Published :11-Dec-2017
ഇരിങ്ങാലക്കുട: ചിറ്റിലപ്പിള്ളി മഹാകുടുംബയോഗത്തിന്റെ നേതൃത്വത്തില്‍ ചരിത്ര സെമിനാര്‍ സംഘടിപ്പിച്ചു. ക്രൈസ്റ്റ് കോളേജ് മുന്‍ പ്രിന്‍സിപ്പാള്‍ ഫാ.ജോസ് ചിറ്റിലപ്പിള്ളി ഉദ്ഘാടനം ചെയ്തു. പ്രസിഡണ്ട് കെ.പി.മാത്യു അധ്യക്ഷത വഹിച്ചു. ഫാ.വില്‍സന്‍ കോക്കാട്ട് മുഖ്യപ്രഭാഷണം നടത്തി. ജനറല്‍ സെക്രട്ടറി ജോസ് ജെ.ചിറ്റിലപ്പിള്ളി മോഡറേറ്റര്‍ ആയിരുന്നു. ജോസ് ടി.എ., സി.വി. കൊച്ചു ദേവസ്സി, സാന്‍ഡി മാസ്റ്റര്‍, ടി.എ.പൊറിഞ്ചു, സി.വി. മൈക്കിള്‍, പയസ്സ് കോക്കാട്ട്, പോള്‍ പറപ്പുള്ളി, ജോസ് കയ്പമംഗലം, പ്രൊഫ.സി.ജെ.പോള്‍ എന്നിവര്‍ ചരിത്ര പ്രബന്ധങ്ങള്‍ അവതരിപ്പിച്ചു. ടി.എ.പൊറിഞ്ചു, ജോണ്‍ ജോസഫ് ചിറ്റിലപ്പിള്ളി, സിജു ജോസ് എന്നിവര്‍ പ്രസംഗിച്ചു. കെ.പി. മാത്യു ചീഫ് എഡിറ്ററായി ചരിത്ര രചനാ സമിതിയും രൂപീകരിച്ചു. തൃശ്ശൂര്‍ ജില്ലയില്‍ വ്യാപിച്ച് കിടക്കുന്ന 25ല്‍ പരം തറവാടുകളിലെ 10000-ത്തില്‍ പരം കുടുംബങ്ങളുടെ തായ്‌വേരുകള്‍ കണ്ടെത്തി സമഗ്ര ചരിത്ര രചനയുടെ പ്രാഥമിക ഘട്ടമായാണ് ചരിത്ര സെമിനാര്‍ സംഘടിപ്പിച്ചത്.   
 
Published :11-Dec-2017
ഇരിഞ്ഞാലക്കുട : ജവഹര്‍ ബാല വിഹാര്‍ പടിയൂര്‍ മണ്ഡലം കമ്മിറ്റിയുടെ നേതൃത്വത്തില്‍ വര്‍ഷങ്ങളായി അധികാരികള്‍ തിരിഞ്ഞു നോക്കാത്ത മഴുവഞ്ചേരി തുരുത്ത് റോഡ് സഞ്ചാര്യ യോഗ്യമാക്കണമെന്നാവശ്യപ്പെട്ട്  മതിലകം പാലത്തിനടുത്ത് സായാഹ്ന ധര്‍ണ്ണ നടത്തി .125 കുടുംബങ്ങള്‍ ഉള്ള ഈ തുരുത്തില്‍ 200 വിദ്യാര്‍ത്ഥികളോളം സഞ്ചരിക്കുന്ന ഈ റോഡിനോടുള്ള പടിയൂര്‍ പഞ്ചായത്തിന്റെ അനാസ്ഥക്കെതിരെയായിരുന്നു കുട്ടികള്‍ നടത്തിയ സായാഹ്ന ധര്‍ണ്ണ .മുന്‍ ഇരിഞ്ഞാലക്കുട നഗരസഭാ അധ്യക്ഷ സോണിയ ഗിരി  ഉദ്ഘാടനം ചെയ്ത യോഗത്തില്‍ സംസ്ഥാന പ്രസിഡന്റ് സത്യന്‍ പി.ബി അധ്യക്ഷത വഹിച്ചു ,ദേശീയ പ്രസിഡന്റ് ജോസ് കുരിശിങ്കല്‍ ,ജില്ല പ്രസിഡന്റ് ആന്റോ തൊറ യന്‍ ,ഗ്രാമ പഞ്ചായത്ത് മെമ്പര്‍ ദശോബ്, ഋഷി പാല്‍  കുട്ടികളുടെ ഭാരവാഹികളായ ഉണ്ണിമായ ,ആദര്‍ശ് ,നീതു ,കാളിദാസന്‍ ,അലീന നേതാക്കളായ ഹസി കെ കെ ,സുമേഷ് ,സുരേഷ്, നീന , എന്നിവര്‍ പ്രസംഗിച്ചു
 
Published :11-Dec-2017
ഇരിങ്ങാലക്കുട: ഓഖി ദുരന്തവുമായി ബന്ധപ്പെട്ട് ജനങ്ങള്‍ വിറങ്ങലിച്ച് നില്‍ക്കുമ്പോള്‍ പ്രതിപക്ഷ പാര്‍ട്ടികള്‍ രാഷ്ട്രീയ മുതലെടുപ്പ് നടത്തുകയാണെന്ന് എസ്.എന്‍.ഡി.പി. യോഗം ജനറല്‍ സെക്രട്ടറി വെള്ളാപ്പിള്ളി നടേശന്‍ പറഞ്ഞു. എസ്.എന്‍.ഡി.പി. മുകുന്ദപുരം യൂണിയന്‍ പൊറത്തിശ്ശേരി ശാഖയുടെ പുനരുദ്ധരിച്ച ഗുരുമന്ദിരത്തിന്റെ ഉദ്ഘാടനം നിര്‍വ്വഹിച്ച് സംസാരിക്കുകയായിരുന്നു വെള്ളാപ്പിള്ളി. ഇത് ദേശീയ ദുരന്തമായി പ്രഖ്യാപിക്കണമെന്ന് എല്ലാവരും ഒറ്റക്കെട്ടായി ആവശ്യപ്പെടേണ്ട സമയത്താണ് പരസ്പരം കുറ്റപ്പെടുത്തിയുള്ള മുതലെടുപ്പ്. വിമോചന സമരം നടത്തി ഭരണത്തില്‍ നിന്നും ഇറക്കിയ ശക്തികള്‍ ഇപ്പോല്‍ മറ്റൊരു രീതിയില്‍ രംഗത്ത് പ്രവര്‍ത്തിക്കുകയാണെന്നും വെള്ളാപ്പിള്ളി അഭിപ്രായപ്പെട്ടു. ഗുരുദേവന്റെ പഞ്ചലോഹ പ്രതിഷ്ഠ സമര്‍പ്പണവും മന്ദിരഹാള്‍ ഉദ്ഘാടനവും വെള്ളാപ്പിള്ളി നിര്‍വ്വഹിച്ചു. ശാഖ പ്രസിഡന്റ് പി.ജി ശോഭനന്‍ അധ്യക്ഷനായിരുന്നു. യൂണിയന്‍ പ്രസിഡന്റ് സന്തോഷ് ചെറാക്കുളം, സെക്രട്ടറി പി.കെ പ്രസന്നന്‍, വൈസ് പ്രസിഡന്റ് എം.കെ സുബ്രഹ്മണ്യന്‍, യോഗം ഡയറക്ടര്‍മാരായ സജീവ്കുമാര്‍ കല്ലട, കെ.കെ ചന്ദ്രന്‍, സി.കെ യുധി, യൂത്ത്മെന്റ് പ്രസിഡന്റ് എന്‍.ബി ബിജോയ്, കെ.വി പ്രദ്യൂമ്നന്‍, വനിത സംഘം യൂണിയന്‍ ചെയര്‍പേഴ്സന്‍ മാലിനി പ്രേംകുമാര്‍, സുലഭ മനോജ്, ജീവന്‍, നന്ദന്‍, രമ പ്രദീപ, ബോബി സരോജം,  തുടങ്ങിയവര്‍ പ്രസംഗിച്ചു. ഭരണസമിതി അംഗം എം.കെ ബാലനെ വെള്ളാപ്പിള്ളി ചടങ്ങില്‍ ആദരിച്ചു.

 
Published :10-Dec-2017
ഇരിങ്ങാലക്കുട : ബോധിചുവട്ടില്‍ നിന്ന് ബുദ്ധനായവന്റെ കഥ വേറിട്ട ആഖ്യാനത്തില്‍ രചിച്ച രാജേന്ദ്രന്‍ എടത്തുംകരയുടെ ' ഞാനും ബുദ്ധനും ' എന്ന പുസ്തകത്തിന്റെ രണ്ടാംപതിപ്പ് എം പി ഇന്നസെന്റ് പ്രൊഫ. സാവിത്രി ലക്ഷ്മണന് നല്‍കി പ്രകാശനം നിര്‍വഹിച്ചു.ഇരിങ്ങാലക്കുട സെന്റ് ജോസഫ് കോളേജില്‍ നടന്ന ചടങ്ങില്‍ പ്രിന്‍സിപ്പാള്‍ ഡോ.ക്രിസ്റ്റി അദ്ധ്യായായിരുന്നു.മലയാളം വിഭാഗം മേധാവി ലിറ്റി ചാക്കോ സ്വാഗതവും ജെന്‍സി കെ എ നന്ദിയും പറഞ്ഞു.ഡോ.തോമസ് സക്കറിയ,ഡോ.സുനില്‍ ജോസ്,ഡോ.ശോഭിത ജോയ്,ഡോ.ഷൈജി സി മുരിങ്ങത്തേരി എന്നിവര്‍ ചടങ്ങില്‍ സന്നിഹിതരായിരുന്നു.
 
Published :10-Dec-2017

ഇരിങ്ങാലക്കുട : കേന്ദ്രസര്‍ക്കാറിന്റെയും വന്‍കിട കോര്‍പ്പറേറ്റുകളുടെയും തെറ്റായനയങ്ങളുടെ ഫലമായി ഉള്ളവനും ഇല്ലാത്തവനും തമ്മിലുള്ള വരുമാനത്തിന്റെ അന്തരം ശതഗുണീഭവിച്ചുകൊണ്ടിരിക്കുകയാണെന്നും കേവലമൊരു ന്യൂനപക്ഷത്തിന്റെ കയ്യില്‍ രാജ്യത്തിന്റെ സമ്പത്തിന്റെ നല്ലൊരു പങ്കും എത്തിചേരുക വഴി സ്വാഭാവികമായും ഉണ്ടാകാന്‍ സാധ്യതയുള്ള വലിയ സമരങ്ങളെ നിഷ്പ്രഭമാക്കുതിന് ജനങ്ങളെ വിവിധ തട്ടുകളാക്കുകയെന്ന കോര്‍പ്പറേറ്റ് തന്ത്രത്തിനെതിരെയുള്ള ചെറുത്ത്‌നില്‍പ് സംഘടിപ്പിക്കണമെങ്കില്‍ മതനിരപേക്ഷ പൊതുവിദ്യാഭ്യാസം ശക്തിപെടേണ്ടത് അനിവാര്യമാണെ് വിദ്യാഭ്യാസ മന്ത്രി അഭിപ്രായപ്പെട്ടു. 'മതനിരപേക്ഷ വിദ്യാഭ്യാസം മാതൃകയാകു കേരളം' എന്ന മുദ്രാവാക്യം ഉയര്‍ത്തിപ്പിടിച്ചു കൊണ്ട് നടന്ന കെ എസ് ടി എ 27-ാം ജില്ലാസമ്മേളനത്തോടനുബന്ധിച്ചുള്ള പൊതുസമ്മേളനം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. ജില്ലാ പ്രസിഡന്റ് കെ ജി മോഹനന്‍ അദ്ധ്യക്ഷനായിരുന്നു.കെ.എസ് ടി എ  സംസ്ഥാന ജന. സെക്രട്ടറി കെ സി ഹരികൃഷ്ണന്‍ , കെ എസ് ടി എ സംസ്ഥാന ട്രഷറര്‍ ടി. വി മദനമോഹനന്‍, സംസ്ഥാന വൈസ് പ്രസിഡന്റ് എ കെ ബീന ,കെ .എസ് ടി എ സംസ്ഥാന എക്‌സി.അംഗങ്ങളായ എല്‍ മാഗി , കെ.കെ രാജന്‍ എന്നിവര്‍ സംസാരിച്ചു. ജില്ലാ സെക്രട്ടറി ജെയിംസ് .പി പോള്‍ സ്വാഗതവും ജില്ലാ ജോ സെക്രട്ടറി എ കെ സലിംകുമാര്‍ നന്ദിയും രേഖപ്പെടുത്തി.
 
Published :10-Dec-2017

ഇരിങ്ങാലക്കുട : ഉത്സവകാലത്തിന്റെ മുന്നോടിയായി ഇരിങ്ങാലക്കുട ഡി വൈ എസ് പി ഓഫിസില്‍ നിയോജകമണ്ഡലത്തിലെ മൂന്ന് പോലിസ് സ്‌റ്റേഷനുകളായ ആളൂര്‍,കാട്ടൂര്‍,ഇരിങ്ങാലക്കുട എന്നി സ്‌റ്റേഷന്‍ പരിധിയിലുള്ള ജാതി,മത,രാഷ്ട്രിയ നേതാക്കളുടെ സര്‍വ്വകക്ഷിയോഗം ചേര്‍ന്നു.എം എല്‍ എ പ്രൊഫ. കെ യു അരുണന്‍ യോഗം ഉദ്ഘാടനം ചെയ്തു.ഉത്സവങ്ങളുംമായി ബദ്ധപെട്ടുള്ള രാഷ്ട്രിയ,മത സംഘര്‍ഷങ്ങള്‍ ഒഴിവാക്കുന്നതിനായാണ് യോഗം ചേര്‍ന്നത്.ഉത്സവകാലത്ത് നിലനിന്നിരുന്ന സമാധാന അന്തരീക്ഷം നിലനിര്‍ത്തി പോകുന്നതിന് സര്‍വ്വകക്ഷി നേതാക്കളും പിന്തുണ വാഗ്ദാനം ചെയ്തു.ചെയര്‍പേഴ്‌സണ്‍ നിമ്യാഷിജു,ബ്ലോക്ക് പഞ്ചായത്ത് പ്രസിഡന്റ്മാരായ വി എ മനോജ്കുമാര്‍,ഷാജി നക്കര,വിവിധ ഗ്രാമപഞ്ചായത്ത് പ്രസിഡന്റ്മാര്‍,സര്‍ക്കിള്‍ ഇന്‍സ്‌പെക്ടര്‍ എം കെ സുരേഷ് എന്നിവരുടെ നേതൃത്വത്തിലായിരുന്നു യോഗം ചേര്‍ന്നത്.
 
Published :09-Dec-2017
ഇരിങ്ങാലക്കുട: ആത്യന്തികമായ തിരഞ്ഞെടുപ്പുകളില്‍ യുവാക്കള്‍ നന്മയുടെ പക്ഷം ചേരണമെന്നും സമൂഹത്തിന്റെ നന്മയായിരിക്കണം യൗവനത്തിന്റെ തീക്ഷണതയെന്നും ഇരിങ്ങാലക്കുട രൂപതാദ്ധ്യക്ഷന്‍ മാര്‍ പോളി കണ്ണൂക്കാടന്‍. യുവാക്കള്‍ തൊഴില്‍ മേഖലകളില്‍ ഒരു തിരഞ്ഞെടുപ്പുകള്‍ നടത്തുന്നതുപോലെ നന്മയുടേയും വിശ്വാസത്തിന്റേയും മേഖലകളിലും ശ്രേഷ്ടമായത് തിരഞ്ഞെടുക്കാന്‍ യുവാക്കള്‍ ലക്ഷ്യം വയ്ക്കണം. ആത്മഹത്യ, ദയാവധം, അഴിമതി, കൈക്കൂലി എന്നിവയില്‍നിന്ന് പിന്തിരിയേണ്ടത് അനിവാര്യമാണെന്നും അവയോട് സമരസപ്പെടുന്നത് തിന്മയാണെന്നുമുള്ള അവബോധം കാലഘട്ടത്തിന്റെ പ്രവണതകള്‍ക്ക് എതിരായി യുവാക്കളില്‍ നിറയണം. ഇരിങ്ങാലക്കുട രൂപത 14-ാം പാസ്റ്ററല്‍ കൗണ്‍സിലിന്റെ അഞ്ചാംസമ്മേളനം  ഉദ്ഘാടനം ചെയ്തുകൊണ്ട് ബിഷപ് മാര്‍ പോളി കണ്ണൂക്കാടന്‍ കൂട്ടിച്ചേര്‍ത്തു. 'ഓഖി' ചുഴലിക്കാറ്റുമൂലം ദുരന്താവസ്ഥയിലായിരിക്കുന്നവരോട് ഐക്യദാര്‍ഢ്യം പ്രഖ്യാപിച്ചുകൊണ്ട്,  കൂട്ടായ ശ്രമത്തിലൂടെ  പ്രാര്‍ത്ഥനയും സാമ്പത്തിക-വസ്തു സഹായങ്ങളും വഴി ദുരിതബാധിതരോട് സഹോദരസ്നേഹ മനോഭാവത്തോടെ, ക്രിസ്തുചൈതന്യത്തില്‍ ഒന്നുചേരാന്‍ ബദ്ധശ്രദ്ധമാണെന്ന് ഇരിങ്ങാലക്കുട രൂപത 14-ാം പാസ്റ്ററല്‍ കൗണ്‍സിലിന്റെ അഞ്ചാംസമ്മേളനം  അറിയിച്ചു. ഒരു ദിവസത്തെ വേതനം ദുരിതമനുഭവിക്കുന്നവര്‍ക്കുവേണ്ടി മാറ്റിവയ്ക്കാന്‍ ബിഷപ് മാര്‍ പോളി കണ്ണൂക്കാടന്‍ ആഹ്വാനംചെയ്തു. ആഗതമാകുന്ന ക്രിസ്തുമസ്സിന് ഒരുക്കമായി, നമ്മുടെ ആഘോഷങ്ങള്‍ കമ്പോളവത്ക്കരിക്കപ്പെടുന്നുണ്ടോ എന്ന് ആത്മശോധന ചെയ്യണമെന്ന് മാര്‍ പോളി കണ്ണൂക്കാടന്‍ പറഞ്ഞു.'യുവജനം, വിശ്വാസം, വിളിപരമായ വിവേചിച്ചറിയല്‍' എന്ന വിഷയത്തെ ആസ്പദമാക്കി റവ. ഡോ. മാര്‍ട്ടിന്‍ കല്ലുങ്കല്‍ ക്ലാസ്സുകള്‍ നയിച്ചു. മിഷന്‍ ഞായറാഴ്ച കൂടുതല്‍ സംഭാവനകള്‍ ശേഖരിച്ച ഇടവകകള്‍ക്കും പ്രസ്ഥാനങ്ങള്‍ക്കുമുള്ള സമ്മാനങ്ങള്‍ യോഗത്തില്‍ വിതരണം ചെയ്തു.ഫൊറോനകൗണ്‍സിലുകളുടെ ഏകോപിത റിപ്പോര്‍ട്ട്  ശ്രീ തോമസ് തത്തംപിള്ളി അവതരിപ്പിച്ചു. രൂപത വികാരി ജനറാള്‍മാരായ മോണ്‍. ആന്റോ തച്ചില്‍, മോണ്‍. ലാസര്‍ കുറ്റിക്കാടന്‍, പാസ്റ്ററല്‍ കൗണ്‍സില്‍ ജനറല്‍ സെക്രട്ടറി - റവ. ഫാ. ജോര്‍ജ്ജ് പാറേമാന്‍, സെക്രട്ടറി ശ്രീ ദീപക് ജോസഫ്, റൂബി ജൂബിലി ജനറല്‍ കണ്‍വീനര്‍ റവ. ഫാ. ഡേവിസ് കിഴക്കുംതല, ശ്രീമതി രഞ്ജു സൂബിന്‍ എന്നിവര്‍ സംസാരിച്ചു. രൂപതയിലെ മുഴുവന്‍ ഇടവകകളില്‍നിന്നും സന്യാസസമൂഹങ്ങളില്‍നിന്നും വിവിധ പ്രസ്ഥാനങ്ങളില്‍നിന്നും തെരഞ്ഞെടുക്കപ്പെട്ട പ്രതിനിധികള്‍ സമ്മേളനത്തില്‍ പങ്കെടുത്തു.
 
Published :09-Dec-2017
ഇരിങ്ങാലക്കുട ; ഇന്ത്യന്‍ നാഷ്ണല്‍ കോണ്‍ഗ്രസ്സ് ഇരിങ്ങാലക്കുട ടൗണ്‍ മണ്ഡലം കമ്മിറ്റി കോണ്‍ഗ്രസ്സ് പ്രവര്‍ത്തകരില്‍ നിന്നും പിരിച്ചെടുത്ത ഓഖി ദുരിതാശ്വാസ ഫണ്ട് മണ്ഡലം പ്രസിഡണ്ട് ജോസഫ് ചാക്കോ കെ പി സി സി ജന: സെക്രട്ടറി  എം പി ജാക്‌സണ് കൈമാറി. ഡി സി സി സെക്രട്ടറി സോണിയ ഗിരി, ബ്ലോക്ക് കോണ്‍ഗ്രസ്സ് പ്രസിഡണ്ട് ടി.വി ചാര്‍ളി, മുനിസിപ്പല്‍ ചെയര്‍പേഴ്‌സണ്‍ നിമ്മ്യ ഷിജു,എല്‍ ഡി ആന്റൊ, കെ ധര്‍മ്മരാജന്‍,വിജയന്‍ എളയടത്ത് തുടങ്ങിയവര്‍ സംസാരിച്ചു.
 
അക്ഷരമൂല
.
ചരമം
പുല്ലൂര്‍: എളന്തോളി പരേതനായ ബാലന്റെ ഭാര്യ സുനന്ദ (73) അന്തരിച്ചു. മക്കള്‍: ബിന്ദു, ബിജു, ബിനു. മരുമക്കള്‍: പരേതനായ സത്യന്‍, മുകുന്ദന്‍, സുധീര്‍.
Birthday
പുല്ലൂര്‍ ബാങ്ക് പ്രസിഡന്റ് ജോസ് ജെ ചിറ്റിലപ്പിള്ളിയുടെയും ബിന്‍ ന്റെയും മകള്‍ എഡ്വീനയ്ക്ക് ജന്മദിനാശംസകള്‍