മലയാളം
English
ഇരിങ്ങാലക്കുട: കാട്ടൂർ പോലീസ് സ്റ്റേഷൻ പരിധിയിൽ, കരാഞ്ചിറ ബിഷപ്പ് ആലപ്പാട്ട് മെമ്മോറിയൽ ആശുപത്രിക്ക് പടിഞ്ഞാറ് ഭാഗത്ത് ആളൊഴിഞ്ഞ പറമ്പിൽ നിന്നും
മാരക മയക്കുമരുന്നായ എംഡിഎംഎ യുമായി യുവാക്കൾ അറസ്റ്റിൽ . ആലപ്പാട് ഇരട്ടപ്പാലം മഠത്തിൽ വീട്ടിൽ ലിതിൻ ( 24 ), കരാഞ്ചിറ കവലക്കാട്ട് വീട്ടിൽ ഫിന്റോ ( 35 ),കരാഞ്ചിറ ചിറ്റിലപ്പിള്ളി വീട്ടിൽ അലെന്റ (22) , ചേർപ്പ് ചിറക്കൽ കോട്ടം റോഡ് കൊലയിൽ വീട്ടിൽ അബിൻ രാജ് (26),കരാഞ്ചിറ മണ്ണാൻ പറമ്പിൽ വീട്ടിൽ യദു കൃഷ്ണ ( 21 )എന്നിവരെയാണ് എംഡിഎം യും കഞ്ചാവും സഹിതം
തൃശ്ശൂർ റൂറൽ ജില്ലാ ഡാൻസാഫ് ടീമും, കാട്ടൂർ പോലീസും ചേർന്ന് പിടികൂടിയത്.തൃശൂർ റൂറൽ ജില്ലാ പോലീസ് മേധാവി ഐശ്വര്യ ഡോൺഗ്രെ ഐപിഎസ് ന് ലഭിച്ച രഹസ്യവിവരത്തെ തുടർന്ന് തൃശൂർ റൂറൽ ജില്ലാ ഡിസിബി ഡിവൈഎസ്പി ഷാജ് ജോസ്, സി ഐ അരുൺ എന്നിവരുടെ നേതൃത്വത്തിൽ കാട്ടൂർ സി ഐ മഹേഷ്‌, ഉദ്യോഗസ്ഥരായ അരിസ്റ്റോട്ടിൽ, മണികണ്ഠൻ, ശ്രീലക്ഷ്മി,സ്റ്റീഫൻ, ജയകൃഷ്ണൻ, പ്രസാദ് , ലിജു ഇയ്യാനി, മിഥുൻ കൃഷ്ണ,ഷറഫുദ്ധീൻ,മാനുവൽ, ശ്യാം,സനൽ, ശബരി എന്നിവരടങ്ങിയ പോലീസ് സംഘമാണ് പ്രതികളെ പിടികൂടിയത്.പിടിയിലായ ലിതിൻ പാവറട്ടി പോലീസ് സ്റ്റേഷനിൽ വധശ്രമം, ഭവനഭേദന കേസുകളിൽ പ്രതിയാണ്.കൂടാതെ മറ്റൊരു പ്രതിയായ യദുകൃഷ്ണൻ ആളൂർ പോലീസ് സ്റ്റേഷനിൽ എൻഡിപിഎസ് കേസ്സിലും അബിൻ രാജ് മണ്ണുത്തി പോലീസ് സ്റ്റേഷനിലെ തട്ടികൊണ്ട് പോകൽ കേസിലും പ്രതിയാണ്.കേസിലെ മറ്റൊരു പ്രതിയായ ഫിന്റോ ടൂറിസ്റ്റ് ബസ് ഉടമയാണ്. ടൂറിസ്റ്റ് ബസിന്റെ മറവിൽ കാലങ്ങളായി എംഡിഎംഎ ലഹരി വില്പന നടത്തി വരികയാണ്.പിടിയിലായ പ്രതികളെ വിശദമായി ചോദ്യം ചെയ്തതിനു ശേഷം ഇവർക്ക് എംഡിഎംഎ കൊടുക്കുന്ന ആളുകളെയും ഇവരിൽ നിന്നും എംഡിഎംഎ വാങ്ങിക്കുന്ന ആളുകളെയും കുറിച്ച് പോലീസ് വിശദമായി അന്വേഷണം ആരംഭിച്ചിട്ടുണ്ട്.
