മുരിയാട് : മുരിയാട് ഗ്രാമപഞ്ചായത്തിലെ തൊഴിലുറപ്പു തൊഴിലാളികള്‍ ഹരിത കേരള മിഷന്റെ ഭാഗമായി 10 കുളങ്ങളും 33 കിണറുകളും നിര്‍മ്മിച്ചു.കൂടാതെ മത്സ്യക്കഞ്ഞുങ്ങളെ വളര്‍ത്തുന്ന കുളങ്ങളും നിര്‍മ്മിച്ച് ഈ മേഖലയില്‍ വേറിട്ട മാതൃക സൃഷ്ടിക്കുന്നു.സ്ത്രികള്‍ പൊതുവേ കടന്ന് വരാത്ത ഈ മേഖലയില്‍ വിജയകൊടി പാറിച്ചിരിക്കുകയാണ് ഇവര്‍. 17-ാം വാര്‍ഡില്‍ നിര്‍മ്മിച്ച കുളത്തിന്റെ ഉദ്ഘാടനം ഇരിഞ്ഞാലക്കുട ബ്ലോക്ക് പഞ്ചായത്ത് പ്രസിഡണ്ട് പി.എ.മനോജ് കുമാര്‍ നിര്‍വ്വഹിച്ചു. പഞ്ചായത്തു പ്രസിഡണ്ട് സരള വിക്രമന്‍ അദ്ധ്യക്ഷത വഹിച്ചു. ബ്ലോക്ക് വൈസ് പ്രസിഡണ്ട് നളിനി ബാലകൃഷ്ണനും മുരിയാട് സഹകരണ ബാങ്ക് പ്രസിഡണ്ട് പ്രൊഫ.ബാലചന്ദനും തൊഴിലാളികള്‍ക്ക് ട്രോഫി നല്‍കി കൊണ്ട് സംസാരിച്ചു. വാര്‍ഡ് മെമ്പര്‍ ജോണ്‍സന്‍ സ്വാഗതവും നിത അര്‍ജുനന്‍ നന്ദിയും മിനി സത്യന്‍ ആശംസയും പറഞ്ഞു

കരൂപ്പടന്ന : അന്താരാഷ്ട്ര പദവിയിലേക്ക് ഉയര്‍ത്തുന്ന കരൂപ്പടന്ന ഗവ.ഹയര്‍ സെക്കണ്ടറി സ്‌കൂളില്‍ പൂര്‍വ്വ വിദ്യാര്‍ത്ഥി – അധ്യാപക സൗഹൃദ സംഗമം നടത്തി. വി.ആര്‍.സുനില്‍കുമാര്‍ എം.എല്‍.എ ഉദ്ഘാടനം ചെയ്തു.ഓള്‍ഡ് സ്റ്റുഡന്റ്‌സ് അസോസിയേഷന്‍ പ്രസിഡണ്ട് കെ.എ.മുഹമ്മദ് അധ്യക്ഷത വഹിച്ചു. ഒ.എസ്.എ സെക്രട്ടറി പി.കെ.എം.അഷറഫ് റിപ്പോര്‍ട്ട് അവതരിപ്പിച്ചു.കവി ഏങ്ങണ്ടിയൂര്‍ ചന്ദ്രശേഖരന്‍ മുഖ്യ പ്രഭാഷണം നടത്തി. എഴുത്തുകാരായ ബക്കര്‍ മേത്തല, തുമ്പൂര്‍ ലോഹിതാക്ഷന്‍ എന്നിവര്‍ പ്രഭാഷണം നടത്തി. വെള്ളാങ്ങല്ലൂര്‍ ഗ്രാമ പഞ്ചായത്ത് പ്രസിഡണ്ട് പ്രസന്ന അനില്‍കുമാര്‍ ചരിത്ര രേഖ പ്രകാശനം ചെയ്തു. ഖാദര്‍ പട്ടേപ്പാടം ഏറ്റുവാങ്ങി.വെള്ളാങ്ങല്ലൂര്‍ ബ്ലോക്ക് പഞ്ചായത്ത് പ്രസിഡണ്ട് ഷാജി നക്കര, ജില്ലാ പഞ്ചായത്ത് അംഗം എന്‍.കെ.ഉദയപ്രകാശ് ഉള്‍പ്പെടെ ത്രിതല പഞ്ചായത്ത് അംഗങ്ങളും അധ്യാപകരും പൂര്‍വ്വ അധ്യാപകരും പി.ടി.എ. ഭാരവാഹികളും പങ്കെടുത്തു.സംഘാടക സമിതി കണ്‍വീനര്‍ പി.എ.നസീര്‍ സ്വാഗതവും എ.എസ്.സുനില്‍ നന്ദിയും പറഞ്ഞു. പൂര്‍വ്വ അധ്യാപകരെ ആദരിച്ചു.സ്‌കൂള്‍ വിദ്യാര്‍ത്ഥി – പൂര്‍വ്വ വിദ്യാര്‍ത്ഥികളുടെ
വിവിധ കലാപരിപാടികളും ഉണ്ടായി.സംസ്ഥാന സ്‌കൂള്‍ കലോത്സവത്തില്‍ എ.ഗ്രേഡ് നേടിയ നാഫിയ പര്‍വ്വീണ്‍, ആദിത്യ എന്നിവര്‍ക്ക് പി.ടി.എ യുടെ ഉപഹാരം എം.എല്‍.എ. നല്‍കി.

പടിയൂര്‍ : ഗ്രാമപഞ്ചായത്തിലെ 8-ാം വാര്‍ഡില്‍ പണ്ടാരത്തറ പ്രദേശത്ത് പണിപൂര്‍ത്തികരിച്ച് വെള്ളാങ്കല്ലൂര്‍ ബ്ലോക്ക് പട്ടികജാതി വികസന വകുപ്പിന് കൈമാറിയ വിജ്ഞാനവാടി ഉദ്ഘാടനം ചെയ്ത് ജനങ്ങള്‍ക്ക് വിട്ട് നല്‍കാത്തതില്‍ പ്രതിഷേധിച്ച് വാര്‍ഡ് മെമ്പര്‍ ടി ഡി ദശോബിന്റെ നേതൃത്വത്തില്‍ സൗജന്യമായി ഭൂമി വിട്ട് നല്‍കിയ സമിതിഅംഗങ്ങളും നാട്ടുക്കാരും ഏകദിന നിരാഹാര സത്യാഗ്രഹം നടത്തി.മുന്‍ സര്‍ക്കാരിന്റെ ഓരോ പഞ്ചായത്തിലും ഒരു വിജ്ഞാനവാടി എന്ന പദ്ധതി പ്രകാരമാണ് പടിയൂരില്‍ വിജ്ഞാനവാടി നിര്‍മ്മിച്ചത്.20 എസ് സി കുടുംബങ്ങളുടെ നേതൃത്വത്തിലുള്ള പട്ടികജാതി വികസന വിവിധദ്ദേശ്യസഹായ സമിതിയാണ് വിജ്ഞാനവാടി നിര്‍മ്മിക്കുന്നതിനായി 5 സെന്റ് ഭൂമി 2012 ല്‍ സര്‍ക്കാരിന് കൈമാറിയത്.പോലീസ് ഹൗസിംങ്ങ് കോ-ഓപ്പറേറ്റിംങ്ങ് സൊസൈറ്റി 4 ലക്ഷം രൂപ ചിലവില്‍ പണി പൂര്‍ത്തികരിച്ച് ജില്ലാ പട്ടികജാതി വികസന വകുപ്പിന് കൈമാറി.ഒരു കമ്പ്യൂട്ടര്‍,പ്രിന്റര്‍,2 അലമാര,3 മേശ,15 കസേര,125 വിവിധ തരം പുസ്തകങ്ങള്‍ എന്നീ സാധനങ്ങള്‍ വിജ്ഞാനവാടിയിുണ്ട്.സമിതിയംഗങ്ങള്‍ വാര്‍ഡ്‌മെമ്പറുടെ നേതൃത്വത്തില്‍ സമാഹരിച്ച തുക ഉപയോഗിച്ചാണ് വൈദ്യൂതി കണക്ഷന്‍ എടുത്തിട്ടുള്ളത്.തുറന്ന് നല്‍കാത്ത കെട്ടിടത്തിന്റെ വൈദ്യൂതി ചാര്‍ജ്ജ് വാര്‍ഡ് മെമ്പര്‍ തന്നെ ഇപ്പോഴും നല്‍കി വരുകയാണ്.ഉദ്ഘാടനം ചെയ്ത് കെട്ടിടം തുറന്ന് നല്‍കാത്തത് മൂലം കമ്പ്യൂട്ടര്‍ ഉള്‍പെടെയുള്ള സാധനങ്ങള്‍ കെട്ടിടത്തില്‍ നശിച്ച് കൊണ്ടിരിക്കുകയാണ്.വിജ്ഞാനവാടി കാട് കയറി ഇഴജന്തുക്കളുടെ വിഹാര കേന്ദ്രമായി മാറി കൊണ്ടിരിക്കുകയാണ്.എത്രയും വേഗത്തില്‍ വിജ്ഞാനവാടി തുറന്ന് പ്രവര്‍ത്തിക്കാന്‍ ഉള്ള നടപടികള്‍ വെള്ളാങ്കല്ലൂര്‍ ബ്ലോക്ക് പഞ്ചായത്ത് അതികൃതര്‍ കൈകൊള്ളണമെന്നാണ് പ്രതിഷേധക്കാരുടെ ആവശ്യം

പുത്തന്‍ച്ചിറ: പുത്തന്‍ച്ചിറ മേഖല സുന്നി കോര്‍ഡിനേഷന്‍ കമ്മറ്റിയുടെ ആഭിമുഖ്യത്തില്‍ വിശുദ്ധ റബീഉല്‍ അവ്വലില്‍ ‘സ്‌നേഹിക്കാം തിരുനബിയെ’ എന്ന പ്രമേയത്തില്‍ നടത്തി വന്ന മീലാദ് സംഗമം ക്യാമ്പയിന്‍ സമാപിച്ചു. സമാപന സമ്മേളനത്തില്‍ ഹാഫിള് ജുനൈദ് ജൗഹാരി അല്‍ അസ്ഹരി മദ്ഹുറസല്‍ പ്രഭാഷണം നടത്തി. എസ്.വൈ.എസ്. തൃശൂര്‍ ജില്ലാ ഉപാധ്യക്ഷന്‍ സിറാജുദ്ദീന്‍ സഖാഫി കൂരിക്കുഴി ഉദ്ഘാടനം ചെയ്തു. അബൂബക്കര്‍ സഖാഫി അധ്യക്ഷത വഹിച്ചു. സ്വാന്തനം പദ്ധതിയുടെ ഭാഗമായുള്ള ചികിത്സാ സഹായങ്ങള്‍ എടമുക്ക് ഖത്തീബ് അബ്ദുല്‍ ഹമീദ് ബാഖവി വിതരണം ചെയ്തു. ഷിഹാബ് സഖാഫി കെ.എസ്. സ്വാഗതവും സ്വാഗതം കണ്‍വീനര്‍ ഷിറാസ് ഖാന്‍ നന്ദിയും പറഞ്ഞു.

തുമ്പൂര്‍ : അയ്യപ്പന്‍കാവ് കാവടി അഭിഷേക മഹോത്സവം വര്‍ണ്ണാഭമായി.ജനുവരി 12 ഉത്സവ ദിനത്തില്‍ രാവിലെ വിശേഷാല്‍ പൂജകള്‍,8 മുതല്‍ 10:30 വരെ
ഏഴ് ഗജവീരന്മാര്‍ അണിനിരന്ന കാഴ്ച ശീവേലിയും 11.30 മുതല്‍ വിവിധ ദേശക്കാരുടെ വര്‍ണ്ണശഭളമായ കാവിടികള്‍ ക്ഷേത്രത്തില്‍ പ്രവേശിച്ച് 2 മണിയോടെ കാവടിയാട്ടം സമാപിച്ചു.വൈകീട്ട് 4 മുതല്‍ പകല്‍പ്പൂരവും, പെരുവനം കുട്ടന്‍ മാരാര്‍, കലാമണ്ഡലം ശിവദാസ് തുടങ്ങിയ എഴുപത്തഞ്ചോളം കലാകാരന്‍മാര്‍ നയിക്കുന്ന പാണ്ടിമേളം, പഞ്ചവാദ്യം, പഞ്ചാരിമേളം എന്നിവ ഉണ്ടായിരുന്നു.രാത്രി 8ന് നാടകം ഇത് പൊതുവഴിയല്ല.പുലര്‍ച്ചേ 2.30ന് ആറാട്ട് പുറപ്പാട്.

കാറളം :ഹോളി ട്രിനിറ്റി പള്ളിയില്‍ വി. സെബസ്ത്യാനോസിന്റെ അമ്പു തിരുന്നാളും പരി. കന്യകാമറിയത്തിന്റെയും വി. അല്‍ഫോന്‍സാമ്മയുടെയും ഓര്‍മ്മത്തിരുന്നാളും സംയുക്തമായി ജനുവരി 11 മുതല്‍ 15 വരെ നടക്കും.അമ്പുതിരുന്നാളിന്റെ കൊടികയറ്റം ഫാ അനില്‍ പുതുശ്ശേരി നിര്‍വഹിച്ചു.ഫാ ഡെയ്‌സണ്‍ കവലക്കാട്ട് സഹകാര്‍മ്മികത്വം വഹിച്ചു.14 നു തിരുന്നാള്‍ കുര്‍ബാനക്ക് ഫാ ജെയിംസ് പള്ളിപ്പാട്ട് മുഖ്യ കാര്‍മ്മികത്വം വഹിക്കും.ഫാ ജിനു വെണ്ണാട്ടുപറമ്പില്‍ തിരുന്നാള്‍ദിന സന്ദേശം നല്‍കും.വൈകീട്ട് 7 നു തിരുന്നാള്‍ പ്രദക്ഷിണ സമാപനം തുടര്‍ന്ന് വര്‍ണ്ണമഴ.15 നു വൈകീട്ട് 7 ന് കൊച്ചിന്‍ ഗോള്‍ഡന്‍ ബീറ്റ്‌സിന്റെ ഗാനമേള എന്നിവ ഉണ്ടായിരിക്കും

വെള്ളാങ്കലൂര്‍ : പഞ്ചായത്തിലെ മാനാട്ടു കുന്നില്‍ കുന്നിടിച്ചു തികത്താനുള്ള ശ്രമത്തിനെതിരെ നാട്ടുകാര്‍.കുന്നിടിച്ചാല്‍ പ്രദേശത്തെ ഇരുപതു വീടുകള്‍ക്കും ഇവരുടെ ജീവനും ഭീഷണിയില്‍.ഇരുപതടിയോളം താഴ്ത്തി മണെടുക്കാനാണ് സ്ഥലമുടമ ശ്രമിക്കുന്നത് വീടുവെയ്ക്കാനെപേരില്‍ കോടികളുടെ മണ്ണുകടത്താനണെനാണ് നാട്ടുകാരുടെ പ്രധാന ആരോപണം പട്ടികജാതിക്കാര്‍ അടക്കമുള്ള നിര്‍ദ്ദനരാണ് കുന്നിനു മുകളില്‍ താമസിക്കുന്നത് ഇത്രയും ആഴത്തില്‍ മണ്ണെടുത്താല്‍ മണ്ണിടിഞ്ഞ് ഇവരുടെ വീടുകള്‍ക്ക് നാശനഷ്ടമുണ്ടാകാം. കുഴിയില്‍ വീണ് ഇവിടെയുള്ള കുട്ടികള്‍ക്കും അപകടമുണ്ടാകാം നേരത്തെ ഇവിടെ പഞ്ചായത്ത് നിര്‍മ്മിച്ച സ്റ്റേഡിയത്തിന്റെ കുഴിയില്‍ പോലും ഭിത്തി നിര്‍മ്മാണം പൂര്‍ത്തികരിച്ചിട്ടില്ല.ഇതിനിടയിലാണ് പ്രദേശം മുഴുവനുമുള്ള കുഴിയിടിക്കാന്‍ സ്വകാര്യ വ്യക്തി ശ്രമിക്കുന്നത്.ഇതിനെതിരെ ജന പ്രതിനിധികള്‍ക്കും ഉദ്യോഗസ്ഥര്‍ക്കും പരാതി നല്‍കിയതായും പ്രദേശവാസികള്‍ പറഞ്ഞു.മണ്ണെടുപ്പ് നടത്താന്‍ അനുവദിക്കിലെന്നും ശക്തമായ പ്രക്ഷോഭം ആരംഭിക്കുമെന്നും ഇവര്‍ അറിയിച്ചു.

കാട്ടൂര്‍ : പഞ്ചയത്ത് മാര്‍ക്കറ്റ് സമ്പൂര്‍ണ ശുചിത്വവല്‍കരിക്കാന്‍ ഒരുങ്ങി ആരോഗ്യ വിഭാഗം നടപടികള്‍ ശക്തമാക്കി. മാര്‍ക്കറ്റിലെ കടകളില്‍ അശാസ്ത്രിമായി സംസ്‌കരിക്കുന്ന രീതിയാണ് നിലവില്ലുള്ളത്. മൂന്ന് സ്വകാര്യ സ്ഥലങ്ങള്‍ ഇത്തരത്തില്‍ ആരോഗ്യ വിഭാഗം പരിശോധനയില്‍ കണ്ടെത്തി.കൂടാതെ മാര്‍ക്കറ്റില്‍ പൊതു സ്ഥലങ്ങളില്‍ മലമൂത്ര വിസര്‍ജ്ജനം നടത്തുന്നതായും പരാതി ലഭിച്ചിട്ടുണ്ട്. പ്ലാസ്റ്റിക്ക് മാലിന്യങ്ങള്‍ കൂട്ടിയിട്ട് കത്തിക്കുന്നതായും ശ്രദ്ധയില്‍ പെട്ടിട്ടുണ്ട്.സര്‍ക്കാരിന്റെ ജാഗ്രത പദ്ധതിയില്‍ ഉള്‍പെടുത്തിയാണ് കാട്ടൂര്‍ പഞ്ചായത്തും ആരോഗ്യ വിഭാഗവും മാര്‍ക്കറ്റ് ശുചികരിക്കാന്‍ നടപടി സ്വികരിക്കുന്നത്.ഇന്നു രാവിലെ നടത്തിയ മിന്നല്‍ പരിശോധനയില്‍ മാലിന്യം തള്ളുന്ന പത്തുകടക്കാരില്‍ നിന്നും പൊതു സ്ഥലത്ത് മൂത്രമൊഴിച്ച രണ്ടു പേരില്‍ നിന്നും പിഴ ഈടാക്കി. നോട്ടിസ് ലഭിച്ച ഒരു സ്ഥലമുടമ മാലിന്യം പൂര്‍ണമായി നീക്കുകയും ചെയ്തു.മാലിന്യം തള്ളുന്നവര്‍കെതിരെ കര്‍ശന നടപടി സ്വികരിക്കാനാണ് ആരോഗ്യ വിഭാഗത്തിന്റെ തീരുമാനം.