ക്രൈസ്റ്റ് എൻജിനീയറിങ് കോളേജിൽ കോഴ്സ് കംപ്ളീഷൻ സെറിമണി
ഇരിങ്ങാലക്കുട : ഇരിങ്ങാലക്കുട : മികവിനോടുള്ള മനോഭാവമാണ് കരിയറിൽ എത്തിച്ചേരുന്ന ഉയരത്തിൻ്റെ മാനദണ്ഡമായി മാറുന്നതെന്നു സുപ്രീം കോടതി മുൻ ജഡ്ജി കുര്യൻ ജോസഫ് അഭിപ്രായപ്പെട്ടു. ക്രൈസ്റ്റ് കോളേജ് ഓഫ് എഞ്ചിനീയറിംഗ് 2021-25 ബാച്ചിൻ്റെ കോഴ്സ് കംപ്ലീഷൻ സെറിമണി ഉദ്ഘാടനം ചെയ്ത് സംസാരിക്കുക യായിരുന്നു അദ്ദേഹം.
എക്സിക്യൂട്ടീവ് ഡയറക്ടർ ഫാ. ജോൺ പാലിയേക്കര അധ്യക്ഷത വഹിച്ച സമ്മേളനത്തിൽ സി എം ഐ ദേവമാതാ പ്രൊവിൻസ് പ്രൊവിൻഷ്യൽ ഫാ. ഡോ. ജോസ് നന്തിക്കര മുഖ്യ പ്രഭാഷണം നടത്തി. ഇരിങ്ങാലക്കുട ക്രൈസ്റ്റ് സ്ഥാപനങ്ങളുടെ മാനേജർ ഫാ. ജോയി പീനിക്കപറമ്പിൽ,
പ്രിൻസിപ്പൽ ഡോ. സജീവ് ജോൺ, വൈസ് പ്രിൻസിപ്പൽ ഡോ. വി ഡി ജോൺ, മെക്കാനിക്കൽ വിഭാഗം മേധാവി ഡോ. എം ടി സിജോ തുടങ്ങിയവർ പ്രസംഗിച്ചു. അക്കാദമിക് ഡയറക്ടർ ഡോ. മനോജ് ജോർജ് കോഴ്സ് കംപ്ളീഷൻ പ്രതിജ്ഞ ചൊല്ലിക്കൊടുത്തു. 2025 ൽ ബി ടെക് കോഴ്സ് പൂർത്തിയാക്കിയ വിദ്യാർത്ഥികൾക്കുള്ള സർട്ടിഫിക്കറ്റുകളും വിവിധ എൻഡോവ്മെൻ്റുകളും ചടങ്ങിൽ വിതരണം ചെയ്തു.
