കുഞ്ഞലിക്കാട്ടില്‍ അന്നപൂര്‍ണ്ണേശ്വരി ക്ഷേത്രത്തിലെ വലിയ ഉത്സവം ജനസമൃദ്ധം

കിഴുത്താണി : കുഞ്ഞലിക്കാട്ടില്‍ ശ്രീ അന്നപൂര്‍ണ്ണേശ്വരി ക്ഷേത്രത്തിലെ തിരുവുത്സവം സമുചിതമായി ആഘോഷിച്ചു.24-ാം തിയ്യതി ക്ഷേത്രം തന്ത്രി ബ്രഹ്മശ്രി വാസുദേവന്‍ നമ്പൂതിരിപ്പാട് കൊടിയേറ്റം നിര്‍വഹിച്ചു.തുടര്‍ന്നുള്ള ദിവസങ്ങളില്‍ വിശേഷാല്‍ പൂജകളും കലാപരിപാടികളും നടന്നു.27-ാം തിയ്യതി വലിയ ഉത്സവദിവസം രാവിലെ 8.30 ന് ശിവേലിയും ഉച്ചതിരിഞ്ഞ് 3.30ന് എഴുന്നള്ളിപ്പിന് കലാമണ്ഡലം ഹരിഷ് മാരാര്‍,കലാധരന്‍,ഹരി,കനകന്‍ എന്നിവര്‍ പ്രമാണം നല്‍കി.രാത്രി 8ന് വിളക്കെഴുന്നള്ളിപ്പ് ഉണ്ടായിരുന്നു.ഞായറാഴ്ച്ച രാത്രി 8.30ന് പള്ളിവേട്ട എഴുന്നള്ളിപ്പ് നടക്കും.തിങ്കളാഴ്ച്ച കാറളം ആലുക്കല്‍ ആറാട്ട് കടവില്‍ ആറാട്ടോട് കൂടി ഉത്സവത്തിന് സമാപനം കുറിയ്ക്കും.