ഇരിങ്ങാലക്കുട : അപ്രതിക്ഷിതമായി ഉണ്ടായ കനത്ത കാറ്റിലും മഴയിലും ഇരിങ്ങാലക്കുടയിലും പരിസര പ്രദേശങ്ങളിലും കനത്ത നാശനഷ്ടങ്ങള്‍ ഉണ്ടായി.കൂടല്‍ മാണിക്യം ക്ഷേത്ര ഉത്സവത്തിന്റെ ഭാഗമായി ക്ഷേത്രത്തിന് മുന്നില്‍ സ്ഥാപിച്ചിരുന്ന വൈദ്യൂത അലങ്കാരങ്ങള്‍ ഓടിഞ്ഞ് വീണു.വിശ്വനാഥപുരം ക്ഷേത്രത്തിന് സമീപം സ്ഥാപിച്ചിരുന്ന ഉത്സവത്തിന്റെ കമാനവും ഒടിഞ്ഞ് സമീപത്തേ പെട്ടികടയുടെ മുകളിലേയ്ക്ക് വീണു.കൂടാതെ ക്ഷേത്രത്തിന് സമീപത്ത അലങ്കാരങ്ങള്‍ക്കായി നിര്‍മ്മാണം പൂര്‍ത്തിയായി വന്നിരുന്ന ലെറ്റുകള്‍ പലതും കാറ്റില്‍ പറന്ന് പോയി.ഇന്ന് ഉദ്ഘാടനം ചെയ്ത എക്‌സിബിഷന്‍ സെന്ററിലും നാശനാഷ്ടങ്ങള്‍ ഉണ്ടായി.കൂടാതെ ഇരിങ്ങാലക്കുടയില്‍ കാട്ടുങ്ങച്ചിറ ധര്‍മ്മപോഷണ നഗറില്‍,സിവില്‍ സ്‌റ്റേഷന് സമീപം, പുല്ലൂര്‍ തുടങ്ങി നിരവധി സ്ഥലങ്ങളില്‍ മരങ്ങള്‍ ഒടിഞ്ഞ് വീണ് നാശനഷ്ടങ്ങള്‍ ഉണ്ടായിട്ടുണ്ട്.വൈദ്യുതി വിതരണം എല്ലായിടത്തും തടസ്സപ്പെട്ടിട്ടുണ്ട്.ഫയര്‍ഫോഴ്‌സ് മരങ്ങള്‍ മാറ്റി സ്ഥിതിഗതികള്‍ ശാന്തമാക്കി കൊണ്ടിരിക്കുകയാണ്.
ഉപരോധിച്ച സംഭവത്തില്‍ എഞ്ചിനിയറിംങ്ങ് വിഭാഗം ഉദ്യോഗസ്ഥര്‍ പ്രതിഷേധിച്ചു.ഫയലുകള്‍ എല്ലാംതന്നെ സമയബന്ധിതമായി നീങ്ങുനുണ്ടെന്നും ആരോപണങ്ങള്‍ ഉന്നയിച്ച ഫയലുകള്‍ പരിശോധിച്ചെന്നും ഉദ്യോഗസ്ഥരുടെ ആത്മവീര്യം കെടുത്തുന്ന നടപടികളാണ് ഇത്തരം സംഭവങ്ങളെന്നും നഗരസഭാ സെക്രട്ടറി ഓ.എന്‍. അജിത് കുമാര്‍ പറഞ്ഞു.ചില പഴയ ഫയലുകള്‍ കണ്ടെത്താനുള്ള സ്വാഭാവികമായുണ്ടാക്കുന്ന സമയനഷ്ടമാത്രമാണ് സംഭവിക്കുന്നുള്ളു എന്നും ഫയലുകള്‍ ക്രമമായി സൂക്ഷിക്കുന്നതിനുള്ള നടപടികള്‍ ഉടന്‍ സ്വീകരിക്കുമെന്നും അദ്ദേഹം കൂട്ടിച്ചേര്‍ത്തു. എല്‍.ഡി.എഫ്. കൗണ്‍സിലര്‍മാര്‍ നടത്തിയ ഉപരോധസമരം തികച്ചും രാഷ്ട്രീയ പ്രേരിതമാണെന്ന് നഗരസഭാ ചെയര്പേഴ്സണ് നിമ്യ ഷിജു പറഞ്ഞു. നഗരസഭയിലെ വികസന പ്രവര്‍ത്തനങ്ങള്‍ക്ക് തുരങ്കം വെയ്ക്കുക എന്ന ഗൂഢലക്ഷ്യവും ഇതിനുപുറകിലുണ്ടെന്ന് ചെയര്‍പേഴ്സന്‍ കുറ്റപ്പെടുത്തി. എല്‍.ഡി.എഫിന്റെ ചില സ്ഥാപിത താല്പര്യക്കാര്‍ക്ക് അനര്‍ഹമായി ഉദ്യോഗസ്ഥതലത്തില്‍ കാര്യങ്ങള്‍ ചെയ്തുകൊടുക്കാന്‍ പറ്റാത്തതിലുള്ള എതിര്‍പ്പിന്റെ പ്രതിഫലനമാണ് ഉദ്യോഗസ്ഥര്‍ക്കെതിരെ ആരോപണങ്ങള്‍ ഉന്നയിക്കുന്നതെന്ന് സ്റ്റാന്റിംഗ് കമ്മിറ്റി ചെയര്‍മാന്‍ വി.സി വര്‍ഗ്ഗീസ് പറഞ്ഞു.
