നടവരമ്പ് ഗവൺമെൻറ് മോഡൽ ഹയർ സെക്കൻഡറി സ്കൂളിൽ പ്ലസ് ടു വിഭാഗത്തിൽ കെമിസ്ട്രി (ജൂനിയർ) ഇക്കണോമിക്സ് (ജൂനിയർ) ജോഗ്രഫി (സീനിയർ) എന്നീ തസ്തികകളിലേക്ക് താത്കാലിക അടിസ്ഥാനത്തിൽ നിയമനം നടത്തുന്നു. ഉദ്യോഗാർത്ഥികൾ മെയ് 20 തിങ്കളാഴ്ച ഉച്ചയ്ക്ക് ഒരു മണിക്ക് ഒറിജിനൽ സർട്ടിഫിക്കറ്റുകളുമായി സ്കൂളിൽ അഭിമുഖത്തിന് ഹാജരാകേണ്ടതാണ്.
ചരിത്ര പ്രസിദ്ധമായ മാപ്രാണം ഹോളിക്രോസ് രൂപത തീര്‍ത്ഥാടന ദേവാലയത്തില്‍ വിശുദ്ധ സെബസ്റ്റ്യാനോസിന്റെ അമ്പു തിരുനാള്‍ ജനുവരി 6,7 ശനി, ഞായര്‍ തിയ്യതികളില്‍ ആഘോഷിക്കും. തിരുനാള്‍ കൊടിയേറ്റം 1.1.24 തിങ്കളാഴ്ച രാവിലെ 7 ന് വികാരിയും റെക്ടറുമായ ഫാ.ജോയ് കടമ്പാട്ട് കൊടിയുയര്‍ത്തി. അസി.വികാരി ഫാ.ജിനോ തെക്കിനിയത്ത്, കൈകാരന്മാര്‍ വിന്‍സെന്റ് നെല്ലേപ്പിള്ളി, അനൂപ് അറക്കല്‍, ജോണ്‍ പള്ളിത്തറ എന്നിവരുടെ നേതൃത്വത്തില്‍ തിരുനാള്‍ ഒരുക്കങ്ങള്‍ നടത്തി വരുന്നു. 6ന് രാവിലെ 6.30 ന് തിരുസ്വരൂപങ്ങള്‍ എഴുന്നള്ളിച്ചു വെയ്ക്കും. വിശുദ്ധകുര്‍ബ്ബാനയെ തുടര്‍ന്ന് വീടുകളിലേക്ക് അമ്പ് എഴുന്നള്ളിപ്പ് നടത്തും. രാത്രി 10 ന് വിവിധ സമുദായങ്ങളുടെ അമ്പു പ്രദക്ഷിണങ്ങള്‍ പള്ളിയില്‍ എത്തും. തിരുനാള്‍ ദിനത്തില്‍ 7ന് രാവിലെ 6 മുതല്‍ തുടര്‍ച്ചയായി കുര്‍ബ്ബാനകള്‍ ഉണ്ടായിരിക്കും. 10മണിക്ക് തിരുനാള്‍ കുര്‍ബ്ബാനക്ക് ഫാ.സിജു കൊമ്പന്‍ മുഖ്യകാര്‍മ്മികത്വം വഹിക്കും. ഉച്ചതിരിഞ്ഞ് 3.30 ന് തിരുനാള്‍ പ്രദക്ഷിണം നടത്തും രാത്രി 7ന് പ്രദക്ഷിണം സമാപിക്കും.
കരുവന്നൂര്‍ സര്‍വീസ് സഹകരണ ബാങ്കിന്റെ പുനരുദ്ധാരണ പാക്കേജില്‍ സേവിങ്‌സ്
ബാങ്ക് നിക്ഷേപം തിരിച്ചു നല്‍കുന്ന ഘട്ടം ഇന്ന് ആരംഭിച്ചുസേവിങ്‌സ് ബാങ്ക്
അക്കൗണ്ടില്‍ നിക്ഷേപമുള്ളവര്‍ക്ക് അമ്പതിനായിരം രൂപ വരെ പിന്‍വലിക്കുവാനാണ്
അവസരമുള്ളത് ഇതനുസരിച്ച് ഇന്ന് 389 നിക്ഷേപകര്‍ 1.4 കോടി രൂപയാണ്
പിന്‍വലിച്ചത് .മെയിന്‍ മാപ്രാണം പൊറത്തിശ്ശേരി എന്നീ ബ്രാഞ്ചുകളില്‍ കൂടുതല്‍
തിരക്ക് അനുഭവപ്പെട്ടതിനെ തുടര്‍ന്ന് കുറെപ്പേര്‍ക്ക് നാളേക്ക് ടോക്കണ്‍
നല്‍കുകയുണ്ടായി.
നവംബര്‍ 1 മുതല്‍ ആരംഭിച്ച 1 ലക്ഷം രൂപയില്‍ കുറവ് സ്ഥിരനിക്ഷേപമുള്ളവരുടെ
നിക്ഷേപം പൂര്‍ണമായി തിരിച്ചു നല്‍കുന്ന പ്രക്രിയ തുടരുന്നുണ്ട് .ഇതുവരെയായി 1156
പേര്‍ക്ക് 4.63 കോടി രൂപ തിരിച്ചു നല്‍കി .ഈ കാലയളവില്‍ 1106 പേര്‍ 5 .93 കോടി
രൂപയുടെ സ്ഥിര നിക്ഷേപം കാലാവധി നീട്ടി പുതുക്കുകയും 45 പേര്‍ 4 .39 ലക്ഷം രൂപ
പുതുതായി സ്ഥിര നിക്ഷേപം നടത്തുകയും ചെയ്തു.
നവംബര്‍ 2,3 തിയ്യതികളില്‍ നടന്ന അദാലത്തില്‍ 295 പേര്‍ ഹാജരാകുകയും ഇവരില്‍ 78
പേര്‍ 51 .97 ലക്ഷം രൂപ കുടിശ്ശിക ഇനത്തില്‍ അടക്കുകയും ചെയ്തു പുതുതായി അനുമതി
കിട്ടിയ ഒറ്റത്തവണ തീര്‍പ്പാക്കല്‍ പദ്ധതിയില്‍ ഇതുവരെ 3.42 കോടി രൂപ കുടിശ്ശിക വായ്പ
തിരിച്ചടച്ചു .
പാക്കേജിന്റെ ഭാഗമായി കരുവന്നൂര്‍ സര്‍വീസ് സഹകരണ ബാങ്കിന്റെ ചീഫ്
എക്‌സിക്യുട്ടീവ് ഓഫീസറായി കേരള ബാങ്കില്‍ നിന്നുള്ള അസി.ജനറല്‍ മാനേജര്‍ രാജേഷ്
.കെ ആര്‍ ഇന്ന് ചുമതല ഏറ്റെടുത്തിട്ടുണ്ട്.
ഇരിങ്ങാലക്കുട ഉപജില്ലാകലോത്സവം സമാപിച്ചു. ഇരിങ്ങാലക്കുട നാഷ്ണല്‍ ഹയര്‍സെക്കണ്ടറി സ്‌കൂള്‍ ഓവറോള്‍ കിരീടം അണിഞ്ഞു. എടത്തിരിഞ്ഞി എച്ച്.ഡി.പി.ഇ.എസ്.എച്ച്.എസ്.എസ്, സ്‌കൂള്‍ രണ്ടാമതും, ആനന്ദപുരം ശ്രീകൃഷ്ണസ്‌കൂള്‍ മൂന്നാംസ്ഥാനവും നേടി. സമാപനസമ്മേളനം കെ.കെ.രാമചന്ദ്രന്‍ എം.എല്‍.എ ഉദ്ഘാടനം ചെയ്തു. മുരിയാട്ഗ്രാമപഞ്ചായത്ത് പ്രസിഡന്റ് ജോസ്.ജെ.ചിറ്റിലപ്പിള്ളി അദ്ധ്യക്ഷതവഹിച്ചു. ജില്ലാപഞ്ചായത്ത് വൈസ്.പ്രസിഡന്റ് ലത ചന്ദ്രന്‍ മുഖ്യാതിഥിയായിരുന്നു. ബ്ലോക്ക് പഞ്ചായത്ത് പ്രസിഡന്റ് ലളിത ബാലന്‍ സമ്മാനദാനം നിര്‍വ്വഹിച്ചു. ബ്ലോക്ക് മെമ്പര്‍ മിനിവരിക്കശ്ശേരി, പഞ്ചായത്തംഗം രതി ഗോപി, എ.എന്‍.വാസുദേവന്‍, ഡിജു, ബിന്ദു, എ.എം.ജോണ്‍സന്‍, ഇന്ദുകല, എം.ജെ.ഷാജി എന്നിവര്‍ ആശംസകള്‍ അര്‍പ്പിച്ച് സംസാരിച്ചു.
സെന്റ് ജോസഫ്സ് കോളേജിന്റെ വജ്ര ജൂബിലിയോടനുബന്ധിച്ചുള്ള ജൂബിലി കാര്‍ണിവലിന്റെ ഔദ്യോഗിക ഉദ്ഘാടനം നവംബര്‍ 17 ന് രാവിലെ 12:00 ന് ഐ.സി.എല്‍ മാനേജിംഗ് ഡിറക്ടര്‍ കെ ജി അനില്‍കുമാര്‍ നിര്‍വ്വഹിച്ചു.
ജൂബിലി കാര്‍ണിവലിനോടനുബന്ധിച്ച് വിവിധ ഡിപ്പാര്‍ട്ട്‌മെന്റുകളുടെ രണ്ടുദിവസം നീണ്ടുനില്‍ക്കുന്ന എക്‌സിബിഷനും ഇന്ന് ആരംഭിച്ചു.
രാവിലെ 9.30 ന് മലയാള സിനിമാ സംവിധായകനും നടനുമായ ശ്രീ വിനീത് കുമാര്‍ ഡാന്‍സ്‌ഫെസ്റ്റ്
ഉദ്ഘാടനം ചെയ്തു. വിവിധ കലാലയങ്ങളില്‍ നിന്നും സ്‌കൂളുകളില്‍ നിന്നും ഉള്ള വിദ്യാര്‍ത്ഥികളുടെ നൃത്ത പരിപാടികള്‍ ഇതിനെ മികവുറ്റതാക്കി. സ്‌കൂള്‍തലത്തിലും കോളേജ് തലത്തിലും സമ്മാനാര്‍ഹരായവര്‍ക്ക് ക്യാഷ് പ്രൈസ് നല്‍കി അവരെ അനുമോദിച്ചു.
അതോടൊപ്പം ഐഡിയതോണ്‍ ഇന്നിന്റെ ഒരു വിശേഷ സംരംഭം ആയിരുന്നു. നൂതന ആശയങ്ങളുമായി വന്ന വിദ്യാര്‍ത്ഥികള്‍ തങ്ങളുടെ ചിന്തകള്‍ ഈ വേദിയില്‍ പങ്കുവെച്ചു. ഒന്നും രണ്ടും മൂന്നും സ്ഥാനം ലഭിച്ചവര്‍ക്ക് ക്യാഷ് പ്രൈസ് നല്‍കി അവരെ അനുമോദിക്കുകയും ചെയ്തു. മാത് സ് ക്വിസ്യും ഹയര്‍സെക്കന്‍ഡറി തലത്തിലെ വിദ്യാര്‍ത്ഥികള്‍ക്ക് നടത്തി സമ്മാനാര്‍ഹരായവര്‍ക്ക് ക്യാഷ് പ്രൈസുകള്‍ വിതരണം ചെയ്തു.
നവംബര്‍ 18ന് എക്‌സിബിഷനും ഭരണഘടന ക്വിസും കോം ഫിയെസ്റ്റയും ഉണ്ടായിരിക്കും.
ഇരിഞ്ഞാലക്കുട : ക്രൈസ്റ്റ് കോളേജിലെ സംഘടനയായ തവനിഷ് ഏഴാം കൊല്ലവും സവിഷ്‌കാര ഒരുക്കിയിരിക്കുന്നു. കേരളത്തിന്റെ വിവിധ ജില്ലകളില്‍ നിന്ന് ക്ഷണിക്കപ്പെട്ട ഭിന്നശേഷിക്കാരായ വിദ്യാര്‍ത്ഥികളുടെ മൂന്ന് ദിവസത്തെ കലാസംഗമം കോളേജ് ഓഡിറ്റോറിയത്തില്‍ ഉന്നത വിദ്യാഭ്യാസ- സാമൂഹിക നീതി മന്ത്രിയായ ഡോ. ആര്‍. ബിന്ദു ഉദ്ഘാടനം ചെയ്തു. തൃശ്ശൂര്‍, എറണാകുളം, പാലക്കാട്, മലപ്പുറം, കോഴിക്കോട് ജില്ലകളിലെ സ്‌കൂളുകളില്‍ നിന്നും വരുന്ന കുട്ടികളാണ് സവിഷ്‌കാരയില്‍ പങ്കെടുക്കുന്നത്.
ഭിന്നശേഷി സൗഹാര്‍ദ്ദത്തില്‍ മികച്ച മാതൃകകള്‍ ജ്വലിക്കുന്ന കേരള ഗവണ്‍മെന്റിന്റെ പ്രവര്‍ത്തനങ്ങളിലേക്ക് ഏറ്റവും ഉദാത്തമായട്ടുള്ള സമീപനങ്ങള്‍ നല്‍കുന്ന പരിപാടിയാണ് സവിഷ്‌കാര എന്ന് മന്ത്രി അഭിപ്രായപ്പെട്ടു.
വിശിഷ്ട അതിഥികളായ ഇന്ത്യന്‍ പിന്നണി ഗായിക വൈക്കം വിജയലക്ഷ്മിയും, മൈന്‍ഡ് ട്രസ്റ്റിന്റെ ചെയര്‍മാന്‍ കൃഷ്ണകുമാര്‍ പി എസും എത്തിച്ചേര്‍ന്നിരുന്നു. ക്രൈസ്റ്റ് കോളേജ് മാനേജര്‍ ഫാ. ജോയ് പീണിക്കപറമ്പില്‍ അനുഗ്രഹ പ്രഭാഷണവും ക്രൈസ്റ്റ് കോളേജ് പ്രിന്‍സിപ്പല്‍ ഫാ. ഡോ. ജോളി ആന്‍ഡ്രൂസ് അധ്യക്ഷതയും വഹിച്ച ചടങ്ങില്‍ വൈസ് പ്രിന്‍സിപ്പല്‍മാരായ പ്രൊഫ. ഷീബ വര്‍ഗീസ്, ഡോ. സേവിയര്‍ ജോസഫ്, ഡീന്മാരായ ഡോ. റോബിന്‍സണ്‍, ഡോക്ടര്‍ കെ. ജെ. വര്‍ഗീസ്, ഡോ. ലിന്റോ ആലപ്പാട്ട് , ബഹുസ്വര ക്ലബ്ബ് കോര്‍ഡിനേറ്റര്‍ ഡോ. ഡിജോ ഡാമിയന്‍, തവനിഷ് സ്റ്റാഫ് കോര്‍ഡിനേറ്റര്‍മാരായ അസി. പ്രൊഫ. മുവിഷ് മുരളി ,അസി. പ്രൊഫ. റീജ യൂജിന്‍ , അസി. പ്രൊഫ പ്രിയ, അസി. പ്രൊഫ. അഖില്‍ തോമസ്, അസി. പ്രൊഫ. തൗഫീക്ക് ഡോ. സുബിന്‍ ജോസ് തുടങ്ങിയവരും തവനിഷ് അംഗങ്ങളും പരിപാടിയില്‍ പങ്കെടുത്തു.
നാടിന്റെ വികസനം, ജനങ്ങളുടെ ക്ഷേമം എന്നിവ സംബന്ധിച്ച വിശദാംശങ്ങളാണ് നവകേരള സദസ്സ് ചര്‍ച്ച ചെയ്യുന്നതെന്ന് ഉന്നത വിദ്യാഭ്യാസ- സാമൂഹ്യനീതി വകുപ്പ് മന്ത്രി ഡോ. ആര്‍ ബിന്ദു. ഇരിങ്ങാലക്കുട നിയോജക മണ്ഡലത്തിലെ നവകേരള സദസ്സ് സംഘാടകസമിതി ഓഫീസ് സിന്ധു കണ്‍വെന്‍ഷന്‍ സെന്ററിന് മുന്നില്‍ പ്രിയ ഹാളില്‍ ഉദ്ഘാടനം നിര്‍വഹിക്കുകയായിരുന്നു മന്ത്രി.
ഇരിങ്ങാലക്കുട ടൗണ്‍ഹാളില്‍ മന്ത്രിയുടെ അധ്യക്ഷതയില്‍ എക്സിക്യൂട്ടീവ് സമിതി യോഗത്തില്‍ മണ്ഡലതല പ്രവര്‍ത്തനങ്ങള്‍ അവലോകനം ചെയ്തു. നവംബര്‍ 30ന് അയ്യങ്കാവ് മൈതാനിയില്‍ ഐക്യ കേരള ദീപ ജ്വാല സംഘടിപ്പിക്കും. നവംബര്‍ 28 ന് ഇരിങ്ങാലക്കുട മഹാത്മ പാര്‍ക്ക് മുതല്‍ മുനിസിപ്പല്‍ പാര്‍ക്ക് വരെ നവകേരള സദസിന്റെ പ്രചാരണാര്‍ഥം സായാഹ്ന നടത്തവും ഡിസംബര്‍ ഒന്നിന് പഞ്ചായത്ത്തല വിളംബര ജാഥകളും സംഘടിപ്പിക്കും.
ക്ലബ്ബുകള്‍, വായനശാലകള്‍, റെസിഡന്‍ഷ്യല്‍ അസോസിയേഷനുകള്‍ തുടങ്ങിയ പൊതുജന കൂട്ടായ്മകളുടെ പ്രത്യേക യോഗം വിളിക്കും. കുടുംബശ്രീ, ആശാവര്‍ക്കര്‍, അങ്കണവാടി പ്രവര്‍ത്തകര്‍ തുടങ്ങിയവരുടെ ആഭിമുഖ്യത്തില്‍ ഒപ്പന, മാര്‍ഗംകളി, തിരുവാതിരക്കളി തുടങ്ങിയവ മത്സരാടിസ്ഥാനത്തില്‍ നടത്തും. സര്‍ക്കാര്‍ ഉദ്യോഗസ്ഥര്‍ക്കായി പ്രബന്ധരചന, പ്രസംഗ മത്സരം, വിദ്യാര്‍ഥികള്‍ക്കായി നവകേരളം എന്ന ആശയത്തില്‍ പ്രസംഗം, ലേഖനമെഴുത്ത്, പ്രശ്നോത്തരി, ചിത്രരചന മത്സരങ്ങളും സംഘടിപ്പിക്കും.
യുവജനപങ്കാളിത്തം നവകേരള സദസ്സിന് ഉറപ്പുവരുത്തും. നവമാധ്യമ രംഗം, സഹകരണ മേഖല, വ്യാപാരി വ്യവസായ സംഘടന എന്നിവയുലെ പ്രതിനിധികളുടെ യോഗം ചേരും. ഇതിന് പുറമെ ഫ്ളാഷ് മോബ്, കൂട്ടയോട്ടം, ബൈക്ക് റാലിയും സംഘടിപ്പിക്കും.
ആര്‍ ഡി ഒ എം കെ ഷാജി, മുന്‍ എംഎല്‍എ പ്രൊഫ. അരുണന്‍ മാഷ്, ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡന്റ് ലളിതാബാലന്‍, വെള്ളാങ്ങല്ലൂര്‍ ബ്ലോക്ക് പഞ്ചായത്ത് പ്രസിഡന്റ് വിജയലക്ഷ്മി വിനയചന്ദ്രന്‍, മാള ബ്ലോക്ക് പഞ്ചായത്ത് പ്രസിഡന്റ് സന്ധ്യ നൈസണ്‍, പഞ്ചായത്ത് പ്രസിഡന്റുമാരായ ജോസ് ജെ ചിറ്റിലപ്പള്ളി, ടി വി ലത, ലതാസഹദേവന്‍, സീമ പ്രേംരാജ്, കെ എസ് ധനീഷ്, കെ എസ് തമ്പി, റിസപ്ഷന്‍സ് സബ് കമ്മിറ്റി ചെയര്‍മാന്‍ അഡ്വ. വിജയ, മുകുന്ദപുരം താലൂക്ക് തഹസില്‍ദാര്‍ കെ ശാന്തകുമാരി, വകുപ്പ് ഉദ്യോഗസ്ഥര്‍ തുടങ്ങിയവര്‍ യോഗത്തില്‍ പങ്കെടുത്തു.
രക്തദാന ക്യാമ്പിന് മുന്നോടിയായി കൂട്ടയോട്ടം നടത്തി. അവിട്ടത്തൂര്‍: എല്‍.ബി.എസ് എം. ഹയര്‍സെക്കണ്ടറി സ്‌കൂളിലെ എന്‍.എസ്. എസ്. യൂണിററിന്റെ ആഭിമുഖ്യത്തില്‍ വെള്ളിയാഴ്ച ( 17.11. 2023 ) നടക്കുന്ന രക്തദാന ക്യാമ്പിന്റെ പ്രചരണാര്‍ത്ഥം അവിട്ടത്തൂര്‍ ഗ്രാമത്തില്‍ കൂട്ടയോട്ടം നടത്തി. വാര്‍ഡ് മെമ്പര്‍ ലീന ഉണ്ണികൃഷ്ണന്‍ ഫ്‌ളാഗ് ഓഫ് ചെയ്തു. പ്രിന്‍സിപ്പല്‍ ഡോ. എ. വി. രാജേഷ് , മാനേജര്‍ കെ.കെ. കൃഷ്ണന്‍ നമ്പൂതിരി , മാനേജ്‌മെന്റ് കമ്മറ്റിയംഗങ്ങളായ എ.സി. സുരേഷ് , എ.അജിത്ത്കുമാര്‍ , ഹെഡ് മാസ്റ്റര്‍ മെജോ പോള്‍ , കോ – ഓര്‍ഡിനേറ്റര്‍ എസ്. സുധീര്‍ എന്നിവര്‍ പങ്കെടുത്തു.
തുമ്പൂര്‍: എം.പി.പി.ബി.പി.സമാജത്തിന്റെ നേതൃത്വത്തില്‍ തുമ്പൂര്‍ അയ്യപ്പന്‍കാവ് ക്ഷേത്രക്കുളം ഭക്തര്‍ക്ക് സമര്‍പ്പിച്ചു. ചടങ്ങുകള്‍ക്ക് ക്ഷേത്രം മേല്‍ശാന്തി രതീഷ് ശാന്തി കാര്‍മികത്വം വഹിച്ചു. സമാജം ഭാരവാഹികളായ എം.സി.പ്രസന്നകുമാര്‍, എം.ആര്‍.അശോകന്‍, പി.സി.ബാലന്‍, ഖജാന്‍ജി വി.എ.വിനയന്‍, എം.എം.ഭാഷ്യം എന്നിവര്‍ ചേര്‍ന്ന് ക്ഷേത്രക്കുള സമര്‍പ്പണം നടത്തി. മണ്ഡല കാലത്ത് ഭക്തര്‍ക്ക് ഉപയോഗിക്കാവുന്ന വിധമാണ് ക്ഷേത്രക്കുള നിര്‍മ്മാണം വേഗത്തില്‍ പൂര്‍ത്തിയാക്കിയതെന്ന് ഭാരവഹികള്‍ പറഞ്ഞു. സമാജത്തിന്റെ മുന്‍ ഭാരവാഹികള്‍, വിവിധ കമ്മിറ്റി അംഗങ്ങള്‍, ഭക്തര്‍ തുടങ്ങിയവരും ചടങ്ങില്‍ പങ്കെടുത്തു.
ഇരിഞ്ഞാലക്കുട :കേരളത്തിലും ഇന്ത്യയിലും സിവില്‍ സര്‍വീസ് ഇന്ന് നേരിടുന്ന വിവിധ പ്രശ്‌നങ്ങള്‍പരിഹരിക്കുന്നതിന് ജനങ്ങളുടെ കൂടി പിന്തുണആവശ്യമാണയെന്ന് സി.പി.ഐ മണ്ഡലം സെക്രട്ടറി പി മണി പറഞ്ഞു.
പങ്കാളിത്ത പെന്‍ഷന്‍ പിന്‍വലിച്ച് പഴയപെന്‍ഷന്‍ പുനസ്ഥാപിക്കുക, സിവില്‍ സര്‍വ്വീസ് സംരക്ഷിക്കുക, അഴിമതിക്കെതിരെ ജനങ്ങളും ജീവനക്കാരും ഒന്നിക്കുക എന്നീ ആവശ്യങ്ങളുയര്‍ത്തി ജോയിന്റ് കൗണ്‍സിലിന്റെ നേതൃത്വത്തില്‍ നടത്തുന്ന സിവില്‍ സര്‍വ്വീസ് സംരക്ഷണയാത്രയുടെ തൃശൂര്‍ ജില്ലയിലെ രണ്ടാം ദിവസത്തെ പര്യടനം വെള്ളാങ്ങല്ലൂരില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. വെള്ളാങ്ങല്ലൂര്‍ സോഷ്യല്‍ ക്ലബ് വായനശാല പരിസരത്ത് ചേര്‍ന്ന ജാഥാ സ്വീകരണ യോഗത്തില്‍ ജോയിന്റ് കൗണ്‍സില്‍ ജില്ലാ ജോയിന്റ് സെക്രട്ടറി എ.എം നൗഷാദ് അധ്യക്ഷത വഹിച്ചു. സി.പി.ഐ കൊടുങ്ങല്ലൂര്‍ മണ്ഡലം സെക്രട്ടറി സി.സി വിപിന്‍ചന്ദ്രന്‍,
ജാഥാ വൈസ് ക്യാപ്റ്റന്‍ കെ മുകുന്ദന്‍, സ്വാഗതസംഘം കണ്‍വീനര്‍ എം.കെ ഉണ്ണി എന്നിവര്‍ പ്രസംഗിച്ചു.
സ്വീകരണത്തിന് ജാഥാ ക്യാപ്റ്റന്‍ കെ.ഷാനവാസ് ഖാന്‍ നന്ദി പറഞ്ഞു. വിവിധ കേന്ദ്രങ്ങളില്‍ ജോയിന്റ് കൗണ്‍സില്‍ നന്മ സാംസ്‌ക്കാരിക വേദിയുടെ ‘വെയില്‍ കൊള്ളുന്നവര്‍’ എന്ന നാടകം അവതരിപ്പിച്ചു.
പ്രകൃതി സംരക്ഷണത്തിന്റ ഭാഗമായി കാല്‍നട ജാഥ കടന്നുവന്ന വിവിധയിടങ്ങളില്‍ ജാഥാംഗങ്ങള്‍ വൃക്ഷതൈ നട്ടു.
2023 നവംബര്‍ 17 (1199 വൃശ്ചികം 1) മുതലാരംഭിക്കുന്ന മണ്ഡലകാലത്ത് ഇരിങ്ങാലക്കുട കൂടല്‍മാണിക്യം ക്ഷേത്രത്തിലെ പടിഞ്ഞാറെ ഊട്ടുപുരയില്‍ അയ്യപ്പഭക്തര്‍ക്ക് വിരിവക്കുന്നതിനും , വിശ്രമിക്കുന്നതിനും സൗകര്യം ഉണ്ടായിരിക്കുന്നതാണ്. അയ്യപ്പന്‍മാര്‍ക്ക് രാത്രി ഭക്ഷണം ഒരുക്കുന്നതാണ് . സംഘമായി വരുന്ന അയ്യപ്പന്‍മാര്‍ മുന്‍കൂട്ടി അറിയിച്ചാല്‍ കൂടുതല്‍ പേര്‍ക്ക് ഭക്ഷണം ഏര്‍പ്പാടാക്കാന്‍ കഴിയുന്നതാണ്. എല്ലാ അയ്യപ്പ ഭക്തന്‍മാര്‍ക്കും ഈ സൗകര്യം പ്രയോജന പ്പെടുത്താവുന്നതാണ്.മണ്ഡലകാലത്ത് ഭക്തജനങ്ങള്‍ക്ക് ചുറ്റുവിളക്ക് നിറമാല വഴിപാടുകള്‍
മുന്‍കൂട്ടി ബുക്ക് ചെയ്യാവുന്നതാണ് (നിരക്ക് Rs.2500 ). കൂടുതല്‍ വിവരങ്ങള്‍ക്ക് ബന്ധപ്പെടേണ്ട നമ്പറുകള്‍ 9961744222, 9961744111
ഇരിങ്ങാലക്കുട: സെന്റ് തോമസ് കത്തീഡ്രല്‍ പ്രൊഫഷണല്‍ സി എല്‍ സി യുടെ ആഭിമുഖ്യത്തില്‍ സീനിയര്‍, ജൂനിയര്‍ സി എല്‍ സി യുടെ സഹകരണത്തോടെ നടത്തുന്ന പ്രൊഫഷണല്‍ മെഗാ ഹൈ – ടെക്ക് ക്രിസ്തുമസ് കരോള്‍ മത്സരഘോഷയാത്ര ഈ വര്‍ഷം ഡിസംബര്‍ 23 ശനിയാഴ്ച നടക്കും.
കരോള്‍ മത്സരഘോഷയാത്ര ഇരിങ്ങാലക്കുട ടൗണ്‍ഹാള്‍ പരിസരത്ത് നിന്ന് ആരംഭിച്ച് മെയിന്‍ റോഡ്, ഠാണാ കൂടി രാത്രി 8 മണിക്ക് കത്തീഡ്രല്‍ പള്ളി അങ്കണത്തില്‍ എത്തിച്ചേരും തുടര്‍ന്ന് നടക്കുന്ന പൊതുസമ്മേളനത്തില്‍ വിജയികള്‍ക്കുള്ള സമ്മാനങ്ങള്‍ വിതരണം ചെയ്യും.
ഒന്നാം സമ്മാനം 77,777 രൂപയും ട്രോഫിയും,
രണ്ടാം സമ്മാനം 55,555 രൂപയും ട്രോഫിയും,
മൂന്നാം സമ്മാനം 44,444 രൂപയും ട്രോഫിയും,
ഏറ്റവും നല്ല ടാബ്ലോക്ക് 11, 111 രൂപയും,
മത്സരത്തില്‍ പങ്കെടുക്കുന്ന സമ്മാനര്‍ഹരല്ലാത്ത മറ്റ് ടീമുകള്‍ക്ക് 25,000 രൂപ പ്രോത്സാഹന സമ്മാനവും ഏര്‍പ്പെടുത്തിയിട്ടുണ്ട്.
ഇരിങ്ങാലക്കുടയിലെ ബേക്കറി ഉല്‍പ്പന്ന വിപണ രംഗത്തെ പ്രശസ്ത സ്ഥാപനമായ ജോണ്‍ & കോ കമ്പനിയാണ് ഈ വര്‍ഷത്തെ കരോള്‍ മത്സരത്തിന്റെ മുഖ്യ പ്രായോജകര്‍.
ഈ ക്രിസ്തുമസ് കരോള്‍ മത്സരഘോഷയാത്രയില്‍ പങ്കെടുക്കുന്നതിന് ഇടവകകളില്‍ നിന്നും സംഘടനകളില്‍ നിന്നും ടീമുകളെ ക്ഷണിക്കുന്നതായി സംഘാടക സമിതി അറിയിച്ചു.
ഫ്രാന്‍സീസ് കോക്കാട്ട് ജനറല്‍ കണ്‍വീനറും, നെല്‍സന്‍ കെ.പി, അലന്‍ ജോഷി കണ്‍വീനേഴ്‌സായും, ജോയ് പി.ജെ ഓര്‍ഗനൈസിംഗ് സെക്രട്ടറിയായും, ഷോബി കെ. പോള്‍ കോഡിനേറ്ററായും, ഡേവീസ് പടിഞ്ഞാറക്കാരന്‍, ജോസ് മാളിയേക്കല്‍, വിനു ആന്റണി എന്നിവര്‍ പബ്ലിസിറ്റി കമ്മിറ്റി അംഗങ്ങളായുള്ള വിപുലമായ കമ്മിറ്റിയാണ് രൂപികരിച്ചിട്ടുള്ളത്.
കരോള്‍ മത്സരത്തിന്റെ കൂടുതല്‍ വിവരങ്ങള്‍ക്ക് സി എല്‍ സി ഭാരവാഹികളുമായി ബന്ധപ്പെടുക:
9847237046
9388490691
ജൂനിയര്‍ ചേമ്പര്‍ ഇന്റര്‍നാഷ്ണല്‍ ജെ.സി.ഐ. തൃശൂര്‍, എറണാംകുളം, ഇടുക്കി എന്നി മുന്ന് ജില്ലകള്‍ ഉള്‍പ്പെടുന്ന ജെ.സി.ഐ. സോണ്‍ 20യിലെ കമല്‍ പത്ര അവാര്‍ഡിന് ജെ.സി. ഐ. ഇരിങ്ങാലക്കുടയിലെ ഹാരിഷ് പോളിന് ലഭിച്ചു പറവൂര്‍ ബൈ സെന്റിനറി ഹാളില്‍ വച്ച് നടത്തിയ സോണ്‍ കോണ്‍ഫ്രന്‍സില്‍ മുന്‍ ഡി.ജി.പി.ഋഷിരാജ് സിംഗ്. IPS അവാര്‍ഡ് നല്‍കി. സോണ്‍ പ്രസിഡന്റ് അര്‍ജുന്‍ നായര്‍ അദ്ധ്യക്ഷത വഹിച്ച സമ്മേളനത്തില്‍ ചലച്ചിത്ര താരം ലിഷോണ ലിഷോയ് മുഖ്യാതിഥി ആയിരുന്നു ദേശിയ വൈസ് പ്രസിഡന്റ് ഭാരത് ആചാരി മുന്‍ സോണ്‍ പ്രസിഡന്റ് ജോബിന്‍ കുര്യാക്കോസ് എന്നിവര്‍ പ്രസംഗിച്ചു. ജെ.സി.ഐ. പഞ്ചാബ് സംസ്ഥാന പ്രസിഡന്റായിരിക്കേ ജെ.സി.ഐ. പ്രവര്‍ത്തനങ്ങള്‍ക്കിടെ അന്തരിച്ച കമല്‍ സഹാറന്‍ന്റെ ഓര്‍മ്മക്കായാണ് കമല്‍ പത്ര അവാര്‍ഡ് നല്‍കുന്നത്. കര്‍മ്മപഥങ്ങളില്‍ മികവ് തെളിയിച്ച യുവ പ്രൊഫഷനല്‍സിനാണ് അവാര്‍ഡ് സമ്മാനിക്കുന്നത് അവിട്ടത്തൂര്‍ സ്വദേശിയായ ഹാരിഷ് പോള്‍ വിദ്യാഭ്യാസ രംഗത്ത് മാതൃകപരമായ പ്രവര്‍ത്തനങ്ങള്‍ നടത്തുന്ന തൃശൂര്‍ ഫ്യൂച്ചര്‍ എജ്യൂസിറ്റി എന്ന വിദ്യാഭ്യാസ സ്ഥാപനത്തിന്റെ മാനേജിങ്ങ് ഡയറക്ടറാണ്.
ഇരിങ്ങാലക്കുട : പുല്ലൂര്‍ ചമയം നാടകവേദിയുടെ ആഭിമുഖ്യത്തില്‍ നടക്കുന്ന പുല്ലൂര്‍ നാടക രാവിന്റെ മൂന്നാം ദിവസത്തില്‍ നടന്ന സമ്മേളനം സംഗീത നാടക അക്കാദമി ചെയര്‍മാന്‍ പത്മശ്രീ. മട്ടന്നൂര്‍ ശങ്കരന്‍ കുട്ടി ഉദ്ഘാടനം ചെയ്തു. പ്രശസ്ത സിനിമാ താരം ടിനി ടോം മുഖ്യാതിഥിയായിരുന്നു. കലാഭവന്‍ മണി സ്മാരക പുരസ്‌കാരം നാടന്‍പാട്ട് കലാകാരി പ്രസീദ ചാലക്കുടിക്ക് നല്‍കി. ചമയം പ്രസിഡണ്ട് എ. എന്‍ . രാജന്‍ അധ്യക്ഷത വഹിച്ചു. ജനറല്‍ കണ്‍വീനര്‍ സജു ചന്ദ്രന്‍ എന്നിവര്‍ പ്രസംഗിച്ചു . അതില്‍ വര്‍ഗ്ഗീസ് അനുസ്മരണം ചമയം ജനറല്‍ കണ്‍വീനര്‍ സജു ചന്ദ്രന്‍ നടത്തി . കലാഭവന്‍ നൗഷാദ്, പി.കെ. കിട്ടന്‍ ,ബിജു ജയാനന്ദന്‍ , ടി.ജെ. സുനില്‍ കുമാര്‍ , കിഷോര്‍ പള്ളിപ്പാട്ട് എന്നിവര്‍ പങ്കെടുത്തു . വൈഗ കെ. സജീവ് കുച്ചുപ്പുടി അവതരിപ്പിച്ചു. തുടര്‍ന്ന് കോഴിക്കോട് സങ്കീര്‍ത്തനയുടെ ചിറക് നാടകംഅരങ്ങേറി.
ഇരിങ്ങാലക്കുട: ഒക്ടോബര്‍ 27, 28, 29 തിയ്യതികളിലായി കൊടുങ്ങല്ലൂരില്‍ നടക്കുന്ന പുരോഗമന കലാസാഹിത്യ സംഘം തൃശൂര്‍ ജില്ലാ സമ്മേളനത്തിന്റെ ഭാഗമായി ഇരിങ്ങാലക്കുട മേഖലയിലെ മുതിര്‍ന്ന കലാകാരന്മാരേയും സാഹിത്യ പ്രതിഭകളേയും ആദരിച്ചു. പ്രൊഫ. മാമ്പുഴ കുമാരന്‍, വേണുജി, നിര്‍മ്മലാ പണിക്കര്‍, കലാനിലയം രാഘവനാശാന്‍, സദനം കൃഷ്ണന്‍കുട്ടി, പ്രതാപ് സിങ്, ഇരിങ്ങാലക്കുട മുരളീധരന്‍ എന്നിവരെ സംഘം പ്രതിനിധികള്‍ വീടുകളിലെത്തി ആദരിച്ചു.സംസ്ഥാന ജനറല്‍ സെക്രട്ടറി അശോകന്‍ ചരുവില്‍, ജില്ലാ പ്രസിഡണ്ട് അഡ്വ.വി.ഡി. പ്രേമപ്രസാദ് എന്നിവര്‍ പ്രതിഭകളെ പൊന്നാട അണിയിച്ചു. ഖാദര്‍ പട്ടേപ്പാടം, ഡോ.കെ. രാജേന്ദ്രന്‍, ഉദിമാനം അയ്യപ്പക്കുട്ടി, ഡോ.സോണി ജോണ്‍,
ഷെറിന്‍ അഹമ്മദ്,എ.എന്‍.രാജന്‍,പി.ഗോപിനാഥ്, കെ എന്‍.സുരേഷ്‌കമാര്‍, രതികല്ലട, വേണു ഇളന്തോളി, ഷാജു തെക്കൂട്ട് എന്നിവര്‍ സംസാരിച്ചു.
പുല്ലൂര്‍ ചമയം നാടകവേദിയുടെ 26-ാമത് നാടകരാവിന് മുന്‍സിപ്പല്‍ ടൗണ്‍ഹാളില്‍ തിരിതെളിഞ്ഞു. കേരള സംഗീത നാടകഅക്കാദമി സെക്രട്ടറി കരിവെള്ളൂര്‍ മുരളി നാടകരാവ് ഉദ്ഘാടനം ചെയ്തു. ചമയം പ്രസിഡന്റ് എ.എന്‍.രാജന്‍ അദ്ധ്യക്ഷത വഹിച്ചു. ചലച്ചിത്രപ്രവര്‍ത്തകരായ സന്തോഷ് കീഴാറ്റൂര്‍, അജ്ഞു ജോസഫ് എന്നിവര്‍ ആശംസകള്‍ നേര്‍ന്നു. ജനറല്‍ കണ്‍വീനര്‍ സജു ചന്ദ്രന്‍ സ്വാഗതവും, സെക്രട്ടറി വേണു എളന്തോളി നന്ദിയും പറഞ്ഞു. പ്രൊഫ.സാവിത്രി ലക്ഷ്മണന്‍, സജീവ് കുമാര്‍ കല്ലട, എം.ബി.രാജേഷ്, കാറളം പ്രദീപ്, സുധീര്‍ ഇ.എസ്, പി.കെ.പ്രസന്നന്‍, ആന്റണി ബാബു എന്നിവര്‍ പങ്കെടുത്തു. കലാകാരികളായ ഹൃദ്യഹരിദാസ്, ശ്രീലക്ഷ്മി ബിജു ചന്ദ്രന്‍ എന്നവരെ ആദരിച്ചു. പഞ്ചാരി മേളം, മോഹിനിയാട്ടം, സോപാനസംഗീതം എന്നവ നടന്നു. തുടര്‍ന്ന് തിരുവനന്തപുരം അജന്ത തീയറ്റേഴ്‌സ് ഗ്രൂപ്പിന്റെ ‘മൊഴി’ നാടകം അവതരിപ്പിച്ചു. ഒക്ടോബര്‍ 29വരെയുള്ള ദിവസങ്ങളിലായി 6 പ്രൊഫണല്‍ നാടകങ്ങളും, 2 അമ്വേച്ചര്‍ നാടകങ്ങളും ഉണ്ടായിരിക്കും.
ഇരിങ്ങാലക്കുട :എക്‌സൈസ് ഇന്‍സ്‌പെക്ടര്‍ എ.ബി പ്രസാദിന്റെ നേതൃത്വത്തില്‍ റേഞ്ചിന്റെ കിഴക്കന്‍ മേഖലയായ വെള്ളികുളങ്ങര, വരന്തരപ്പിള്ളി കരകളില്‍ തുടര്‍ച്ചയായ പരിശോധനയില്‍ അബ്കാരി -ലഹരിവിരുദ്ധപ്രവര്‍ത്തനങ്ങള്‍ നടത്തിപ്പോന്ന രണ്ടു പേര്‍ക്കെതിരെ കേസ്സെടുത്തു.റെയ്ഡില്‍ 300 ലിറ്റര്‍ വാഷ് , നാലര ലിറ്റര്‍ ഇന്ത്യന്‍ നിര്‍മ്മിത വിദേശമദ്യം എന്നിവയും വാറ്റാനുപയോഗിച്ച 500 ലിറ്റര്‍ ടാങ്ക്, ഗ്യാസ് സിലിണ്ടര്‍ , സ്റ്റൗ, വായനാ തട്ട്, മറ്റുപകരണങ്ങള്‍ എന്നിവ കണ്ടെടുത്തു.വെള്ളിക്കുളങ്ങരയില്‍ മദ്യവില്‍പ്പന നടത്തിപ്പോന്ന തുലാപ്പറമ്പന്‍ വര്‍ക്കി (73), വരന്തരപ്പിള്ളിയില്‍ വാറ്റു നടത്തി പോന്ന നാടാപ്പാടം തെക്കന്‍ ബാബു (50) എന്നിവര്‍ക്കെതിരെയാണ് കേസ്. വര്‍ഗ്ഗീസ് റിമാന്റിലാണ്. വാറ്റു നടത്തിയ ബാബു സംഭവ സ്ഥലത്തില്ലാത്തതിനാല്‍ തല്‍സമയം അറസ്റ്റുചെയ്തിട്ടില്ല. ഇയാളെ ഊര്‍ജ്ജിതമായി അന്വേഷിച്ചു വരുന്നു.പരിശോധന സംഘത്തില്‍
ഓഫീസര്‍മാരായ ഫാബിന്‍ പൗലോസ് , പി.കെ ഉണ്ണികൃഷ്ണന്‍ , സിഇഒമാരായ എ.ടിഷാജു, വനിത പി.ആര്‍ രഞ്ജു, ഡ്രൈവര്‍ മുഹമ്മദ് ഷാന്‍ എന്നിവര്‍ ഉള്‍പ്പെട്ടിരുന്നു.വരന്തരപ്പിള്ളി മേഖലയില്‍ നടന്ന റെയ്ഡില്‍ എസ്‌ഐകെ.എല്‍ ജെയ്‌സന്‍ ,സിപിഒ അലക്‌സ് എന്നിവര്‍ ഭാഗഭാക്കായിരുന്നു.തുടര്‍ ദിവസങ്ങളില്‍ ഈ മേഖലയില്‍ അന്വേഷണം ഊര്‍ജിതമാക്കുമെന്ന് എക്‌സൈസ് ഉന്നത വൃത്തങ്ങള്‍ അറിയിച്ചു.ഇരിങ്ങാലക്കുട റേഞ്ച് പരിധിയില്‍ അബ്കാരി /NDPS കുറ്റകൃത്യങ്ങള്‍ ശ്രദ്ധയില്‍പ്പെട്ടാല്‍ താഴെ നല്‍കുന്ന ഫോണ്‍ നമ്പറില്‍ ബന്ധപ്പെടേണ്ടതാണ് …….
9400069596/ 0480 2822831
വിപ്ലവ സൂര്യന്‍ സഖാവ് വിഎസ് അച്യുതാനന്ദിനെ നാളെ 100 തികയും. മുതിര്‍ന്ന സിപിഐഎം നേതാവും മുന്‍ മുഖ്യമന്ത്രിയുമായ വിഎസ് അച്യുതാനന്ദന് വെള്ളിയാഴ്ച 100 വയസ്സ്. സിപിഐഎമ്മിന്റെ സ്ഥാപക നേതാക്കളരോളയ വിഎസിന്റെ എട്ടു പതിറ്റാണ്ടിലേറെയായ രാഷ്ട്രീയ പ്രവര്‍ത്തനം ദരിദ്ര ജനതയുടെ പോരാട്ട ചരിത്രത്തിന്റെ ഭാഗം കൂടിയാണ്. ഐതിഹാസ്യമായ പുന്നപ്ര വയലാര്‍ സമരത്തിന്റെ നായകന്‍. പാര്‍ട്ടിയുടെ പോളിറ്റീവ് ബ്യൂറോ അംഗവും സംസ്ഥാന സെക്രട്ടറിയുമായി പ്രവര്‍ത്തിച്ചിരുന്നു. പ്രതിപക്ഷ നേതാവ്. നിയമസഭാ സമാജികന്‍. ഭരണപക്ഷ പരിഷ്‌കാര കമ്മീഷന്‍ അധ്യക്ഷന്‍. ദേശാഭിമാനി പത്രാധിപര്‍ തുടങ്ങിയ നിലകളിലുംപ്രവര്‍ത്തിച്ചു. 1964 ല്‍ ദേശീയ കൗണ്‍സിലില്‍ നിന്ന് ഇറങ്ങിപ്പോന്ന് സിപിഐഎം രൂപീകരിച്ച 32 പേരില്‍ ജീവിച്ചിരിക്കുന്ന രണ്ടുപേരില്‍ ഒരാള്‍ മറ്റൊരാള്‍ തമിഴ്‌നാട്ടിലെ ശങ്കരയ്യ യാണ്.
ആരോഗ്യ പ്രശ്‌നങ്ങള്‍ കാരണം തിരുവനന്തപുരം ബാര്‍ട്ടന്‍ ഹില്ലില്‍ മകന്‍ അരുണ്‍കുമാറിന്റെ വീട്ടില്‍ പൂര്‍ണ്ണ വിശ്രമത്തിനായതിനാല്‍ ജന്മദിനം പ്രമാണിച്ച് പ്രത്യേക പരിപാടികള്‍ ഇല്ല. വീട്ടില്‍ പായസം വയ്ക്കും. കേക്ക് മുറിക്കല്‍ ഉണ്ടാകും. മുതിര്‍ന്ന മാധ്യമപ്രവര്‍ത്തകന്‍ കെ വി സുധാകരന്‍ രചിച്ച വിഎസ് അച്യുതാനന്ദന്റെ പൊതുപ്രവര്‍ത്തനവും ജീവിതവും അടയാളപ്പെടുത്തുന്ന പുസ്തകം’ ഒരു സമര നൂറ്റാണ്ട്’ വെള്ളിയാഴ്ച മുഖ്യമന്ത്രി പിണറായി വിജയന്‍ പ്രകാശിപ്പിക്കും.
ആലപ്പുഴ പുന്നപ്ര വെന്തല തറവാട്ടില്‍ ശങ്കറിന്റെയും അക്കമ്മയുടെയും മകനായി 1923 ഒക്ടോബര്‍ 20ന് ആയിരുന്നു ജനനം. 1939 ല്‍ സ്റ്റേറ്റ് കോണ്‍ഗ്രസില്‍ ചേര്‍ന്ന വിഎസ് 1940 ല്‍ പതിനേഴാം വയസ്സിലാണ് കമ്മ്യൂണിസ്റ്റ് പാര്‍ട്ടിയില്‍ അംഗമായത്. ബ്രിട്ടീഷ് ഭരണത്തില്‍ കയര്‍- കര്‍ഷക തൊഴിലാളികളെ സംഘടിപ്പിച്ച് ഉജ്ജ്വല സമരങ്ങള്‍ക്ക് നേതൃത്വം നല്‍കി. കൊടിയ മര്‍ദ്ദനങ്ങള്‍ക്കും ജയില്‍വാസത്തിനും വിധേയനായി. 2019 ല്‍ ഒക്ടോബര്‍ 24ന് ദേഹാസ്യം ഉണ്ടായതിനെ തുടര്‍ന്ന് ചികിത്സയിലേക്കും പൂര്‍ണ്ണ വിശ്രമത്തിലേക്കും മാറുകയായിരുന്നു.
കൂടിയാട്ടം കുലപതിയും അഭിനയഗുരുവുമായ വേണുജിക്ക് ബംഗ്ലൂരു കേന്ദ്രമായി പ്രവര്‍ത്തിക്കുന്ന ‘യുറൈസ് വേദിക് സംഗീത അക്കാദമി’യുടെ നൃത്യ പിതാമഹന്‍ ബഹുമതി നല്‍കി ആദരിക്കുന്നു. നവരസ സാധന എന്ന അഭിനയപരിശീലന പദ്ധതി ആവിഷ്‌ക്കരിച്ച് നൂറിലേറെ ശില്പശാലകളിലൂടെ ആയിരത്തി അഞ്ഞൂറോളം നര്‍ത്തകര്‍ക്കും നടീനടന്‍മാര്‍ക്കും അഭിനയപരിശീലനം നല്‍കുന്നതിന് പുറമെ നാഷ്ണല്‍ സ്‌കൂള്‍ ആഫ് ഡ്രാമ (ഡല്‍ഹി), ഇന്റര്‍ കള്‍ച്ചറല്‍ തീയേറ്റര്‍ ഇന്‍സ്റ്റിറ്റ്യൂട്ട് (സിംങ്കപ്പൂര്‍) എന്നീ സ്ഥാപനങ്ങളില്‍ വിസിറ്റിങ് ഫാക്കല്‍റ്റിയായി ഒന്നര പതിററാണ്ടുകാലം പ്രവര്‍ത്തിച്ചിട്ടുണ്ട്. കാളിദാസ നാടകങ്ങള്‍ ഇദംപ്രദമായി കൂടിയാട്ടത്തില്‍ ആവിഷ്‌ക്കരിച്ചതാണ് വേണുജിയുടെ മറ്റൊരു സംഭാവന. സ്വന്തമായി ആവിഷ്‌ക്കരിച്ച നൊട്ടേഷന്‍പദ്ധതിയിലൂടെ കേരളീയനാട്യ പാരമ്പര്യത്തിലെ 1341 കൈമുദ്രകള്‍ രേഖപ്പെടുത്തിയിട്ടുള്ള മുദ്ര എന്ന ബൃഹത് ഗ്രന്ഥം ഈയിടെയാണ് പ്രസിദ്ധീകരിച്ചത്. പ്രശസ്ത സംഗീതജ്ഞ ഗുരു മാ ചിന്മയിയുടെ നേതൃത്വത്തില്‍ കഴിഞ്ഞകാല്‍നൂറ്റാണ്ടായി പ്രവര്‍ത്തിച്ചു വരുന്ന വേദിക് സംഗീത് നാടക അക്കാമദി ഒക്ടോബര്‍ 28ന് രാവിലെ 11 മണിക്ക് ഇരിങ്ങാലക്കുട നടനകൈരളിയില്‍ സംഘടിപ്പിക്കുന്ന ചടങ്ങില്‍ ഈ ബഹുമതി വേണുജിക്ക് സമര്‍പ്പിക്കുന്നു. കേരളസംഗീതനാടക അക്കാദമി ചെയര്‍മാന്‍ പത്മശ്രീ മടന്നൂര്‍ശങ്കരന്‍കുട്ടിമാരാര്‍ മുഖ്യാത്ഥിതിയായിരിക്കും. ഈ ചടങ്ങിനോടനുബന്ധിച്ച് പ്രശസ്ത കലാകാരി കപിലവേണു പാര്‍വ്വതി വിരഹം അഭിനയം അവതരിപ്പിക്കും.
വെള്ളാങ്ങല്ലൂര്‍ ഗ്രാമപഞ്ചായത്ത് 2022-23 വാര്‍ഷിക പദ്ധതിയിലുള്‍പ്പെടുത്തിയിട്ടുള്ള, ബ്ലോക്ക് പഞ്ചായത്തിന്റെ പദ്ധതി അടങ്കല്‍ തുക 494111 രൂപ ഉള്‍പ്പെടുത്തി വെള്ളാങ്ങല്ലൂര്‍ സെന്ററില്‍ സഹകരണ ബാങ്ക് ഹെഡ് ഓഫീസിനു മുന്നിലായി പണിതീര്‍ത്ത വാട്ടര്‍ എ ടി എം വെള്ളാങ്ങല്ലൂര്‍ ബ്ലോക്ക് പഞ്ചായത്ത് പ്രസിഡണ്ട് വിജയലക്ഷ്മി വിനയചന്ദ്രന്‍ പൊതുജനങ്ങള്‍ക്കായി തുറന്നു കൊടുത്തു. ബ്ലോക്ക് പഞ്ചായത്ത് വൈസ് പ്രസിഡണ്ട് ഉണ്ണികൃഷ്ണന്‍ കുറ്റിപ്പറമ്പില്‍, ഗ്രാമ പഞ്ചായത്തംഗം ഷംസു വെളുത്തേരി , സഹകരണ ബാങ്ക് പ്രസിഡണ്ട് കെ.പി.ജോസ് തുടങ്ങിയവര്‍ ആശംസകള്‍ അര്‍പ്പിച്ചു. ഗ്രാമ പഞ്ചായത്ത് പ്രസിഡണ്ട് എം.എം. മുകേഷ് അദ്ധ്യക്ഷത വഹിച്ച ചടങ്ങിന് ബ്ലോക്ക് ഡിവിഷന്‍ മെമ്പര്‍ അസ്മാബി ലത്തീഫ് സ്വാഗതവും ഗ്രാമ പഞ്ചായത്തംഗം മഞ്ജു ജോര്‍ജ്ജ് നന്ദിയും പറഞ്ഞു. അഞ്ചു രൂപക്ക് അഞ്ചു ലിറ്ററും ഒരു രൂപക്ക് ഒരു ലിറ്റര്‍ തണുപ്പിച്ച ശുദ്ധജലവും വാട്ടര്‍ എടിഎമ്മില്‍ നിന്നും ലഭ്യമാവും.
