ഇരിങ്ങാലക്കുട : ജനറല്‍ ആശുപത്രിയില്‍ നിര്‍മ്മാണം പൂര്‍ത്തിയാക്കിയ അത്യാധുനിക സൗകര്യങ്ങളോടുകൂടിയ മാതൃശിശു സംരക്ഷണ ബ്ലോക്കിന്റെ പ്രവര്‍ത്തനോദ്ഘാടനം ചൊവ്വാഴ്ച നടക്കും. ദേശീയ ഗ്രാമീണ ആരോഗ്യ പദ്ധതിയില്‍ ഉള്‍പ്പെടുത്തി നിര്‍മ്മിച്ചിരിക്കുന്ന ബ്ലോക്കിന്റെ പ്രവര്‍ത്തനോദ്ഘാടനം രാവിലെ 11ന് പ്രൊഫ. കെ.യു. അരുണന്‍ എം.എല്‍.എ. നിര്‍വ്വഹിക്കും. നഗരസഭ ചെയര്‍പേഴ്സന്‍ നിമ്യാഷിജു അധ്യക്ഷയായിരിക്കും. മുന്‍ ചീഫ് വിപ്പ് തോമസ് ഉണ്ണിയാടന്‍ മുഖ്യാതിഥിയായിരിക്കും. നേരത്തെ ആശുപത്രിയുടെ ഉദ്ഘാടനം നടത്തിയെങ്കിലും വെള്ളം, വൈദ്യൂതി എന്നിവ ലഭ്യമായിരുന്നില്ല.

ഇരിങ്ങാലക്കുട : സെന്റ് ജോസഫ്‌സ് കോളേജില്‍ നിന്ന് ഈ അദ്ധ്യായന വര്‍ഷം സര്‍വ്വീസില്‍ നിന്ന് വിരമിക്കുന്ന, ജന്തുശാസ്ത്ര വിഭാഗം മേധാവി ‘പ്രൊഫ. ബേബി ജെ ആലപ്പാട്ടിനോടുള്ള ആധര സൂചകമായി ആകര്‍ഷകമായ ജീവശാസ്ത്ര പ്രദര്‍ശനം സംഘടിപ്പിക്കുന്നു. Zoo Scope Life Expo എന്ന ഈ പ്രദര്‍ശനം ജനുവരി 16, 17 ദിവസങ്ങളിലാണ് നടക്കുന്നത് .കാടിന്റെ അന്തരീക്ഷം പുനസൃഷ്ടിക്കപ്പെട്ട സ്റ്റാളുകള്‍,ബായോ ടെക്‌നിക്‌സുകള്‍, തേനും തേനുല്‍പനങ്ങളും, അക്വാവേള്‍ഡ്, സ്‌നോ വേള്‍ഡ്, ജീവി മാതൃകകള്‍,ജൈവ സാങ്കേതിക വിദ്യകള്‍ തുടങ്ങി വിവിധ മേഖലകളില്‍ പ്രദര്‍ശനം നടക്കുന്നു. തത്സമയ ഫോട്ടോഗ്രാഫി മത്സരവും ഇതിനോടനുബന്ധിച്ച് നടത്തുന്നുണ്ട്.

ഇരിങ്ങാലക്കുട : യുഗപപുരുഷനായ സ്വാമി വിവേകാനന്ദന്റെ കേരളസന്ദര്‍ശനത്തിന്റെ ഓര്‍മ്മ പുതുക്കിക്കൊണ്ട് എസ് എന്‍ പബ്ലിക് ലൈബ്രറി ബാലവേദിയുടെ ആഭിമുഖ്യത്തില്‍ വിവേകാനന്ദ സ്പര്‍ശം പരിപാടി നടത്തി. വിവേകാനന്ദ ചിന്തകള്‍ക്കും ദര്‍ശനങ്ങള്‍ക്കും ഇന്നത്തെ കാലഘട്ടത്തിലെ പ്രസക്തിയെക്കുറിച്ച് പ്രശസ്ത പത്രപ്രവര്‍ത്തകനും എഴുത്തുകാരനും വിവര്‍ത്തകനുമായ പി.കെ.ശിവദാസ് സംസാരിച്ചു. ബാലവേദി അംഗങ്ങളുടെ ചോദ്യങ്ങള്‍ക്ക് അദ്ദേഹം വിശദമായിത്തന്നെ മറുപടി പറഞ്ഞു. ബാലവേദി സെക്രട്ടറി ലക്ഷ്മി.കെ.പവനന്‍ അദ്ധ്യക്ഷത വഹിച്ച ചടങ്ങില്‍ പി.കെ.ഭരതന്‍, ലിജി ചെറിയാന്‍, അര്‍ജുന്‍, അക്ഷയ് എന്നിവര്‍ സംസരിച്ചു.

ഇരിങ്ങാലക്കുട : കേന്ദ്ര ഗവര്‍മെന്റ് നടപ്പിലാക്കുന്ന ജനക്ഷേമ പദ്ധതികള്‍ ജനങ്ങളിലെത്തിക്കുന്നതിനു വേണ്ടിയും പൊതുജനങ്ങള്‍ക്ക വേണ്ട ഓണ്‍ലൈന്‍ സര്‍വീസുകള്‍ ചെയ്തു കൊടുക്കുന്നതിനും മുന്‍സിപ്പല്‍ കൗണ്‍സിലര്‍ സന്തോഷ് ബോബന്‍ ആരംഭിക്കുന്ന ജനസേവന കേന്ദ്രം നാളെ ചൊവ്വാഴ്ച 3 മണിക്ക് ബിജെപി സംസ്ഥാന അദ്ധ്യക്ഷന്‍ കുമ്മനം രാജശേഖരന്‍ ഉദ്ഘാടനം ചെയ്യുന്നു. മെട്രോ ഹോസ്പിറ്റലിനു എതിര്‍വശത്തുള്ള തെക്കേക്കര സബ് ലൈന്‍ റോഡിലാണ് ജനസേവന കേന്ദ്രം പ്രവര്‍ത്തനമാരംഭിക്കുന്നത്.

കരുവന്നൂര്‍ : മഹാരാഷ്ട്ര യുവാവിനെ കാണാനില്ലെന്ന് പരാതി. മഹാരാഷ്ട്ര സോലാപൂര്‍ ജില്ലയില്‍ മാനവാടി കൈലാസ് ക്രുഷ്ണ ഇംഗോലി (35)നെയാണ് ഡിസംബര്‍ ആദ്യവാരം മുതല്‍ കാണാതായതെന്ന് ബന്ധുക്കള്‍ ഇരിങ്ങാലക്കുട പോലിസില്‍ നല്‍കിയ പരാതിയില്‍ പറയുന്നു. വര്‍ഷങ്ങളായി സഹോദരനും മറ്റുബന്ധുക്കള്‍ക്കുമൊപ്പം കരുവന്നൂര്‍ ബംഗ്ലാവ് പരിസരത്ത് താമസിച്ച് പഴയ തുണികളും മറ്റും ശേഖരിച്ചാണ് കഴിഞ്ഞിരുന്നത്. കഴിഞ്ഞമാസം നാട്ടിലേക്ക് പോയ കൈലാസിനെ പിന്നിട് കാണാതാകുകയായിരുന്നു. ഇയാളെ കുറിച്ച് എന്തെങ്കിലും വിവരം ലഭിക്കുകയാണെങ്കില്‍ തൊട്ടടുത്തുള്ള പോലിസ് സ്റ്റേഷനിലോ, 9446077582 എന്ന നമ്പറിലോ അറിയിക്കേണ്ടതാണ്.

ഇരിങ്ങാലക്കുട ; ശ്രീനാരായണ യുവജന സമിതിയുടെ 41-മത് അഖില കേരള പ്രൊഫഷണല്‍ നാടകമത്സരത്തിന് 15ന് തിങ്കളാഴ്ച്ച ് വിശ്വനാഥപുരം ക്ഷേത്രാങ്കണത്തില്‍ ആരംഭം കുറിക്കും. ആറ് ദിവസങ്ങളിലായി നടക്കുന്ന നാടക മത്സരം വൈകിട്ട് 6.30ന സിനിമാതാരം ലിയോണ ലിഷോയ് ഉദ്ഘാടനം ചെയ്യും. എസ്.എന്‍.ബി.എസ്.സമാജം പ്രസിഡണ്ട് മുക്കുളം വിശ്വംഭരന്‍ അദ്ധ്യക്ഷത വഹിക്കും. എസ്.എല്‍.ഡി.പി. യോഗം മുകുന്ദപുരം യൂണിയന്‍ പ്രസിഡണ്ട് സന്തോഷ് ചെറാക്കുളം മുഖ്യാതിഥിയായിരിക്കും.തുടന്ന് വടകര കാഴ്ച തിയ്യറ്റേഴ്സ് അവതരിപ്പിക്കുന്ന എം.ടിയും ഞാനും അരങ്ങേറും. 16ന് ചൊവ്വാഴ്ച വൈകിട്ട് 7.30ന് ഓച്ചിറ സരിഗ അവതരിപ്പിക്കുന്ന രാമേട്ടന്‍,17ന് ബുധനാഴ്ച അങ്കമാലി അക്ഷയുടെ ആഴം,18ന് വ്യാഴാഴ്ച തിരുവനന്തപുരം സോപാനം അവതരിപ്പിക്കുന്ന സഹയാത്രികന്റെ ഡയറിക്കുറിപ്പ്. 19ന്വെളളിയാഴ്ച തിരുവനന്തപുരം ആരാധനയുടെ നാഗവല്ലി,,20ന് ശനിയാഴ്ച ചങ്ങനാശ്ശേരി അണിയറയുടെ നോക്കുകുത്തി 21,വളളുവനാട് ബ്രഹ്മ ബ്ലാക്ക് ലൈറ്റ് അവതരിപ്പിക്കുന്ന മഴ.എന്നി നാടകങ്ങള്‍ അരങ്ങേറും 22ന് തിങ്കളാഴ്ച വൈകിട്ട് 7ന് നടക്കുന്ന സമാപന സമ്മേളനം പ്രൊഫ. കെ.യു. അരുണന്‍ എം.എല്‍.എ ഉദ്ഘാടനം ചെയ്യും.സിനിമാസംവിധായകന്‍ ജിജു അശോകന്‍ സമ്മാനദാനം നിര്‍വഹിക്കും.

ഇരിങ്ങാലക്കുട: 2018ലെ കൂടല്‍മാണിക്യം ഉത്സവത്തിന് 1.8 കോടിരൂപയുടെ ബജറ്റ് അവതരിപ്പിച്ചു. ഞായറാഴ്ച ദേവസ്വം പടിഞ്ഞാറെ ഊട്ടുപുരയില്‍ ഉത്സവാഘോഷത്തിന്റെ ആലോചനായോഗത്തിലാണ് അവതരിപ്പിച്ചത്.  തിരുവുത്സവം സംബന്ധിച്ച് നടക്കുന്ന കലാപരിപാടികള്‍ അവതരിപ്പിക്കാനുള്ള ലിസ്റ്റ് ഫെബ്രുവരി  15നകം ലഭിക്കണമെന്ന് യോഗത്തില്‍ അധ്യക്ഷത വഹിച്ച യു. പ്രദീപ് മേനോന്‍ പറഞ്ഞു. ദേവസ്വം ചെയര്‍മാന്‍  പ്രോഗ്രാം ബുക്ക് മാര്‍ച്ച് ഒന്നിന് പുറത്തിറക്കും. തിരുവുത്സവം സമാപിച്ച് ഒരു മാസത്തിനകം പൊതുയോഗം വിളിച്ചു വരവ് ചിലവുകണക്കുകള്‍ അവതരിപ്പിക്കുമെന്നും ചെയര്‍മാന്‍ പറഞ്ഞു. ഉത്സവാഘോഷത്തിന്റെ വിവിധ സബ്ബ് കമ്മിറ്റി ചെയര്‍മാന്‍മാരെ യോഗം തിരഞ്ഞെടുത്തു. ക്ഷേത്രം തന്ത്രിയും മാനേജിങ്ങ് കമ്മിറ്റി അംഗവുമായ എം.പി. പരമേശ്വരന്‍ നമ്പൂതിരി ഭദ്രദീപം കൊളുത്തി. മുന്‍ ചെയര്‍മാന്‍ പനമ്പിള്ളി രാഘവമേനോന്‍, നഗരസഭ ചെയര്‍പേഴ്‌സന്‍ നിമ്യാഷിജു, ഭരണസമിതി അംഗങ്ങളായ ഭരതന്‍ കണ്ടേങ്കാട്ടില്‍, കെ.ജി. സുരേഷ്, രാജേഷ് തമ്പാന്‍, കെ.കെ. പ്രേമരാജന്‍, എം.വി ഷൈന്‍, അഡ്മിനിസ്‌ട്രേറ്റര്‍ എ.എം. സുമ, നഗരസഭ കൗണ്‍സിലര്‍മാര്‍, ഗ്രാമപഞ്ചായത്ത് പ്രസിഡന്റുമാര്‍, സഹകരണ ബാങ്ക് അധ്യക്ഷന്മാര്‍, ഭക്തജനങ്ങള്‍ തുടങ്ങിയവര്‍ യോഗത്തില്‍ സംബന്ധിച്ചു. യോഗാനന്തരം കൂടല്‍മാണിക്യം കിഴക്കെ ഗോപുരത്തിന് സമീപം 2018ലെ ഉത്സവാഘോഷകമ്മിറ്റി ഓഫീസ് ക്ഷേത്രം തന്ത്രി ഉദ്ഘാടനം ചെയ്തു.

ഇരിങ്ങാലക്കുട എസ്.എന്‍ ഹയര്‍സെക്കണ്ടറി സ്ക്കൂളിന്റെ വാര്‍ഷികാഘോഷവും,രക്ഷാകര്‍തൃദിനവും,യാത്രയയപ്പു സമ്മേളനവും തൃശൂര്‍ കളക്ടറേറ്റ് അസിസ്റ്റന്റ് ഡെവലപ്മെന്റ് കമ്മീഷണര്‍ ജനറലും, പൂര്‍വ്വ വിദ്യാര്‍ത്ഥിയുമായ ശ്രീമതി അയന പി.എന്‍ ഉദ്ഘാടനം ചെയ്തു. എസ്.എന്‍ ചന്ദ്രിക എഡ്യുക്കേഷണല്‍ ട്രസ്റ്റ് ചെയര്‍മാന്‍ ഡോ.സി.കെ.രവി അധ്യക്ഷത വഹിച്ചു. പ്രശസ്ത കവിയും സാഹിത്യകാരനുമായ ഇ.ജി.ജിനന്‍ മുഖ്യാതിഥിയായിരുന്നു. ഡോ. സി കെ രവി ഫോട്ടോ അനാച്ഛാദനം നടത്തി. ദേശീയ-സംസ്ഥാനതല മത്സരങ്ങളില്‍ വിജയികളായ വിദ്യാര്‍ത്ഥികളെയും,ഷാജി മാസ്റ്റര്‍, കെ.മായ ടീച്ചര്‍, കെ.ജി സുനിത ടീച്ചര്‍ എന്നിവരെയും യോഗത്തില്‍ ആദരിച്ചു.വാര്‍ഡ് കൗണ്‍സിലർ ബേബി ജോസ് കാട്ട്ള, വിദ്യാഭ്യാസ പ്രവര്‍ത്തകനായ ഡോ.മഹേഷ് ബാബു എസ്.എന്‍, പി ടി എ പ്രസിഡന്റ് കെ.കെ.ബാബു, പൂര്‍വ്വ വിദ്യാര്‍ത്ഥി കൃഷ്ണതുളസി.സി.എന്‍ എന്നിവര്‍ ആശംസകളര്‍പ്പിച്ചു. സ്റ്റാഫ് സെക്രട്ടറി സിലോ ഒ.കെ ഉപഹാരം സമര്‍പ്പിച്ചു.വിരമിക്കുന്ന ഹയര്‍സെക്കണ്ടറി സംസ്കൃതം അധ്യാപിക .സ്വയംപ്രഭ മറുമൊഴി പ്രസംഗം നടത്തി.ടി ടി ഐ പ്രിന്‍സിപ്പൽ ബി മൃദുല റിപ്പോര്‍ട്ട് അവതരിപ്പിച്ചു.ഹൈസ്ക്കൂള്‍ ഹെഡ്മിസ്ട്രസ് കെ.മായ സ്വാഗതവും,എല്‍.പി ഹെഡ്മിസ്ട്രസ് പി.എസ് ബിജുന നന്ദിയും പറഞ്ഞു. വിദ്യാര്‍ത്ഥികളുടെ കലാപരിപാടികളും, സമ്മാനദാനവും നടന്നു.

ഇരിങ്ങാലക്കുട : ഏതു മതമൗലീക വാദവും നാടിന് ആപത്താണെന്ന്  സി.എന്‍. ജയദേവന്‍ എം.പി.എ.കെ.എസ്..ടി.യുവിന്റെ  21-മത്ജില്ലാ  സമാപന സമ്മേളനം ഇരിങ്ങാലക്കുടയില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. വിദ്യാഭ്യാസ മേഖലയെ വര്‍ഗ്ഗീയവല്‍ക്കരിക്കുന്നതിനും വാണിജ്യവല്‍ക്കരിക്കുന്നതിനും നടത്തുന്ന ശ്രമങ്ങളെ ചെറുക്കുന്നതോടെപ്പം വിദ്യാഭ്യാസമേഖലയെ ശക്തിപ്പെടുത്തന്നതിനുളള ശ്രമങ്ങളും ഒപ്പം നടക്കണമെന്ന് അദ്ദേഹം ഉദ്‌ബോധിപ്പിച്ചു. പൊതു വിദ്യാലയങ്ങളെ ഏറ്റേടുത്ത് എ.കെ.എസ്.ടിയു. നടപ്പിലാക്കിയ മുന്നേറ്റം പദ്ധതി സര്‍ക്കാരിനും മറ്റു സംഘടനകള്‍ക്കും മാത്യകയാണെന്നം അദ്ദേഹം പറഞ്ഞു. ജില്ലാപ്രസിഡണ്ട് സി.കെ.ബിന്ദു അദ്ധ്യക്ഷത വഹിച്ചു. സി.പി.ഐ.ജില്ലാ സെക്രട്ടറി കെ.കെ. വത്സരാജ് വിരമിക്കുന്ന അദ്ധ്യാപകരെ ആദരിച്ചു. സംസ്ഥാന സംഘടനാ രേഖ കെ.എന്‍ ഭരതരാജ് അവതരിപ്പിച്ചു.ജോയിന്റ് കൗണ്‍സില്‍ ജില്ലാസെക്രട്ടറി എം.യു.കബീര്‍,കെ.ശ്രീകുമാര്‍, പി.മണി,ബി.ജി.വിഷ്ണു,സി.ജെ.ജിജു,കെ.എം.സൗദാമിനി,എം.കെ.അരുണ്‍,എംയു.വൈശാഖ് എന്നിവര്‍ സംസാരിച്ചു.

ഇരിങ്ങാലക്കുട: കുഴിക്കാട്ട്ശ്ശേരി സ്വദേശി വടക്കേവീട്ടിൽ ഗോപിനാഥിനെയാണ് ഇരിങ്ങാലക്കുട എക്സൈസ് ഇൻസ്പെക്ടർ എം.ഓ വിനോദിന് ലഭിച്ച രഹസ്യ വിവരത്തേ തുടർന്ന് അറസ്റ്റ് ചെയ്തത്.പ്രവന്റിംങ്ങ് ഓഫീസർ പി.ആർ അനുകുമാർ ,സിവിൽ എക്സൈസ് ഓഫീസർമാരായ മനോജ് കെ.എസ് ,ജിവേഷ് എം.പി ,ശിവൻ സി.വി എന്നിവരാണ് എക്സൈസ് സംഘത്തിലുണ്ടായിരുന്നത്.