ഇരിങ്ങാലക്കുട : ശബരിമല തീര്‍ത്ഥാടനത്തോടാനുബന്ധിച്ച് കേരള സംസ്ഥാനത്തിനു പുറത്തുനിന്നുള്ളവരുള്‍പ്പെടെയുള്ള ഭക്തന്മാര്‍ക്ക് വിശ്രമിക്കാനും താമസിക്കാനും മറ്റു സൗകര്യങ്ങള്‍ക്കും വേണ്ടി കേരള സര്‍ക്കാരിന്റെ സഹായത്തോടെ നിര്‍മ്മിക്കുന്ന ശബരിമല ഇടതാവളത്തിന് കൂടല്‍മാണിക്യം ക്ഷേത്രത്തിന് അനുമതി ലഭിച്ചു.കൊട്ടിലായ്ക്കല്‍ പറമ്പില്‍ നിര്‍മ്മിക്കുന്ന ഇടതാവളത്തിന് 8 മുതല്‍ 10 കോടി രൂപ വരെയാണ് ഫണ്ട് അനുവദിക്കുന്നത്.കേരളത്തിലെ 20 ഓളം ക്ഷേത്രങ്ങള്‍ക്കാണ് ശബരിമല ഇടതാവള നിര്‍മ്മാത്തിനായി അനുമതി ലഭിച്ചിട്ടുള്ളതെന്ന് കരുതുന്നു.ശബരിമല തീര്‍ത്ഥാടന സമയത്ത് ഏറെ തിരക്കുണ്ടാകാറുള്ള ക്ഷേത്രമാണ് ഇരിങ്ങാലക്കുട കൂടല്‍മാണിക്യം.

ഇരിങ്ങാലക്കുട : കെ എസ് ആര്‍ ട്ടി സി പെന്‍ഷന്‍ സര്‍ക്കാര്‍ ഏറ്റെടുക്കുക,പെട്രോളിയം ഉല്‍പ്പന്നങ്ങളെ ജി എസ് ടിയില്‍ ഉള്‍പെടുത്തുക,വര്‍ഗ്ഗീയ അക്രമ ഫാസിസം ചെറുക്കുക എന്നി മുദ്രവാക്യങ്ങള്‍ ഉയര്‍ത്തി സ്റ്റേറ്റ് എംപ്ലോയിസ് ആന്റ് ടീച്ചേര്‍സ് ഓര്‍ഗനൈസേഷന്‍ (സെറ്റോ) സംസ്ഥാന കമ്മിറ്റിയുടെ ആഭിമുഖ്യത്തില്‍ സംഘടിപ്പിക്കുന്ന വാഹന പ്രചരണ ജാഥ ‘പ്രതിധ്വനി’ യ്ക്ക് ഇരിങ്ങാലക്കുട താലൂക്ക് കമ്മിറ്റിയുടെ ആഭിമുഖ്യത്തില്‍ മുന്‍സിപ്പല്‍ ടൗണ്‍ഹാളില്‍ സ്വീകരണം നല്‍കി.ഇരിങ്ങാലക്കുട ബ്ലോക്ക് കോണ്‍ഗ്രസ് കമ്മിറ്റി പ്രസിഡന്റ് ടി വി ചാര്‍ളി സ്വീകരണയോഗം ഉദ്ഘാടനം ചെയ്തു.സെറ്റോ താലൂക്ക് ചെയര്‍മാന്‍ വി കെ ഉണ്ണികൃഷ്ണന്‍ അദ്ധ്യക്ഷത വഹിച്ച യോഗത്തില്‍ ജാഥ ക്യാപ്റ്റന്‍ എന്‍ രവികുമാര്‍,വൈസ് ക്യാപ്റ്റന്‍ പി ഹരിഗോവിന്ദന്‍ എന്നവര്‍ സ്വീകരണം ഏറ്റുവാങ്ങി.സെറ്റോ സംസ്ഥാന കമ്മിറ്റി ചെയര്‍മാന്‍ എന്‍ രവികുമാര്‍ മുഖ്യപ്രഭാഷണം നടത്തി,വി എസ് സിജോയ്,അബ്ദുള്‍ ഹഖ് മാസ്റ്റര്‍ തുടങ്ങിയവര്‍ പ്രസംഗിച്ചു.

ഇരിങ്ങാലക്കുട : കത്തിയെരിയുന്ന കൊടും ചൂടില്‍ നിന്ന് വഴിയാത്രക്കാര്‍ക്കും മറ്റും തല്‍ക്കാലിക മോചനം കിട്ടുന്നതിനായി പൊറത്തിശ്ശേരി പോസ്റ്റ് ഓഫീസിനു സമീപം മഹാത്മാ മാനദര്‍ശന വേദിയുടെ ആഭിമുഖ്യത്തില്‍ ഒരുക്കാറുള്ള മഹാത്മ കുടിനീര്‍ തണല്‍ ഇരിഞ്ഞാലക്കുട മുന്‍സിപ്പല്‍ ചെയര്‍പേഴ്‌സണ്‍ നിമ്മ്യ ഷിജു പെരിങ്ങാട് കുമാരനു ദാഹജലം നല്‍കി കൊണ്ട് ഉദ്ഘാടനം ചെയ്തു.പ്രസിഡന്റ് അഡ്വ.പി എന്‍ സുരേഷ് അധ്യക്ഷത വഹിച്ച ചടങ്ങില്‍ എംബി നെല്‍സണ്‍ ,എന്‍ ആര്‍ ശ്രീനിവാസന്‍ ,ബിനു മണപ്പെട്ടി ,സുജിത് പൊറത്തിശ്ശേരി ,എം ജെ ഷാജി മാസ്റ്റര്‍ ,ടി വി ബിജോയ് ,പി ജി ശോഭനന്‍ ,കെഎം രാജന്‍ ,ദാസ്സന്‍ പുതുശ്ശേരി ,എംബി നൈജില്‍,ബിനേഷ് ബഷീര്‍ എന്നിവര്‍ സംസാരിച്ചു

ഇരിങ്ങാലക്കുട : സംഗമേശാലയത്തിന്റെ രണ്ടാം ഘട്ട വികസന പ്രവര്‍ത്തനങ്ങള്‍ക്ക് 2017 ജനുവരി 15 ാം തിയ്യതി പത്മശ്രീ കെ എസ് ചിത്ര തറക്കല്ലിടുന്നു.ട്രസ്റ്റ് സെക്രട്ടറി സന്തേഷ് ബോബന്‍ സ്വാഗതം നിര്‍വഹിക്കുന്ന ചടങ്ങില്‍ പ്രസിഡന്റ് കെ കെ കൃഷ്ണാനന്ദ ബാബു ആമുഖ പ്രഭാഷണവും ജില്ലാ പഞ്ചായത്ത് മെമ്പര്‍ ടി ജി ശങ്കരനാരായണന്‍ അധ്യക്ഷതയും ,സഞ്ജീവനി സമിതി അംഗം പി എന്‍ ഈശ്വരന്‍ മുഖ്യപ്രഭാഷണവും നിര്‍വഹിക്കും.വൈസ് പ്രസിഡന്റ് ദേവി ഈശ്വര മംഗലം കെ എസ് ചിത്രക്ക് ഉപകാരം സമര്‍പ്പിക്കും .പൂമംഗലം പഞ്ചായത്ത് പ്രസിഡന്റ് വര്‍ഷ രാജേഷ് മുഖ്യാതിഥിയായും വാര്‍ഡ് മെമ്പര്‍ മിനി ശിവദാസ് , ട്രസ്റ്റ് ട്രഷറര്‍ റോളി ചന്ദ്രന്‍ എന്നിവര്‍ ആശംസകള്‍ നിര്‍വഹിക്കുകയും ജോ. സെക്രട്ടറി ജ്യോതിഷ് കെ യു നന്ദിയും നിര്‍വഹിക്കും

ഇരിങ്ങാലക്കുട : അറവ്ശാല പ്രവര്‍ത്തിക്കാത്ത നഗരത്തില്‍ നടക്കുന്ന അനധികൃത മാംസ വില്‍പ്പന നിര്‍ത്തലാക്കണമെന്ന് ഹൈക്കോടതിയില്‍ നല്‍കിയ കേസില്‍ വന്ന ഉത്തരവു പ്രകാരമാണ് മാംസ വില്‍പ്പനശാലകള്‍ അടച്ചു പൂട്ടിയത്.ഹൈക്കോടതി ഉത്തരവ് പ്രകാരം നഗരസഭ സെക്രട്ടറിയുടെ നിര്‍ദേശപ്രകാരമാണ് വ്യാഴാഴ്ച്ച രാവിലെ തന്നേ നഗരസഭ ആരോഗ്യവിഭാഗം ഉദ്യോഗസ്ഥര്‍ ഭൂരിപക്ഷം ഇറച്ചികടകള്‍ ഉള്ള മാര്‍ക്കറ്റില്‍ എത്തി കടകള്‍ അടച്ച് സീല്‍ ചെയ്ത് നോട്ടിസ് പതിച്ചു.മാംസ കച്ചവടക്കാര്‍ക്ക് കഴിഞ്ഞ ദിവസം തന്നേ അറിയിപ്പ് നല്‍കിയിരുന്നതിനാല്‍ ആരും തന്നേ കടകള്‍ തുറന്ന് പ്രവര്‍ത്തിച്ചിരുന്നില്ലാ.നഗരസഭ ഹെല്‍ത്ത് ഇന്‍സ്‌പെക്ടര്‍മാരായ സലീല്‍ കെ,ഷീല ഇ,ജൂനിയര്‍ ഹെല്‍ത്ത് ഇന്‍സ്‌പെക്ടര്‍മാരായ സുധീര്‍.രാഗേഷ്,ബിനിഷ് എന്നിവരുടെ നേതൃത്വത്തിലാണ് കടകള്‍ അടച്ച് പൂട്ടി സീല്‍ ചെയ്തത്.അംഗീകാരമുള്ള ചാലക്കുടി,തൃശൂര്‍ തുടങ്ങിയ അറവുശാലകളില്‍ അറവ് നടത്തി കൊണ്ടു വരുന്ന മാംസങ്ങള്‍ മാത്രമെ ഇനി നഗരസഭാ അതിര്‍ത്തിയില്‍ വില്‍ക്കാന്‍ അനുവദിക്കുകയുള്ളുവെന്ന് മുനിസിപ്പല്‍ കൗണ്‍സില്‍ യോഗം തീരുമാനിച്ചിരുന്നു.എന്നിരുന്നാല്ലും  ഹൈകോടതി ഉത്തരവനുസരിച്ച് മാംസ വില്‍പ്പനശാലകള്‍ സീല്‍ ചെയ്തതോടെ ഇനി കോടതി ഉത്തരവ് ഉണ്ടെങ്കില്‍ മാത്രമേ കടകള്‍ തുറക്കാന്‍ സാധിക്കുകയുള്ളു.നൂറ് കണക്കിന് മാംസകച്ചവട വ്യാപരികളാണ് വ്യാഴാഴാച്ചയോടെ ഇരിങ്ങാലക്കുടയില്‍ തൊഴിലില്ലാതായത്.മാലിന്യപ്രശ്‌നത്തിന്റെ പേരില്‍ സമീപവാസികളുടെ എതിര്‍പ്പിനെത്തുടര്‍ന്ന് 2012 ലാണ് ഇരിങ്ങാലക്കുട അറവ്ശാല അടച്ച് പൂട്ടിയത്.ഇരിങ്ങാലക്കുടയിലെ അറവുശാല പ്രവര്‍ത്തനക്ഷമമാക്കുന്നതിന് ഡീറ്റയില്‍ഡ് പ്രോജക്ട് റിപ്പോര്‍ട്ട് ശുചിത്വ മിഷന്റെ ടെക്‌നിക്കല്‍ അനുമതി ലഭിക്കുന്നതിനായി സമര്‍പ്പിച്ചിട്ടുണ്ടെന്നും 6 മാസത്തിനകം ഇരിങ്ങാലക്കുടയിലെ അറവ്ശാല പ്രവര്‍ത്തനക്ഷമമാക്കുന്നതിനുള്ള പരിശ്രമത്തിലാണെന്നും നഗരസഭ അറിയിച്ചു.

ഇരിഞ്ഞാലക്കുട: സെന്റ് ജോസഫ് കോളേജില്‍ മലയാളവിഭാഗം അമ്മ മലയാളമേ ആല്‍ബം പ്രകാശനം ചെയ്യുന്നു.കോളേജ് ആഡിറ്റോറിയത്തില്‍ വച്ച് ഉച്ചക്ക് 2:30 ന് ചലച്ചിത്ര താരവും ,എംപി യുമായ ടി വി ഇന്നസെന്റ് പ്രകാശനം നിര്‍വഹിക്കും.പ്രൊഫ.കെ യു അരുണന്‍ എം എല്‍ എ അധ്യക്ഷത വഹിക്കുന്ന സമ്മേളനത്തില്‍ ചലച്ചിത്ര താരം സ്വാതി നാരായണന്‍ ,പ്രശസ്ത കവി വി. ജി തമ്പി ,മാതൃഭൂമി ചാനല്‍ പ്രോഗ്രാം ഹെഡ് എം പി സുരേന്ദ്രന്‍ ,ചലച്ചിത്ര സംവിധായകന്‍ ജിജു അശോകന്‍ ,ഇരിങ്ങാലക്കുട പ്രസ്സ് ക്ലബ് പ്രസിഡന്റ് വി ആര്‍ സുകുമാരന്‍ തുടങ്ങിയവര്‍ പങ്കെടുക്കുന്നു

ഇരിങ്ങാലക്കുട: ഫെബ്രുവരി 21 വി.കെ.മോഹനന്‍ ദിനത്തില്‍ വി.കെ.മോഹനന്‍ കാര്‍ഷിക സംസ്‌കൃതി മൂന്നാംഘട്ട ജൈവപച്ചക്കറിത്തോട്ടം സി.പി.ഐ. ജില്ലാ കമ്മിറ്റി അംഗം കെ.ശ്രീകുമാര്‍ ഉദ്ഘാടനം ചെയ്തു. മണ്ഡലം കമ്മിറ്റി അംഗം വി.കെ.സരിത അധ്യക്ഷത വഹിച്ചു. എം.സി.രമണന്‍, വി.ആര്‍.രമേഷ്, കെ.നന്ദനന്‍, എ.എസ്.ബിനോയ്, അഡ്വ.രഞ്ജിത്ത് തമ്പാന്‍, വിഷ്ണു ശങ്കര്‍ എന്നിവര്‍ സന്നിഹിതരായിരുന്നു. സി.പി.ഐ. ജില്ലാ അസി. സെക്രട്ടറിയും കിസ്സാന്‍ സഭ സംസ്ഥാന നേതാവുമായിരുന്നു വി.കെ. മോഹനന്‍. സി.പി.ഐ. ജില്ലാ ജാഥ ഇരിങ്ങാലക്കുടയില്‍ വച്ച് സമാപിക്കുമ്പോള്‍ ആ വേദിയില്‍ വച്ചായിരുന്നു സഖാവിന്റെ മരണം.

ഇരിങ്ങാലക്കുട : ഇരിങ്ങാലക്കുട നഗരത്തില്‍ പ്രവര്‍ത്തിക്കുന്ന മാംസവ്യാപരത്തിന് വ്യാഴാഴ്ച്ചയോടെ പൂട്ട് വീഴും.അറവ്ശാല പ്രവര്‍ത്തിക്കാത്ത നഗരത്തില്‍ നടക്കുന്ന അനധികൃത മാംസ വില്‍പ്പന നിര്‍ത്തലാക്കണമെന്ന് ഹൈക്കോടതിയില്‍ നല്‍കിയ കേസില്‍ വന്ന ഉത്തരവു പ്രകാരമാണ് മാംസ വില്‍പ്പനശാലകള്‍ അടച്ചു പൂട്ടുന്നത്.അംഗീകാരമുള്ള അറവുശാലകളില്‍ അറവ് നടത്തി കൊണ്ടു വരുന്ന മാംസങ്ങള്‍ മാത്രമെ ഇനി നഗരസഭാ അതിര്‍ത്തിയില്‍ വില്‍ക്കാന്‍ അനുവദിക്കുകയുള്ളുവെന്ന് മുനിസിപ്പല്‍ കൗണ്‍സില്‍ യോഗം തീരുമാനിച്ചിരുന്നു.ഇതിന്റെ അടിസ്ഥാനത്തില്‍ നഗരത്തിലെ മാംസവ്യാപാരികള്‍ക്ക് അനധികൃത മാംസവില്‍പ്പന നിര്‍ത്താന്‍ അധികൃതര്‍ അറിയിപ്പ് നല്‍കി.ഇരിങ്ങാലക്കുടയില്‍ അറവ്ശാല പ്രവര്‍ത്തിക്കാത്ത സാഹചര്യത്തില്‍ മാംസവില്‍പ്പന പുനരാംഭിക്കണമെങ്കില്‍ വ്യാപാരികള്‍ ചാലക്കുടി,തൃശൂര്‍ തുടങ്ങിയ മറ്റ് അംഗീകൃത അറവ്ശാലകള്‍ പ്രവര്‍ത്തിക്കുന്ന സ്ഥലങ്ങളില്‍ നിന്നും ലൈസന്‍സോട് കൂടി അറവ് നടത്തിയ മാംസം എത്തിച്ച് വില്‍പന നടത്തേണ്ട സാഹചര്യമാണ് ഇപ്പോള്‍ നിലനില്‍ക്കുന്നത്.ഇതിനായി ഇരിങ്ങാലക്കുട മുന്‍സിപ്പാലിറ്റിയില്‍ വ്യാപാരികള്‍ അപേക്ഷ സമര്‍പ്പിക്കുന്നതനുസരിച്ച് മറ്റ് സ്ഥലങ്ങളിലേയ്ക്ക് മുന്‍സിപ്പല്‍ അധികൃതര്‍ കത്ത് നല്‍കുമെന്ന് അറിയിച്ചു.അറവുശാല പ്രവര്‍ത്തനക്ഷമമാക്കുന്നതിന് ഡീറ്റയില്‍ഡ് പ്രോജക്ട് റിപ്പോര്‍ട്ട് ശുചിത്വ മിഷന്റെ ടെക്നിക്കല്‍ അനുമതി ലഭിക്കുന്നതിനായി സമര്‍പ്പിച്ചിട്ടുണ്ടെന്നും 6 മാസത്തിനകം ഇരിങ്ങാലക്കുടയിലെ അറവ്ശാല പ്രവര്‍ത്തനക്ഷമമാക്കുന്നതിനുള്ള പരിശ്രമത്തിലാണെന്നും വികസനകാര്യ സ്റ്റാന്‍ഡിങ്ങ് കമ്മറ്റി ചെയര്‍മാന്‍ അഡ്വ വി. സി. വര്‍ഗീസ് പറഞ്ഞു.മാലിന്യപ്രശ്നത്തിന്റെ പേരില്‍ സമീപവാസികളുടെ എതിര്‍പ്പിനെത്തുടര്‍ന്ന് 2012 ലാണ് ഇരിങ്ങാലക്കുട അറവ്ശാല അടച്ച് പൂട്ടിയത്.കനത്ത മഴയില്‍ മതിലിടിഞ്ഞുവീണ് അറവുശാലയില്‍നിന്നുള്ള മാലിന്യം സമീപത്തെ പറമ്പുകളിലേയ്ക്ക് ഒഴുകിയതിനെത്തുടര്‍ന്നാണ് സമീപവാസികള്‍ എതിര്‍പ്പുമായി രംഗത്തെത്തിയത്.നൂറ് വര്‍ഷത്തോളം പഴക്കമുള്ള അറവ്ശാല കാലകാലങ്ങളില്‍ യഥാവിധം നവീകരണം നടത്താതിനാലാണ് അടച്ചിടേണ്ട അവസ്ഥ വന്നത്.അറവുശാലയിലെ ബയോഗ്യാസ് പ്ലാന്റ് പ്രവര്‍ത്തനക്ഷമമാക്കുക, സെപ്ടിക് ടാങ്ക് നിര്‍മ്മിക്കുക, മലിനജലം സിഡ് ഇന്‍ഫക്ഷന്‍ ചെയ്യാനുള്ള സംവിധാനം ഒരുക്കുക എന്നീ നിര്‍ദ്ദേശങ്ങളായിരുന്നു മലിനീകരണനിയന്ത്രണബോര്‍ഡ് അറവുശാല തുറക്കുന്നതിനായി നല്‍കിയിരുന്നത്.

ഇരിങ്ങാലക്കുട : മലപ്പുറത്ത് മാര്‍ച്ച് 1 മുതല്‍ 4 വരെ നടക്കുന്ന സി പി ഐ സംസ്ഥാന സമ്മേളനത്തിന്റെ ഭാഗമായി ഹിന്ദു വര്‍ഗ്ഗീയ വാദികളാല്‍ വെടിയേറ്റ് മരിച്ച ഗോവിന്ദ് പന്‍സാരയുടെ രക്ത സാക്ഷി ദിനമായ ഫെബ്രുവരി 20 ഇരിങ്ങാലക്കുട മണ്ഡലത്തിലെ വിവിധ ഭാഗങ്ങളില്‍ പാതാക ദിനമായി ആചരിച്ചു. സി പി ഐ ജില്ലാ കൗണ്‍സില്‍ അംഗം കെ. ശ്രീകുമാര്‍ കാറളം പടിഞ്ഞാട്ടുമുറി ബ്രാഞ്ചിലും, ജില്ലാ കൗണ്‍സില്‍ അംഗം ടി.കെ. സുധീഷ് കാറളം ആലും പറമ്പിലും മണ്ഡലം സെക്രട്ടറി പി. മണി പോത്താനിയിലും, അഡിഷണല്‍ സെക്രട്ടറി എന്‍ .കെ. ഉദയ പ്രകാശ് കാറളത്തും, എം.ബി ലത്തീഫ് ആളൂരിലും, കെ.വി രാമകൃഷ്ണന്‍ ചെട്ടിയാല്‍ സെന്ററിലും കെ.നന്തനന്‍ തേലപ്പിളിയിലും, കെ.സി ഗംഗാധരന്‍ മാസ്റ്റര്‍ പുല്ലൂരിലും, എം.സി രമണന്‍ ആല്‍തറയിലും പതാക ഉയര്‍ത്തി.ലോക്കല്‍ കമ്മിറ്റി സെക്രട്ടറി മാരായ കെ.സി ബൈജു, കാറളം തെക്കുമുറിയിലും , എ.ജെ. ബേബി കാട്ടുകടവിലും ടി.സി. അര്‍ജ്ജുനന്‍ കണ്ണികരയിലും കെ.സി.ബിജു പടിയൂരിലും, കെ.എസ് രാധാകൃഷ്ണന്‍ വടക്കുമുറിയിലും കെ.എസ് പ്രസാദ് എട്ടുമുറിയിലും, പി.ആര്‍ സുന്ദരന്‍ അമ്പലനടയിലും, കെ.എസ് സന്തോഷ് എടക്കുള്ളതും, ടി.സി വിക്രമന്‍ നടവരമ്പത്തും പതാകയുയര്‍ത്തി.മണ്ഡലത്തിലെ വിവിധ പഞ്ചായത്തുകളിലായി നൂറോളം കേന്ദ്രങ്ങളില്‍ പതാകയുയര്‍ത്തി.

ഇരിങ്ങാലക്കുട: പ്രകൃതി സ്നേഹം കൃഷി പാഠമാക്കി സെന്റ് ജോസഫ്സ് കോളജ് വിദ്യാര്‍ഥിനികള്‍. കണ്‍മുന്നിലെത്തുന്ന അന്നത്തിന്റെ ഉല്‍പാദനത്തെക്കുറിച്ച് ക്ലാസ് മുറിയിലെ പാഠങ്ങളുടെ പൊരുള്‍ തേടി നിറഞ്ഞ ചാരിതാര്‍ഥ്യത്തോടെയാണ് കോളജിലെ എന്‍എസ്എസ് വിദ്യാര്‍ഥികള്‍ വയലിലിറങ്ങിയത്. 18 വര്‍ഷമായി തരിശായി കിടന്നിരുന്ന ഒരു ഹെക്ടര്‍ സ്ഥലത്ത് നെല്‍കൃഷി ഇറക്കിയാണ് ഈ പെണ്‍പട തങ്ങളുടെ കൃഷി സ്നേഹം പ്രകടിപ്പിക്കുന്നത്. ഇവരുടെ കലാലയ ജീവിതം എന്നുപറയുന്നത് ക്ലാസ് മുറികളുടെ നാല് ചുവരുകള്‍ക്കകത്തെ പുസ്തകത്താളുകളില്‍ അതിരിടുന്നതല്ല. കൃഷിരീതി വിദ്യാര്‍ഥികള്‍ക്ക് സ്വായത്തമാക്കുക, യുവതലമുറയില്‍ കൃഷിയോട് ആഭിമുഖ്യം വളര്‍ത്തുക, കര്‍ഷകരോട് ആദരവുള്ള മനോഭാവം രൂപപ്പെടുത്തുക, ഭക്ഷണം നശിപ്പിക്കലും ധൂര്‍ത്തും ഉപേക്ഷിക്കുക തുടങ്ങിയ ലക്ഷ്യങ്ങളാണ് ഇതിനു പിന്നിലുള്ളത്. വ്യക്തമായ അഞ്ച് ഘട്ടങ്ങളിലൂടെ 80 അംഗസംഘമാണ് നെല്‍കൃഷി ചെയ്യുന്നത്. ഞാറ് നടല്‍, കളപറിക്കല്‍, കൊയ്ത്ത് എന്നിങ്ങനെ ഘട്ടങ്ങള്‍ തിരിച്ച് ആസൂത്രണം ചെയ്താണ് തുടക്കം. ഒഴിവു സമയങ്ങള്‍ മാത്രം ഉപയോഗപ്പെടുത്തിയും പരമ്പരാഗത കൃഷ് രീതികള്‍ സ്വീകരിച്ചും മികച്ച ഒരു കാര്‍ഷിക വിപ്ലവമാണ് അവര്‍ സ്വായത്തമാക്കുന്നത്. 120 ദിവസം കൊണ്ട് കൊയ്തിന് തയാറാക്കുന്ന ‘ഉമ’ നെല്ലിനം ഉപയോഗപ്പെടുത്തിയാണ് കൃഷി. ചേറിലും ചെളിയിലും പകലന്തിയോളം പാടത്ത് പണിത് അന്നദാതാക്കളായിത്തീരുന്ന കര്‍ഷകരോട് ബഹുമാനം തോന്നുന്നതായി വിദ്യാര്‍ഥികള്‍ അഭിപ്രായപ്പെട്ടു. ആദ്യമായാണ് പലരും വയലിലിറങ്ങുന്നത്. ഉല്‍പാദനത്തിന് ഇത്രത്തോളം പ്രയത്നമുള്ളതിനാല്‍ അരിക്ക് വില കൂട്ടിയാലേ ഈ രംഗത്തേക്ക് കൂടുതല്‍ ആളുകള്‍ വരൂ എന്നും നിലവില്‍ കൃഷി ചെയ്യുന്നവര്‍ അത് തുടരുകയുള്ളുവെന്നും അവര്‍ അഭിപ്രായപ്പെട്ടു. ഇരിങ്ങാലക്കുട കാര്‍ഷിക സേവന കേന്ദ്രമാണ് കൃഷിക്കായി നിലം ഒരുക്കി നല്‍കിയത്. തങ്ങള്‍ വിതച്ചത് നൂറുമേനി കൊയ്യുമെന്ന പ്രതീക്ഷയിലാണ് ഈ വിദ്യാര്‍ഥികള്‍. ഇന്ന് നെല്‍പാട വരമ്പത്ത് വേനല്‍കാല പച്ചക്കറി കൃഷി ആരംഭിക്കും. കുമ്പളങ്ങ, കൊത്തു വെള്ളരി എന്നിവയാണ് ഇന്ന് നടുന്നത്. അന്നറോസ്, നയന ഫ്രാന്‍സിസ്, ടി.ടി. ഫിഷ്ന, മരിയ പാസ്‌കല്‍, രാജശ്രീ ശശീധരന്‍ എന്നീ വിദ്യാര്‍ഥികളാണ് നേതൃത്വം നല്‍കുന്നത്. കൃഷി അസിസ്റ്റന്റ് ഡയറക്ടര്‍ ടി. ശുശീലയുടെ പിന്തുണയും ഇതിനുണ്ട്.

ഇരിങ്ങാലക്കുട : സ്ത്രികള്‍ക്കും കുട്ടികള്‍ക്കുമെതിരെയുള്ള അതിക്രമങ്ങള്‍ അവസാനിപ്പിക്കാന്‍ വേണ്ട നടപടികള്‍ അധികാരികള്‍ സ്വീകരിക്കണമെന്നാവശ്യപ്പെട്ട് ഇരിങ്ങാലക്കുട സി ഡി എസ് വണ്‍ അംഗങ്ങളും സി ഡി എസ് ടു അംഗങ്ങളും സംയുക്തമായി സഹയാത്രസംഗമം എന്ന പേരില്‍ പ്രതിഷേധ റാലി സംഘടിപ്പിച്ചു.മുന്‍സിപ്പാലിറ്റി പരിസരത്ത് നിന്നാരംഭിച്ച റാലിയില്‍ നൂറ് കണക്കിന് കുടുംബശ്രി,അയല്‍കൂട്ടം പ്രവര്‍ത്തകരും കൗണ്‍സിലര്‍മാരും അണിനിരന്നു.സി ഡി എസ് വണ്‍ ചെയര്‍പേഴ്‌സണ്‍ ലതാ സുരേഷ്,വൈസ് ചെയര്‍പേഴ്‌സണ്‍ പുഷ്പാവതി.സി ഡി എസ് ടു ചെയര്‍പേഴ്‌സണ്‍ ഷൈലജാ ബാലന്‍ വൈസ് ചെയര്‍പേഴ്‌സണ്‍ ഗീതാരാമകൃഷ്ണന്‍ കൗണ്‍സിലര്‍മാരായ മീനാക്ഷി ജോഷി,വത്സല ശശി,അല്‍ഫോണ്‍സാ തോമസ് തുടങ്ങിയവര്‍ നേതൃത്വം നല്‍കി.