ഇരിങ്ങാലക്കുട : വിദ്യഭ്യാസ ജില്ല എയ്ഡഡ് ,നോണ്‍ എയ്ഡഡ് ടീച്ചിംങ്ങ് സ്റ്റാഫ് അസോസിയേഷന്റെ നേതൃത്വത്തില്‍ ജില്ലയിലെ എയ്ഡഡ് വിദ്യഭ്യാസ സ്ഥാപനങ്ങളിലെ ജീവനക്കാര്‍ക്ക് ഔദ്യോഗിക ഗവര്‍മെന്റ് സോഫ്റ്റ്‌വെയര്‍ ആയ ‘സ്പാര്‍ക്ക് ‘ പരിചയപ്പെടുത്തുന്നതിനും സംശയനിവാരണത്തിനും വേണ്ടിയുള്ള ദ്വിദിന ശില്‍പശാല ആരംഭിച്ചു.ജ്യോതിസ് കോളേജില്‍ ആരംഭിച്ച ശില്‍പശാല മാസ്റ്റര്‍ ട്രെയ്‌നര്‍ സനോജ് സോമന്‍ ക്ലാസുകള്‍ നയിച്ചു.അസോസിയേഷന്‍ ജില്ലാ പ്രസിഡന്റ് ജോയ് മാത്യു,ട്രഷറര്‍ സന്തോഷ് കുമാര്‍ എന്നിവര്‍ സംസാരിച്ചു.വെള്ളിയാഴ്ച്ച രാവിലെ സ്പാര്‍ക്ക് പരിശീലനവും ഉച്ചകഴിഞ്ഞ് ഐ എഫ് എംസ് ,ബി ഐ എംസ്,ബി എ എംസ് എന്നീ സോഫ്റ്റ്‌വെയറുകളില്‍ പരിശീലനം നല്‍കും.ജില്ലയിലെ 35 തിരഞ്ഞെടുത്ത വിദ്യാലയങ്ങളിലെ ജീവനക്കാര്‍ ശില്‍പശാലയില്‍ പങ്കെടുക്കുന്നു.

ഇരിങ്ങാലക്കുട : ലിറ്റില്‍ ഫ്‌ളവര്‍ കോണ്‍വെന്റ് ഹൈസക്കൂളില്‍ എസ് എല്‍ എല്‍ സി,പ്ലസ് ടു പരിക്ഷയില്‍ നൂറുശതമാനം വിജയം നേടിയ വിദ്യാര്‍ത്ഥികളെയും സ്‌കോളര്‍ഷിപ്പ് പരിക്ഷയില്‍ റാങ്കിനര്‍ഹര്‍രായവരെയും അനുമോദിച്ചു.സ്‌കൂള്‍ മുന്‍ പ്രധാനധ്യാപിക സി.ഫ്‌ളോറന്‍സ് യോഗം ഉദ്ഘാടനം ചെയ്തു.പി ടി എ പ്രസിഡന്റ് പി ടി ജോര്‍ജ്ജ് അദ്ധ്യക്ഷത വഹിച്ച യോഗത്തില്‍ ഐ എ എസ് കരസ്ഥമാക്കിയ ഹരി കല്ലിക്കാട്ടിനെയും ആദരിച്ചു.എച്ച് എസ് എസ് പ്രിന്‍സിപ്പള്‍ സി.മെറീന വിജയോത്സവം സ്മരണിക പ്രകാശനം ചെയ്തു.വിജയോത്സവം കണ്‍വീനര്‍ മിനി കാളിങ്കര,അലിസാബ്രി,ജൂലി ജെയിംസ്,സി.സിനി റോസ്,അനീന കെ ജെയ്‌സണ്‍ എന്നിവര്‍ പ്രസംഗിച്ചു.ഹെഡ്മിസ്ട്രസ് സി.റോസ് ലൈറ്റ് സ്വാഗതവും സ്‌റ്റോഫി സെബാസ്റ്റ്യന്‍ നന്ദിയും പറഞ്ഞു.

ഇരിങ്ങാലക്കുട : പടിയൂരില്‍ കനത്ത മഴയില്‍ വീട് തകര്‍ന്നു.പടിയൂര്‍ കല്ലംന്തറ സ്വദേശി തേക്കരയ്ക്കല്‍ അലോഷിയുടെ ഓടിട്ട വീടാണ് പൂര്‍ണ്ണമായും തകര്‍ന്നത്.ഇന്നലെ രാത്രിയിലാണ് സംഭവം.ആര്‍ക്കും പരിക്കില്ല.

ഇരിങ്ങാലക്കുട : പൊറത്തിശ്ശേരിയില്‍ കനത്തമഴയില്‍ കിണര്‍ ഇടിഞ്ഞുതാഴ്ന്നു .കല്ലട ക്ഷേത്രത്തിനു സമീപം താമസിക്കുന്ന തൈവളപ്പില്‍ കൃഷ്ണകുമാറിന്റെ വീട്ടുവളപ്പിലെ കിണറാണ് പൂര്‍ണമായും ഇടിഞ്ഞുതാഴ്ന്നത്. വ്യാഴാഴ്ച പുലര്‍ച്ചെ ആണ് സംഭവം .നൂറിലധികം വര്‍ഷം പഴക്കമുള്ളതും നാല്‍പതടി താഴ്ചയുമുള്ള കിണറാണ് താഴ്ന്ന് പോയത്. സമീപത്തെ മോട്ടോര്‍ പുര തകരുകയും മോട്ടോര്‍ കിണറ്റിലേക്ക് വീഴുകയും ചെയ്തു.

ഇരിങ്ങാലക്കുട : മഹാരാജാസ് കോളേജ് വിദ്യാര്‍ത്ഥി അഭിമന്യു കൊല്ലപ്പെട്ട സംഭവത്തിന്റെ പശ്ചാത്തലത്തില്‍ നിര്‍ദ്ധനരായ ആ കുടുംബത്തിന് ഒരു കൈതാങ്ങി ഇരിങ്ങാലക്കുടയിലെ ഒരു ബസ് ഒരു ദിവസത്തെ കളക്ഷന്‍ തുക അഭിമന്യുവിന്റെ കുടുംബത്തിന് കൈമാറുന്നു.ഇരിങ്ങാലക്കുട-തൃപ്രയാര്‍ റൂട്ടില്‍ സര്‍വ്വീസ് നടത്തുന്ന ‘സഖാവ്’ ബസാണ് അഭിമന്യുവിന്റെ കുടുംബത്തിനായി വ്യാഴാഴ്ച്ച സര്‍വ്വീസ് നടത്തുന്നത്.വഴിയില്‍ എല്ലായിടത്ത് നിന്നും സ്വീകരണങ്ങളും സംഭാവനകളും ഏറ്റുവാങ്ങിയാണ് ബസ് സര്‍വ്വീസ് തുടരുന്നത്.കിഴുപ്പിള്ളിക്കര ചിറങ്ങരപ്പറമ്പില്‍ സൈലോവിന്റെ ഉടമസ്ഥതയിലുള്ളതാണ് ബസ്.രാവിലെ ഏഴിന് കിഴുപ്പിള്ളിക്കരയില്‍ നിന്നാരംഭിച്ച സര്‍വ്വീസില്‍ വ്യാഴാഴ്ച്ച യാത്രക്കാര്‍ക്ക് ടിക്കറ്റ് നല്‍കി പണം വാങ്ങിയില്ല പകരം ബസില്‍ വച്ചിരിക്കുന്ന ബക്കറ്റില്‍ യാത്രക്കാര്‍ക്ക് കഴിയാവുന്ന തരത്തില്‍ പണം നിക്ഷേപിയ്ക്കാം.രാത്രി ഏഴരയ്ക്ക് ഓട്ടം അവസാനിപ്പിക്കുന്നത് വരെ ലഭിയ്ക്കുന്ന തുക മുഴുവനായും അഭിമന്യു കുടുംബ സഹായ ഫണ്ടിലേയ്ക്ക് നല്‍കും.

ഇരിങ്ങാലക്കുട: 2007 ഒക്ടോബര്‍ 14ന് നിര്‍ത്തിവെച്ച മുരിയാട് കര്‍ഷകസമരം കര്‍ഷകമുന്നേറ്റം പുനരാരംഭിക്കാന്‍ നിശ്ചയിച്ചിരിക്കുന്നു. ഈ സമരത്തിന്റെ ഫലമായി 2008 ല്‍കേരള നിയമസഭ അംഗീകരിച്ച നെല്‍വയല്‍ തണ്ണീര്‍ത്തട സംരക്ഷണ നിയമം ഇപ്പോഴത്തെ സര്‍ക്കാര്‍ ഭൂമാഫിയകള്‍ക്കു വേണ്ടി അട്ടിമറിച്ചതിനാലും മറ്റു വാഗ്ദാനങ്ങള്‍ നടപ്പിലാക്കുന്നതില്‍ കാലാകലങ്ങളില്‍ സര്‍ക്കാര്‍ വാക്കു പാലിക്കാത്തതിനാലുമാണ് സമരം പുനരാരംഭിക്കുന്നത്. സമരസംബ്ന്ധമായ കൂടുതല്‍ നിശ്ചയങ്ങള്‍ക്കും പ്രഖ്യാപനത്തിനും വേണ്ടി സംസ്ഥാനതല സമരസദസ്സ 2018 ജൂലൈ 28,29 തിയ്യതികളില്‍ മുരിയാട് കായല്‍ മേഖലയില്‍ നടക്കുന്നതാണ്. കേരളത്തിലെ കാര്‍ഷിക-പരിസ്ഥിതി-ജനകീയസമരമേഖലകളിലെ സംഘടനകളും സമരത്തെ പിന്തുണച്ച രാഷ്ട്രീയകക്ഷികളും ഇതര ജനനായകന്‍മാരും സമരസദസ്സില്‍ പങ്കാളികളാകും. കര്‍ഷകമുന്നേറ്റം മുന്നോട്ടു വയ്ക്കുന്ന ആവശ്യങ്ങള്‍ കേരളത്തില്‍ ശേഷിക്കുന്ന നെല്‍വയലുകളും തണ്ണീര്‍ത്തടങ്ങളും യാതൊരുവിധ നാശവും വരുത്താന്‍ ആര്‍ക്കും കഴിയാത്ത വിധം നിയമം നിര്‍മ്മിച്ച് നടപ്പിലാക്കുക, ഏതെങ്കിലും പൊതുആവശ്യത്തിന് മറ്റു മാര്‍ഗ്ഗങ്ങളില്ലെങ്കില്‍ മാത്രം നെല്‍വയല്‍രൂപമാറ്റം വരുത്തേണ്ടിവന്നാല്‍ വനസംരക്ഷണ നിയമവ്യവസ്ഥ പോലെ നഷ്ടപ്പെടുന്ന കൃഷിഭൂമിക്ക് പകരം കൃഷിഭൂമി പുതുയതായി കണ്ടെത്തണം, വനസംരക്ഷണ സേനയുടെ മാതൃകയില്‍ വയലുകളും തണ്ണീര്‍ത്തടങ്ങളും സംരക്ഷിക്കുവാന്‍ പ്രത്യേക സേനക്ക് രൂപം നല്‍കണം, മുഴുവന്‍ ഭക്ഷ്യവിള കര്‍ഷകര്‍ക്കും സര്‍ക്കാര്‍ ശമ്പളം നല്‍കണം, വയലുകള്‍ ജലസംഭരണ കേന്ദ്രങ്ങള്‍ കൂടിയായതിനാല്‍ നെല്‍വയലുകളില്‍ സംഭരിക്കുന്ന വെള്ളത്തിന്റെ വില കണക്കാക്കി ഭൂമിയുടെ ഉടമസ്ഥരായ കര്‍ഷകര്‍ക്ക് റോയല്‍റ്റി നല്‍കണം, കൃഷിഭൂമിയുടെ ഉടമസ്ഥത കര്‍ഷകര്‍ക്ക് മാത്രമെന്ന നിയമം മൂലംവ്യവസ്ഥചെയ്യണം, കോള്‍മേഖലയിലെ കൃഷികൂടുതല്‍ പ്രയാസമുള്ളതായതിനാല്‍ ഇവിടത്തെ കര്‍ഷകര്‍ക്ക് നെല്ലിന് അധികവില ലഭ്യമാക്കണം, കോള്‍മേഖലയുടെ പാരസ്ഥിതിക പ്രാധാന്യം കണക്കിലെടുത്ത് ഇവിടത്തെ കൃഷിയലില്‍ രാസകീടനാശിനി പ്രയോഗം കര്‍ശനമായി നിരോധിക്കണം, കോള്‍ വികസനത്തിനായി അനുവദിച്ച 429 കോടി രൂപയുടെ പ്രത്യേക കോള്‍ വികസനപദ്ധതിയിലെ എല്ലാ ധനവിനിയോഗവും അന്വേഷണവിധേയമാക്കണം, കാര്‍ഷികമേഖലയില്‍ തദ്ദേശസ്വയംഭരണ സ്ഥാപനങ്ങളും ജില്ലാ ബ്ലോക്ക് പഞ്ചായത്തുകളും, ഇതര സര്‍ക്കാര്‍ വകുപ്പുകളും ചെലവഴിച്ച പണത്തിന്റെ കണക്കുകള്‍ സോഷ്യല്‍ ഓഡിറ്റിങ്ങിന് വിധേയമാക്കണം, കരകൗശല-കൈക്കൊഴില്‍-മണ്‍പാത്ര നിര്‍മ്മാതാക്കള്‍ക്ക ആവശ്യമായ കളിമണ്ണ് സര്‍ക്കാര്‍ ലഭ്യമാക്കണം, മുരിയാട് കായല്‍ മേഖലയില്‍ കര്‍ഷകര്‍സഹകരണ സംഘ രൂപീകരണത്തിനായി ചിലര്‍ കര്‍ഷകരില്‍ നിന്നും പണം പിരിച്ചതിന്റെ വസ്തുതയും ടി സഹകരണസംഘത്തിന്റെ പ്രവര്‍ത്തനങ്ങള്‍ സംബന്ധിച്ചും ബന്ധപ്പെട്ട അധികാരികള്‍ അന്വേഷിക്കണം എന്നീ ആവശ്യങ്ങള്‍ ഉന്നയിച്ചുകൊണ്ട് വര്‍ഗ്ഗീസ് തൊടുപറമ്പില്‍, കെ.എ.കുഞ്ഞന്‍, പി.സി.ആന്റണി എന്നിവര്‍ പത്രസമ്മേളനത്തില്‍ പങ്കെടുത്തു.

ഇരിങ്ങാലക്കുട: ലിറ്റില്‍ ഫ്‌ളവര്‍ കോണ്‍വെന്റ് ഹൈസ്‌കൂള്‍ വിദ്യാലയത്തില്‍ പൂര്‍വ്വവിദ്യാര്‍ത്ഥികളുടെ സംഗമം ജൂലായ് 14 ന്(ശനി) രാവിലെ 10 മണിക്ക് നടത്തുന്നു. ഇതിലേക്ക് പൂര്‍വ്വഅധ്യാപകരേയും അനധ്യാപകരേയും വിദ്യാര്‍ത്ഥികളേയും പ്രത്യേകം ക്ഷണിക്കുന്നു. ഈ വിദ്യാലയത്തില്‍ നിന്ന് പഠനം പൂര്‍ത്തിയാക്കിയിട്ട് 25 വര്‍ഷം തികയുന്ന 1993 എസ്എസ്എല്‍സി ബാച്ചിനെ ഈ അവസരത്തില്‍ പ്രത്യേകം ആദരിക്കുന്നതാണെന്നും ഹെഡ്മിസ്ട്രസ്സ് സി.റോസ്‌ലറ്റ് അറിയിച്ചു. cont. 0480-2826372, 9496276372.

നടവരമ്പ് : വായനാ പക്ഷാചരണ പ്രവര്‍ത്തന മികവിന് നടവരമ്പ് ഗവ.എല്‍.പി.സ്‌കൂളിന് അംഗീകാരം. ഇരിങ്ങാലക്കുട ഉപജില്ലയിലെ പുരസ്‌ക്കാരം ലഭിച്ച ഏക വിദ്യാലയമാണ് നടവരമ്പ് ഗവ.എല്‍.പി സ്‌കൂള്‍. വായന പക്ഷാചരണത്തിന്റെ സംസ്ഥാന സമാപന സമ്മേളനത്തില്‍ വെച്ച് ലൈബ്രറി കൗണ്‍സില്‍ ജില്ലാ പ്രസിഡണ്ട് മുരളി പെരുനെല്ലി എം.എല്‍.എ യില്‍ നിന്നും പി.ടി.എ.പ്രസിഡണ്ട് സി.പി. സജി, പ്രധാന അധ്യാപക ചുമതല വഹിക്കുന്ന ബാബു കോടശ്ശേരി എന്നിവര്‍ പുരസ്‌ക്കാരവും സ്‌കൂള്‍ ലൈബ്രറിയിലേയ്ക്കുള്ള പുസ്തകങ്ങള്‍ ഏറ്റുവാങ്ങി. സമ്മേളനം വിദ്യാഭ്യാസ വകുപ്പു മന്ത്രി പ്രൊ.സി.രവീന്ദ്രനാഥ് ഉദ്ഘാടനം ചെയ്തു. കൃഷി വകുപ്പു മന്ത്രി അഡ്വ.വി.എസ്.സുനില്‍കുമാര്‍ അദ്ധ്യക്ഷത വഹിച്ചു. ജില്ലാ കളക്ടര്‍ അനുപമ ഐ.എ .എസ്, ജില്ലാ വിദ്യാഭ്യാസ ഉപഡയറക്ടര്‍ എന്‍.ആര്‍.മല്ലിക, ജില്ലാ പഞ്ചായത്ത് ഭാരവാഹികള്‍ എന്നിവര്‍ സന്നിഹിതരായിരുന്നു.

ഇരിങ്ങാലക്കുട : ഇരിങ്ങാലക്കുട രൂപത പ്രഥമ ബിഷപ് മാര്‍ ജെയിംസ് പഴയാറ്റിലിന്റെ രണ്ടാം ചരമ വാര്‍ഷികം  സെന്റ് തോമസ് കത്തീഡ്രലില്‍ ആചരിച്ചു. വൈകിട്ട് അഞ്ചിന്  ഇരിങ്ങാലക്കുട രൂപതാ മെത്രാന്‍ മാര്‍ പോളി കണ്ണൂക്കാടന്‍ ജെയിംസ് പിതാവിനെ അടക്കം ചെയ്തിരിക്കുന്ന കല്ലറയ്ക്കു മുന്നില്‍ തയ്യാറാക്കിയ ഛായാചിത്രത്തില്‍ പുഷ്പാര്‍ച്ചന നടത്തി. തുടര്‍ന്ന് ബിഷപ്പിന്റെ മുഖ്യ കാര്‍മികത്വത്തില്‍ നടന്ന അനുസ്മരണ ബലിയില്‍ രൂപത വികാരി ജനറാള്‍മാരോടൊപ്പം രൂപതയിലെ  വൈദികരും സന്യസ്ത വൈദികരും സഹകാര്‍മികരായിരുന്നു. ഹൃദയ വിശുദ്ധികൊണ്ടും ജീവിത നന്മകള്‍ കൊണ്ടും പ്രവര്‍ത്തനങ്ങളിലെ തീക്ഷണത കൊണ്ടും പെരുമാറ്റത്തിലെ എളിമകൊണ്ടും പുണ്യശ്രേഷ്ഠനായ മാര്‍ ജെയിംസ് പഴയാറ്റിലിന്റെ ജീവിതം അനുകരണീയ മാതൃകയാണെന്ന് ദിവ്യബലി മദ്ധ്യേ സന്ദേശം നല്‍കി ബിഷപ് പറഞ്ഞു. ചീത്ത ഫലങ്ങളില്‍ നിന്നല്ല; നല്ല പഴങ്ങളില്‍ നിന്നാണ് വൃക്ഷനന്മകള്‍ തിരിച്ചറിയേണ്ടതെന്നും സഭനേരിടുന്ന വെല്ലുവിളികള്‍ക്ക്  ജെയിംസ് പിതാവിന്റെ വിശുദ്ധജീവിതം ഉദാത്തമാതൃകയാണെന്നും ബിഷപ്പ് കൂട്ടിചേര്‍ത്തു. വിശുദ്ധ ബലിക്കു ശേഷം കല്ലറയില്‍ മരിച്ചവര്‍ക്കുവേണ്ടിയുള്ള പ്രത്യേക ഒപ്പീസ് നടന്നു.  അനുസ്മരണ യോഗത്തില്‍ കേരളസഭ പത്രത്തിന്റെ നേതൃത്വത്തില്‍ രൂപത പി.ആര്‍.ഒ. ഫാ. ജോമി തോട്ട്യാന്‍ തയ്യാറാക്കിയ മാര്‍ ജെയിംസ് പഴയാറ്റില്‍ പിതാവിന്റെ ലഭ്യമായ ചരിത്ര രേഖകള്‍ ചേര്‍ത്ത് ‘ചരിത്രരേഖകള്‍’ എന്ന പുസ്തകത്തിന്റെ പ്രകാശനം മാര്‍ പോളി കണ്ണൂക്കാടന്‍ നിര്‍വ്വഹിച്ചു. പഴയാറ്റില്‍ പിതാവിന്റെ സ്മരണാര്‍ഥം രൂപത ആരംഭിച്ച കാരുണ്യ സംരംഭമായ മാര്‍ ജെയിംസ് പഴയാറ്റില്‍ മെമ്മോറിയല്‍ ഹൃദയ പാലിയേറ്റീവ് കെയറിന്റെ ചാലക്കുടി മേഖല പ്രവര്‍ത്തനോദ്ഘാടനവും ആംബുലന്‍സ് വെഞ്ചിരിപ്പു കര്‍മ്മവും നടന്നു. ചാലക്കുടി, ഇരിങ്ങാലക്കുട, മാള മേഖലകളിലായി 1120- ഓളം അംഗങ്ങള്‍ ഇതിനോടകം പാലിയേറ്റീവ് കെയര്‍ സേവനം പ്രയോജനപ്പെടുത്തുന്നുണ്ടെന്ന് ഡയറക്ടര്‍ ഫാ. സണ്ണി കളമ്പനാംതടത്തില്‍ സമ്മേളനത്തില്‍ അറിയിച്ചു.  രൂപതയിലെ വൈദികര്‍, മേജര്‍ സുപ്പീരിയര്‍മാര്‍, കൗണ്‍സിലര്‍മാര്‍, സന്യാസഭവന സുപ്പീരിയര്‍മാര്‍, പാസ്റ്ററല്‍ കൗണ്‍സില്‍ അംഗങ്ങള്‍, നടത്തു കൈക്കാരന്മാര്‍, ഇടവക കേന്ദ്രസമിതി പ്രസിഡന്റുമാര്‍, രൂപത ഏകോപന സമിതി അംഗങ്ങള്‍, ബ്രദേഴ്സ്, പഴയാറ്റില്‍ കുടുംബാംഗങ്ങള്‍ എന്നിവര്‍ തിരുകര്‍മ്മങ്ങളില്‍ പങ്കെടുത്തു.

ഇരിങ്ങാലക്കുട : എസ് ഡി പി ഐ വര്‍ഗ്ഗീയ രാഷ്ട്രീയത്തിനെതിരെ സി പി ഐ(എം) ഇരിങ്ങാലക്കുട ഏരിയ കമ്മിറ്റിയുടെ നേതൃത്വത്തില്‍ പ്രതിഷേധ കൂട്ടായ്മ്മ സംഘടിപ്പിച്ചു.ജില്ലാ കമ്മിറ്റിയംഗം പ്രൊഫ. ആര്‍ ബിന്ദു കൂട്ടായ്മ്മ ഉദ്ഘാടനം ചെയ്തു.ജില്ലാ കമ്മിറ്റിയംഗം ഉല്ലാസ് കളക്കാട്ട് അദ്ധ്യക്ഷത വഹിച്ച യോഗത്തില്‍ എം എല്‍ എ പ്രൊഫ. കെ യു അരുണന്‍,ബ്ലോക്ക് പ്രസിഡന്റ് വി എ മനോജ് കുമാര്‍ എന്നിവര്‍ സംസാരിച്ചു.ഏരിയ കമ്മിറ്റി സെക്രട്ടറി കെ സി പ്രേമരാജന്‍ സ്വാഗതവും ഡോ.കെ പി ജോര്‍ജ്ജ് നന്ദിയും പറഞ്ഞു.കെ സി ദിവാകരന്‍ മാസ്റ്റര്‍,ടി എസ് സജീവന്‍,കെ എ ഗോപി,യു പ്രദീപ് മേനോന്‍ എന്നിവര്‍ നേതൃത്വം നല്‍കി.