നോവയുടെ സ്‌നേഹ സംഗമം

ഇരിങ്ങാലക്കുട: ഇരിങ്ങാലക്കുട ക്രൈസ്റ്റ് കോളേജിലെ നാഷണല്‍ സര്‍വ്വീസ് സ്‌കീം പൂര്‍വ്വവിദ്യാര്‍ഥി സംഘടനയായ നോവയുടെ സ്‌നേഹസംഗമം ഡിസംബര്‍ 9-ാം തിയ്യതി ശനിയാഴ്ച രാവിലെ 10 മണിക്ക് ക്രൈസ്റ്റ് കോളേജ് ഓഡിറ്റോറിയത്തില്‍ വച്ച് നടത്തുന്നു. കാലടി സംസ്‌കൃത സര്‍വ്വകലാശാല വൈസ് ചാന്‍സലര്‍ ഡോ.ധര്‍മ്മരാജ് അടാട്ട് ഉദ്ഘാടനം ചെയ്യും. ജില്ലയിലെ വിവിധ കലാലയങ്ങളിലെ മുന്‍ പ്രോഗ്രാം ഓഫീസര്‍മാരും ക്രൈസ്റ്റിലെ എന്‍.എസ്.എസ്. പൂര്‍വ്വവിദ്യാര്‍ത്ഥികളും സംബന്ധിക്കുമെന്ന് എന്‍.എസ്. മുന്‍ പ്രോഗ്രാം ഓഫീസര്‍മാരായ കെ.ജെ. ജോസഫ്, വി.പി. ആന്റോ എന്നിവര്‍ അറിയിച്ചു.