ഇൻസൈറ്റ്സ് സക്സസ് മാസികയുടെ 2022ലെ ലൈഫ് ടൈം അച്ചീവ്മെന്റ് അവാർഡ് പ്രൊഫസർ വികെ ലക്ഷ്മണൻ നായർക്ക്

36
Advertisement

ഇൻസൈറ്റ്സ് സക്സസ് മാസികയുടെ 2022ലെ ലൈഫ് ടൈം അച്ചീവ്മെന്റ് അവാർഡ് പ്രൊഫസർ വികെ ലക്ഷ്മണൻ നായർക്ക്ക്വാക്സിൽ കൺസൾട്ടൻറ്സ് പ്രൈവറ്റ് ലിമിറ്റഡിന്റെ എംഡി എന്ന നിലയിൽ ക്യുക്ക് അക്കാദമി ചാലക്കുടിയുടെ പ്രവർത്തനങ്ങളെ മുൻനിർത്തി, ബോംബെയിൽ നിന്ന് പ്രസിദ്ധീകരിക്കുന്ന ഇൻസൈറ്റ്സ് സക്സസ് മാസികയുടെ 2022ലെ ലൈഫ് ടൈം അച്ചീവ്മെന്റ് അവാർഡ് പ്രൊഫസർ വികെ ലക്ഷ്മണൻ നായർക്ക് ലഭിച്ചിരിക്കുന്നു. കോവി ഡ് വ്യാപനത്തെ തുടർന്ന് ഇന്ത്യ ഒരു ദുരവസ്ഥയിലേക്ക് നീങ്ങിയ 2020 മാർച്ച് മാസത്തിന് തൊട്ടുമുൻപ് ചാലക്കുടി കേന്ദ്രമാക്കി പ്രവർത്തനം ആരംഭിച്ചതാണ് ക്യുക്ക് ചാലക്കുടി . ക്വാക്സിൽ ഇൻകുബേറ്റർ ഫോർ ക്രിയേറ്റീവ് കിഡ്സ് എന്ന ഈ സ്ഥാപനം എസ്ഐപിയുടെ സഹായത്തോടെ കൊച്ചുകുട്ടികളെ അബാക്കസ് പരിശീലിപ്പിക്കാൻ തുടങ്ങിയതിന്റെ പന്ത്രണ്ടാം ദിവസം കേരളത്തിലെ മുഴുവൻ വിദ്യാഭ്യാസ സ്ഥാപനങ്ങളും അടച്ചുപൂട്ടേണ്ട ഒരു ദുരവസ്ഥ വന്നു കുട്ടികളെ ഓൺലൈനിൽ അബാക്കസ് പഠിപ്പിക്കുക എന്ന ധീരമായ ഒരു തീരുമാനം കൈക്കൊണ്ട ചാലക്കുടി സെൻറർ , എസ് ഐ പി അബാക്കസിന്റെ ലോകം ഒട്ടുക്കുമുള്ള 850 സെൻററുകളിൽ ഏറ്റവും ചുരുങ്ങിയ കാലഘട്ടം കൊണ്ട് ഏറ്റവും കൂടുതൽ മികവ് പ്രദർശിപ്പിച്ചതിൽ ഒന്നാം സ്ഥാനം നേടി. ക്വാക്സിൽ കമ്പനി തന്നെ പ്രവർത്തനമാരംഭിച്ചിട്ട് അഞ്ചുകൊല്ലമേ ആയിട്ടുള്ളൂ. താരതമ്യേന പുതിയ കമ്പനികളെ തേടിപ്പിടിച്ച് പ്രോത്സാഹിപ്പിക്കുന്ന ഇൻസൈറ്റ്സ് സക്സസ്, ക്വാക് സിലിന്റെ ചാലക്കുടി സെന്ററിന്റെ പ്രവർത്തനം സൂക്ഷ്മമായി വിലയിരുത്തി. പ്രൊഫസർ ലക്ഷ്മണൻ നായർ ഏതെല്ലാം മേഖലകളിൽ പ്രവർത്തന നിരതനാണ് എന്ന് അവർ വിശദമായ പഠനം നടത്തുകയും തൃശ്ശൂർ ഗവൺമെൻറ് എൻജിനീയറിങ് കോളേജിലെ സിവിൽ എൻജിനീയറിങ് പ്രൊഫസറായി 1997ൽ റിട്ടയർമെൻറിനെ തുടർന്ന് സ്റ്റേറ്റ് നിർമിതി കേന്ദ്രത്തിന്റെ കൺസൾട്ടന്റായി പ്രവർത്തിക്കുകയാണ് എന്ന് അറിയുകയും ചെയ്തു . കൂടാതെ 67-ാം വയസ്സിൽ ഒരുപിടി മണ്ണ് എന്ന നോവൽ എഴുതിക്കൊണ്ട് സാഹിത്യ രംഗത്തേ ക്കും കടന്ന പ്രൊഫസർ ലക്ഷ്മണൻ നായർ ഇതിനകം 12 പുസ്തകങ്ങൾ പ്രസിദ്ധീകരിച്ചു കഴിഞ്ഞു . ഭാരതീയ ദളിത് സാഹിത്യ അക്കാദമിയുടെ ഡോക്ടർ അംബേദ്കർ ഡിസ്റ്റിൻ ഗ്വിഷ്ഡ് സർവീസ് നാഷണൽ അവാർഡ് 2022, ടെക്കോസയുടെ ഗുരുശ്രേഷ്ഠ പുരസ്കാരം 2022, അങ്കണം ഷംസുദ്ദീൻ സ്മൃതിയുടെ ഷംസുദ്ദീൻ പുരസ്കാരം 2022, കൊടകര എഴുത്തുപുരയുടെ അക്ഷരശ്രീപതി അവാർഡ് 2022 ,കേരള സർക്കാർ ജനകീയാസൂത്രണ രജത ജൂബിലി അവാർഡ് തുടങ്ങിയവ കഴിഞ്ഞ ഒരു കൊല്ലത്തിനിടയിൽ പ്രൊഫസർ ലക്ഷ്മണ നായരെ തേടിവന്ന ഉപഹാരങ്ങളാണ്.കാലിക്കറ്റ് യൂണിവേഴ്സിറ്റി സെനറ്റ് മെമ്പർ , കാലിക്കറ്റ് യൂണിവേഴ്സിറ്റി ബോർഡ് ഓഫ് സ്റ്റഡീസ് എൻജിനീയറിങ് മെമ്പർ , സയൻസ് ആൻഡ് ടെക്നോളജി ആൻഡ് എൻവയോൺമെൻറ് ടാസ്ക്ക് ഗ്രൂപ്പ് മെമ്പർ ,നാഷണൽ സർവീസ് സ്കീം ടെക്നിക്കൽ സെൽ സ്റ്റേറ്റ് കോ-ഓർഡിനേറ്റർ, ശ്രീ കൂടൽമാണിക്യം ദേവസ്വം എഞ്ചിനീയറിംഗ് കൺസൾട്ടൻറ് , ഉണ്ണായിവാര്യർ സ്മാരക കലാനിലയം, കേരള കലാമണ്ഡലം, കേരളഫോക് ലോർ അക്കാദമി തുടങ്ങിയവയിൽ ഭാരവാഹിത്വം കലാമണ്ഡലം നീലകണ്ഠൻ നമ്പീശൻ അനുസ്മരണ സമിതി , പള്ളിപ്പുറം ഗോപാലൻ നായരാശാൻ അനുസ്മരണ സമിതി തുടങ്ങിയവയുടെ പ്രസിഡണ്ട് ,കേരള ശാസ്ത്ര സാഹിത്യ പരിഷത്തുമായി ബന്ധപ്പെട്ട പ്രവർത്തനങ്ങൾ,കില ഫാക്കൽറ്റി, വാസ്തുവിദ്യ പ്രതിഷ്ഠാൻ ,ഗ്ലോബൽ നിർമ്മിതി കേന്ദ്ര തുടങ്ങി തീർത്തും വ്യത്യസ്തമായ അനവധി മേഖലകളിൽ പ്രൊഫസർ ലക്ഷ്മണൻ നായർ ശ്രദ്ധേയനായി. ഇതെല്ലാം കണക്കിലെടുത്താണ് ഇൻസൈറ്റ് സക്സസ് മാസികയുടെ അവാർഡ്.

Advertisement