ശ്രീകൃഷ്ണ ജയന്തിക്ക് ഉപയോഗിക്കുന്ന തേര്‍ സാമൂഹ്യവിരുദ്ധര്‍ തീയിട്ട് നശിപ്പിച്ചു

898
Advertisement

പടിയൂര്‍: ശ്രീകൃഷ്ണ ജയന്തിക്ക് ഉപയോഗിക്കുന്ന തേര്‍ സാമൂഹ്യവിരുദ്ധര്‍ തീയിട്ട് നശിപ്പിച്ചു. ക്രിസ്തുമസ്സിന്റെ തലേദിവസമായ ഞായറാഴ്ച രാത്രിയാണ് സംഭവം. പടിയൂര്‍ കോടംകുളത്തിന് കിഴക്കുവശത്ത് പെരിങ്ങോട്ടുകര മധുശാന്തിയുടെ പൂട്ടികിടക്കുന്ന വീട്ടില്‍ സൂക്ഷിച്ചിരുന്ന തേരാണ് കത്തിച്ചനിലയില്‍ കണ്ടെത്തിയത്. കാലങ്ങളായി ഈ വീടിന്റെ കാര്‍പോര്‍ച്ചിലാണ് തേര്‍ സൂക്ഷിക്കാറുള്ളതെന്ന് നാട്ടുകാര്‍ പറഞ്ഞു. ശ്രീകൃഷ്ണ ജയന്തിക്ക് പ്രദേശത്തുനിന്നും തിരാത്ത് ക്ഷേത്രത്തിലേക്ക് ഘോഷയാത്രയ്ക്ക് എഴുന്നുള്ളിച്ചിരുന്ന തേരാണ് കത്തിനശിച്ചത്. സംഭവത്തെ തുടര്‍ന്ന് ബി.ജെ.പി. പടിയൂര്‍ പഞ്ചായത്ത് കമ്മിറ്റിയുടെ നേതൃത്വത്തില്‍ പോലിസില്‍ പരാതി നല്‍കി.