സഹകരണ മേഖലയെ തകർക്കാനുള്ള നീക്കങ്ങൾ തിരിച്ചറിയണം : പി കെ ഡേവിസ് മാസ്റ്റർ
ഇരിങ്ങാലക്കുട : കേരളീയരുടെ സമസ്ത്ത മേഖലയിലും നിറസാന്നിധ്യമായ സഹകരണ മേഖലയെ തകർക്കാനുള്ള ദേശീയ നീക്കങ്ങൾ തിരിച്ചറിയണമെന്ന് മുൻ ജില്ലാ പഞ്ചായത്ത് പ്രസിഡണ്ടും സിപിഐഎം ജില്ലാ സെക്രട്ടറിയേറ്റ് അംഗവുമായ പി കെ ഡേവിസ് മാസ്റ്റർ മുകുന്ദപുരം താലൂക്ക് സർക്കിൾ സഹകരണ യൂണിയൻ ഇടതുപക്ഷ ജനാധിപത്യ മുന്നണി തിരഞ്ഞെടുപ്പ് കൺവെൻഷൻ നഗരസഭാ മിനി ടൗൺഹാളിൽ ഉദ്ഘാടനം ചെയ്തുകൊണ്ട് പറഞ്ഞു. കേരളത്തിന്റെയാകെ പൊതു സ്വത്തായ സഹകരണ മേഖല രാജ്യത്തിന് തന്നെ മാതൃകയാണ് അതിനെ വരിഞ്ഞുമുറുക്കാനുള്ള ശ്രമങ്ങൾക്കെതിരെ ജാഗ്രത പാലിക്കണമെന്നും ഡേവിസ് മാസ്റ്റർ പറഞ്ഞു. സിപിഐ അസിസ്റ്റന്റ് സെക്രട്ടറി എൻ കെ ഉദയപ്രകാശ് അധ്യക്ഷത വഹിച്ചു. സിപിഐഎം ജില്ലാ കമ്മിറ്റി അംഗങ്ങളായ ഉല്ലാസ് കളക്കാട്ട്. എം രാജേഷ്. പി കെ ശിവരാമൻ.
വി എ മനോജ് കുമാർ. ആർ എൽ ശ്രീലാൽ. ടി കെ സന്തോഷ് എന്നിവർ സംസാരിച്ചു. എം ബി ലത്തീഫ് ചെയർമാനായി 251 അംഗ തെരഞ്ഞെടുപ്പ് കമ്മറ്റിയെ തെരഞ്ഞെടുത്തു.
