ആലപ്പുഴ -കണ്ണൂർ സ്പെഷൽ ട്രയിനിന് ഇരിങ്ങലക്കുട ,പുതുക്കാട് സ്റ്റേഷനുകളിൽ സ്റ്റോപ്പ്

ഇരിങ്ങാലക്കുട :06307/06308 ആലപ്പുഴ -കണ്ണൂർ സ്പെഷൽ എക്സ്പ്രസ്സിന് പുതുക്കാട് ,ഇരിങ്ങാലക്കുട റെയിൽവേ സ്‌റ്റേഷനുകളിൽ സ്റ്റോപ്പ് അനുവദിച്ചു .ജനുവരി 10 മുതൽ ആലപ്പുഴയിൽ നിന്നാണ് ട്രയിൻ സർവ്വീസ് ആരംഭിക്കുന്നത് .ദിവസവും വൈകീട്ട് 4:55 ന് ഇരിങ്ങാലക്കുട, വൈകീട്ട് 5:08 ന് പുതുക്കാട് സ്റ്റേഷനുകളിൽ നിന്ന് കണ്ണൂരിലേക്കും രാവിലെ 10:07 ന് പുതുക്കാട് ,10:18 ന് ഇരിങ്ങാലക്കുട സ്റ്റേഷനുകളിൽ നിന്ന് എറണാകുളം ജംഗ്ഷൻ വഴി ആലപ്പുഴയിലേക്കും ആണ് സർവ്വീസ് .പുതുക്കാട്, ഇരിങ്ങാലക്കുട നിന്ന് ഏറ്റവും കൂടുതൽ യാത്രക്കാരുള്ള എറണാകുളം ഭാഗത്തേക്ക് ട്രയിൻ ഏറെ പ്രയോജനമാകുമെന്നാണ് സ്ഥിരം യാത്രക്കാരുടെ അനുമാനം .ഓൺലൈൻ ആയി ഐ ആർ സി ടി സി യുടെ വെബ്ബ് സൈറ്റോ ,മൊബൈൽ ആപ്പോ ഉപയോഗിച്ച് ടിക്കറ്റ് ബുക്ക് ചെയ്യാം .ഇരിങ്ങാലക്കുട റെയിൽവേ സ്റ്റേഷനിലും ടിക്കറ്റ് റിസർവ് ചെയ്യാവുന്നതാണ് .നിലവിൽ രാവിലെ 6 05 ന് കോട്ടയം വഴി കന്യാകുമാരിയിലേക്കും രാത്രി 7 24 ന് ബാംഗ്ലൂരിലേക്കും സർവ്വീസ് നടത്തുന്ന ബാംഗ്ലൂർ -കന്യാകുമാരി ഐലൻ്റ് എക്സ്പ്രസ്സ് ആണ് പുതുക്കാട് സ്റ്റോപ്പ് ഉള്ളത് .സ്റ്റേഷനിൽ നിന്ന് റിസർവേഷൻ സമ്പ്രദായം ആരംഭിക്കുക ,സ്ഥിരം യാത്രക്കാർക്കായി സീസൺ ,അൺ റിസർവ്വ്ഡ് ടിക്കറ്റ് ടിക്കറ്റുകൾ കൗണ്ടറുകളിൽ ലഭ്യമാക്കുക ,ഗുരുവായൂർ – തിരുവനന്തപുരം ഇൻ്റർ സിറ്റി എക്സ്പ്രസ്സിന് സ്റ്റോപ്പ് അനുവദിക്കുക എന്നീ ആവശ്യങ്ങളാണ് പുതുക്കാട് ട്രയിൻ പാസഞ്ചേഴ്സ് അസ്സോസിയേഷൻ മുന്നോട്ട് വക്കുന്നത് .ട്രയിനിന് ജില്ലയിൽ തൃശൂർ .വടക്കാഞ്ചേരി ,ചാലക്കുടി സ്റ്റേഷനുകളിൽ സ്റ്റോപ്പ് ഉണ്ട് .