ആനന്ദപുരം : ശ്രീകൃഷ്ണ സ്‌ക്കൂളിന്റെ അറുപത്തിയഞ്ചാം വാര്‍ഷികവും അദ്ധ്യാപക രക്ഷാകര്‍ത്തദിനവും യാത്രയയപ്പ് സമ്മേളനവും നടത്തി. വാര്‍ഷിക സമ്മേളനം തൃശൂര്‍ എം.പി.സി.എന്‍. ജയദേവന്‍ ഉദ്ഘാടനം നിര്‍വ്വഹിച്ചു. മുരിയാട് ഗ്രാമ പഞ്ചായത്ത് പ്രസിഡന്റ് സരള വിക്രമന്‍ അദ്ധ്യക്ഷത വഹിച്ചു, സ്‌കൂള്‍ മാനേജര്‍ ലീല അന്തര്‍ജ്ജനം വിരമിക്കുന്ന അധ്യാപികമാരുടെ ഫോട്ടോ അനാച്ഛാദനം ചെയ്തു. തൃശൂര്‍ ജില്ലാ പഞ്ചായത്ത് അംഗം ടി.ജി. ശങ്കരനാരായണന്‍ സ്‌കൂള്‍ മാഗസിന്‍ പ്രകാശനം ചെയ്തു. വിരമിക്കുന്ന പ്രധാന അദ്ധ്യാപിക എ .ജയശ്രീ മറുപടി പ്രസംഗം നിര്‍വ്വഹിച്ചു. സ്റ്റാഫ് സെക്രട്ടറി ബി. ബിജു റിപ്പോര്‍ട്ട് അവതരിപ്പിച്ചു. പ്രിന്‍സിപ്പല്‍ ബി.സജീവ് സ്വാഗതവും വാര്‍ഷികാഘോഷ കണ്‍വീനര്‍ ജി. സതീഷ് നന്ദിയും പറഞ്ഞു
Advertisement
