നടവരമ്പ് ഗവ.എല്‍.പി സ്‌കൂളിന് പ്രവര്‍ത്തന മികവിന് പുരസ്‌ക്കാരം

567
Advertisement

നടവരമ്പ് : വായനാ പക്ഷാചരണ പ്രവര്‍ത്തന മികവിന് നടവരമ്പ് ഗവ.എല്‍.പി.സ്‌കൂളിന് അംഗീകാരം. ഇരിങ്ങാലക്കുട ഉപജില്ലയിലെ പുരസ്‌ക്കാരം ലഭിച്ച ഏക വിദ്യാലയമാണ് നടവരമ്പ് ഗവ.എല്‍.പി സ്‌കൂള്‍. വായന പക്ഷാചരണത്തിന്റെ സംസ്ഥാന സമാപന സമ്മേളനത്തില്‍ വെച്ച് ലൈബ്രറി കൗണ്‍സില്‍ ജില്ലാ പ്രസിഡണ്ട് മുരളി പെരുനെല്ലി എം.എല്‍.എ യില്‍ നിന്നും പി.ടി.എ.പ്രസിഡണ്ട് സി.പി. സജി, പ്രധാന അധ്യാപക ചുമതല വഹിക്കുന്ന ബാബു കോടശ്ശേരി എന്നിവര്‍ പുരസ്‌ക്കാരവും സ്‌കൂള്‍ ലൈബ്രറിയിലേയ്ക്കുള്ള പുസ്തകങ്ങള്‍ ഏറ്റുവാങ്ങി. സമ്മേളനം വിദ്യാഭ്യാസ വകുപ്പു മന്ത്രി പ്രൊ.സി.രവീന്ദ്രനാഥ് ഉദ്ഘാടനം ചെയ്തു. കൃഷി വകുപ്പു മന്ത്രി അഡ്വ.വി.എസ്.സുനില്‍കുമാര്‍ അദ്ധ്യക്ഷത വഹിച്ചു. ജില്ലാ കളക്ടര്‍ അനുപമ ഐ.എ .എസ്, ജില്ലാ വിദ്യാഭ്യാസ ഉപഡയറക്ടര്‍ എന്‍.ആര്‍.മല്ലിക, ജില്ലാ പഞ്ചായത്ത് ഭാരവാഹികള്‍ എന്നിവര്‍ സന്നിഹിതരായിരുന്നു.