ഇരിങ്ങാലക്കുട :ഡി വൈ എഫ് ഐ അനുമോദനസദസ്സ് സംഘടിപ്പിച്ചു. ഇരിങ്ങാലക്കുട ടൗണ്‍ വെസ്റ്റ് മേഖലയിലെ പൂച്ചക്കുളം യൂണിറ്റ് SSLC,PLUSTWO, പരീക്ഷയില്‍ ഉന്നത വിജയം നേടിയ വിദ്യാര്‍ത്ഥികളെ പൂച്ചക്കുളം സെന്ററില്‍ അനുമോദിച്ചു .DYFI ഇരിങ്ങാലക്കുട ബ്ലോക്ക് പ്രസിഡന്റ് VA അനീഷ് ഉദ്ഘാടനം ചെയ്തു. DYFI ടൗണ്‍ വെസ്റ്റ് മേഖല ജോ.സെക്രട്ടറി കിരണ്‍ജോയ് സ്വാഗതം പറഞ്ഞ യോഗത്തില്‍ യൂണിറ്റ് സെക്രട്ടറി അരുണ്‍ കെ രാജ് അധ്യക്ഷത വഹിച്ചു. പരിപാടിയില്‍ പുരോഗമന പ്രസ്ഥാനത്തിന്റെ ലോക്കല്‍ സെക്രട്ടറി VN കൃഷ്ണന്കുട്ടി, കഥാകൃത് രാജേഷ് തെക്കിനിയേടത്, പുരോഗമന പ്രസ്ഥാനത്തിന്റെ പൂച്ചക്കുളം ബ്രാഞ്ച് സെക്രട്ടറി ജോയ് കോനേങ്ങാടന്‍,DYFI മേഖല സെക്രട്ടറി KKശ്രീജിത്ത്,പ്രസിഡന്റ് നിതീഷ് മോഹന്‍,ട്രഷറര്‍ AS ഷാരംഗ് തുടങ്ങിയവര്‍ അഭിവാദ്യം ചെയ്ത് സംസാരിച്ചു.. DYFI പൂച്ചക്കുളം യൂണിറ്റ് ഭാരവാഹി റിജു യോഗത്തിന് നന്ദിയും പറഞ്ഞു.തുടര്‍ന്ന് പരിസ്ഥിതി സംരക്ഷണത്തിന്റെ ഭാഗമായി വിദ്യാര്‍ത്ഥികള്‍ക്ക് വൃക്ഷതൈ വിതരണം ചെയ്തു.

ഇരിങ്ങാലക്കുട : കാര്‍ഷിക മേളകള്‍ പ്രകൃതി സ്‌നേഹവും കാര്‍ഷിക ഉത്പാദനവും വര്‍ദ്ധിപ്പിക്കുമെന്നും അത് വഴി നാടിന്റെ ചൈതന്യം കാക്കാനും ഇടയാക്കുമെന്ന് കൃഷി മന്ത്രി വി എസ് സുനില്‍കുമാര്‍ അഭിപ്രായപ്പെട്ടു.പുതുതലമുറയെ കൃഷി സംസ്‌ക്കാരത്തിലെയ്ക്ക് കൊണ്ട് വരാന്‍ ഇത്തരം മേളകള്‍ക്ക് കഴിയുമെന്നത് കൊണ്ടാണ് സര്‍ക്കാര്‍ തന്നെ ഇത്തരം മേളകള്‍ക്ക് മുന്‍കൈ എടുക്കുന്നതെന്നും അദേഹം ചൂണ്ടികാട്ടി.വിഷന്‍ ഇരിങ്ങാലക്കുടയുടെ നേതൃത്വത്തില്‍ ഇരിങ്ങാലക്കുട ടൗണ്‍ ഹാളില്‍ നടക്കുന്ന ഏഴാമത് ഞാറ്റുവേല മഹോത്സവത്തിന്റെ ഭാഗമായി പത്മിനി വയനാട് നയിക്കുന്ന ചക്ക മൂല്യവര്‍ദ്ധിത ഉത്പന്നങ്ങളില്‍ ചക്ക ബിരിയാണി,ജാപ്പനീസ് ജാക്ക് സ്വീറ്റ് ബോള്‍ എന്നിവയുടെ നിര്‍മ്മാണ പരിശീലനം വരിക്ക ചക്ക മുറിച്ച് കൊണ്ട് അദേഹം ഉദ്ഘാടനം ചെയ്തു.മുന്‍ വെള്ളാങ്കല്ലൂര്‍ ബ്ലോക്ക് പ്രസിഡന്റ് കെ സി പ്രേമരാജന്‍,പ്രൊഫ.ആര്‍ ജയറാം,സ്റ്റാന്‍ലി പി ആര്‍,ബാലകൃഷ്ണന്‍ അഞ്ചത്ത്,ടെല്‍സണ്‍ കെ പി,ഷക്കീല ടീച്ചര്‍,എം എന്‍ തമ്പാന്‍ തുടങ്ങിയവര്‍ ചടങ്ങില്‍ പങ്കെടുത്തു.ചക്ക മൂല്യവര്‍ദ്ധിത ഉല്‍പന്ന നിര്‍മ്മാണത്തിലെ അന്താരാഷ്ട്ര പരിശീലക പത്മിനി വയനാട് മന്ത്രിയെ ഓലത്തൊപ്പി അണിയിച്ച് സ്വീകരിച്ചു.പ്രദര്‍ശന നഗരിയിലെ ഭീമന്‍ പോത്ത് സുല്‍ത്താനോടും കാസര്‍ക്കോട് കുള്ളന്‍ ടിപ്പുവിനെയും സന്ദര്‍ശിച്ച് കുരുത്തോല കളരിയിലും പങ്കെടുത്ത് ചക്ക ബിരിയാണിയും കഞ്ഞിയും പുഴുക്കും കഴിച്ചാണ് മന്ത്രി പ്രദര്‍ശന നഗരിയില്‍ നിന്നും മടങ്ങിയത്.തിങ്കളാഴ്ച്ച കാലത്ത് 10 ന് വനിതാസംഗമം,11ന് തിരുവാതിരകളി,12 ന് നാടോടി നൃത്തം,12.30 ന് ഒപ്പന,ഗ്രൂപ്പ് ഡാന്‍സ്,12.45ന് പ്രച്ഛന്നവേഷം,1 മണിയ്ക്ക് ഓലമെടയല്‍,ഓലപീപ്പി,ചൂല്‍,പാളതൊപ്പി നിര്‍മ്മാണം,2 മണിയക്ക് കവിതാലാപനം,2.30ന് മോണോ ആക്റ്റ്,3 ന് ലളിതഗാനം,4 മണിയക്ക് നാടന്‍ പാട്ട് മത്സരവും ഉണ്ടായിരിക്കും.11 മണിയ്ക്ക് കൃഷി പാഠശാല,12ന് ഈറ്റ നിര്‍മ്മാണ പരിശീലനം,2മണിയ്ക്ക് വാഴപ്പഴ ഉല്‍പന്ന നിര്‍മ്മാണ പരിശീലനവും ഉണ്ടായിരിക്കും.

ഇരിങ്ങാലക്കുട : കനേഡിയന്‍ ജോബ് വീസ റെഡിയാക്കി തരാമെന്ന് കളവ് പറഞ്ഞ് വിശ്വസിപ്പിച്ച് മാപ്രാണം സ്വദേശികളായ യുവദമ്പതികളില്‍ നിന്നും 40 ലക്ഷം രൂപ തട്ടിയെടുത്ത കേസ്സില്‍ വരന്തരപ്പിള്ളി കുണ്ടായി സ്വദേശി കരീം കുളങ്ങര വീട്ടില്‍ രഞ്ജിത്ത് 27 വയസ്സ് എന്നയാളെ ഇരിങ്ങാലക്കുട സി ഐ എം കെ സുരേഷ് കുമാറും സംഘവും ചെന്നൈ എയര്‍പോര്‍ട്ടില്‍ നിന്നും അറസ്റ്റു ചെയ്തു.2016 വര്‍ഷം ഡിസംബറില്‍ ആണ് പരാതിക്കിടയായ സംഭവം ഉണ്ടായത്.
പ്രതി വിദേശ എംബസിയില്‍ ജീവനക്കാരനാണെന്നും വിവധ എംബസികളില്‍ ഉന്നതരുമായി ബന്ധമുണ്ടെന്നും മറ്റും പറഞ്ഞ് വിശ്വസിപ്പിച്ചായിരുന്നു തട്ടിപ്പ്
പരാതിയില്‍ വരന്തരപ്പിളളി പോലീസ് സ്റ്റേഷനിലാണ് ആദ്യം കേസ് റജിസ്റ്റര്‍ ചെയ്തത്.തുടര്‍ന്ന് സംഭവസ്ഥലം ഇരിങ്ങാലക്കുട പോലീസ് സ്റ്റേഷന്‍ പരിധിയില്‍ ആയതിനാല്‍ അന്വേഷണം ഇരിങ്ങാലക്കുട പോലീസിനു കൈമാറുക ആയിരുന്നു.തുടര്‍ന്ന് ഇരിങ്ങാലക്കുട DySP , CI Mk സുരേഷ് കുമാര്‍ എന്നിവരുടെ നേതൃത്തത്തില്‍ SI മാരായ KS സുശാന്ത് , തോമസ് വടക്കന്‍ ,ക്രൈം സ്‌ക്കോഡ് അംഗങ്ങളായ ASI പ്രതാപന്‍ , മുരുകേഷ് കടവത്ത് , രമേഷ് KD . അരുണ്‍ , MS വൈശാഖ് എന്നിവരടങ്ങിയ പ്രത്യേക അന്വേഷണ സംഘം രൂപീകരിക്കുകയും ചെയ്തിരുന്നു.പ്രതി വിദേശ എംബസിയില്‍ ജീവനക്കാരനാണെന്നും വിവധ എംബസികളില്‍ ഉന്നതരുമായി ബന്ധമുണ്ടെന്നും മറ്റും പറഞ്ഞ് വിശ്വസിപ്പിച്ചായിരുന്നു തട്ടിപ്പ് കാനഡയില്‍ മാസംതോറും ലക്ഷങ്ങള്‍ വേതനം ലഭിക്കുന്ന ജോലിയും , ഫാമിലി വീസ ശരിയാക്കി തരാമെന്നും പ്രതി പരാതികാരോട് പറഞ്ഞു വിശ്വസിപ്പിച്ച് പലപ്പോഴായി ഇരിങ്ങാലക്കുടയിലെ വിവിധ ബാങ്കുകളില്‍ നിന്നും പ്രതിയുടെ അകൗണ്ടിലേക്ക് പണം ട്രാന്‍സ്ഫര്‍ ചെയ്തായിരുന്നു തട്ടിപ്പു നടത്തിയത്.പണം നല്‍കി മാസങ്ങള്‍ കഴിഞ്ഞിട്ടും വീസ ലഭിക്കാതിരുന്ന മാപ്രാണത്തുള്ള ദമ്പതികള്‍ രഞ്ജിത്തിനെ കാണാനും മറ്റും ശ്രമം നടത്തിയപ്പോള്‍ പ്രതി നാട്ടില്‍ നിന്നും മുങ്ങി നടക്കുക ആയിരുന്നു.പ്രത്യേക അന്വേഷണ സംഘത്തിന്റെ അന്വേഷണത്തില്‍ ഞ്ഞെട്ടിപ്പിക്കുന്ന വിവരങ്ങളാണ് പുറത്തുവന്നത്.പ്രതി സംസ്ഥാനത്തിനകത്തും ,പുറത്തുമായി വിവിധ സ്ഥലങ്ങളില്‍ സമാന രീതിയില്‍ വീസ തട്ടിപ്പിലൂടെ കോടികള്‍ സംബാധിച്ചിട്ടുണ്ടെന്നും വെളിവായി.വിദേശത്തേക്ക് കടന്ന പ്രതിയെ പിടികൂടുന്നതിനായി ഇന്ത്യയിലെ മുഴവന്‍ എയര്‍പോര്‍ട്ടിലേക്കും പ്രത്യേക അന്യേഷണം സംഘം ‘ ലുക്ക് ഔട്ട് ‘ നോട്ടീസ് പുറപ്പെടുവിച്ചിരുന്നു. അടുത്തിടെ പ്രതിയുടെ സ്വകാര്യ ആവശ്യത്തിനായി ഇയാള്‍ നാട്ടില്‍ വരാന്‍ സാധ്യത ഉള്ളതായി അന്യേഷണ സംഘത്തിന് രഹസ്യവിവരം ലഭിച്ചിരുന്നു. കേരളത്തിലെ എയര്‍പോര്‍ട്ടില്‍ വന്നിറങ്ങിയാല്‍ പിടിയിലാവുമെന്ന സൂചന കിട്ടിയതിനാല്‍ പ്രതി ചെന്നൈ എയര്‍പോര്‍ട്ടില്‍ വന്നിറങ്ങിയതിനെ തുടര്‍ന്നാണ് പോലീസ് പിടിയിലായത്.ശ്രീലങ്കയില്‍ നിന്നുമാണ് പ്രതി ചെന്നൈ എയര്‍പോര്‍ട്ടില്‍ വന്നിറങ്ങിയത് .ചെന്നൈ എയര്‍പോര്‍ട്ടില്‍ പിടിയലായ പ്രതിയെ അവിടത്തെ ‘I B ‘ ഉദ്യോഗസ്ഥരും മണിക്കൂറുകളോളം ചോദ്യം ചെയ്തിരുന്നു.പ്രതി പരാതിക്കാരിയെ കൃത്യമമായി നിര്‍മ്മിച്ച വ്യാജ കനേഡിയന്‍ വീസ വീട്ടില്‍ കൊണ്ടുവന്ന് കാണിച്ച് വിശ്വാസം നേടുകയും ചെയ്തിരുന്നു. പ്രതിയുടെ തട്ടിപ്പിനിരയായ കണ്ണൂര്‍ ജില്ലയിലെ രണ്ടു യുവാക്കള്‍ പ്രതി വ്യാജമായി നിര്‍മ്മിച്ചു നല്‍കിയ ജോബ് വിസയുമായി കാനഡയിലേക്ക് പോവുന്നതിനായി ശ്രമം നടത്തിയപ്പോള്‍ മുംബെ എയര്‍ പോര്‍ട്ടിലെ എമിഗ്രേഷന്‍ ഉദ്യോഗസ്ഥരുടെ പിടിയിലാവുകയും മുംബെ ജയിലില്‍ മാസങ്ങളോളം തടവിലാവുകയും ചെയ്തിരുന്നു.പ്രതി സംസ്ഥാനത്തിനകത്തും പുറത്തുമായി നിരവധി യുവാക്കളെ സമാനമായ രീതിയില്‍ തട്ടിപ്പു നടത്തിയിട്ടുള്ളതായി പ്രതി പോലീസിനോട് സമ്മതിച്ചു. മാപ്രാണത്തുള്ള ദമ്പതിമാരെ രണ്ടു പ്രാവശ്യം ഇന്റര്‍വ്യൂവിന്നെന്നും പറഞ്ഞ് ജക്കാര്‍ത്തയിലേക്ക് കൊണ്ടുപോയി ആഴ്ചകളോളം താമസിപ്പിച്ച് തിരിച്ചയക്കുകയും ഉണ്ടായിട്ടുണ്ട്.പിടിയിലായ പ്രതിയുടെ പാസ്‌പോര്‍ട്ട് അടക്കമുള്ള യാത്രാരേഖകള്‍ പരിശോധിച്ചതില്‍ പ്രതി രഞ്ജിത്ത് ഫിലിപീന്‍സ് . തായ്‌ലന്റ്, ഫിജി ,വിയറ്റ്‌നാം , Uk , മലേഷ്യ , സിംഗപ്പൂര്‍ , ശ്രീലങ്ക ,ആസ്‌ട്രേലിയ , തുടങ്ങിയ രാജ്യങ്ങളില്‍ സന്ദര്‍ശിച്ചിട്ടുള്ളതായും മനസ്സിലായിട്ടുള്ളതാണ്.തട്ടിപ്പിലൂടെ ലഭിക്കുന്ന പണം ഉപയോഗിച്ച് വിദേശ രാജ്യത്തിലെ നിശാക്ലബുകളിലെ നിത്യ സന്ദര്‍ശനം നടത്തുന്നതാണ് ഇയ്യാളുടെ രീതി.വിദ്യാസമ്പനരെ കുറിച്ചുള്ള വിവരങ്ങള്‍ ഇന്റര്‍നെറ്റിലൂടെ നേടി പിടിച്ചാണ് ഇയ്യാള്‍ തട്ടിപ്പിനായി സമീപിക്കുന്നത്.
തനിക്ക് UK പാസ്‌പോര്‍ട്ടും ഉണ്ടെന്ന് പാസ്‌പോര്‍ട്ട് ശ്രീലങ്കയിലെ റൂമിലാണ് ഉള്ളതെന്നും പ്രതി പോലീസിനോട് പറഞ്ഞു.പഞ്ചാബ് സ്വദേശികളായ രണ്ടു പേരുടെ സഹായം തട്ടിപ്പിന് ഉണ്ടായെന്നു പറഞ്ഞതിനാല്‍ മറ്റുള്ള പ്രതികളെ കുറിച്ചും അന്വേഷണം നടത്തുമെന്നും പോലീസ് പറഞ്ഞു.

ഇരിങ്ങാലക്കുട: വായനാപക്ഷാചരണത്തോടനുബന്ധിച്ച് മുകുന്ദപുരം താലൂക്കിലെ അദ്ധ്യാപകര്‍, സ്‌കൂള്‍ വിദ്യാര്‍ത്ഥികള്‍,മറ്റുള്ളവര്‍ എന്നീ മൂന്ന് വിഭാഗങ്ങളിലായി അസ്വാദനക്കുറിപ്പ് രചനാമല്‍സരം സംഘടിപ്പിക്കുന്നു.മല്‍സരാര്‍ത്ഥികള്‍ക്ക് തങ്ങള്‍ വായിച്ചിട്ടുള്ള ഏത് കൃതിയെപ്പറ്റിയും എഴുതാം. ഓരോ സ്‌കൂളില്‍നിന്നും വിദ്യാര്‍ത്ഥികളുടെ രചനകളില്‍ എറ്റവും മികച്ച ഒന്ന് തെരഞ്ഞെടുത്താണു സ്‌ക്കൂള്‍ അധികൃതര്‍ മല്‍സരത്തിനയക്കേണ്ടത്.വിജയികള്‍ക്ക് ജൂലായ് 7നു ആനന്ദപുരം ശ്രീകൃഷ്ണ സ്‌കൂളില്‍ വെച്ച് നടക്കുന്ന സമാപന പരിപാടിയില്‍ സമ്മാനങ്ങല്‍ വിതരണം ചെയ്യും. രചനകള്‍ ജൂലായ് 2നകം സെക്രട്ടറി,താലൂക്ക് ലൈബ്രറി കൗണ്‍സില്‍,അയ്യങ്കാവ് മൈതാനിക്കു സമീപം,ഇരിങ്ങാലക്കുട – 680121 എന്ന വിലാസത്തില്‍ ലഭിച്ചിരിക്കണം.ഫോണ്‍:9288147061.

ഇരിങ്ങാലക്കുട: ഇരിങ്ങാലക്കുട എസ്എസ്എല്‍സി, പ്ലസ് ടു ഉന്നത വിജയം നേടിയ വിദ്യാര്‍ത്ഥികളെ എബിവിപിയുടെ ആഭിമുഖ്യത്തില്‍ അനുമോദിച്ചു. ഇരിങ്ങാലക്കുട പ്രിയ ഹാളില്‍ വച്ച് നടന്ന ചടങ്ങില്‍ ഡോ.കെ.അരവിന്ദാക്ഷന്‍ ഉദ്ഘാടനം നിര്‍വഹിച്ചു. എബിവിപി സംസ്ഥാന ജോ. സെക്രട്ടറി സിഎസ് അനുമോദ് മുഖ്യപ്രഭാഷണം നടത്തി. തപസ്യ സംസ്ഥാന സഹസംഘടന സെക്രട്ടറി സി.സി.സുരേഷ് വിദ്യാര്‍ത്ഥികള്‍ക്ക് ആശംസ നേര്‍ന്നു. സംസ്ഥാന സമിതി അംഗം കെ.പി.ലക്ഷമി പ്രിയ അദ്ധ്യക്ഷത വഹിച്ചു. ഇരിങ്ങാലക്കുട നഗര്‍ പ്രസിഡന്റ് ഗോകുല്‍ കൃഷ്ണ നന്ദി പ്രകാശിപ്പിച്ചു.

ആനന്ദപുരം:ഇരിങ്ങാലക്കുട ബ്ലോക്ക് പഞ്ചായത്തിന്റെയും സംസ്ഥാന ഗവര്‍മെന്റിന്റെയും സംയുക്താഭിമുഖ്യത്തില്‍ ആനന്ദപുരം സാമൂഹ്യാരോഗ്യ കേന്ദ്രത്തില്‍ വിദഗ്ധ പാലിയേറ്റീവ് പരിചരണ പദ്ധതിയുടെ ബ്ലോക്ക് തല ഉദ്ഘാടനം ബഹു ഇരിങ്ങാലക്കുട എം എല്‍ എ പ്രൊഫ അരുണന്‍ മാസ്റ്റര്‍ നിര്‍വ്വഹിച്ചു. വീടുകളില്‍ പോയി കിടപ്പു രോഗികളെ പരിചരിക്കുന്നതിന് ഒരു സ്റ്റാഫ് നേഴ്‌സിനേയും ഒരു ഫിസിയോ തെറാപ്പിസ്റ്റിനേയും സംസ്ഥാന ഗവ. അനുവദിച്ചിരുന്നു.അവര്‍ക്ക് കിടപ്പു രോഗികളുടെ അടുത്ത് പോകുന്നതിനുള്ള വാഹന സൗകര്യം ബ്ലോക്ക് പഞ്ചായത്തും ഏര്‍പ്പെടുത്തിയിരിക്കയാണ് രാവിലെ ആനന്ദപുരം സാമൂഹ്യാരോഗ്യകേന്ദ്രത്തില്‍ നടന്ന ചടങ്ങിന് ബ്ലോക്ക് പ്രസിഡന്റ് ശ്രീ VA മനോജ് കുമാര്‍ അധ്യക്ഷത വഹിച്ചു. ബ്ലോക്ക് ആരോഗ്യ സ്റ്റാന്റിങ്ങ് കമ്മറ്റി ചെയര്‍പേഴ്‌സണ്‍ ശ്രീമതി വനജ ജയന്‍ സ്വാഗതം പറഞ്ഞ യോഗത്തില്‍ സൂപ്രണ്ട് ഡോ രാജിവ് ശ്രീ വിമല്‍ കാട്ടൂക്കാരന്‍ എന്നിവര്‍ പദ്ധതി വിശദീകരണവും മുരിയാട് പഞ്ചായത്ത് പ്രസിഡന്റ് ശ്രീമതി സരള വിക്രമന്‍ ജി്ല്ലാ കോഡിനേറ്റര്‍ അഡ്വ മായാ ദാസ് ഡോ സതീശന്‍ എന്നിവരും ആശംസകളര്‍പ്പിച്ചു സംസാരിച്ചു. ബ്ലോക്ക് മെമ്പര്‍മാര്‍ പഞ്ചായത്ത് മെമ്പര്‍മാര്‍ ആശാ വര്‍ക്കര്‍മാര്‍ എന്നിവര്‍ പങ്കെടുത്ത യോഗത്തിന് ഹെല്‍ത്ത് സൂപ്പര്‍വൈസര്‍ സുരേഷ് നന്ദി പറഞ്ഞു.

ഇരിങ്ങാലക്കുട : വിഷന്‍ ഇരിങ്ങാലക്കുടയുടെ ഞാറ്റുവേല മഹോത്സവത്തിന്റെ ഭാഗമായി സംഗമ സാഹിതി സംഘടിപ്പിച്ച രണ്ടാമത്തേ പുസ്തക ചര്‍ച്ചയില്‍ പ്രൊഫ മാമ്പുഴ കുമാരന്‍ രചിച്ച ‘ ഉള്‍കാഴ്ച്ചകള്‍ ‘ എന്ന നിരൂപണ ഗ്രന്ഥം സാവിത്രി ലക്ഷ്മണന്‍ അദ്ധ്യക്ഷത വഹിച്ച വേദിയില്‍ കെ കെ സുനില്‍കുമാര്‍ അവതരിപ്പിച്ചു.കെ ഹരി,ഉണ്ണികൃഷ്ണന്‍ കിഴുത്താണി എന്നിവര്‍ പുസ്തകത്തെ വിലയിരുത്തി സംസാരിച്ചു.

ഇരിങ്ങാലക്കുട: കാസറ്റുകടയില്‍ കഞ്ചാവുവില്‍പ്പന നടത്തിയിരുന്ന ആളെ എക്സൈസ് സംഘം അറസ്റ്റ് ചെയ്തു. ഇരിങ്ങാലക്കുട ഓലക്കോട്ട് വീട്ടില്‍ ഷാജന്‍ (53)നെയാണ് ഇരിങ്ങാലക്കുട എക്സൈസ് എസ്.ഐ. എം.ഒ. വിനോദും സംഘവും അറസ്റ്റ് ചെയ്തത്. കൂടല്‍മാണിക്യം റോഡിലെ കാസറ്റുകടയില്‍ എക്സൈസ് സംഘം നടത്തിയ പരിശോധനയില്‍ 25 ഗ്രാം കഞ്ചാവും എക്സൈസ് സംഘം കണ്ടെടുത്തു.എക്സൈസ് ഓഫീസര്‍മാരായ ഇ.പി.ദബോസ്, കെ. ജയദേവന്‍, പി.എ. ഗോവിന്ദന്‍,എം.എല്‍. റാഫേല്‍, ബാബു കെ.എ. എന്നിവരും പരിശോധന സംഘത്തിലുണ്ടായിരുന്നു.

ഇരിങ്ങാലക്കുട- ഉദയ പ്രൊവിന്‍സിന്റെ നേതൃത്വത്തില്‍ ലാവോസ് 2018 യുവജന ഏകദിന സെമിനാര്‍ മാള കാര്‍മ്മല്‍ കോളേജില്‍ വച്ച് സംഘടിപ്പിച്ചു.ഇരിങ്ങാലക്കുട സി എം സി ഉദയ പ്രോവിന്‍ഷ്യല്‍ സുപ്പീരിയര്‍ മദര്‍ റോസ് മേരി ഉദ്ഘാടനകര്‍മ്മം നിര്‍വ്വഹിച്ചു.കറുകുറ്റി ജോഷി ജോസഫും ടീം അംഗങ്ങളും സെമിനാര്‍ നയിച്ചു.ഫ്രാന്‍സിസ് പാപ്പായുടെ ആനന്ദിച്ച് ആഹ്ലാദിക്കുവിന്‍ എന്ന അപ്പസ്‌തോലികപ്രബോധനം യുവജനങ്ങള്‍ക്ക് പരിചയപ്പെടുത്തി കൊണ്ട് അത് ്അവര്‍ക്ക് ലാവോസ്് 2018 ന്റെ മെമ്മോന്റോയായി നല്‍കി.വിശ്വാസരൂപീകരണ കൗണ്‍സിലര്‍ സി .ഫ്‌ളവററ്റ് സ്വാഗതവും മിത്തു ഹെന്ററി നന്ദിയും പറഞ്ഞു

ഇരിങ്ങാലക്കുട:കേരള എന്‍ ജി ഒ യൂണിയന്‍ ഇരിങ്ങാലക്കുട ഏരിയ ജനറല്‍ ബോഡി യോഗം ഇരിങ്ങാലക്കുട എസ് ആന്‍ഡ് എസ് ഹാളില്‍ ചേര്‍ന്നു.എന്‍ ജി ഒ യൂണിയന്‍ സംസ്ഥാന കമ്മിറ്റി അംഗം ഷാലി ടി നാരായണന്‍ യോഗം ഉദ്ഘാടനം ചെയ്തു.ഏരിയ സെക്രട്ടറി ആര്‍ എല്‍ സിന്ധു പ്രവര്‍ത്തന റിപ്പോര്‍ട്ട് അവതരിപ്പിച്ചു.പ്രസിഡന്റ് കെ എന്‍ സുരേഷ് കുമാര്‍ അധ്യക്ഷത വഹിച്ച യോഗം ജൂലൈ 12 ന് വിവിധ ആവശ്യങ്ങളുന്നയിച്ച് ജീവനക്കാര്‍ ഇരിങ്ങാലക്കുടയില്‍ നടത്തുന്ന മാര്‍ച്ചും ധര്‍ണ്ണയും വിജയിപ്പിക്കുന്നതിന് ജീവനക്കാരോട് ആവശ്യപ്പെട്ടു