മൃഗസംരക്ഷണ വകുപ്പ് റീബിൽഡ് കേരള പദ്ധതിയിൽ ഉൾപ്പെടുത്തി നടപ്പിലാക്കുന്ന ഇരിങ്ങാലക്കുട ബ്ലോക്ക് പഞ്ചായത്തിന്റെ മൊബൈൽ വെറ്ററിനറി യൂണിറ്റ് വാഹനത്തിന്റെ ഫ്ലാഗ് ഓഫ് കർമ്മം ബ്ലോക്ക് പഞ്ചായത്ത് ഹാളിൽ, ബഹുമാനപ്പെട്ട ഉന്നത വിദ്യാഭ്യാസ/ സാമൂഹ്യ നീതി വകുപ്പ് മന്ത്രി ഡോക്ടർ ബിന്ദു അവർകൾ നിർവഹിച്ചു.
ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡണ്ട് ശ്രീമതി ലളിതാബാലൻ അധ്യക്ഷത വഹിച്ച യോഗത്തിൽ ബഹുമാനപ്പെട്ട തൃശ്ശൂർ ജില്ലാ വൈസ് പ്രസിഡണ്ട് ശ്രീമതി ലതാ ചന്ദ്രൻ മുഖ്യാതിഥിയായിരുന്നു. ഇരിങ്ങാലക്കുട ബ്ലോക്ക് പഞ്ചായത്ത് വൈസ് പ്രസിഡണ്ട് ശ്രീ കെ എസ് രമേഷ് സ്വാഗതവും,ജില്ലാ മൃഗസംരക്ഷണ ഓഫീസർ ഡോക്ടർ അജിത് ബാബു പദ്ധതി വിശദീകരണവും നടത്തി.
ഗ്രാമപഞ്ചായത്ത് പ്രസിഡണ്ട് മാരായ ശ്രീ ജോസ് ജെ ചിറ്റിലപ്പള്ളി,കുമാരി ടിവി ലത, ശ്രീമതി ബിന്ദു പ്രദീപ്, ബ്ലോക്ക് പഞ്ചായത്ത് സ്റ്റാൻഡിങ് കമ്മിറ്റി ചെയർമാൻമാരായ ശ്രീമതി സുനിത മനോജ് ശ്രീമതി കാർത്തിക ജയൻ, ശ്രീ കിഷോർ പിടി,
ബ്ലോക്ക് പഞ്ചായത്ത് മെമ്പർ അമിതാ മനോജ്, അസിസ്റ്റന്റ് പ്രൊജക്റ്റ് ഓഫീസർ ഡോക്ടർ മഞ്ജു പി എം, ബ്ലോക്ക് പഞ്ചായത്ത് സെക്രട്ടറി ശ്രീ നിഖിൽ കെ കെ എന്നിവർ സംസാരിച്ചു.
സീനിയർ വെറ്ററിനറിസർജൻ ഡോക്ടർ എൻ കെ സന്തോഷ് നന്ദി രേഖപ്പെടുത്തി.
1962 എന്ന ടോൾഫ്രീ നമ്പറിലുള്ള കേന്ദ്രീകൃത കോൾ സെന്റർ സംവിധാനത്തിലൂടെയാണ് മൊബൈൽ വെറ്റിനറി യൂണിറ്റിന്റെ പ്രവർത്തനം കർഷകരുടെ വീട്ടുപടികൾ രാത്രി 6 മണി മുതൽ രാവിലെ 5 മണി വരെ ഇരിങ്ങാലക്കുട ബ്ലോക്കിലുള്ള നാല് പഞ്ചായത്തുകളിലും ഇരിങ്ങാലക്കുട നഗരസഭയിലും സാധ്യമാകുന്നത്.
