രാജസ്ഥാനിലെ ജയ്പൂരില്‍ നടന്ന സ്മാര്‍ട്ട് ഇന്ത്യ ഹാക്കത്തോണ്‍ മത്സരത്തില്‍ ക്രൈസ്റ്റ് കോളേജ് of എഞ്ചിനീയറിംഗ്, കമ്പ്യൂട്ടര്‍ സയന്‍സ് ഡിപ്പാര്‍ട്ട്‌മെന്റ് ടീം ഒന്നാം സ്ഥാനം കരസ്ഥമാക്കി. ‘ സ്മാര്‍ട്ട് വാഹനങ്ങളിലെ ഇന്റലിജന്റ് ബാറ്ററി മാനേജ്‌മെന്റ്” എന്ന ആശയമാണ് സമ്മാനാര്‍ഹമായത്. വാഹനങ്ങളിലെ വൈദ്യുതി തകരാറുകളും അതിനുള്ള പരിഹാര മാര്‍ഗ്ഗവും നിര്‍ദ്ദേശിക്കുവാനുതകുന്നതാണ് ഈ സംവിധാനം.
ഏറ്റവും വലിയ ഹാക്കത്തോണ്‍ എന്ന പേരില്‍ ലോക റെക്കോര്‍ഡ് നേടിയ സ്മാര്‍ട്ട് ഇന്ത്യ ഹാക്കത്തോണ്‍ കഴിഞ്ഞ രണ്ടു വര്‍ഷമായി ഒരുപാട് വിദ്യാര്‍ത്ഥി സംരംഭകരെ ഉയര്‍ത്തി കൊണ്ടു വന്നിട്ടുണ്ട്. രാജ്യത്തെ അരകോടി യോളം വരുന്ന എഞ്ചിനീയറിംഗ് വിദ്യാര്‍ത്ഥികളില്‍ നിന്നും വിവിധ ദൈനംദിന പ്രശ്‌നങ്ങള്‍ക്കുള്ള പരിഹാരം കണ്ടെത്തുകയാണ് സ്മാര്‍ട്ട് ഇന്ത്യ ഹാക്കത്തോണ്‍ കൊണ്ട് സര്‍ക്കാര്‍ ലക്ഷ്യമിടുന്നത്.
കഴിഞ്ഞ ഡിസംബറില്‍ രെജിസ്‌ട്രേഷന്‍ ഓപ്പണ്‍ ചെയ്ത ഹാക്കത്തോണിന്റ ആദ്യഘട്ട വിദ്യാര്‍ത്ഥികളില്‍ നിന്നും തിരഞ്ഞെടുത്തവരാണ് ഗ്രാന്റ് ഫിനാലെയിലേക്ക് പ്രവേശിക്കുക. ഒന്നര ദിവസം നീണ്ടു നില്‍ക്കുന്ന തുടര്‍ച്ചയായ മത്സരം രാജ്യമെമ്പാടുമുള്ള 48 നോഡല്‍ സെന്ററുകളില്‍ വെച്ചാണ് നടത്തിയത്.36മണിക്കൂര്‍ നീണ്ട മത്സരപ്രോഗ്രാമില്‍ കൃത്യമായ ഇടവേളകളില്‍ മൂല്യ നിര്‍ണ്ണയം, ട്രെയിനിംഗ് സെഷനുകള്‍ എന്നിവയെല്ലാം പൂര്‍ത്തീകരിച്ചതിനു ശേഷം വിജയികളെ നിശ്ചയിക്കുന്നു ഓരോ പ്രശ്‌നനിര്‍ദ്ദേശത്തിനും ഒരു ടീം ആയിരിക്കും വിജയിക്കുക. പ്രശ്‌ന സങ്കീര്‍ണ്ണതകള്ക്കനുസരിച്ച് ഒരു ലക്ഷം രൂപ, എഴുപത്തയ്യായിരം രൂപ, അന്‍പതിനായിരം രൂപ എന്നിങ്ങനെ യായിരിക്കും സമ്മാനത്തുകകള്‍.
ക്രൈസ്റ്റ് എഞ്ചിനീയറിംഗ് കോളേജിനെ പ്രതിനിധീകരിച്ചു കെ. എസ്. ആദിത്യന്‍, ഡെല്‍ജിന്‍ ഡേവിസ്, സിറില്‍ സിജു, മരിയ ഫ്രാന്‍സിസ്, നോവ മേരി തോമസ്, ഐറിന്‍ ജോര്‍ജ് എന്നീ വിദ്യാര്‍ത്ഥികളടങ്ങിയ ടീമാണ് ഹാക്കത്തോണില്‍ പങ്കെടുത്തു വിജയം നേടിയത്. സ്റ്റാഫ് കോ – ഓര്‍ഡിനേറ്ററായി ജോജു മോഹന്‍ ടീമിനെ നയിച്ചു
