ആയിരം പേരെ
നിക്ഷേപകരാക്കി കരുവനൂർ സർവീസ് സഹകരണ ബാങ്ക്
ഇരിങ്ങാലക്കുട:
തിരിച്ചുവരവിന്റെ പാതയിൽ പ്രതിസന്ധികളെ മറികടക്കുകയാണ് കരുവന്നൂർ സർവ്വീസ് സഹകരണ ബാങ്ക്. ആയിരം പേരെ നിക്ഷേപകരാക്കുന്ന പദ്ധതിയുടെ ഭാഗമായി 1164 പേർ കരുവന്നൂർ ബാങ്കിൽ നിക്ഷേപം നടത്തി. ഒരു കോടി രൂപയാണ് ഇതിലൂടെ സമാഹരിക്കാനായത്. നിക്ഷേപ സമാഹരണ യജ്ഞത്തിൽ മികച്ച മാതൃക കാഴ്ച്ചവച്ച ജീവനകാർക്കുള്ള അവാർഡ് ദാന ചടങ്ങും മോട്ടിവേഷൻ ട്രെയ്നിംഗും സംഘടിപ്പിച്ചു. ചടങ്ങ് ഉന്നത വിദ്യാ വിദ്യാഭാസ സാമൂഹ്യ നീതി വകുപ്പ് മന്ത്രി ഡോ.ആർ. ബിന്ദു ഉദ്ഘാടനം ചെയ്തു. അഡ്മിനിസ്ട്രേറ്റിവ് കമ്മിറ്റി കൺവീനർ ആർ.എൽ. ശ്രീലാൽ അദ്ധ്യക്ഷത വഹിച്ചു. പ്രശസ്ത കൗൺസലിംഗ് വിദഗ്ദൻ ഡോ.ജോബി ജോണൽ മോട്ടിവേഷൻ ട്രെയ്നിംഗ് നടത്തി. അഡ്മിനിസ്ട്രേറ്റിവ് കമ്മിറ്റി അംഗങ്ങളായ കെ.ജെ.ജോൺസൻ, കെ.കെ. വൽസലൻ, ചീഫ് എക്സിക്യുടിവ് ഓഫീവർ കെ.ആർ.രാജേഷ്, അസി.സെക്രട്ടറി ഇ.എസ്. ശ്രീകല, ബ്രാഞ്ച് മാനേജർ ഐ.ആർ. ബൈജു, ബിന്ദു.കെ.പി, ഹിത.വി.എച്ച് എന്നിവർ സംസാരിച്ചു.
