കേരള പിറവി ദിനത്തിൽ നഗരസഭ ഭരണസമിതിയുടെ സ്മരണയ്ക്കായി ” ഓർമ്മതുരുത്ത് ” പദ്ധതിക്ക് തുടക്കം കുറിച്ചു

28
Advertisement

ഇരിങ്ങലക്കുട :64-ാം മത് കേരളപിറവി ദിനത്തിൽ 2015-20 ഭരണസമിതിയുടെ സ്മരണയ്ക്കായി നഗരസഭ ഹിൽ പാർക്കിൽ( ട്രഞ്ചിംഗ് ഗ്രൗണ്ട്) “ഓർമ്മതുരുത്ത്” എന്ന പേരിലുള്ള ഹരിതവൽക്കരണ പദ്ധതിക്ക് തുടക്കം കുറിച്ചു. പദ്ധതിയുടെ ഉദ്ഘാടനം രാവിലെ 9.30 ന് മാവിൻതൈ നട്ടു കൊണ്ട് മുനിസിപ്പൽ ചെയർപേഴ്സൺ നിമ്യ ഷിജു നിർവ്വഹിച്ചു. തുടർന്ന് കൗൺസിലർമാരും ഉദ്യോഗസ്ഥരും വ്യത്യസ്ത ഇനം 50 മാവിൻ തൈകൾ നട്ടു. മാലിന്യനിർമ്മാർജ്ജന കേന്ദ്രമായ ഹിൽ പാർക്കും പരിസരവും ഹരിതാഭമാക്കുകയാണ് പദ്ധതിയുടെ ലക്ഷ്യം. ആരോഗ്യകാര്യ സ്റ്റാന്റിംഗ് കമ്മിറ്റി ചെയർമാൻ പി.എ. അബ്ദുൾ ബഷീർ അദ്ധ്യക്ഷം വഹിച്ച ചടങ്ങിന് വാർഡ് കൗൺസിലർ എം.ആർ. ഷാജു സ്വാഗതം ആശംസിച്ചു. സ്റ്റാന്റിംഗ് കമ്മിറ്റി ചെയർമാൻമാരായ കുരിയൻ ജോസഫ്, ബിജു ലാസർ , കൗൺസിലർമാരായ പി.വി.ശിവകുമാർ, മുനിസിപ്പൽ സെക്രട്ടറി അരുൺ. കെ.എസ് എന്നിവർ ആശംസകളർപ്പിച്ചു. യോഗത്തിന് ഹെൽത്ത് സൂപ്രവൈസർ പി.ആർ. സ്റ്റാൻലി നന്ദി രേഖപ്പെടുത്തി. ചടങ്ങിൽ കൗൺസിലർമാർ, ഉദ്യോഗസ്ഥർ, നഗരസഭ തൊഴിലാളികൾ, തൊഴിലുറപ്പ് തൊഴിലാളികൾ തുടങ്ങിയവർ പങ്കെടുത്തു. പ്രവർത്തനങ്ങൾക്ക് ഹെൽത്ത് ഇൻസ്പെക്ടർ അനിൽ. കെ.ജി, ജൂനിയർ ഹെൽത്ത് ഇൻസ്പെക്ടർമാരായ രാകേഷ്. കെ.ഡി., റിജേഷ് . എം.ഡി., തൊഴിലുറപ്പ് ഉദ്യോഗസ്ഥൻ സിജിൻ. ടി. എസ്. എന്നിവർ നേതൃത്വം നൽകി.