ഇരിങ്ങാലക്കുട: അടുത്തവര്‍ഷത്തെ കൂടല്‍മാണിക്യം ഉത്സവം തൃശ്ശൂര്‍ പൂരത്തിന് മുമ്പ് നടക്കും. കൂടല്‍മാണിക്യം ഉത്സവത്തോടെ ഒരുവര്‍ഷത്തെ ഉത്സവാഘോഷങ്ങള്‍ക്ക് സമാപ്തിയാകുമെന്ന പഴമൊഴിയാണ് ഇതോടെ മാറിമറിയുന്നത്. 2019 ഏപ്രില്‍ 17ന് (മേടം മൂന്നിന്) കൊടിയേറി പത്ത് ദിവസത്തെ ഉത്സവത്തിന് ശേഷം 27ന് ആറാട്ടോടെ സമാപിക്കും. 2019 മെയ് 13നാണ് തൃശ്ശൂര്‍ പൂരം വരുന്നത്. മേടമാസത്തിലെ ഉത്രം നക്ഷത്രത്തില്‍ കൊടിയേറ്റ് എന്നതാണ്
ഇരിങ്ങാലക്കുട കൂടല്‍മാണിക്യം ക്ഷേത്രത്തിലെ പ്രത്യേകതയെന്ന് തന്ത്രി പ്രതിനിധി എന്‍.പി. പരമേശ്വരന്‍ നമ്പൂതിരിപ്പാട് പറയുന്നു. ഉത്രം പിറന്നാളായിട്ടാഘോഷിക്കുന്ന ദിവസമാണ് കൊടിയേറ്റ് വരുന്നത്. അടുത്തവര്‍ഷം മേടമാസത്തില്‍ ഒരു ഉത്രമെ വരുന്നൊള്ളു. അത് മേടം മൂന്നിനാണ്. അതുകൊണ്ടാണ് മേടമാസത്തിലെ ഉത്രം എന്ന നിലയ്ക്ക് ഏപ്രില്‍ 17ന് തന്നെ ഉത്സവകൊടിയേറ്റ് നടത്തുന്നത്. തിരുവോണനാളിലാണ് ആറാട്ട്. ഉത്സവത്തിന്റെ മുന്നോടിയായുള്ള ക്ഷേത്രത്തിലെ ശുദ്ധിക്രീയകള്‍ ഏപ്രില്‍ 14ന് സന്ധ്യക്ക് തുടങ്ങും. 15,16 തീയതികളില്‍ ശുദ്ധികര്‍മ്മങ്ങള്‍ നടക്കും. 17ന് ബുധനാഴ്ച ഉത്രം
നക്ഷത്രത്തില്‍ കൊടിയേറ്റ് നടക്കും. ചരിത്രത്തില്‍ ആദ്യമായിട്ടാണ് തൃശ്ശൂര്‍ പൂരത്തിന് മുമ്പ് കൂടല്‍മാണിക്യം ഉത്സവം എത്തുന്നത്.
2019 ല്‍ കൂടല്‍മാണിക്യം ഉത്സവം തൃശ്ശൂര്‍ പൂരത്തിന് മുമ്പെ
എസ് എന്‍ ഹയര്‍ സെക്കണ്ടറി സ്‌കൂളില്‍ വായനപക്ഷാചരണത്തോടനുബന്ധിച്ച് ബഷീര്‍ അനുസ്മരണം നടത്തി
ഇരിങ്ങാലക്കുട-എസ് എന്‍ ഹയര്‍ സെക്കണ്ടറി സ്‌കൂളില്‍ വായനപക്ഷാചരണത്തോടനുബന്ധിച്ച് വിദ്യാരംഭം ക്ലബിന്റെ ആഭിമുഖ്യത്തില്‍ ബഷീര്‍ അനുസ്മരണം നടത്തി.ബഷീര്‍ അനുസ്മരണം ,വിദ്യാരംഗം കലാസാഹിത്യവേദി,വിവിധാ ഭാഷാ ക്ലബുകളുടെ ഉദ്ഘാടനം എന്നിവ സാവിത്രി ടീച്ചര്‍ നിര്‍വ്വഹിച്ചു.എസ് എന്‍ സ്‌കൂളുകളുടെ കറസ്‌പോണ്ടിംഗ് മാനേജര്‍ പി കെ ഭരതന്‍ മാസ്റ്റര്‍ അധ്യക്ഷത വഹിച്ചു.ബഷീറിന്റെ പാത്തുമ്മയുടെ ആട് ,പൂവന്‍പഴം ,എന്നീ കൃതികളെ ആസ്പദമാക്കി വിദ്യാര്‍ത്ഥികള്‍ നാടകം അവതരിപ്പിച്ചു.ഹൈസ്‌കൂള്‍ ഹെഡ്മിസ്ട്രസ് കെ മായ ടീച്ചര്‍ സ്വാഗതവും ,വിദ്യാരംഗം കണ്‍വീനര്‍ ടി ഒ ടീച്ചര്‍ നന്ദിയും പറഞ്ഞു
കാരുമാത്ര ഗവ: യു പി സ്‌കൂളും കരൂപ്പടന്ന ഗ്രാമീണ വായനശാലയും സംയുക്തമായി വൈക്കം മുഹമ്മദ് ബഷീര്‍ അനുസ്മരണം സംഘടിപ്പിച്ചു
കാരുമാത്ര: കാരുമാത്ര ഗവ: യു പി സ്‌കൂളും കരൂപ്പടന്ന ഗ്രാമീണ വായനശാലയും സംയുക്തമായി സംഘടിപ്പിച്ച വൈക്കം മുഹമ്മദ് ബഷീര്‍ അനുസ്മരണത്തില്‍ സാഹിത്യകാരന്‍ ഖാദര്‍ പട്ടേപ്പാടം അനുസ്മരണ പ്രഭാഷണം നടത്തി.എസ് എം സി ചെയര്‍മാന്‍ ഷറഫുദ്ദീന്‍ ടി കെ അദ്ധ്യക്ഷത വഹിച്ചു.ചടങ്ങ് വായനശാല പ്രസിഡണ്ട് എ കെ മജീദ് ഉല്‍ഘാടനം ചെയ്തു.എസ് എം സി അംഗം ഉണ്ണി കെ എന്‍ , അദ്ധ്യാപികമാരായ നദീറ,ബിന്ദു, മേഘ്‌ന, രജിനി എന്നിവര്‍ സംസാരിച്ചു.
ജൈവവളം വിതരണം ചെയ്തു.
വെള്ളാംകല്ലൂര്‍ : കോക്കനട്ട് ഡെവലപ്പമെന്റ് ബോര്‍ഡ് കൊച്ചി എല്‍.ഒ.ഡി.പി.പദ്ധതിപ്രകാരം വെള്ളാംകല്ലൂര്‍ നാളികേരോല്പാദക ഫെഡറേഷന് രണ്ടാം ഘട്ടം ലഭിച്ച ജൈവവള വിതരണോല്‍ഘാടനം ബ്ലോക്ക് പഞ്ചായത്ത് പ്രസിഡന്റ് ശ്രീ.ഷാജി നക്കര.നിര്‍വ്വഹിച്ചു.ഫെഡറേഷന് സെക്രട്ടറി ശ്രീ.ധര്‍മ്മപാലന്‍ അദ്ധ്യക്ഷത വഹിച്ച യോഗത്തിന് ഫെഡറേഷന് പ്രസി.ശ്രീ.പോളി കോമ്പാറക്കാരന്‍ സ്വാഗതവും,പഞ്ചായത്ത് വാര്‍ഡ് മെമ്പര്‍ ശ്രീമതി.രേഖ സുരേഷ് ആശംസകളുമര്‍പ്പിച്ചു. ചാമകുന്ന് നാളികോരോല്പാദക സംഘം.നിയുക്ത പ്രസിഡന്റ് ശ്രീ.കെ.എസ്.ആന്റണി.നന്ദി രേഖപ്പെടുത്തി.
മുരിയാട് ഗ്രാമപഞ്ചായത്തില്‍ സ്ഥലമുള്ള ഭവന രഹിതര്‍ക്ക് വീട് എന്ന ലൈഫ്മിഷന്റെ ആദ്യ ഗഡു വിതരണം ചെയ്തു
മുരിയാട് -മുരിയാട് ഗ്രാമപഞ്ചായത്തിലെ സ്ഥലമുള്ള ഭവന രഹിതര്‍ക്ക് വീട് എന്ന ലൈഫ്മിഷന്‍ പദ്ധതിയുടെ ആദ്യ ഗഡു വിതരണോദ്ഘാടനം ഇരിഞ്ഞാലക്കുട എം എല്‍ എ കെ യു അരുണന്‍ മാസ്റ്റര്‍ നിര്‍വ്വഹിച്ചു. ഗ്രാമപഞ്ചായത്ത് പ്രസിഡണ്ട് സരള വിക്രമന്‍ അധ്യക്ഷത വഹിച്ച യോഗത്തില്‍ സ്വാഗതം ക്ഷേമകാര്യ സ്റ്റാന്റിംഗ് കമ്മിററി ചെയര്‍മാന്‍ കെ പി പ്രശാന്ത് വികസന സ്റ്റാന്റിംഗ് കമ്മിറ്റി ചെയര്‍മാന്‍ അജിത രാജന്‍ മെമ്പര്‍മാരായ ടി വി വത്സന്‍ എ എം ജോണ്‍സന്‍, സരിത സുരേഷ് എന്നിവര്‍ ആശംസയും സെക്രട്ടറി സജീവ് കുമാര്‍ നന്ദിയും രേഖപ്പെടുത്തി
ഇരിങ്ങാലക്കുട റോട്ടറി ക്ലബിന്റെ 2018-19 വര്‍ഷത്തെ സേവനപ്രവര്‍ത്തനങ്ങള്‍ക്ക് തുടക്കമായി
ഇരിങ്ങാലക്കുട: ഇരിങ്ങാലക്കുട റോട്ടറി ക്ലബിന്റെ 2018-19 വര്‍ഷത്തെ സേവനപ്രവര്‍ത്തനങ്ങള്‍ക്ക് തുടക്കമായി .റോട്ടറി ഹാളില്‍ നടന്ന ചടങ്ങില്‍ ഡിസ്ട്രിക്റ്റ് നോമിനി ജോസ് ചാക്കോ ഉദ്ഘാടനം ചെയ്തു.സേവനപ്രവര്‍ത്തനങ്ങളുടെ ഭാഗമായി രക്തദാനം ,വൃക്ഷതൈനടീല്‍ ,കുടിവെള്ള പദ്ധതി,സൗജന്യ ഭക്ഷണ വിതരണം എന്ന പദ്ധതികള്‍ നടത്തുവാന്‍ തീരുമാനിച്ചു.ക്ലബ് പ്രസിഡന്റ് ജോയ് മുണ്ടാടന്റെ അധ്യക്ഷതയില്‍ ചേര്‍ന്ന യോഗത്തില്‍ ഡിസ്ട്രിക്റ്റ് ഡയറക്ടര്‍ സോണറ്റ് പോള്‍ ,അസിസ്റ്റന്റ് ഗവര്‍ണര്‍ ടി ജി സച്ചിത്ത് ,ജി ജി ആര്‍ ഷോബി കണിച്ചായ് ,പോള്‍സണ്‍ മൈക്കിള്‍,പ്രവീണ്‍ തിരുപതി എന്നിവര്‍ സംസാരിച്ചു
ഇരിങ്ങാലക്കുട രൂപതാ വികാരിമാരുടെ സ്ഥലം മാറ്റ വിവരങ്ങള്‍
റവ. ഡോ. കിരണ്‍ തട്ടില്‍ – വൈസ് ചാന്‍സലര്‍; എഡിറ്റര്‍, രൂപത ബുള്ളറ്റിന്‍; കപ്ലോന്‍, സി.എസ്. എസ്.കോണ്‍വെന്റ്, പുല്ലൂര്‍. റവ. ഫാ. ഷാജി തെക്കേക്കര – വികാരി & കപ്ലോന്‍, ഇരിങ്ങാലക്കുട വെസ്റ്റ്. റവ. ഫാ. തോമസ് കണ്ണംമ്പിള്ളി – അസി. ഡയറക്ടര്‍, നവചൈതന്യ, ആളൂര്‍; അസ്സോ. എക്‌സിക്യുട്ടീവ് ഡയറക്ടര്‍, ഹൃദയ പാലിയേറ്റീവ് കെയര്‍; എക്‌സി. ഡയറക്ടര്‍, ഡി-അഡിക്ഷന്‍ റീഹാബിലിറ്റേഷന്‍ സെന്റര്‍, കുതിരത്തടം; കപ്ലോന്‍, എഫ്.എസ്.എം.എ. പുലിപ്പാറക്കുന്ന് കോണ്‍വെന്റ്.റവ. ഫാ. ജോമി തോട്ട്യാന്‍ – സ്റ്റഡി ലീവ്. റവ. ഫാ. ടിജോ ആലപ്പാട്ട് – വികാരി & കപ്ലോന്‍, മാരാംകോട് സൗത്ത് ഒഴിവായി.റവ. ഫാ. ജിജോ വാകപ്പറമ്പില്‍ – വികാരി & കപ്ലോന്‍, കടുപ്പിശ്ശേരി; PRO; എഡിറ്റര്‍, കേരളസഭ. റവ. ഫാ. ജിനോ മാളക്കാരന്‍ – വികാരി, വാസുപുരം കൂടി.റവ. ഫാ. ജിജി കുന്നേല്‍ – ഡയറക്ടര്‍, ജീസസ് യൂത്ത് ഒഴിവായി. റവ. ഫാ. അജിത് ചേര്യേക്കര – വികാരി & കപ്ലോന്‍, വെള്ളാങ്ങല്ലൂര്‍. റവ. ഫാ. ജെയ്‌സന്‍ വടക്കുംചേരി – ഫിനാന്‍സ് ഓഫീസര്‍, ഹൃദയ പാലിയേറ്റീവ് കെയര്‍ കൂടി; ഡയറക്ടര്‍, ജോണ്‍ പോള്‍ ഭവന്‍, പുളിയിലക്കുന്ന് ഒഴിവായി.റവ. ഫാ. റെനില്‍ കാരാത്ര – സ്റ്റഡി ലീവ്. റവ. ഫാ. ജോസഫ് സണ്ണി മണ്ടകത്ത് – വികാരി & കപ്ലോന്‍, തൂമ്പാക്കോട്; ഡയറക്ടര്‍, KCSL ഒഴിവായി. റവ. ഫാ. ജെയിംസ് അതിയുന്തന്‍ – വികാരി & കപ്ലോന്‍, കുഴിക്കാട്ടുശ്ശേരി; ഡയറക്ടര്‍, ജീസസ് യൂത്ത്. റവ. ഫാ. വില്‍സന്‍ പെരേപ്പാടന്‍ – സ്റ്റഡി ലീവ്. റവ. ഫാ. ബിവിന്‍ കളമ്പാടന്‍ – വികാരി & കപ്ലോന്‍, കുതിരത്തടം; വര്‍ക്കിങ്ങ് ഡയറക്ടര്‍, KCSL കൂടി. റവ. ഫാ. സെബിന്‍ എടാട്ടുകാരന്‍ – വികാരി, മുരിക്കിങ്ങല്‍ കൂടി.റവ. ഫാ. സിനു അരിമ്പൂപറമ്പില്‍ – വികാരി, തൊട്ടിപ്പാള്‍ കൂടി.റവ. ഫാ. മെഫിന്‍ തെക്കേക്കര – വികാരി & കപ്ലോന്‍, മുനിപ്പാറ. റവ. ഫാ. സിന്റോ മാടവന – സ്റ്റഡി ലീവ്. റവ. ഫാ. അജോ പുളിക്കന്‍ – അസി. വികാരി, അമ്പഴക്കാട് ഫൊറോന. റവ. ഫാ. ജിഫിന്‍ കൈതാരത്ത് – 2ിറ അസി. വികാരി, ഇരിങ്ങാലക്കുട കത്തീഡ്രല്‍. റവ. ഫാ. ജോസഫ് വിതയത്തില്‍ – അസി. ഡയറക്ടര്‍, ബി.എല്‍.എം. റിട്രീറ്റ് സെന്റര്‍ കൂടി. റവ. ഫാ. ഫ്രാന്‍സിസ് സ്രാമ്പിക്കല്‍ കടരവ.- വികാരി & കപ്ലോന്‍, വീരഞ്ചിറ ഒഴിവായി. റവ. ഫാ. ജോസഫ് കണ്ണനായ്ക്കല്‍ ടഉഢ- 2ിറ അസി. വികാരി, പോട്ട. റവ. ഫാ. ഡാനു പൊറത്തൂര്‍ ഇങക – 2ിറ അസി. വികാരി, പോട്ട ഒഴിവായി.
മാപ്രാണം പള്ളിയില്‍ തിരുന്നാള്‍ നവവവാര ,ധ്യാന ശുശ്രൂഷാചരണം ഒന്നാം വെള്ളിയാഴ്ച
മാപ്രാണം: മാപ്രാണം ഹോളിക്രോസ് തീര്‍ത്ഥാടന ദൈവാലയത്തില്‍ സെപ്റ്റംബര്‍ 12,13,14,15 തിയ്യതികളില്‍ നടത്തപ്പെടുന്ന കുരിശുമുത്തപ്പന്റെ തിരുന്നാളിന്റെ മുന്നോടിയായി നവവരാചരണം ഒന്നാം വെള്ളിയാഴ്ച ശുശ്രൂഷകള്‍ 06-07-2018 ന് നടത്തപ്പെടും .രാവിലെ 6 മണിക്ക് വി കുര്‍ബ്ബാന ,10 മണിയുടെ വി കുര്‍ബ്ബാനയെ തുടര്‍ന്ന് ലദീഞ്ഞ് ,നൊവേന,ബൈബിള്‍ പ്രഭാഷണം ,ആരാധന എന്നിവയ്ക്ക് ഫാ ജിഷന്‍ കൈതാരത്ത് , ഫാ ഡോ .ജോജോ ആന്റണി തൊടുപ്പറമ്പില്‍ ,ഫാ. ജോയേല്‍ ചെറുവത്തൂര്‍ നേതൃത്വം നല്‍കും.തിരുകര്‍മ്മങ്ങള്‍ക്ക് ശേഷം നേര്‍ച്ച ഭക്ഷണം ഉണ്ടായിരിക്കുന്നതാണ് .വൈകീട്ട് 4 മണിക്ക് വി കുര്‍ബ്ബാന ,കുരിശിന്റെ വഴി ,5.15 ന് സെന്റ് ജോണ്‍ കപ്പേളയില്‍ വി കുരിശിന്റെ നൊവേന
സിപിഐ (എം) ന്റെ നേതൃത്വത്തില്‍ കുട്ടംകുളം സമരത്തിന്റെ 72-ാം വാര്‍ഷികാചരണം ജൂലൈ 6ന്
ഇരിങ്ങാലക്കുട : സിപിഐ (എം) ഏരിയ കമ്മിറ്റിയുടെ നേതൃത്വത്തില്‍ ജൂലൈ ആറിന് കുട്ടംകുളം സമരത്തിന്റെ 72-ാം വാര്‍ഷികം ആചരിക്കും. 3 മണിയ്ക്ക് എസ്എന്‍ ക്ലബ്ബ് ഹാളില്‍ കമ്മ്യൂണിസ്റ്റ് മാനിഫെസ്റ്റോയും ഇരുപതാം നൂറ്റാണ്ടിലെ സാമൂഹ്യ സമരങ്ങളും എന്ന സെമിനാര്‍ സിപിഐ (എം) പിബി അംഗം എം.എ ബേബി ഉദ്ഘാടനം ചെയ്യും.ജില്ലാ സെക്രട്ടറി എം എം വര്‍ഗിസ്, സംസ്ഥാന കമ്മിറ്റിഅംഗം എന്‍ ആര്‍ ബാലന്‍, പ്രൊഫ കെയു അരുണന്‍ എംഎല്‍എ, അശോകന്‍ ചരുവില്‍ എന്നിവര്‍ സംസാരിക്കും.
കല്‍പ്പറമ്പ് ഹെല്‍പ്പിംഗ് ഹാന്റ്‌സ് ചാരിറ്റബിള്‍ സൊസൈറ്റി ഔദ്യോഗികമായി നിലവില്‍ വരുന്നു
കല്‍പ്പറമ്പ്- കഴിഞ്ഞ രണ്ട് വര്‍ഷത്തോളമായി കല്‍പ്പറമ്പ് പ്രദേശത്തെ സാമൂഹ്യ -സാംസ്‌ക്കാരിക രംഗത്ത് ഒരു കൂട്ടം ചെറുപ്പക്കാരുടെ കൂട്ടായ്മയായി പ്രവര്‍ത്തിച്ചു വരുന്ന കല്‍പ്പറമ്പ് ഹെല്‍പ്പിംഗ് ഹാന്റ്‌സ് ചാരിറ്റബിള്‍ സൊസൈറ്റി ആക്ട് പ്രകാരം രജിസ്റ്റര്‍ ചെയ്ത് ഉദ്ഘാടനം ചെയ്യപ്പെടുകയാണ് .2018 ജൂലായ് 8 ഞായറാഴ്ച ഉച്ചതിരിഞ്ഞ് 3 മണിക്ക് കല്‍പ്പറമ്പ് ബി വി എം ഹൈസ്‌കൂള്‍ ഓഡിറ്റോറിയത്തില്‍ പ്രൊഫ.കെ യു അരുണന്‍ എം എല്‍ എ അദ്ധ്യക്ഷത വഹിക്കുകയും ,കൃഷി വകുപ്പ് മന്ത്രി അഡ്വ .വി എസ് സുനില്‍കുമാര്‍ ചികിത്സാസഹായ നിധി കൈമാറ്റം നടത്തി ഉദ്ഘാടനം നിര്‍വ്വഹിക്കുകയും ചെയ്യും
റോട്ടറി ക്ലബ് ഇരിങ്ങാലക്കുട സെന്‍ട്രല്‍ ക്ലബ് ജീവകാരുണ്യ പ്രവര്‍ത്തനങ്ങളുടെ ഉദ്ഘാടനം ജൂലായ് 8 ന്
ഇരിങ്ങാലക്കുട- ഇരിങ്ങാലക്കുട മേഖലയില്‍ സാമൂഹിക സേവന പ്രവര്‍ത്തനങ്ങളില്‍ മുന്‍പന്തിയില്‍ നില്‍ക്കുന്ന ഇരിങ്ങാലക്കുട സെന്‍ട്രല്‍ റോട്ടറി ക്ലബിന്റെ 2018 -19 ലെ ഭാരവാഹികളുടെ സ്ഥാനാരോഹണവും ജീവകാരുണ്യ പ്രവര്‍ത്തനങ്ങളുടെ ഉദ്ഘാടനം 8 ജൂലായ് 2018 ഞായറാഴ്ച റോട്ടറി ഭവനില്‍ വച്ച് നടക്കുന്ന ചടങ്ങില്‍ റോട്ടറി ഡിസ്ട്രിക്ട് ഗവര്‍ണര്‍ ഇലക്ട് ആര്‍ ടി എന്‍ ജോസ് ചാക്കോ നിര്‍വഹിക്കുന്നു.പ്ലസ് ടു പരീക്ഷയില്‍ 98 % മാര്‍ക്ക് നേടിയ വിദ്യാര്‍ത്ഥിയെ നാലു വര്‍ഷത്തെ സാങ്കേതിക വിദ്യാഭ്യാസത്തിന്റെ മുഴുവന്‍ ഏറ്റെടുത്തു കൊണ്ട് ഈ വര്‍ഷത്തെ ജീവകാരുണ്യ പ്രവര്‍ത്തനങ്ങള്‍ക്കു ഇരിങ്ങാലക്കുട സെന്‍ട്രല്‍ ക്ലബ് തുടക്കം കുറിക്കുന്നു.
ഹരിതവത്ക്കരണം,ശുദ്ധ ജല വിതരണം ,ബോധവത്ക്കരണ സെമിനാറുകള്‍ ,സ്മാര്‍ട്ട് ക്ലാസ് നിര്‍മ്മാണം ,ഭിന്നശേഷി കുട്ടികളുടെ ഉന്നമനം ,മെഡിക്കല്‍ ക്യാമ്പുകള്‍ എന്നിവയ്ക്കാണ് ഈ വര്‍ഷം റോട്ടറി ക്ലബ് ഇരിങ്ങാലക്കുട സെന്‍ട്രല്‍ ഊന്നല്‍ നല്‍കുന്നത്. ഈ വര്‍ഷത്തെ ഭാരവാഹികളായി പ്രസിഡന്റ് ആര്‍ ടി എന്‍ ടി എസ് സുരേഷ് ,സെക്രട്ടറി ആര്‍ ടി എന്‍ ടി പി സെബാസ്റ്റ്യന്‍ ,പി ആര്‍ ഒ ആന്റ് ഐ പി പി ആര്‍ ടി എന്‍ പി ടി ജോര്‍ജ്ജ് ,സര്‍വ്വീസ് പ്രോജക്ട് ചെയര്‍ ആര്‍ ടി എന്‍ ഹരികുമാര്‍ ,ആര്‍ ടി എന്‍ ഷാജു ജോര്‍ജ്ജ് എന്നിവര്‍ പ്രസ് മീറ്റില്‍ പങ്കെടുത്തു
മുകുന്ദപുരം താലൂക്ക് ലൈബ്രറി കൗണ്‍സില്‍ നടത്തിയ ആസ്വാദനക്കുറിപ്പ് മത്സരത്തിലെ വിജയികളെ പ്രഖ്യാപിച്ചു
ഇരിങ്ങാലക്കുട:വായനാപക്ഷാചരണത്തിന്റെ ഭാഗമായി മുകുന്ദപുരം താലൂക്ക് ലൈബ്രറി കൗണ്‍സില്‍ നടത്തിയ ആസ്വാദനക്കുറിപ്പ് രചനാമല്‍സരത്തില്‍ സ്‌കൂള്‍ പഠിതാക്കളുടെ വിഭാഗത്തില്‍ നിന്നും അഭിമന്യു എന്‍.എ.(ശ്രീകൃഷ്ണ ഹൈസ്‌കൂള്‍,ആനന്ദപുരം), അദ്ധ്യാപക വിഭാഗത്തില്‍ നിന്നും ഷാജു യോഹന്നാന്‍ (പി.വി.എസ്.എച്ച്.എസ്.എസ്.,പറപ്പൂക്കര), ഇതര വിഭാഗത്തില്‍ നിന്നും മെറിന്‍ ജോയ് (സെന്റ് ജോസഫ് കോളേജ്, ഇരിങ്ങാലക്കുട) എന്നിവര്‍ വിജയികളയി. ജൂലായ് 7നു 2 മണിക്ക് ആനന്ദപുരം ശ്രീകൃഷ്ണ ഹൈസ്‌കൂളില്‍ പ്രശസ്ത കവി.പ്രൊഫ വി.ജി.തമ്പി ഉദ്ഘാടനം ചെയ്യുന്ന വാരാചരണ സമാപന പരിപാടിയില്‍ പുരസ്‌കാരങ്ങള്‍ സമ്മാനിക്കും.
മലയാള ചലച്ചിത്രഗാനങ്ങളില്‍ ഡോക്ടറേറ്റ് കരസ്ഥമാക്കി ക്രൈസ്റ്റ് കോളേജ് അദ്ധ്യാപകന്‍
ഇരിങ്ങാലക്കുട : മലയാള ചലച്ചിത്രഗാനങ്ങള്‍ പാഠവും ആവിഷ്‌കാരവും – വയലാര്‍ രാമവര്‍മ്മ, പി.ഭാസ്‌കരന്‍,ഒ.എന്‍.വി.കുറുപ്പ് എന്നിവരുടെ തെരഞ്ഞെടുത്ത ഗാനങ്ങളെ ആസ്പദമാക്കി ഒരു പഠനം എന്ന വിഷയത്തില്‍ കാലിക്കറ്റ് സര്‍വ്വകലാശാലയില്‍ നിന്ന് ഡോക്ടറേറ്റ് നേടിയ ഇരിഞ്ഞാലക്കുട ക്രൈസ്റ്റ് ഓട്ടോണമസ് കോളേജ് മലയാള വിഭാഗം അദ്ധ്യക്ഷന്‍ സെബാസ്റ്റ്യന്‍ ജോസഫ്. കാലിക്കറ്റ് സര്‍വ്വകലാശാല മുന്‍ സെനറ്റ് അംഗമാണ്.കാലിക്കറ്റ് സര്‍വ്വകലാശാലയുടെ തൃശൂര്‍ ശ്രീകേരളവര്‍മ്മ കോളേജിലെ പ്രാദേശിക ഗവേഷണകേന്ദ്രത്തില്‍ യു.ജി.സി എമിറിറ്റസ് പ്രൊഫസര്‍ ഡോ.എന്‍.അനില്‍കുമാറിന്റെ കീഴിലാണ് ഗവേഷണം പൂര്‍ത്തിയാക്കിയത്.തുടങ്ങനാട് (തൊടുപുഴ) മുഞ്ഞനാട്ട് കുടുംബാംഗമാണ്.
കാറളം മണ്ഡലം കമ്മിറ്റിയുടെ ആഭിമുഖ്യത്തില്‍ കെ.കരുണാകരന്‍ നൂറാം ജന്മദിനാഘോഷം ആചരിച്ചു
കാറളം:കെ.കരുണാകരന്‍ നൂറാം ജന്മദിനാഘോഷം കാറളം മണ്ഡലം കമ്മിറ്റിയുടെ ആഭിമുഖ്യത്തില്‍ ആചരിച്ചു. കാറളത്ത് നടന്ന പുഷ്പാര്‍ച്ചനയിലും അനുസ്മരണത്തിലും മണ്ഡലം പ്രസിഡണ്ട് ബാസ്റ്റിന്‍ ഫ്രാന്‍സീസ് അദ്ധ്യക്ഷത വഹിച്ചു.വിജീഷ് പുളി പറമ്പില്‍, എം.ആര്‍.സുധാകരന്‍, വി.ഡി. സൈമണ്‍, പി.എസ് മണികണ്ഠന്‍, വര്‍ഗ്ഗീസ് കീറ്റിക്കല്‍, വിനോദ് പി.കെ, ഐ.ഡി.ഫ്രാന്‍സീസ് മാസ്റ്റര്‍ എന്നിവര്‍ പങ്കെടുത്തു.
മുല്ലപ്പിള്ളി രാമന്‍ കൈമള്‍ (79) വയസ്സ് നിര്യാതനായി
നെടുംമ്പാള്‍- മുല്ലപ്പിള്ളി രാമന്‍ കൈമള്‍ (79) വയസ്സ് 4-07-2018 ന് രാത്രി 9.30 ന് നിര്യാതനായി. ഭാര്യ -കുഞ്ചുക്കുട്ടി – മക്കള്‍ രാജ്കുമാര്‍, രവിചന്ദ്രന്‍. സംസ്‌കാരം 5-07-2018 വ്യാഴം കാലത്ത് 11 മണിക്ക് വീട്ട് വളവില്‍.
ഇരിങ്ങാലക്കുട ബൈപാസ് റോഡിലെ നാല് മൂല അപകടമൂലയാകുന്നു.
ഇരിങ്ങാലക്കുട : പുതുതായി പണികഴിപ്പിച്ച് തുറന്ന് നല്‍കിയ ബൈപ്പാസ് റോഡിലെ ഞവരികുളത്തിന് സമീപത്തെ നാലുംകൂടിയ സെന്റര്‍ അപകടമേഖലയായി മാറുന്നു.ബൈപ്പാസ് തുറന്ന് നല്‍കിയതിന് ശേഷം ആഴ്ച്ചയില്‍ ഒരു അപകടം വീതം നടക്കുകയാണിവിടെ.വ്യാഴാഴ്ച്ച രാവിലെയും ഇവിടെ അപകടം നടന്നു.കാട്ടൂര്‍ ഭാഗത്ത് നിന്നും വരുകയായിരുന്ന ഇന്നോവ കാര്‍ ഞവരികുളം ഭാഗത്ത് നിന്ന് വന്ന ഓട്ടോറിക്ഷയില്‍ ഇടിക്കുകയായിരുന്നു.ഇടിയുടെ ആഘാതത്തില്‍ നിയന്ത്രണം നഷ്ടപ്പെട്ട ഓട്ടോറിക്ഷ മറിയുകയും ചെയ്തു.ഓട്ടോറിക്ഷയുടെ ഗ്ലാസുകള്‍ തകരുകയും യാത്രക്കാരനെ പരിക്കുകളോടെ ഇരിങ്ങാലക്കുട താലൂക്കാശുപത്രിയില്‍ പ്രവേശിപ്പിക്കുകയും ചെയ്തു.ഇവിടെ അപകടങ്ങള്‍ കൂടുന്നു എന്ന് വാര്‍ത്തകള്‍ വന്നതിന് ശേഷം നാലൂംകൂടിയ സെന്ററില്‍ ഞവരികുളം ഭാഗത്ത് നിന്ന് വരുന്ന റോഡില്‍ മാത്രം ഹംബുകള്‍ സ്ഥാപിക്കുകയായിരുന്നു.എന്നാല്‍ ഇത് അപകടങ്ങള്‍ കുറയ്ക്കാന്‍ പര്യാപ്തമല്ല.കാട്ടൂര്‍ റോഡില്‍ നിന്നും വരുന്ന റോഡിലും ഹംമ്പുകള്‍ സ്ഥാപിച്ചാല്‍ മാത്രമെ പ്രദേശത്തെ അപകട ഭീഷണി കുറയ്ക്കാന്‍ സാധിക്കുകയുളളു.
പൈപ്പ് ലൈന്‍ പൊട്ടിയതിനെ തുടര്‍ന്നുണ്ടായ ചെളിയില്‍ ക്രൈസറ്റ് വിദ്യാനികേതന്‍ സ്‌കൂള്‍ ബസ്സ് താഴ്ന്നു
കിഴുത്താണി -പൈപ്പ് ലൈന്‍ പൊട്ടിയതിനെ തുടര്‍ന്നുണ്ടായ ചെളിയില്‍ ക്രൈസറ്റ് വിദ്യാനികേതന്‍ സ്‌കൂള്‍ ബസ്സ് താഴ്ന്നു.രാവിലെ 9 മണിയോടെയാണ് സംഭവം നടക്കുന്നത് .കിഴുത്താണി മനപ്പടി ഭാഗത്ത് പൈപ്പ് ലൈന്‍ പൊട്ടിയിരുന്നു.തുടര്‍ന്നുണ്ടായ ചെളിയില്‍ രാവിലെ സ്‌കൂള്‍ ട്രിപ്പ് എടുത്ത് വരികയായിരുന്ന ക്രൈസറ്റ് വിദ്യാനികേതന്‍ സ്‌കൂള്‍ ബസ്സിന്റെ ഇടത് ഭാഗത്തെ ടയറുകള്‍ താഴുകയായിരുന്നു.കുട്ടികളും അധ്യാപകരും വേഗം പുറത്തിറങ്ങിയതിനാല്‍ കൂടുതല്‍ അപകടങ്ങളൊന്നും തന്നെയുണ്ടായില്ല .
ബൈക്ക് ടിപ്പറിലിടിച്ച് അരിപ്പാലം സ്വദേശി യുവാവ് മരിച്ചു
ഈഴവത്ര വീട്ടില്‍ ഉണ്ണികൃഷ്ണന്റെ മകന്‍ മധു (43) വാണ് മരിച്ചത്.
ഡോക്യുമെന്റ് റൈറ്റേഴ്‌സ് അസോസിയേഷന്‍ മുന്‍ സെക്രട്ടറിയും കോണ്‍ഗ്രസ്സ്
മുന്‍ ജനറല്‍ സെക്രട്ടറിയുമായിരുന്നു. ബുധനാഴ്ച രാത്രി ജോലി കഴിഞ്ഞ്വീട്ടിലേക്ക് മടങ്ങുമ്പോള്‍ ഏഴരയോടെ എടക്കുളം അരിപ്പാലം റോഡില്‍
ഒലുപ്പൂക്കഴ പാലത്തിന് സമീപമുള്ള വളവിലായിരുന്നു അപകടം. പരിക്കേറ്റ
മധുവിനെ ഉടനെ ഇരിങ്ങാലക്കുട സഹകരണാശുപത്രിയിലെത്തിച്ചെങ്കിലും
രക്ഷിക്കാനായില്ല. ഭാര്യ: സജിത. മക്കള്‍: കിഷന്‍, മിന്നു.
ഇരിങ്ങാലക്കുട ക്രൈസ്റ്റ് കോളേജിലെ ജൈവവൈവിധ്യ കേന്ദ്രത്തിന് അന്താരാഷ്ട്ര അംഗീകാരം
ഇരിങ്ങാലക്കുട : ഇന്ത്യന്‍ ചിലന്തി ഗവേഷണ മേഖലയ്ക്ക് അഭിമാനമായി ക്രൈസ്റ്റ് കോളേജിലെ അറംഗ മലയാളി ഗവേഷണസംഘത്തെ ഹംഗറിയില്‍ വെച്ച് നടക്കുന്ന 31-ാംമത് യുറോപ്യന്‍ ചിലന്തി ഗവേഷണ സമ്മേളനത്തിലേയ്ക്ക് പ്രത്യേക ക്ഷണിതാക്കളായി തിരഞ്ഞെടുത്തു.ലോകത്തിന്റെ വിവിധ ഭാഗങ്ങളില്‍ നിന്നായി 150 ഓളം ചിലന്തി ഗവേഷകര്‍ പങ്കെടുക്കുന്ന ഈ സമ്മേളനത്തില്‍ ഇന്ത്യയില്‍ നിന്നും ഈ 6 പേര്‍ക്ക് മാത്രമാണ് ക്ഷണം.ജൂലൈ 8 മുതല്‍ 13 വരെ ഹംഗറിയിലെ ബുഡാപെസ്റ്റില്‍ വച്ചാണ് സമ്മേളനം.ലോക ചിലന്തി ഗവേഷണ മേഖലയ്ക്ക് ക്രൈസ്റ്റ് കോളേജിലെ ജൈവവൈവിധ്യ കേന്ദ്രം നല്‍കിയ സംഭാവനകള്‍ക്കുള്ളാതാണ് ഈ അംഗീകാരമെന്ന് ഗവേഷണ കേന്ദ്രം മേധാവി ഡോ.സുധികുമാര്‍ എ വി അഭിപ്രായപ്പെട്ടു.ആറ് പേരും ഇന്ത്യ ചിലന്തികളെ കുറിച്ച് വ്യത്യസ്തമായ ഗവേഷണ പ്രബദ്ധങ്ങളാണ് അവതരിപ്പിക്കുന്നത്.കേളത്തിലെ കോള്‍ പാടങ്ങളിലെ ചിലന്തി വൈവിദ്ധ്യവും ജൈവിക കീട നിയന്ത്രണത്തില്‍ ചിലന്തികള്‍ക്കുള്ള പങ്കുമാണ് ഗവേഷണ വിദ്യാര്‍ത്ഥി നഫീന്‍ കെ എസ് അവതരിപ്പിക്കുന്നത്.സാമൂഹിക ജീവിതം നയിക്കുന്ന ചിലന്തികളുടെ സ്വഭാവ സവിശേഷതകളും അവയുടെ വലയില്‍ കാണുന്ന പരാദ ജീവികളുടെ വൈവിദ്ധ്യവുമാണ് ദ്രശ്യ മോഹന്റെ പഠനം.കാര്യമായ ഗവേഷണങ്ങള്‍ ഒന്നും നടക്കാത്ത കേരളത്തിലെ കാവുകളിലെ ചിലന്തി വൈവിദ്ധ്യവും കലാവസ്ഥ വ്യതിയാനവുമാണ് സുമേഷ് എന്‍ വി യുടെ പ്രബ്ദ്ധം.ജൈവവൈവിധ്യത്തിന്റെ കലവറയായ വയനാട് വന്യജീവ് സങ്കേതത്തില്‍ ഇടക്കിടെ ഉണ്ടാകുന്ന കാട്ടുതീ ചിലന്തി വൈവിദ്ധ്യത്തെ എങ്ങിനെയാണ് ദോഷകരമായി ബാധിക്കുന്നത് എന്നതാണ് സുധിന്‍ പി പി യുടെ പഠനം.ഇന്ത്യയില്‍ ആദ്യമായി രാജസ്ഥാനിലെ താര്‍ മരുഭൂമിയിലെ വിഷചിലന്തികളുടെ പഠനമാണ് കാശ്മീര എന്‍ എ അവതരിപ്പിക്കുന്നത്.വര്‍ദ്ധിച്ച് വരുന്ന ആഗോള താപനം ചിലന്തികളുടെ ഇരപിടിക്കല്‍ ശേഷിയേയും ആഹാരശ്രംഖലയിലുണ്ടാക്കുന്ന മാറ്റങ്ങളുമാണ് ജൈവവൈവിധ്യ ഗവേഷണ കേന്ദ്രം മേധാവി ഡോ.സുധികുമാര്‍ എ വി അവതരിപ്പിക്കുന്നത്.യുറോപ്യന്‍ ചിലന്തി ഗവേഷണ സംഘടനയുടെയും യുണിവേഴ്‌സിറ്റി ഗ്രാന്റസ് കമ്മിഷന്റെയും ദേശീയ ശാസ്ത്ര സാങ്കേതിക വകുപ്പിന്റെയും സാമ്പത്തിക സഹായത്തോടെയാണ് ഇവരുടെ യാത്ര.
ലോകകപ്പ് ആവേശം ഇരിങ്ങാലക്കുട ഫേഷന്‍ പെയ്ന്റ്‌സിലും
ഇരിങ്ങാലക്കുട : ലോകകപ്പിന്റെ ആവേശം നാടൊട്ടുക്കും നിറയുമ്പോള്‍ ഇരിങ്ങാലക്കുട ഫേഷന്‍ പെയ്ന്റ്‌സിലും ഫുട്ട്‌ബോള്‍ ആവേശം നിറയുകയാണ്.ഇരിങ്ങാലക്കുടയിലെ ഏറ്റവും വലിയ ഹോള്‍സെയില്‍ പെയ്ന്റ് കച്ചവട കേന്ദ്രമായ ഫേഷന്‍ പെയ്ന്റസില്‍ ഏഷ്യന്‍ പെയ്ന്റ്‌സ് അള്‍ട്ടിമയുടെ പരസ്യപ്രചരാണാര്‍ത്ഥം ഓള്‍ കേരള ലൈവലില്‍ സംഘടിപ്പിക്കുന്ന മത്സരത്തിന്റെ ഭാഗമായാണ് ലോകകപ്പ് ഫുട്ട്‌ബോള്‍ സ്റ്റേഡിയത്തിന്റെ മാതൃക പെയ്ന്റ് ടിന്നുകള്‍ കൊണ്ട് നിര്‍മ്മിച്ചിരിക്കുന്നത്.കളിക്കാരെയും ഗാലറിയും തുടങ്ങി ലോകകപ്പ് സ്റ്റേഡിയത്തിന്റെ മിനി മാതൃകയാണ് ഇവര്‍ ഒരുക്കിയിരിക്കുന്നത്.കഴിഞ്ഞ തവണ നടന്ന ഓള്‍ കേരള മത്സരത്തില്‍ ഇവര്‍ക്കായിരുന്നു രണ്ടാം സ്ഥാനം.
