‘ഒരു കുട്ടിക്ക് ഒരു പുസ്തകം’ ക്യാമ്പയിനുമായി ക്രൈസ്റ്റ് കോളേജ് ഫിസിക്കല്‍ എഡ്യൂക്കേഷന്‍ വിഭാഗം

421
Advertisement
ഇരിങ്ങാലക്കുട: നിര്‍ധനരായ സ്‌കൂള്‍ കുട്ടികളെ സഹായിക്കുക എന്ന ലക്ഷ്യത്തോടെ 2018 ജൂണ്‍ മാസം വരെ നീണ്ടു നില്‍ക്കുന്ന ”ഒരു കുട്ടിക്ക് ഒരു പുസ്തകം” എന്ന ക്രൈസ്റ്റ് കോളേജ്  ഫിസിക്കല്‍ എഡ്യൂക്കേഷന്‍ ഡിപ്പാര്‍ട്ട്‌മെന്റിന്റെ നേതൃത്വത്തില്‍ നടത്തുന്ന ക്യാമ്പയിന് കോളേജ് പ്രിന്‍സിപ്പല്‍ ഇന്‍ ചാര്‍ജ് മാത്യു പോള്‍ ഊക്കെന്‍ ഉദ്ഘാടനം നിര്‍വഹിച്ചു. കോളേജില്‍ നിന്നും മറ്റു സംഘടനകളില്‍ നിന്നും സ്ഥാപനങ്ങളില്‍ നിന്നുമായി പുസ്തകങ്ങളും പഠനോപകരണങ്ങളും അടുത്ത 7 മാസങ്ങള്‍ കൊണ്ട് തന്നെ സമാഹരിച്ച് അടുത്ത അധ്യനവര്‍ഷം അത് നിര്‍ധനരായ കുട്ടികളിലേക്ക് എത്തിക്കുക എന്ന ലക്ഷ്യത്തോടെ ആണ് ഒരു കൂട്ടം കുട്ടികള്‍ ഇതിനായി ഇറങ്ങിയിരിക്കുന്നത്. ഇതിനായി കോളേജിനു മുന്‍പിലും, തുടര്‍ന്നുള്ള ദിവസങ്ങളില്‍ മറ്റു സ്ഥാപനങ്ങളിലുമെല്ലാം ബോക്‌സുകള്‍ സ്ഥാപിച്ചാണ് ഇവര്‍ ഈ പ്രവര്‍ത്തനം ചെയ്യുന്നത്. ഫിസികല്‍ എഡ്യൂക്കേഷന്‍ ഡിപ്പാര്‍ട്ട്‌മെന്റിന്റെ നേതൃത്വത്തില്‍ നടക്കുന്ന ഈ സംരംഭത്തിന് നേതൃത്വം നല്‍കുന്നത് ഗ്ലാഡ്വിന്‍ ഡേവിഡ്, എബി, സോജന്‍ എന്നിവരാണ്. ഇവര്‍ക്ക് പിന്തുണയുമായി വൈസ് പ്രിന്‍സിപ്പലായ ഫാദര്‍ ജോയ് പീണിക്കപറമ്പില്‍, എച്ച്.ഒ.ഡി. അരവിന്ദ്, സോണി എന്നിവരും ഉണ്ട്.