മാടായിക്കോണം -ദേശീയ ആരോഗ്യ മിഷന്‍ നിര്‍ദേശപ്രകാരം ഓരോ വാര്‍ഡിലും യോഗ പരിശീലനം നടത്തുന്നതിന്റെ ഭാഗമായി ആറും പത്തും വാര്‍ഡുകളിലെ യോഗ പരിശീലനക്ലാസ് മാടായിക്കോണം ഗവണ്മെന്റ് യു പി സ്‌കൂളില്‍ വെച്ച് നടത്തി. വാര്‍ഡ് കൗണ്‍സിലര്‍ പ്രജീഷ് അധ്യക്ഷത വഹിച്ച പരിശീലന പരിപാടി 6-ാം വാര്‍ഡ് കൗണ്‍സിലര്‍ ബിജി അജയകുമാര്‍ ഉത്ഘാടനം നിര്‍വഹിച്ചു.പൊറത്തിശ്ശേരി പ്രാഥമിക ആരോഗ്യ കേന്ദ്രം ജൂനിയര്‍ ഹെല്‍ത്ത് ഇന്‍സ്പെക്ടര്‍ ആന്റോ, നേഴ്‌സ് ബീന,സ്‌കൂള്‍ എച്ച് എം കനകവലി, പരിശീലക സരസ്വതി ടീച്ചര്‍, ആശ പ്രവര്‍ത്തകര്‍, എന്നിവര്‍ നേതൃത്വം നല്‍കി

ഇരിങ്ങാലക്കുട: മൂന്ന്പിടിക_ ഇരിങ്ങാലക്കുട സംസ്ഥാന പാതയില്‍ ചേലൂര്‍ പെട്രോള്‍ പമ്പിന് സമീപം സ്വകാര്യ വ്യക്തിയുടെ പറമ്പിലെ തെങ്ങ് ഇലട്രിക് കമ്പിയുടെ മുകളിലൂടെ വീണ് ഗതാഗതം തടസ്സപ്പെട്ടു.ശനിയാഴ്ച്ച വൈകീട്ടാണ് സംഭവം. തെങ്ങ് ഇലട്രിക് കമ്പീയുടെ മുകളിലൂടെ വീണെങ്കില്‍ കമ്പി പൊട്ടാതെ റോഡിലേയ്ക്ക് തുങ്ങി കിടക്കുകയായിരുന്നു.രണ്ട് മണിക്കൂറുകളോളം ഇ അപകടാവസ്ഥയിലും വാഹനങ്ങള്‍ ഇതിനടിയിലൂടെ കടന്ന് പോയിരുന്നു. പിന്നീട് ഫയര്‍ഫോഴ്‌സ് എത്തിയാണ് തെങ്ങ് മുറിച്ച് മാറ്റിയത്.

ഇരിങ്ങാലക്കുട : പൊതു വിദ്യാഭ്യാസ സംരക്ഷണ യജ്ഞം നടത്തുന്നുവെന്നൂ പറയുന്ന സര്‍ക്കാരിന് ഇതില്‍ യാതൊരു അത്മാത്ഥയില്ല എന്ന് മുന്‍ സര്‍ക്കാര്‍ ചീഫ് വിപ്പ് അഡ്വ: തോമസ് ഉണ്ണിയാടന്‍ കുറ്റപ്പെടുത്തി. പൊതു വിദ്യാഭ്യാസ മേഖല പല തരത്തിലും ഇപ്പോള്‍ അസഹിഷ്ണുതയിലാണ് എന്നും ഇതേ സമയം സ്വാശ്രയ മേഖലയെ വഴിവിട്ട് സഹായിക്കുകയും ചെയ്യുകയാണ് സര്‍ക്കാര്‍ എന്നും അദ്ദേഹം കുറ്റപ്പെടുത്തി.കേരളപ്രദേശ് സ്‌കൂള്‍ ടീച്ചേഴ്‌സ് അസോസിയേഷന്‍ സംഘടിപ്പിച്ച ഇരിങ്ങാലക്കുട ഉപജില്ല ധര്‍ണ്ണ പൂതംകുളം മൈതാനിയില്‍ ഉദ്ഘാടനം ചെയ്ത് സംസാരിക്കുകയായിരുന്നു അദേഹം.കെ.പി.എസ്.ടി.എ ജില്ല പ്രസിഡന്റ് സി.എസ്. അബ്ദുള്‍ ഹഖ് മുഖ്യപ്രഭാഷണം നടത്തി.ഇരിങ്ങാലക്കുട മുനിസിപ്പാലിറ്റി ആരോഗ്യ സ്‌റാന്റിംഗ് കമിറ്റി ചെയര്‍മാന്‍ പി.എ. അബ്ദുള്‍ബഷിര്‍ കെ.എ. നാസ്സര്‍ നിക്‌സ്ണ്‍ പോള്‍ ഷെല്‍ബി ടീച്ചര്‍,കമലം ടീച്ചര്‍, എം ജെ ഷാജി. ,അനില്‍കുമാര്‍ എ.ജി, ഷാര്‍ലറ്റ് പിന്‍ഹിറോ,സുശില്‍ കെ.വി. എന്നിവര്‍ സംസാരിച്ചു

ഇരിങ്ങാലക്കുട : അതിരപ്പിള്ളി തുമ്പൂര്‍മൊഴിയില്‍ ചുഴിയിലകപ്പെട്ട രണ്ട് വിദ്യാര്‍ത്ഥികളെ സ്വജീവന്‍ പണയം വെച്ച് രക്ഷിച്ച മാപ്രാണം കുന്നുമ്മക്കര തൊമ്മന വീട്ടില്‍ ചാക്കോയുടെ മകന്‍ അബിന്‍ ചാക്കോ രാഷ്ട്രപതിയുടെ ജീവന്‍ രക്ഷാപതകിന് അര്‍ഹനായിരുന്നു.ഇ വരുന്ന ആഗസ്റ്റ് 15 ന് ഡല്‍ഹിയില്‍ വെച്ച് രാഷ്ട്രപതി നേരീട്ട് ജീവന്‍ രക്ഷാപതക് കൈമാറും.അതിന് മുന്‍പായി സമ്മാനതുകയായ ഒരു ലക്ഷം രൂപ കേന്ദ്രസര്‍ക്കാര്‍ ആയച്ച് നല്‍കിയതും സംസ്ഥാന സര്‍ക്കാര്‍ നല്‍കിയ 9000 രൂപയും താലൂക്ക് വികസനസമിതി യോഗത്തിന്റെ ആദരമായ മൊമന്റോയും ശനിയാഴ്ച്ച നടന്ന വികസനസമിതി യോഗത്തില്‍ എം എല്‍ എ പ്രൊഫ.കെ യു അരുണന്‍ അബിന്‍ചാക്കോയ്ക്ക് കൈമാറി.ഇരിങ്ങാലക്കുട ആര്‍ ട്ടി ഓ എം സി റെജില്‍,താസില്‍ദാര്‍ മധുസൂധനന്‍,വെള്ളാങ്കല്ലൂര്‍ ബ്ലോക്ക് പഞ്ചായത്ത് പ്രസിഡന്റ് ഷാജി നക്കര,ജില്ലാപഞ്ചായത്തംഗം ടി ജി ശങ്കരനാരായണന്‍,പഞ്ചായത്ത് പ്രസിഡന്റ്മാരായ ഇന്ദിര തിലകന്‍,കെ എസ് ബാബു എന്നിവര്‍ അബിന്‍ ചാക്കോയെ അഭിനന്ദിച്ചു.മാപ്രാണത്ത് ഉപയോഗശൂന്യമായി കിടക്കുന്ന കുളങ്ങള്‍ വൃത്തിയാക്കി വളര്‍ന്ന് വരുന്ന തലമുറയ്ക്ക് നീന്തല്‍ പരിശീലനം നല്‍കാന്‍ അധികൃതര്‍ തയ്യാറാകണമെന്ന് ഉപഹാരം ഏറ്റുവാങ്ങിയ അബിന്‍ അഭ്യര്‍ത്ഥിച്ചു.

സ്വാതന്ത്രസമരസേനാനിയും സി പി ഐ നേതാവും സാംസ്‌ക്കാരിക പ്രവര്‍ത്തകനുമായിരുന്ന ടി എന്‍ നമ്പൂതിരിയുടെ സ്മരണക്കായി മികച്ച കലാക്കാരന്മക്കാര്‍ക്കു നല്‍കി വരാറുള്ള ടി എന്‍ നമ്പൂതിരി സ്മാരക അവാര്‍ഡിനു ഈ വര്‍ഷം നാടന്‍പാട്ട് -ഓണക്കളി കലാക്കാരന്‍ തേശ്ശേരി നാരായണന്‍ അര്‍ഹനായി.ടി എന്‍ നമ്പൂതിരിയുടെ 40-ാം ചരമവാര്‍ഷികദിനമായ ജൂലായ് 18 ന് ഇരിങ്ങാലക്കുട എസ് .ആന്റ് .എസ് ഹാളില്‍ ചേരുന്ന അനുസ്മരണ സമ്മേളനത്തില്‍ വച്ച് തേശ്ശേരി നാരായണന് അവാര്‍ഡ് സമര്‍പ്പിക്കും  പന്ത്രണ്ടാം വയസ്സുമുതല്‍ ഓണക്കളി രംഗത്ത് പ്രവേശിച്ച തേശ്ശേരി നാരായണന്‍ ഈ രംഗത്ത് വിപുലമായ ശിഷ്യ സമ്പത്തിനും ഉടമയാണ് .എഴുപതില്‍ പരം സംഘങ്ങളിലായി 1500 ല്‍ പരം ശിഷ്യന്മാരുടെ ആശാനാണ് തേശ്ശേരി.ഓണക്കളിയാണ് മുഖ്യകര്‍മ്മരംഗമെങ്കിലും നാടന്‍പാട്ട് ,ശാസ്താംപാട്ട് ,ചിന്തുപാട്ട് ,പൊറാട്ട് നാടകം എന്നീ മേഖലകളിലും സജീവമാണ് .500 ല്‍ പരം നാടന്‍പാട്ടുകള്‍ രചിച്ചിട്ടുള്ള ഇദ്ദേഹം ഓണക്കളിക്കാരുടെ ജില്ലാ അസോസിയേഷന്‍ പ്രസിഡന്റാണ് .ഓണക്കളിരംഗത്തെ മികച്ച പ്രകടനത്തിനായി നിരവധി പുരസ്‌ക്കാരങ്ങള്‍ തേശ്ശേരിക്ക് ലഭിക്കുകയുണ്ടായി .ദ്രാവിഡ സാംസ്‌ക്കാരിക സമിതി അവാര്‍ഡ് ,കണ്ണൂര്‍ ഫോക് ലോര്‍ അവാര്‍ഡ് ,സാംസ്‌ക്കാരിക വകുപ്പിന്റെ ഫോക് ലോര്‍ അവാര്‍ഡ് എന്നിവ അവയില്‍ ഉള്‍പ്പെടുന്നു.
കൊടകരക്കടുത്തു തേശ്ശേരി ഗ്രാമത്തില്‍ പള്ളിയുടെയും കുറുമ്പക്കുട്ടിയുടെയും മകനായി ജനിച്ച ഈ അറുപത്തെട്ടുകാരന് പ്രൈമറി വിദ്യാഭ്യാസം മാത്രമെ ലഭിച്ചിട്ടുള്ളു.ഇപ്പോള്‍ ആളൂരില്‍ താമസിക്കുന്ന ഇദ്ദേഹം ചെറുപ്പം മുതല്‍ ഇടതുപക്ഷ അനുഭാവിയാണ്.ഇപ്പോള്‍ സി പി ഐ ആളൂര്‍ ബ്രാഞ്ച് അംഗമാണ് .ഭാര്യ കുറുമ്പക്കുട്ടി തൊഴിലുറപ്പ് തൊഴിലാളിയാണ് .ഏകമകന്‍ ഷൈജു കാറ്ററിംഗ് തൊഴിലാളിയും .

ഇരിങ്ങാലക്കുട: എസ്.എന്‍ പബ്ലിക്ക് ലൈബ്രറിയുടെ ആഭിമുഖ്യത്തില്‍ മതമൈത്രീ നിലയത്തില്‍ നടത്തിയ വായനാ പക്ഷാചരണം സമാപിച്ചു. സമാപന വേളയില്‍ എസ്.എന്‍.ഹയര്‍ സെക്കണ്ടറി സ്‌ക്കൂള്‍ എന്‍.എസ്.എസ്.വളണ്ടിയേഴ്‌സ് ലൈബ്രറിയിലേക്ക് പുസ്തകങ്ങള്‍ സമാഹരിച്ച് നല്‍കി.ക്വിസ് മല്‍സരം സംഘടിപ്പിച്ചു. പി.കെ.ഭരതന്‍ മാസ്റ്റര്‍ അദ്ധ്യക്ഷത വഹിക്കുകയും ഷീന ടീച്ചര്‍ നേതൃത്യം നല്‍കുകയും ചെയ്തു.

ഇരിങ്ങാലക്കുട : ജയില്‍ അന്തേവാസികളുടെ മാനസിക സമ്മര്‍ദ്ദം കുറയ്ക്കുന്നതിനായി അമൃതാനന്ദമയി മഠത്തിന്റെ സഹകരണത്തോടെ ഇരിങ്ങാലക്കുട സബ് ജയിലില്‍ മൂന്ന് ദിവസമായി നടന്നുവന്നിരുന്ന അമൃതയോഗ-ധ്യാന പരിശീലനത്തിന് സമാപനമായി.ജയില്‍ സുപ്രണ്ട് രാജു എബ്രഹാം അദ്ധ്യക്ഷത വഹിച്ച യോഗത്തില്‍ അമൃതാനന്ദമയി മഠം ബ്രഹ്മചാരി ചന്ദ്രമോഹന്‍ ഉദ്ഘാടനം നിര്‍വഹിച്ചു.ബ്രഹ്മചാരിണി പ്രീതി അനുഗ്രഹ പ്രഭാഷണം നടത്തി.ഡെപ്യൂട്ടി പ്രീസണ്‍ ഓഫീസര്‍ കെ ജെ ജോണ്‍സണ്‍ സ്വാഗതവും ആല്‍ബി കെ ആര്‍ നന്ദിയും പറഞ്ഞു.

ഇരിങ്ങാലക്കുട : കേരളത്തില്‍ നിലനിന്നിരുന്ന ജാതീയ അസമത്വങ്ങള്‍ക്കെതിരെയുള്ള പോരാട്ടത്തില്‍ കമ്മൂണിസ്റ്റ് മന്വുവെസ്‌റ്റോ മുഖ്യപങ്ക് വഹിച്ചിരുന്നതായും അതിനായി പലരും രക്തസാക്ഷിത്വം വരിച്ചത് വിസ്മരിക്കരുതെന്നും കുട്ടന്‍കുളം സമരം പോലുള്ളവ അതിന് ഉദാഹരണങ്ങളാണെന്നും സി പി ഐ (എം) പോളിറ്റ് ബ്യൂറോ അംഗം എം എ ബേബി അഭിപ്രായപ്പെട്ടു.കുട്ടംകുളം സമരത്തിന്റെ 72-ാം വാര്‍ഷികം സി പി ഐ (എം) ന്റെ നേതൃത്വത്തില്‍ ആചരിക്കുന്നതിന്റെ ഭാഗമായി ‘ കമ്മ്യൂണിസ്റ്റ് മാനിഫെസ്റ്റോയും ഇരുപതാം നുറ്റാണ്ടിലെ സാമൂഹ്യ സമരങ്ങളും’ എന്ന വിഷയത്തില്‍ നടന്ന സെമിനാര്‍ ഉദ്ഘാടനം ചെയ്ത് സംസാരിക്കുകയായിരുന്നു അദേഹം.സി പി ഐ (എം) ജില്ലാ സെക്രട്ടറി എം എം വര്‍ഗ്ഗീസ്,പ്രൊഫ. കെ യു അരുണന്‍ എം എല്‍ എ,കഥാകൃത്ത് അശോകന്‍ ചെരുവില്‍,ഏരിയ സെക്രട്ടറി കെ സി പ്രേമരാജന്‍,ജില്ലാകമ്മിറ്റി അംഗങ്ങളായ ഉല്ലാസ് കളക്കാട്ട്,കെ ആര്‍ വിജയ തുടങ്ങിയവര്‍ സംസാരിച്ചു.

ഇരിങ്ങാലക്കുട  :ഇതര സംസ്ഥാനങ്ങളില്‍ നിന്നും കേരളത്തില്‍ എത്തുന്ന ഉദ്യോഗസ്ഥര്‍ക്ക് ഒരു കള്‍ച്ചറല്‍ ഷോക്കാണ് ലഭിക്കുന്നതെന്നു ഡോ കെ ജി പൗലോസ് അഭിപ്രായപ്പെട്ടു.ഒരു സെന്‍സ് ഓഫ് ഡിഗ്നിറ്റി കേരളത്തിന്റെ സംസ്‌ക്കാരത്തിലുണ്ട് .അന്തസ്സോടെ ജീവിക്കാനുള്ള അവകാശം ഭരണഘടന ഉറപ്പു തരുന്നുണ്ടെങ്കിലും അങ്ങിനെ ജീവിക്കുന്നത് മലയാളികളാണ് .കേരളത്തിന്റെ നവോത്ഥാനം നമ്മുടെ സംസ്‌ക്കാരത്തിനു തന്ന പുണ്യങ്ങളില്‍ ഒന്നാണു ഈ സെന്‍സ് ഓഫ് ഡിഗ്നിറ്റി എന്നും അദ്ദേഹം കൂട്ടിച്ചര്‍ത്തു.ഇരിങ്ങാലക്കുട ക്രൈസ്‌ററ് കോളേജില്‍ വായനാ പക്ഷാചരണത്തിന്റെ ഭാഗമായി നടന്ന പരിപാടിയില്‍ പങ്കെടുത്ത് സാഹിത്യം ,സംസ്‌ക്കാരം ,സമൂഹം എന്ന വിഷയത്തില്‍ പ്രഭാഷണം നടത്തുകയായിരുന്നു അദ്ദേഹം
പ്രിന്‍സിപ്പാള്‍ ഡോ മാത്യു പോള്‍ ഊക്കന്‍ അധ്യക്ഷത വഹിച്ച ചടങ്ങില്‍ ലൈബ്രേറിയന്‍ ഫാ സിബി ഫ്രാന്‍സിസ് സ്വാഗതവും ,ഡോ വിനിത ഇ ആമുഖവും ,രണ്ടാം വര്‍ഷ ബിരുദ വിദ്യാര്‍ത്ഥി അര്‍ജ്ജുന്‍ നന്ദിയും പറഞ്ഞു.കോളേജ് ലൈബ്രറിയും ,ലൈബ്രറി സയന്‍സ് ,സംസ്‌കൃതം എന്നീ വിഭാഗങ്ങളും സംയുക്തമായാണ് പരിപാടി സംഘടിപ്പിച്ചത്

ഇരിങ്ങാലക്കുട : വര്‍ഷങ്ങളായി നീണ്ടു പോകുന്ന സമഗ്രകുടിവെള്ള പദ്ധതി നടപ്പിലാക്കി പഞ്ചായത്തിലെ അംബേദ്കര്‍ കോളനിയില്‍ കുടിവെള്ളവിതരണ കണക്ഷന്‍ നല്‍കണമെന്നാവശ്യപ്പെട്ട് എ ഐ വൈ എഫ് പടിയൂര്‍ പഞ്ചായത്ത് കമ്മിറ്റിയുടെ നേതൃത്വത്തില്‍ ഇരിങ്ങാലക്കുട വാട്ടര്‍ അതോററ്റിയ്ക്ക് മുന്നില്‍ പ്രതിഷേധ ധര്‍ണ്ണ സംഘടിപ്പിച്ചു.എ ഐ വൈ എഫ് മണ്ഡലം പ്രസിഡന്റ് ടി വി വിപിന്‍ അദ്ധ്യക്ഷത വഹിച്ച ധര്‍ണ്ണ സി പി ഐ മണ്ഡലം സെക്രട്ടറി പി മണി ഉദ്ഘാടനം ചെയ്തു.എ ഐ വൈ എഫ് മണ്ഡലം സെക്രട്ടറി കെ പി കണ്ണന്‍,എ ഐ വൈ എഫ് സംസ്ഥാന കമ്മിറ്റിയംഗം കെ സി ബിജു,കെ വി രാമകൃഷ്ണന്‍,കെ എസ് രാധകൃഷ്ണന്‍ തുടങ്ങിയവര്‍ നേതൃത്വം നല്‍കി.

ഇരിങ്ങാലക്കുട : ബസ് സ്റ്റാന്റ് പരിസരത്ത് ചുണ്ണാബ് ദേഹത്ത് വീണത് സംബദ്ധിച്ച തര്‍ക്കത്തെ തുടര്‍ന്ന് ചെട്ടിപറമ്പ് കനാല്‍ ബേസ് കോളനിയില്‍ രാത്രി വീട്ടില്‍ കയറി മകന് പകരം അച്ഛനായ മൊന്തച്ചാലില്‍ വിജയന്‍ (58) നെ വെട്ടികൊലപെടുത്തിയ കേസില്‍ ഒരു പ്രതി കൂടി പിടിയിലായി.നടവരമ്പ് ഡോക്ടര്‍പടി സ്വദേശി എലൂപറമ്പില്‍ സനല്‍ ദാസന്‍ (20) ആണ് സി.ഐ എം കെ സുരേഷ്‌കുമാറും സംഘവും പിടികൂടിയത്.സംഭവത്തില്‍ പ്രധാനപ്രതിയടക്കം 12 പേരെ പോലീസ് നേരത്തെ പിടികൂടിയിരുന്നു.ഒളിവില്‍ കഴിയുകയായിരുന്ന പ്രതിയെ എറണാകുളത്ത് നിന്നാണ് പോലീസ് കസ്റ്റഡിയില്‍ എടുത്തത്.കൊലയാളി സംഘാങ്ങളെ കൊല നടന്ന സ്ഥലത്തേക്കും,കൊലക്കു ശേഷം പിറ്റേന്ന് തമിഴ്‌നാട്ടിലെ മധുരയിലേക്കും രക്ഷപെടാനായി ഓട്ടോയില്‍ തൃശ്ശൂര്‍ റെയില്‍വേ സ്റ്റേഷനിലേക്ക് കൊണ്ടുചെന്നാക്കിയ കുറ്റത്തിനാണ് ഇയാളെ അറസ്റ്റ് ചെയ്തത്.ഗുണ്ടാതലവന്‍ രഞ്ജുവും, ബോംബ് ജിജോയും, മെജോ എന്നിവരെയാണ് സനല്‍ദാസ് രക്ഷപെടാന്‍ സഹായിച്ചത്.പിന്നീട് ബോംബ് ജിജോയെ കണ്ണൂര്‍ തില്ലങ്കേരിയിലെ മുടകുഴി മലയില്‍ നിന്നും, രഞ്ജും, മെജോ എന്നിവരെ മറ്റ് ഒളിസങ്കേതത്തില്‍ നിന്നും പ്രത്യേക അന്യേഷണ സംഘം പിടികൂടിയിരുന്നു.ഇതോടെ വിജയന്‍ വധകേസ്സില്‍ 13 പേര്‍ പോലീസിന്റെ പിടിയിലായി റിമാന്റില്‍ കഴിഞ്ഞുവരികയാണ്.പ്രത്യേക അന്യേഷണ സംഘത്തില്‍ എസ് ഐ കെ എസ് സുശാന്ത്, സ്‌ക്കാഡ് അംഗങ്ങളായ മുരുകേഷ് കടവത്ത് , സുജിത്ത് കുമാര്‍ , എ കെ മനോജ്, എ കെ രാഹുല്‍ എന്നിവരാണ് ഉണ്ടായിരുന്നത് .കൊലപാതകത്തിന് നേരിട്ട് പങ്കെടുത്തവരെയും, കൊലപാതകത്തിന് ആയുധങ്ങൾ നൽകിയവരേയും, രക്ഷപെടാൻ സഹായം നൽകിയവരടക്കം മുഴുവൻ പേരേയും അറസ്റ്റു ചെയ്യുമെന്നു CI പറഞ്ഞു.