ആനന്ദപുരം ; ക്രിസ്തുമസിന്റെ വരവ് അറിയിച്ചു കൊണ്ട് ആനന്ദപുരം ചെറുപുഷപ ദേവാലയത്തില്‍ യുവജനങ്ങള്‍ ഒരുക്കിയ ഭീമന്‍ നക്ഷത്രം ശ്രദ്ധയാകര്‍ഷിക്കുന്നു.30 അടി ഉയരത്തില്‍ ദേവാലയത്തിന്റെ മുന്‍വശത്തായാണ് നക്ഷത്രം ഒരുക്കിയിരിക്കുന്നത്. ആനന്ദപുരം ചെറുപുഷ്പ ദേവാലയ വികാരി ഫാ. ആന്‍ഡ്രൂസ് ചെതലന്റെ നേതൃത്വത്തില്‍ യുവജന കൂട്ടായ്മ ആണ് നക്ഷത്രം ഒരുക്കിയത്.
മൂര്‍ക്കനാട്: മൂര്‍ക്കനാട്: മേലേടത്ത് നാരായണന്‍ നായര്‍ ഭാര്യ തെക്കേ ചേരിയില്‍ കൊച്ചമ്മിണിയമ്മ (90 ) നിര്യാതയായി. മക്കള്‍: തങ്കം, രുഗ്മിണി, ഉണ്ണികൃഷ്ണന്‍ ( എക്‌സ് സര്‍വീസ്മാന്‍ ), ഇന്ദിര. മരുമക്കള്‍: ശങ്കരന്‍കുട്ടി നായര്‍, ബാലചന്ദ്രന്‍ നായര്‍, രമണി, ശിവന്‍ പിള്ള. സംസ്‌കാരം രാവിലെ 11 മണിക്ക് പാറമേക്കാവ് ശാന്തിഘട്ടില്‍ വെച്ച് നടന്നു. സഞ്ചയനം ശനിയാഴ്ച്ച (09/12/2017)
എടതിരിഞ്ഞി: 2017 ജൂണ്‍ 1ന് 100 വയസ്സു തികഞ്ഞ എടതിരിഞ്ഞി സെന്റ് മേരീസ് എല്‍ പി സ്‌കൂളിന്റെ ശതാബ്ദി ആഘോഷങ്ങള്‍ വളരെ വ്യത്യസ്തമായ രീതിയില്‍ വിവിധ ഘട്ടങ്ങളിലായി നടന്നുകൊണ്ടിരിക്കുകയാണ്. 2017 ഓഗസ്റ്റ് 11ന് ആഘോഷങ്ങളുടെ ആദ്യഘട്ടം നടന്നു. സാമൂഹ്യ പ്രവര്‍ത്തകന്‍ തെരുവോരം മുരുകന്‍ മുഖ്യാതിഥിയായിരുന്നു. അതിന്റെ ഭാഗമായി 10 നിര്‍ധന കുടുംബത്തിന് ആടിനെ വിതരണം ചെയ്തു. ഹൈസ്‌കൂളിലും ഹയര്‍സെക്കന്ററിയിലും പഠിച്ചുകൊണ്ടിരിക്കുന്ന 10 നിര്‍ധന പൂര്‍വ്വവിദ്യാര്‍ത്ഥികള്‍ക്ക് സ്‌കോളര്‍ഷിപ്പ് നല്‍കി. ക്യാന്‍സര്‍ വൃക്കരോഗികള്‍ക്ക് ചികിത്സാ സഹായം നല്‍കി. 8 പൂര്‍വ്വ അധ്യാപകരേയും 80 വയസ്സ് തികഞ്ഞ 17 പൂര്‍വ്വവിദ്യാര്‍ത്ഥികളേയും പൊന്നാട അണിയിച്ചും മെമന്റോ നല്‍കിയും ആദരിച്ചു. ആഘോഷങ്ങളുടെ അടുത്ത ഘട്ടം ഡിസംബര്‍ 4-ാം തിയ്യതി ഉച്ചയ്ക്ക് 2 മണിയ്ക്ക് നടക്കുന്നു. 2-ാം ഘട്ടത്തോടനുബന്ധിച്ച് 5 നിര്‍ധന കുടുംബത്തിന് ടോയ്‌ലറ്റ് നിര്‍മ്മിക്കുന്നതിന് സഹായം നല്‍കുന്നു. 10 നിര്‍ധന കുടുംബത്തിന് തയ്യല്‍ മെഷീനും, ജാതി തൈയും, 20 നിര്‍ധന കുടുംബത്തിന് കോഴിക്കുഞ്ഞുങ്ങളെയും വിതരണം ചെയ്യുന്നു. ഇതോടൊപ്പം പൂര്‍വ്വവിദ്യാര്‍ത്ഥിജനപ്രതിനിധികളെ ആദരിക്കുന്നു. തുടര്‍ന്ന് പൂര്‍വ്വവിദ്യാര്‍ത്ഥികളുടെ ഗാനമേളയും നൃത്താവിഷ്‌ക്കാരവും ഉണ്ടായിരിക്കും. സി.എം.സി. ഉദയ മാനേജ്‌മെന്റ്, ചേലൂര്‍ ഫ്രണ്ട്‌സ് അസോസിയേഷന്‍, നാട്ടുകാര്‍ എന്നിവരുടെ സഹായത്തോടെയാണ് കാരുണ്യപ്രവര്‍ത്തനങ്ങള്‍ നടപ്പിലാക്കിക്കൊണ്ടിരിക്കുന്നത്. ഫെബ്രുവരി മാസത്തിലാണ് അവസാനഘട്ടാഘോഷം നടക്കുന്നത്. വീടുകളുടെ അറ്റകുറ്റപണി, വീടുകള്‍ക്ക് ജനല്‍വാതില്‍ നല്‍കല്‍ എന്നിവയാണ് പൂര്‍ത്തീകരിക്കാനുള്ള പദ്ധതികള്‍. ആഘോഷകമ്മിറ്റി ചെയര്‍മാന്‍ കെ.സി.ബിജു, വൈസ് ചെയര്‍മാന്‍ കെ.പി. കണ്ണന്‍, ആഘോഷകമ്മിറ്റി ജനറല്‍ കണ്‍വീനറും പി.ടി.എ. പ്രസിഡന്റുമായ ജെയ്‌സണ്‍ അച്ചങ്ങാടന്‍, ജോയിന്റ് കണ്‍വീനര്‍ സന്തോഷ് കെ.എസ്. എന്നിവര്‍ പത്രസമ്മേളനത്തില്‍ പങ്കെടുത്തു.
എടതിരിഞ്ഞി: എടതിരിഞ്ഞി: കോളങ്ങാട്ടു പറമ്പില്‍ പരേതനായ മുഹമ്മദ് മാസ്റ്റര്‍ ഭാര്യ കദീജ മരണപ്പെട്ടു. ഖബറടക്കം എടതിരിഞ്ഞി ജുമാ മസ്ജിദ് ഖബര്‍ സ്ഥാനില്‍ നടത്തി. മക്കള്‍: ഹൈദ്രോസ് (എടതിരിഞ്ഞി മഹല്ല് പ്രസിഡണ്ട്), കൊച്ചലീമ, ജെമീല, റാബിയ. മരുമക്കള്‍: അബ്ദുള്‍ കരീം, സെയ്തു മൂഹമ്മദ്, കുഞ്ഞുണ്ണി, ജെമീല.
ഇരിങ്ങാലക്കുട: സെന്റ്.തോമസ് കത്തീഡ്രല്‍ ഇടവകയുടെ റൂബി ജൂബിലി യോട് അനുബന്ധിച്ച് കത്തീഡ്രല്‍ സി എല്‍ സി യുടെ നേതൃത്വത്തില്‍ ക്രിസ്തുമസ് ആഘോഷങ്ങളുടെ ഭാഗമായി 40 അടി ഉയരത്തിലുള്ള നക്ഷത്രം ഉയര്‍ത്തി. നക്ഷത്രത്തിന്റെ ലൈറ്റ് ഓണ്‍ കര്‍മ്മം കത്തീഡ്രല്‍ വികാരി ഡോ. ആന്റു ആലപ്പാടന്‍ നിര്‍വ്വഹിച്ചു. അസി.വികാരിമാരായ ഫാ.ലിജോണ്‍ ബ്രഹ്മകുളം, ഫാ.ടിനോ മേച്ചേരി, ഫാ.അജോ പുളിക്കന്‍, സി എല്‍ സി പ്രസിഡന്റ് വിനു ആന്റണി, കത്തീഡ്രല്‍ ഇടവക ട്രസ്റ്റി മാരായ റോബി കാളിയങ്കര, ലോറന്‍സ് ആളുക്കാരന്‍ എന്നിവര്‍ സംസാരിച്ചു. സി എല്‍ സി അംഗങ്ങളായ മിഥുന്‍ ആന്റോ, നെല്‍സന്‍ കെ.പി, സാമ്പു താണിയത്ത്, പോള്‍ പിയൂസ്, വിമല്‍ ജോഷി, ജിസ്റ്റോ ജോസ്, എന്നിവരുടെ നേതൃത്വത്തിലാണ് നക്ഷത്രം നിര്‍മ്മിച്ചത്. 210 കിലോ ഗ്രാം ഭാരത്തില്‍ 20 സ്വകയര്‍ ട്യൂബ് ഉപയോഗിച്ചാണ് ഈ ഭീമന്‍ നക്ഷത്രം നിര്‍മ്മിച്ചിരിക്കുന്നത്.
