അരിപ്പാലം : മൂന്ന് തവണ മികച്ച ഗ്രാമപഞ്ചായത്ത് സെക്രട്ടറിക്കുള്ള സംസ്ഥാന സര്‍ക്കാര്‍ പുരസ്‌ക്കാരവും രണ്ട് തവണ സദ്‌സേവന പുരസ്‌ക്കാരവും നേടിയ പൂമംഗലം ഗ്രാമപഞ്ചയത്ത് സെക്രട്ടറി ഹരി ഇരിങ്ങാലക്കുടയെ പഞ്ചായത്ത് ഭരണസമിതിയും സ്റ്റാറും ചേര്‍ന്ന് ആദരിച്ചു.വ്യവസായ-യുവജനക്ഷേമ വകുപ്പ് മന്ത്രി എ സി മെയ്തീന്‍ പൊന്നാട അണിയിച്ച് കീര്‍ത്തിഫലകം സമ്മാനിച്ചു.പഞ്ചായത്ത് പ്രസിഡന്റ് വര്‍ഷ രാജേഷ് അദ്ധ്യക്ഷനായിരുന്നു.ബ്ലോക്ക് പഞ്ചായത്ത് പ്രസിഡന്റ് ഷാജി നക്കര,ജീല്ലാപഞ്ചായത്തംഗം ടി ജി ശങ്കരനാരയാണന്‍,പഞ്ചായത്ത് വൈസ് പ്രസിഡന്റ് ഇ ആര്‍ വിനോദ്,സ്റ്റന്റംങ്ങ് കമ്മിറ്റി ചെയര്‍മാന്‍മാരായ മിനി ശിവദാസ്,കവിത സുരേഷ്,ഈനാശു പല്ലിശ്ശേരി എന്നിവര്‍ സംസാരിച്ചു.പഞ്ചായത്ത് സെക്രട്ടറിയായി ആറ് വര്‍ഷത്തേ സേവനം പൂര്‍ത്തികരിച്ചിരിക്കുകയാണ് ഹരി.

ഇരിങ്ങാലക്കുട: കൊരമ്പുശ്ശേരി ശ്രീമഹാമാരിയമ്മന്‍ ക്ഷേത്രത്തില്‍ കൊരമ്പു മൃദംഗ കളരിയുടെ ആഭിമുഖ്യത്തില്‍ നടത്തിയ വാദ്യസംഗീതം അപൂര്‍വതയായി.ചെന്നൈയില്‍ നിന്നുള്ള എന്‍. വീരമണി നാഗരാജന്‍ അവതരിപ്പിച്ച വയലിന്‍ കച്ചേരിക്ക് 50 ഓളം വിദ്യാര്‍ത്ഥികളുടെ മൃദംഗത്തിലെ പക്കമേളം വിസ്മയകരമാുകയായിരുന്നു.ഒന്നര മണിക്കൂര്‍ നീണ്ടുനിന്ന സംഗീത കച്ചേരിയില്‍ 5 വയസ്സുള്ള നൈതിക്ക് മുതല്‍ 15 വയസുള്ള യദുകൃഷ്ണന്‍ വരെയുള്ള വിദ്യാര്‍ത്ഥി വിദ്യാര്‍ത്ഥിനികളാണ് പങ്കെടുത്തത്. ഇത്രയും പക്കവാദ്യ അകമ്പടിയോടെ കര്‍ണാടക സംഗീത കച്ചേരി നടത്തുന്നത് അപൂര്‍വമാണ്. കൊരമ്പ് വിക്രമന്‍ നമ്പൂതിരിയാണ് ഇതിന് നേതൃത്വം നല്‍കിയത്.

ഇരിങ്ങാലക്കുട : വൈകീട്ട് അഞ്ചര മണിയോടെ നഗരത്തില്‍ മദ്യപിച്ച് വാഹനമോടിച്ച് മദ്യവയസ്‌കന്‍ ഉണ്ടാക്കിയത് നിരവധി വാഹനാപകടങ്ങള്‍.ഒല്ലൂര്‍ സ്വദേശി ചുങ്കത്ത് വീട്ടില്‍ ലാസറാണ് മദ്യപിച്ച് വാഹനമോടിച്ച് അപകട പരമ്പര സൃഷ്ടിച്ചത്.ചന്തകുന്ന് ഭാഗത്ത് നിന്നും അന്യസംസ്ഥാന തൊഴിലാളികളുമായി സ്‌കോര്‍പിയോ കാറില്‍ വരുകയായിരുന്ന ഇയാള്‍ ചന്തകുന്ന് ഠാണ പരിസരത്ത് രണ്ട് ഓട്ടോയിലും ഒരു കാറിലും ഇടിച്ചതിന് ശേഷം നിര്‍ത്താതെ പോവുകയായിരുന്നു.നാട്ടുക്കാര്‍ ഓട്ടോയില്‍ പിന്‍തുടര്‍ന്ന ഇയാളെ പിന്നീട് കോളേജ് ജംഗ്ഷന്‍ ഇറക്കത്ത് കല്ലേറ്റുംങ്കര സ്വദേശി ടിന്റോയുടെ കാറില്‍ തട്ടിയ നിലയില്‍ കണ്ടെത്തുകയായിരുന്നു.തുടര്‍ന്ന് പോലീസ് എത്തി ഇയാളെ സ്‌റ്റേഷനിലേയ്ക്ക് കൊണ്ട് പോകാന്‍ ശ്രമിച്ചെങ്കില്ലും ഇയാല്‍ പോലിസ്‌ക്കാരുമായി മല്‍പിടുത്തം നടത്തുകയായിരുന്നു.ഏറെ പണിപെട്ടാണ് ഇയാളെ പോലിസ് സ്‌റ്റേഷനില്‍ എത്തിച്ചത്.

ഇരിങ്ങാലക്കുട : ബി എസ് എന്‍ എല്‍ ഇരിങ്ങാലക്കുടയിലെ ഉപഭോക്തക്കാളെ ഹംഗാമ ഓഫര്‍ എന്ന പേരില്‍ വ്യാപകമായി ചൂക്ഷണം ചെയ്യുന്നതായി പരാതി.മാര്‍ക്കറ്റിംങ്ങ് കോളിലൂടെ ഇമെയില്‍ അഡ്രസ് ചോദിച്ചതിന് ശേഷം ഓണ്‍ലൈന്‍ ഗെയിംമിംങ്ങ് അടക്കമുള്ള ഓഫര്‍ പറയുകയും എന്നാല്‍ ഓഫര്‍ ആവശ്യമില്ല എന്ന് അറിയിച്ചാലും ഹംഗാമ എന്ന പേരില്‍ ഓഫര്‍ ആക്റ്റിവേറ്റ് ചെയ്തതിന് ശേഷം അടുത്ത മാസത്തേ ബില്ലിനൊപ്പം പുതിയ ബില്ല് തുക ആഡ് ചെയ്ത് വരുകയാണ് തട്ടിപ്പിന്റെ രീതി.പരാതിയുമായി ഓഫിസില്‍ എത്തുന്നവരോട് ഓഫര്‍ ഡി ആക്റ്റിവേറ്റ് ചെയ്ത് നല്‍കുകയും എന്നാല്‍ വന്ന ബില്ല് തുക അടയ്ക്കണമെന്നുമാണ് അധികൃതര്‍ ആവശ്യപെടുന്നത്.ഇത്തരത്തില്‍ നിരവധി പേരാണ് തട്ടിപ്പിന് ഇരയായത്.എന്നാല്‍ ബി എസ് എന്‍ എല്‍ നേരിട്ട് നടത്തുന്നതല്ല ഹംഗാമ എന്നും സ്വകാര്യ കമ്പനിയായ ഹംഗാമ ബി എസ് എന്‍ എലുംമായി ബില്ലിംങ്ങ് കോണ്‍ട്രാക്റ്റ് മാത്രമുള്ളു എന്നും ബി എസ് എന്‍ എല്‍ അധികൃതര്‍ അറിയിച്ചു.

ഇരിങ്ങാലക്കുട : അപ്രിതിക്ഷിതമായി മതിലുകളില്‍ പ്രതിക്ഷപെടുന്ന അജ്ഞാത ലിപികളിലുള്ള ചിത്രങ്ങള്‍ ജനങ്ങളില്‍ പരിഭ്രാന്തി സൃഷ്ടിക്കുന്നു.കഴിഞ്ഞ ദിവസം കാക്കത്തിരുത്തി പാലത്തിന് സമിപം ഉള്ള വാലുപറമ്പില്‍ ശാരദയുടെ മതിലില്‍ ഇത്തരം ചിത്രങ്ങള്‍ ആരോ വരച്ചിട്ടുണ്ട്.ഈ വീട്ടില്‍ വൃദ്ധയായ ശാരദയും വീട്ടുജോലിക്കാരനും മാത്രമാണ് താമസം.കുറച്ച് ദിവസങ്ങള്‍ക്ക് മുന്‍പ് പടിയൂരില്‍ അജ്ഞാതനായ ഒരാള്‍ സമീപത്തേ ചുമരില്‍ ഇത്തരം ചിത്രങ്ങള്‍ വരച്ചിടുന്നത് അയല്‍വാസിയായ യുവാവ് മെബൈലില്‍ ചിത്രികരിച്ച് പ്രചരിപ്പിച്ചിരുന്നു.സമാനമായ ചിത്രങ്ങളാണ് കാക്കത്തിരുത്തിയിലും കണ്ടെത്തിയിട്ടുള്ളത്.അജ്ഞാത ലിപികളിലുള്ള ചിത്രങ്ങള്‍ വരച്ചിട്ട് മോഷണം നടത്തുന്ന സംഘങ്ങളെ കുറിച്ച് കുറച്ച് നാള്‍ മുന്‍പ് പോലിസ് വിവരങ്ങള്‍ പുറത്ത് വിട്ടിരുന്നു.ഇതാണ് ജനങ്ങളില്‍ പരിഭ്രാന്തി സൃഷ്ടിയ്ക്കാന്‍ ഇടയാക്കിയത്.എന്നാല്‍ മാനസിക വിഭ്രാന്തിയുള്ള ആരോ ആണ് ഇത്തരം ചിത്രംവരയുടെ പുറകില്‍ എന്നും നാട്ടുക്കാര്‍ക്കിടയില്‍ സംസാരമുണ്ട്.പോലിസ് ഇടപ്പെട്ട് എത്രയും വേഗം സംഭവത്തിലെ ചുരുളഴിക്കണമെന്നാണ് നാട്ടുക്കാരുടെ ആവശ്യം.

മാപ്രാണം : ക്രിസ്മ്‌സ് ആഘോഷങ്ങള്‍ക്ക് ഇരിങ്ങാലക്കുട രൂപതയുടെ പ്രഥമ ഔദ്യോഗിക തീര്‍ത്ഥാടനകേന്ദ്രമായ മാപ്രാണം പള്ളിയിലെ പുല്‍കൂട് വിസ്മയമായി. അത്യപൂര്‍വ്വമായ ദൃശ്യവിരുന്നൊരുക്കിയ പുല്‍ക്കൂടും അതിമനോഹരമായ ദീപാലങ്കാരങ്ങളോടെ ഒരുക്കിയ 15 ക്രിസ്തുമസ് ട്രീകളും, 26-ാം തിയ്യതി ചൊവ്വാഴ്ച വൈകീട്ട് 6 ന് ഉണ്ണിമിശിഹാ കപ്പേളയില്‍ നിന്നും പള്ളിയിലേയ്ക്ക് 400 മതബോധനവിദ്യാര്‍ത്ഥികള്‍ അവതരിപ്പിക്കുന്ന ക്രിസ്തുമസ്സ് കരോളും ഈ വര്‍ഷത്തെ പ്രധാന ആകര്‍ഷണങ്ങളാണ്. ഇടവകാംഗങ്ങളായ 50 കലാകാരന്മാരുടെ നേതൃത്വത്തിലാണ് ഒരു ഏക്കര്‍ സ്ഥലത്ത് ഈ വര്‍ഷത്തെ പുല്‍ക്കൂട് ഒരുക്കിയിരിക്കുന്നത്. ഉണ്ണിയേശുവിന്റെ ജനന തിരുനാള്‍ ആഘോഷങ്ങളില്‍ മതിമറക്കുന്ന കുഞ്ഞുങ്ങള്‍ക്ക് കൈനിറയെ സമ്മാനങ്ങളുമായി വരുന്ന സാന്താക്ലോസ് ട്രെയിനില്‍ പുല്‍ക്കൂടിനെ വലംവെക്കുന്നതും ചലിച്ചുകൊണ്ടിരിക്കുന്ന പാലവും യേശുവിന്റെ കാലഘ’ട്ടത്തിലെ റോമന്‍ സാമ്രാജ്യത്തിലെ കൊട്ടാരവുമൊക്കെ ഈ പുല്‍ക്കൂടിന്റെ പ്രത്യേകതകളാണ്്. പുല്‍ക്കൂട് സന്ദര്‍ശിക്കാന്‍ ക്രിസ്തുമസ് നാള്‍മുതല്‍ ജനുവരി 7 വരെ സൗകര്യമുണ്ടായിരിക്കും.

ഇരിങ്ങാലക്കുട : തപസ്യ കലാസാഹിത്യവേദിയുടെ നേതൃത്വത്തില്‍ നടന്ന പരിസ്ഥിതി ശില്പശാല സമാപിച്ചു. പശ്ചിമഘട്ടമലനിരകളുടെ നശീകരണത്തെകുറിച്ചും നെല്‍വയല്‍ തണ്ണീര്‍ത്തടനിയമത്തെകുറിച്ചും വിശദമായി ശില്പശാല ചര്‍ച്ചചെയ്തു. നെല്‍വയല്‍ തണ്ണീര്‍ത്തടനിയമങ്ങള്‍ ഭേദഗതിചെയ്യാനൊരുങ്ങുന്നവെന്ന വാര്‍ത്ത പ്രകൃതിസ്നേഹികള്‍ക്ക് ആശങ്കയുണ്ടാക്കുന്നതാണെന്ന് ശില്പശാല അഭിപ്രായപ്പെട്ടു. പരിസ്ഥിതി പ്രവര്‍ത്തകര്‍ സമരം ചെയ്ത് ഉണ്ടാക്കിയ നിയമം വീണ്ടും ഭൂമാഫിയകള്‍ക്ക് സഹായകരമായി ഭേദഗതി ചെയ്താല്‍ ശക്തമായ പ്രതിരോധം നടത്തേണ്ടിവരുമെന്ന് ശില്പശാല മുന്നറിയിപ്പു നല്‍കി. ഭേദഗതി നീക്കത്തില്‍ നിന്ന് സര്‍ക്കാര്‍ പിന്തിരിയണമെന്നും ശില്പശാല ആവശ്യപ്പെട്ടു.തപസ്യ കലാസാഹിത്യവേദിയുടെ ആഭിമുഖ്യത്തില്‍ പരിസ്ഥിതി ശില്പശാല നടന്നു. ഇരിങ്ങാലക്കുട മാപ്രാണം കുഴിക്കാട്ടുകോണം ഇടിഎം ഔഷധവനത്തില്‍ വച്ചു നടന്ന ശില്പശാല തപസ്യ ജില്ല പ്രസിഡണ്ടും സാഹിത്യകാരനുമായ മാടമ്പ് കുഞ്ഞിക്കുട്ടന്‍ ഉദ്ഘാടനം ചെയ്തു. യുവസാഹിത്യകാരന്‍ ശ്രീജിത്ത് മുത്തേടത്ത് അദ്ധ്യക്ഷത വഹിച്ചു. ഇടുക്കി കോവില്‍മലൈ രാജാവ് രാജമന്നാന്‍ വൃക്ഷതൈ നട്ട് ശില്പശാലക്ക് ആശംസകള്‍ നേര്‍ന്നു. പരിസ്ഥിതി പ്രവര്‍ത്തകരായ അഡ്വ.കെ.പി.വേണുഗോപാല്‍, , മോഹന്‍ദാസ് മാസ്റ്റര്‍, ഡോ.സി.എം.ജോയി എന്നിവര്‍ ക്ലാസെടുത്തു. തപസ്യ സംസ്ഥാന സഹസംഘടനാസെക്രട്ടറി സി.സി.സുരേഷ്, ജില്ല ജനറല്‍ സെക്രട്ടറി ടി.എസ്.നീലാംബരന്‍, സംഘടനാസെക്രട്ടറി കെ.ഉണ്ണികൃഷ്ണന്‍, ക്യാമ്പ് ഡയറക്ടര്‍ സുരേഷ് വനമിത്ര, എം.എസ്. ഗോവിന്ദന്‍കുട്ടി, പാലക്കാട് ജില്ല പ്രസിഡണ്ട് ദാമോദര്‍ജി എന്നിവര്‍ സംസാരിച്ചു.

അരിപ്പാലം: ആര്‍ദ്രം പദ്ധതി വിഭാവനം ചെയ്യുന്ന തരത്തില്‍ കൃത്യമായി നടപ്പിലാക്കാന്‍ ആരോഗ്യവിഭാഗം ജീവനക്കാര്‍ തയ്യാറാകണമെന്ന് മന്ത്രി എ.സി. മൊയ്തീന്‍ പറഞ്ഞു. പൂമംഗലം ഗ്രാമപഞ്ചായത്ത് പ്രാഥമികാരോഗ്യ കേന്ദ്രം സംസ്ഥാന സര്‍ക്കാര്‍ ആര്‍ദ്രം പദ്ധതിയില്‍ ഉള്‍പ്പെടുത്തി പണി പൂര്‍ത്തിയാക്കിയ പാലിയേറ്റീവ് സെന്ററിന്റെയും 12 കിലോ വാട്ട് ശേഷിയുള്ള സോളാര്‍ പാനലിന്റെയും ഉദ്ഘാടനം നിര്‍വ്വഹിച്ച് സംസാരിക്കുകയായിരുന്നു മന്ത്രി. എല്‍.ഡി.എഫ്. സര്‍ക്കാറിന്റെ ആര്‍ദ്രം, ലൈഫ്, ഹരിതകേരളം, വിദ്യാഭ്യാസ പരിഷ്‌ക്കരണം എന്നിവ ഘട്ടംഘട്ടമായി പൂര്‍ത്തിയാക്കുമെന്നും ലൈഫ് പദ്ധതിയിലൂടെ അഞ്ചുവര്‍ഷത്തിനുള്ളില്‍ എല്ലാവര്‍ക്കും വീട് ലഭ്യമാകുമെന്നും മന്ത്രി കൂട്ടിച്ചേര്‍ത്തു. ഇരിങ്ങാലക്കുട എം.എല്‍.എ പ്രൊഫ. കെ.യു. അരുണന്‍ അധ്യക്ഷത വഹിച്ചു. സര്‍ക്കാരിന്റെയും, എം.എല്‍.എ.യുടെയും സാമ്പത്തിക സഹായത്തോടെയും ലോകബാങ്കിന്റെ അധിക ധനസഹായവും വിനിയോഗിച്ചാണ് പണി പൂര്‍ത്തീകരിച്ചത്. ബ്ലോക്ക് പ്രസിഡന്റ് ഷാജി നക്കര, ജില്ലാ പഞ്ചായത്തംഗങ്ങളായ എന്‍.കെ. ഉദയപ്രകാശ്, ടി.ജി. ശങ്കരനാരായണന്‍, ഗ്രാമപഞ്ചായത്ത് പ്രസിഡന്റ് വര്‍ഷ രാജേഷ്, വൈസ് പ്രസിഡന്റ് ഇ.ആര്‍. വിനോദ്, സെക്രട്ടറി സി.എസ്. ഹരി, സ്റ്റാന്റിങ്ങ് കമ്മിറ്റി ചെയര്‍മാന്‍മാര്‍, വിവിധ രാഷ്ട്രീയ കക്ഷി പ്രതിനിധികള്‍ തുടങ്ങിയവര്‍ സംസാരിച്ചു.