ഗബ്രിയേല്‍ ഗാര്‍സിയ മാര്‍കേസിന്റെ ‘ലവ് ഇന്‍ ദ ടൈം ഓഫ് കോളറ ‘ എന്ന നോവലിനെ ആസ്പദമാക്കി 2007 ല്‍ ഇതേ പേരില്‍ പുറത്തിറങ്ങിയ ഹോളിവുഡ് ചിത്രം ഇരിങ്ങാലക്കുട ഫിലിം സൊസൈറ്റി സെപ്റ്റംബര്‍ 21 ന് സ്‌ക്രീന്‍ ചെയ്യുന്നു. മൈക്ക് നെവ്വല്‍ സംവിധാനം ചെയ്ത ചിത്രം ,അമ്പത് വര്‍ഷം നീണ്ടു നിന്ന ത്രികോണ പ്രണയത്തിന്റെ കഥയാണ് പറയുന്നത്.1870 മുതല്‍ 1930 വരെയാണ് കഥയുടെ കാലഘട്ടം.ടെലിഗ്രാഫ് മെസഞ്ചറായി ജീവിതം ആരംഭിച്ച് കപ്പല്‍ കമ്പനി ഉടമയായി മാറുന്ന ഫ്‌ളോറന്റിനൊ അരിസയുടെ പ്രണയ സാഫല്യത്തിന് വേണ്ടിയുള്ള അമ്പത് വര്‍ഷം നീണ്ട കാത്തിരിപ്പാണ് പ്രമേയം. കലാകാരന്‍ കൂടിയായ ഫ്‌ളോറന്റിനോയുടെ മനസ്സിലേക്ക് ഫെര്‍മിന ഡാസ എന്ന സുന്ദരി ഇടം തേടുന്നു.എന്നാല്‍ പ്രണയ നിമിഷങ്ങളെ മറന്ന് കോളറാക്കാലത്ത് തന്നെ ചികിത്സിക്കാന്‍ എത്തിയ ഡോ.അര്‍ബിനെയേയാണ് ഫെര്‍മിന ജീവിത പങ്കാളിയായി സ്വീകരിക്കുന്നത്. എണ്‍പത്തിയൊന്നാം വയസ്സില്‍ അര്‍ബി നൊ മരിക്കുമ്പോള്‍, ഫ്‌ളോറന്റിനൊ തന്റെ പ്രണയാഭ്യര്‍ഥന ഫെര്‍മിനോയോട് ആവര്‍ത്തിക്കുന്നു… ക്രൈസ്റ്റ് കോളേജ് ജംഗ്ഷനിലെ ഓര്‍മ്മ ഹാളില്‍ വൈകീട്ട് 6.30 നാണ് പ്രദര്‍ശനം.. പ്രവേശനം സൗജന്യം
