ആളൂര്‍ : ഭാരത അപ്പസ്‌തോലന്‍ മാര്‍ തോമാശ്ലീഹായുടെ രക്തസാക്ഷിത്വത്തിന്റെ 19-ാം ശതോത്തര സുവര്‍ണ ജൂബിലിയുടെ ഭാഗമായി ഇരിങ്ങാലക്കുട രൂപതയില്‍ നടക്കുന്ന വിവിധ പരിപാടികള്‍ക്ക് തുടക്കം കുറിച്ചു. ഇതിന്റെ ഭാഗമായി ഇരിങ്ങാലക്കുട രൂപത മുഖപത്രം ‘കേരളസഭ’യുടെ നേതൃത്വത്തില്‍ മാര്‍ പോളി കണ്ണൂക്കാടനും വൈദികരും അല്‍മായരും ഉള്‍പ്പെട്ട 52 പേരുടെ തീര്‍ത്ഥാടകസംഘം വിശുദ്ധന്റെ രക്തസാക്ഷിത്വ ഭൂമിയായ മൈലാപ്പൂരിലേക്ക് ട്രെയിന്‍ മാര്‍ഗം പുറപ്പെട്ടു. മൈലാപ്പൂരിലെ സാന്തോം കത്തീഡ്രലില്‍ വിശുദ്ധന്റെ കബറിടത്തില്‍ മാര്‍ പോളി കണ്ണൂക്കാടന്റെ മുഖ്യകാര്‍മികത്വത്തില്‍ ദിവ്യബലിയര്‍പ്പിക്കും. തുടര്‍ന്ന് ചിന്നമല, പെരിയമല തുടങ്ങിയ തീര്‍ത്ഥാടന കേന്ദ്രങ്ങള്‍ സന്ദര്‍ശിച്ചു വൈകിട്ട് ട്രെയിന്‍ മാര്‍ഗം തന്നെ സംഘം കേരളത്തിലേക്ക് യാത്ര തിരിക്കും.തീര്‍ത്ഥാടനത്തിനു മുന്നോടിയായി കൊടുങ്ങല്ലൂര്‍ സെന്റ് മേരീസ് ദൈവാലയത്തില്‍ മാര്‍ പോളി കണ്ണൂക്കാടന്റെ നേതൃത്വത്തില്‍ നടന്ന ദിവ്യബലിയര്‍പ്പണത്തിലും അഴീക്കോട് തീര്‍ത്ഥാടന കേന്ദ്രത്തില്‍ തോമാശ്ലീഹായുടെ തിരുശേഷിപ്പ് വണക്കത്തിലും തീര്‍ത്ഥാടക സംഘം പങ്കെടുത്തു.
കൊടുങ്ങല്ലൂര്‍ – മൈലാപ്പൂര്‍ മാര്‍ തോമാ കബറിട തീര്‍ത്ഥാടനം ഇരിങ്ങാലക്കുട രൂപതയില്‍ നിന്ന് 52 അംഗ സംഘം യാത്ര തിരിച്ചു
Popular Categories
Previous article![]( "ഇരിങ്ങാലക്കുടയിൽ പത്ത് ദിവസം നീണ്ടു നിൽക്കുന്ന ഞാറ്റുവേല മഹോൽസവത്തിന് തുടക്കമായി")
Next article![]( "ക്ഷേമ പ്രവർത്തനങ്ങൾക്ക് ഊന്നൽ നൽകും – വാരിയർ സമാജം")
