സമഗ്ര ശിക്ഷാ കേരളത്തിന്റെ ആഭിമുഖ്യത്തിൽ 76 ലക്ഷം രൂപ ചെലവഴിച്ച് എട്ട് ക്ലാസ് മുറികളും സ്റ്റേജും ഉൾപ്പെടുന്ന പുതിയ കെട്ടിടവും പ്രീ പ്രൈമറി കുട്ടികൾക്കായി ആകർഷകമായ പ്രവർത്തനങ്ങളോടുകൂടിയ സ്റ്റാർസ് പദ്ധതിയിൽ ഉൾപ്പെടുത്തി 10 ലക്ഷം രൂപ ചെലവിൽ നിർമിച്ച വർണ്ണകൂടാരവും, സ്റ്റാർസ് പദ്ധതിയിൽ ഉൾപ്പെടുത്തി അഞ്ച് ലക്ഷം രൂപ ചെലവിൽ നിർമിച്ച വിദ്യാർത്ഥികളുടെ നൈപുണ്യ വികസനത്തിനുതകുന്ന ക്രിയേറ്റീവ് കോർണറുമാണ് കുട്ടികൾക്കായി സമർപ്പിച്ചത്.
കോണത്തുകുന്ന് കമ്മ്യൂണിറ്റി ഹാളിൽ നടന്ന ചടങ്ങിൽ വെള്ളാങ്ങല്ലൂർ ഗ്രാമപഞ്ചായത്ത് പ്രസിഡന്റ് നിഷ ഷാജി അധ്യക്ഷയായി. ജില്ലാ പ്രോജക്ട് ഓഫീസർ ഡോ. എൻ.ജെ ബിനോയ് പദ്ധതി വിശദീകരണം നടത്തി. പി.കെ.ഡേവിസ്, ഉണ്ണികൃഷ്ണൻ കുറ്റിപറമ്പിൽ, ഷീല സജീവൻ, കെ.ബി ബിനോയ്, കെ.കൃഷ്ണകുമാർ, എം.എം. മുകേഷ്, എൻ.കെ രമേഷ്, നീതു സുഭാഷ്, പി. എസ്. ഷക്കീന, എ.വി. പ്രകാശ് , ടി.എ. അനസ്, ഗ്രീഷ്മ സ്റ്റീവ്, റഫീക്ക് പട്ടേപ്പാടം തുടങ്ങിയവർ പ്രസംഗിച്ചു.
