ഇരിങ്ങാലക്കുട : സംസ്ഥാനത്ത് നാളെ (വ്യാഴാഴ്ച) മുതല്‍ പൊതുസ്ഥലങ്ങളിലും ജോലിസ്ഥലങ്ങളിലും മാസ്‌ക് നിര്‍ബന്ധമാക്കി. നിര്‍ദ്ദേശം ലംഘിക്കുന്നവര്‍ക്കെതിരെ ഇന്ത്യന്‍ ശിക്ഷാനിയമത്തിലെ വകുപ്പ് 290 പ്രകാരം നടപടി സ്വീകരിച്ച് ബന്ധപ്പെട്ട കോടതിയില്‍ പെറ്റികേസ് ചാര്‍ജ്ജ് ചെയ്യും. 200 രൂപയാണ് (ഇരുന്നൂറ് രൂപ) പിഴ. കുറ്റം ആവര്‍ത്തിക്കുകയാണെങ്കില്‍ 5000 രൂപ പിഴ ഈടാക്കുമെന്ന് സംസ്ഥാന പോലീസ് മേധാവി ലോക്‌നാഥ് ബെഹ്‌റ അറിയിച്ചു. വീടുകളില്‍ നിര്‍മ്മിച്ച തുണികൊണ്ടുളള മാസ്‌ക്, തോര്‍ത്ത്, കര്‍ച്ചീഫ് എന്നിവയും ഉപയോഗിക്കാവുന്നതാണ്. പൊതുജനങ്ങളുടെ സുരക്ഷ മുന്‍നിര്‍ത്തിയും പകര്‍ച്ചവ്യാധി പടരുന്ന പശ്ചാത്തലത്തിലും പൊതുസ്ഥലങ്ങളിലും ജോലിസ്ഥലങ്ങളിലും എല്ലാവരും മാസ്‌ക് ധരിക്കണമെന്ന് കേന്ദ്ര, സംസ്ഥാന സര്‍ക്കാരുകള്‍ നിര്‍ദ്ദേശിച്ചിരിക്കുന്നതായി സ്‌റ്റേറ്റ്് പോലീസ് മീഡിയ സെന്റര്‍ പത്രകുറുപ്പില്‍ അറിയിച്ചു.
Popular Categories
Previous article![കാറളത്ത് ഗുണ്ടാആക്രമണം യുവാവ് വെട്ടേറ്റ് മരിച്ചു,സംഭവത്തിൽ 3 പേർക്ക് വെട്ടേറ്റു]( "കാറളത്ത് ഗുണ്ടാആക്രമണം യുവാവ് വെട്ടേറ്റ് മരിച്ചു,സംഭവത്തിൽ 3 പേർക്ക് വെട്ടേറ്റു")
Next article![പോലീസ്കാർക്ക് കൈതാങ്ങുമായി മോഹൻലാൽ ഫാൻസ്‌]( "പോലീസ്കാർക്ക് കൈതാങ്ങുമായി മോഹൻലാൽ ഫാൻസ്‌")
