ഇരിങ്ങാലക്കുട ; സെന്റ് ജോസഫ് കോളേജിന്റെ 54-ാം ഫൈന്‍ ആര്‍ട്ട്‌സ് ഡേ ‘ പകിട്ട് 2k17v ‘ വര്‍ണ്ണാഭമായി ആഘോഷിച്ചു.നവാഗത സംവിധായകന്‍ ദീലിപ് മേനോന്‍ സംവിധാനം ചെയ്യുന്ന വീനീത് ശ്രീനിവാസന്‍ ചിത്രം ‘ ആന അലറലോടലറല്‍ ‘ എന്ന ചിത്രത്തിന്റെ താരങ്ങളായ വിശാഖ് നായര്‍,തെസ്‌നിഖാന്‍,കെടാമഗംലം വിനോദ്,കോളേജിലെ വിദ്യാര്‍ത്ഥിയായ പാര്‍വ്വത് ഉണ്ണികൃഷ്ണന്‍ എന്നിവരായിരുന്നു വിശിഷ്ടാത്ഥികള്‍.കോളേജ് പ്രിന്‍സിപ്പാള്‍ ഡോ.ക്രിസ്റ്റി അദ്ധ്യക്ഷത വഹിച്ച പരിപാടിയില്‍ കോളേജ് യൂണിയന്‍ ചെയര്‍പേഴ്‌സണ്‍ നസ്‌റിന്‍ മന്‍സൂര്‍ ആശംസകള്‍ അര്‍പ്പിച്ചു.ചടങ്ങില്‍ ഫൈന്‍ ആര്‍ട്ട്‌സ് കണ്‍വീനര്‍ ജെന്‍സി പോള്‍ സ്വാഗതവും ഫൈന്‍ ആര്‍ട്ട്‌സ് സെക്രട്ടറി മൃദുല ഗോവിന്ദ് നന്ദിയും പറഞ്ഞു.

ഇരിങ്ങാലക്കുട : രാജ്യത്ത് ഉല്‍പന്നങ്ങളുടെ വില അനിയന്ത്രിതമായി ഉയരുന്നതില്‍ പ്രതിഷേധിച്ച് സി.ഐ.ടി.യു.ഏരിയാ കേന്ദ്രങ്ങളില്‍ പ്രതിഷേധ മാര്‍ച്ച് നടത്തിയതിന്റെ ഭാഗമായി ഇരിങ്ങാലക്കുടയില്‍ പ്രകടനം നടത്തി.തുടര്‍ന്ന് പ്രധാനമന്ത്രി നരേന്ദ്ര മോദിയുടെ കോലം കത്തിച്ചു പ്രധിഷേധിച്ചു.മാര്‍ക്കറ്റില്‍ നിന്നാരംഭിച്ച പ്രകടനം ബസ് സ്റ്റാന്റില്‍ സമാപിച്ചു. ഉല്ലാസ് കളക്കാട്ട് ഉദ്ഘാടനം ചെയ്തു.വി.എ.മനോജ് കുമാര്‍ അദ്ധ്യക്ഷനായി. കെ.സി.പ്രേമരാജന്‍, ഡോ.കെ.പി.ജോര്‍ജ് എന്നിവര്‍ പ്രസംഗിച്ചു.കെ.എ.ഗോപി സ്വാഗതവും, എം.ബി.രാജു നന്ദിയും പറഞ്ഞു.

ഇരിങ്ങാലക്കുട : കൂടല്‍മാണിക്യം ക്ഷേത്രത്തിന് സമീപം പാട്ടമാളി റോഡിലേയ്ക്ക് തിരിയുന്നിടത്താണ് കുടിവെള്ള വിതരണ പെപ്പ് പൊട്ടി വെള്ളം കാനയിലേയ്ക്ക് ഒഴുകുന്നത്.നാളെറയായി ഇവിടെ പെപ്പ് പൊട്ടി കുടിവെള്ളം പാഴാകുന്നുവെന്ന് അധികൃതര്‍ക്ക് സമീപത്തേ വ്യാപാരികള്‍ പരാതി നല്‍കിയിട്ടും നടപടിയൊന്നും എടുത്തിട്ടില്ല.പെപ്പ് പൊട്ടിയവെള്ളം നേരെ കാനയിലേയ്ക്ക് ഒഴുകുന്നതിനാല്‍ അധികൃതരുടെ ശ്രദ്ധപതിയുന്നില്ലെന്നാണ് ആക്ഷേപം.

ഇരിങ്ങാലക്കുട: വിവാഹത്തില്‍ പങ്കെടുക്കാനെത്തിയവര്‍ക്ക് നവദമ്പതികളുടെ ഉപഹാരമായി തുണിസഞ്ചി സമ്മാനിച്ചു. ഇരിങ്ങാലക്കുട സോഷ്യല്‍ വെല്‍ഫെയര്‍ കോ-ഓപ്പറേറ്റീവ് സൊസൈറ്റി സെക്രട്ടറി കെ.ജി പ്രദീപിന്റെ വിവാഹത്തിനാണ് സ്നേഹസമ്മാനമായി അതിഥികള്‍ക്ക് തുണികള്‍ക്ക് സഞ്ചി നല്‍കിയത്. വെള്ളിക്കുളങ്ങര മോനൊടി കണ്ടേടത്ത് ഗോവിന്ദന്‍കുട്ടിയുടേയും പത്മിനിയുടേയും മകനായ പ്രദീപും പാലക്കാട് പരുത്തിപ്പുള്ളി പൊള്ളക്കാട്ട് രാധാകൃഷ്ണന്റേയും സുമയുടേയും മകല്‍ രോഹിണിയും ഞായറാഴ്ചയാണ് വിവാഹിതരായത്. കൊടകര പഞ്ചായത്ത് കമ്മ്യൂണിറ്റി ഹാളിലായിരുന്നു വിവാഹം. സോഷ്യല്‍ വെല്‍ഫെയര്‍ കോ-ഓപ്പറേറ്റീവ് സൊസൈറ്റിയുടെ കിഴുത്താണിയിലെ തുണിസഞ്ചി നിര്‍മ്മാണ യൂണിറ്റില്‍ നിര്‍മ്മിച്ച സഞ്ചികളാണ് നല്‍കിയത്. ആയിരത്തോളം അതിഥികള്‍ക്ക് തുണിസഞ്ചി സമ്മാനിച്ചു. പ്ലാസ്റ്റിക്കിനെതിരായ ചെറുത്തുനില്‍പ്പിന്റെ ഭാഗമായി തുണിസഞ്ചിയെ പ്രോത്സാഹിപ്പിക്കുകയെന്ന സന്ദേശത്തോടെയാണ് അത് സമ്മാനമായി നല്‍കിയതെന്ന് പ്രദീപ് പറഞ്ഞു.

ഇരിങ്ങാലക്കുട : ഠാണ-ബസ് സ്റ്റാന്റ് റോഡിലെ നവീകരണപ്രവര്‍ത്തനങ്ങള്‍ ആദ്യഘട്ടം പിന്നിടുമ്പോള്‍ ബാക്കിയാവുന്നത് കാത്താത്ത തെരുവ് വിളക്കുകളും ,നവീകരണപ്രവര്‍ത്തനങ്ങള്‍ക്ക് മുകളിലൂടെയുള്ള അനധികൃത കൈയേറ്റങ്ങളും മാത്രമാകുന്നു.റോഡിലെ സോഡിയം ലെറ്റുകളുടെ കേബിളുകള്‍ എല്ലാം തന്നെ നവീകരിച്ച കോണ്‍ക്രീറ്റിംങ്ങിന് മുകളിലും നടപാതയിലുമായി കുരുങ്ങി കിടക്കുന്നത് കാല്‍നടക്കാരെ ഏറെ ബുദ്ധിമുട്ടിലാക്കുന്നു.സമീപത്തേ സ്‌കുളുകളില്‍ നിന്നും കോളേജുകളില്‍ നിന്നും വിദ്യാര്‍ത്ഥികള്‍ കൂട്ടത്തോടെ ബസ് സ്റ്റാന്റിലേയ്ക്ക് സഞ്ചരിക്കുന്ന വഴിയിലാണ് കേബിളുകള്‍ വഴിനീളെ കുരുക്കിയിട്ടിരിക്കുന്നത്.വാട്ടര്‍ കണക്ഷനുകള്‍ പൊട്ടി പലയിടങ്ങളിലും കുടിവെള്ളമെത്താത്ത അവസ്ഥയും നിലവിലുണ്ട്.ഒരു കോടി രൂപയോളം ചിലവിട്ടാണ് ഠാണ-ബസ് സ്റ്റാന്റ് റോഡില്‍ നിലവിലെ കോണ്‍ക്രീറ്റംങ്ങ് നിലനിര്‍ത്തി അരുകളില്‍ റോഡ് പൊളിച്ച് മാറ്റി കോണ്‍ക്രീറ്റംങ്ങ് നടത്താന്‍ പദ്ധതി തയ്യാറാക്കിയത്.ഇതോടൊപ്പം ആല്‍ത്തറയ്ക്ക് സമീപത്തേ കുഴികള്‍ അടക്കുമെന്നും വാഗ്ദാനങ്ങളില്‍ ഉണ്ടായിരുന്നു.എന്നാല്‍ പാതി വഴിയില്‍ ഫണ്ടിന്റെ അപര്യാപ്തയില്‍ നിര്‍മ്മാണപ്രവര്‍ത്തനങ്ങള്‍ അവസാനിപ്പിക്കുകയായിരുന്നു.പൊതുമരാമത്ത് വകുപ്പും നഗരസഭയും തമ്മിലുള്ള ചേരിപോരിന് നടുവില്‍ റോഡിലെ കൈയേറ്റങ്ങള്‍ ആര് പൊളിച്ച് മാറ്റിനിര്‍മ്മാണപ്രവര്‍ത്തനം നടത്തിയതിന്റെ ഫലം പൊതുജനത്തിന് ലഭ്യമാകും എന്നറിയാനാണ് ജനം കാത്തിരിക്കുന്നത്.

പുല്ലൂര്‍: ഇരിങ്ങാലക്കുട ബ്ലോക്ക് പഞ്ചായത്തും മുരിയാട് ഗ്രാമപഞ്ചായത്തും സംയുക്തമായി നടപ്പാക്കുന്ന കാന്‍സര്‍ ബോധവല്‍ക്കരണയജ്ഞ പദ്ധതിയുടെ ഭാഗമായുള്ള ഗൃഹസമ്പര്‍ക്ക പരിപാടി ‘കാന്‍സറിനെ അറിയാന്‍’ ഊരകത്ത് ആരംഭിച്ചു. ജനപ്രതിനിധികള്‍ക്കൊപ്പം ആരോഗ്യ പ്രവര്‍ത്തകര്‍, അങ്കണവാടി പ്രവര്‍ത്തകര്‍, കുടുംബശ്രീ പ്രവര്‍ത്തര്‍ എന്നിവര്‍ ചേര്‍ന്നാണ് ഗൃഹസമ്പര്‍ക്കം ആരംഭിച്ചിട്ടുള്ളത്. കാന്‍സറിനെ  മുന്‍കൂട്ടി അറിഞ്ഞ് യഥാവിധി ചികിത്സ ലഭ്യമാക്കാന്‍ ഉപകരിക്കും വിധമാണ് പദ്ധതി ആവിഷ്‌ക്കരിച്ചിരിക്കുന്നത്. ബ്ലോക്ക് പഞ്ചായത്തംഗം തോമസ് തത്തംപിള്ളി ഉദ്ഘാടനം ചെയ്തു. പഞ്ചായത്തംഗങ്ങളായ ടെസി ജോഷി, എം.കെ.കോരുകുട്ടി, ആരോഗ്യ പ്രവര്‍ത്തകരായ ഏ.ജി കൃഷ്ണകുമാര്‍, ഏ.എസ്.വത്സ, വി.രാഗി, സുവി രാജന്‍, അങ്കണവാടി വര്‍ക്കര്‍ ഫിലോമിന പൗലോസ് എന്നിവര്‍ നേതൃത്വം നല്‍കി

ഇരിങ്ങാലക്കുട : ഭാരതീയ ജനതാ ന്യൂനപക്ഷ മോര്‍ച്ച ഇരിങ്ങാലക്കുട നിയോജകമണ്ഡലം കമ്മിറ്റിയുടെ ആഭിമുഖ്യത്തില്‍ ക്രിസ്മസ് ആഘോഷവും മതേതര കൂട്ടായ്മയും സംഘടിപ്പിച്ചു.ടൗണ്‍ഹാള്‍ പരിസരത്ത് സംഘടിപ്പിച്ച കൂട്ടായ്മ്മ രൂപത ബിഷപ്പ് മാര്‍ പോളി കണ്ണൂക്കാടന്‍ ഉദ്ഘാടനം നിര്‍വഹിച്ചു. ന്യൂനപക്ഷ മോര്‍ച്ച പ്രസിഡന്റ് ബിജു വര്‍ഗ്ഗീസ് അദ്ധ്യക്ഷത വഹിച്ച ചടങ്ങില്‍ കാട്ടുങ്ങച്ചിറ ജുമാമസ്ജിദ് ഇമാം മുഹമ്മദ് നിസാര്‍ സഖാഫി മുഖ്യപ്രഭാഷണം നടത്തി.ബി ജെ പി ജില്ലാ അദ്ധ്യക്ഷന്‍ എ നഗേഷ്,ഫാ.ജോണ്‍ പാലിയേക്കര,ടി എസ് സുനില്‍ കുമാര്‍,ഫാ.ജോയ് പീണിക്കപറമ്പില്‍,സൈറാജുദ്ദീന്‍,സി.റോസ് ആന്റോ,സി പി സെബാസ്റ്റ്യന്‍,വര്‍ഗ്ഗീസ് പാറേക്കാടന്‍,നവാസ് പി എസ് തുടങ്ങിയവര്‍ സംസാരിച്ചു.