നിര്യാതനായി
കാണാതായ എടക്കുളം സ്വദേശിയായ യുവാവിനെ മരിച്ച നിലയിൽ കണ്ടെത്തി
ഇരിങ്ങാലക്കുട എടക്കുളം വലിയപ്പാലത്തിന് സമീപം താമസിക്കുന്ന അശ്വന്ത് (25) ആണ് മരിച്ചത്. എറണാകുളം മരട് കായലിന് സമീപത്തുനിന്നാണ് മൃതദേഹം കണ്ടെത്തിയത്.
ഈ മാസം 10-ാം തീയതി പാലക്കാട് ഉള്ള സുഹൃത്തിനെ കാണാനായി പോയ അശ്വന്ത് പിന്നീട് വീട്ടിലെത്തിയിരുന്നില്ല. പാലക്കാട് നിന്നും മടങ്ങിയതായി വിവരം ലഭിച്ചിരുന്നുവെങ്കിലും തുടര്ന്നുള്ള വിവരമൊന്നും ലഭിക്കാതിരുന്നതിനാൽ ബന്ധുക്കൾ പാലക്കാട് ടൗൺ സൗത്ത് പോലീസ് സ്റ്റേഷനിൽ പരാതി നൽകിയിരുന്നു.
പൂമംഗലം പഞ്ചായത്ത് മുൻ സ്റ്റാൻഡിംഗ് കമ്മിറ്റി ചെയർമാൻ തൈവളപ്പിൽ സന്തോഷിന്റെ മകനായ അശ്വന്ത് ബിരുദാനന്തര ബിരുദധാരിയായിരുന്നു. കവിതകളുടെ സമാഹാരം പുറത്തിറക്കാനുള്ള ഒരുക്കത്തിലായിരുന്നു.
മാതാവ്: സന്ധ്യ
സഹോദരൻ: ആഷിൽ
മൃതദേഹം തൃശ്ശൂർ ജില്ലാ ആശുപത്രിയിൽ സൂക്ഷിച്ചിരിക്കുകയാണ്
