നിര്‍ദ്ദേശം വച്ചാല്‍ സ്റ്റിയറിങ്ങ് കമ്മറ്റിയില്‍ തീരുമാനമെടുക്കാമെന്ന് മുനിസിപ്പല്‍ ചെയര്‍പേഴ്‌സണ്‍ സോണിയ ഗിരി പറഞ്ഞു. ഗാന്ധിഗ്രാം ഗ്രൗണ്ടില്‍ ടേക്ക് എ ബ്രേക്കിനായി കെട്ടിടം നിര്‍മ്മിക്കുന്ന സ്ഥലത്തെ ചൊല്ലി പ്രദേശവാസികള്‍ക്ക് എതിര്‍പ്പുള്ളതായി അംഗങ്ങള്‍ യോഗത്തില്‍ ചൂണ്ടിക്കാട്ടി. എന്നാല്‍ തികച്ചും അനുയോജ്യമായ സ്ഥലത്താണ് കെട്ടിടം നിര്‍മ്മിക്കുന്നതെന്നും, തനിക്ക് ഇക്കാര്യത്തില്‍ യാതൊരു നിര്‍ബന്ധബുദ്ധിയില്ലെന്നും വാര്‍ഡു കൗണ്‍സിലര്‍ പി. ടി. ജോര്‍ജ്ജ് പറഞ്ഞു. എന്നാല്‍ നഗരസഭയുടെ പദ്ധതിയല്ലെന്നും, എം. എല്‍. എ. ഫണ്ട് ഉപയോഗിച്ച് നിര്‍മ്മിക്കുന്ന കെട്ടിടം മാറ്റി നിര്‍മ്മിക്കുന്നതടക്കമുള്ള വിഷയങ്ങള്‍ മന്ത്രിതലത്തില്‍ തീരുമാനം ഉണ്ടാകട്ടെയെന്ന് ചെയര്‍പേഴ്‌സണ്‍ സോണിയ ഗിരി പറഞ്ഞു. നഗരസഭ മൈതാനം ഉപയോഗിക്കുന്നത് സംബന്ധിച്ച നിര്‍ദ്ദേശങ്ങളും അംഗങ്ങളുടെ വിമര്‍ശനത്തിന് ഇടയാക്കി. മൈതാനത്തെ കുറിച്ച് അനാവശ്യമായ ഉള്‍കണ്ഠകളാണ് കൗണ്‍സിലില്‍ ഉണ്ടാകുന്നതെന്ന് ബി. ജെ. പി. പാര്‍ലമെന്ററി പാര്‍ട്ടി ലീഡര്‍ സന്തോഷ് ബോബന്‍ പറഞ്ഞു. കഴിഞ്ഞ ദിവസം നടന്ന ക്രിക്കറ്റ് ടൂര്‍ണ്ണമെന്റിന് മുന്നോടിയായി ഉണ്ടായ വിവാദം അനാവശ്യമായിരുന്നു. ടൂര്‍ണ്ണമെന്റ് നടത്തുന്നതിന് ആവശ്യമായ സജ്ജീകരണങ്ങള്‍ ഒരുക്കുകയെന്നത് സംഘാടകരുടെ കടമയാണ്. ഇക്കാര്യത്തില്‍ അനാവശ്യമായ ഇടപടലുകള്‍ ഉണ്ടാകരുതെന്നും സന്തോഷ് ബോബന്‍ പറഞ്ഞു. കായിക ആവശ്യങ്ങള്‍ക്കല്ലാതെ മൈതാനും അനുവദിക്കുന്നത് ഒഴിവാക്കണമെന്ന നിര്‍ദ്ദേശം അംഗീകരിക്കാനാകില്ലെന്ന് മുനിസിപ്പല്‍ ചെയര്‍പേഴ്‌സണ്‍ സോണിയ ഗിരി പറഞ്ഞു. ഫുട്‌ബോള്‍ പരീശലനത്തിന് നഗരസഭ മൈതാനം സൗജന്യമായി അനുവദിച്ച ശേഷം പരീശീലനത്തിന് വരുന്നവരില്‍ നിന്നും ഫീസ് ഈടാക്കുന്നവരാണ് ഇത്തരം വിഷയങ്ങള്‍ കുത്തിപ്പൊക്കുന്നതെന്ന് യു. ഡി. എഫ്. അംഗം എം. ആര്‍. ഷാജു കുറ്റപ്പെടുത്തി. ഇരിങ്ങാലക്കുട നഗരസഭയുടെ കീഴില്‍ പ്രവര്‍ത്തിക്കുന്ന മുകുന്ദപുരം സ്‌കൂള്‍ ഫോക്കസ് പദ്ധതിയില്‍ ഉള്‍പ്പെടുത്തിയ സാഹചര്യത്തില്‍ ഭൗതിക സാഹചര്യം മെച്ചപ്പെടത്തുന്നതുമായി ബന്ധപ്പെട്ട്്, സ്‌കുളിന്റെ അറ്റകുറ്റപണികള്‍ നടത്തുന്നതിനോ, സ്‌കൂള്‍ മാറ്റി സ്ഥാപിക്കണമോയന്നതടക്കമുളള കാര്യങ്ങള്‍ ചര്‍ച്ച ചെയ്ത് തീരുുമാനമെടുക്കുന്നതിന് വിദ്യാഭ്യാസ സ്റ്റാന്‍ഡിങ്ങ് കമ്മറ്റിക്ക് വിട്ടു. 2023-2024 വാര്‍ഷിക പദ്ധതി രൂപീകരണവുമായി ബന്ധപ്പെട്ട് ഫെബ്രുവരി ഒന്‍പതിന് വികസന സെമിനാര്‍ ചേരുന്നതിനും കൗണ്‍സില്‍ യോഗം തീരുമാനിച്ചു. മുനിസിപ്പല്‍ ചെയര്‍പേഴ്‌സണ്‍ സോണിയ ഗിരി അധ്യക്ഷത വഹിച്ച യോഗത്തില്‍ അഡ്വ കെ. ആര്‍. വിജയ, സി. സി. ഷിബിന്‍, അഡ്വ ജിഷ ജോബി, സന്തോഷ് ബോബന്‍, ടി. കെ. ഷാജു, സുജ സജ്ഞീവ്കുമാര്‍, ജെയ്‌സണ്‍ പാറേക്കാടന്‍, എം. ആര്‍. ഷാജു എന്നിവര്‍ പ്രസംഗിച്ചു .
വകുപ്പുകളുടെ പുന:സംഘടന – അനിവാര്യം- കെ.ജി.ഒ . എഫ്
ഇരിങ്ങാലക്കുട: വിവിധ സർക്കാർ വകുപ്പുകൾ കാലോചിതമായി ജനക്ഷേമം ലക്ഷ്യമാക്കി പുന:സംഘടിപ്പിക്കുകയോ, പരിഷ്കരിക്കുകയോ വേണമെന്ന് കെ.ജി.ഒ എഫ്. മുകുന്ദപുരം താലൂക്ക് സമ്മേളനം സർക്കാരിനോട് ആവശ്യപ്പെട്ടു. രൂപീകരണ സമയത്തെ അതേ ഘടനയും സ്റ്റാഫ് പാറ്റേണും അസരിച്ചാണ് പല വകുപ്പു കളുടെയും പ്രവർത്തനം വൈജ്ഞാനീക ഭരണനിർവ്വഹണം കൂടുതൽ കാര്യക്ഷമമായി നടപ്പിൽ വരുത്തണം.ഇരിങ്ങാലക്കുട പി.ഡബ്ലിയു.ഡി. ഹാളിൽ വച്ചു നടന്ന സമ്മേളനം സംസ്ഥാന സെക്രട്ടേറിയറ്റ് അംഗം ഡോ.വി.എം.പ്രദീപ് ഉദ്ഘാടനം നിർവ്വഹിച്ചു. സംഘടന സംസ്ഥാന ജനറൽ സെക്രട്ടറി ഡോ.വി.എം. ഹാരിസ് മുഖ്യപ്രഭാഷണം നടത്തി. താലുക്ക് പ്രസിഡന്റ് ഡോ. ഷിബു .കെ.വി. അദ്ധ്യക്ഷത വഹിച്ച യോഗത്തിൽ ഡോ. സിജോ ജോസ് കൊടിയൻ സ്വാഗതവും , അശ്വതി നന്ദിയും രേഖപ്പെടുത്തി. താലൂക്ക് സെക്രട്ടറി ഇ.എൻ. രവീന്ദ്രൻ പ്രവർത്തന റിപ്പോർട്ടും, കെ.ജി.ഒ. എഫ്.ജില്ലാ പ്രസിഡന്റ് . കെ.ആർ. അജയ് സംഘടന റിപ്പോർട്ടും അവതരിപ്പിച്ചു. ജില്ലാ സെക്രട്ടറി ഡോ. കെ. വിവേക് ചർച്ചകൾക്ക് മറുപടി പറഞ്ഞു. സംസ്ഥാന കമ്മിറ്റി അംഗം ഡോ. അരുൺ റാഫേൽ , ജില്ലാ ട്രഷറർ ഡോ.സുബിൻ കോലാടി., ഡോ. ഫ്ലെമി, ഡോ. സജേഷ് .എം ജി , ഡോ. പ്രകാശൻ എന്നിവർ ആശംസകൾ അർപ്പിച്ചു.27ഫെബ്രുവരി 2023 ന് നടക്കുന്ന ജില്ലാ സമ്മേളനം വിജയിപ്പിക്കുന്നതിന് സമ്മേളനം തീരുമാനിച്ചു.പുതിയ ഭാരവാഹികൾ :പ്രസിഡന്റ് : ഡോ ഷിബു .കെ വി .സെക്രട്ടറി :ഇ.എൻ .രവീന്ദ്രൻ ട്രഷറർ : ഡോ. സജേഷ് എം.ജി.
നാടിന്റെ സാംസ്കാരിക പൈതൃകം ഉയർത്തിപ്പിടിക്കണം. കെപിഎംഎസ്
ഇരിങ്ങാലക്കുട: ആധുനിക കേരളം ആർജിച്ച സാമൂഹിക മൂല്യങ്ങളുടെ അടിത്തറയായ നാടിന്റെ സാംസ്കാരിക പൈതൃകം ഉയർത്തിപ്പിടിക്കണമെന്ന് കെ.പി.എം.എസ് സംസ്ഥാന ഉപാധ്യക്ഷൻ പി എ അജയ്ഘോഷ് അഭിപ്രായപ്പെട്ടു. കെപിഎംഎസ് ജില്ലാ നേതൃയോഗം ചാത്തൻ മാസ്റ്റർ സ്മാരക ഹാളിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.പുരോഗമന സാഹിത്യ പ്രസ്ഥാനത്തിൻറെ പിന്തുടർച്ചക്കാറെന്ന് അവകാശപ്പെടുന്ന സാംസ്കാരിക നായകർ സവർണ്ണ ബിംബങ്ങളായി മാറുന്നത് മാറുന്നത് ഒരു ജനാധിപത്യ സമൂഹത്തിൽ അപമാനമാണെന്നും അദ്ദേഹം കൂട്ടിച്ചേർത്തു. സംസ്ഥാന സെക്രട്ടറിയേറ്റ് അംഗം പിസി രഘു അധ്യക്ഷത വഹിച്ച യോഗത്തിൽ പി എൻ സുരൻ, സന്തോഷ് ഇടയിലപ്പുര, തുടങ്ങിയവർ സംസാരിച്ചു.150 ഓളം വരുന്ന ശാഖ വാർഷിക പൊതുയോഗങ്ങൾ ഫെബ്രുവരി മാസത്തിൽ അവസാനിപ്പിച്ച് മാർച്ച് മാസത്തിൽ യൂണിയൻ സമ്മേളനങ്ങൾ നടത്തുവാൻ യോഗം തീരുമാനിച്ചു.
അശാസ്ത്രീയ റോഡ് നിർമ്മാണം :കേരളത്തിൽ വൻതോതിൽ മണ്ണിടിച്ചിലിന് കാരണം ആകുന്നതായി പഠന റിപ്പോർട്ട്
കേരളത്തിൽ ആർട്ടിഫിഷ്യൽ ഇന്റലിജൻസും മെഷീൻ ലേണിംഗ് സമീപനവും ഉപയോഗിച്ചുള്ള പഠനം വെളിപ്പെടുത്തുന്നത് കേരളത്തിലെ പ്രധാന ഉരുൾപൊട്ടലുകൾ അശാസ്ത്രീയമായ റോഡ് കട്ടിംഗുമായി ബന്ധപ്പെട്ടിരിക്കുന്നു എന്നാണ്. ഇരിങ്ങാലക്കുടയിലെ ക്രൈസ്റ്റ് കോളേജ് ഓട്ടോണമസ് ജിയോളജി ആന്റ് എൻവയോൺമെന്റൽ സയൻസ് ഡിപ്പാർട്ട്‌മെന്റ് സംഘടിപ്പിച്ച ജിയോളജി: എമർജിംഗ് മെത്തേഡ്‌സ് ആൻഡ് ആപ്ളിക്കേഷൻസ് (GEM-2023) എന്ന വിഷയത്തിൽ നടന്ന മൂന്നാമത് അന്താരാഷ്ട്ര കോൺഫറൻസിൽ IISER മൊഹാലിയിലെ അസിസ്റ്റന്റ് പ്രൊഫസർ ഡോ. യൂനസ് കേരളത്തിലെ മണ്ണിടിച്ചിൽ ഉണ്ടാകാനുള്ള പ്രധാന കാരണങ്ങളെക്കുറിച്ച് സംസാരിച്ചു. , 2023 ജനുവരി 23 മുതൽ 25 വരെ ഇരിഞ്ഞാലക്കുട ക്രൈസ്റ്റ് കോളേജിൽ നടന്ന GEM അന്താരാഷ്ട്ര കോൺഫറൻസിൽ ആണ്. 2018-2019 ലെ മണ്ണിടിച്ചിലിന് കാരണമായ മഴയുടെ പാറ്റേണും നരവംശപരമായ അസ്വസ്ഥതകളെയും കുറിച്ച് അദ്ദേഹം ചർച്ച ചെയ്തത്. വലിയ ഉരുൾപൊട്ടൽ അപകടങ്ങൾ ലഘൂകരിക്കുന്നതിന് തോട്ടങ്ങളുടെ ചരിവുകളിലും റോഡ് നിർമ്മാണത്തിലും ഡ്രെയിനേജ് വികസനത്തിന്റെ പ്രാധാന്യം അദ്ദേഹം ഊന്നിപ്പറഞ്ഞു. കേരള സംസ്ഥാന ദുരന്ത നിവാരണ അതോറിറ്റി മെമ്പർ സെക്രട്ടറിയും തലവനുമായ ഡോ. ശേഖർ ലൂക്കോസ് കുര്യാക്കോസ്, കേരളത്തിൽ ഒരു സുരക്ഷിത സംസ്ഥാനം – ദുരന്തനിവാരണം എന്ന വിഷയത്തിൽ അവതരിപ്പിച്ചു. തിരുവനന്തപുരത്തെ ഇന്ത്യൻ ഇൻസ്റ്റിറ്റ്യൂട്ട് ഓഫ് സ്പേസ് സയൻസ് ആൻഡ് ടെക്നോളജി രജിസ്‌ട്രാറും പ്രൊഫ.ഡോ. കുരുവിള ജോസഫ് ഡീനും ചേർന്ന് ഉദ്ഘാടനം ചെയ്ത സമ്മേളനം ഫാ. ജോളി ആൻഡ്രൂസ്, ക്രൈസ്റ്റ് കോളേജ് പ്രിൻസിപ്പൽ ഡോ. ജിയോളജിക്കൽ സർവേ ഓഫ് ഇന്ത്യ, സംസ്ഥാന യൂണിറ്റ് മഹാരാഷ്ട്ര സെൻട്രൽ റീജിയൻ, നാഗ്പൂർ ഡയറക്ടർ ഡോ. വി.വി.ശേഷ സായ് ഭൂമിയുടെ പുറംതോടിന്റെ പരിണാമത്തെക്കുറിച്ച് മുഖ്യപ്രഭാഷണം നടത്തി. നാഷണൽ സെന്റർ ഫോർ എർത്ത് സയൻസ് സ്റ്റഡീസ്, (NCESS) തിരുവനന്തപുരം, മിനിസ്ട്രി ഓഫ് എർത്ത് സയൻസ് (MoES), ഗവ. ഓഫ് ഇന്ത്യ, കേരള സ്റ്റേറ്റ് ഡിസാസ്റ്റർ മാനേജ്മെന്റ് അതോറിറ്റി (കെഎസ്ഡിഎംഎ), കേരള സ്റ്റേറ്റ് കൗൺസിൽ ഫോർ സയൻസ്, ടെക്നോളജി ആൻഡ് എൻവയോൺമെന്റ് (കെഎസ്സിഎസ്ടിഇ), പോളിഷ് അക്കാദമി ഓഫ് സയൻസസ്, പോളണ്ട്, കറ്റാലൻ ഇൻസ്റ്റിറ്റ്യൂട്ട് ഓഫ് ക്ലാസിക്കൽ ആർക്കിയോളജി, സ്പെയിൻ, ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് എജ്യുക്കേഷൻ ആൻഡ് റിസർച്ച്, പൂനെ, ഇന്ത്യൻ ഇൻസ്റ്റിറ്റ്യൂട്ട് ഓഫ് റിമോട്ട് സെൻസിംഗ്, ഐഎസ്ആർഒ എന്നിവയുൾപ്പെടെ രാജ്യത്തും വിദേശത്തുമുള്ള സ്ഥാപനങ്ങളിൽ നിന്നുള്ള ഗവേഷകരും ശാസ്ത്രജ്ഞരും സമ്മേളനത്തിൽ പങ്കെടുത്തിരുന്നു. ബനാറസ് ഹിന്ദു യൂണിവേഴ്സിറ്റി, ഐഐടി ധൻബാദ്, കേരള യൂണിവേഴ്സിറ്റി, പോണ്ടിച്ചേരി യൂണിവേഴ്സിറ്റി, ഇന്ത്യൻ ഇൻസ്റ്റിറ്റ്യൂട്ട് ഓഫ് സ്പേസ് സയൻസ് ആൻഡ് ടെക്നോളജി, തിരുവനന്തപുരം, അണ്ണാ യൂണിവേഴ്സിറ്റി, ചെന്നൈ, സെന്റർ ഫോർ വാട്ടർ റിസോഴ്സസ് ഡെവലപ്മെന്റ് ആൻഡ് മാനേജ്മെന്റ്, കോഴിക്കോട്, കൊച്ചിൻ യൂണിവേഴ്സിറ്റി ഓഫ് സയൻസ് ആൻഡ് ടെക്നോളജി, കർണാടക സെൻട്രൽ യൂണിവേഴ്സിറ്റി , മദ്രാസ് യൂണിവേഴ്സിറ്റി, കേരള യൂണിവേഴ്സിറ്റി ഓഫ് ഫിഷറീസ് ആൻഡ് ഓഷ്യൻ സ്റ്റഡീസ് (KUFOS), കേരള സ്റ്റേറ്റ് റിമോട്ട് സെൻസിംഗ് ആൻഡ് എൻവയോൺമെന്റ് സെന്റർ (KSREC), കേരള സെൻട്രൽ യൂണിവേഴ്സിറ്റി ഓഫ് കേരള, കാസർഗോഡ് തുടങ്ങി. മൂന്ന് ദിവസം നീണ്ടുനിന്ന സമ്മേളനത്തിൽ 37-ലധികം സ്ഥാപനങ്ങളിൽ നിന്നായി 78 ഓളം പ്രഭാഷകരെ സ്വാഗതം ചെയ്തു. ഇന്ത്യ, വിദേശത്ത് നിന്ന് സംസാരിക്കുന്ന ദമ്പതികൾ; 65 പ്രബന്ധങ്ങൾ അവതരിപ്പിക്കാനാണ് ഇവിടെ ഒത്തുകൂടിയത്. ഇതിൽ 24 എണ്ണം ഭൗമശാസ്ത്രത്തിന്റെ വിവിധ മേഖലകളിൽ ഡയറക്ടർ/സീനിയർ പ്രൊഫസർമാർ/ ശാസ്ത്രജ്ഞർ എന്നിങ്ങനെ വ്യത്യസ്ത ശേഷിയുള്ള മുതിർന്ന ഗവേഷകർ നടത്തുന്ന പ്രഭാഷണങ്ങൾ ക്ഷണിച്ചു. നടപടിക്രമങ്ങളിൽ 42 വിദ്യാർത്ഥികളുടെ അവതരണങ്ങളും 12 പോസ്റ്റർ അവതരണങ്ങളും ഉൾപ്പെടുന്നു. ബിരുദാനന്തര ബിരുദധാരികളും ഗവേഷണ വിദ്യാർത്ഥികളും ആദ്യകാല കരിയർ ഗവേഷകരും ഉൾപ്പെടെ 160 പേർ പങ്കെടുത്തു, സംരംഭകരും ശാസ്ത്രജ്ഞരും മുതിർന്ന പ്രൊഫസർമാരും മൂന്ന് ദിവസത്തെ സമ്മേളനത്തിൽ പങ്കെടുത്തു. ആർട്ടിഫിഷ്യൽ ഇന്റലിജൻസ്, മെഷീൻ ലേണിംഗ്, മലിനീകരണം തിരിച്ചറിയുന്നതിനുള്ളമോളിക്യുലർ ബയോ മാർക്കറുകൾ, ഭൂമിയുടെയും ഗ്രഹങ്ങളുടെയും ഉപരിതലങ്ങൾ പര്യവേക്ഷണം ചെയ്യുന്നതിനുള്ള ഉപകരണങ്ങൾ, ചന്ദ്ര-ചന്ദ്രയാൻ ദൗത്യങ്ങൾ, ജിയോഹാസാർഡുകൾ, ജിയോസ്പേഷ്യൽ ടെക്നോളജി, ജലവിഭവ പഠനങ്ങളിലെ ജിയോസ്പേഷ്യൽ ടെക്നോളജി എന്നിവയുൾപ്പെടെ ജിയോസയൻസിൽ ഉയർന്നുവരുന്ന വിവിധ വിഷയങ്ങളിൽ കോൺഫറൻസ് ശ്രദ്ധ കേന്ദ്രീകരിച്ചു. ഹിമാലയം മുതലായവ. പാലിയോക്ലൈമേറ്റ്, ജിയോ ആർക്കിയോളജി എന്നിവയിൽ പ്രവർത്തിക്കുന്ന ഇന്ത്യയിലെ ശാസ്ത്രജ്ഞരുടെ സംഘടനയായ അസോസിയേഷൻ ഓഫ് ക്വാട്ടേണറി റിസർച്ചേഴ്‌സ് ഇൻ ഇന്ത്യയുടെ വാർഷിക ജനറൽ ബോഡി യോഗത്തിനും സമ്മേളനം ആതിഥേയത്വം വഹിച്ചു. ബീർബൽ സാഹ്നി ഇൻസ്റ്റിറ്റ്യൂട്ട് ഓഫ് പാലിയോസയൻസസിലെ ശാസ്ത്രജ്ഞയും എഒക്യുആർ സെക്രട്ടറിയുമായ ഡോ.ബിനിത ഫാർതിയാൽ യോഗത്തിൽ അധ്യക്ഷത വഹിച്ചു. സമ്മേളനത്തിലെ മികച്ച പേപ്പർ പ്രസന്റേഷൻ അവാർഡ് കേരള സർവ്വകലാശാല ജിയോളജി വിഭാഗം നന്ദു എം. ആർ നും മികച്ച പോസ്റ്ററിനുള്ള അവാർഡ് എം ഇ എസ് പൊന്നാനി കോളേജിലെ ഷബാന ഇബ്രാഹിo നും നൽകി. തരുൺ ആർ, അസി. ജിയോളജി ആൻഡ് എൻവയോൺമെന്റൽ സയൻസ് വിഭാഗം പ്രൊഫസർ സ്വാഗതവും ക്രൈസ്റ്റ് കോളേജ് ഓട്ടോണമസ് ജിയോളജി ആൻഡ് എൻവയോൺമെന്റൽ സയൻസ് വിഭാഗം മേധാവിയും കോൺഫറൻസ് ഓർഗനൈസിംഗ് സെക്രട്ടറിയുമായ ഡോ. ലിന്റോ ആലപ്പാട്ട് നന്ദിയും പറഞ്ഞു.
ക്രൈസ്റ്റ് എൻജിനീയറിങ് കോളേജിൽ കെ ടി യു സ്പോൺസേഡ് അധ്യാപക ശില്പശാല
ഇരിങ്ങാലക്കുട: ക്രൈസ്റ്റ് എൻജിനീയറിങ് കോളജ് ഇലക്ട്രോണിക്സ് ആൻഡ് കമ്മ്യൂണിക്കേഷൻ വിഭാഗത്തിൻ്റെ ആഭിമുഖ്യത്തിൽ സംഘടിപ്പിക്കപ്പെടുന്ന പഞ്ചദിന ഫാക്കൽറ്റി ഡെവലപ്മെൻ്റ് പ്രോഗ്രാമിന് തുടക്കമായി.ഓഗ്മെൻ്റഡ് ആൻഡ് വിർച്വൽ റിയാലിറ്റി എന്ന വിഷയത്തിൽ നടത്തപ്പെടുന്ന ശില്പശാലയുടെ ഉത്ഘാടനം എക്സിക്യൂട്ടീവ് ഡയറക്ടർ ഫാ. ജോൺ പാലിയേക്കര സി എം ഐ നിർവഹിച്ചു.തിരുവനന്തപുരം ഇന്ത്യൻ ഇൻസ്റ്റിറ്റ്യൂട്ട് ഓഫ് സ്പേസ് സയൻസ് ആൻഡ് ടെക്നോളജിയിലെ ഏവിയോണിക്സ് വിഭാഗം മേധാവി ഡോ. ദീപക് മിശ്ര മുഖ്യ പ്രഭാഷണം നടത്തി. ജോയിൻ്റ് ഡയറക്ടർ ഫാ. ജോയി പയ്യപ്പിള്ളി ആശംസകൾ അർപ്പിച്ചു. ഫെബ്രുവരി മൂന്ന് വരെ നീണ്ട് നിൽക്കുന്ന ശില്പശാലയിൽ വിവിധ കോളേജുകളിൽ നിന്നായി മുപ്പത് അധ്യാപകരാണ് പങ്കെടുക്കുന്നത്.ഡോ. ജോബിൻ വർഗീസ്(അസോസിയേറ്റ് പ്രഫസർ, ജ്യോതി എൻജിനീയറിങ് കോളേജ് ചെറുതുരുത്തി), ബി അനുരൂപ്( ഇന്നോവേഷൻ ഓഫീസർ, ട്രിപ്പിൾ ഐ ടി, കോട്ടയം), ഏ ആർ, വി ആർ ഇൻഡസ്ട്രി വിദഗ്ദരായ തോംസൺ ടോം, ശ്യാം പ്രദീപ് ആലിൽ എന്നിവർ വിവിധ സെഷനുകൾ നയിക്കും. ഇലക്ട്രോണിക്സ് ആൻഡ് കമ്മ്യൂണിക്കേഷൻ വിഭാഗം മേധാവി ഡോ. കാരൻ ബാബു, അധ്യാപകരായ ഒ രാഹുൽ മനോഹർ, മഞ്ജു ഐ കൊള്ളന്നൂർ എന്നിവരാണ് ശില്പശാല ഏകോപിപ്പിക്കുന്നത്.
ഭാരത് ജോഡോ യാത്രക്ക് ഐക്യദാർഢ്യവും മഹാൽമാ ഗാന്ധി രക്തസാക്ഷി ദിനാചരണവും
കാറളം:മണ്ഡലം കോൺഗ്രസ്സ് കമ്മിറ്റിയുടെ ആഭിമുഖ്യത്തിൽ ഭാരത് ജോഡോ യാത്രക്ക് ഐക്യധാർഢ്യം പ്രഖ്യാപിച്ച് കൊണ്ട് ദേശീയ പതാക ഉയർത്തലും മഹാത്മാ ഗാന്ധി രക്തസാക്ഷി ദിനാചരണവും നടത്തി. താണിശേരി സെൻ്ററിൽ നടന്ന ഗാന്ധി അനുസ്മരണവും പുഷ്പാർച്ചനയും കാട്ടൂർ ബ്ലോക്ക് കോൺഗ്രസ്സ് വൈസ് പ്രസിഡൻ്റ് തിലകൻ പൊയ്യാറ ഉൽഘാടനം ചെയ്തു.മണ്ഡലം കോൺഗ്രസ്സ് പ്രസിഡൻ്റ് ബാസ്റ്റിൻ ഫ്രാൻസിസ് ദേശീയ പതാക ഉയർത്തി ഐക്യധാർഢ്യ സന്ദേശം നൽകി. പി എസ് മണികണ്ഠൻ,പ്രമീള അശോകൻ,ജോയ് നടക്കലാൻ,സി പി ആന്റണി,സുനിൽ ചെമ്പിപറമ്പിൽ, ഷാ ബു ചക്കാലക്കൽ, ശശി കല്ലട,സാജു പുത്തൻപുര എന്നിവർ പങ്കെടുത്തു.
മഹാത്മാ ഗാന്ധിജിയുടെ 75-ാം രക്ത സാക്ഷിത്വദിനാചരണം ആചരിച്ചു
മുരിയാട്: ഇന്ത്യൻ നാഷണൽ കോൺഗ്രസ് മുരിയാട് മണ്ഡലം കമ്മറ്റിയുടെ നേതൃത്വത്തിൽ മഹാത്മാ ഗാന്ധിജിയുടെ 75-ാം രക്ത സാക്ഷിത്വദിനാചരണം മുരിയാട് പഞ്ചായത്ത് പരിസരത്ത് പുഷ്പാർച്ചനയും അനുസ്മരണയോഗവും ആചരിച്ചു. മണ്ഡലം പ്രസിഡന്റ് തോമസ് തൊകലത്ത് അദ്ധ്യക്ഷത വഹിച്ച യോഗത്തിൽ ബ്ലോക്ക് സെക്രട്ടറി ശ്രീജിത്ത് പട്ടത്ത് , ലോറൻസ് പാറക്കോട്ടു ക്കര, പഞ്ചായത്ത് അംഗങ്ങളായ കെ വൃന്ദകുമാരി , സേവ്യർ ആളൂക്കാരൻ , നിത അർജുൻ , മണ്ഡലം ഭാരവാഹികളായ തുഷം സൈമൺ, ഷിജു,
ബാലചന്ദ്രൻ ,ഡേവിസ് കൂനൻ, വർഗ്ഗീസ് കൂനൻ എന്നിവർ പങ്കെടുത്തു
അവിട്ടത്തൂർ മഹാദേവ ക്ഷേത്രത്തിലെ തിരുവുത്സവത്തോടനുബന്ധിച്ച് തിങ്കളാഴ്ച നടന്ന ഉത്സവബലിക്ക് വൻ ഭക്തജനതിരക്ക് അനുഭവപ്പെട്ടു
അവിട്ടത്തൂർ : മഹാദേവ ക്ഷേത്രത്തിലെ തിരുവുത്സവത്തോടനുബന്ധിച്ച് തിങ്കളാഴ്ച നടന്ന ഉത്സവബലിക്ക് വൻ ഭക്തജനതിരക്ക് അനുഭവപ്പെട്ടു. മാതൃ ക്കൽ ദർശനം നടത്തി കാണിക്കയിട്ട് ഭക്‌തജനങ്ങൾ സായൂജ്യം നേടി. തന്ത്രി തെക്കെടത്ത് പെരുമ്പടപ്പ് ദാമോദരൻ നമ്പൂതിരി മുഖ്യ കാർമ്മികത്വം വഹിച്ചു. 31.1.2023 ന്‌ചൊവ്വാഴ്ച വലിയ വിളക്ക്. രാവിലെ 8.30 ന് എഴ് ആനകളോടുകൂടിയ ശീവേലിക്ക് ചെറുശ്ശേരി കുട്ടൻ മാരാരാണ് മേളപ്രമാണം. രാത്രി 7 ന് കലാമണ്ഡലം അവതരിപ്പിക്കുന്ന മേജർ സെറ്റ് നൃത്തനൃത്ത്യങ്ങൾ. രാത്രി 8.30 ന് എഴുന്നെള്ളിപ്പ്. കലാമണ്ഡലം ശിവദാസ് നയിക്കുന്ന പഞ്ചാരിമേളം. ബുധനാഴ്ച പള്ളിവേട്ട. രാവിലെ 8.30 മുതൽ ശീവേലി. പെരുവനം കുട്ടൻ മാരാർ നയിക്കുന്ന പഞ്ചാരിമേളം. രാത്രി 7 ന് ട്രിപ്പിൾ തായമ്പക. രാത്രി 10 ന് പഞ്ചവാദ്യം. ഫെബ്രുവരി 2 ന് ആറാട്ട്. രാവിലെ 9 ന് ആറാട്ടെഴുന്നെള്ളിപ്പ്. 10 ന് ആറാട്ട്. 11 ന് കൊടിക്കൽ പറ . തുടർന്ന് ആറാട്ടു കഞ്ഞി വിതരണം നടക്കും.
ഇരിങ്ങാലക്കുട ഉപജില്ലാ തല “സമേതം ” ജ്യോതിശാസ്ത്ര ഒളിമ്പ്യാഡ് സംഘടിപ്പിച്ചു
ജില്ലാ പഞ്ചായത്തിന്റെയും പൊതുവിദ്യാഭ്യാസ വകുപ്പിന്റെയും കേരള ശാസ്ത്രസാഹിത്യ പരിഷത്തിന്റെയും സഹകരണത്തോടെ സമേതം സമഗ്ര വിദ്യാഭ്യാസ പരിപാടിയുടെ ഭാഗമായി സംഘടിപ്പിക്കുന്ന ഉപജില്ലാതല ദ്വിദിന സഹവാസക്യാമ്പായ ജ്യോതിശാസ്ത്ര ഒളിമ്പ്യാഡിന്റെ ഉദ്ഘാടനം ഇരിങ്ങാലക്കുട ഗവൺമെൻറ് എൽ പി സ്കൂളിൽ വെച്ച് നടന്നു.ഇരിങ്ങാലക്കുട ഉപജില്ല വിദ്യാഭ്യാസ ഓഫീസർ ഡോ. എം.സി. നിഷ അദ്ധ്യക്ഷത വഹിച്ച യോഗത്തിൽ വെച്ച് നഗരസഭ വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ അഡ്വക്കേറ്റ് ജിഷാ ജോബി ഉദ്ഘാടനം നിർവഹിച്ചു.ചടങ്ങിന് മേഖലാ പ്രസിഡണ്ട് ദീപ ആന്റണി സ്വാഗതവും ഇരിങ്ങാലക്കുട GLPS ഹെഡ്മിസ്ട്രസ്സ് പി. ബി. അസീന നന്ദിയും രേഖപ്പെടുത്തി. ഒളിമ്പ്യാഡ് കോ-ഓർഡിനേറ്റർ രജീന സെബാസ്റ്റ്യൻ പദ്ധതി വിശദീകരണം നടത്തി. മേഖലാ സെക്രട്ടറി ജെയ്മോൻ സണ്ണി, ജില്ലാ കമ്മിറ്റിയംഗം പ്രിയൻ ആലത്ത്, സ്ക്കൂൾ SMC ചെയർമാൻ ഗ്രീഷ്മ . ജി., യൂണിറ്റ് പ്രസിഡണ്ട് പി.ആർ. സ്റ്റാൻലി എന്നിവർ ആശംസകളർപ്പിച്ചു.പഞ്ചായത്ത്തല വിജ്ഞാനോത്സവത്തിൽ നിന്നും തിരഞ്ഞെടുക്കപ്പെട്ട 250 കുട്ടികളാണ് രണ്ട് ദിവസത്തെ സഹവാസ ക്യാമ്പിൽ പങ്കെടുക്കുന്നത്. കുട്ടികളിൽ ശാസ്ത്രാവബോധം വളർത്തുന്നതിനും , ജ്യോതിശാസ്ത്ര കൗതുകങ്ങൾ ഉണർത്തുന്നതിനും , ഉതകുന്ന തരത്തിലുള്ള ജ്യോതിശാസ്ത്ര ക്ലാസ്സുകൾ, വാനനിരീക്ഷണം, മാജിക് കളികൾ, സർഗാത്മക കഴിവുകൾ ഉണർത്തുന്ന പ്രവർത്തനങ്ങൾ നൽകികൊണ്ടാണ് ജ്യോതി ശാസ്ത്ര ഒളിമ്പ്യാഡ് നടത്തുന്നത്.ക്യാമ്പിന് അദ്ധ്യാപകർ, പൊതു വിദ്യാഭ്യാസ വകുപ്പ് ഉദ്യോഗസ്ഥർ, പരിഷത്ത് പ്രവർത്തകർ തുടങ്ങീയവർ നേതൃത്വം നൽകി.
ഇരിങ്ങാലക്കുട നഗരസഭ ബാലസഭാ സംഗമം നഗരസഭ ടൗൺ ഹാളിൽ ആരംഭിച്ചു
ഇരിങ്ങാലക്കുട :നഗരസഭ ബാലസഭാ സംഗമം നഗരസഭ ടൗൺ ഹാളിൽ ആരംഭിച്ചു. നഗരസഭാ ചെയർ പേഴ്സൺ സോണിയ ഗിരി ഉദ്ഘാടനം നിർവഹിച്ച ചടങ്ങിൽ നഗരസഭ വൈസ് ചെയർമാൻ ടി .വി ചാർളി അധ്യക്ഷത വഹിച്ചു. ക്ഷേമകാര്യ സ്റ്റാന്റിംങ് കമ്മറ്റി ചെയർമാൻ സി.സി. ഷിബിൻ സ്വാഗതം ആശംസിച്ചു. സ്റ്റാന്റിങ് കമ്മറ്റി ചെയർമാന്മാരായ . സുജ സഞ്ജീവ് കുമാർ, . ജെയ്സൺ പാറേക്കാടൻ, അംബിക പള്ളിപ്പുറത്ത്, കൗൺസിലർ . സന്തോഷ് ബോബൻ , സി ഡി എസ് ചെയർപേഴ്സൺ മാരായ . പുഷ്പാവതി, .ഷൈലജ ബാലൻ എന്നിവർ പങ്കെടുക്കുകയും ആശംസകൾ അർപ്പിച്ചു സംസാരിക്കുകയും ചെയ്തു. ചടങ്ങിന് പ്രൊജക്ട് ഓഫീസർ . കെ.ജി. അനിൽ നന്ദി പറഞ്ഞു. നഗരസഭാ പരിധിയിലെ എല്ലാ വാർഡുകളിൽ നിന്നുമുളള ഇരുന്നൂറിലധികം ബാലസഭ കുട്ടികൾ പങ്കെടുത്ത പരിപാടിയിൽ ഉദ്ഘാടനത്തെ തുടർന്ന് ജിതിൻ നയിച്ച എയ്‌റോബിക്സ് പരിശീലനം, ഇരിങ്ങാലക്കുടകൃഷി ഓഫീസർ . മിനി നയിച്ച കൃഷി നൈപുണ്യ ക്ലാസ്, സ്റ്റാൻലി സാർ നയിച്ച ശുചിത്വം -മാലിന്യ സംസ്ക്കരണ ക്ലാസ്, എക്ലൈസ് ഓഫീസർ നയിച്ച ലഹരി വിമുക്തി ബോധവത്ക്കരണ ക്ലാസ് , കുട്ടികളുടെ മാനസികോല്ലാസത്തിനായി. രാജേഷ് തംബുരു നയിക്കുന്ന നാടൻ പാട്ട് തുടങ്ങിയവ സംഘടിപ്പിച്ചു.
പുല്ലൂരിൽ വീട് കുത്തിത്തുറന്ന് മോഷണ ശ്രമം
പൂല്ലൂർ: സഹകരണ ബാങ്കിന് എതിർ വശത്തുള്ള പള്ളത്ത് രവീന്ദ്രന്റെ വീടും ഷോപ്പുമാണ് കുത്തിതുറന്ന് മോഷണശ്രമം നടന്നിട്ടുള്ളത്. ഇദ്ദേഹത്തിന്റെ വീടിനോട് ചേർന്ന് തന്നെയാണ് ക്രൗൺ ഇലട്രിക്കൽ എന്ന സ്ഥാപനം പ്രവർത്തിച്ചിരുന്നത്. മകളുടെ കുട്ടി ആശുപത്രിയിൽ ചികിത്സയിൽ ആയിരുന്നതിനാൽ വീട്ടിൽ ആരും ഉണ്ടായിരുന്നില്ല. വീടിന്റെ മുൻവശത്തെ വാതിൽ പിക്കസ് പോലുള്ള ആയുധം ഉപയോഗിച്ച് പൊളിച്ചാണ് മോഷ്ടാവ് അകത്ത് കയറിയിരിക്കുന്നത്. വീട്ടിലെയും ഷോപ്പിലെയും സാധനങ്ങൾ എല്ലാം വലിച്ച് വാരി ഇട്ട നിലയിലാണ്. ലോക്കർ പൊളിക്കാൻ ശ്രമം നടന്നിട്ടുണ്ടെങ്കില്ലും സാധിച്ചിട്ടില്ല.ഷോപ്പിലുണ്ടായിരുന്ന കുറച്ച് പണം മാത്രമാണ് നഷ്ടപ്പെട്ടിട്ടുള്ളത്. ഇരിങ്ങാലക്കുട പോലീസ് സ്ഥലത്തെത്തി അന്വേഷണം ആരംഭിച്ചു.
സി പി ഐ എം കരുവന്നൂർ ലോക്കൽ കമ്മിറ്റിയുടെ നേതൃത്യത്തിൽ തളിയക്കോണം സ്റ്റേഡിയം പരിസരത്ത് വച്ച് ധർണ്ണ സംഘടിപ്പിച്ചു
കരുവന്നൂർ: കേരളത്തെ അവഗണിക്കുന്ന കേന്ദ്ര സർക്കാർ ജനവിരുദ്ധ-വർഗ്ഗീയ നയങ്ങൾക്കെതിരെ CPI(M) കരുവന്നൂർ ലോക്കൽ കമ്മിറ്റിയുടെ നേതൃത്യത്തിൽ തളിയക്കോണം സ്റ്റേഡിയം പരിസരത്ത് വച്ച് സംഘടിപ്പിച്ച പ്രതിഷേധ ധർണ്ണ സിപിഐ (എം) സംസ്ഥാന കമ്മിറ്റിയംഗം സ.എൻ.ആർ ബാലൻ ഉദ്ഘാടനം ചെയ്തു. സിപിഐ(എം) ഇരിങ്ങാലക്കുട ഏരിയ സെക്രട്ടറി സ.വി.എ മനോജ് കുമാർ അഭിവദ്യം ചെയ്തു സംസാരിച്ചു.സിപിഐ(എം) കരുവന്നൂർ ലോക്കൽ സെക്രട്ടറി പി.കെ മനുമോഹൻ ധർണ്ണയ്ക്ക് അദ്ധ്യഷത വഹിച്ചു. സിപിഐ(എം) കരുവന്നൂർ ലോക്കൽ കമ്മിറ്റിയംഗങ്ങളായ ടി.കെ ജയാനന്ദൻ , പി.എസ് വിശ്വംഭരൻ ,ബിന്ദു ശുദ്ധോധനൻ, നസീമ കുഞ്ഞുമോൻ എന്നിവർ ധർണ്ണയ്ക്ക് നേതൃത്വം നൽകി.
കൂട്ടായ പരിശ്രമത്തിന്റെ ഉജ്ജ്വലകുതിപ്പ്: മന്ത്രി ഡോ. ആർ ബിന്ദു
നാക് A ++ നിറവിൽ ഇരിങ്ങാലക്കുട സെന്റ് ജോസഫ്സ് കോളേജ്
കൂട്ടായ പരിശ്രമത്തിന്റെ ഉജ്ജ്വലകുതിപ്പ്: മന്ത്രി ഡോ. ആർ ബിന്ദു
ഇരിങ്ങാലക്കുട സെൻ്റ് ജോസഫ്സ് കോളേജിന് ‘നാക് ‘ അംഗീകാരപരിശോധനയിൽ ലഭിച്ച A++ അംഗീകാരം അഭിമാനകരവും കൂട്ടായ പരിശ്രമത്തിന്റെ ഫലവുമാണെന്ന് ഉന്നതവിദ്യാഭ്യാസ – സാമൂഹ്യനീതി മന്ത്രി ഡോ.ആർ ബിന്ദു പറഞ്ഞു.നാഷണൽ അസസ്മെൻ്റ് ആൻ്റ് അക്രഡിറ്റേഷൻ കൗൺസിലിൻ്റെ ഫോർത്ത് സൈക്കിളിൽ 3.66 പോയിൻ്റോടെയാണ് സെൻ്റ് ജോസഫ്സ് കോളേജ് സുവർണ നേട്ടം കൈവരിച്ചിരിക്കുന്നത്.
നിലവിൽ കോളേജിനുണ്ടായിരുന്ന എ ഗ്രേഡ് പദവിയിൽ നിന്ന് വൻ കുതിച്ചുചാട്ടമാണ് കലാലയം നടത്തിയിരിക്കുന്നത്.ഇന്ത്യയിൽ തന്നെ ഏറ്റവും കൂടുതൽ ഗ്രേഡ് പോയിൻ്റ് കരസ്ഥമാക്കിയ രണ്ടാമത്തെ വനിതാ കോളേജും കേരളത്തിലെ ഒന്നാമത്തെ വനിതാ കോളേജുമാണ് ഇപ്പോൾ സെൻ്റ് ജോസഫ്സ് കോളേജ്.
2019-20, 2020-21 അധ്യയന വർഷങ്ങളിൽ കേരള സർക്കാരിന്റെ ഇ-ലേണിങ് അവാർഡ്, കേരളത്തിലെ ഏറ്റവും മികച്ച ഐ ഇ ഡി സി ക്കുള്ള പുരസ്കാരം തുടങ്ങിയവ തേടിവന്ന കോളേജ് കൂടിയാണ് സെൻ്റ് ജോസഫ്സ്. അസസ്മെൻ്റ് കാലയളവിൽ മൂന്നു വർഷം മികച്ച എൻ.എസ്.എസ് ഓഫീസർ, എൻ.എസ്.എസ്. യൂണിറ്റ് എന്നിവയ്ക്കുള്ള പുരസ്കാരവും, നാലുവർഷം മികച്ച എൻ.എസ്.എസ് വോളൻ്റിയർമാർക്കുള്ള പുരസ്കാരവും സർവ്വകലാശാലാ തലത്തിൽ കോളേജിന് ലഭിച്ചു. ഗവേഷണരംഗത്തും അതുല്യസംഭാവനകൾ നൽകിയ കോളേജ് കായിക രംഗത്തും നിരവധി നേട്ടങ്ങൾക്കുടമയാണ്.ലൈബ്രറി, ഹെർബേറിയം, സ്ക്രിപ്റ്റ് ഗാർഡൻ, ഓപ്പൺ ജിം, കൊച്ചിൻ മ്യൂസിയം, സുവോളജി മ്യൂസിയം, സിന്തറ്റിക് കോർട്ട്, മാനു സ്ക്രിപ്റ്റ് റിസർച്ച് ആൻറ് പ്രിസർവേഷൻ സെൻ്റർ, ഗ്രീൻ മാറ്റ് ഐ-ലാബ്,ബിസിനസ് ലാബ്, മീഡിയ ലാബ്, ലാംഗ്വേജ് ലാബ് തുടങ്ങി അന്താരാഷ്ട്ര നിലവാരം പുലർത്തുന്ന സജ്ജീകരണങ്ങളാണ് കോളേജിൽ ഒരുങ്ങിയിരിക്കുന്നത്.കോളേജിന്റെ ഈ ഉയർച്ചക്ക് വഴിവെച്ച ക്യാമ്പസ് സമൂഹത്തെയും, വിദ്യാർത്ഥി – അധ്യാപക – അനധ്യാപക സ്നേഹിതരെയും, കലാലയസാരഥികളെയും പ്രത്യേകം അഭിനന്ദിക്കുകയാണ്.
സംസ്ഥാനത്തെ എല്ലാ ഉന്നതവിദ്യാഭ്യാസ സ്ഥാപനങ്ങളെയും മികവിന്റെ കേന്ദ്രങ്ങളാക്കാനാണ് കേരളമൊരുങ്ങുന്നതെന്നും ഇതിനുള്ള പ്രയത്നത്തെ കൂടുതൽ ആത്മവിശ്വാസമുള്ളതാക്കുന്നതാണ്, സെന്റ് ജോസഫ്സ് കോളേജിന് ലഭിച്ച നാക് A ++ ബഹുമതിയെന്നും മന്ത്രി ഡോ. ആർ ബിന്ദു പറഞ്ഞു.
ഇരിങ്ങാലക്കുട സെൻറ് ജോസഫ്‌സിൽ അഖില കേരള അന്തർ കലാലയ വോളീബോൾ ടൂർണമെൻറ്. 26, 27 നടക്കും
ഇരിങ്ങാലക്കുട: സെൻറ് ജോസഫ്‌സിൽ അഖില കേരള അന്തർ കലാലയ വോളീബോൾ ടൂർണമെൻറ്. 26, 27 തീയതികളിലായി കോളേജ് ഇൻഡോർ സ്റ്റേഡിയത്തിൽ നടക്കും. കേരളത്തിലെ മികച്ച കലാലയങ്ങളായ അസംപ്ഷൻ കോളേജ് ചങ്ങനാശ്ശേരി , അൽഫോൻസാ കോളേജ് പാലാ, സെൻറ് ജോസഫ്സ് കോളേജ് ഇരിങ്ങാലക്കുട സെൻറ് സേവിയർസ് കോളേജ് ആലുവ, എസ്. എൻ കോളേജ് ചേളന്നൂർ, കൃഷ്ണമേനോൻ കോളേജ് കണ്ണൂർ എന്നീ പ്രശസ്ത കലാലയങ്ങൾ പങ്കെടുക്കുന്നു. കേരളാ പ്രൊഫഷണൽ വോളീബോൾ ലീഗിലെ മികച്ച ടീമായ കൊച്ചിൻ ബ്ലൂ സ്‌പൈക്കേഴ്‌സുമായി ചേർന്നാണ്‌ ഈ ടൂർണമെൻറ് നടത്തുന്നത്. 27 നു രാവിലെ 10 മണിക്ക് നടക്കുന്ന ഫൈനൽ മത്സരത്തിൽ കൊച്ചിൻ ബ്ലൂ സ്‌പൈക്കേഴ്‌സ് ടീമിലെ എല്ലാ കായികതാരങ്ങളും സന്നിഹിതരായിരിക്കും.
അഖിലേന്ത്യാ കിസാൻ സഭ (എ ഐ കെ എസ്) സംസ്ഥാന ജാഥ സംഗമം ഇരിങ്ങാലക്കുട മണ്ഡലം സംഘാടകസമിതി രൂപീകരണ യോഗം നടന്നു
ഇരിങ്ങാലക്കുട :അഖിലേന്ത്യാ കിസാൻ സഭ (എ ഐ കെ എസ്) സംസ്ഥാന ജാഥ സംഗമം ഇരിങ്ങാലക്കുട മണ്ഡലം സംഘാടകസമിതി രൂപീകരണ യോഗം കിസാൻ സഭ ജില്ലാ പ്രസിഡൻറ് കെ.കെ.രാജേന്ദ്ര ബാബു ഉദ്ഘാടനം ചെയ്തു. സി.പി.ഐ ജില്ലാ എക്സിക്യൂട്ടീവ് അംഗം കെ.എസ് ജയ, മണ്ഡലം സെക്രട്ടറി പി.മണി, എഐവൈഎഫ് ജില്ലാ പ്രസിഡന്റ് ബിനോയ് ഷബീർ, എൻ കെ ഉദയ പ്രകാശ്, അനിത രാധാകൃഷ്ണൻ എന്നിവർ അഭിവാദ്യം ചെയ്ത് സംസാരിച്ചു. കിസാൻ സഭ ജില്ലാ കമ്മിറ്റി അംഗം സ: എ ആർ രാജീവ്‌ അധ്യക്ഷത വഹിച്ചു. കിസാൻസഭ മണ്ഡലം സെക്രട്ടറി ഒ എസ് വേലായുധൻ സ്വാഗതവും പ്രസിഡന്റ് എ ജെ ബേബി നന്ദിയും പറഞ്ഞു. സംഘാടകസമിതി ഭാരവാഹികളായി ചെയർമാൻ പി മണി കൺവീനർ ഒ എസ് വേലായുധൻ ട്രഷറർ എ ജെ ബേബി എന്നിവരെ തിരഞ്ഞെടുത്തു.
വാഴ തൈ വിതരണം വിതരണം ചെയ്തു
കൊറ്റനെല്ലൂർ: വേളൂക്കര ഗ്രാമ പഞ്ചായത്ത് ജനകീയാസൂത്രണ പദ്ധതി പ്രകാരം ഗുണഭോക്താക്കൾക്ക് സൗജന്യമായി ടിഷ്യൂകൾച്ചർ നേന്ത്രൻ വാഴതൈ വിതരണം ചെയ്തു. വേളൂക്കര ഗ്രാമ പഞ്ചായത്ത് കമ്മ്യൂണിറ്റി ഹാളിൽ വച്ച് നടത്തിയ വിതരണ ഉദ്ഘാടനം ഗ്രാമ പഞ്ചായത്ത് പ്രസിഡണ്ട് കെ.എസ്.ധനീഷ് നിർവഹിച്ചു. ഗ്രാമ പഞ്ചായത്ത് വൈസ് പ്രസിഡണ്ട് ജെൻസിബിജു, ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ ഷീജഉണ്ണികൃഷ്ണൻ, മെമ്പർമാരായ പി.ജെ.സതീഷ്, ബിബിൻതുടിയത്ത്, യൂസഫ്കൊടകരപറമ്പിൽ, അസിസ്റ്റന്റ് കൃഷി ഓഫീസർമാരായ എം.കെ.ഉണ്ണി, ടി.വി.വിജു എന്നിവർ പങ്കെടുത്തു.
നീഡ്‌സ് – മാനുഷം 23 ചടങ്ങ് സംഘടിപ്പിച്ചു
ഇരിങ്ങാലക്കുട: നീഡ്‌സ് നടത്തിവരുന്ന കരുണയും കരുതലും പദ്ധതിയുടെ രണ്ടാം ഘട്ടമായി മാനുഷം 23 സംഘടിപ്പിച്ചു. മുൻ സർക്കാർ ചീഫ് വിപും നീഡ്‌സ് പ്രസിഡന്റുമായ തോമസ് ഉണ്ണിയാടൻ ഉദ്ഘാടനം ചെയ്തു.പതിനഞ്ച് വർഷത്തിലധികമായി വ്യത്യസ്തങ്ങളായ ജീവകാരുണ്യ പ്രവർത്തനങ്ങൾ നടത്തിവരുന്ന നീഡ്‌സ് എല്ലാ മാസവും ആദ്യ ശനിയാഴ്ചകളിൽ നൽകി വരുന്ന ചികിത്സ ധനസഹായം കൂടുതൽ രോഗികൾക്ക് നല്കുന്നതിനുവേണ്ടിയാണ് മാനുഷം 23 സംഘടിപ്പിച്ചതെന്നു അദ്ദേഹം പറഞ്ഞു.പ്രൊഫ.ആർ ജയറാം അധ്യക്ഷത വഹിച്ചു.ഡോ. എസ്.ശ്രീകുമാർ, ബോബി ജോസ്, എം.എൻ.തമ്പാൻ, കെ.പി.ദേവദാസ്, ഗുലാം മുഹമ്മദ്, എസ്,ബോസ്‌കുമാർ, കെ.കെ.മുഹമ്മദാലി, സി.എസ്.അബ്‌ദുൽഹഖ് എന്നിവർ പ്രസംഗിച്ചു. ഡോ. ജനാർദ്ദനൻ, സുകുമാരൻ കക്കര എന്നിവരെ ആദരിച്ചു.
