ഇരിങ്ങാലക്കുട – ഇരിങ്ങാലക്കുട ജുഡീഷ്യല്‍ കോംപ്ലക്‌സ് പണിയുന്നതിനുള്ള സാങ്കേതിക അനുമതി ലഭിച്ച് ടെണ്ടറിന് ക്ഷണിച്ചിട്ടുണ്ടെന്ന് പ്രൊഫ.കെ യു അരുണന്‍ എം എല്‍ എ അറിയിച്ചു.29.25 കോടി രൂപയുടെ സാങ്കേതിക അനുമതിയാണ് ലഭിച്ചിട്ടുള്ളത് .നേരത്തെ മൂന്ന് നിലകളില്‍ വിഭാവനം ചെയ്തിരുന്ന ഈ കെട്ടിടം സൗകര്യങ്ങള്‍ അപര്യാപ്തമാണെന്ന് കണ്ട് പ്ലാന്‍ എസ്റ്റിമേറ്റ് എന്നിവ പുതുക്കി സമര്‍പ്പിച്ചാണ് സാങ്കേതിക അനുമതി ലഭ്യമാക്കിയിട്ടുളളതെന്ന് എം എല്‍ എ കൂട്ടിച്ചേര്‍ത്തു.ഈ സമുച്ചയം ഇപ്പോള്‍ 7 നിലകളിലായാണ് രൂപകല്‍പ്പന ചെയ്തിരിക്കുന്നത് .168555 ചതുരശ്ര അടിയാണ് മൊത്തം കെട്ടിടത്തിന്റെ വിസ്തീര്‍ണ്ണം.ഇതില്‍ ആദ്യ ഘട്ടമെന്ന നിലയില്‍ 5 നിലകളുടെ പണി പൂര്‍ത്തീകരിക്കാനാണ് ഉദ്ദേശിക്കുന്നത് .ഈ കെട്ടിടത്തില്‍ 10 കോടതികളും മറ്റു അനുബന്ധ ഓഫീസുകളും ,വാഹനം പാര്‍ക്ക് ചെയ്യുന്നതിനുള്ള സൗകര്യം എന്നിവയെല്ലാം ഉണ്ടായിരിക്കും .രണ്ടാം ഘട്ടത്തില്‍ ബാക്കിയുള്ള 2 നിലകളുടെയും അനുബന്ധ വര്‍ക്കുകളുടെയും പണികള്‍ നടത്തുമെന്നും എം എല്‍ എ അറിയിച്ചു

LEAVE A REPLY

Please enter your comment!
Please enter your name here