താഴേക്കാട് : കണ്ണമ്പുഴ ചെരടായി പൗലോസ് ഭാര്യ സിസിലി (84) നിര്യാതയായി.സംസ്‌ക്കാരം ചെവ്വാഴ്ച്ച ഉച്ചതിരിഞ്ഞ് 3.30 ന് താഴെക്കാട് സെന്റ് സെബാസ്റ്റിയന്‍ ദേവാലയ സെമിത്തേരിയില്‍.മക്കള്‍ ആലീസ്,വര്‍ഗ്ഗീസ്,ജോയ്.മരുമക്കള്‍ റപ്പായി,സ്റ്റെല്ല.
Advertisement
കാരുണ്യത്തിന്റെ തുടര്‍ക്കഥയെഴുതി ക്രൈസ്റ്റ് കോളേജിലെ തവനീഷ്
ഇരിഞ്ഞാലക്കുട : പുതിയ അക്കാദമിക വര്‍ഷത്തിലും ക്രൈസ്റ്റ് കോളേജിലെ തവനീഷ് കൂട്ടായ്മ കാരുണ്യത്തിന്റെ വഴിയില്‍ വലിയ മുന്നേറ്റങ്ങള്‍ നടത്തി ശ്രദ്ധേയമായി . സംസ്ഥാനത്തിന്റെ വിവിധ ഭാഗങ്ങളില്‍നിുള്ള നാല് നിരാശ്രയ കുടുംബങ്ങള്‍ക്ക് സഹായത്തിന്റെ കൈത്താങ്ങ് നല്‍കി ക്രൈസ്റ്റിലെ വിദ്യാര്‍ത്ഥികള്‍ മാതൃകയായി.എറണാകുളം സ്വദേശിയായ ഗോപാലകൃഷ്ണന്‍, മേലഡൂര്‍ സ്വദേശി കൃഷ്ണകുമാര്‍,ഇരിഞ്ഞാലക്കുട സ്വദേശിനി പുഷ്പ, തുറവങ്കാട് സ്വദേശി മൈമൂനത് എന്നിവര്‍ക്ക് ക്രൈസ്റ്റിലെ വിദ്യാര്‍ത്ഥികള്‍ സമാഹരിച്ച സഹായധനം തുല്യമായി വീതിച്ചു നല്‍കി.ഓരോരുത്തര്‍ക്കും 7500 രൂപ വീതം നല്‍കിയതായി കോ-ഓര്‍ഡിനേറ്റര്‍ പ്രൊഫ. മൂവീഷ് മുരളി എന്നിവര്‍ പറഞ്ഞു. സഹായം എത്തും മുമ്പേ ഗോപാലകൃഷ്ണന്‍ മരിച്ചു എന്നറിഞ്ഞത് വിദ്യാര്‍ത്ഥികള്‍ക്ക് ഖേദമുണ്ടെന്നും ക്രൈസ്റ്റിലെ വിദ്യാര്‍ത്ഥികളും പൂര്‍വ്വവിദ്യാര്‍ത്ഥികളും നിര്‍ദ്ദേശിച്ചവര്‍ക്കാണ് ധനസഹായം നല്‍കിയത് എന്നും ജില്ലാപഞ്ചായത്തിന്റെ വയോജന സര്‍വ്വേയ്ക്കിടയില്‍ വിദ്യാര്‍ത്ഥികള്‍ പരിചയപ്പെട്ട രോഗികള്‍ക്കും സഹായം നല്‍കാനായതില്‍ സന്തോഷമുണ്ടെന്നും ഇവര്‍ പറയുന്നു.പ്രിന്‍സിപ്പല്‍ ഡോ.മാത്യു പോള്‍ ഊക്കന്‍, വൈസ്് പ്രിന്‍സിപ്പല്‍മാരായ പ്രൊഫ. വി.പി.ആന്റോ, ഫാ.ഡോ.ജോളി ആന്‍ഡ്രൂസ്,പി.ആര്‍.ഒ.ഡോ.സെബാസ്റ്റ്യന്‍ ജോസഫ്, ഡോ.റോബിന്‍സ എിവര്‍ സഹായ ധനം വിതരണം ചെയ്തു.
Advertisement
ചിറയത്ത് ആഴ്ചങ്ങാട്ടില്‍ ഔസേപ്പ് മകള്‍ കൊച്ചുത്രേസ്യ (86) നിര്യാതയായി.
കരുവന്നൂര്‍ : ചിറയത്ത് ആഴ്ചങ്ങാട്ടില്‍ ഔസേപ്പ് മകള്‍ കൊച്ചുത്രേസ്യ (86) നിര്യാതയായി.സംസ്‌ക്കരം കരുവന്നൂര്‍ സെന്റ് മേരീസ് ദേവാലയത്തില്‍ നടത്തി.സഹോദരങ്ങള്‍ റാഫേല്‍ (പരേതന്‍),അന്തോണി,ജോസ്,റപ്പായി,സി.റോസ്മീന.
Advertisement
പ്രൊഫ.വി കെ ലക്ഷ്മണന്‍ നായരുടെ ‘രണ്ട് സെന്റ് ഭൂമിയില്‍ ഒരു വീട്’ പുസ്തകം പ്രകാശനം ചെയ്തു
തൃശൂര്‍-പ്രൊഫ.വി.കെ ലക്ഷ്മണന്‍ നായരുടെ ‘രണ്ട് സെന്റ് ഭൂമിയില്‍ ഒരു വീട്’ പുസ്തകം പ്രകാശനം ചെയ്തു.കേരള സാഹിത്യ അക്കാദമി ചങ്ങമ്പുഴ ഹാളില്‍ നടന്ന ചടങ്ങില്‍ മുന്‍ സ്പീക്കറും മുന്‍ മന്ത്രിയുമായ കെ. രാധാകൃഷ്ണന് പുസ്തകം നല്‍കി പ്രകാശനം ചെയ്തു.കേരള സാഹിത്യ അക്കാദമി സെക്രട്ടറി ഡോ. കെ .പി മോഹനന്‍ അദ്ധ്യക്ഷ പ്രസംഗം നടത്തി.മുന്‍ സ്പീക്കര്‍ തേറമ്പില്‍ രാമകൃഷ്ണന്‍ പുസ്തക സ്വീകരണം നടത്തി.റിട്ടയേര്‍ഡ് സുപ്രണ്ടിംഗ് എഞ്ചിനീയര്‍ വി. വി സുധാകരന്‍ ടി. ആര്‍ ചന്ദ്രത്ത് അനുസ്മരണവും പുസ്തക പരിചയപ്പെടുത്തലും നിര്‍വ്വഹിച്ചു.പ്രൊഫ .വി കെ ലക്ഷ്മണന്‍ നായര്‍ നന്ദിയും ,മുന്‍ എം. പി പ്രൊഫ. സാവിത്രി ലക്ഷ്മണന്‍ സ്വാഗതവും പറഞ്ഞു
Advertisement
ഇരിങ്ങാലക്കുട നഗരസഭ സ്റ്റാന്റിംങ്ങ് കമ്മിറ്റി ചെയര്‍മാന്‍മാര്‍ രാജി വെച്ചു.
ഇരിങ്ങാലക്കുട : കോണ്‍ഗ്രസ് എ ഗ്രൂപ്പ് പ്രവര്‍ത്തകരായ നഗരസഭ വികസനകാര്യ സ്റ്റാന്റംങ്ങ് കമ്മിറ്റി ചെയര്‍മാനായ വി സി വര്‍ഗ്ഗീസ്,വിദ്യഭ്യാസ സ്റ്റാന്റംങ്ങ് കമ്മിറ്റി ചെയര്‍മാനായ എം ആര്‍ ഷാജു എന്നിവരാണ് തിങ്കളാഴ്ച്ച ചേര്‍ന്ന കൗണ്‍സില്‍ യോഗത്തിനവസാനം രാജി വെച്ചത്.ഇരുവരും രണ്ടര വര്‍ഷക്കാലം പൂര്‍ത്തിയാക്കിയ സാഹചര്യത്തില്‍ ,പാര്‍ട്ടി നിര്‍ദ്ദേശത്തെ തുടര്‍ന്നാണ് രാജി വെച്ചത്.കോണ്‍ഗ്രസ് എ ഗ്രൂപ്പില്‍ നിന്ന് തന്നെയുള്ള കുര്യന്‍ ജോസഫ്, ബിജുലാസ്സര്‍ എന്നിവര്‍ക്ക് വേണ്ടിയാണ് സ്ഥാനങ്ങള്‍ ഒഴിയുന്നത് .സ്റ്റാന്റംങ്ങ് കമ്മിറ്റി സ്ഥാനത്തിനായി പാര്‍ട്ടിയില്‍ രാജി സമ്മര്‍ദ്ദം ഉയര്‍ത്തുകയും വിഷയം മാധ്യമങ്ങളില്‍ വാര്‍ത്ത വരുകയും ചെയ്തിരുന്നു.നേതാക്കളുടെ സാന്നിധ്യത്തില്‍ അടുത്ത ദിവസം വീണ്ടും കോണ്‍ഗ്രസ് പാര്‍ലിമെന്ററി പാര്‍ട്ടി യോഗം ചേരാനിരിക്കെയാണ് ഇരുവരും നാടകീയമായി നഗരസഭ യോഗത്തിന് ഒടുവില്‍ രാജി പ്രഖ്യാപിച്ചത്.നഗരസഭയിലെ ധനകാര്യം ,ആരോഗ്യവിഭാഗം തുടങ്ങിയ സ്റ്റാന്റംങ്ങ് കമ്മിറ്റികള്‍ ഐ ഗ്രൂപ്പ് വിഭാഗവും ക്ഷേമകാര്യം,പൊതുമരാമത്ത് വിഭാഗം എല്‍ ഡി എഫിന്റെയും കൗണ്‍സിലര്‍മാരാണ് സ്ഥാനം വഹിക്കുന്നത്.
Advertisement
രാത്രികാലത്തെ എത്തിനോട്ടം കണ്ടെത്തിയ വൈരാഗ്യത്തിന് ഷോക്ക് അടിപ്പിച്ച് ആക്രമണം നടത്തിയ പ്രതിയ്ക്ക് 3 വര്‍ഷം തടവും പിഴയും
ഇരിങ്ങാലക്കുട : പുതുക്കാട് ചെങ്ങാലൂരുള്ള ഒരു കുടുംബത്തിലെ അംഗങ്ങളെ ഷോക്കടിപ്പിച്ച് ആക്രമിച്ച കേസില്‍ പ്രതിയെ കുറ്റക്കാരനെന്നു കണ്ട് ഇരിങ്ങാലക്കുട അഡീഷണല്‍ അസിസ്റ്റന്റ് സെഷന്‍സ് ജഡ്ജ് കെ ഷൈന്‍ ഇന്ത്യന്‍ ശിക്ഷാനിയമം വിവിധ വകുപ്പുകള്‍ പ്രകാരം 3 വര്‍ഷം തടവും പിഴയും ശിക്ഷ വിധിച്ചു.രാത്രിക്കാലങ്ങളില്‍ വീട്ടില്‍ എത്തി നോക്കാന്‍ പോയതു കണ്ടു പിടിച്ച് നാട്ടുക്കാരും മറ്റും കൂടി ദേഹോപദ്രവമേല്‍പ്പിച്ചിതിലുള്ള വിരോധത്താല്‍ പ്രതി തമിഴ്നാട് തേനി ജില്ലയിലെ കോട്ടൂര്‍ അംബേദ്ക്കര്‍ സ്ട്രീറ്റില്‍ രാമസ്വാമി മകന്‍ കുപ്പത്ത് രാജ (39) യാണ് പുതുക്കാട് സ്നേഹപുരത്തുള്ള ഒരു കുടുംബത്തിലെ അംഗങ്ങളെ ഇലക് ട്രിക് വയറിന്റെ അറ്റം മുട്ടിച്ച് ഷോക്കേല്‍പ്പിച്ച് ആക്രമിച്ചത് .10-11-2016 തീയതി പുലര്‍ച്ചെ 5.30 ന് ആയിരുന്നു സംഭവം.പുതുക്കാട് പോലീസ് സബ്ബ് ഇന്‍സ്പെക്ടറായിരുന്ന എസ് പി സുധീരന്റെ നേതൃത്വത്തിലാണ് അന്വേഷണം നടത്തി കുറ്റപത്രം സമര്‍പ്പിച്ചത്.കേസില്‍ പ്രോസിക്യൂഷന്‍ ഭാഗത്തു നിന്നും 11 സാക്ഷികളെ വിസ്തരിക്കുകയും 15 രേഖകള്‍ ഹാജരാക്കുകയും ചെയ്തിട്ടുണ്ട് .കേസില്‍ പ്രോസിക്യൂഷനു വേണ്ടി അഡീഷണല്‍ പബ്ലിക്ക് പ്രോസിക്യൂട്ടര്‍ പി ജെ ജോബി ,അഡ്വക്കെറ്റുമാരായ ജിഷ ജോബി ,അല്‍ജോ പി ആന്റണി എന്നിവര്‍ ഹാജരായി
Advertisement
മ്യൂസിക് ഹെവന്‍ സ്ഥാപനത്തിന്റെ ഉടമ അജി ഹൃദയാഘാതം മൂലം അന്തരിച്ചു.
ഇരിങ്ങാലക്കുട: കണ്ടഞ്ചേരി തങ്കച്ചന്‍ മകന്‍ അജി (42) ഹൃദയാഘാതം മൂലം അന്തരിച്ചു. ഇരിങ്ങാലക്കുട പാട്ടമാളി റോഡില്‍ മ്യൂസിക് ഹെവന്‍ എന്ന സ്ഥാപനത്തിന്റെ ഉടമയാണ്. സിനിമയില്‍ പ്രൊഡക്ഷന്‍ എക്സിക്യൂട്ടീവ് ആയി പ്രവര്‍ത്തിച്ചിരുന്നു. പ്രശസ്ത സിനിമ തിരക്കഥാകൃത്ത് സിബി.കെ.തോമസ്സ് പിതൃ സഹോദരനാണ്.സംസ്‌ക്കാരം ചെവ്വാഴ്ച്ച രാവിലെ 11.30 ന് താണിശ്ശേറി വെസ്റ്റ് ഡോളേഴ്‌സ് പളളി സെമിത്തേരിയില്‍
Advertisement
പരേതനായ തട്ടില്‍ പെരുമ്പുള്ളി ഔസേപ്പ് ഭാര്യ മേരി (83) നിര്യാതയായി
കരുവന്നൂര്‍-പരേതനായ തട്ടില്‍ പെരുമ്പുള്ളി ഔസേപ്പ് ഭാര്യ മേരി (83) നിര്യാതയായി.സംസ്‌ക്കാരം 2018 ജൂലൈ 3 ന് രാവിലെ 9 മണിക്ക് കരുവന്നൂര്‍ സെന്റ് മേരീസ് ദേവാലയ സെമിത്തേരിയില്‍ വച്ച് നടത്തപ്പെടും
മക്കള്‍-ഡേവീസ് (late),ജോസ്(late),ആന്റു
മരുമക്കള്‍-കൊച്ചുത്രേസ്യ ,സെബീന(late),എല്‍സി
Advertisement
കെ എഫ് ബി മെമ്പേഴ്‌സായ കാഴ്ചവൈകല്യമുള്ളവര്‍ക്ക് സഹായത്തിനായി അപേക്ഷ ക്ഷണിക്കുന്നു
ഇരിങ്ങാലക്കുട:മുകുന്ദപുരം താലൂക്കിന്റെ കെ എഫ് ബി മെമ്പേഴ്‌സായ കാഴ്ചവൈകല്യമുള്ളവര്‍ക്ക് ചികിത്സാസഹായം,വിദ്യാഭ്യാസാനുകൂല്യം ,സ്വയം തൊഴില്‍ ചെയ്യുന്നതിന്,വീടുപണിക്ക് ,മറ്റ് പല ആവശ്യങ്ങള്‍ക്കും സഹായം ലഭിക്കുന്നതിന് കേരളഫെഡറേഷന്‍ ഓഫ് ദി ബ്ലയിന്റ് മുകുന്ദപുരം താലൂക്ക് കമ്മറ്റിയുമായി ബന്ധപ്പെടുക.നഗരസഭ ടൂറിസ്റ്റ് ഹോം ബില്‍ഡിംഗ് ,ഠാണാവ് ഇരിങ്ങാലക്കുട,680121 എന്ന വിലാസത്തിലേക്കോ അല്ലെങ്കില്‍ ഫോണ്‍ വഴിയോ ബന്ധപ്പെടുക
contact -8547231627
Advertisement
ആഗസ്റ്റ് 15 ‘സ്വാതന്ത്ര്യ സംഗമം’:സംഘാടക സമിതി രൂപീകരിച്ചു.
ഇരിങ്ങാലക്കുട:ഇരിങ്ങാലക്കുട ബ്ലോക്ക് കമ്മിറ്റിയുടെ നേതൃത്വത്തില്‍ ടൗണ്‍ ഹാള്‍ അങ്കണത്തില്‍ സ്വാതന്ത്ര്യ ദിന സായാഹ്നത്തില്‍ സംഘടിപ്പിക്കുന്ന ‘സ്വാതന്ത്ര്യ സംഗമം’ പരിപാടിയുടെ വിജയത്തിനായുള്ള സംഘാടക സമിതി രൂപീകരിച്ചു. സി.പി.ഐ (എം) ജില്ലാ കമ്മിറ്റി അംഗം ഉല്ലാസ് കളക്കാട്ട് ഉദ്ഘാടനം ചെയ്തു. സ്വാതന്ത്ര്യ ദിന സന്ധ്യയില്‍ ‘ഇന്ത്യ അപകടത്തിലാണ് പൊരുതാം നമുക്കൊന്നായ്’ എന്ന സന്ദേശം ഉയര്‍ത്തി ഡി.വൈ.എഫ്.ഐ ബ്ലോക്ക് കേന്ദ്രങ്ങളില്‍ ‘സ്വാതന്ത്ര്യ സംഗമം’ സംഘടിപ്പിക്കുന്നു. ഇരിങ്ങാലക്കുടയിലെ പരിപാടിയുടെ വിജയത്തിനായി 101 അംഗ എക്‌സിക്യുട്ടിവ് അംഗങ്ങള്‍ ഉള്‍പ്പെടുന്ന സംഘാടക സമിതി രൂപീകരിച്ചു.
ഭാരവാഹികളായി കെ.സി.പ്രേമരാജന്‍(ചെയര്‍മാന്‍) , ആര്‍.എല്‍.ശ്രീലാല്‍(കണ്‍വീനര്‍), വി.എ.അനീഷ(ട്രഷറര്‍),വൈസ് ചെയര്‍മാന്‍മാരായി ഉല്ലാസ് കക്കാട്ട്, അഡ്വ.കെ.ആര്‍.വിജയ, കെ.പി.ദിവാകരന്‍ മാസ്റ്റര്‍, വി.എ.മനോജ്കുമാര്‍, ടി.എസ്.സജീവന്‍ മാസ്റ്റര്‍, കെ.എ.ഗോപി, പ്രൊഫ.കെ.യു. അരുണന്‍ എം.എല്‍.എ എന്നിവരെയും,ജോ.കണ്‍വീനര്‍മാരായി സി.ഡി.സിജിത്ത്, പി.സി. നിമിത, വി.എം.കമറുദീന്‍, ആര്‍.എല്‍.ജീവന്‍ലാല്‍, പി.കെ.മനുമോഹന്‍, ഐ.വി.സജിത്ത് എന്നിവരെയും തിരഞ്ഞെടുത്തു
Advertisement
ഇരിങ്ങാലക്കുട ബൈപ്പാസ് കുപ്പികഴുത്തിലെ അനധികൃത നിര്‍മ്മാണം : ബില്‍ഡിംങ്ങ് പെര്‍മിറ്റ് റദ്ദാക്കാന്‍ കൗണ്‍സില്‍ തീരുമാനം
ഇരിങ്ങാലക്കുട ഠാണ-കാട്ടൂര്‍ ബൈപ്പാസ്സ് റോഡിലെ സ്വകാര്യ വ്യക്കിയുടെ കെട്ടിട നിര്‍മാണം മുനിസിപ്പല്‍ കൗണ്‍സില്‍ യോഗത്തില്‍ ബഹളം, എല്‍. ഡി. എഫ്. അംഗങ്ങള്‍ നടുത്തളത്തിലിറങ്ങി ചെയര്‍പേഴ്‌സണു മുന്‍പില്‍ പ്രതിഷേധിച്ചു, അനതിക്യത നിര്‍മാണം തടയുന്നതിന് പോലീസ് സഹകരണം ലഭിക്കുന്നില്ലെന്ന് യു. ഡി. എഫ്, പോലീസ് സഹായത്തോടെ നിര്‍മാണം നിറുത്തിവപ്പിച്ചു. കെട്ടിട നിര്‍മാണത്തിന് നല്‍കിയ പെര്‍മിറ്റ് റദ്ദാക്കാന്‍ കൗണ്‍സില്‍ യോഗം തീരുമാനിച്ചു. തിങ്കളാഴ്ച ചേര്‍ന്ന മുനിസിപ്പല്‍ കൗണ്‍സില്‍ യോഗത്തിന്റെ ആരംഭത്തിലാണ് എല്‍. ഡി. എഫ്. അംഗം പി. വി. ശിവകുമാര്‍ വിഷയം ഉന്നയിച്ചത്. ശനിയാഴ്ച ചേര്‍ന്ന കൗണ്‍സില്‍ യോഗത്തില്‍ നിര്‍മാണം നിറുത്തി വപ്പിക്കുമെന്ന് ഉറപ്പു നല്‍കിയിട്ടും ഇപ്പോഴും നിര്‍മാണ പ്രവര്‍ത്തനങ്ങള്‍ നടക്കുന്നതായി ചൂണ്ടിക്കാട്ടിയ പി. വി. ശിവകുമാര്‍ നിര്‍മാണ തടയുന്നതിന് നഗരസഭാ ഉദ്യോഗസ്ഥര്‍ ആരും തന്നെ സ്ഥലത്തു ചെന്നിട്ടില്ലെന്നും ആരോപിച്ചു. നഗരസഭ ഉദ്യോഗസ്ഥകരുടെ ക്യത്യ നിര്‍വ്വഹണത്തിനു സഹായം ചെയ്യുക മാത്രമാണ് പോലീസിന് ചെയ്യാനുള്ളതെന്നും ഉദ്യോഗസ്ഥര്‍ സ്ഥലത്തു ചെല്ലാതെയാണ് പോലീസ് സഹായം ലഭിച്ചില്ലെന്ന് കുറ്റപ്പെടുത്തുന്നതെന്നും ശിവകുമാര്‍ പറഞ്ഞു. എന്നാല്‍ എല്‍. ഡി. എഫ്. അംഗം തെറ്റിദ്ധരിപ്പിക്കുകയാണന്ന് വികസനകാര്യ സ്റ്റാന്‍ഡിങ്ങ് കമ്മറ്റി ചെയര്‍മാന്‍ അഡ്വ വി. സി. വര്‍ഗീസ് പറഞ്ഞു. നഗരസഭ ഉദ്യോഗസ്ഥര്‍ കെട്ടി നിര്‍മാണം നടക്കുന്ന സ്ഥലത്ത് പോലീസിനെ കാത്ത് നില്‍ക്കുന്നുണ്ടെന്നും പോലീസ് സഹകരണം ആവശ്യപ്പെട്ട് ഇരിങ്ങാലക്കുട സി. ഐ. യുമായി ബന്ധപ്പെട്ടപ്പോള്‍ വിദ്യാര്‍ത്ഥി സമരം നടക്കുന്നതിനാല്‍ ആവശ്യമായ പോലീസ് ഇല്ലെന്നാണ് മറുപടി നല്‍കിയതെന്ന് വി. സി. വര്‍ഗീസ് വിശദീകരിച്ചു. പോലീസ് സഹകരണം ആവശ്യപ്പെട്ട് ഡി. വൈ. എസ്. പി. യുമായി ചെയര്‍പേഴ്‌സണ്‍ സംസാരിച്ചിട്ടുണ്ടെന്നും വി. സി. വര്‍ഗീസ് പറഞ്ഞു. എന്നാല്‍ വിശദീകരണത്തില്‍ ത്യപ്തരാകാതിരുന്ന എല്‍. ഡി. എഫ്. അംഗങ്ങള്‍ പി. വി. ശിവകുമാറിന്റെ നേത്യത്വത്തില്‍ നടതുത്തളത്തിലിറങ്ങി ചെയര്‍പേഴ്‌സണു മുന്‍പില്‍ പ്രതിഷേധിച്ചു. നിര്‍മാണ പ്രവര്‍ത്തനങ്ങള്‍ നിറുത്തി വപ്പിച്ച ശേഷമെ തങ്ങള്‍ പ്രതിഷേധത്തില്‍ നിന്നും പിന്മാറുകയുള്ളുവെന്ന് എല്‍. ഡി. എഫ്. അംഗങ്ങള്‍ നിലപാടെടുത്തു. ചെയര്‍പേഴ്‌സണു പിന്‍തുണയുമായെത്തിയ സ്റ്റാന്‍ഡിങ്ങ് കമ്മറ്റി ചെയര്‍മാന്മാരായ വി. സി. വര്‍ഗീസ്, എം. ആര്‍. ഷാജു എന്നിവരും എല്‍. ഡി. എഫ് അംഗങ്ങളും തമ്മില്‍ ഏറെ നേരം വാക്കേറ്റം തുടര്‍ന്നു. നിര്‍മാണ പ്രവര്‍ത്തനങ്ങള്‍ തടയുന്നതിന് യു. ഡി. എഫിന് താല്‍പര്യമില്ലെന്ന് എല്‍. ഡി. എഫ്. അംഗങ്ങള്‍ ആരോപിച്ചപ്പോള്‍ യു. ഡി. എഫ്. അംഗങ്ങള്‍ പോലീസിന്റെ നിസഹകരണമാണ് നിര്‍മാണ പ്രവര്‍ത്തനങ്ങള്‍ തടയുവാന്‍ കഴിയാത്തതിന് കാരണമെന്ന് കുറ്റപ്പെടുത്തി. ഇരിങ്ങാലക്കുട ഡി. വൈ. എസ്. പി. യുമായി നടത്തിയ ചര്‍ച്ചയെ തുടര്‍ന്ന് പോലീസ് സ്ഥലത്തെത്തുകയും നഗരസഭ ഉദ്യോഗസ്ഥര്‍ നിര്‍മാണ പ്രവര്‍ത്തനങ്ങള്‍ നിറുത്തിവപ്പിച്ചതായി ചെയര്‍പേഴ്‌സണ്‍ നിമ്യ ഷിജു അറിയിച്ചതോടെയാണ് മുക്കാല്‍ മണിക്കൂറോളം നീണ്ട എല്‍. ഡി. എഫ്. അംഗങ്ങളുടെ പ്രതിഷേധത്തിനു ശേഷം ഇരിപ്പിടത്തിലേക്ക്് മടങ്ങിയത്. സ്റ്റാന്‍ഡിങ്ങ് കമ്മറ്റി ചെയര്‍മാന്‍ അഡ്വ വി. സി. വര്‍ഗീസ് നടത്തിയ വിശദീകരണം തടസ്സപ്പെടുത്താന്‍ എല്‍. ഡി. എഫ്. അംഗങ്ങള്‍ ശ്രമിച്ചത് വീണ്ടും വാക്കേറ്റത്തിന് വഴിവച്ചു. ചെയര്‍പേഴ്‌സണാണ് വിശദികരണം നല്‍കേണ്ടതെന്ന എല്‍. ഡി. എഫ്. അംഗം സി. സി. ഷിബിന്റെ വാദത്തെ സ്റ്റാന്‍ഡിങ്ങ് കമ്മറ്റി ചെയര്‍മാന്‍ എം. ആര്‍. ഷാജു അടക്കമുള്ളവര്‍ എതിര്‍ത്തു. തുടര്‍ന്നു നടന്ന ചര്‍ച്ചയിലാണ് കെട്ടിട നിര്‍മാണത്തിന് നഗരസഭ നല്‍കിയ പെര്‍മിറ്റ് റദ്ദാക്കാന്‍ മുനിസിപ്പല്‍ കൗണ്‍സില്‍ യോഗം ഏകകണ്ഠമായി തീരുമാനിച്ചത്.
ഇരിങ്ങാലക്കുട നഗരസഭയുടെ രണ്ടാം വാര്‍ഡിലെ നഗരസഭ കെട്ടിടത്തിന്റെ അപകടാവസ്ഥ സംബന്ധിച്ച അജണ്ടയും എല്‍. ഡി. എഫ്-യു. ഡി. എഫ്. അംഗങ്ങള്‍ തമ്മിലുള്ള തര്‍ക്കത്തിന് ഇടയാക്കി. കെട്ടിടത്തിലെ ഒന്നാം നില പൊളിച്ചു മാറ്റണമെന്ന നഗരസഭ എഞ്ചിനിയറുടെ റിപ്പോര്‍ട്ടില്‍ മാറ്റി സ്ഥാപിക്കേണ്ട സ്ഥാപനങ്ങളുടെ ലിസ്റ്റില്‍ കോണ്‍ഗ്രസ്സ് ഓഫീസ് വന്നതാണ് തര്‍ക്കത്തിനിടയാക്കിയത്. ഇവിടെ കോണ്‍ഗ്രസ്സ് ഓഫീസ് പ്രവര്‍ത്തിക്കുന്നില്ലെന്നും സ്വാകാര്യ വ്യക്തിയുട പേരില്‍ എടുത്തിട്ടുള്ള മുറിയുടെ വാടക മൂന്നു വര്‍ഷമായി കുടിശ്ശിഖയാണന്നും എല്‍. ഡി. എഫ്. അംഗം അല്‍ഫോന്‍ തോമസ് പറഞ്ഞു. അവിടെ പ്രവര്‍ത്തിക്കുന്നവരെ താല്‍ക്കാലികമായി ജൂബിലി കെട്ടിടത്തിലേക്ക് മാറ്റണമെന്ന നിര്‍ദ്ദേശത്തെയും അവര്‍ എതിര്‍ത്തു. എന്നാല്‍ കെട്ടിടം പൊളിച്ചു നീക്കേണ്ട അവസ്ഥയില്ലെന്ന് മുനിസിപ്പല്‍ വൈസ് ചെയര്‍പേഴ്‌സണ്‍ രാജേശ്വരി ശിവരാമന്‍ പറഞ്ഞു. കെട്ടിടത്തില്‍ അറ്റകുറ്റപണി നടത്തി ബലപ്പെടുത്താവുന്നതാണന്ന് അവര്‍ നിര്‍ദ്ദേശിച്ചു. കെട്ടിടത്തിലെ വാടകക്കാരെ സംരക്ഷിക്കേണ്ടതില്ലെന്ന നിലപാടുമായി എല്‍. ഡി. എഫ്. അംഗം സി. സി. ഷിബിനടക്കമുള്ളവര്‍ രംഗത്തെത്തിയത് യു. ഡി. എഫ് അംഗങ്ങളുമായി വാക്കേറ്റത്തിന് വഴിവച്ചു. തുടര്‍ന്ന് കെട്ടിടം അറ്റകുറ്റപണി നടത്തുവാന്‍ കൗണ്‍സില്‍ യോഗം തീരുമാനിച്ചു. നഗരത്തിലെ വിവിധ പ്രദേശങ്ങളില്‍ സ്ഥാപിച്ചിട്ടുള്ള സൗരോര്‍ജ്ജ വിളക്കുകള്‍ അറ്റകുറ്റപണി നടത്തി പ്രവര്‍ത്തിപ്പിക്കണമെന്ന് ബി. ജെ. പി. അംഗം സന്തോഷ് ബോബന്‍ ആവശ്യപ്പെട്ടു. ബൈപ്പാസ്സ് റോഡിലടക്കം സ്ഥാപിച്ച വിളക്കുകള്‍ കത്തിച്ചാല്‍ മാലിന്യം തള്ളുന്നതടക്കമുള്ള സാമൂഹ്യ വിരുദ്ധരുടെ നടപടികള്‍ തടയാനാവുമെന്ന് സന്തോഷ് ബോബന്‍ ചൂണ്ടിക്കാട്ടി. ജവഹര്‍ കോളനിയിലെ ഒഴിഞ്ഞു കിടക്കുന്ന ഫ്‌ളാറ്റുകള്‍ നഗരസഭ എറ്റെടുത്ത് അര്‍ഹതപ്പെട്ടവര്‍ക്ക് നല്‍കണമെന്ന് അംഗങ്ങള്‍ ആവശ്യപ്പെട്ടു. ഷണ്മുഖം കനാലിന്റെ വടക്കെ ബണ്ടില്‍ താമസിക്കുന്ന ദേവയാനിയുടെ വീടിന്റെ ചുമരിന് കനത്ത മഴയില്‍ വിള്ളലുണ്ടായ സാഹചര്യത്തില്‍ അവരെ മാറ്റി പാര്‍പ്പിക്കേണ്ട വിഷയം ചര്‍ച്ചക്കു വന്നപ്പോഴായിരുന്നു അംഗങ്ങള്‍ ജവഹര്‍ കോളനിയില്‍ ഒഴിഞ്ഞു കിടക്കുന്ന ഫ്‌ളാറ്റുകള്‍ ഏറ്റൈടുത്ത് അര്‍ഹതപ്പെട്ടവര്‍ക്ക് നല്‍കണമെന്നാവശ്യപ്പെട്ടത്. മുനിസിപ്പല്‍ ചെയര്‍പേഴ്‌സണ്‍ നിമ്യ ഷിജു അധ്യക്ഷത വഹിച്ച യോഗത്തില്‍ അഡ്വ വി. സി. വര്‍ഗീസ്, എം ആര്‍. ഷാജു, സുജ സജ്ജീവ്കുമാര്‍, പി. വി. ശിവകുമാര്‍, വത്സല ശശി, സി. സി. ഷിബിന്‍, സന്തോഷ് ബോബന്‍ എന്നിവര്‍ പ്രസംഗിച്ചു.
Advertisement
എസ് എഫ് ഐ നേതാവ് അഭിമന്യു കുത്തേറ്റ് മരിച്ച സംഭവം : ഇരിങ്ങാലക്കുടയില്‍ പഠിപ്പ് മുടക്ക് പൂര്‍ണ്ണം.
ഇരിങ്ങാലക്കുട : എറണാകുളം മഹാരാജാസ് കോളേജിലെ രണ്ടാം വര്‍ഷ രസതന്ത്ര ബിരുദ വിദ്യാര്‍ത്ഥിയും എസ് എഫ് ഐ നേതാവുമായ അഭിമന്യു കുത്തേറ്റ് കൊലചെയ്യപ്പെട്ടതില്‍ പ്രതിഷേധിച്ച് സംസ്ഥാനമാകെ എസ് എഫ് ഐ പ്രഖ്യാപിച്ച പഠിപ്പ് മുടക്ക് പൂര്‍ണ്ണം.ഇരിങ്ങാലക്കുടയില്‍ പ്രവര്‍ത്തകര്‍ പ്രകടനമായി സ്‌കുളുകളിലും കോളേജുകളിലും കയറി അദ്ധ്യായനം നിര്‍ത്തിവെപ്പിച്ച് വിദ്യാര്‍ത്ഥികളെ പുറത്താക്കി.മാടായികോണം സ്‌കൂളില്‍ എസ് എഫ് ഐ പ്രവര്‍ത്തകര്‍ സ്‌കൂള്‍ ബെല്ല് അടിച്ച് വിദ്യാര്‍ത്ഥികളെ പുറത്താക്കിയത് നാട്ടുക്കാരുടെ പ്രതിഷേധത്തിനിടയാക്കി.പീന്നിട് പോലിസ് എത്തിയാണ് സ്ഥിതിഗതികള്‍ ശാന്തമാക്കിയത്.ഉച്ചയോട് കൂടി തന്നെ ഒട്ടുമിക്ക വിദ്യാലയങ്ങളും പ്രവര്‍ത്തനം നിര്‍ത്തിവെച്ച് വിദ്യാര്‍ത്ഥികളെ പറഞ്ഞയിച്ചു.
Advertisement
നവരസ സാധനയുടെ പതിനേഴാമത് ശില്‍പ്പശാലയ്ക്ക് തുടക്കമായി.
ഇരിങ്ങാലക്കുട : നാട്യാചാര്യന്‍ വേണുജി ദീര്‍ഘകാല ഗവേഷണ പഠനങ്ങളിലൂടെ രൂപം നല്‍കിയ നവരസ സാധന എന്ന അഭിനയ പരിശീലന പദ്ധതിയുടെ പതിനേഴാമത് ശില്‍പ്പശാല ഹോളിവുഡ് ചലചിത്ര സംവിധായകന്‍ രഹത് മഹാജന് ഭദ്രദീപം തെളിയിച്ച് ഉദ്ഘാടനം ചെയ്തു. ശില്‍പ്പശാലയില്‍ രഹത് മഹാജന് പുറമെ കശ്മീരില്‍ നിന്നുള്ള സോയ ഖാണ്‌ഡെ, മുംബൈയില്‍ നിന്നും വിദിഷ പുരോഹിത്, കഫീല്‍ ജാഫ്രി, ബംഗളുരുവില്‍ നിന്നുള്ള നിഷു ദീക്ഷിത്, ശൃംഗ, രാജസ്ഥാനില്‍ നിന്നുമുള്ള രാജ്കുമാര്‍ രജ്പുത്ര് തുടങ്ങി നാടകവേദിയിലും ചലചിത്രവേദിയിലും സജീവമായി പ്രവര്‍ത്തിക്കുന്ന പതിമൂന്ന് പേരാണ് ഈ ശില്‍പ്പശാലയില്‍ രണ്ടാഴ്ചകാലം നീണ്ടു നില്‍ക്കുന്ന നവരസ സാധന പരിശീലിക്കുന്നത്.
Advertisement
സെന്റ് തോമസ് കത്തീഡ്രല്‍ ദുക്‌റാന ഊട്ടുതിരുനാളിന് കൊടിയേറി
ഇരിങ്ങാലക്കുട: സെന്റ് തോമസ് കത്തീഡ്രല്‍ ദുക്‌റാന ഊട്ടുതിരുന്നാളിന് കൊടിയേറി. ഞായറാഴ്ച്ച രാവിലെ നടന്ന ആഘോഷമായ കുര്‍ബ്ബാനയ്ക്ക് ശേഷം കത്തീഡ്രല്‍ വികാരി ഫാ. ആന്റു ആലപ്പാടന്‍ പതാക ഉയര്‍ത്തി. തിങ്കളാഴ്ച്ച വൈകീട്ട് 5.30ന് വിശുദ്ധ കുര്‍ബ്ബാന,സന്ദേശം, ലദീഞ്ഞ് , നൊവേന, രൂപം എഴുന്നള്ളിച്ചുവയ്ക്കല്‍ എന്നിവ നടക്കും. തിരുനാള്‍ ദിനമായ ചൊവ്വാഴ്ച്ച രാവിലെ ആറിന് കത്തീഡ്രലിലും, വൈകീട്ട് അഞ്ചിന് സ്പിരിച്ച്വാലിറ്റി സെന്ററിലും വിശുദ്ധ കുര്‍ബ്ബാന നടക്കും. രാവിലെ 7.15 ന് അഭിവന്ദ്യ പോളി കണ്ണൂക്കാടന്‍ പിതാവ് റൂബി ജൂബിലി സ്മാരകമായ ഗ്രോട്ടോയുടെ വെഞ്ചിരിപ്പ് നടത്തും. തുടര്‍ന്ന് നടക്കുന്ന ആഘോഷമായ ദിവ്യബലി, വി. കുര്‍ബാന, ഊട്ടു നേര്‍ച്ച വെഞ്ചിരിപ്പ്, ഡിജിറ്റല്‍ ലൈബ്രറിയുടെ വെഞ്ചിരിപ്പ് എന്നിവ ബിഷപ്പ് നിര്‍വ്വഹിക്കും. 10നുള്ള ആഘോഷമായ തിരുനാള്‍ പാട്ടുകുര്‍ബ്ബാനയ്ക്കു റവ. ഫാ. ലിന്റോ പാറേക്കാടന്‍ മുഖ്യ കാര്‍മികത്വം വഹിക്കും. റവ. ഫാ. ബിബിന്‍ കളമ്പാടന്‍ തിരുനാള്‍ സന്ദേശം നല്‍കും. തുടര്‍ന്ന് പള്ളി ചുറ്റി പ്രദക്ഷിണവും ഉണ്ടായിരിക്കും. കത്തീഡ്രല്‍ അങ്കണത്തിലെ പന്തലിലാണ് ഊട്ടു സദ്യ ക്രമീകരിച്ചിരിക്കുന്നത്. ഇരുപത്തി അയ്യായിരം പേര്‍ക്ക് സൗജന്യ ദുക്‌റാന നേര്‍ച്ചയൂട്ട് നല്‍കും.
Advertisement
ഡ്രൈ ഡേ ദിനത്തില്‍ മദ്യ വില്‍പ്പന നടത്തിയാള്‍ അറസ്റ്റില്‍
ഇരിഞ്ഞാലക്കുട:ഡ്രൈ ഡേ ദിനം / മദ്യവില്പന നിരോധന ദിനം മുതലാക്കി, ചെറുകുപ്പികളിലാക്കി പലചരക്കു കടയുടെ മറവില്‍ മദ്യ വില്പന നടത്തി കൊണ്ടിരുന്ന
ചാലക്കുടി താലൂക്കില്‍ മറ്റത്തൂര്‍ വില്ലേജില്‍ വാസുപ്പൂരം ദേശത്തു തട്ട പറമ്പില്‍ വീട്ടില്‍ വേലുക്കുട്ടി മകന്‍ വിജയന്‍ 67 വയസ്സ് എന്നയാളെ 200ml. ലിറ്റര്‍ മദ്യം സഹിതം ഇരിഞ്ഞാലക്കുട സര്‍ക്കിള്‍ ഓഫീസിലെ പ്രിവന്റീവ് ഓഫീസര്‍ ശ്രീ. V A. ഉമ്മര്‍ ഉം പാര്‍ട്ടിയും കൂടി അറസ്റ്റ് ചെയ്തു. ടിയാന്‍ മുന്‍പും അബ്കാരി കേസില്‍ പ്രതിയായിട്ടുള്ളയാളാണ്. ചെറു കുപ്പിയിലാക്കി 200ml. ന് 200രൂപയും നേര്‍പ്പിച്ച മദ്യത്തിന് ഗ്ലാസിന് 50 രൂപ വെച്ചാണ് ചില്ലറ വില്പന നടത്തികൊണ്ടിരുന്നത്. പ്രതിയെ കോടതിയില്‍ ഹാജരാക്കി റിമാന്റ് ചെയ്തു. റെയ്ഡില്‍ പ്രിവന്റീവ് ഓഫീസര്‍ കൃഷ്ണന്‍, സിവില്‍ എക്‌സൈസ് ഓഫീസര്‍മാരായ എം ഒ ബെന്നി, സി യു ശിവന്‍, ഐ വി സാബു, ഡ്രൈവര്‍ ജിനേഷ് എന്നിവര്‍ പങ്കെടുത്തു
Advertisement
ബി.ജെ.പി. പ്രവര്‍ത്തകന്റെ വീട്ടിലേക്ക് സോഡാകുപ്പി എറിഞ്ഞതായി പരാതി
അരിപ്പാലം: പൂമംഗലം പഞ്ചായത്തില്‍ ബി.ജെ.പി. പ്രവര്‍ത്തകന്റെ വീട്ടിലേക്ക് സോഡാകുപ്പി എറിഞ്ഞതായി പരാതി. അരിപ്പാലം കരുവാപ്പടി സ്വദേശി കുഴുപ്പുള്ളി സുരേഷിന്റെ വീട്ടിലേക്കാണ് സോഡാ നിറച്ച സോഡാകുപ്പി എറിഞ്ഞതെന്ന് പറയുന്നു. കാട്ടൂര്‍ പോലീസില്‍ പരാതി നല്‍കിയിട്ടുണ്ട്. സംഭവത്തില്‍ ബി.ജെ.പി. പഞ്ചായത്ത് കമ്മിറ്റി പ്രതിഷേധിച്ചു. സംഭവത്തിന് പിറകില്‍ ഡി.വൈ.എഫ്.ഐ. ഗുണ്ടകളാണെന്ന് അവര്‍ ആരോപിച്ചു. പഞ്ചായത്ത് പ്രസിഡന്റ് സിബി കുന്നുമ്മക്കര, മനോജ് നടുവത്തുപറമ്പില്‍, ശരത് ശിവാനന്ദന്‍, മനോജ് കല്ലിങ്ങാട്ടില്‍ എന്നിവര്‍ സംസാരിച്ചു.
Advertisement
ബൈപ്പാസ് റോഡില്‍ കക്കൂസ് മാലിന്യം തള്ളി
ഇരിങ്ങാലക്കുട: ബൈപ്പാസ് റോഡില്‍ കക്കൂസ് മാലിന്യം തള്ളി. ഞവരിക്കുളം റോഡില്‍ നിന്നും തിരിഞ്ഞ് പൂതംകുളം ഭാഗത്തേക്ക് പോകുന്ന ഭാഗത്താണ് ബൈപ്പാസ് റോഡില്‍ കക്കൂസ് മാലിന്യം തള്ളിയനിലയില്‍ കണ്ടെത്തിയത്. രാവിലെ നടക്കാനിറങ്ങിയവരാണ് ഇത് കണ്ടത്. തുടര്‍ന്ന് നഗരസഭ ആരോഗ്യവിഭാഗം ജീവനക്കാരെത്തിയാണ് കക്കൂസ് മാലിന്യം കഴുകി റോഡ് വ്യത്തിയാക്കി ബ്ലീച്ചിങ്ങ് പൗഡര്‍ ഇട്ടത്. രാത്രി കാലങ്ങളില്‍ ബൈപ്പാസ് റോഡില്‍ വെളിച്ചമില്ലാത്തതും പോലീസ് പാട്രോളിങ്ങ് ഇല്ലാത്തതുമാണ് മാലിന്യം തള്ളാന്‍ സാഹചര്യമൊരുക്കുന്നതെന്ന് പ്രദേശവാസികള്‍ പറഞ്ഞു.
Advertisement
ഊരകം പള്ളിയില്‍ ജൂബിലി ഭവനത്തിന്റെ താക്കോല്‍ കൈമാറ്റം നടത്തി
ഊരകം: സെന്റ് ജോസഫ്‌സ് പള്ളിയില്‍ ശതോത്തര സുവര്‍ണ ജൂബിലിയാഘോഷത്തന്റെ ഭാഗമായി നിര്‍ധന കുടുംബത്തിന് നിര്‍മിച്ച് നല്‍കിയ ജൂബിലി ഭവനത്തിന്റെ താക്കോല്‍ കൈമാറി. ഇരിങ്ങാലകുട രൂപത സോഷ്യല്‍ ആക്ഷന്‍ ഫോറം ഡയറക്ടര്‍ ഫാ.വര്‍ഗീസ് കോന്തുരുത്തി താക്കോല്‍ കൈമാറ്റം നടത്തി. വികാരി റവ.ഡോ. ബെഞ്ചമിന്‍ ചിറയത്ത് ആശീര്‍വാദം കര്‍മം നി്ര്‍വഹിച്ചു.
ജനറല്‍ കണ്‍വീനര്‍ തോമസ് തത്തംപിള്ളി, കൈക്കാരന്മാരായ പി.എല്‍.ജോസ്, കെ.പി.പിയൂസ്, കുടുംബ സമ്മേളന കേന്ദ്രസമിതി പ്രസിഡന്റ് ജോണ്‍ ജോസഫ് ചിറ്റിലപ്പിള്ളി, സിസ്റ്റര്‍ വിക്ടോറിയ, ബ്രദര്‍ പ്രവീണ്‍ വെള്ളാട്ടുപറമ്പില്‍ എന്നിവര്‍ പ്രസംഗിച്ചു. സ്‌നേഹഭവന പദ്ധതി പ്രകാരം ഇടവകയില്‍ നിര്‍മിച്ചു നല്‍കുന്ന നാലാമത്തെ വീടാണിത്
Advertisement
കൂടല്‍മാണിക്യം ,പായമ്മല്‍ ക്ഷേത്രങ്ങളില്‍ നാലമ്പലദര്‍ശനത്തിനുള്ള ഒരുക്കങ്ങള്‍ പുരേഗമിക്കുന്നു
ഇരിങ്ങാലക്കുട : പഞ്ഞമായ കര്‍ക്കിടത്തിലെ പുണ്യദര്‍ശനത്തിനായി ഭക്തര്‍ നടത്തുന്ന നാലമ്പല ദര്‍ശനത്തിനായി ഇരിങ്ങാലക്കുടയിലെ പ്രമുഖ ക്ഷേത്രങ്ങളായ കൂടല്‍മാണിക്യം ക്ഷേത്രവും പായമ്മല്‍ ക്ഷേത്രത്തിലും ഒരുക്കങ്ങള്‍ പുരോഗമിക്കുന്നു.കൂടല്‍മാണിക്യം ക്ഷേത്രത്തില്‍ ഇത്തവണ വിപുലമായ ഒരുക്കങ്ങളാണ് നാലമ്പല ദര്‍ശനത്തിനായി നടക്കുന്നത്.പതിനായിരങ്ങള്‍ എത്തുന്ന 
നാലമ്പല ദര്‍ശനത്തില്‍ പലപ്പോഴും പാര്‍ക്കിംങ്ങ് സംബദ്ധമായ പ്രശ്‌നങ്ങള്‍ ഉണ്ടാകുന്നത് ഒഴിവാക്കുന്നതിനായി കൊട്ടിലായ്ക്കല്‍ പറമ്പില്‍ താഴ്ന്ന പ്രദേശം മുഴുവനായും ക്വാറി വെയ്സ്റ്റ് അടിച്ച് നികത്തി പേഷ്‌ക്കാര്‍ റോഡില്‍ നിന്നും പ്രവേശിക്കുന്നതിനുള്ള റോഡും പണി കഴിപ്പിക്കുന്നുണ്ട്.കൂടാതെ ഭക്തര്‍ക്കായി സ്ഥിരം ടോയ്‌ലറ്റുകള്‍ അധികമായും നിര്‍മ്മിക്കുന്നുണ്ട്.ക്ഷേത്ത്രതിനകത്തും പുറത്തുമായി മഴയും വെയിലും ഏല്‍ക്കാതെ വരി നില്‍ക്കുന്നതിനായി വിശാലമായ വിരിപന്തലുകളാണ് ഒരുങ്ങുന്നത്.പായമ്മല്‍ ക്ഷേത്രത്തിലും ഇത്തവണ ഒരുങ്ങള്‍ ദ്രൂതഗതിയിലാണ് നടക്കുന്നത്.കഴിഞ്ഞ വര്‍ഷങ്ങളെ അപേക്ഷിച്ച് പായമ്മല്‍ ക്ഷേത്രത്തില്‍ ഇത്തവണ പ്രസാദ ഊട്ടിന്റെ സമയക്രമത്തില്‍ മാറ്റം വരുത്തുന്നുണ്ട്.11 മണിയോടെ പ്രസാദ ഊട്ട് ആരംഭിക്കുന്നതിനാല്‍ ഭക്തജനതിരക്ക് കുറയ്ക്കാന്‍ 
കഴിയും എന്ന വിശ്വസിലാണ് ദേവസ്വം.മുടക്ക് ദിവസങ്ങളില്‍ 10000 പേര്‍ക്കും മറ്റ് ദിവസങ്ങളില്‍ 5000 പേര്‍ക്കും ഊട്ട് ഒരുക്കുന്നുണ്ട്.കൂടതെ ഇത്തവണ പ്ലാസ്റ്റിക്ക് വിമുക്തദര്‍ശനമാണ് പായമ്മല്‍ ക്ഷേത്രത്തില്‍ ഒരുക്കുന്നത്.അരവണ ടിന്നുകള്‍ പ്ലാസ്റ്റിക്ക് ഒഴിവാക്കി പേപ്പര്‍ ടിന്നുകളാക്കിയും ക്യാരിബാഗുകള്‍ തുണി സഞ്ചി ആക്കിയുംമാണ് പ്ലാസ്റ്റിക്കിനെ പ്രതിരേധിക്കുന്നത്.പാര്‍ക്കിംങ്ങിനും വിപുലമായ സൗകര്യങ്ങളാണ് ഒരുക്കുന്നത്.
Advertisement
ഗ്രാമീണ വായനശാല തൊട്ടിപ്പാളില്‍ പുസ്തക പ്രദര്‍ശനം
തൊട്ടിപ്പാള്‍ : ഗ്രാമീണ വായനശാല തൊട്ടിപ്പാളില്‍ പുസ്തകങ്ങളുടെ പ്രദര്‍ശന ഉദ്ഘാടനം തൃശ്ശൂര്‍ ജില്ലാ പഞ്ചായത്ത് അംഗം ടി ജി ശങ്കരനാരായണന്‍ നിര്‍വ്വഹിച്ചു. വായനശാല സെക്രട്ടറി എ എന്‍ പ്രശാന്ത് സ്വാഗതവും പ്രസിഡന്റ് പി എസ് രാജേഷ് അദ്ധ്യക്ഷനായി. പുസ്തക പ്രദര്‍ശനത്തിന് ബൈജു ശങ്കര്‍, നിരഞ്ജന്‍ പാലായി,വനിതാവേദി ഭാരവാഹി പ്രീജ വിപിന്‍ എന്നിവര്‍ ആശംസകള്‍ അര്‍പ്പിച്ചു.സ്മിത ലൈനീഷ് നെടുമ്പാള്‍ പുതിയ കവിത സമാഹാരം ‘ പെയ്തു തോരുന്നത് ‘ ചടങ്ങില്‍ അവതരിപ്പിച്ചു.ലൈബ്രറിയന്‍ ബീന ഗോപി നന്ദി പറഞ്ഞു..
Advertisement
