ഇരിങ്ങാലക്കുട: റൂറല്‍ ജില്ലാ ട്രഷറി ഓഫീസിന്റേയും സബ്ബ് റജിസ്ട്രാര്‍ ഓഫീസിന്റേയും ശോച്യാവസ്ഥ പരിഹരിക്കണമെന്നാവശ്യപ്പെട്ട് കേരള എന്‍.ജി.ഒ. അസോസിയേഷന്‍ ഇരിങ്ങാലക്കുട ബ്രാഞ്ച് പ്രതിഷേധ മാര്‍ച്ച് നടത്തി. ഇരു ഓഫീസുകളിലേയും ജീവനക്കാരുടെ സുരക്ഷ ഉറപ്പാക്കണമെന്നും ഈ ഓഫീസുകള്‍ അടിയന്തിരമായി സിവില്‍ സ്റ്റേഷന്റെ പുതിയ കെട്ടിടത്തിലേക്ക് മാറ്റി സ്ഥാപിക്കണമെന്നും അസോസിയേഷന്‍ ആവശ്യപ്പെട്ടു. പ്രതിഷേധ മാര്‍ച്ച് എന്‍.ജി.ഒ. അസോസിയേഷന്‍ ജില്ലാ സെക്രട്ടറി സന്തോഷ് തോമസ് ഉദ്ഘാടനം ചെയ്തു. ബ്രാഞ്ച് പ്രസിഡന്റ് വി.എസ്. സിജോയ് അധ്യക്ഷനായിരുന്നു. പി.ആര്‍. കണ്ണന്‍, ടി.കെ. മുരളി, ദില്‍രാജ്, ഷമീര്‍ തുടങ്ങിയവര്‍ സംസാരിച്ചു.
Advertisement
