ഇരിഞ്ഞാലക്കുട റെയിൽവേ സ്റ്റേഷൻ വികസനസമിതി കേന്ദ്രറയിൽവേമന്ത്രിക്ക് സമർപ്പിക്കുന്ന ഒരുലക്ഷം പേരുടെ ഭീമഹർജി ഒപ്പിടൽ തൃശൂർ ജില്ലാകൗൺസിൽ വൈസ് ചെയർമാൻ ശ്രീ ടി. കെ സുധീഷ് ഇരിഞ്ഞാലക്കുട റെയിൽവേ സ്റ്റേഷനിൽ ഉദ്ഘാടനം ചെയ്തു.
കഴിഞ്ഞ ഒന്നര വർഷമായി വികസനസമിതി നടത്തുന്ന സമരപരിപാടികളെ അദ്ദേഹം അഭിനന്ദിച്ചു. സമരത്തിന്റെ ഫലമായി മൂന്ന് ട്രൈനുകൾക്ക് സ്റ്റോപ്പനുവദിക്കാനും പ്ലാറ്റഫോം, മേൽക്കൂര, ഇരിപ്പിടങ്ങൾ, ഭഷണാശാല, വിശ്രമമുറി, പാർക്കിംഗ് സൗകര്യങ്ങൾ നവീകരിച്ചു. എം പി ഫണ്ടിൽനിന്നനുവദിച്ച ഹൈമാസ്ററ് ലൈറ്റ് സ്റ്റേഷൻ പരിസരത്തുടൻ സ്ഥാപിക്കും.
കൂടുതൽ ട്രെയിനുകൾക്കു സ്റ്റോപ്പനുവദിക്കുന്നതടക്കമുള്ള നിരവധി ആവശ്യങ്ങൾ ഇനിയും നടപ്പാക്കുന്നതിനുവേണ്ടിയുള്ള പ്രക്ഷോഭത്തിന്റെ ഭാഗമായാണ് ഭീമഹർജിയുമായി വികസനസമിതി മുന്നോട്ടു പോകുന്നത്.
ഒപ്പിടൽ പരിപാടിക്ക് റെയിൽവേ സ്റ്റേഷൻ വികസനസമിതി പ്രസിഡന്റ് വർഗീസ് പന്തലൂക്കാരൻ വർക്കിംഗ് പ്രസിഡന്റ് അഡ്വ കെ. എഫ്. ജോസ്, വൈസ് പ്രസിഡന്റ്റുമാരായ അഡ്വ. പാപ്പച്ചൻ വാഴപ്പിള്ളി, സെക്രട്ടറി സോമൻ ശാരദലായം, ജോ സെക്രട്ടറി ഡേവിസ് ഇടപ്പിള്ളി, കുമാരൻ കൊട്ടാരത്തിൽ, ജോസ് കുഴിവെലീ, സ്റ്റീഫൻ കള്ളിവളപ്പിൽ എന്നിവർ നേതൃത്വം നൽകി
