കാലിക്കറ്റ് യൂണിവേഴ്‌സിറ്റി പുരുഷവിഭാഗം ആര്‍ച്ചറി ഇന്‍സെന്‍ റൗണ്ട് വിഭാഗത്തില്‍ ചാമ്പ്യന്‍മാരായ ഇരിങ്ങാലക്കുട ക്രൈസ്റ്റ് കോളേജ് ടീം
Advertisement
നഷ്ടപ്പെട്ട കാര്‍ഷിക സംസ്‌കാരം തിരിച്ചുപിടിക്കുക: മന്ത്രി സുനില്‍ കുമാര്‍
ആളൂര്‍ : കാര്‍ഷിക സംസ്‌കാരം നഷ്ടപ്പെട്ടതാണ് സമൂഹത്തില്‍ സ്വാര്‍ത്ഥത വളരാന്‍ കാരണമെന്നും സ്നേഹവും സഹിഷ്ണുതയും വര്‍ധിക്കാന്‍ ഈ സംസ്‌കാരം തിരിച്ചെത്തെണമെന്നും കൃഷിമന്ത്രി വി. എസ്. സുനില്‍കുമാര്‍ പറഞ്ഞു. സ്വന്തം കാര്യത്തില്‍ മാത്രം താല്‍പര്യമുള്ളവര്‍ സമൂഹത്തില്‍ കൂടിവരുന്നത് ഉപഭോഗ സംസ്‌കാരത്തിന്റെയും കച്ചവടതാല്‍പര്യങ്ങളുടെയും അതിരുകവിഞ്ഞ സ്വാധീനമാണെന്നും അദ്ദേഹം പറഞ്ഞു.ഇരിങ്ങാലക്കുട രൂപതയുടെ ‘കേരളസഭാതാരം’, ‘സേവനപുരസ്‌കാരം’ അവാര്‍ഡുകള്‍ പ്രഫ. ജോര്‍ജ് മേനാച്ചേരി, ജോണ്‍സന്‍ ആലപ്പാട്ട്, ജോളി ജോസഫ് എന്നിവര്‍ക്ക് സമ്മാനിക്കുകയായിരുന്നു മന്ത്രി.
എല്ലാ സംസ്‌കാരങ്ങളുടെയും ഉല്‍ഭവം കൃഷി അടിസ്ഥാനമാക്കിയ ജനജീവിതങ്ങളില്‍ നിന്നാണ്. കുടുംബവും സമൂഹങ്ങളും വളര്‍ന്നുവന്നത് പരസ്പരസഹകരണത്തിന്റെയും സൗഹൃദത്തിന്റെയും കാര്‍ഷിക സമൂഹങ്ങളില്‍ നിന്നാണ്. ഇന്ന് മതങ്ങളും രാഷ്ട്രീയപ്രസ്ഥാനങ്ങളും ജനജീവിതത്തില്‍ തിരിച്ചുകൊണ്ടുവരാന്‍ ശ്രദ്ധിക്കേണ്ടത് നന്മയുടേയും സ്നേഹത്തിന്റേയും ആധാരമായ കാര്‍ഷിക സംസ്‌കാരമാണെന്നും മന്ത്രി സുനില്‍കുമാര്‍ ഓര്‍മ്മിപ്പിച്ചു. ഇതുണ്ടെങ്കില്‍ വര്‍ഗ്ഗീയതയുടെയും കപടദേശാഭിമാനത്തിന്റെയും മതമൗലികവാദത്തിന്റെയും പേരില്‍ സമൂഹത്തില്‍ അസ്വസ്ഥതകളുണ്ടാവില്ലെന്നും അദ്ദേഹം പറഞ്ഞു.അവാര്‍ഡ്ദാനവും കുടുംബസംഗമവും ഹോസൂര്‍ ബിഷപ് മാര്‍ സെബാസ്റ്റ്യന്‍ പൊഴോലിപ്പറമ്പില്‍ ഉദ്ഘാടനം ചെയ്തു. മാര്‍ പോളി കണ്ണൂക്കാടന് അദ്ധ്യക്ഷത വഹിച്ചു. ‘കേരളസഭ ‘ കുടുംബസംഗമത്തിന്റെ ഭാഗമായുള്ള ക്രിസ്തുമസ് ആഘോഷം മാര്‍ പോളി കണ്ണൂക്കാടനും മന്ത്രി വി. എസ്. സുനില്‍ കുമാറും ചേര്‍ന്ന് കേക്ക് മുറിച്ചു ഉദ്ഘാടനം ചെയ്തു.ഓഖി ചുഴലിക്കാറ്റില്‍ ദുരിതം നേരിട്ടവര്‍ക്കായി കേരള മെത്രാന്‍ സമിതി സ്വരൂപിക്കുന്ന ഫണ്ടിലേയ്ക്കുള്ള ‘കേരളസഭ’യുടെ വിഹിതം മാനേജിംഗ് എഡിറ്റര്‍ ഫാ. വില്‍സന്‍ ഈരത്തറ, മാര്‍ പോളി കണ്ണൂക്കാടന് കൈമാറി.രൂപതയിലെ 134 ഇടവകകളില്‍ നിന്നുള്ള ആയിരത്തോളം പേര്‍ സംഗമത്തില്‍ പങ്കെടുത്തു.
Advertisement
ജനറല്‍ ആശുപത്രിക്ക് 45 ലക്ഷം ചിലവഴിച്ച് ചുറ്റുമതില്‍ നിര്‍മ്മിക്കുന്നു
ഇരിങ്ങാലക്കുട: നഗരമദ്ധ്യത്തിലുള്ള ഇരിങ്ങാലക്കുട ജനറല്‍ ആശുപത്രിയ്ക്ക് 45 ലക്ഷം രൂപ ചിലവില്‍ ചുറ്റുമതില്‍ പണിയുന്നു. പൊതുമരാമത്ത് വകുപ്പിന്റെ മേല്‍നേട്ടത്തിലാണ് പണി നടക്കുന്നത്. കോമ്പൗണ്ടിന്റെ കിഴക്കുഭാഗത്തെ മതില്‍ നിര്‍മ്മാണം ആരംഭിച്ചുകഴിഞ്ഞു. മതില്‍ നിര്‍മ്മാണത്തിന്റെ ഭാഗമായി അതിര്‍ത്തിയോട് ചേര്‍ന്നുനില്‍ക്കുന്ന പാഴ് മരങ്ങള്‍ മുറിച്ചുമാറ്റാന്‍ എച്ച്.എം.സി. തിരുമാനിച്ചിരുന്നു. ഇതിനോടൊപ്പം ആശുപത്രിയുടെ പിറകുവശത്തെ മുളംകാടും പാഴ്മരങ്ങളും മുറിച്ചുമാറ്റാനും യോഗത്തില്‍ തിരുമാനിച്ചിരുന്നു. എന്നാല്‍ ഇതിന്റെ ടെണ്ടര്‍ നടപടികള്‍ പൂര്‍ത്തിയായിട്ടില്ല. ആശുപത്രിയുടെ പുറകുവശത്ത് അതിര്‍ത്തി അളന്ന് തിരിച്ചതിന് ശേഷം മാത്രമേ അവിടെ മതിലിന്റെ പണി ആരംഭിക്കുവാന്‍ കഴിയു. എന്നാല്‍ 
ആശുപത്രിയിലെ മുളംകാടുകള്‍ സംരക്ഷിക്കണമെന്നാവശ്യപ്പെട്ട് വിശ്വമിത്ര ഹരിതസേന പ്രവര്‍ത്തകര്‍ ആശുപത്രി സുപ്രണ്ടിന് കത്ത് നല്‍കി. മുളംകാടും മരങ്ങള്‍ സംരക്ഷിക്കേണ്ടത് അത്യാവശ്യമാണെന്നും കൂടുതല്‍ മരങ്ങള്‍ വെച്ചുപിടിപ്പിച്ച് സീറോ കാര്‍ബണേറ്റ് പ്രദേശമായി മാറ്റാന്‍ ആശുപത്രി മാനേജ്‌മെന്റ് കമ്മിറ്റി തീരുമാനിക്കണമെന്നും ഹരിതസേന കത്തില്‍ ആവശ്യപ്പെട്ടു. ആശുപത്രി വികസനത്തിന് തടസ്സമായി നില്‍ക്കുന്ന മരങ്ങള്‍ മുറിച്ചുമാറ്റുമ്പോള്‍ കേരള സ്‌റ്റേറ്റ് ട്രി പ്രിസര്‍വേഷന്‍ ആക്റ്റ് പ്രകാരം മാത്രമെ നടപടിയെടുക്കാവുയെന്നും ഹരിതസേന കത്തില്‍ ആവശ്യപ്പെട്ടു. അടുത്ത എച്ച്.എം.സി.യില്‍ കത്ത് പരിഗണിക്കുമെന്നും മോര്‍ച്ചറിയ്ക്ക് നാശമുണ്ടാക്കുന്ന തരത്തില്‍ നില്‍ക്കുന്ന മുളംകാടുകള്‍ വെട്ടുന്നതായിരിക്കും അഭികാമ്യമെന്നും സുപ്രണ്ട് എ.എ. മിനിമോള്‍ പറഞ്ഞു. ആശുപത്രിയിലെ മറ്റ് മരങ്ങള്‍ മുറിയ്ക്കുന്നതിന് രണ്ട് തവണ ടെണ്ടര്‍ നല്‍കിയിട്ടും ആരും ഏറ്റെടുത്തിട്ടില്ലെന്നും മൂന്നമതൊരു ടെണ്ടറിന് ശേഷം മറ്റ് നടപടികള്‍ ആലോചിക്കുകയൊള്ളുവെന്നും സുപ്രണ്ട് അറിയിച്ചു
Advertisement
ഷണ്‍മുഖം കനാലിലെ തകര്‍ന്നുവീണ പാലങ്ങള്‍ പുനര്‍നിര്‍മ്മിക്കണമെന്നാവശ്യം
ഇരിങ്ങാലക്കുട: പടിയൂര്‍ പഞ്ചായത്തില്‍ ഷണ്‍മുഖം കനാലിന് കുറുകെയുണ്ടായിരുന്ന തകര്‍ന്നുവീണ നടപ്പാലങ്ങള്‍ പുനര്‍നിര്‍മ്മിക്കണമെന്നാവശ്യം. കനാലിന്റെ ഇരുകരകളേയും ബന്ധിപ്പിച്ചുള്ള രണ്ട് പാലങ്ങള്‍ തകര്‍ന്നുവീണിട്ട് രണ്ട് വര്‍ഷത്തോളമായി. ഷണ്‍മുഖം കനാല്‍ മെയിന്‍ പാലത്തിന്റെ പടിഞ്ഞാറുഭാഗത്തെ നടപ്പാലവും ചരുംന്തറ ഭാഗത്തെ നടപ്പാലവുമാണ് തകര്‍ന്നുവിണത്. നാല്‍പ്പത് വര്‍ഷത്തിലേറെ പഴക്കമുള്ള പാലമാണ് ചരുംന്തറ ഭാഗത്തെ തകര്‍ന്ന് വീണ നടപ്പാലം. 2016 ജനുവരിയിലാണ് പാലം തകര്‍ന്നുവീണത്. ആദ്യം മരപ്പാലമായിരുന്ന പാലം പിന്നിട് കോണ്‍ക്രീറ്റില്‍ പുതുക്കി പണിയുകയായിരുന്നു. എന്നാല്‍ അതിനുശേഷം യാതൊരു നിര്‍മ്മാണപ്രവര്‍ത്തനങ്ങളും നടന്നിരുന്നില്ല. ഇതിനെ തുടര്‍ന്ന് പാലത്തിലെ കൈവരികള്‍ തകരുകയും സിമന്റ് അടര്‍ന്ന് കമ്പികള്‍ പുറത്താകുകയും ചെയ്തു. പാലം അപകടത്തിലായിട്ടും യാതൊരു അറ്റകുറ്റപ്പണി നടത്താതെ അധികൃതര്‍ പാലത്തെ പൂര്‍ണമായും അവഗണിച്ചതാണ് ഈ അവസ്ഥയ്ക്ക് കാരണമെന്നാണ് നാട്ടുകാര്‍ പറയുന്നത്. ചെട്ടിയാല്‍, കാക്കാത്തുരുത്തി ഭാഗത്തുള്ളവര്‍ക്ക് പഞ്ചായത്തിലേക്കും ആശുപത്രിയിലേക്കും എത്താനുള്ള എളുപ്പമാര്‍ഗ്ഗമാണ് ഇത്. എടതിരിഞ്ഞി എച്ച്.ഡി.പി. സമാജം ഹയര്‍ സെക്കന്‍ഡറി സ്‌കൂളിലേക്കുള്ള കുട്ടികളടക്കം നിരവധിപേര്‍ ദിനംപ്രതി യാത്ര ചെയ്തിരുന്നത് ഈ പാലത്തിലൂടെയായിരുന്നു. പാലം തകര്‍ന്നതോടെ കനാലിന്റെ ഇരുവശത്തുമുള്ള ജനങ്ങള്‍ ബുദ്ധിമുട്ടിലായി. പാലം അടിയന്തിരമായി പുനര്‍നിര്‍മ്മിക്കുമെന്ന് പാലം സന്ദര്‍ശിച്ച അന്നത്തെ ഗവ. ചീഫ് വിപ്പ് തോമസ് ഉണ്ണിയാടന്‍ പറഞ്ഞിരുന്നു. ഇതിനുവേണ്ട എസ്റ്റിമേറ്റും അധികൃതര്‍ തയ്യാറാക്കിയിരുന്നു. എന്നില്‍ പിന്നിട് യാതൊരു നടപടിയും ഉണ്ടായില്ല. പാലങ്ങള്‍ പുനര്‍ നിര്‍മ്മിക്കണമെന്ന് ആവശ്യപ്പെട്ട് സര്‍ക്കാറിന് നിവേദനം നല്‍കിയിട്ടുണ്ടെന്ന് പടിയൂര്‍ ഗ്രാമപഞ്ചായത്ത് പ്രസിഡന്റ് കെ.സി. ബിജു പറഞ്ഞു. ഷണ്‍മുഖം കനാല്‍ രണ്ടാംഘട്ട നവീകരണ പ്രവര്‍ത്തനങ്ങള്‍ക്കൊപ്പം ഈ പാലങ്ങളും പുനര്‍നിര്‍മ്മിക്കണമെന്നാണ് ജനങ്ങളുടെ ആവശ്യം. ഈ പാലങ്ങള്‍ പുനര്‍ നിര്‍മ്മിച്ചാല്‍ സര്‍ക്കാറിന്റെ ടൂറിസം പാക്കേജ് തടസ്സങ്ങളില്ലാതെ നടപ്പിലാക്കാന്‍ സാധിക്കുമെന്നും ബിജു കൂട്ടിച്ചേര്‍ത്തു.
Advertisement
ഠാണ-ബസ് സ്റ്റാന്റ് റോഡില്‍ അനധികൃത കൈയേറ്റങ്ങള്‍ തുടരുന്നു
ഇരിങ്ങാലക്കുട : ഠാണ- ബസ് സ്റ്റാന്റ് റോഡില്‍ അനധികൃത കൈയേറ്റങ്ങള്‍ തുടര്‍കഥയാകുന്നു.ആല്‍ത്തറയ്ക്ക് സമീപം പുതിയതായി പ്രവര്‍ത്തനം ആരംഭിക്കാനിരിക്കുന്ന വസ്ത്രശാലയ്ക്ക് മുന്‍വശത്താണ് റോഡിലേക്കിറക്കി നിര്‍മ്മാണപ്രവര്‍ത്തനം നടത്തുന്നത്.ഈ റോഡില്‍ നവീകരണപ്രവര്‍ത്തനങ്ങള്‍ക്ക് ശേഷം നിരവധി സ്ഥാപനങ്ങളും സ്വകാര്യ വ്യക്തികളും അനധികൃത നിര്‍മ്മാണങ്ങള്‍ നടത്തിയത് പൊളിയ്ക്കുവാനായി പൊതുമരാമത്തും വകുപ്പും നഗരസഭയും തര്‍ക്കത്തില്‍ ഏര്‍പെടുകയും ഒടുവിലായി പൊതുമരാമത്തും വകുപ്പ് ഉടമസ്ഥരോട് ഏഴ് ദിവസത്തിനകം സ്വമേധ്വയ പൊളിച്ച് നീക്കിയില്ലെങ്കില്‍ അധികൃതര്‍ നിയമനടപടി സ്വീകരിക്കുമെന്ന് നോട്ടീസ് നല്‍കിയിരുന്നു.ഈയൊരു സാഹചര്യത്തിലാണ് ഏകദേശം 15 അടിയോളം നീളത്തില്‍ നഗരമദ്ധ്യത്തിലെ കൈയേറ്റം.പ്രതൃകവൃക്ഷമായ ആല്‍ റോഡില്‍ സ്ഥിതിചെയ്യുന്നതിനാലും തകര്‍ന്ന് കിടക്കുന്ന റോഡിനാലും ഏറ്റവും കൂടുതല്‍ ഗതാഗത കുരുക്ക് അനുഭവപെടുന്ന ആല്‍ത്തറയ്ക്ക് സമീപം സ്വകാര്യ വ്യക്തിയുടെ കൈയേറ്റം എത്രയും വേഗം പൊളിച്ച് നീക്കണമെന്നാണ് പൊതുജനാവശ്യം
Advertisement
കൂടിയാട്ടത്തെ കൂടുതല്‍ ജനകീയമാക്കണം : അശോക് കുമാര
ഇരിങ്ങാലക്കുട : ലോകപ്രസിദ്ധമായ കൂടിയാട്ടം കലാരൂപത്തെ കൂടുതല്‍ ജനകീയമാക്കണെന്ന് സംസ്‌കാര്‍ ഭാരതി അഖിലഭാരതീയ കാര്യകാരി അംഗം അശോക് കുമാര പറഞ്ഞു. കേരള സന്ദര്‍ശനത്തോടനുബന്ധിച്ച് ഇരിങ്ങാലക്കുട നടനകൈരളി സന്ദര്‍ശിച്ച് സംസാരിക്കുകയായിരുന്നു അദ്ദേഹം. ജാതിയടിസ്ഥാനത്തില്‍ കൂടിയാട്ടത്തെ ഒതുക്കാതെ കൂത്തമ്പലങ്ങളില്‍ എല്ലാവര്‍ക്കും കൂടിയാട്ടം അവതരിപ്പിക്കാന്‍ അവസരമുണ്ടാകണം. കൂടിയാട്ടം കലാകാരന്മാരെ ഗവര്‍മെന്റുകള്‍ സംരക്ഷിക്കണമെന്നും അദ്ദേഹം പറഞ്ഞു. നടനകൈരളി ഡയറക്ടര്‍ വേണുജി, നടനകൈശകി നിര്‍മ്മല പണിക്കര്‍, കപിലവേണു, കലാമണ്ഡലം നാരായണന്‍ എമ്പ്രാന്തിരി തുടങ്ങിയവര്‍ അദ്ദേഹത്തെ സ്വീകരിച്ചു. തപസ്യ സംസ്ഥാന സഹസംഘടനാസെക്രട്ടറി സി.സി.സുരേഷ്, ജില്ല സംഘടനാ സെക്രട്ടറി കെ.ഉണ്ണികൃഷ്ണന്‍, താലൂക്ക് പ്രസിഡണ്ട് പുരുഷോത്തമന്‍ ചാത്തംപിള്ളി, താലൂക്ക് സെക്രട്ടറി രഞ്ജിത്ത്മേനോന്‍, എ.എസ്.സതീശന്‍, ഇ.കെ.കേശവന്‍ തുടങ്ങിയവര്‍ അദ്ദേഹത്തോടൊപ്പം ഉണ്ടായിരുന്നു.
Advertisement
ശാന്തിനികേതന്‍ പബ്ലിക് സ്‌കൂളില്‍ അത്ലറ്റിക് മീറ്റ് 2017
ഇരിങ്ങാലക്കുട: ശാന്തിനികേതന്‍ പബ്ലിക് സ്‌കൂളിലെ” ആനുവല്‍ അത്ലറ്റിക് മീറ്റ് 2017 ”ന്റെ ഉദ്ഘാടനം ഇരിങ്ങാലക്കുട ഫസ്റ്റ് ക്ലാസ് മജിസ്ട്രേറ്റ് കെ.ജി ഉണ്ണികൃഷ്ണന്‍ നിര്‍വ്വഹിച്ചു . സ്‌കൂള്‍ ലീഡര്‍ ധനീഷ് ദേവദാസ് പ്രതിജ്ഞാ ചൊല്ലിക്കൊടുക്കുകയും മുന്‍വര്‍ഷത്തെ വ്യക്തിഗത ചമ്പ്യാന്മാരായ മുഹമ്മദ് യാസിന്‍, സൂര്യ ഗായത്രി, ഹരിനന്ദന്‍,സൂര്യനാരായണന്‍ എന്നിവര്‍ ദീപശിഖ ഏറ്റുവാങ്ങി . വിദ്യാര്‍ത്ഥി വിദ്യാര്‍ത്ഥിനികളുടെ ആവേശോജ്ജലമായ മാര്‍ച്ച് പാസ്റ്റില്‍ മജിസ്ട്രേറ്റ് കെ.ജി ഉണ്ണികൃഷ്ണന്‍ സല്യൂട്ട് സ്വീകരിച്ചു. എസ്എന്‍ ഇ എസ് ചെയര്‍മാന്‍ കെ .ആര്‍. നാരായണന്‍, പ്രിന്‍സിപ്പല്‍ ഹരീഷ് മേനോന്‍ പി.ജി, സെക്രട്ടറി എ.കെ ബിജോയ്, പ്രസിഡന്റ് എ.എ ബാലന്‍, വൈസ് ചെയര്‍മാന്‍ കെ. കെ കൃഷ്ണനാന്ദബാബു, മാനേജര്‍ എം.എസ് വിശ്വനാഥന്‍, എസ് എം സി ചെയര്‍മാന്‍ അഡ്വ . കെ.ആര്‍ അച്യുതന്‍, പി.ടി .എ .പ്രസിഡന്റ് റിമ പ്രകാശ്, പി.ടി ടീച്ചര്‍ ശോഭ പ്രദീപ് എന്നിവര്‍ സംസാരിച്ചു.
Advertisement
മലയാള മനോരമ ബാലജനസഖ്യം സംസ്ഥാന സിവല്‍ സര്‍വ്വീസ് ക്യാമ്പിലേയ്ക്ക് തിരഞ്ഞെടുക്കപ്പെട്ടവര്‍
ഇരിങ്ങാലക്കുട ; മലയാള മനോരമ ബാലജനസഖ്യത്തിന്റെ സംസ്ഥാന സിവില്‍ സര്‍വ്വിസ് ക്യാമ്പലേയ്ക്ക് ഇരിങ്ങാലക്കുട യുണിയനില്‍ നിന്ന് തിരഞ്ഞെടുക്കപ്പെവര്‍ കെ എം അരുണിമ,എയ്ഞ്ചല്‍ ജയന്‍,ജിന്‍സി ജോസ്,കെ വി അര്‍ജ്ജുന്‍,യഥുകൃഷ്ണന്‍ എന്നിവര്‍ മാതാപിതാക്കളേടൊപ്പം.ഇരിങ്ങാലക്കുട യൂണിയന്‍ രക്ഷാധികാരി തോംസണ്‍ ചിരിയന്‍ങ്കണ്ടത്ത് സമീപം
Advertisement
ഒടിഞ്ഞ കൈയുമായി മാരത്തോണ്‍ റണ്ണറപ്പായി പൊറിത്തിശേരിക്കാരന്‍ നൈജോ.
ഇരിങ്ങാലക്കുട : ഒടിഞ്ഞ കൈയ്യുമായി മാരത്തോണ്‍ മത്സരത്തില്‍ പങ്കെടുത്ത് പൊറിത്തിശേരി സ്വദേശി കണ്ടംകുളത്തി നൈജോ ജോസ് റണ്ണറപ്പായി. കൂര്‍ഗ് വെല്‍നെസ് ഫൗണ്ടേഷന്‍ സംഘടിപ്പിച്ച 21 കിലോമീറ്റര്‍ മാരത്തോണിലാണ് നൈജോ റണ്ണറപ്പായി പൊറിത്തിശ്ശേരിക്കാരുടെ അഭിമാനമായത്. മാരത്തോണ്‍ സ്വപ്നവുമായി കേരളത്തിലും പുറത്തും നടക്കുന്ന മാരത്തോണ്‍ മത്സരങ്ങളില്‍ പങ്കെടുത്തുകൊണ്ടിരിക്കുന്ന നൈജോ ഒടിഞ്ഞ കൈയ്യുമായി കൊച്ചിയില്‍ നടന്ന നേവി മാരത്തോണ്‍, 42 കിലോമീറ്റര്‍ ദൈര്‍ഘ്യമുള്ള കൊച്ചി സ്പൈക്കോസ്റ്റ് മാരത്തോണ്‍ എന്നിവയില്‍ മത്സരിച്ച് സമ്മാനം നേടിയിരുന്നു. ഇതിനോടകം ഈ വര്‍ഷം 15 ഓളം മാരത്തോണുകളില്‍ നൈജോ പങ്കെടുത്തു കഴിഞ്ഞു. ഇരിങ്ങാലക്കുട സ്പോര്‍്ട്ടിംഗ് ക്ലബ് സെക്രട്ടറി കൂടിയാണ് നൈജോ. പൊറിത്തിശേരി വീവന്‍ നഗര്‍ പടിഞ്ഞാട്ടുമുറി സ്വദേശിയാണ് നൈജോ.
Advertisement
നമ്പ്യാങ്കാവ് ക്ഷേത്രത്തിലെ പത്താമുദയ മഹോത്സവം ഡിസംബര്‍ 18 മുതല്‍ 25 വരെ
മാപ്രാണം : കൊച്ചിന്‍ ദേവസ്വം ബോര്‍ഡ് കുഴികാട്ടുകോണം ശ്രീ നമ്പ്യാങ്കാവ് ക്ഷേത്രത്തിലെ പത്താമുദയ മഹോത്സവം 2017 ഡിസംബര്‍ 18 തിങ്കളാഴ്ച കൊടികയറി 24 ഞായറാഴ്ച പള്ളിവേട്ട,25 തിങ്കളാഴ്ച ആറാട്ട് തുടങ്ങിയ വിപുലമായ ചടങ്ങുകളോടെ ആഘോഷിക്കുമെന്നു ഭാരവാഹികള്‍ പത്രസമ്മേളനത്തില്‍ അറിയിച്ചു. ഡിസംബര്‍ 19ന് കൊടിപ്പുറത്ത് വിളക്ക് ,ശീവേലി,ചുറ്റുവിളക്ക്,വിളക്കെഴുന്നള്ളിപ്പ്,20ന് ശിവേലി,21ന് ഹരിശ്രി സ്‌കൂള്‍ ഓഫ് ആര്‍ട്ട്‌സ് അവതരിപ്പിക്കുന്ന നൃത്തനൃത്തങ്ങള്‍.22ന് ചാന്ദിനി സലീഷ് & പാര്‍ട്ടി അവതരിപ്പിക്കുന്ന നൃത്തസന്ധ്യ.23ന് വലിയവിളക്ക് പ്രദേശിക കലാപരിപാടികള്‍,24ന് പള്ളിവേട്ട ,അന്നദാനം ,രാജേഷ് തമ്പൂരു അവതരിപ്പിക്കുന്ന നേരംമ്പോക്ക്,25ന് ആറാട്ട് നാടകം ലക്ഷ്മി അഥവാ അരങ്ങിലെ അനാര്‍ക്കലി.
Advertisement
ഡി.വൈ.എഫ്.ഐ മാനവിക സദസ്സ് സംഘടിപ്പിച്ചു.
ഇരിങ്ങാലക്കുട : ഭാരതത്തിന്റെ മതേതര പാരമ്പര്യത്തിന് മുറിവേല്‍പ്പിച്ച് ബാബ്‌റി മസ്ജിദ് തകര്‍ത്ത് ഇരുപത്തിയഞ്ച് വര്‍ഷം തികയുന്ന ഘട്ടത്തില്‍ രാജ്യത്ത് ന്യൂനപക്ഷങ്ങളോടും, ദളിത് വിഭാഗങ്ങളോടുമുള്ള അസഹിഷ്ണുതയും, ഹൈന്ദവ ഫാസിസവും ശക്തിപ്പെടുന്നതിനെതിരെ ജനകീയപ്രതിരോധം തീര്‍ത്ത് ഡി.വൈ.എഫ്.ഐ മാപ്രാണം മേഖലാ കമ്മിറ്റിയുടെ ആഭിമുഖ്യത്തില്‍ റാലിയും തുടര്‍ന്ന് ‘മതവിദ്വേഷത്തിനെതിരെ മാനവിക സദസ്സും’ സംഘടിപ്പിച്ചു. സി.പി.ഐ(എം) ജില്ലാ സെക്രട്ടേറിയറ്റ് അംഗവും, കേരള കര്‍ഷകസംഘം ജില്ലാ സെക്രട്ടറിയുമായ പി.കെ.ഡേവിസ് മാസ്റ്റര്‍ സദസ്സ് ഉദ്ഘാടനം ചെയ്തു.ഡി.വൈ.എഫ്.ഐ. മേഖലാ സെക്രട്ടറി കെ.എന്‍.ഷാഹിര്‍ അദ്ധ്യക്ഷത വഹിച്ചു.എം.ബി.രാജുമാസ്റ്റര്‍, ആര്‍.എല്‍.ശ്രീലാല്‍, കെ.ശ്രീയേഷ്, വിഷ്ണുപ്രഭാകരന്‍, മായ മഹേഷ്, സനീഷ്.എം.എസ്, എന്‍.എം.സനോജ്, പി.എം.അജിത്കുമാര്‍ തുടങ്ങിയവര്‍ പ്രസംഗിച്ചു. ബിജി അജയകുമാര്‍ സ്വാഗതവും, ബിജി അജയകുമാര്‍ നന്ദിയും പറഞ്ഞു.
Advertisement
തെക്കനച്ചന്റെ ഓര്‍മ്മയില്‍ ഹിഗ്വിറ്റ ക്രൈസ്റ്റിലെ അരങ്ങില്‍ തിമിര്‍ത്താടി.
ഇരിഞ്ഞാലക്കുട : കുട്ടിക്കാലത്ത് ഒല്ലൂരില്‍ സെവന്‍സ് ഫുട്‌ബോള്‍ കളിച്ചിരുന്ന ഗീവര്‍ഗ്ഗീസ്, ദില്ലിയില്‍ കൊളംബിയന്‍ ഗോളി ഹിഗ്വിറ്റയായി പകര്‍ന്നാടി പെണ്ണുപിടിയനായ ജബ്ബാറിനെ മലര്‍ത്തിയടിക്കുമ്പോള്‍ മാനം രക്ഷപെട്ട ലൂസി മരണ്ടിയെ തുണച്ച് ക്രൈസ്റ്റ്കാമ്പസ്സില്‍ തിങ്ങിനിറഞ്ഞ പ്രേക്ഷകര്‍ ഹര്‍ഷാരവം മുഴക്കി. ബീഹാറില്‍നിന്ന് ദില്ലിയിലേക്ക് കുടിയേറിയ ആദിവാസിപ്പെണ്ണായ ലൂസിയെ രക്ഷിക്കാന്‍ മറ്റുമാര്‍ഗ്ഗം ഇല്ലാഞ്ഞ് ഗീവര്‍ഗ്ഗീസച്ചന്‍ ഹിഗ്വിറ്റയെപ്പോലെ കളം മാറിക്കളിക്കുകയായിരുന്നു. ഫുട്‌ബോളിന്റെ അവതരണഭാഷ അരങ്ങിന്റെ ഭാഷയായി പരിണമിച്ചപ്പോള്‍ ക്രൈസ്റ്റ്‌കോളേജിലെ തുറവേദിയില്‍ നാടകം കാണാനെത്തിയവര്‍ക്ക് വ്യത്യസ്തമായ അനുഭവമായി.ഫുട്‌ബോളിനെയും നാടകത്തെയും ഒരുപോലെ സ്‌നേഹിച്ച ക്രൈസ്റ്റ് കോളേജ് മുന്‍ പ്രിന്‍സിപ്പല്‍ ഫാ.ജോസ് തെക്കന്റെ ഓര്‍മ്മയ്ക്കായി ആഗോള പൂര്‍വ്വവിദ്യാര്‍ത്ഥി നാടകക്കൂട്ടായ്മയും കോളേജ് യൂണിയനും ക്രൈസ്റ്റ് കോളേജും ചേര്‍ന്നാണ് എന്‍.എസ്.മാധവന്റെ പ്രശസ്ത ചെറുകഥ അതേപേരില്‍ നാടകരൂപത്തില്‍ അവതരിപ്പിച്ചത്.ശനിയാഴ്ചയും വൈകീട്ട് നാടകം അവതരിപ്പിക്കും. ഗീവര്‍ഗ്ഗീസച്ചനായി രംഗത്തുവന്ന പി.ആര്‍.ജിജോയ് , ജബ്ബാര്‍ ആയി അഭിനയിച്ച പി.മണികണ്ഠന്‍, ലൂസി ആയി അഭിനയിച്ച അര്‍ച്ചന വാസുദേവ,് ഗീവര്‍ഗ്ഗീസിന്റെ കുട്ടിക്കാലം അഭിനയിച്ച കൃഷ്ണനുണ്ണി,തുടങ്ങിയവര്‍ മികച്ച അഭിനയം കാഴ്ചവച്ചു.പലതരം കളങ്ങളില്‍ ജീവിതം ഒതുക്കപ്പെടുന്ന സമകാലിക അവസ്ഥയില്‍ സമൂഹത്തില്‍ ശക്തമായ ഇടപെടലുകള്‍ അനിവാര്യമാണ് എന്ന സന്ദേശമാണ് എന്‍.എസ്.മാധവന്റെ ചെറുകഥയുടെ രംഗാവിഷ്‌ക്കാരം മുന്നോട്ടുവയ്ക്കുത് എന്ന് നേരത്തെ നടന്ന ഉദ്ഘാടനസമ്മേളനം വിലയിരുത്തി. പ്രൊഫ.കെ.യു. അരുണന്‍, എം.എല്‍.എ.നഗരസഭ അദ്ധ്യക്ഷ നിമ്യ ഷിജു, നാടകം സംവിധാനം ചെയ്ത ശശിധരന്‍ നടുവില്‍,സിനിമാസംവിധായകന്‍ പ്രിയനന്ദനന്‍, സിനിമാതാരങ്ങളായ സുധീര്‍ കരമന, ജയശ്രീ ശിവദാസ്, തിരക്കഥാകൃത്ത് ബിപിന്‍ ചന്ദ്ര, ക്രൈസ്റ്റ് കോളേജ് പ്രിന്‍സിപ്പല്‍ ഇന്‍ ചാര്‍ജ്ജ് ഡോ.മാത്യു പോള്‍ ഊക്കന്‍, സെന്റ് ജോസഫ്‌സ് കോളേജ് പ്രിന്‍സിപ്പല്‍ ഡോ.ക്രിസ്റ്റി, ക്രൈസ്റ്റ് കോളേജ് വൈസ് പ്രിന്‍സിപ്പല്‍മാരായ പ്രൊഫ.വി.പി.ആന്റോ, ഫാ.ജോയി പീനിക്കാപറമ്പില്‍, ഫാ.ജോളി ആന്‍ഡ്രൂസ്, പി.ആര്‍.ഒ. പ്രൊഫ.സെബാസ്റ്റ്യന്‍ ജോസഫ്, വാര്‍ഡ് മെമ്പര്‍ ഫിലോമിന ജോയി, യൂണിയന്‍ ചെയര്‍മാന്‍ വിനയ് മോഹന്‍, ജെയ്‌സ പാറേക്കാടന്‍, ബാബു എന്‍.എല്‍, അഡ്വ.ലിസ വി.പി. എന്നിവര്‍ സംസാരിച്ചു.
Advertisement
നെല്‍വയല്‍ മണ്ണിട്ടു നികത്തുന്നത് എഐവൈഎഫ് തടഞ്ഞു.
കാട്ടൂര്‍ ; തേക്കുംമൂല തെക്കുംപാടത്ത് സ്വകാര്യവ്യക്തി നെല്‍വയല്‍ മണ്ണിട്ടു നികത്തുന്നത് എഐവൈഎഫ് പ്രവര്‍ത്തകരുടെ ഇടപെടല്‍ മൂലം നിര്‍ത്തിവെച്ചു.ഏകദേശം ഒന്നര ഏക്കറോളം വരുന്ന ഭൂമിയുടെ പകുതിയോളം വരുന്ന ഭാഗമാണ് ഇക്കഴിഞ്ഞ ശനി, ഞായര്‍ ദിവസങ്ങളിലായി നികത്തിയത്. എഐവൈഎഫ് പ്രവര്‍ത്തകര്‍ നല്‍കിയ വിവരത്തിന്റെ അടിസ്ഥാനത്തില്‍ വില്ലേജ് ഓഫീസര്‍ പ്രവര്‍ത്തനം നിര്‍ത്തി വെയ്ക്കുന്നതിനുള്ള സ്റ്റോപ്പ് മെമ്മോ നല്‍കുകയും ചെയ്തു.എഐവൈഎഫ് പഞ്ചായത്ത് സെക്രട്ടറിയും ആരോഗ്യ വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാനുമായ സ: ടി.കെ.രമേഷ്, പ്രസിഡണ്ട് രാംകുമാര്‍, കെ.എ.പ്രദീപ്,നികേഷ്,സുജിത്ത്, സുരാജ്, ജോജോ തട്ടില്‍ തുടങ്ങിയവരുടെ നേതൃത്വത്തില്‍ നികത്തിയ ഭൂമിയില്‍ എഐവൈഎഫിന്റെ കൊടി നാട്ടുകയും ചെയ്തു.കൃഷി മന്ത്രി, റവന്യൂമന്ത്രി, ജില്ല കളക്ടര്‍, ആര്‍ഡിഒ തുടങ്ങിയവര്‍ക്ക് പരാതി നല്‍കുവാന്‍ എഐവൈഎഫ് പഞ്ചായത്ത് കമ്മിറ്റി തീരുമാനിച്ചു.
Advertisement
നിയന്ത്രണം വിട്ട കാര്‍ ഇലട്രിക്‌പോസ്റ്റ് തകര്‍ത്ത് കടയിലേയ്ക്ക് ഇടിച്ച്കയറി
ഇരിങ്ങാലക്കുട : കാട്ടുങ്ങച്ചിറ ലിസി കോളേജിന് സമീപം ഉച്ചതിരിഞ്ഞ് 5 മണിയോടെയായിരുന്നു അപകടം.തൃശൂര്‍ ഭാഗത്ത് നിന്ന് വരുകയായിരുന്ന പോട്ട സ്വദേശി സൗറില്‍ ഓടിച്ചിരുന്ന കാറാണ് അപകടത്തില്‍പെട്ടത്.ഇരുചക്ര വാഹനത്തേ മറികടക്കുന്നതിനിടെ നിയന്ത്രണം നഷ്ടപെട്ട കാറ് റോഡരികിലെ ഇലട്രിക് പോസ്റ്റും സമീപത്തേ ഹോട്ടലിന്റെ മുന്‍വശവും തകര്‍ത്ത് തെട്ടടുത്ത കമ്പിവേലിയില്‍ ഇടിച്ച് നില്‍ക്കുകയായിരുന്നു.സൗറിന്റെ ഭാര്യമാതാവും കാറില്‍ ഉണ്ടായിരുന്നു.പരിക്കേറ്റ ഇരുവരെയും ഇരിങ്ങാലക്കുട സഹകരണ ആശുപത്രിയില്‍ പ്രവേശിപ്പിച്ചു.
Advertisement
ആദീത്തിന്റെ അമരത്വം അനാവരണം ചെയ്ത ‘ദൈവം മോഹിച്ച പുഷ്പം’ പ്രകാശിതമായി.
ഇരിങ്ങാലക്കുട ; അപകടത്തില്‍പെട്ട് മസ്തിഷ്‌ക മരണം സംഭവിച്ച ഡോണ്‍ ബോസ്‌കോ ഹൈസ്‌കൂളിലെ 7-ാം ക്ലാസ് വിദ്യാര്‍ത്ഥിയായിരുന്ന ആദിത്ത് അവയവദാന രംഗത്ത് സൃഷ്ടിച്ച പുതുവിപ്ലവത്തിന്റെ വേദനയുടെയും മാതൃകയുടെയും ചിത്രം അനാവരണം ചെയ്യുന്ന സ്വന്തം പിതാവിന്റെ ഹൃദയരക്തത്തിലെഴുതിയ ‘ ദൈവം മോഹിച്ച പുഷ്പം ‘ എന്ന പുസ്തകം കിഡ്‌നി ഫെഡറേഷന്‍ ചെയര്‍മാന്‍ ഫാ.ഡേവീസ് ചിറമ്മേല്‍ പ്രകാശനം നിര്‍വഹിച്ചു.ആകാശത്തോളം ഉയര്‍ന്ന് രാജാതിര്‍ത്ഥികളും കടന്ന് വിശ്വത്തിന് മാതൃക കാണിച്ച ആദിത്തിന്റെ അവയവദാനം ചങ്ക് പൊട്ടുന്ന വേദനയിലും അപരനില്‍ ദൈവത്തേ ദര്‍ശിച്ച മാതാപിതാക്കളുടെയും സുഹ്യത്തുകളുടെയും അനുഭവസാക്ഷ്യമാണ് പുസ്തകത്തിലൂടെ അനാവരണം ചെയ്തിരിക്കുന്നത്.ഡോണ്‍ ബോസ്‌കോ സ്‌കൂള്‍ പ്രിന്‍സിപ്പാള്‍ ഫാ.മനു പീടികയില്‍ ആദ്യപ്രതി ഏറ്റുവാങ്ങി.ചടങ്ങില്‍ കാത്തലിക്ക് സെന്റര്‍ അഡ്മിന്‍സ്രേറ്റര്‍ ഫാ.ജോണ്‍ പാലിയേക്കര അദ്ധ്യക്ഷത വഹിച്ചു.കിഡ്‌നി രോഗികള്‍ക്കുള്ള ധനസഹായം സെന്റ് മേരീസ് ചര്‍ച്ച് ചേലൂര്‍ വികാരി ഫാ.ആന്റണി മുക്കാട്ടുക്കരയും കേരള സഭ എഡിറ്റര്‍ ഫാ.വിന്‍സെന്റ് ഈരത്തറയും ഡയാലിസിസിനുള്ള തുക പോള്‍സണ്‍ കല്ലുക്കാരനും വിതരണം ചെയ്തു.ആദിത്ത് ഫൗണ്ടേഷനുള്ള മൂലധനം ബിജോയ് അനന്തത്തുപറമ്പില്‍ കാത്തലിക്ക് സെന്റര്‍ ചെയര്‍മാന്‍ ഫാ.ജേക്കബ്ബ് ഞെരിഞ്ഞാംപിള്ളിയ്ക്ക് കൈമാറി.പുസ്തക രൂപികരണത്തിന് നേതൃത്വം നല്‍കിയ പ്രതാപ് സിങ്ങ്,ബാബു കുവ്വക്കാടന്‍ എന്നിവരെ ചടങ്ങില്‍ ആദരിച്ചു.ചാവറ ഫാമിലി ഫോറം പ്രസിഡന്റ് സെബാസ്റ്റ്യന്‍ മാളിയേക്കല്‍ സ്വാഗതം പറഞ്ഞ ചടങ്ങില്‍ സെക്രട്ടറി ലിയോണ്‍സ് പോള്‍ റിപ്പോര്‍ട്ട് അവതരിപ്പിക്കുകയും ജ്യോതിസ് കോളേജ് ഡയറക്ടര്‍ ജോസ് ജെ ചിറ്റിലപ്പിള്ളി നന്ദിയും പറഞ്ഞു.
Advertisement
കാന്‍സര്‍ പ്രതിരോധത്തിന് ഗ്രാമ-ബ്ലോക്ക് പഞ്ചായത്തുകളുടെ ‘നാളം’ പദ്ധതിക്ക് തുടക്കമായി
ഇരിങ്ങാലക്കുട: കാന്‍സര്‍ രോഗത്തെ പ്രതിരോധിക്കാന്‍ ‘നാളം’ പദ്ധതിയുമായി ഗ്രാമ-ബ്ലോക്ക് പഞ്ചായത്തുകള്‍. തിരുവനന്തപുരം ആര്‍സിസിയുടെ സഹകരണത്തോടെ ഇരിങ്ങാലക്കുട ബ്ലോക്ക് പഞ്ചായത്തും മുരിയാട് ഗ്രാമപഞ്ചായത്തും സംയുക്തമായാണ് പദ്ധതി നടപ്പിലാക്കുന്നത്. പ്രൊഫ.കെ.യു. അരുണന്‍ എം എല്‍ എ ഉദ്ഘാടനം ചെയ്തു.മുരിയാട് പഞ്ചായത്ത് പ്രസിഡന്റ് സരള വിക്രമന്‍ അധ്യക്ഷത വഹിച്ചു.ബ്ലോക്ക് പഞ്ചായത്ത് വൈസ് പ്രസിഡന്റ് നളിനി ബാലകൃഷ്ണന്‍, ആരോഗ്യ വിദ്യാഭ്യാസ സ്ഥിരം സമിതി അധ്യക്ഷ വനജ ജയന്‍, മുരിയാട് പഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷ മോളി ജേക്കബ്, വികസന കാര്യ സ്ഥിരം സമിതി അധ്യക്ഷ അജിത രാജന്‍, അംഗങ്ങളായ മിനി സത്യന്‍, തോമസ് തത്തംപിള്ളി, തോമസ് തൊകലത്ത്, അംബുജ രാജന്‍, മല്ലിക ചാത്തുക്കുട്ടി, ഏ.എം.ജോണ്‍സന്‍ എന്നിവര്‍ പ്രസംഗിച്ചു.നേരത്തെ പദ്ധതിയുടെ ഭാഗമായി സര്‍വെ, ഗൃഹസന്ദര്‍ശനം എന്നിവ നടന്നു.ആരോഗ്യ പ്രവര്‍ത്തകര്‍, കുടുംബശ്രീ അംഗങ്ങള്‍, വിവിധ സ്ഥാപനങ്ങള്‍, സന്നദ്ധ പ്രവര്‍ത്തകര്‍ എന്നിവര്‍ നേതൃത്വം നല്‍കി.
Advertisement
ഓഖി ദുരിതബാധിതര്‍ക്ക് ക്രൈസ്റ്റ് തിരുനാള്‍ കമ്മിറ്റിയുടെ സാന്ത്വന സ്പര്‍ശം
ഇരിങ്ങാലക്കുട ; ക്രൈസ്റ്റ് ദേവാലയ തിരുനാള്‍ കമ്മിറ്റിയുടെ നേതൃത്വത്തില്‍ തിരുനാളിനു സ്വരൂപിച്ച ഫണ്ടില്‍ നിന്നും, ഓഖി ദുരിതബാധിതരായ മത്സ്യതൊഴിലാളികളുടെ കുടുംബങ്ങള്‍ക്ക് സാമ്പത്തിക സഹായം വിതരണം ചെയ്തു. പൂര്‍ണ്ണമായും വീടുകള്‍ നഷ്ടപ്പെട്ട്, അഴിക്കോടും ഏറിയാടുമുള്ള ദുരിതാശ്വാസ ക്യാമ്പുകളില്‍ കഴിയുന്ന 13 കുടുംബങ്ങളെ നേരില്‍ കണ്ട് വിഷമതകള്‍ മനസിലാക്കുകയും ഓരോ കുടുംബത്തിനും നാലായിരം ഉറുപ്പിക വീതം സഹായധനം വിതരണം നടത്തി. തദവസരത്തില്‍ ക്രൈസ്റ്റ് ആശ്രാമാധിപന്‍ റവ.ഫാ.ജെയ്ക്കബ് ഞെരിഞ്ഞംബിള്ളി, ചര്‍ച്ച് ഇന്‍ ചാര്‍ജ് റവ.ഫാ.സണ്ണി പുന്നേലിപറമ്പില്‍, മാര്‍ തോമ ആശ്രാമാധി പന്‍ റവ.ഫാ.ആന്റണി വേലത്തി പറമ്പില്‍, അഴിക്കോട് വില്ലേജ് ഓഫീസര്‍ റസിയ.കെ.എ. അഴിക്കോട് 20-ാം വാര്‍ഡ് പഞ്ചായത്ത് മെമ്പര്‍ ഫാത്തിമ ഷെരീഫ് ,തിരുന്നാള്‍ കമ്മിററിയംഗങ്ങളായ സിജു യോഹന്നാന്‍ ,ജെയ്‌സണ്‍ പാറേക്കാടന്‍.ജിമ്മി മാവേലി, ജോണി കണ്ടംകുളത്തി,വര്‍ഗീസ് തൊമ്മാന,ജോയ് നെയ്യന്‍ തുടങ്ങിയവര്‍ സന്നിഹിതരായിരുന്നു.
Advertisement
ഒടുവില്‍ തീരുമാനമായി ഠാണ- ബസ് സ്റ്റാന്റ് റോഡിലേയ്ക്ക് ഇറക്കിയുള്ള കോണ്‍ക്രീറ്റിങ്ങ് പൊളിച്ചുനീക്കുമെന്ന് പി.ഡബ്ല്യു.ഡി.
ഇരിങ്ങാലക്കുട : ഏറെ തര്‍ക്കങ്ങള്‍ക്കിട നല്‍കിയ ഠാണ- ബസ് സ്റ്റാന്റ് റോഡ് വികസനത്തിന്റെ ഭാഗമായി വീതികൂട്ടിയ റോഡിലേക്ക് സമീപവാസികള്‍ ഇറക്കി കോണ്‍ക്രീറ്റിങ്ങ് നടത്തിയത് പൊളിച്ചുനീക്കുമെന്ന് പി.ഡബ്ലൂ.ഡി വ്യക്തമാക്കി. ഇതിന്റെ ആദ്യപടിയായി വെള്ളിയാഴ്ച റോഡിലേക്ക് ഇറക്കി നിര്‍മ്മാണപ്രവര്‍ത്തനങ്ങള്‍ നടത്തിയ വീടുകളേയും സ്ഥാപനങ്ങളേയും ഇക്കാര്യം അറിയിക്കും. അവര്‍ പൊളിച്ചുമാറ്റിയില്ലെങ്കില്‍ അടുത്തയാഴ്ച പി.ഡബ്ല്യൂ.ഡി. അനധികൃത ഈ നിര്‍മ്മാണപ്രവര്‍ത്തനങ്ങള്‍ പൊളിച്ചുനീക്കുമെന്ന് ഉദ്യോഗസ്ഥര്‍ പറഞ്ഞു. അടുത്തയാഴ്ച റോഡ് മാര്‍ക്കിങ്ങ് നടക്കുന്നതോടൊപ്പം ഇക്കാര്യങ്ങളും നടപ്പിലാക്കാനാണ് തീരുമാനമെന്നും അവര്‍ വ്യക്തമാക്കി. നേരത്തെ മുകുന്ദപുരം താലൂക്ക് വികസന സമിതിയും പി.ഡബ്ല്യൂ.ഡിയും അനധികൃത നിര്‍മ്മാണങ്ങള്‍ പൊളിച്ചുമാറ്റാന്‍ നഗരസഭയോട് ആവശ്യപ്പെട്ടിരുന്നെങ്കിലും നടപടി ഉണ്ടാകാത്ത സാഹചര്യത്തിലാണ് ഇത്. ലക്ഷങ്ങള്‍ ചിലവഴിച്ച് പി.ഡബ്ല്യൂ.ഡി വീതി കൂട്ടി കോണ്‍ക്രീറ്റിങ്ങ് നടത്തിയ റോഡിലേയ്ക്കാണ് ഇരുവശത്തുമുള്ള ഉയര്‍ന്ന ഫുട്പാത്തില്‍ നിന്ന് റോഡിലേയ്ക്കിറങ്ങുന്നതിനായാണ് സമീപത്തെ വ്യാപാര സ്ഥാപനങ്ങളും സ്വകാര്യ വ്യക്തികളും കോണ്‍ക്രീറ്റിങ്ങ് നടത്തിയിരിക്കുന്നത്. എന്നാല്‍ അനധികൃത നിര്‍മ്മാണങ്ങള്‍ക്കെതിരെ ആക്ഷേപമുയര്‍ന്നീട്ടും നഗരസഭയും പി.ഡബ്ല്യൂ.ഡി.യും നടപടിയെടുക്കാന്‍ തയ്യാറാകാതെ പരസ്പരം കുറ്റപ്പെടുത്തുകയായിരുന്നു.ഫുട്പാത്തിന്റെ ഉയരം കുറച്ച് റോഡിനോട് സമമാക്കുന്ന തരത്തില്‍ നിര്‍മ്മാണം നടത്തുന്നത് പദ്ധതി തയ്യാറാക്കുമെന്നും അത് വരെ നഗരസഭയുടെ പെര്‍മിഷനോട് കൂടി താല്‍ക്കാലിക നിര്‍മ്മിതികള്‍ സ്ഥാപിക്കുവാനും പി.ഡബ്ല്യൂ.ഡി.പ്രദേശവാസികളോട് ആവശ്യപെട്ടു. നടപടിയെടുക്കാതെ ഇരുകൂട്ടരും കൈയ്യൊഴിഞ്ഞ സാഹചര്യത്തിലാണ് നഗരസഭയോട് കര്‍ശന നടപടിയെടുക്കാന്‍ വികസന സമിതി ആവശ്യപ്പെട്ടത്. എന്നാല്‍ കൗണ്‍സില്‍ യോഗത്തില്‍ അടക്കം നടന്ന ചര്‍ച്ചയ്ക്ക് ശേഷം പി.ഡബ്ല്യൂ.ഡി. തന്നെ നടപടിയെടുക്കണമെന്ന നിലപാടിലായിരുന്നു നഗരസഭ.
Advertisement
ഊര്‍ജ്ജസംരക്ഷണ സന്ദേശ റാലി നടത്തി
ഇരിങ്ങാലക്കുട : ഊര്‍ജ്ജ സംരക്ഷണത്തിന്റെ ആവശ്യകതയും പ്രാധാന്യത്തെയും പൊതുജനങ്ങളില്‍ ബോധവല്‍കരിക്കുന്നതിനായി ഇരിങ്ങാലക്കുട ഊര്‍ജ്ജസംരക്ഷണ സന്ദേശ റാലി നടത്തി.കേന്ദ്ര-സംസ്ഥന സര്‍ക്കാരുകളുടെ ഊര്‍ജ്ജ സംരക്ഷണ പ്രവര്‍ത്തനങ്ങള്‍ നടപ്പിലാക്കുന്നതിന്റെ ഭാഗമായി രൂപികരിക്കപ്പെട്ട എനര്‍ജി മാനേജ്‌മെന്റ് സെന്റര്‍ നടപ്പിലാക്കുന്ന ഊര്‍ജ്ജകിരണ്‍ പദ്ധതിയോടനുബദ്ധിച്ചാണ് ഊര്‍ജ്ജസംരക്ഷണ സന്ദേശ റാലി സംഘടിപ്പിച്ചത്.ഇരിങ്ങാലക്കുട നഗരസഭയില്‍ ഊര്‍ജ്ജകിരണ്‍ പദ്ധതിയുടെ പ്രവര്‍ത്തനങ്ങള്‍ നടപ്പിലാക്കുവാന്‍ നിയോഗിക്കപ്പെട്ട സന്നദ്ധസംഘടനയാണ് കോട്ടപ്പുറം ഇന്റഗ്രേറ്റഡ് ഡെവലപ്പ്‌മെന്റ് സൊസൈറ്റി (കിഡ്‌സ്).നഗരസഭയിലെ ഊര്‍ജ്ജസംരക്ഷണദിന പരിപാടികളുടെ ഉദ്ഘാടനം വികസനകാര്യ സ്റ്റാന്റിംങ്ങ് കമ്മിറ്റി ചെയര്‍മാന്‍ വി സി വര്‍ഗ്ഗീസ് നിര്‍വഹിച്ചു.സന്ദേശറാലി ട്രാഫിക്ക് എസ് ഐ തോമസ് വടക്കന്‍ ഫ്‌ളാഗ് ഓഫ് ചെയ്തു.നഗരസഭ സെക്രട്ടറി ഓ എന്‍ അജിത്ത്,സി ഡി എസ് ചെയര്‍പേഴ്‌സണ്‍ ലതാ സുധാകരന്‍,കൗണ്‍സിലര്‍ അല്‍ഫോണ്‍സ തോമസ് തുടങ്ങിയവര്‍ ആശംസകള്‍ അര്‍പ്പിച്ച് സംസാരിച്ചു.100 ഓളം പേര്‍ റാലിയില്‍ പങ്കെടുത്തു.
Advertisement
അങ്കണവാടി പണിയുന്നതില്‍ അനാസ്ഥയില്ല
പടിയൂര്‍: ഗ്രാമപഞ്ചായത്ത് 13-ാം വാര്‍ഡിലെ 110-ാം നമ്പര്‍ അങ്കണവാടി പണിയുന്നതില്‍ പഞ്ചായത്തിന് അനാസ്ഥയില്ലെന്ന് പ്രസിഡന്റ് കെ.സി ബിജു. നടപടിക്രമങ്ങള്‍ പൂര്‍ണ്ണമായും പൂര്‍ത്തികരിച്ച അങ്കണവാടിയും രണ്ട് റോഡുകളും ആരും എടുക്കാന്‍ തയ്യാറാകാത്തതിലുള്ള തടസ്സം മാത്രമാണ് ഇതിലുള്ളത്. ഇക്കാര്യത്തില്‍ ഗ്രാമപഞ്ചായത്ത് ഒരു അനാസ്ഥയും കാണിച്ചിട്ടില്ല. ദേശീയ ഗ്രാമീണ തൊഴിലുറപ്പ് പദ്ധതിയില്‍ ഉള്‍പ്പെടുത്തി ജില്ലാ പഞ്ചായത്തിന്റെ സഹായത്താലാണ് അങ്കണവാടി പണിയുന്നത്. ഇതിനായി പത്ത് ലക്ഷം രൂപ വകയിരുത്തി സാങ്കേതിക അനുമതി വാങ്ങി രണ്ടുതവണ ടെണ്ടര്‍ നല്‍കി. എന്നാല്‍ തൊഴിലുറപ്പില്‍ കുടിശ്ശിക നിലനില്‍ക്കുന്നതിനാല്‍ ടെണ്ടര്‍ എടുക്കുവാന്‍ ആരും തയ്യാറായില്ല. തുടര്‍ന്ന് സര്‍ക്കാറിന്റെ നടപടിക്രമപ്രകാരമാണ് ബ്ലോക്ക് പഞ്ചായത്തിനെ ഈ വര്‍ക്ക് ഏല്‍പ്പിച്ചത്. ബ്ലോക്കില്‍ ബന്ധപ്പെട്ട പ്രക്യൂയര്‍മെന്റ് കമ്മിറ്റി കൂടി അങ്കണവാടി ടെണ്ടര്‍ നല്‍കാന്‍ തിരുമാനിച്ചിട്ടിട്ടുണ്ടെന്നും ബിജു വാര്‍ത്താകുറിപ്പില്‍ അറിയിച്ചു.
Advertisement
