നൈപുണി വികസന കേന്ദ്രം ജില്ലാതല ഉദ്ഘാടനം

സമഗ്ര ശിക്ഷ കേരള യുടെ നേതൃത്വത്തിൽ നടത്തുന്ന നൈപുണി വികസന കേന്ദ്രങ്ങളുടെ ജില്ലാതല ഉദ്ഘാടനം ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആർ ബിന്ദു നിർവഹിച്ചു. ജില്ലാ പഞ്ചായത്ത് പ്രസിഡന്റ് വി.എസ് പ്രിൻസ് അധ്യക്ഷനായി. എസ്.എസ്. കെ ജില്ലാ പ്രൊജക്റ്റ് കോർഡിനേറ്റർ ഡോ. എൻ.ജെ ബിനോയ് സ്വാഗതം പറഞ്ഞു. ജില്ലാ പഞ്ചായത്ത് വൈസ് പ്രസിഡന്റ് ലതാ ചന്ദ്രൻ മുഖ്യാതിഥിയായി. ഡി.പി.ഒ ബ്രിജി കെ.ബി പദ്ധതി വിശദീകരണം നടത്തി. മുൻസിപ്പൽ ആരോഗ്യക്കാര്യ സ്റ്റാൻഡിങ് കമ്മിറ്റി ചെയർപേഴ്സൺ അംബിക പള്ളിപ്പുറത്ത്, പി.ടി.എ പ്രസിഡന്റ് അനിൽകുമാർ പി.കെ, പ്രിൻസിപ്പാൾ ബിന്ദു പി.ജോൺ, വി.എച്ച്.എസ്.സി പ്രിൻസിപ്പാൾ ഹെന കെ.ആർ, പ്രധാന അധ്യാപിക സുഷ കെ.എസ്, എസ്.ഡി.സി കോർഡിനേറ്റർ ദീപിക. രാജ് എന്നിവർ ആശംസകൾ അർപ്പിച്ചു. ബി.പി.സി കെ.ആർ സത്യപാലൻ നന്ദി പ്രകാശിപ്പിച്ചു. ജില്ലയിലെ വിവിധ സ്കൂളുകളിൽ ആയി വിവിധതരം നൈപുണി കോഴ്സുകൾ ഈ പ്രൊജക്ടിന്റെ ഭാഗമായി നൽകിവരുന്നു. കുട്ടികൾക്ക് പഠനത്തോടൊപ്പം ഒരു കൈത്തൊഴിലും പഠിക്കുക എന്നതാണ് ഈ പരിപാടിയുടെ ഉദ്ദേശ്യം.