ഇരിങ്ങാലക്കുട: ശാരീരികവും സാമ്പത്തികവുമായി ഏറെ കഷ്ടപ്പെടുന്ന സബിതയ്ക്ക് നീഡ്‌സ് സൗജന്യമായി നിര്‍മിച്ചു നല്‍കുന്ന നീഡ്‌സ് ഭവനത്തിന്റെ തറക്കല്ലിടല്‍ ചടങ്ങ് മുന്‍ സര്‍ക്കാര്‍ ചീഫ് വിപ് തോമസ് ഉണ്ണിയാടന്‍ നിര്‍വഹിച്ചു. കേറിക്കിടക്കാന്‍ സ്വന്തമായൊരു വീടെന്ന സബിതയുടെയും ഉമ്മയുടെയും സ്വപ്നത്തിനാണ് നീഡ്‌സ് സഹായഹസ്തം നീട്ടിയിരിക്കുന്നത്. നഗരസഭ ഒന്നാം വാര്‍ഡിലെ മൂര്‍ക്കനാട് വാക്കേപറമ്പില്‍ പരേതനായ അബ്ദുള്‍ ഖാദറുടെ മകള്‍ സബിതയ്ക്കാണ് നീഡ്‌സ് ജീവകാരുണ്യ പദ്ധതിയുടെ ഭാഗമായി സൗജന്യമായി വീട് നിര്‍മിച്ചു നല്‍കുന്നത്.ജന്മനായുണ്ടായ അസുഖം മൂലം മുപ്പത് വര്‍ഷമായി പരസഹായമില്ലാതെ എഴുന്നേല്‍ക്കാന്‍ പോലും സാധിക്കത്ത സബിതയും 72 വയസുള്ള ഉമ്മ സുബൈദയും സ്വന്തമായി ഒരു വീടില്ലാതെ ബന്ധുക്കളുടെ വീടുകളില്‍ താമസിച്ച് കഷ്ടപ്പെടുന്നതിനിടയിലാണ് നീഡ്‌സ് സഹായവുമായെത്തിയത്. അഞ്ച് ലക്ഷം രൂപ ചെലവഴിച്ച് 608 ചതുരശ്ര അടി വിസ്തൃതിയുള്ള വീടാണ് നിര്‍മിക്കുന്നത്.ചടങ്ങില്‍ നീഡ്‌സ് വൈസ് പ്രസിഡന്റ് പ്രൊഫ.ആര്‍.ജയറാം അധ്യക്ഷത വഹിച്ചു.നഗരസഭ കൗണ്‍സിലര്‍ കെ.കെ.അബ്ദുള്ളക്കുട്ടി, നീഡ്‌സ് ഭാരവാഹികളായ ഡോ.എസ്.ശ്രീകുമാര്‍ ,ബോബി ജോസ്, എം.എന്‍.തമ്പാന്‍, കെ.പി.ദേവദാസ്,’ ഗുലാം മുഹമ്മദ്, കെ.കെ.സഖറിയ എന്നിവര്‍ പ്രസംഗിച്ചു.
Popular Categories
Previous article![തുമ്പൂര്‍ സെന്റ് മാത്യൂസ് ദേവാലയത്തിലെ വി. സെബാസ്ത്യാനോസിന്റെ തിരുനാളിന് കൊടിയേറി]( "തുമ്പൂര്‍ സെന്റ് മാത്യൂസ് ദേവാലയത്തിലെ വി. സെബാസ്ത്യാനോസിന്റെ തിരുനാളിന് കൊടിയേറി")
Next article![മുകുന്ദപുരം താലൂക്ക് ഗ്രാമവികസന സഹകരണ സംഘം നവീകരിച്ച ഓഫിസ് പ്രവര്‍ത്തനമാരംഭിച്ചു.]( "മുകുന്ദപുരം താലൂക്ക് ഗ്രാമവികസന സഹകരണ സംഘം നവീകരിച്ച ഓഫിസ് പ്രവര്‍ത്തനമാരംഭിച്ചു.")
