Published :19-Jan-2017

ഇരിങ്ങാലക്കുട ; വിവാദങ്ങള്‍ക്ക് പഞ്ഞമില്ലാത്ത ബൈപാസ്മാലിന്യകൂമ്പാരമാണിന്ന്.ഇരിങ്ങാലക്കുടക്കാരുടെ ചിരകാലസ്വപ്‌നമായ ബൈപാസ് റോഡ് ഇന്ന് കോഴികച്ചവടക്കാരുടെ ഇഷ്ടസ്ഥലമായി മാറിയിരിക്കുന്നു. കോഴിവേസ്റ്റ് തള്ളാന്‍ ഇരിങ്ങാലക്കുടയില്‍ ഇതിലും നല്ല സ്ഥലം കിട്ടാനില്ല എന്നാണ് പറയപെടുന്നത്.ക്രിസ്തുമസ് കഴിഞ്ഞതോട് കൂടി സ്ഥിരമായി ഇവിടെ കോഴിമാലിന്യം റോഡരികില്‍ ഉപേക്ഷിക്കുന്നുണ്ടെന്ന് പരിസരവാസികള്‍ പറയുന്നു.ഇതോട് കൂടി ഈ പ്രദേശത്ത് തെരുവ് നായ ശല്യവും രൂക്ഷമായിട്ടുണ്ട്.നഗരസഭയില്‍ പരാതിപെട്ടപ്പോള്‍ ക്യാമറ സ്ഥാപിക്കാമെന്നും നോക്കാന്‍ ആളെ ഏര്‍പാടാക്കമെന്നും മറുപടി ലഭിച്ചതെന്നും എന്നാല്‍ ഇത് വരെ ഒന്നും പ്രാവര്‍ത്തികമായിട്ടില്ലെന്നും ഇവര്‍ പറയുന്നു.നാറ്റം സഹിക്കാന്‍ കഴിയാതെ സമീപവാസികള്‍ തന്നെ ഇത്തള്‍ വാങ്ങി വേസ്റ്റ് ഇടുന്നിടത്ത് ഇടുകയാണിപ്പോള്‍.കഴിഞ്ഞ ഓണം കഴിഞ്ഞപ്പോള്‍ ഉപയോഗശൂന്യമായ 100 കണക്കിന് പായസ പാക്കറ്റുകള്‍ ആണ് ഇവിടെ ഉപേക്ഷിച്ചിരുന്നത്.ആഘോഷമേതായാലും ഇരിങ്ങാലക്കുടക്കാര്‍ക്ക് മാലിന്യം തള്ളാന്‍ ചാപ്പിള്ളയായി കിടക്കുന്ന ബൈപാസ് റോഡാണ് ആശ്രയം.ബൈപാസ് റോഡില്‍ സ്ഥാപിച്ചിരുന്ന സോളാര്‍ ലൈറ്റുകള്‍ ഒന്നുപോലും ഇപ്പോള്‍ ഉപയോഗക്ഷമമായവയില്ല ഇവയുടെ ബാറ്ററികള്‍ മോഷണം പോയ നിലയിലും ലൈറ്റുകള്‍ കാട് കയറി കിടക്കുകയുമാണിപ്പോള്‍.രാഷ്ട്രിയ ഉദ്യോഗസ്ഥവടംവലികള്‍ മൂലം ബൈപാസ് റോഡ് ഇരിങ്ങാലക്കുടക്കാര്‍ക്ക് ഇന്നും കിട്ടാകനിയായി തുടരുകയാണ്.
 
Published :19-Jan-2017
പുല്ലൂര്‍ ; പുല്ലൂര്‍ സര്‍വ്വീസ് സഹകരണ സംഘം ഡിജിറ്റല്‍ ബാങ്കിങ്ങ് രംഗത്തേക്ക് . മൊബൈല്‍ വഴിയോ, ക്യൂ ആര്‍ കോഡ് വഴിയോ ഇടപാടുകള്‍ നടത്താന്‍ കഴിയാവുന്ന മൊബൈല്‍ വാലറ്റ് അപ്ലിക്കേഷന്‍, ഏത് ബാങ്കില്‍ നിന്നും പണം അയക്കാന്‍ സാധിക്കുന്ന നെറ്റ് ബാങ്കിങ്ങ് ,പണമിടപാടുകള്‍ നടത്താന്‍ കഴിയാവുന്ന മൈക്രോ എ ടി എം, ഇടപാടുകാരുടെ വീട്ടുമുറ്റത്തെത്തുന്ന ഹോം ബാങ്കിങ് എന്നീ ആധുനിക സംവിധാനങ്ങളാണ് പുല്ലൂര്‍ സര്‍വീസ് സഹകരണ ബാങ്കില്‍ തുടക്കം കുറിക്കുന്നത്. പദ്ധതികളുടെ ഔപചാരികമായ ഉദ്ഘാടനം 2017 ജനുവരി 21 ശനിയാഴ്ച രാവിലെ 9.30 നു പുല്ലൂര്‍ സെന്ററില്‍ പ്രത്യേകം തയ്യാറാക്കിയ വേദിയില്‍ സംസഥാന സഹകരണ വകുപ്പ് മന്ത്രി കടകംപ്പള്ളി സുരേന്ദ്രന്‍ നിര്‍വഹിക്കുന്നു. ബാങ്ക് പ്രസിഡന്റ് ജോസ് ജെ ചിറ്റിലപ്പിള്ളി അധ്യക്ഷത വഹിക്കുന്ന ചടങ്ങില്‍ മൈക്രോ എ ടി എം സംവിധാനം ഇരിങ്ങാലകുടയ്ക്കു എം എല്‍ എ പ്രൊഫ. കെ. യു. അരുണനും, ഹോം ബാങ്കിങ് സംവിധാനം പഞ്ചായത്തു പ്രസിഡന്റ് സരള വിക്രമനും ,ജൈവം 2017 തീവ്ര യജ്ഞം ജില്ലാ പഞ്ചായത്തംഗം ടി ജി ശങ്കരനാരായണനും ഉദ്ഘാടനം ചെയ്യും .തൃശൂര്‍ ജില്ലാ സഹകരണ ജോയിന്റ് റജിസ്ട്രാര്‍  ടി കെ സതീഷ് കുമാര്‍, ബ്ലോക്ക് പഞ്ചായത്ത് വൈസ് പ്രസിഡന്റ് നളിനി ബാലകൃഷ്ണന്‍, ഗ്രാമപഞ്ചായത്ത് വൈസ് പ്രസിഡന്റ് ഷാജി വെളിയത്ത്, ബ്ലോക്ക് പഞ്ചായത്തംഗങ്ങളായ മിനി സത്യന്‍ ,തോമസ് തത്തംപിള്ളി ,പഞ്ചായത്ത് സ്റ്റാന്റിംഗ് കമ്മിറ്റി ചെയര്‍മാന്‍മാരായ കെ.പി .പ്രശാന്ത് ,അജിത രാജന്‍,പഞ്ചായത്തംഗങ്ങളായ തോമസ് തൊകലത്ത് ,ഗംഗ ദേവി, കവിത ബിജു, ടെസ്സി ജോഷി ,എം  കെ കോരുകുട്ടി ,മുനിസിപ്പല്‍ കൗണ്‍സിലര്‍മാരായ ബിജു ലാസര്‍, ധന്യ ജിജു കോട്ടോളി ,സഹകരണ സംഘം അസ്സിസ്റ്റന്റ് റജിസ്ട്രാര്‍ എം കെ അനില്‍കുമാര്‍ എന്നിവര്‍ പങ്കെടുക്കും

 
Published :19-Jan-2017
ഇരിങ്ങാലക്കുട: തീവ്രവാദം പ്രചരിപ്പിക്കുകയും പിഞ്ചുകുട്ടികളില്‍ തീവ്രമതവിദ്വേഷം പഠിപ്പിക്കുകയും ചെയ്യുന്ന പടിയൂര്‍ പീസ് ഇന്റര്‍ നാഷണല്‍ സ്‌ക്കൂള്‍ അടച്ചുപൂട്ടണമെന്നും സാമ്പത്തിക സ്രോതസ്സ് അന്വേഷിക്കണമെന്നും ബി ജെ പി ഇരിങ്ങാലക്കുട നിയോജകമണ്ഡലം കമ്മിറ്റി ആവശ്യപ്പെട്ടു. ഐ എസ് ഭീകരന്‍ അബ്ദുള്‍ റാഷിദ് ഇവിടെ വന്ന് ക്ലാസ്സെടുക്കാറുണ്ടെന്ന് വ്യക്തമായ തെളിവുകള്‍ ലഭിച്ചിട്ടും സ്‌ക്കൂള്‍ അധികൃതര്‍ക്കെതിരെ രാജ്യദ്രോഹത്തിന് കേസ്സെടുത്തിട്ടും അവരെ അറസ്റ്റുചെയ്യാന്‍ പോലീസ് തയ്യാറാകാത്തത് സി പി എമ്മിന്റെ സമ്മര്‍ദ്ദം മൂലമാണെന്നും സ്‌ക്കൂള്‍ അധികൃതര്‍ക്ക് വേണ്ട് സഹായങ്ങള്‍ ചെയ്തുകൊടുക്കുന്നത് സി പിഎം നേതാക്കളാണെന്നും നിയോജകമണ്ഡലം കമ്മിറ്റി പറഞ്ഞു. സ്‌ക്കൂള്‍ അധികൃതരെ ഉടന്‍ അറസ്റ്റുചെയ്തില്ലെങ്കില്‍ പ്രക്ഷോഭരംഗത്തേക്കിറങ്ങുമെന്ന് ബി ജെ പി മണ്ഡലം കമ്മിറ്റി പ്രസിഡണ്ട് ടി.എസ്സ്. സുനില്‍കുമാര്‍, ജനറല്‍ സെക്രട്ടറി പാറയില്‍ ഉണ്ണികൃഷ്ണന്‍ എന്നിവര്‍ പ്രസ്താവിച്ചു.
 
Published :19-Jan-2017
ഇരിങ്ങാലക്കുട : മലയാള മനോരമയുടെ ബാലജനസഖ്യത്തിന്റെ നേതൃത്വത്തില്‍ സി.എ കോഴ്സിനെക്കുറിച്ച്  ബോധവല്‍ക്കരണ സെമിനാര്‍ നടത്തി.ജ്യോതിസ് കോളേജ് പ്രിന്‍സിപ്പല്‍ പ്രൊഫ.എ.എം.വര്‍ഗ്ഗീസ് അദ്ധ്യക്ഷത വഹിച്ച ചടങ്ങില്‍ കുവൈറ്റില്‍ ചാര്‍ട്ടേണ്ട് എക്കൗണ്ടന്റ് ആയി പ്രവര്‍ത്തിക്കുന്ന വിനോദ് വലൂപറമ്പില്‍ ഉദ്ഘാടനം ചെയ്തു.റിസന്റ് സി.എ എച്ചീവര്‍ ജിറ്റോ ഡേവിസ്,മലയാള മനോരമ ഇരിങ്ങാലക്കുട പാട്രണ്‍ തോംസണ്‍ ചിരിയങ്കണ്ടത്ത് തുടങ്ങിയവര്‍ സംസാരിച്ചു.അനുശ്രീ ഉണ്ണികൃഷ്ണന്‍ സ്വാഗതവും അക്ഷയ്.ടി.യു നന്ദിയും പറഞ്ഞു.
 
Published :19-Jan-2017
ഇരിങ്ങാലക്കുട : സെന്റ് ജോസഫ്സ് കോളേജില്‍ അക്കാദമിക് അഡ്മിനിസ്ട്രേറ്റീവ് ഓഡിറ്റ് ഫോര്‍ കോളിറ്റി എന്‍ഹാന്‍സ്‌മെന്റ് എന്ന വിഷയത്തില്‍ ഇരിങ്ങാലക്കുട നാക് സ്പോണ്‍സേര്‍ഡ് ദേശീയ സെമിനാര്‍ സമാപിച്ചു.അക്കാദമിക്അഡ്മിനിസ്‌ട്രേറ്റീവ്ഓഡിറ്റ് എന്ന വിഷയത്തില്‍ നടന്ന സെമിനാര്‍ കോഴിക്കോട് ദേവഗിരി സെന്റ് ജോസഫ്സ് കോളേജ് പ്രിന്‍സിപ്പല്‍ ഡോ സിബിച്ചന്‍ എം തോമസ് സെമിനാര്‍ ഉദ്ഘാടനം ചെയ്തു.ബെംഗളൂരു ക്രിസ്തു ജയന്തി കോളേജ് ഗവേഷണവിഭാഗം ഡയറക്ടര്‍ ഡോ. ജസ്റ്റിന്‍ നെല്‍സണ്‍ മൈക്കിള്‍ മുഖ്യപ്രഭാഷണം നടത്തി. പ്രിന്‍സിപ്പല്‍ ഡോ സി ക്രിസ്റ്റി അധ്യക്ഷത വഹിച്ചു. ഡോ ഡേവിസ് ആന്റണി ആശംസകള്‍ അര്‍പ്പിച്ചു. IQAC കോര്‍ഡിനേറ്റര്‍ ഡോ ആഷ തോമസ് സ്വാഗതവും ഡോ എന്‍ ആര്‍ മംഗളാംബാള്‍ നന്ദിയും പറഞ്ഞു. തുടര്‍ന്ന് വിവിധ സെക്ഷനുകളിലായി ക്ലാസുകള്‍ നടന്നു. കേരളത്തിനകത്തും പുറത്തും നിന്നുള്ള കോളേജ് അധ്യാപകരും അനധ്യാപക ജീവനക്കാരുമായി ഇരുനൂറില്‍പ്പരം പേര്‍ സെമിനാറില്‍ പങ്കെടുത്തു.
 
Published :19-Jan-2017

ഇരിങ്ങാലക്കുട : ലിറ്റില്‍ ഫ്‌ളവര്‍ ഹയര്‍ സെക്കന്ററി വിദ്യാലയത്തില്‍ വാര്‍ഷികാഘോഷവും യാത്രായപ്പ് സമ്മേളനവും വര്‍ണ്ണാഭമായി നടന്നു.  ഇരിങ്ങാലക്കുട എം.എല്‍.എ. പ്രൊ.കെ.യു.അരുണന്‍ ഉദ്ഘാടനം ചെയ്തു. വികര്‍ പ്രൊവിന്‍ഷ്യല്‍ സി.ജോസ്‌റിറ്റ അദ്ധ്യക്ഷത വഹിച്ചു. ഇരിങ്ങാലക്കുട രൂപതാ സിഞ്ചെല്ലൂസ് മോണ്‍.ഡോ.ലാസര്‍ കുറ്റിക്കാടന്‍ അനുഗ്രഹ പ്രഭാഷണം നടത്തി. മുന്‍സിപ്പല്‍ ചെയര്‍പേഴ്‌സന്‍ നിമ്യഷിജു സമ്മാനദാനം നിര്‍വ്വഹിച്ചു. വാര്‍ഡ് കൗണ്‍സിലര്‍ പി.വി.ശിവകുമാര്‍ റിട്ടയര്‍ ചെയ്യുന്ന ടീച്ചര്‍ സുമതിക്ക് മെമന്റോ നല്കി. മദര്‍ ജെസ്മി എന്‍ഡോവ്‌മെന്റ് വിതരണം ചെയ്തു. ഇരിങ്ങാലക്കുട ഡിഇഒ എ.കെ.അരവിന്ദാക്ഷന്‍, ഇരിങ്ങാലക്കുട എഇഒ എം.ഗോപിനാഥന്‍, ഹയര്‍സെക്കണ്ടറി പ്രിന്‍സിപ്പല്‍ സി.മെറീന, ഫിസ്സി ഫ്രാന്‍സിസ്സ്, ജിന്‍സോ ജോസ്,  പിടിഎ വൈ.പ്രസിഡന്റ് ജോസ് അന്തിക്കാടന്‍ വിദ്യാര്‍ത്ഥികളായ ശലഭ ഷാജു, നിരജ്ഞന പ്രതീപ് എന്നിവര്‍ ആശംസകളര്‍പ്പിച്ചു. റിട്ടയര്‍ ചെയ്യുന്ന സംഗീക അദ്ധ്യാപിക സുമതി ടി. സംഗീത കച്ചേരി അവതരിപ്പിച്ചു. എല്‍പി എച്ച്.എം.സി.ജീസ് റോസ് സ്വാഗതവും പിടിഎ പ്രസിഡന്റ് പി.ടി.ജോര്‍ജ്ജ് നന്ദിയും പറഞ്ഞു.

 
Published :19-Jan-2017
കാട്ടൂര്‍ : മേടവേനലില്‍ വിഷുക്കണി ഒരുക്കുവാന്‍ വിഷരഹിതമായ നാടന്‍ പച്ചക്കറികള്‍ ലഭ്യമാക്കുകയെന്ന ഉദ്ദേശത്തോടുകൂടി കാട്ടൂര്‍ ഗവ.ഹയര്‍സെക്കണ്ടറി സ്‌കൂളിലെ ഒരേക്കറോളം സ്ഥലത്ത് വിവിധ ഇനം പച്ചക്കറി കൃഷി ആരംഭിച്ചു. ചിലവില്ലാ പ്രകൃതി കൃഷി രീതി പരിശീലിപ്പിക്കുകയും, പ്രോത്സാഹിപ്പിക്കുകയും ചെയ്യുക എന്ന ഉദ്ദേശത്തോടെയാണ് ജൈവ കീട നിയന്ത്രണവും കമ്പോസ്റ്റും ഉപയോഗിച്ചുകൊണ്ടുള്ള കൃഷി നടത്തുന്നത്. പയര്‍, വെണ്ട, അമര, കയ്പ, കക്കിരിക്ക, എന്നിവ വിളവെടുപ്പിന് തയ്യാറായിക്കൊണ്ടീരിക്കുന്നു. ഇതിനു പുറമെ വെള്ളരി, മത്തന്‍, കുബളം, പടവലം, ചുരക്ക, ചീര, വഴുതിന, തണ്ണിമത്തന്‍, ഇഞ്ചി, പച്ചമുളക്, പൊട്ടുവെള്ളരി, എന്നിവയുടെ കൃഷിയും ആരംഭിച്ചിട്ടുണ്ട്്. വിവിധയിനം വാഴകളെ സംരക്ഷിക്കുക എന്ന ഉദ്ദേശത്തോടുകൂടി ഏകദേശം അന്‍പത് സെന്റ് സ്ഥലത്ത് ഇരുപതില്‍പരം നാടന്‍ വാഴകള്‍ നട്ടു പരിപാലിക്കുന്നു.
 
Published :19-Jan-2017
അരിപ്പാലം: പൂമംഗലം ഗ്രാമപഞ്ചായത്ത് പ്രാഥമികാരോഗ്യകേന്ദ്രത്തിന്റെ നേതൃത്വത്തില്‍ സാന്ത്വന സംഗമം നടത്തി. പാലിയേറ്റിവ് കെയര്‍ ദിനാചരണത്തോടനുബന്ധിച്ച് നടത്തിയ പരിപാടി ഗ്രാമപഞ്ചായത്ത് പ്രസിഡന്റ് വര്‍ഷ രാജേഷ് ഉദ്ഘാടനം ചെയ്തു. വൈസ് പ്രസിഡന്റ് ഇ.ആര്‍ വിനോദ് അദ്ധ്യക്ഷനായിരുന്നു. ഹെല്‍ത്ത് ഇന്‍സ്പക്ടര്‍ ടോമി തോമസ്, ബ്ലോക്ക് പഞ്ചായത്തംഗങ്ങളായ വത്സല ബാബു, സിമി കണ്ണദാസ്, സ്റ്റാന്റിംഗ് കമ്മിറ്റി ചെയര്‍മാന്‍മാരായ മിനി ശിവദാസന്‍, കവിത സുരേഷ്, ഈനാശു പല്ലിശ്ശേരി, വാര്‍ഡ് മെമ്പര്‍മാരായ കത്രിന ജോര്‍ജ്ജ്, ജോയ്സന്‍ തുടങ്ങിയവര്‍ സംസാരിച്ചു. പാലിയേറ്റിവ് ദിനാചരണം എന്ന വിഷയത്തില്‍ ജെ.എച്ച്.ഐ അനില്‍ ക്ലാസെടുത്തു. പഞ്ചായത്തംഗങ്ങള്‍, പാലിയേറ്റിവ് രോഗികള്‍,ആരോഗ്യ പ്രവര്‍ത്തകര്‍, ആഷ, അംഗനവാടി പ്രവര്‍ത്തകര്‍, നാട്ടുകാര്‍ എന്നിവര്‍ ചടങ്ങില്‍ സംബന്ധിച്ചു. പഞ്ചായത്തിലെ നിര്‍ദ്ധനരായ പാലിയേറ്റിവ് രോഗികള്‍ക്ക് പ്രസിഡന്റ് വര്‍ഷ രാജേഷ് സൗജന്യ ഫുഡ് കിറ്റ് വിതരണം നടത്തി.
 
അക്ഷരമൂല
പത്രസമ്മേളനം
ഇരിങ്ങാലക്കുട: 2012ല്‍ രൂപീകരിക്കപ്പെട്ട ഓം സംഗമേശ്വര ട്രസ്റ്റിന്റെ കീഴില്‍ അശരണരായ വയോദികര്‍ക്കായി ആരംഭിക്കുന്ന വൃദ്ധസദനമാണ് സംഗമേശാലയം. 2014ല്‍ എസ്എന്‍ഡിപി ജനറല്‍ സെക്രട്ടറി വെള്ളാപ്പിള്ളി നടേശന്‍ തറക്കല്ലിട്ട കെട്ടിടം മൂന്നു വര്‍ഷം കൊണ്ടാണ് പൂര്‍ത്തീകരിച്ചത്. നടവരമ്പത്ത് കല്യാണി അമ്മാള്‍ എന്ന വൃദ്ധ ട്രസ്റ്റിന്റെ സംരക്ഷണം ആവശ്യപ്പെടുകയും ഇവരുടെ കാലശേഷം ട്രസ്റ്റിനായി സംഭാവന നല്‍കിയ 12 ലക്ഷം രൂപയും ട്രസ്റ്റിലെ അംഗങ്ങള്‍ ഒരുലക്ഷംരൂപ വീതം പിരിവിട്ടുമാണ് ട്രസ്റ്റിന്റെ മൂലധനം കണ്ടെത്തിയത്. ജനുവരി പതിനഞ്ചിന് വൃദ്ധസദനത്തിന്റെ ഉദ്ഘാടനം സുപ്രസിദ്ധ സിനിമതാരം മഞ്ജുവാര്യര്‍ നിര്‍വ്വഹിക്കും. എം.പി.സി.എന്‍.ജയദേവന്‍ മുഖ്യപ്രഭാഷണം നടത്തുകയും എം.എല്‍.എ.കെയു.അരുണന്‍ അദ്ധ്യക്ഷത വഹിക്കുന്ന ചടങ്ങില്‍ ട്രസ്റ്റ് പ്രസിഡന്റ് ഡോ.ഇ.പി.ജനാര്‍ദ്ദനന്‍, സെക്രട്ടറി സന്തോഷ് ബോബന്‍, റൂറല്‍ എസ്പി എന്‍.വിജയകുമാര്‍ പൂമംഗലം പഞ്ചയാത്ത് പ്രസിഡന്റ് വര്‍ഷ രാജേഷ്, ട്രസ്റ്റ് വൈ.പ്രസിഡന്റ്് കെ.കെ.കൃഷ്ണാനന്ദബാബു തുടങ്ങിയവര്‍ സംസാരിക്കും.
ചരമം
പുല്ലൂര്‍ ഊരകം ചുക്കത്ത് മാണി ഭാര്യ ജാനകി (82) നിര്യാതയായി . സംസ്‌കാരം 17 ചൊവ്വാഴ്ച ഉച്ച തിരിഞ്ഞു 4.30 ന് വീട്ടുവളപ്പില്‍ .മക്കള്‍ : ശോഭന , രവീന്ദ്രന്‍, ശൈലജ, ബാബു, സുബ്രമണ്യന്‍ ,രാജന്‍, ലത മരുമക്കള്‍ : സുബ്രമണ്യന്‍ ,മിനി, ദാസന്‍, രമണി,സിജി, ലീന മനോജ് .ഫോണ്‍ : 9447923595
Wedding
റോയ് & ദീപ