ഇരിങ്ങാലക്കുട :സുരക്ഷിതമാലിന്യ സംസ്‌കരണം ഉറപ്പാക്കാന്‍ നടത്തേണ്ട ഇടപെടലുകളും ശുചിത്വശീലങ്ങളും
1 .ഉപയോഗിച്ച മാസ്‌കുകളും കയ്യുറകളും അണുവിമുക്തമാക്കി നശിപ്പിക്കണം.ഇവ ബ്ലീച്ചിങ് സൊല്യൂഷനില്‍ 1/2മണിക്കൂര്‍ മുക്കി വെച്ചതിനുശേഷം കുഴിച്ചുമൂടേണ്ടതാണ്. കയ്യുറകളും മാസ്‌കും മറ്റൊരു ആരോഗ്യപ്രശ്‌നമായി മാറാതിരിക്കട്ടെ
2 .ബ്ലീച്ചിങ് സൊല്യൂഷന്‍ തയ്യാറാക്കുന്ന രീതി
ഒരുലിറ്റര്‍ വെള്ളത്തില്‍ 3സ്പൂണ്‍ എന്ന കണക്കില്‍ ബ്ലീച്ചിങ് പൌഡര്‍ ഇട്ട് നന്നായി ഇളക്കി 10 മിനിട്ട് വെച്ചതിനു ശേഷം തെളി ഊറ്റിയെടുത്തു ഉപയോഗിക്കാവുന്നതാണ്. പ്രസ്തുത ലായനി കൊറോണവൈറസിനെതിരെ വീടിനുള്ളിലും പുറത്തും ഉപയോഗിക്കാവുന്ന ഏറ്റവും മികച്ച അണുനാശിനിയാണ്#
3 .കമ്മ്യൂണിറ്റി കിച്ചണുകള്‍, അഗതികളെയും ഭിക്ഷാടകരെയും പുനരധിവസിപ്പിച്ചിട്ടുള്ള കേന്ദ്രങ്ങള്‍ എന്നിവിടങ്ങളില്‍ മാലിന്യസംസ്‌കരണത്തിനു പ്രത്യേക ശ്രദ്ധ പുലര്‍ത്തേണ്ടതാണ്. തുരത്തേണ്ടത് കോവിഡിനെ മാത്രമല്ല എല്ലാത്തരം പകര്‍ച്ചവ്യാധികളെയുമാണ്
4 .എല്ലാ ആഴ്ചയിലും വീടും പരിസരവും സ്വന്തമായി വൃത്തിയാക്കണം. ഈ മഴക്കാലത്ത് പകര്‍ച്ചപ്പനി ഉണ്ടാവില്ല എന്ന് ഉറപ്പുവരുത്തുന്നതിനുള്ള അവസരമായി ഈ കൊറോണക്കാലം ഉപയോഗപ്പെടുത്താം. #
5 .അഴുകുന്ന മാലിന്യങ്ങള്‍ പുറത്തേക്ക് കൊണ്ടുപോകാന്‍ കഴിയാത്ത സാഹചര്യമാണ് മിക്കയിടത്തും ഉള്ളത്. ആയതിനാല്‍ ഉറവിടത്തില്‍ തന്നെ സംസ്‌കരിക്കുന്നതിനുള്ള നടപടികള്‍ സ്വീകരിക്കണം. കോവിഡ് 19 ന്റെ ഭീതിയൊഴിയുമ്പോള്‍ ഡെങ്കിപ്പനി, ചിക്കന്‍ഗുനിയ പോലുള്ള മറ്റു മാരകരോഗങ്ങള്‍ പടര്‍ന്നു പിടിക്കാതിരിക്കാന്‍ ഇതു സഹായകമാകും.
6 .പ്ലാസ്റ്റിക് പോലെ അഴുകാത്ത പാഴ്വസ്തുക്കള്‍ ഇക്കാലത്ത് വീട്ടിലെത്തുന്നത് കുറവായിരിക്കുമെങ്കിലും എത്തുന്നവ ഒരുകാരണവശാലും കത്തിക്കാതെ കഴുകി വൃത്തിയാക്കി സൂക്ഷിക്കുക. കോവിഡ് ഭീതി ഒഴിയുമ്പോള്‍ ഹരിതസേന അംഗങ്ങള്‍ വീടുകളിലെത്തി അവ, സംഭരിച്ചുകൊള്ളും. നല്ല മാലിന്യ സംസ്‌കരണ ശീലങ്ങള്‍ക്ക് ഈ കൊറോണക്കാലം വഴിതുറക്കട്ടെ
7 .വീട്ടിലുള്ള ഏതൊരാളും പുറത്തുപോയി വന്നാലും അകത്തു പ്രവേശിക്കുന്നതിനുമുന്പ് കൈകള്‍ സോപ്പുപയോഗിച്ഛ് വൃത്തിയാക്കണം. കോവിഡ് കാലത്ത് മാത്രമല്ല അതിനുശേഷവും
കോവിഡ് 19.. ജാഗ്രത. ഇരിഞ്ഞാലക്കുട നഗരസഭയില്‍ നിന്നുള്ള അറിയിപ്പ്
Popular Categories
Previous article![]( "BJP നിയോജകമണ്ഡലം പ്രസിഡണ്ട് കൃപേഷ് ചെമ്മണ്ടയുടെ നേതൃത്വത്തില്‍ മാസ്‌കുകള്‍ വിതരണം ചെയ്തു")
Next article![]( "തദ്ദേശ തിരഞ്ഞെടുപ്പ് വോട്ടര്‍ പട്ടിക ലോക്ക്ഡൗണിനുശേഷം പ്രസിദ്ധീകരിക്കും")
