മുരിയാട് എ.യു.പി. സ്‌കൂളിനു മുമ്പിലെ സീബ്രാലൈനുകള്‍ പുന:സ്ഥാപിച്ചു

406

മുരിയാട്: മുരിയാട് എ.യു.പി.സ്‌കൂളിലെ വിദ്യാര്‍ത്ഥികളുടെ പരാതിക്ക് പരിഹാരം കണ്ട് ജവഹര്‍ ബാലജനവേദി നിയോജകമണ്ഡലം ചെയര്‍മാന്‍ ശ്രീജിത്ത് പട്ടത്തിന്റെ നേതൃത്വത്തില്‍ സീബ്രാലൈനുകള്‍ പുന:സ്ഥാപിച്ചു. കുട്ടികളുടെ ദുരിതത്തിന് പരിഹാരമായി അവര്‍ നല്കിയ പരാതിയുടെ അടിസ്ഥാനത്തിലാണ് വല്ലക്കുന്ന്- നെല്ലായി- ആമ്പല്ലൂര്‍ റോഡിലെ അമ്പലനട ബസ്സ്‌റ്റോപ്പിനു മുന്നിലുള്ള സീബ്രാലൈനുകള്‍ വീണ്ടും വരച്ച് കുട്ടികളുടെ സുരക്ഷിത യാത്ര ഉറപ്പു വരുത്തിയത്. ജവഹര്‍ ബാലജനവേദി നിയോജക മണ്ഡലം ചെയര്‍മാന്‍ ശ്രീജിത്ത് പട്ടത്ത്, മുരിയാട് മണ്ഡലം ചെയര്‍മാന്‍ പ്രേമന്‍ കുട്ടാല, ബ്‌ളോക്ക് വൈസ്‌ചെയര്‍മാന്‍ ലിജോ മഞ്ഞളി, പ്രദിഷ് പുതുവാട്ടില്‍, മനോജ് മുരിയാട്, ക്രിസ്റ്റഫര്‍ വേലിക്കകത്ത്, ഡേവിസ് താണിക്കല്‍, സദാനന്ദന്‍ കൊളപ്പിള്ളി, എം.കെ.ഉണ്ണികൃഷ്ണന്‍, ബെന്‍ജോണ്‍സണ്‍, കാര്‍ത്തികേയന്‍ നെടുംപറമ്പില്‍, ബാലചന്ദ്രന്‍ വടക്കുട്ട് എന്നിവര്‍ നേതൃത്വം നല്‍കി.

Advertisement